مرت حماي متنقبه وتكشف جدام زوجي

[ŚnfôôRă ŽǒǾŏ`3ǎ]

شكوووو تقارنون الحجاب بالنقاااب

 

[بنت شيخ]

في واجد مجتمعات جذي

يمكن اهي جذي من النوع اللي عادي عندهم

ماله داعي تحترين

 

[baby lotion]

انا امي بره كلش ماتقط النقاب ويوم تصير جمعه وجي ولا وحده تلبس نقاب بس ملفع ودراعه وسيعه حتى مايحطون ذاك الميك اب وعادي طق سوالف وضحك ,, محد تكلم

بس هاذي الي قلتي عنها , احسها مادري شتبي حاطه ميك اب عيون وحاله تفصخه ليش خل تروح غرفتها وتفصخه !!!
​

 

[غلا الغوالي]

هاذي وانا اختك ينطبق عليها المثل

إذا لم تستحي فاصنع ما شئت

​

 

[غلا الغوالي]

مو كل المنقبات جذي .. صراحة مع احترامي اللي تسوي جذي مو مقتنعه بنقابها ومغصوبه عليه


اما تلبسه مثل الاوادم ولا تقطه


انا منقبه واهلنا كلهم اللي منقبه تلبس نقابها عند الكل مو بس لاطلعت برا لبسته ونفس الشي المتحجبه

مادري من وين طلعتوا هالحكم .. عادي جدام حموانها تكشف واجهها منو افتى لكم .. يقول النبي عليه الصلاة والسلام (إياكم والدخول على النساء. فقال رجل من الأنصار: يا رسول الله أفرأيت الحمو؟ قال: الحمو الموت. )

وانا اعرف حريم مو منقبات بس تغطي وجهها لما يمر حماها لانه شي طبيعي بالجمعات تكون كاشخه وحاطه مكياج وهذا رجال غريب عنها

بس انا ودي وحده من اللي يسوون هالشي تبرر لي تصرفها يعني بناءً على شنو تكشف وجهها عن حماها .. هل فتوى ولا قياس من عندها ولا انه مالها خلق تتغطى

اوكي حرية شخصية هذي بس الغلط غلط لا تبررون لنفسكم تقولون هالشي عادي وكل المنقبات يسوونه اهلنا ماعندنا جذي واغلب رفيجاتي جذي .. المنقبه منقبه والسفور سفور

صح لسااااااااانك وسلمة يديييييينك

قال ايش قال زي اخوها

وبكرى اذا تحرش فيها

جت تبكي وتولول​

 

[كويتية أصيله]

مشكورين بنات بردتو چبدي بردودكم........ الله يهديها ويهديني

 

[Tulips]

عادي مافيها شي اغلب العوايل جذي واهي ماقطته الا لانها تعتبرهم اخوانها

 

[sherazia-x]

شنوو حبيبااتي واللي يقولوون احنا نفصخه عادي وين قاعدين حبيبااتي

يآآ تلبسه مره وحده يآآ تفسخه مره وحده ..> ماكو شغل تلبس وتفسخ
يعني الحيين هذيل حمواتهااا مو ريايييل


حمدالله وشكر نااس تحلل وتحرم بكيفهاااا

 

[sherazia-x]

miss cherry

كلااامج عيين العقل واناا معاج بكل كلمة :eh_s(4):​

 

[انصاريه قمره]

عادي يوم كنت منقبه كنت اقطه جدام حمواني شالمشكله لاهو فرض ولا هم يحزنون يكفي حجابي ساتر ولبسي وسيع محترم

 

[هجووورة]

والله يا اختي
عندي ثنتين الله يهديهم جذي وحده فيهم مكياجها اوووووووووووفر دايما وزوجها راضي (كيفهم)

انا متنقبه بس اذا شفت حمواني دشوا اتغطى بجزء من الملفع على وجهي

 

[الجوهرة777]

70 % من المنقبات لابسينه ستر مو دين

انا حمواتي منقبات لكن حموانهم أو أي رجال يزورهم في البيت ما يتغطون منه

!!!!!!!!!!!!!!!!!!

بس انا يوم تنقبت تنقبت من الكل وأولهم حمواني

وما لي شغل فيهم هم وطريقتهم كيفهم

واتخذت قرار النقاب بنفسي

والحمد لله وعسى الله يثبتني


الصراحه اللي لبست لبس المفروض تحترمه

 

[الجوهرة777]

اي وصج

ما في وحدة تنزل أو تروح لحمولتها مو كاشخه

وهذا السبب المهم اللي يخليهم المفروض يتغطون

 

[غلآ نوآف]

اختي اسمحيلي اقولج

انا انا منقبه بعد

وانا مجتمعي وكل اللي حولي جذي منقبين

بس معروف عندنا ان اذا تزوجت ماتنقب يدام الحموان

يعني تلبس دراعه وسيعه ساتره مو شفافه

وتحط ملفعها وتلفه عدل

وان ماتقعد تحط ميك اب يترس ويها لا يعني جان تبي تكشخ كحله وغلوس وبس

جذي احنا عندنا


وبس بقولج يعني انا نظامنا جذي

يمكن هي متعوده ع جذي

بس شرط ان يكون شكلها محترم

مو طاقه الكشخ ونازله لهم

مثلنا نحن كذا

انا اتنقب بره البيت بس بالبيت لا
يعني زوج اختي ما اغطي وجهه عنه
وعادي يعني اشوفه مثل اخوي بالضبط واحبه مثل اخواني
وهو بعد يعتبرني نفس الشي
وحتى بعد ماتزوج اخوان زوجي ماراح اتنقب عنهم
لان نحن بس نتنقب عن الرجال الغرب
حتى عيال خالتي ما اتنقب بس حجاب ولبس ساتر وخلصنا
ويسلمون علينا ونرد السلام وبس مافيها شي اختي

رغم ان يقولون حرام مايجوز
بس اشياء تربينا عليها وصعب والله نصير عكس الناس
والحمدلله دام الامور طبيعية وشبابنا اخلاق وادب
مايشوفون هالشي فتنة

بالعكس احس النقاب فتنة لان يعطي فضول تعرف ش تحت هالنقاب !

 

[درر2008]

يمه شكلج ميته من القهر ومتاكده انها احلا منج
كيفها شعليج منو الي بتحاسب انتي او اهي الله بحاسبها موانتي علشان تقولين ماهمني بس حرام
صج سوالف حريم حما يموتون من الغيره

 

[يــاغربـــالي]

بغض النظر عن رايي بالموضوع

استغرب من اللي تدش وتكتب (احنا البدو جذي)

شلون تحكمين على مجموعه لاهم ألف ولا ألفين من كيفج! مستحيل تكونين معاشره البدو كلهم وحاكمه عليهم شخص شخص

(من عمم فقد ظلم). حيييل يغثني هالموضوع لما يحكوم على قبيله كامله من رفيجه عرفتها- او يحكمون على مجموعه ويعممون


تقبلووني

 

[آنسه مسلمة]

الله يهديها
النقاب مو لعبة \
واهم مو محارمها
الله يهديها ويغفر لها والمسلمين
والرسول عليه الصلاة والسلام قال (( الحمو الموت ))

 

[دلوعة حمني]

البنات انفسوا نصين

في ناس عادي عندها و ناس لأ!

الاساس هو الدين دامها لابسته و متنقبة خلاص المفروض ما تفصخه الا عند محارمها...

والله يستر علينا جميعا

 

[ماري]

ماعرف طباع زي كذا نحنا عندنا منقبات مايكشفون الا لمحارمهم اما غير كذا لا ومثل ماقال الرسول صلى الله عليه وسلم (الحمو الموت)

 

[بقلبي انت]

الحمدلله انا وخواتي نتنقب ولا نقط النقاب عند حموانا لانه مايجوز اصلا مايحل لي اشلون اكشف عليه
حتى ولو بحسن نيه الشيطان شاطر بس مااقول الا مالت على زوجها الي مخليها على كيفها
لاتزعلين مني بس والله احتريت وعلى فكره مو كل البدو جذي هذي فئه معينه