مصدوووومة والله

[انا لها شمس]

الله يعينج انتي موقادره تتقبلين صدمتج
تمدحين فيه وبدينه وتنكرين انها ممكن تكون زوجته
لان موصاحب حرام ...

كلميه وصارحيه بكل هدوووووء انج عرفتي البنت بس تبين
تعرفين علاقته فيها بالظبط شنوووو !؟!!


ننطرج ع خير

 

[Blueflower84]

يابنات مشكوورين كلكم الي رديتو ودعيتولي.. كان اهوا نايم مساعة وانا رحت الصالة بجيت. فاهوا حس فيني ويالي قالي اشفيج وماقدرت اصبر وواجهته اول شي قتله ان وحدة داقة وقايلتلي ان ريلج يكللم اهوا اول شي انكر وبعدين يوم حديته بالحجي قالي السالفة كلها اهوا محامي فهذي وحدة مكلمتته بالتلفون انها بتطلق فكانت تبي تستشيره بالقضية وعقب قامت ادز وتس اب واهوا الاخ قايلها ان مطلق فاهيا مكلة معاه ودازتله صورها واهوا قام يدزلها.. طبعاً لما اقوله ليش ادزلها يقول عادي اهيا ادز فانا عادي ادزلها اقوله ليش تقولها مشتاقلج يقول عادي من ضمن الحجي المهم حلف بالقران ان مابينه وبينها اكثرمت الوتس اب ولان فعلاً المكالمات الي انا شايفتها قديمة مو يدية.. فانا خرعته ان الي يسويه حرام وان لازم يخاف على سمعته بالله هذيج صورت المحادثات وورتهم حق الاولدم وان لازم يقطع العلاقة حالاً ويسويلها بلوك.. وبما اني ادري انه ملتزم فقاعدة اقنع نفسي ان صاج وانه ماراح يحلف جذب.. خصوصاً ان انا كلمته بهدوء فاهوا مو خايف مني عشان يجذب علي.. انشالله يكون صاج وانشالله اقدر ارد الثقة مرة ثانية ومشكورين حبيباتي

 

[latkt7as]

الله يهديه لج حبيبتي والله احاتيج

حسسيه انج صدقتيه اذا هالشي يحريحج

انتي ادرا منا بوضعج

حياتي انتي قومي صلي ركعتين لله

 

[نونه المنكوشه]

افضل خطوه سويتيها انج واجهتيه انا مع المواجهه ليش الوحده تسكت وتحط الحره بقلبها اتواجهه وتشوف شنو وراه يمكن اتكون ظالمته والحمدالله انها وقفت ع جذي والله يبعده عن بنات الحرام

 

[Zinab BH]

لا حول ولا قوة الا بالله العلي العظيم هالريايل يحرووووووون الخيانة صايرة ماي عندهم
الله يسخره لج حبيبتي و يحفظكم يارب ادعي الله باخر الليل و بكل صلاة ان الله يحفظه لج ويثبتج بقلبه وعقله ومايشوف غيرج

 

[فيلسوفة قلبي]

إبحثي ورا الحرمة قبل ,,

شوفيها من تكون وش وضعها متزوجة مطلقة أرملة ,,

وخل حد يسآعدج من أخوآنج .. حاولي توصلين لها ..

وأن شاء الله يطلع كل شئ خير ..

صبري وبعد ما تجمعي معلومات عنها وتوصلتي لنتيجة من تكون صارحي ريلج .

 

[سعادة قلبي وياه]

يقولها ياقلبي وكلام غزل والف لج وصدقتي لا تسكتين بحثي عنها وشوفي من هاي ومن تكون

 

[eshraqaaa]

حبيبتي انتي الحين واجهتي و خلصتي و بينلج ان مابينهم شي سواء صادق او كاذب تعالي انا وياج نفجج الموضوع : :bbbiu:​

1- اهو محامي حسب علمي فبشوفها و يشوف غيرها و مثل ما دزتله صور اكو غيرها و حسبي الله و نعم الوكيل على هالاشكال .
*-عرف انج عرفتي و بجيتي و تاثرتي و هالشي صار معنه المفروض كنتي ترقصينه و تجنينينه لكن حصل اللي حصل و اللي الله كاتبه .

الحين نيي حق شنو تسوين : :eh_s(10):​

1- انتي حاطه توقيع عن الرشاقه و الضعف هالشي لازم تكملينه الحين و تنشغلين عن ريلج فيه .
*- تقسمين نفسج الى شعر ووجه و جسم و ستايل , من كل جزء من الاجزاء السابقه تهتمين فيه و بشكل جدول يملي الاسبوع كله .
3- تغيرين من البيت او الشقه مثلا تغيرين كوشييات او طقم صحون فرايحي المهم طريقه البيت تتغير .
4- جدول للياهل بحيث ينامون بتوقيت مبجر و كل يوم عقب هالتوقيت يتغير البيت الى رومانسي حتن لو اهو مو فيه .(نقصد شموع و عطور فواحه و ورد و خفايف فناتق )
5- نعومه و رائحه الجسم هذا خليته بنقطه بروحه لما فيه من اهميه .

نجي حق السالفه الحين ( حبيبتي اللي صار صار و شفتي مشاعرج لمن دريتي بالسالفه انج مالج خلقه وودج اطقينه و ما تبين تتعبين عشانه ) انتي تعبتي عشانه طبختي عشانه ترتبتي عشانه كل هذا عشانه الحين هالنقطه راح تتغير من عشانه لين عشانج انتي عشان انتي ماهره في الطبخ عشان انتي نثيه قلبا و قالبا انتي الزينه انتي الافضل انتي الاحسن والله تغيري من كل هالنواحي عشانج انتي مو عشانه و بتشوفين شلون بيركض لج .:ggdw:​

افكار : :eh_s(7):
شموع بو ريحه من ماكس ماتكلفج شي و كوشيات من ماكس ست حمام يديد من زل و هالسوالف من ماكس و ريد تاغ و الحين ريد تاغ خصومات حبيبتي .
عندج مخابز تسوي صمون و اخباز سوي حمسات خفيفه مثل حلوم و غيره و فنتقي بليل و عندج كذا انستجرام حق بنات مايقصلرون بوصفات الاكل .
صبغه شعر يديده تكون عاجبتج انتي مو عشان تعجبه اهو .
هبه الورد عالراس تينن اذا شريتي ورد ناعم و حطيتي .
روحي عند مكياج الهنود و غيري كل مكياجج و تغيري حقج انتي انتي انتي .
رجيم قاسي حتن لو ضعيفه لازم الالتزام بالاكل .:eh_s(4):​

المهم حبيبتي خلاصه القول و من كلامي هذا كله ابيج تعرفين ان الرجل حبج انتي ما حب اللي تسوينه عشانه من كلامج اتعب بالطباخ عشان ارضيه لا حبيبتي هذه حلول عشان تحبين نفسج و حياتج و بالتالي اب تنحبين منه و من كل اللي حولج .

اتمنى الكل يستفيد و انتي اولهم و الله يرزق الكل بالرجل الصالح و يبعد عنهم بنات الحرام و يهدي ازواجنا و يبعد عنهم كل انواع الحرام و يحببنا بقلوبهم يا رب العالمين .:yaaaaaarb:

 

[Blueflower84]

حبيباتي انتو مشكورين عالاكلام والدعاوي الجميلة.. اشراقة حبيبتي مشكورة عالنصايح وانشالله اطبقهم.. انا اليوم رديت حلفته عالقرآن وحلف ان مابينهم شي وكلام الوتس اب يقول مجرد كلام خرابيط.. اهوا قالي اسمها وانا عندي رقمهل وقال انها مطلقة.. اهوا نوعه حنون وايد وكل وقته دوام ودوانية وحتى لما يطلع مبجر من الدوام دايماً ايي يطلعني ويطلع اليهال.. ومثل ماقلت اهوا ملتزم اكثر مني.. لهسببين قاعدة احاول اني اصدقة عشان اقدر اعيش مرتاحة..

 

[شادن33]

انتي صدقيه وحسسيه انج مصدقه عشان ترتاحين
بس دربالج على ريلج هالبنات ماخلو ملتزم ولا هايت
وعلى فكره الملتزم بسرعه ينقص عليه
انتي شوفي النواقص اللي عندج وكمليها سواء بالكلام او التصرفات
وحبيبي كل ريال لازم تفتر عينه اشويه بس الشاطره اللي ماتخليه يعيدها
الله يسخره لج تسخير

 

[رنيم الروح]

حبيبتي مدام اعترف لك وقالك كل شي وحلف بالله اتوقع ماراح يحلف بالكذب وبنااات ابليس واجد مايخافون الله
انتي الحين ديري بالك على زوجك واهتمي فيه وكوني حريصه ولا تكونين شكاكه والي مر فيه زوجك كان من بنت ابليس بنات ابليس مايخلون احد في حاله متزوج ولا مو متزوج
انتي الحين قولي له اثق فيك ومتاكده انك قد الثقه وقبل الثقه اتحط الله بين عيونك لانه الي صار بداية طريق الحرام وانت انسان اتخاف الله
والله يهديه لك

 

[smo0o]

الله يطمن قلبك حبيبتي

 

[Blueflower84]

مشكورين يا قلبي عالدعوات الحلوة

 

[نـعـومـه]

طبعا صارحيه وزعلي وقوليله خلاص بروح بيت اهلي وحسسيه انها نهايه العالم !!!

كلشي ولا الخيانه

وانصدم من البنات عادي عندهم !!! شنو ماكو غيره @@@

 

[طـير7]

الله يهدي سركم
ويثبته يارب


البرنامج اللي قالوا عنه البنات يطلع الاسامي في غيره ينزل عالايفون والجلكسي

اسمه truecaller

 

[نـعـومـه]

يابنات مشكوورين كلكم الي رديتو ودعيتولي.. كان اهوا نايم مساعة وانا رحت الصالة بجيت. فاهوا حس فيني ويالي قالي اشفيج وماقدرت اصبر وواجهته اول شي قتله ان وحدة داقة وقايلتلي ان ريلج يكللم اهوا اول شي انكر وبعدين يوم حديته بالحجي قالي السالفة كلها اهوا محامي فهذي وحدة مكلمتته بالتلفون انها بتطلق فكانت تبي تستشيره بالقضية وعقب قامت ادز وتس اب واهوا الاخ قايلها ان مطلق فاهيا مكلة معاه ودازتله صورها واهوا قام يدزلها.. طبعاً لما اقوله ليش ادزلها يقول عادي اهيا ادز فانا عادي ادزلها اقوله ليش تقولها مشتاقلج يقول عادي من ضمن الحجي المهم حلف بالقران ان مابينه وبينها اكثرمت الوتس اب ولان فعلاً المكالمات الي انا شايفتها قديمة مو يدية.. فانا خرعته ان الي يسويه حرام وان لازم يخاف على سمعته بالله هذيج صورت المحادثات وورتهم حق الاولدم وان لازم يقطع العلاقة حالاً ويسويلها بلوك.. وبما اني ادري انه ملتزم فقاعدة اقنع نفسي ان صاج وانه ماراح يحلف جذب.. خصوصاً ان انا كلمته بهدوء فاهوا مو خايف مني عشان يجذب علي.. انشالله يكون صاج وانشالله اقدر ارد الثقة مرة ثانية ومشكورين حبيباتي

نصاااااب

مشتاقلج وابي اقعد معاج ومابينهم شي !!

الااااا بينهم شي واهوه قص عليج بجم كلمه وماراح يتوب لانج ماعطيتيه العين الحمره وماهتميتي

 

[فانيليا برتقال]

حسبي الله ونعم الوكيل

 

[في قلب البحرين]

قريت لي صفحه 3 قلبي وياج
واعرف شلون لما تحترقين واللي يمج لووووووح راقد
انا ما ابرئ زوجج لكن الكلبه وسمحوا لي سمحوا لي سمحوا لي على هل كلمه
شهل قلت الادب محامي او مخلص او موظف اياً كان تدزين له صورج ليش قله ادب والله العظيم
واهي رخييييييييييصه اتمنى انها تقرى الموضوع وتعرف حجمها عدل الخايسه
شهل حركات الهابطه ذي تدز له بوسات بعد المفرروض الريال يلحق المره والمره هي اللي تصده اللحين فهل زمن لا الله يكون في عونا بس

وريلج اللحين شنو مشتاق لج من ضمن الحجي وين صارت ذي
عيل بعد انتي لين اتصلتي حق هندي البراده او الخضار

قولي له حبيبي ييب لي كذا وكذا
واذا استحمق قولي له لا من ضمن الحجي الا عادي

وبيني له ان اللي صار مب سهل وغلط في حقج
بيني له ان شي يجرح وغلط
واذا مر موقف خله يوصل له ان انتي قلتي منفصله ((بسمالله عليج وعلى عمرج)) بس بيححححححححس عدل
ليش الواحد بيقول ان منفصل الا اذا في نفسه شي مب عدل ..

انا ماشوشج على ريلج والله يمكن كلامي ذي تشوش بس والله مب قصدي خراب او شي لا قصدي ان مره ثانيه يفكر الف مره قبل لايسوي الشي ويعرف ان الشي يعور ويجرح ومب شرط تعرفين اكا ربي فوق والـ ذي التبن اللي كلمته قولي له بتقول عني مب شي ومب تارسه عينك ومادري وين الله قاطني

قولي له عادي ترى والله عااااااااااااادي اسيف رقم اي شاب مزيون واكلمه كبدايه بالغلط واتواصل وياه شرايك ؟؟


آآآآآآآآآآآه من هل برامج والله ماوراهم الا الهم والنكد
لابركت فيهم

والله يبعد عنا وياج كل شر يارب العالمين ​

 

[fayzouza]

حبيبتي و الله قلبي معك الرجل يتخاف منو لكن انت لازم تكوني متفطنه و لازم تنتبهي علي بيتك و زوجك كتير الايام ما بترحم و بنات الحرام كتير
اهتمي بنفسك و كوني له عشيقة و حبيبة قبل ما تكوني زوجة كلميه عن الحب و الرومانسية اهتمي بنفسك و جمالك و اناقتك بالبيت مكياج الرجال و الله رغم انهم يقولوا مان حب المكياج لكن بالعكس ليش يموتوا علي الممتلات تمكيجي بالبيت و حطي بارفان ريحة فرنسيةةةةةةة و روج و البسي الاحمر و الاسود و الابيض :eh_s(9):
حبيبتي انصحك انك لا تزيدي تكلميه عنهااااااااااااااااااااااااا ابدااااااااااااااااااااا :eh_s(15):لانو بتفكريه بيها و بكدا تجعليها حاجة مهمه في حياتكم اياك تم اياك التكلم عنها خلاص واجهتيه حلفلك خلاص انسيها لكن راقبيه من دون ما يشعر اوكي وشوفي هيدي القصة و خدي العبرة منها و اتمنالك تكوني احلا زوجة في ها الكون لكل من خانها زوجها (اقرئو قصة ام بسمة وشوفو كيييف اتصرفت ......... - منتديات عالم حواء

 

[أبكاني ذنبي]

زين سويتي



انا بعد مع المواااجهه