مرت حماي متنقبه وتكشف جدام زوجي

[ṃїşѕ เṖĦƠŊэ]

المفروض الرياييل يمعتهم بروحهم والحريم بروحهم مو معقوله بتنقمت البنت بنقابها عشان عيون الرياييل

خلاص يسلمون ويقعدون بروحهم شهالرياييل اللي 24 ساعه مجابلين الحريم ماكو شغل مايجابلون دواويينهم

 

[WuORuOd]

شوفي حبيبتي
ازا هالشي مأثر عليكي
انصحيها بينك وبينها بأسلوب حلو عشان يلين قلبها وما تتحسس وتسوي مشكله
واحتسبي نية النصيحه لوجه الله مو لشي تاني عشان تاخدي الاجر
وزا طنشت دعي الخلق للخالق وانتي مالك كلمه عليها ما دام زوجها راضي




وبالنسبه لموقفها
بصراحه الناس اللي كدا ما اتقبلهم
لدرجة اني ما اثق فيهم.. لاحد يستغرب!!

يعني اش هدفها من انها تسوي ميك اب لعيونها وتجي تستعرض بنقابها وتفسخو قدامهم ؟؟

الناس اللي زيها ما احترمهم
لانها ما احترمت نفسها ولا احترمت هالمسؤليه الكبيره اللي ربي لأسف حطها بين يدينها


وبعدين كلامكم فعلا يعوووور
ليش ماخدين الفكره هادي عن النقااب
???

ترى انا ما ارضى ولا الله يرضى

انا منقبه عن قناعه وسعيده بنقابي<<
لا تتكلمو عن شغلات عمركم ما جربتوها


يعني اش بيصير لو حطت النقاب حتى لو 24 ساعه بتموت<<لو كانت فعلا قويه ورزينه كان خلت الكل عاملوها كأنها ملكه وحسبوا الف حساب قبل لا يدخلو المكان اللي هي موجوده فيه

 

[روانتي 12]

اذا زوجها راضي خلاص

و انتي بعد لا توسوسين

 

[DO7AWE]

اختي اسمحيلي اقولج

انا انا منقبه بعد

وانا مجتمعي وكل اللي حولي جذي منقبين

بس معروف عندنا ان اذا تزوجت ماتنقب يدام الحموان

يعني تلبس دراعه وسيعه ساتره مو شفافه

وتحط ملفعها وتلفه عدل

وان ماتقعد تحط ميك اب يترس ويها لا يعني جان تبي تكشخ كحله وغلوس وبس

جذي احنا عندنا


وبس بقولج يعني انا نظامنا جذي

يمكن هي متعوده ع جذي

بس شرط ان يكون شكلها محترم

مو طاقه الكشخ ونازله لهم

احنا جذي بعد؟؟وكل جماعتنا جذي
عادي جدام حموانها
يعني عالنيه

 

[ريمية مزيونه]

انا بعد جذيه لما تزوجت تنقبت وزوجي ماقالي لبسي النقاب يدام اخواني بس لما اطلع البسه

وصج الحمدلله عمري مانزلت وانا لابسسه ضيق ولا مكياج اوفر وحتي اصلا لا مروا انا منزله راسي واذا بيقعدون انا اطلع ماقعد معاهم

ومرت حماي جذيه الحمره من الصك لي الصحك وماتحط الا الغامجه وكريم اوفر واضاءه وخابه عمرها مع انها توها مو عروس صارلها 4 اسنين بس يعنني

 

[Miss Cherry]

مو كل المنقبات جذي .. صراحة مع احترامي اللي تسوي جذي مو مقتنعه بنقابها ومغصوبه عليه


اما تلبسه مثل الاوادم ولا تقطه


انا منقبه واهلنا كلهم اللي منقبه تلبس نقابها عند الكل مو بس لاطلعت برا لبسته ونفس الشي المتحجبه

مادري من وين طلعتوا هالحكم .. عادي جدام حموانها تكشف واجهها منو افتى لكم .. يقول النبي عليه الصلاة والسلام (إياكم والدخول على النساء. فقال رجل من الأنصار: يا رسول الله أفرأيت الحمو؟ قال: الحمو الموت. )

وانا اعرف حريم مو منقبات بس تغطي وجهها لما يمر حماها لانه شي طبيعي بالجمعات تكون كاشخه وحاطه مكياج وهذا رجال غريب عنها

بس انا ودي وحده من اللي يسوون هالشي تبرر لي تصرفها يعني بناءً على شنو تكشف وجهها عن حماها .. هل فتوى ولا قياس من عندها ولا انه مالها خلق تتغطى

اوكي حرية شخصية هذي بس الغلط غلط لا تبررون لنفسكم تقولون هالشي عادي وكل المنقبات يسوونه اهلنا ماعندنا جذي واغلب رفيجاتي جذي .. المنقبه منقبه والسفور سفور

 

[عالم البزنس]

وش ذا !!
اذا بتتنقب عن الكل والا ماتتنقب لعبه هو
اخوان زوجها مو محارم
والرسول عليه الصلاة والسلام قال (( الحمو الموت ))
الله يهديها

وهذا اللي كنت بقوله
الرسول عليه الصلاة والسلام ما حذر من الحمو ((عبثا))
الرسول لمن حذر من الحمو ما سألتو نفسكم ليش؟؟؟؟؟
لان الحمو اهو الوحيد من الرياييل الغير محارم (الغرب) اللي يكون قريب من المرا ويقعد معاها بالبيت ويمكن تكون غرفته يم غرفتها يعني هو اكيد مو طوفه ويحس وينعجب لان بيشوف البنت الغريبه كل يوم سواء وهيا كاشخه او لاء واذا ظلت تتكشخ جدامه ممكن يتشفق على شوفتها مع مرور الايام.. وله جان ماحذر منه الرسول عليه الصلاة والسلام سواء للمنقبه او غيرها الكلام عام,,

براي يا اما البنت تتنقب عدل وتحترم اللبس اللي عليها ياما تفصخه مره وحده


تحياتي

 

[عيد حبها الازرق]

انا اشوف كيفها وهاذى حريتها الشخصيه

يمكن لانها فالبيت تبى تاخذ راحتها وحرانه وهالاشياء هاذى


بس بحدود كلميها بتفاهم


وذا مانفع سكنو بشقه وريحى بالج من المشاكل :yaaaaaarb:

 

[•°أنـــفْــِـاسِ اَلِــــوُرَدِ°•]

وش ذا !!
اذا بتتنقب عن الكل والا ماتتنقب لعبه هو
اخوان زوجها مو محارم
والرسول عليه الصلاة والسلام قال (( الحمو الموت ))
الله يهديها

صادقه نفس كلامها
اللي بتتنقب وتغطي وجهها تغطيه عن كل رجل غير محرم لها وماتكشف إلا عند محارمها ,
المسألة مو لعب لأن بالدين المرأه تغطي وجهها عن كل رجل غيرمحرم لأن تغطية الوجه عباده وليست عاده والله يهدي الجميع لمايحبه ويرضاه اللهم آمين
وعشان لاتقولون النقاب موفرض ينلبس انا أقصد تغطية الوجه بشكل عام سواء بالنقاب ولا غطاء الوجه العادي لازم تتغطى عن كل رجل غير محرم ,’
والنقاب اللي أقصد بس تبين العيون منه ونغطيها بعدبالطرحه بس ماأقصد اللثام اللي الجبهه والحواجب طالعه ونص الخد طالع هذا مونقاب"بس للتوضيح"

 

[Hello_kitty]

معاها بكل كلمه الوحده يا اتنقب عدل ولا لا تلبسه شنو الحموان مو رياييل
والرسول صلى الله عليه وسلم حذر حذر من الحمو وشبهه بالموت
مو لعب السالفه
استغربت ان فئه كبيره يسوون جذي وعادي عندهم
شي غريب فعلا​

نفس كلامها هذا نقاب اخر زمن تقطه بالمطعم عشان تاكل وتقطه بالسفر عشان تستانس ووتقطه جدام حموانها عشان مثل خوانها مع ان معروف ان التغطيه عن اخوان الزوج الحمو موت هذا اللي يبي الدين

عيل شحقه متنقبين وشادين حيلكم محسوبين على المنقبات المستورات اللي ماشالله ملتزمين فيه بكل مكان وعند كل الرياييل نفس ما احنا ملتزمين بالحجاب ما نقطه عشان سفره ولا حفله ومخربين سمعه النقاب بهالتصرفات

حبيبتي تصرفها غلط ما ردت اعتبار حق حق الدين اولا ولا حق اهل البيت وعاداتهم وتفصخه عند حموانها جنهم على قولتج مو تارسين عينها واحنا بعد مثلكم الحمدلله المتحجبه ما تقط حجابها ولا المنقبه تفصخ نقابها جدام اي ريال غريب او اي مكان يا نلبسهم ونلتزم فيهم صح يا مالا داعي اشوه سمعه لحجاب والنقاب جنهم لعبه

 

[tt2tt]

اب اب

 

[yasmenh]

اختي اسمحيلي اقولج

انا انا منقبه بعد

وانا مجتمعي وكل اللي حولي جذي منقبين

بس معروف عندنا ان اذا تزوجت ماتنقب يدام الحموان

يعني تلبس دراعه وسيعه ساتره مو شفافه

وتحط ملفعها وتلفه عدل

وان ماتقعد تحط ميك اب يترس ويها لا يعني جان تبي تكشخ كحله وغلوس وبس

جذي احنا عندنا


وبس بقولج يعني انا نظامنا جذي

يمكن هي متعوده ع جذي

بس شرط ان يكون شكلها محترم

مو طاقه الكشخ ونازله لهم

نفس الحجي حتى انا متنقبه بس بالبيت بس حجاب ولبس ساتر

حنا عندنا كذا بكل العوائل اللي اعرفها

وهي اكيد كذا ومو قصدها شي



ياسمينه​

 

[أو عبوش]

كل وحده قامت بكيفها تألف
اللي تقارن النقاب بالحجاااب شكووووو؟؟؟؟ ماكو مقارنه اصلا
اللي تقول مغصوبه عالنقاب واللي تقول لعبه نقابها واللي تقول ماتحترم النقاب واللي تقول تلبس عبايه بعد ابيتها لابسه عبايه @@




يختي حنا سلمنا طريقتنا مجتمعنا جذي

مانتنقب بالبيت

يكون لبسنا ساتر واذا مرّ الحما الله يشهد ننزل راسنا اذا سلمّ علينا
يعني الحركه مو رفض للنقاب ولا مهزله

بس مادري نااااااااس معااااااي عايييييشين فالبييييييييييييت شلووووون بتنقب عنهم

وانا مع الاخت(كشفو سر الهوى)

 

[a7la siorah]

عادي مافيها شي

 

[ام حمد 85]

الله يهديها يمكن اهي مو متنقبه عشان دينه يمكن اهلها قاصبينها عليه

 

[أمواج البحر]

يعني عادي افصخ حجابي عند حمواني وما احط ميك اب ولا اسوي تسريحه ملفته ؟؟

لان حمواني بحسبة اخواتي وعشرة عمر بينا

صج عادي ؟؟؟ دام النقاب عادي ينقط عند الحموان!

صراحه انصدمت من الردود والف علامة تعجب

الوحده يا تتنقب عدل والا ماله داعي النقاب من الاساس

اشوا احنا ما عندنا جذي والا جان من قلب طقتني البوهه

 

[أمواج البحر]

نسيت اقول لما خذاني زوجي حماي عمره 10 سنين قبل لا يبلغ يعني

وكان 24 ساعه عندي حتى تدريس ادرسه

تهقون الحين عقب ما صار اطول مني عادي اقط الحجاب عنه

خو نفس الشي

ترى من صجي مصدومه والله

انزين ما عليكم امر ياليت اللي يقولون عادي مافيها شي يدام الحموان ما تلبس نقابها وانها بحسبة اخوها

ياليت تعطونا فتوى تحلل هالشي وان الحما بمثابة الاخ والكشف عنه حلال

قلنا دين يسر بس جذي!!! مادري

 

[فروح]

ـــأختي امواج .. يعني لازم الوحده تمكيج وتقط حجابها او انها تلبس نقاب ...؟؟!!

مااقدر اكون محجبه لابسه عريضه ومحترمه نفسي يعني من غير نقاب ؟؟

بلييز لاتخلطون الحجاب بالنقاب .. الحجاب مفروض قدام الحمو هذا شي خالصين منه ... ـــأما النقاب اشوفها غريبه ولا عمري سمعت يلبسونه في البيت ... وكل العوايل والقبايل الي اعرفها جذي ...

مـــأاقول اتمكيج واحط تسريحه قدام حمويني لا بالعكس .. حجابي ولبسي العريض ويكون الشكل مو ملفت ابدا .. انتي اعطينا فتوى طيب ان الوحده لازم تنقب قدام حموينها ؟؟

 

[أمواج البحر]

انا قصدت اقصخ حجابي بس من غير ميك اب والبس ملابس واسعه

مو جذي تسوون بالنقاب

انتو تقولون عالنيه

انزين وحديث الرسول - عليه الصلاة والسلام - الحمو الموت <<< بعد ما بعد كلام الرسول عليه الصلاة والسلام فتوى

ماتاخذونه؟؟؟

وانا اقولج كل العوايل ومن اهلنا المتنقبات جذي - النقاب نقاب سواء جدام حما والا غريب اهو ريال مو محرم لها على اي اساس اتكشف عليه

عموما الموضوع مو ديني عشان نتقاش فيه بهالامور

بس انا كان ردي على انكم تقولون عادي ومو ريال غريب وعالنيه

ونسيتوا حديث الرسول عليه الصلاة والسلام

 

[+QUEENA+]

أنا إشوفها حريه شخصيه

كيفها تسوي إلي تبي تسويه

أهي إلي بتتحاسب لو نقدنا عليها مني لي باجر

وكل يتصرف بقناعته

ومايصير تحكمين على أخلاق البنت بتصرفها هذا

غيرها 24 ساعه عبايه ونقاب والخافي أعظم !!

ولحد يخلط بين الحجاب والنقاب لأن الحجاب فرض مأكو شي اسمه برا متحجبه وجدام حماها مو متحجبه !!

يأخي غريبه هالناس