(( مذكرات مريم .. مذكرات في طي النسيان ))

[MISS.D&G]

up >>>

 

[zooz92]

يسلمووو على البااارت الحلوو

ناااطرينج ..~

 

[ذلتني عيونك]

ثانكس على البارت

 

[com-teacher]

شكرااااا حبي

 

[sky tears]

يسلمووووووووووووووو ناطرينج

 

[انين الانتظار]

يسلمووو هاليدين حوبي

ناطرينج دلم

وشكراا

 

[DA3LOoOLA]

waiting

 

[miss disaster]

ناطرين

 

[A7la Jekra]

Yslmouuuuh

waiting

 

[واثقة بجمالها]

قصه رووعه يسلم خيالج

ننتظرج وانا قريتها اليووم كلها بلشت فيها من الساعه 9 الى الحيين وخلصت كل البارت ولا تشوفيني وانا ابجي حييل تاثرت

ننتظرج

 

[so_what]

waiting

 

[نكي مشترك]

ناااااااااااااطرينج حبيبتي

 

[q8tya 3asaal]

waiiting

 

[Bent extra 3asal]

waiting

 

[ام هديل 87]

ناطرينج

 

[MaFaZ]

التاريخ 30-12-2007
الوقت : 11:10 بالليل
المكان : بيت ام راشد


بغرفة مريم

مريم: يالله احمد ما تعبت ..
احمد: حرام عليج مريوم هم ما اشوفج وهم ما اسولف معاج ؟؟
مريم: ميخالف حمادة .. باجر راح اشوفك
احمد: ممممم انزين الله يرضى بعد شوي النيو يير وما سهرنا مع بعض ولا شفتج ؟؟
مريم: ممممممم ... عادي هذا مو عيدنا مو مهم نحتفل فيه والايام بينا ان شاء الله
احمد: على راحتج .. انزين طلي من الدريشة
مريم: ليش؟؟
احمد: بس طلي بشوفج
مريم: هاو .. احمد ينيت ؟؟ اي دريشة
احمد: انا برة شفيج
مريم: من صجك ؟؟؟؟؟؟؟
احمد: اي من صجي
مريم: ........ انزين انزل ادخل البيت شكو اطل عليك
احمد: بس ..انا مراهق وابي اشوفج من الدريشة
مريم: لا مابي اطل احنا من متى نطل من الدرايش
احمد: اشفيج مريم انتي مرتي .. ومحد بيخاف عليج كثري
مريم: لا في اخواني .. شنو بيقولون عنا الييران ليه شافوني اطل ..
احمد: مريم شفيج ؟؟؟
مريم : مافيني شي .. انا اخليك الحين رشود يناديني ..
احمد: شنو ؟؟ رشود كاهو قاعد عند ديوانية بروك متى ناداج مريم شفيج
مريم: مافيني شي احمد خلاص سكر الخط مابي اتهاوش
احمد: من صجج انتي ؟؟؟؟؟ منقلب حالج صارلج مدة وانا ساكت ومتحمل واخرتها جذي تكلميني
مريم: متحمل شنو حدد ؟؟
احمد: متحمل اللي متحمله
مريم: لا حدد شنو متحمل ؟؟ متحملني وانا مريضة وتعبانة ومالي خلق صح ؟؟؟
احمد: خلاص خلاص روحي
مريم: لا ماني رايحة خلص كلامك وتالي اروح
احمد: استغفر الله ترا طفرت اوكي
مريم: كل هذا عشان مابي اطل من الدريشة .. مو غصب .. انته لو تحبني جان تعودت على اطباعي جان تحملت اطباعي مثل ما انا متحملة
احمد: ما شاء الله وشن واهي الاطباع اللي انتي متحملتها ؟؟ شكله قلبج متروس
مريم: يالله باي
احمد : .............
مريم: باي
احمد: (( سكر الخط ))


نزلت مريم وقعدت بالصالة تطالع تلفزيون شوي ودخل رشود قعدت اهي وياه يطالعون تلفزيون وحدها طنشت احمد مع ان قهرها .. بس ما حبت مزاجها يتعكر .. الفترة اللي فاتت كانت كلها شد واعصاب وتوتر .. فطنشت اسلوبه وكلامه عشان لا تتسرع وتتصرف تصرف غلط
اما احمد فتم يدق عليها واهي ما ترد لان تلفونها كان سايلنت بالغرفة فوق .. لما صعدت بالليل الساعه 2 ونص لقت 40 مس كول و 28 رسالة .. ما بين عصبية واعتذار وحب .. وتباريك للسنة اليديدة 25 رسالة من احمد و 33 مس كول من احمد ... طفت جهازها مريم وحاولت تنام ...

انوار: مريم انتي نايمة ؟
مريم: لا تعالي .. توج رادة
انوار: اي .. توني
مريم : شفيج ؟
انوار: ابي اتطلق بس مليت
مريم: ينيتي انوار؟؟ ليش وشنو صاير
انوار: مو صاير شي ..
مريم: قولي .. شنو مضايقج عامر قايلج ولا مسويلج شي ؟
انوار: لا .. بس خالتي .. كل ما تشوفني تدقر ولا تقط علي كلمة مهي حالة
مريم: انوار من صجج انتي ؟؟ هذي خالتي ام علي .. اهي وخالتي ام اسامة بحسبة امي بالنسبة لنا يعني عادي .. اهي لو مو عادتج مثل بنتها جان ما قالت اللي بقلبها
انوار: لا لا .. اهي من حملت فطوم واهي جذي .. مو بالعتني دام انها ما تبيني شكو خطبتني حق عامر .. وبعدين اهي ما تعامل منار جذي اشوف ؟
مريم : انزين فلنفرض ان خالتي قصدها تدقرج على قولتج .. المهم عامر .. عامر شلونه وياج
انوار: زين ما شي حاله
مريم: بسسسسسسس .. بس اللي انا اشوفه غير زين ماشي حاله
انوار: شلون يعني
مريم: يعني لو تطلبين لبن العصوفر قالج يا لبيه
انوار: وشنو يعني ؟؟ لازم يقوللي جذي انا مرته
مريم: لا غلطانة انوار مو لازم يقولج شي .. ليش ؟؟ انتي عبالج كل الرياييل يلبون حق حريمهم
شوفي فطوم وشوفي بدرو .. حامدين ربهم ومتقبلين كل شي
انوار: لا يا عيوني فطوم خالتي مسويتها يا دهينة لا تنكتين .. خالتي من زمان تحب فطوم ..
مريم: انوار حبيبتي صلي عالنبي ماكو شي ان شاء الله .. انتي اكيد اعصابج شادة .. شلون طلعتكم
انوار: ماشي حالها ..
مريم : وين رحتوا ؟؟
انوار: مطعم بعدين تمشينا بعدين نزلني عالبحر
مريم: ياعيني .. عمور طلع رومنسي
انوار: ههههههههههههههههه اللي اهو ..
مريم: خلصتوا تجهيز الشقة ؟؟
انوار: لا بعد ناقصتنا اشياء
مريم: رحتوا ايكيا
انوار: اي رحنا .. انتي خلصتي
مريم: نفس الحالة ..
انوار: يالله خل اروح امسح مكياجي وانام ..
مريم: اوكي


التاريخ : 2-1-2008
الوقت : 3:30 العصر
المكان : بيت ام غانم

بالصالة

ام غانم : يعني ليه متى قاط مرتك وولدك
وليد: انا ماعندي مرة
ام غانم: لا والله ... اخاف ما تشتهي
وليد: لا حول ولا قوة الا بالله .. الحين انتي شنو تبين ؟؟ ما تقدرين تشوفين واحد من عيالج مستانس ؟؟

تهاني : الحين امي شقالت لك ؟؟ كليتها بقشورها .. اي مرتك وولدك حرام عليك اللي تسويه يا ويلك من الله .. اصحى من اللي انته فيه
وليد: تبيني انا اخاف من الله ؟؟ ونتو ليش ما خفتوه فيني ؟؟ اصلا انتو تعرفون الله ؟؟
تهاني : لا والله شالحجي
ام غانم: احنا شسوينا فيك بالله ؟ لا يكون ماكلين حلالك ؟؟
وليد: لو ماكلين حلالي اشرف لي وايد من اللي سويتوه
ام غانم: ويييييييييييييييه روميو .. يروح يروح ويرد حق مريمو .. ساحرينك عافسين حياتك ولا كنت شزينك مافيك الا كل خير

وليد: ساحريني ؟؟؟؟؟ اي يصير خير
ام غانم: انزين خلصني .. متى تروح انت وابوك حق بيت منال
وليد: ماني رايح مكان ... تبي .. اهي تيي محد طردها ..
ام غانم: لا والله ؟؟ هامل البنية ماتدري عن هوا دارها جنك مينون .. زقاير وسهر .. شي طبيعي بتهج البنية فشلتنا مع الاوادم ..
وليد: هذول مو اوادم اصلا .. اللي تزوجت واحد فاقد الذاكرة ولفت عليه عشان تفتك من العنوسة .. قدرت علي وانا لا حول ولا قوة شوفي يا ام غانم
ام غانم: شنو قمت تناديني ام غانم
وليد: ردة ماني راد تبي اهي ترد غير جذي ماعندي حجي ولا وصلوا لهاهالكلام اني بطلقها غيابي
تهاني : واي اكو احد يعوف النعمة
وليد: تهاني رجاء سكتي ولا تتدخلين ترا واصلة فيني ليه اهني ..

وبهاللحظة دخلت نوال وغانم وعيالهم .. طالعهم وليد باحتقار وقام حتى ما رد السلام

نوال: الحمدلله والشكر هذا شفيه ين ولا استخف
ام غانم: ما عليج منه يمه .. شلون اهلج
نوال: لا والله خالتي ما علي منه .. يرضيج اللي سواه باختي ؟؟ اهلي قالبيني الدنيا مو مقعدينها ولا اهم راضيين الا لما ايي وليد يعتذر
ام غانم: اي ايي يعتذر ليش لا اهو الغلطان
نوال: اي خالتي ولا تزعلين بس هذي الاصول احنا مو لعبة ولا احنا ناس عاديين


مغرورة يا نوال وغرورج غبي وفارغ .. يعني على غير سنع .. وليد صعد لكن كان وده ينزل يطيح حظ نوال .. كان وده ما يهدها الا واهو منتف خشتها .. من كثر ماهو حاقد عليها .. وخذته الافكار وفكرة تجر فكرة الى ان وصل بتفكيره لمريم .. وتم يتذكر ايامهم الحلوة .. وطلعاتهم تذكر لما كان يوعدها ان ما راح يخليها حتى لو شيبوا .. كان يتذكر احلامهم مع بعض ..



اتصل فارس على مريم بذاك اليوم

فارس: الو ..
مريم: هلا والله فارس
فارس: هلافيج شلونج ؟؟ شخبارج ؟
مريم : تمام بخير انت شلونك ؟؟
فارس: تمام .. ها طالعه ؟؟
مريم: لا بس بطلع شو بدك ؟
فارس: ما بدي .. ما فكرتي بكلامي
مريم: امبيه فارس انته حنان
فارس: اي شفتي شلون ؟؟ ... لان ادري حنتي راح تيي بنتيجة
مريم: ................... مادري شقولك
فارس: قوليلي اي شي
مريم: مو ذاك اليوم قلت لك والظاهر انته ما اقتنعت
فارس: حطي نفسج مكاني .. اخوي ويهمني امره وهذا شي طبيعي
مريم: صح كلامك .. بس
فارس: لا بس ولا شي ... شوفي نضبط لكم لقاء ودي عادي كانه ولد عمج مو طليقج قعدي معاه على اساس ان ولد عمج مو ريلج وتفاهمو منتي خسرانة ترا هذا مو معناته انكم تردون حق بعض فهميني ... بس يمكن النار اللي بقلبه تبرد ليه سمعها منج
مريم: يسمع مني شنو
فارس: انج ما تبينه
مريم : .....................................
فارس: سكتي ؟؟ افهم من هذا انج تبينه ؟؟؟
مريم: فروس شتقول انت .. انا متزوجة الحين
فارس: اي وشنو يعني ..ما قلنا خوني زوجج بس كل شي قسمة ونصيب
مريم: يصير خيرفارس افكر وارد لك خبر
فارس: متى؟؟
مريم: ههههههههههههههههههه حنان والله حنان
فارس: اي اي الله يعين مرتي
مريم: اي والله تعال متى تتزوج ؟
فارس: ما لقيت فتاة احلامي
مريم: عشتو .. ان شاء الله تلاقيها
فارس: ان شاء الله يمعوده ناقصني عوار قلب شوفي حالتج انتي ووليد
مريم: انا مافيني شي ..
فارس: اي خير ان شاء الله ..
مرمي: يالله انا خل اروح
فارس: اوكي الله وياج ...


ركبت مريم السيارة مع احمد وكل واحد مطنقر عالثاني .. صارلهم فترة يتناشبون على اقل الاشياء

مريم: شلونك ؟
احمد: تمام

سكتوا ...
احمد: ادق عليج كان عندج خط ثاني
مريم: اي كنت اتكلم بالتلفون
احمد: منو كنتي تكلمين
مريم: فارس ولد عمي
احمد: ولد اي عم ؟؟
مريم: فارس ولد عمي بو غانم
احمد: شنو المناسبة داق ؟
مريم: يسال عني .
احمد: يا سلام ...
مريم حقرته لان درت براسه شر ...
احمد: يعني ما تردين علي عشان فارس
مريم: لا مو عن بس ما سمعت الا بعدين كان يمه لوية وصوت عالي فما سمعت صوت الخط الثاني
احمد: اي ما شاء الله
مريم: احمد واللي يعافيك اكره اسلوبك الاستفزازي ... عندك شي قوله وريح نفسك وريحني مالي خلق هواش
احمد: ماكو شي
مريم: اوكي الحمدلله ..

وتم احمد مطنقر طول الطلعه ... خلصوا شغلهم بمحلات الاثاث وعقبها قط مريم البيت

مريم: ما تنزل تتعشى عندنا ؟؟ شكلهم خالاتي اهني
احمد: لا مابي سلمي على عمتي
مريم: اوكي يوصل تبي شي
احمد: لا مشكورة ..
مريم: اوكي مع السلامة

دشت مريم البيت ولا تلاقي خالتها ام علي ومنار وفاطمة .. وخالتها ام اسامه وبناتها ... وام مبارك ..

مريم: السلام عليكم جميعا

سلمت مريم على الكل وكانت تبي تصعد فوق
ام راشد: ها يمه وين رايحة
مريم: ابدل وانزل
ام راشد: يالله لا تبطين
مريم: ان شاء الله

صعدت مريم غرفتها واتصلت على اسرار على طول .. لقت عندها خط ثاني وعلى طول عرفت انها تكلم احمد على ما بطلت الكبت وطلعت لها هدوم دقت عليها اسرار
اسرار: الو
مرمي: هلا والله ام يعقوب شلونج
اسرار: هلا فيج يا قلبي انتي شخبارج
مريم: بخير الحمدلله شلون يارا ؟؟
اسرار: تمام بخير يسالون عنج وينج ما ييتي الزوارة .. من زمان مو شايفينج
مريم: شسوي قاعدين نفتر ندور اثاث ولوية .. وعقب ما نرد اكون تعبانة حتى ما قمنا نطلع نتعشى ونتغدى مثل اول ..
اسرار :ايي الله يعينكم .. التأثيث لوية .. ان شاء الله تخصلون بسرعه
مريم: ان شاء الله ..
اسرار : ها شفيج
مريم: مافيني شي بس بغيت اسألج احمد دق عليج
اسرار: اي اكيد احمدو كل يوم يدق علي
مريم: لا قصدي ما فتح معاج موضوع عنا
اسرار: شصاير قولي
مريم: لا انا سألتج اول
اسرار: وانا بعرف منج انتي
مريم: مادري شقولج .. احمد متغير ما يتحمل شي مني على ادنات الدون زعل وطنقر .. اهو من اول ما خذاني واهو يعرف حالتي ومرضي .. اي نعم انا مو قاعده استعمل مرضي عذر بس هذا الواقع
اسرار: اكيد ؟؟
مريم: شنو يعني ؟؟
اسرار : يعني اللي انا فاهمته من احمد ان بيت عمج قاعدين يحاولون يردونج حق ولد عمج
مريم: اسرار من صجج انتي ؟؟؟؟؟؟؟؟؟؟؟؟؟؟ شالحجي .. منو موصلكم هالحجي ؟؟
اسرار: لا تعصبين يا مريم .. ماله داعي انا قلت لج هذا الحجي اللي احمد قالي ياه وانا قاعده اسألج
مريم: بصراحة ماكو منطق .. احمد اكثر واحد يعرف علاقتي وعلاقة بيتنا ببيت عمي ..
اسرار :لا تلومينا .. صدقيني اي ريال بيشوف هالتغير من مرته ويكون عارف وضعكم بيفكر هالتفكير
مريم: لا اسمحيلي اي ريال يفكر بمرته هالتفكير معناته يشك فيها واذا احمد يشك فيني م نالحين بعدين شنو بيسوي .. ؟؟؟

اسرار: صح كلامج .. انزين ليش ما تفتحين معاه الموضوع وتتناقشون بهدوء
مريم: شفتح وشناقش ؟؟ احمد صاير على اي موضوع يتهاوش ويقلب الدنيا ويطنقر

اسرار: انزين حاولي تكسبينه .. حاولي باسلوبج تهدينه وتاخذينه صوبج وتفهمينه العكس

مريم: حاولت ماكو فايدة

اسرار: انزين يا مريومة اذا انتي من الحين تقولين ما اقدر بعدين شنو بتسوين ؟؟؟؟؟؟؟؟؟؟


هالكلمة (( بعدين )) خلت مريم تحس بالرعب وتنتفض في مكانها .. شلونبعدين انا م نصجي راح اعيش مع احمد ؟؟

عيل شعبالج يا مريم بتقضينها ملجة ؟؟ شي طبيعي بتتزوجيني انتي واحمد .. فكرة انها تكون مع ريال ثاني خلتها تخترع .. وترفض من داخلها .. بس مو اهني المشكلة المشكلة ان مريم كانت تمشي مع الاحداث بس ما فكرت ببعدين .... وسبحان الله يوم عن يوم كانت مريم توعى على نفسها انها هدت وليد وتزوجت احمد .... شلون بتعيش معاه في بيت واحد .. اهو مو وليد .. اهو م والانسان اللي تعودت عليه .. شنو ؟؟؟

مريم اكتشفت انها مانست وليد .. ولا تأقلمت مع احمد واكبر دليل التوتر في علاقتهم الحين

 

[meera15]

مريم اكبر مينونه اذا رجعت لوليد
لازم تدوس على قلبها وترضى بالمكتوب لها

 

[TaBoOoLa-7azena]

بالعكس اصلا مريم تسرعت وايد باحمد كووز اهيا تدري ان ولييد كان فاقد الذاكرة يعني الي صار ما كان بايييد ولييد واهو ماله ذنب
اهيا الدكتوور قال لها انه وليييد فاقد الذاكرة مؤقتا يعني اهيا كانت تدري ان ولييد راح ترجعله الذاكرة بس الله يعين الكل

 

[توتا كويتيه]

مشكوره حبيبتي ماتقصرين

 

[miss disaster]

بصراحه غلطانه مريم اذا ردت حق وليد ؟؟؟!!!!!!!