مرت حماي متنقبه وتكشف جدام زوجي

[شذى2007]

لاحول ولا قوه الا بالله يعني نفسي اعرف شالفرق بين الحمو والريااال الاجنبي كلهم حرااام الكشف عندهم

 

[**مسك**]

وش ذا !!
اذا بتتنقب عن الكل والا ماتتنقب لعبه هو
اخوان زوجها مو محارم
والرسول عليه الصلاة والسلام قال (( الحمو الموت ))
الله يهديها

جزاك الله خير
صح كلامك
الحرام حرام لا تحللون شي ربي حرمه وش هالكلام مثل اخوانها من متي الحمو صار اخو الحمو المووووووووووووووت

 

[شموخ العز ^]

هالشي غلط اذا تبي تتنقب تتنقب من الكل حلووه هاذي حمواني عادي لا حموانها ريايل ويلفت نظرهم الحريم ما اقول الا الله يهديها

 

[أأأحبه]

من جد استغربت ردود البنات !!
شنو يعني علشان اخوانك مايتضايقون
وشنو عادي جنب اخوان زوجي
ازواجهم مايغارون الى يكشفون عند حميانهم !!!
ااساسا البنت ماتحس نفسسها نكته برا بنقاب وفي البيت بدونه !!
بصصصراحه مصدومه

 

[جيكره(و)تتغلى25]

عيل اقولج شي يصدم مرت حماي من دخلت سنه كامله تتنقب عن زوجي وجك بم مافي نقاااااااااااااااب انفقعت مرااااااااارتي ويع

 

[جنة المأوى]

و انا بعد انصدمت من بعض الردود !!!!

اشلوون عادي تقطيين النقااب قداام اخووان ريلج ... والله حاالة النقاب بداال ما يكوون عفة و كرامة صااير لعبة بين الحريم مرة تبلسه و مرة تقطه !!!!!

يا اما تلبسينه عدل او تقطيينه .... والله ما صاارت حاالة تحللووون ما حرم الله !!!!! ​

 

[@ كويتيه @]

جوووووفي اهوآ صـح النقآب إذا بتلبسه الوحده لاااااااااااازم ماتفصخه الا لمحآرمهاااا

بس اكو عوايل عااادي عندهم هالشي << يمـكن !!


ومآآآتدرييين خيتووو يمكـن زوجهآ ملزم عليهآ انهآ تفصخه جدام اخوانه ( لان النيه اخواااااني وعاااادي )

فمآتدريـن كل إنسسان وظروفــه وذنبهآ عليهآ..

وو انا معآج اللي قاعـده تسسويه غلط × حرام × لأي سبب كآن ..^_^

 

[طبعي مميز]

الله يهديهـآ
بعد ما يصير يعني اللي برى اتغطى منهم
و حمواآنها عآدي
مـآ يصير
الوحدة لا تنقبت خلاص ما تكششف إلا عند محـآرمهـآ

 

[~ بنت الهدى ~]

ماشوفها مشكله شي طبيعي دايم تصـير

 

[أحلى البشر]

زين واللي تقط نقابها بالسفر عادي ؟؟
وايد حريم متنقبين بحكم العادات مو الدين فمن جذي نسمع هالسوالف !
وبالنهايه كل واحد حر اهم شي متحجبه

 

[( نجدية )]

مادري احس اللي متعودة على النقاب راح تكش وتتضايق لو رجال غريب قعد يناظر فيها واخو الزوج بكل الأحوال رجال غريب عنها انا عن نفسي حمواني اقصى حد لي معاهم السلام بس واللي تقول مو معقولة اقعد 24 ساعة بالنقاب لا حبيبتي عادي اقعد لو اضطريت كل الوقت بالنقاب وعلى قلبي مثل العسل لأنة مرضاة لربي يارب تهدينا وجميع المسلمين

 

[KaNY w MaNY]

عيب ليش جذي ياتتنقب من الكل ولا تشيله مره وحده

المفروض بس محارمها تكشف عندهم اما حموانها شكووو !!

 

[خيل بلا فارس]

اشفيكم ياجماعة الأخت قالتها منبطة جبدي أكيد غيرانة منها والبنت حلوة وصغيرة احنا عادي حريم اخواني يتنقبون برة وبعضهم يلبسون نيقاب جدام اخواني والسحوت مايلبسون لان دارين محد طال بوجههم بس خليها تولي والا اخاف زوجج يخزخز اترسي عينه وماراح يطالع ولا تشيلين هم غيرج

 

[فديـــتك]

حراااااااااااااااااااااااااااااام كشف الوجه امام الاجانب والااحاديث كثيره من القران والسنه

والرسول قال الحمو الموت اللهم صلي وسلم على سيدنا محمد

الله يهدينا يارب

 

[توتا الكتكوته]

قوله تعالى :{ الأعراب أشد كفرا ونفاقا وأجدر ألا يعلموا حدود ما أنزل الله على رسوله والله عليم حكيم }​

 

[noo7a]

شنو لعب اهو
يا تتنقب عدل يا تقطه
ترفعه عن اخوان ريلها و اذا طلعت مطعم ولاشي حتى لو زحمه موت تنزله على بو قاعده تاكل
بعد ليش لابسته سؤال ؟
والله قبل فتره كنا مسافرين ماليزيا و قاعدين نصعد الشلالات موووت و حر و رطوبه و تعب
شفنا واحد مع زوجته منزله النقاب يوم شافونا خليجيين جان ترفع النقاب و تلبسه لوول
يعني الخليجي ريال و الباجي مو رياييل مثلا لوول

 

[بيتي بوب بس كويتيه]

اهيا لابسته على انه عادات وتقاليد علشان جذي تفصخه جدام حمواها عادي بيتعودون
لو على ديانه لابسته تلقينها ما تفصخه
وحطي ببالج انها تحسبهم مثل إخوانها وبس

 

[أو عبوش]

المفروض بس البدويه المنقبه اللي ساكنه مع حمولتها ترد



اما اللي ساكنه بروحها ماتعلق لانها راح تقول شنو اهوه لعبه!!
واللي مو منقبه لا ترد بعد لانها كل جمعه او خميس عندهم يـــــمعه مع حموينها وفيها اختلاط...... ليش فسخه النقاب عيب والاختلاط موعيب!!



انا اقولج منقبه وبيت حمولتي مومعقوله بطبخ برمضان وانا لابسه نقابي........ حماي داش طالع المطبخ حزت الفطور عشان عنده رياجيل فالدوانيه يشوف اللي ناقص او يبي تمر او يبي هيل او يبي اي شي......... هذا بيته مقدر امنعه

وهم صعبه على الخاله تتنقبين عنها وعن عيالها هي بتزعل

اذا حماج غاض البصر مالاحظتي عليه شي
واذا كان مثل اخوج
وعايشه معاهم سنين
شنو المشكله




والله ياحماي اللي معاي فالبيت اذا شفته بالجمعيه مراح اعرفه ههههههههههههه لاني ماركز بوجهه وهو بعد

من نشوف بعض نتطشر...... ماعمرنا صار بينا حوار اكثر كلمه شلونج وانا اقول بخير واهو مااااشي اصلا




مادري صعبه اتنقب جدام حماي اللي معاي بالبيت 24 ساعه النقاب على وجهي يعني

 

[أو عبوش]

بس اللي مع حمولتها ينقدون عليها لا صارت فل ميك اب دايم ولا دراريعها ملفته ومخصره هذا صج ماااايصير لازم واسع وشي محترم وشعرها مايطلع



انا موقاعده افتي بس شي صعب حيل اللي تقول تتنقب جدامهم غير عن اللي عايشه هالوضع

 

[أميرة 22]

شنو لعب اهو
يا تتنقب عدل يا تقطه
ترفعه عن اخوان ريلها و اذا طلعت مطعم ولاشي حتى لو زحمه موت تنزله على بو قاعده تاكل
بعد ليش لابسته سؤال ؟
والله قبل فتره كنا مسافرين ماليزيا و قاعدين نصعد الشلالات موووت و حر و رطوبه و تعب
شفنا واحد مع زوجته منزله النقاب يوم شافونا خليجيين جان ترفع النقاب و تلبسه لوول
يعني الخليجي ريال و الباجي مو رياييل مثلا لوول[/QUOTE

----------------------------------------

لا حبيبتي منو قالج ان منقبة تطلع للمطاعم وتقط نقاب عشان تاكل :rgewrg:
احنا يا ناكل واحنا منقبات او ناخذ اكلنا ونروح البيت

اللي تسوي مثل ما قلتي هذي غبيه وتلعب ... :eh_s(4):وحتى اللي مسافرة
وتقط نقاب الغبي زوجها اللي ساكت وهي اصلا خبله وتقطه واذا شافت خليجييين
تلبسه

على فكره في بنات منقبات محترمات .. وفي العكس
منقبات متروس مكياج وطالعه او خدود طالعه ونقاب نازل ونص الشعر طالع
يعني الكل مو نفس الشئ !