مصدوووومة والله

[قمر 777]

الله يكون بعونج حياتي
حاسه فيج ان ماتقدرين تغزليين فيه وتعطينه حق الشرعي وتعيشين بحب ورومانسيه واهوا يكلم غيرج
حاسه فيج والله شي يغث
بس انتي تاكدي من كل شي وبعدها صارحيه واذا قال ليش تفتشين قولي ما فتشت بس كنت ابي ادق من فونك فوني ماقي رصيد او ابي صوره
وبالصدفه شفت

 

[كنوشة 2009]

اذا ضغط عليج يبي يعرف شنو فيج قولي له ان صديقتج اكتشفت
ان ريلها يخونها مع وحدة وما تدري شتسوي وساليه شنو رايه بالموضوع
واشلون تحل المشكلة مع زوجها
والله يسهل امورج صج الخيانة صدمة وعوار قلب الله يعينج
بس تحتاج الصبر والذكاء وحسن التصرف

 

[Blueflower84]

والله مقهووووورة ودي اقعده من النوم واصررخ بويه ودي اطقه.. ودي انتفه.. موقادرة انام... كاتبلها ياقلبي وكاتبلها مشتاقلج وكاتبله ودي اقعد واسولف واضحك وآكل معاج... مو مصدقة والله بمووووووت.. انا حاسة انهم اثنينهم دروا اني دريت.. لاني دقيت على تليفونها من رقم البيت وعقب ماحطته مغلق مابطلته الا الساعة ١٢ انا لما شفتها اون لاين رحت دقيت عليها من البيت واهيا على طول شالته الظاهر تحسب اهو.. قالت الو كذا مرة بس انا سكت ماتحجيت بعدين اهيا بعد اسكتت مدة وعقب صكته.. مالت عليهم اثنينهم ودي احرق قلوبهم والعب بعصابهم مثل ماسوو فيني

 

[بيه ويه]

حبيبتي لا تواجهينه ولا تخلينها تاخذه منج
حاولي تجمعين معلومات عنها اذا متزوجه ما لها ضرر
اودعي ربج انه يسخره لج كثري من الاستغفار وصدقه
حطي بالتلفزيون برنامج ديني تكلمي عن الزنا وعقابه
يوم جمعه برنامج ع الاوله حلو يتكلم عن حقوق المراه بالدين
قعدي معاه وتكلمي معاه عن الدين .. يمكن ينفع
الله يكون بعونج ويصبرج ويصبرنا

 

[حلااي]

حبيبتي الاستاذة ناعمه الهاشمي كانت دايم تنصح المتزوجات انهم مايواجهوووون ازواجهم ابدا لانها بداية الخسارة كانت دايم تقول خلي المواجهة تطلع منه وراح تربحين مليون بالمليون بس احنا الحريم مافينا صبر وانا ماالومج الصراحه شي يحر بس دامج تقولين انه ملتزم ماتوقع تكون عشيقه اكيد متزوجها او ناوي يتزوجها ماادري والله انا اقوا اصبري وادعي الله انه يكشف امرهم قدامج وتابعي تصرفاته هاليومين وشوفي شيصير

 

[Tom ♥ Jerry]

,


واجهييييييييييييييييييييه

 

[هِتاف]

الللللللللله يصبرررررك
حسبي الله ع كل وحده تكلم رجال متزوج
الله لا يوفقها ولا يحللها اذا بتاخذه من زوجته وتخرب عليهم

اااااخ قهرررر


ياقلبي مررررره حاسه فيك
طمنينا وش صار عليك

 

[Bloom]

الله يمسح على قلبج ويقويج وينصرج عالي ظلمج

 

[Ririi]

ماادري يمكن لو انا مكانج كلمتها اهي وهزءتها وعقب اسكت ولا اييب طاري واشوف ردت فعل زوجي شراح يسوي ان سكت يعني ان خايف ان دريت بالموضوع وبيسكره وان تحجى معاي يعني اهي بالنسبه له شي في قلبه
هذي ردت فعلي بتكون يمكن انا اكون غلطانه ويمكن صح بس حبيت اشاركج
وربي يمسح على قلبج وينور بصيرتج ويسر امرج

 

[امـ خــزامـى]

مووضوعك قووووي
احاديث عن اللرسول ومصلي ومسمي مااعتقد يغاازل واصلا وش هالمغازل الاسلامي خخخخ امزح معك حبيبتي

مابي اضيق خلقك بس اتوقع واضحه

انت بس تاكدي وابحثي انتبهي تصارحينه


اطقسي عن البنت شوفي وش سالفتها ؟؟؟؟؟؟


الله يريح بالك ويطمن قلبك

 

[يارب يطيب عبود]

لا حول ولا قوة الا بالله
الله يكون بعونك

 

[ملگه]

الله يكون بعونك حبيبتي
والله ماحري وش اقولك بس حسبي الله على كل ظالم

 

[latkt7as]

حاسه فيج وبالنار الي بداخلج

مادري شقولج بصراحه

الله يمسح على قلبج ويهون عليج حبيبتي

بس الي اقدر انصحج فيه قومي صلي وكثري استغفار

واستخيري وكلي امرج للي بايده الامر كله

يارب تكون مجرد نزوه وتسليه

 

[@شمس الضحى@]

الله ينصرج عليهم

 

[latkt7as]

شوفي قبل تستعجلين لان احيانا المواجهه تهينج وتزيد الطين بله

اسئلي مجرب ياكثر ماهنتني المواجهه لين وصلت للوسوسه فيه

تعببببت لابعد حد كنت بخسر نفسي وبيتي

ادري انه حتى لو مايستاهل بس عيالي يستاهلون
اضحي عشانهم مالهم ذنب

دشي عليه من باب السوالف
قولي تصدق رفيجتي طاحت على زوجها يكللم بنت وحقرته
واهو عباله انها ماتدري
والله راح ييتوهق
وغير جذي قولي تصدق كرهته وقالت اصلا مايستاهل اواجهه اني دريت

قولي استغفر الله الحمدالله انت مو من هالطقه وعطيه نظره شك على ضحك
تغيري عليه شوي واذا سالج شفيج

قولي انااااا شفيني مافيني الا العافيهه شحلاتني

والله ان هالاسلوب يتعب الرجال اكثر من المواجهه

 

[latkt7as]

اي نسيت اقولج كوني متقلبه مره عادي خليج مثل قبل ماتدرين

وبعدين بعدي وطنشي وحسسيه انج متضايقه لين يقولج شفيج شالي مضايقج

قولي لا بس احس كرهتك واذا سال ليه قولي

كلمت رفيجتي الي كلمتك عنها ان زوجها يخربط

وقالت لي سوالف عنه وااااي بعض الرياجيل تخرفنه اي وحده

 

[نوف الصقعبي]

واضح انها زوجته ادري صعب تتحملين هالشي وانه يعاشر وحده غيرج ويشوف جسم غيرج

بس وين في ريال سيدا وعلى مره وحده الحين على هالبرامج بالتلفونات​

 

[نوف الصقعبي]

اتصالج عليها من البيت اكيد قالت له ودرو اثنينهم انج دريتي ويبون ياخذونج على قد عقلج بما انج داريه وساكته ومرخيتلهم الحبل

واجهيه وواجهيها معاه شنو تسكت بنات شنو اهى جماد وله عديمة احساس وله هذيك نثيه واهي طوفه هبيطه​

 

[نوف الصقعبي]

اذا مومتزوجها رسمي متزوجها يامسيار يامتعه والدليل مسجاته عن الجنس والنوم مبين بينهم فراش لا وتدز له بوسات صج الرياييل ماتشبعه وحده عمت عينهم بس فالحين ينقلون امراض حق حريمهم​

 

[latkt7as]

اي نسيت اقولج كوني متقلبه مره عادي خليج مثل قبل ماتدرين

وبعدين بعدي وطنشي وحسسيه انج متضايقه لين يقولج شفيج شالي مضايقج

قولي لا بس احس كرهتك واذا سال ليه قولي

كلمت رفيجتي الي كلمتك عنها ان زوجها يخربط

وقالت لي سوالف عنه وااااي بعض الرياجيل تخرفنه اي وحده