(( مذكرات مريم .. مذكرات في طي النسيان ))

[ايام وحنين]

ناطرينج

 

[MaFaZ]

قعدت مريم متنحة من النوم والتفكير .. يابت كوماري الريوق تمت تتريق بصمت .. وتفكر بكلام فارس .. راسها كان فاضي .. ماتدري شتسوي شلون تتصرف ؟؟

مريم: الو
فارس: هلا ..
مريم: وي نايم
فارس : لا عادي عادي
مريم: امبيه سوري خلاص ادق بعدين
فارس: خلج مريم عادي .. اصلا انا صارلي ساعه اطفي المنبه .. الساعه جم الحين .. اولله الساعه تسع .. راحت علي نومة
مريم: اي تسع وخمس الحين ..
فارس: يالله ملحوقة ..
مريم: اي ..
فارس : .....
مريم: فارس ..
فارس: هلا ..
مريم: شلون وليد ؟؟
فارس: بخير تمام .. على الله
مريم: ما هدا ؟؟
فارس: اللي اعرفه ان احسن .. بدر بيحجز له
مريم: صج ؟؟ وين
فارس: العمرة .. خل يغير جو ويوسع صدره
مريم: ايييييييييييييييي .. زين يسوي احسن له
فارس: على قولتج .. فكرتي بكلامي مريم
مريم: مادري شقولك انا ما انكر ان ما يمر يوم ما افكر بحياتي اللي انبنت وانهدمت لغمض البصر .. بس شنو ذنبه ولد الناس ..
فارس: منو تقصدين احمد
مريم: اي احمد .. احمد يحبني وشاريني ومحترمني اهو واهله فوق ما تتصور .. ولو شنو اقول ولو شنو اطلب يصير وتم وحاضر .. وقف معاي باظلم ايام حياتي واصعبها .. ما اقدر اجازيه بعد هذا كله اني اتخلى عنه

فارس: انا ما قلت تخلي عنه .. صح كلامج بس هم من ناحية ثانية خلي وليد يطلع اللي بقلبه لا يقمته جذي واتم حسرة بقلبه ..

مريم: افكر

فارس: مريم .. انتي ما دقيتي علي الا لانج تبين تشوفينه وانا عارف ولا جان ما دقيتي علي بهالسرعه تسألين ..
مريم: لا يتروالك

فارس: لا ما يتراوالي .. انزين عطيني اجابة واضحة وصريحة .. تبين تشوفينه ولا لأ .. بصراحة
مريم: ليش؟
فارس: عشان شوفتج له من الحلول اللي بتحلنا مشكلة وليد .. اذا ما تبين تشوفينه نستغل الوقت وندور على شي ثاني

مريم: فارس .. لا تضغط علي اوكي ..
فارس: انا مو قاعد اضغط بس حطي نفسج مكاني .. انا ادري ان امي ما قصرت ولعلمج امي مو بس غلطت عليج انتي .. امي غلطت علينا وعلى امج واخوانج وعلى وليد بنفسه .. اذا ما تدرين امي وابوي ما يكلمون وليد .. مع العلم ان اهو المتضرر الوحيد بكل هالسالفة ..

مريم: وانا ما تضررت ؟
فارس: امبلى تضررتي .. بس الحمدلله عديتي هالمرحلة وتزوجتي ..اما اخوي يا يصير مينونة يا يستخف يا يموت ..
مريم: لا تقول جذي فارس .. بس انا اللي ابيك تعرفه ان اللي قاعد تطلبه مني مستحيل ..
فارس: اي ليش مستحيل ؟؟؟
مريم: فارس هذا ونت ولد عمي .. شلون تبيني اقابل اخوك وانا على ذمة ريال ثاني ؟؟ غير ان وليد طليقي وانا في يوم من الايام كنت مرته .. لا الله ولا رسوله يحللون هالشغلة

فارس: والحين ؟؟
مريم: اكلمك بعدين ..
فارس: مريم لا تتهربين حاجيني
مريم: بليز اكلمك بعدين
فارس: اوكي على راحتج


وسكرت التلفون مريم واهي تحس بذنب كبير .. شلون تسرعت واتصلت .. اي نعم حالة وليد تقطلع القلب .. وما تسر لا عدو ولا حبيب .. بس احمد موجود .. احمد شذنبه انها تخدعه .. غير ان مريم كانت متأكدة ان مشاعرها راح تتحرك ان شافت وليد .. زائد انها ما تبي تشوف وليد بهالحالة يعني بالعربي ماتبي تشفق عليه .. كان التناقض والتضارب يلعب في نفس مريم وفي عقلها .. لا المنطق ولا المشاعر قادرة تحكم موقفها من الموضوع .. والاحساس بالذنب يقتلها .. والضمير يدفعها للتفكير في الراي المعاكس .. كان في صوت داخلها يقول انتي مالج ذنب يا مريم باللي صار حق وليد .. وكل شي قسمة ونصيب كملي حياتج ولا تطالعين ورا .. وينهم عنج لما كنتي تعانين ... ليش الانفصال عن وليد كان وايد سهل عليهم بالرغم من مرارته وصعوبته عليج ؟؟؟؟؟؟ شوفي نفسج ولا تفكرين باحد غير نفسج وغير الناس اللي انتي مسؤولة عنهم جدام الله وخلقه ...

رفعت مريم التلفون ودقت على احمد

مريم: الو ..
احمد: صباح الخير يا حياتي .. اشتقت لج موت
مريم: صباح النور .. وانا بعد .. شلونك ؟؟
احمد: بخير انتي شلونج ؟ طمنيني عليج ؟
مريم : تمام بخير ..
احمد: دوم يارب .. ها متى قعدتي من النوم ؟؟
مريم: ما صارلي .. ليش ما دقيت علي ؟؟
احمد: مادري حسيت انج متضايقة قلت اخليج على راحتج .. وان كنتي بتقولي شي ادري فيج بتدقين ..
مريم: اي سوري على امس بس كنت تعبانة ومتوترة ..
احمد: من شنو ؟؟
مريم : من ولا شي .. بس مادري من الطلعة والروحة يمكن وبسرعه بسرعه قاعده اجهز ما يمديني ..
احمد: يا عمري انتي .. سلامتج .. واذا عالتجهيز خلاص انا بخليج اسبوع ما راح نطلع ولا نروح وشغلج خلصيه .. شرايج
مريم: مشكور يا عمري .. بس الشقة شلون ؟
احمد: لا تحاتين .. خلصو الصبغ بس باقي نروح نشوف الاثاث ..
مريم : حلو .. يعطيك العافية
احمد: يعافيج .. ميت متى تخلص الشقة ..
مريم: لازم هالامور تطول ..
احمد: على قولتج .. انزين رفيجي يقول في تنزيلات بصفاة الغانم تروحين اليوم ولا مشغولة ؟؟
مريم: لا عادي متى تبي نروح ..
احمد: مادري على راحتج انا الحين بطلع من الدوام فيج شدة نروح الحين ؟
مريم: يالله فوقه .. بس ما تبي تريح ؟
احمد: لا نايم عدل .. امس من كثر ما فكرت فيج دخت
مريم: هههههههههههههههههههههه زين والله التفكير فيني مفيد ..
احمد: اي من صجج انتي .. انزين يالله قومي صحصحي واكلي لج شي سريع سريع وبدلي اكون واصل ..
مريم: اوكي
احمد: مو تكثرين عازممج عالريوق ..
مريم: يصير خير .. يالله ناطرتك
احمد: مع السلامة حبيبتي
مريم: مع السلامة حبيبي


مريم تمت بالفراش .. سرحانة باللي راح والحاضر واللي ياي .. مريم حست بالذنب انها جذبت على احمد .. اهي قاعدة من زمان ومتريقة وخالصة .. بس ما حبت انها تبين له انها قاعدة من زمان وما دقت عليه ..
اما هالمكالمة كانت بالنسبة حق احمد الاثبات والدليل القاطع على كلام اخته وعلى سلامة وصحة العلاقة بينه وبين مريم استانس احمد ان كلام اسرار طلع صح مريم مافيها شي وكل اللي فيها ضغط وتعب وارهاق الملجة لكنه ما يدري ان ورا هالحزن وهالتغيير تردد كبير ومحاتاة .. وقلق .. وتفكير ..

قامت مريم بدلت ونزلت

مريم: هلا يمه .. شلونج ؟؟ يعطيج العافية
ام راشد: يعافيج يمه وانا اسال كوماري تقوللي ماما مريم فوق .. قلت اكيد نايمة .. احط لج ريوق
مريم: لا يمه تريقت الحمدلله
ام راشد: بالعافية .. ها طالعة ؟
مريم: اي احمد بيمرني بنروح صفاة الغانم نشوف الاثاث
ام راشد: اييي يالله موفقين ..
مريم: شنو شريتي من الجمعية
ام راشد: ماكو .. مسوين عرض عالعيش قلت خل اروح الحق ..
مريم: اي حلو والله .. انوارو بالمدرسة ؟
ام راشد: اي .. بالمدرسة وراشد بالمعهد ..

رن تلفون مريم رنة ..
مريم : هذا احمد برة خل اطلع .. تبين شي يمه ؟؟
ام راشد: لا يمه ابيج سالمة .. بتردون عالغدا ؟؟
مريم: مادري والله بينا الو
ام راشد: على خير ..

طلعت مريم وركبت السيارة
احمد: هلا .. هلا والله هلا .. هلا بالحياة .. هلا بالحب .. هلا بالدنيا
مريم: هههههههههه احمد .. بسك
احمد: سكتي لا اتلج وابوسج جدام عيال الفريج
مريم: امبيه احمد متأكد انك نايم ؟؟
احمد: اي متأكد اني نايم عدل ولا حلمان فيج ..
مريم: صج وناسة .. عيل انا امس ما حلمت بولا شي ..
احمد: ممممممم خلاص باجر طالعي صورتي قبل لا تنامين وحلمي فيني زين
مريم: زين ...
احمد: انزين يالله وين تبين تتريقين
مريم: لا تريقت الحمدلله
احمد: خيانة .. انا قلت لج اكلي اي شي سريع سريع
مريم: امي ما خلتني وما حبيت اردها
احمد: خلا ص سامحتج عشان عمتي ... انزين تبين نروح اول شي ايكيا او صفاة الغانم ؟
مريم: لا خنروح صفاة الغانم احسن .. والتناتيف نكلمهم من ايكيا
احمد: اوكي توكلنا على الله ...




التاريخ : 23-12 -2007
الوقت : 2:00 الظهر
المكان : بيت ام علي

بو علي: اكلي بابا شفيج تعبانة ؟ نوديج الدكتور
فاطمة: لا عمي مافيني شي بس الظاهر حايشني هوا ..
بو علي: شوفي ويهج اصفر .. صارلج ساعه تلعبين بالاكل
فاطمة: مو مشتهية ..
ام علي: (( دخلت على غرف ةالاكل )) ها فطومة شفيج يمه
فاطمة: مادري شفيني خالتي لايعه جبدي ومن الصبح استفرغ عزكم الله دفيت بطني شربت باسكوبان ماكو فايدة

ام علي: من اليوم بس ؟؟
فاطمة: اولت امس كان خفيف .. امس نص نص اليوم بزود
بوعلي: نوديج الطبيب يبه ؟؟
ام علي: هاو شحقه الطبيب ؟؟ بعد فطومتنا بتصير ام شلنا بالطبيب
فاطمة: امبيه خالتي شفيج ؟؟ شكو
ام علي: شنو اللي شكو .. اهو قومي قومي جدامي صعدي فوق .. ريحي والعصر انا بيدي اوديج الطبيب ..
فاطمة: ان شاء الله خالتي ..
صعدت فاطمة .. ونادت ام علي الخدامة وقالت لها تسوي شوربة حق فاطمة وتحط علبة زبادي بالصينية ..

بو علي: شفيج يا مرة .. فشلتي البنية ..
ام علي: لا فطومة عادي ..
بو علي: شنو اللي عادي .. ويهها صار طماطة
ام علي: اي ما عليه بجرها .. فديتها والله فطومتنا بتصير ام ..

بدخلة علي ..
علي: السلام عليكم .. قوة يمه قوة يبه .. شلونكم (( باس راس ابوه _ وامه ))
ام علي: هلا والله هلا بوليدي
بو علي: هلا يبه .ز شلونك ؟؟ وشلون الدوام ؟
علي: بخير الحمدلله .. ها غداكم مطبق هامور اليوم .. وين فطوم تحبه ..
ام علي: وي فطوم ما تقدر تاكل خنت حيلي
علي: شفيها ؟؟ اليوم مكلمها مافيها شي
ام علي: شنو اللي مافيها شي .. ما قالت لك انها متيعيبة ؟؟
علي: اي قالت بس تقول يمكن هوا شفيها فيها شي ؟؟
بو علي: لا مافيها شي ان شاء الله العصر امك توديها الطبيب ..
علي: ليش العصر الحين اقوم اوديها
ام علي: اقعد اقعد .. مرتك عيارة
علي: ها ؟؟ يمه شسالفة ؟؟
ام علي: يا حظي ماتدري ؟؟ عندك اثنين وما تدري ؟؟
علي: ادري عن شنو يمه دوختيني شسالف ةيبه
بو علي: امك تقولك
ام علي: فطومة حامل يا حظي .. فطوم تتنسى
علي: صججججججججج !!!!!!!!!!!!!!!!!!!!
ام علي: هههههههههههههههههههه شوفي الولد يا خية .. اي صج حامل
علي: يمه تقصين علي؟؟ شدراج ؟
ام علي: هاو ؟؟ يبتكم 3 وشدراني ؟؟
علي: مادري شقول ..
بو علي: شفيك منت قادر تقضب كرسي .. اصعد لها روح مرخوص يا يبه
ام علي: وي يا حلات ولدي .. اقول ترا مو البجر ..
علي: البجر ولا اخر العنقود .. مو مصدق .. عن اذنكم

وصعد علي ركض فوق ولقى فاطمة بالحمام ترجع ....... ولما طلعت

علي: فطوووووووومتي اخييييييييييييييييه اخييييييييييييييه سلامات يا عمري سلامات
فاطمة: الله يسلمك .. شلونك ؟؟ متى يييت ؟؟
علي: ما صارلي حتى ما تغديت من سمعت الخبر
فاطمة: اي خبر ؟؟
علي: انج حامل يالشيطانة .. ما بغيتي
فاطمة: واي علي استحي .. بعدين مو متأكدة لحد الحين ..
علي: ان شاء الله تكونين حامل (( لمها )) فديتج فديتج فديتج
فاطمة: حياتي والله ..
علي: افييييييييييييييه يا فطوم واخيرا بشوف ياهل في هالبيت
فاطمة: علاوي شالحجي حسين وحنين شفيهم اسمالله عليهم
علي: مافيهم شي الله يحفظهم بس قصدي انا احب اليهال وابي يهال ميت ميت على ياهل يبجي ويوصوص ... بعدين انا ابيهم عزوة حق بعض اخوان حق حسون وخوات حق حنينو .. شوفينا احنا ثلاثة . .فقيرة منار لا اخت ولا ونيس مجابلتنا اشوه الله كتب لها نصيب وتزوجت جان انقلبت صبيك بسبتي انا وعمور .. وعمور بوادي وانا بوادي ..

فاطمة: اي صح كلامك .. ان شاءالله خير والحمدلله على كل حال ..
علي: واي واي تهبلين ونتي تتنسين .. حلات الويه الذبلان والله
فاطمة: علييييييييي .. لا تحرجني للهالدرجة ويهي ذبلان
علي: اي ذبلان واصفر ومالج شغل انا اموت فيج بكل الحالات ونتي لو تدرين انج سكسية ونتي جذي جان ما تحجيتي
فاطمة: @@ شكووووووووووووووووووووو .. علاوي يوز عني
علي: ما ايوز ولا بخليج ولا بفكج
فاطمة: انزين قوم تغدا ...
علي: مابي غدا شبعت .. وسمعي مو تقولين لي اتنسى عليك ماحبك مابيك تلوع جبدي من ريحتك ؟؟ اذبحج .. لاني بلصق فيج وايد ..
فاطمة: واي علاوي مو وقته هالحجي ...
علي: اي مو مشكلة بس ان الذكرى تنفع المؤمنين .. وين رايحة


قامت فاطمة ورجعت ..

كان علي وايد مستانس وطاير من الفرحة بسبب هالخبر
العصر فاطمة وعلي راحوا المختبر .. سوت تحليل .. وطلعت صج حامل .. ردت البيت منار كانت موجودة وام علي .. كانوا وايد مستانسين لها

منار: مبروك مبروك الف مبروك ..
فاطمة: الله يبارك فيج حبيبتي ..
منار: امبيه حرام ريض عليج ليش جذي وي شكلها نساتج جايدة الله يعينج
ام علي: اي شكلها جذي .. تعالي فطومة تعالي خليت الخدم يسوون لج عصير برتقال خل ترد روحج .. مشتهية شي ؟؟ بخاطرج شي ؟؟

فاطمة: لا خالتي مو مشتهية شي ..
منار: عاد الحين ديري بالج على نفسج مو تخلي ناليهال يرفسونج ؟؟
فاطمة: ان شاء الله
ام علي: اي يمه ديري بالج ..

دخلت انوار وعامر ............
عامر: السلام عليكم
انوار: السلام عليكم

ردو الكل وعليكم السلام

ام علي: هلا بالمعاريس .. وينكم مانشوفكم يا حافظ ..
عامر: كانا .. كنا رايحين ندور اثاث ..
ام علي: عسى لقيتو
انوار: ماكو شي عاجبني لحد الحين يبيلنا نفتر اكثر
ام علي: الله يوفقكم ان شاء الله ..
انوار: امبيه فطوم شفيه ويهج اصفر
ام علي: باركي حق اختج حامل ..
انوار: صججججججججججججج .. وناسة مبروك حبيبتي ..
فاطمة: الله يبارك فيج ..
انوا{: واي اول حفيد .. امي درت ؟
فاطمة: لا بعد
ام علي: لا بعد امج ما درت ...
انوار: واي فطوم عليج شكو ما قلتي حق امي امي المفروض اول وحدة تدري ..

ام علي طالعت انوار منار طالعت انوار .. فاطمة تخزبقت ...

فاطمة: دقيت عليها الظهر كنت بقولها عن اللي فيني محد شاله
انوار : ماعندج سالفة جان دقيتي على راشد ولا شي
ام علي: شفيها خو توها البنية محللة شفيج انوارو مطفوقة .. وبعدين انا خالتها وحسبة امها ما يهم انا دري تولا امج وامج مردها بتدري ..

الكل حس بشد الاعصاب اللي صار وشلون ام علي ردت على انوار .. حاولوا الكل يلطفون الجو

فاطمة: اي صح كلامج خالتي .. انوار رحتوا ايكيا

طبعا انوار طنقرت شلون خالتها تكلمها جذي وانتفخت وكانت شوي وتبجي ..

انوار: لا ..عامر يالله انا بروح تعبت ..
عامر: يالله ..
انوار: مع السلامة ..

ام علي : مع السلامة
منار : مع السلامة
فاطمة: باي .. انوار ..

قامت فاطمة راحت فوق تريح ..

ام علي: شفتيها هالبازع ؟؟؟
منار: طولي بالج يمه .. انوارو دفاشة وياهل عادي اقنور
ام علي: لا وين اقنور .. وهالدرو ولدي مثل الخروف تعال تعال روح روح ..
منار: يمه هاو شفيج
ام علي: مافيني بس انتي تعرفيني مو انا اللي زبوط النقعه تطول لسانها علي ..


وبالسيارة عند عامر وانوار

انوار: (( تبجي )) شفتها .. هذي واهي خالتي من الحين تدقر فيني وتغلط علي
عامر: يا يبه امي ما غلطت ولا دقرت بس شوية كان كلامها حاد واهي خالتج وبحسبة امج
انوا: لا لا .. لا تقول جذي لا تدافع عنها ..
عامر: شلون ما ادافع عنها هذي امي ... شفيج انوار طولي بالج ماكو شي ترا انتي مكبرة الموضوع عمري
انوار: لا والله ؟؟؟ ردني بيتنا اقولك .. الحين ..........

 

[نكي مشترك]

يعطيييييييج العافيه حبيبتي ياليييت لو تنزلين بارت لنا بعد

 

[fe7awya]

وااااااااااااااااااااااااااي
يعطيييج الف الف عاااافيه
بصراحه كنت قاطعه عن القصه امس واليوم كملت باجي البارتات
القصة روووووووووووووووووووووعه
و سامحيني من زمان ما كتبت رد
وقلت هذا الوقت المناسب
يلا ناطرين الباجي

 

[MISS.D&G]

تسلمين عالبارت
ناطرين

 

[Riooma]

hehehe ya7eloha anwar. yahel bs twanes

 

[Bent extra 3asal]

عجيييبه القصه كمليها حبوبه

ناطرينج

 

[DA3LOoOLA]

وااااااي انوارووو حدها دعله ومــلـــيــــقـــــــــــــــــــــــــــــــة

 

[أميرة العود]

ناطرينج

 

[JaN JaN]

مشكــــــــــورة حبيبتي

 

[جمال رباني]

تكفيييييييييين كملييييييييييي

 

[miss disaster]

البارت روعه

يسلمو وناطرين الياي

 

[so_what]

يسلموو على البارت

 

[Babya Doll]

يعطييج العافية حبيبتي
ناطريينج ~ ..

 

[نكي مشترك]

نااااااااااااااااااطرينج

 

[MISS.D&G]

فوووووووووق

 

[zoqaaa]

waiting

 

[fato_kw]

السلام عليكم

انا من المتابعين بصمت

صراااحه القصة وااايد وااايد حلوة وحدي منندمجه :>

انتظر البقيه بفارغ الصبر على احر من الجمر

ومتى ما نزلتي على راحتج احنا ننطر

 

[Bent extra 3asal]

متى تنزلييين البارت ؟؟

 

[توتا كويتيه]

مشكوره حبوبه

ننطرج