مصدوووومة والله

[Blueflower84]

بنات والله مصدووومة من ريلي.. انا صارلي متزوجة خمس سنين وعندي ياهلين ريلي زين معاي و مع عيالة.. وملتزم يصلي ويصوم ودايماً يقرا قرآن... اهوا من خذيته كان حاط رقم سري بتلفونه وكان يقولي ان حاطه لان ربعه ساعات يدزوله نكت قليلة ادب ومايبيني اشوف وانا عمري ما شكيت فيه.. من فترة عرفت رقمه السري واهوا مايدري اني عرفته فكنت ساعات اتعبث بتليفونه مو شك بس فضول بعرف سوالفه مع ربعه.. وطول هالمدة ماشفت اي شي يشككني فيه.. اليوم هم خذيت تليفونه ودشيت وتس اب شفت محادثة الرقم مسجله باسم ريال ويوم دشيت عالمحادثة شفت ان ريلي قاعد يكلم صاحب الرقم على ان بنية ودازلها صباح الخير وهالسوالف وكابلها ودي اقعد معاج واسولف هم كان دازلها برود كاست احاديث عن الرسول عن الجنس بين الريال وزوجته.. واهيا دازتله بوسات وسوالف.. يوم شفت الصورة الي حاطتها بالوتس ولا حاطة صورة ولدين بو عشر و ثمان سنين و الستيت مالها دعاء... انا انصدمت بس هم قلت يمكن غشمرة شباب لان الستيت والصورة مايدلون انها اكيد وحدة.. المهم حفظت رقمها و قلت عشان اتأكد خل ادق على الرقم.. مساعة رحت دقيت من رقم البيت وسمعت صوتها بنية واللله حسيت جنه حلم مو صج حتى وانا قاعدة ادق قلت اكيد بشيله ريال وكنت مستبعدة انها تكون صج بنية... وقبل يوم حفظت الرقم دشيت هم على مكالماته وشفت ان داق عليها واهيا داقة عليه... والله مصدومة مادري شسوي.. اكلمه ولا اسكت ولا شسوي عفية قولولي

 

[رنيم الروح]

الله يكون بعونك ويفيدونك البنات ان شاءالله اكثر

 

[Blueflower84]

بنات دقيت عليها من رقم البيت الثاني جم مرة ماردت والحين يطلعي الجهاز مغلق.. اتهقون شكت بالموضوع.. وااي مادري شسوي.. اهوا قاعد يلمحلي ان يبيني الليلة وانا مالي خلقة شقوله اهوا طالع الحين شسوي اذا رد؟؟؟؟؟؟

 

[غالية...]

يا اختي دام رجلج زين معاج لا تفكرين انج تخربين بيتج بمصارحتج له لان هذا بداية الخراب دام انه يسوي هالشي من وراج معناته شاريج و يبيج و يبي يحافظ على بيته لكن متى ماواجهتيه ماراح يهتم انه يخفي هالامر عليج و ماكو انسان كامل كل انسان له اغلاط و شي اهون من شي حاولي تصلحين الخلل الي ممكن يكون موجود فيج تقربي من زوجج اكثر و خلي ببالج انه (( سيد القوم أغفلهم )) لا تدورين وراه و تفتشين و هالامر اصلا حرام و مايجوز حتى بالشرع لان يعتبر من التجسس خلي حياتج تمشي طبيعي لا تدخلين المشاكل لبيتج تقربي لزوجج و غيري من اسلوبج و اهم شي يالغاليه الدعااااااااااء خلي ببالج انه ماتقدرين تغيرين زوجج الا بعون الله تعالى ادعيه و الحي بالدعاء ،،،، عسى ربي يهديه و يهدي سركم����

 

[ناتشوو]

يعني متوقعه انه متزوج قبلج
وهذولا عياله ؟؟

 

[Blueflower84]

مشكورين الي ردو.. لا طبعاً مو عياله بس اقصد ان يمكن عيالها يمكن مطلقة او شي.. بس انا ماحب اعيش جني مغفلة.. واخاف السالفة اتكون توهاا يديدة واذا ماصارحته يتمادا فيها وتطور.. انل ودي ان يدري اني ادري بس مادري شلون اتصرف.. يعني ماقدر اعطيه حقه الشرعي وانا شاكة ان ممكن يكون عند علاقة مع وحدة ثانية مادري اهيا شنو بالله كان متزوجها ويابلي امراض شسوي حزتها

 

[ضــمــاد]

لاتستعيلين


شوفي بأسم منو الخط

في برنامج بالايفون , تحطين الرقم , ويطلع لج الناس بأسم شنو حافظين هالرقم

يعني مثلا ً , أنا عندي رقمج , لما أحط رقمج بالهابرنامج راح يطلع عندي فلانه الفلاني

أسم البرنامج ( نمبر بوك )


يعني لاتواجهين بدون دليل , والافضل براي


انج ماتواجهين , لانه الله لايقوله لو انه متزوج بالسر الله لايقوله
( بما انه زوجج ملتزم فنستبعد انه يرضا بعلاقه محرمه )


بمواجهتج له , ممكن تخلينه يطلعها للعلن

وتتحول من وحده بالسر ,, لوحده الكل يدري بوجودها




​

 

[الشيخه3]

شكلها زوجته عموما اهدي شوي خلي الكرة في ملعبك. اذا ثرت عليه راح يركض لها ولا تفتشين وراه عشان ماتتضايقين لأنه ماراح تكونين السيدة الأولى بقلبه اذا فتشتي وراه. اسألي نفسك ليه يحتاج لوحده ثانية دام اني جنبه شوفي القواصر .
تبين نصيحتي صلي ركعتين وخلي جلستك معه الليله مثل ليلة عرسكم ويمكن أحسن انشاء الله .
ولعيونك هذا حساب ناعمة الهاشمي على تويتر
*******.com/NaemahAlhashmi

 

[Blueflower84]

انا من كثر ما انا مو مصدقة حتى مابجيت.. وانا مو من النوع الي اصرخ واسويها مصيبة.. اذا بكلمه راح اكلمه بهدوء بس اذا السالفة صج انها زوجته مستحيل اعامله كزوجة راح اعاملة كابو عيالي بش واذا بقعد عنده بقعد عشان عيالي ومالس شغل فيه بس الي حارقني اني مابي اكرف عشانه اطبخ واجابلة واحاتي رضاه علي واهوا عنده وحدة ثانية ماحب احس روحي مغفلة ماقدر ماستحمل

 

[ضــمــاد]

انا من كثر ما انا مو مصدقة حتى مابجيت.. وانا مو من النوع الي اصرخ واسويها مصيبة.. اذا بكلمه راح اكلمه بهدوء بس اذا السالفة صج انها زوجته مستحيل اعامله كزوجة راح اعاملة كابو عيالي بش واذا بقعد عنده بقعد عشان عيالي ومالس شغل فيه بس الي حارقني اني مابي اكرف عشانه اطبخ واجابلة واحاتي رضاه علي واهوا عنده وحدة ثانية ماحب احس روحي مغفلة ماقدر ماستحمل

حياتي لا تستعيلين , ولا تواجهين نصيحه من كل قلبي لاتواجهين


اغلب اللي يواجهون يخسرووووووون


أنتي قلبي الموضوع براسج , فكري عدددددل


لاتستعيلين

 

[M!SS.LOBY]

لا حول ولاقوة الا بالله

 

[زوجة حياتي]

الله يكون بعونج حبيبتي طمنينا عليج

 

[Blueflower84]

مشكورين حبيباتي.. رجع البيت انا مافاتحته بالموضوع بس مبين علي اني مو على بعضي و اهوا حس وقالب شفيج قتله ولا شي.. مو قادرة اتحمل والله احس جنه شي واقف على صدري وكل ما اشوف ويعا اتييني البجية.. احس كل شي ضاع والي بينا انكسر.. وانا مشكلتي ماعرف امثل والي احس فيه يبين على ويهي.. ماقدر اضغط على روحي عشان انسان مايستاهل.. الله كريم.. والي عندها تجربة بهالمواضيع او نصايح يريت اتقولي شسوي شلون اتصرف.. احس ماراح اقدر اسكت مدة طويلة

 

[song]

حبيبتي اول شي لازم تسوينه انج ماتواجهينه
مثل ما قالت اختي ضماد شوفي النمبر بوك
يمعي معلومات عنها وعرفي اذا اهي متزوجه او مطلقه!
ترا عادي في حريم متزوجين يكلمون!
ويمكن الي بالصوره مو عيالها عيال اختها او اي شي ثاني
لاتحطين ابالج على طول انه متزوجها بالسر !
لانه لو متزوجها بالسر جان انتي ماشفتيه بالبيت مجابلج
جان نام ليله عندها وليله عندج جان مصروفاته قلت عليج وعلى عيالج
مثل ماقلت لا تواجهين بهالسرعه صدقيني بتندمين واهو ريال فهمي كلمة ريال
يعني فوق ما طحتي عليه ماراح يعتذر راح يسويلج سالفه وشحقا تاخذين رقمي السري وتفتشين تلفوني وحاله وانتي ماتقثين فيني وتبدي الاعذار وماراح يجابلح و حجي وحجي
ويمكن بعد يطلعلج عذر انه اهو مايكلمها احد من ربعه يكلمها من جهازه او اي شي ثاني
عشان جذي قام اقولج يمعي عنها معلومات ومن هالسوالف
والله يعينج ويصبرج

 

[Blueflower84]

حاولت انزل النمبر بوك مايطلعلي بال آب ستور.. انا ليلحين ساكتة وخل اشوف ششيصير

 

[ناتشوو]

لا تتهورين
لا تتهورين
حاسة فيج
ودج تقولين اللي شفتيه
وتخلصين
بس ضغطي ع نفسج وتحملي
وجمعي معلومات اكثر
عنها
وانا عجبني ردودج وعدم انهيارج ع طول
وفعلا عند اسوأ النتايج
لا تتطلقين
بس لا تخلينه اكبر همج
انت وعيالج وبس

الله يشرح صدرج ويسخره لج
ويطمنج اللهم امين

 

[song]

حاولت انزل النمبر بوك مايطلعلي بال آب ستور.. انا ليلحين ساكتة وخل اشوف ششيصير

ماعليه حبيبتي
صبري ولا تتهورين
صدقيني كل شي بينحل
وكثر ماتقدرين لا تحسسينه انه فيج شي
يمعي معلومات باي طريقه شوفي احد تعرفينه يشوفلج الرقم اي شي
و فجي شوي لا تضيقين خلقج وايد خففي همج

 

[Blueflower84]

شنو اهمية المعلومات عنها شنو اهمية اني اعرف جم عمرها ولا شنو اسمها او شلون شكلها؟؟؟؟ انا المهم عندي اني اعرف اهوا شلون قدر يسوي فيني جذي اهوا شلون طاوعة قلبه يكلمها العصر ويدزلي وتس اب بليل يقولي بعد عمري نومي اليهال مبجر عشان نقعد مع بعض شلوووون شلون قدر يكسر الي بينا شلون قدر يكلمها من تلفون شقتي الي في غرفة نومي ومايندرا شمسوي اكثر...

 

[ناتشوو]

علشان تعرفين
المستوى اللي وصلو له بعلاقتهم
واكيد راح يفرق بقرارج

ولما تتخذين قرارج
لا تفكرين تاخذينه كعقوبة او انتقام
فكري بمصلحتج
ومصلحة العيال
وبس

 

[ناتشوو]

اذا فكرتي تواجهينه
كوني قوية
لا تبچين
لا تخلينه يستفزج
او يقلب الموضوع ويناقش بقضايا فرعية
حسسيه تبين تسمعين
السبب
مابي احاسبك
الله اللي يحاسب
ابي اسمع واتخذ قراري