(( مذكرات مريم .. مذكرات في طي النسيان ))

[MaFaZ]

مريم: وليد ..
وليد: ( (بالغصب يبطل عينه )) ها .. منو
مريم: انا مريم
وليد: مريم .. مريم ..
مريم: لا تتكلم انا موجودة يا ولد عمي ..
وليد: انتي موجودة من زمان
فارس: وليد لا تتكلم .. الدكتور مانع عنك الكلام ..
وليد: خلني ..
مريم : اذا ما سمعت الكلام راح اروح ..
وليد: .... اوكي ...

كان كلام وليد ثقيل .. وويها يخرع من كثر ماهو تعبان .. كان شخص ثاني .. كان في ويهها بقايا من ملامح وليد ..
انتو عبالكم ان مريم صار فيها اللي صار عشان تحب وليد ؟؟ لا مو هذا السبب .. مريم انصدمت ان قرارها اهو السبب في نهاية وليد .. مريم حست بالذنب ان رفضها انها تشوفه .. اهو اللي سوا جذي في وليد .. بتلومونها وتقولون تصرفها غلط .. انا معاكم تصرفها غلط ومحد يقدر يقول العكس .. بس احيانا مشاعرنا تاخذنا لمكان ابعد من الواقع .. فالنتيجة تكون ان تصرفاتها غير منطقية وغير واقعية .. احيانا نتصرف على اساس احنا موجودين بالافلام .. لكن المشكلة احنا لا بفيلم ولا ممثلين ولا قصصنا ماشية على اساس سكربت ..

مريم انكسر قلبها على رجل بمعنى الرجولة كسر فيه الزمن مثل ما كسرها .. مريم ما تكره احمد لكن .. سوء تقديرها له ولموقفه .. مريم تروح تروح وترد لمشاعر مكبوتة في داخلها .. ان لو شنو احمد كان زين وسوالها شي زين يتم ان وليد اول ريال سوا معاها اشياء وايد زينة .. لا ننسى ان وليد طلع من بيت امه لما امه طردته عشان مريم .. لا تنسون ان وليد لما امه تبلت على مريم واهلها وقف مع مريم .. وايد امور صارت ما قالها حق مريم عشان لا تتكدر .. وليد كان رقم واحد في كل شي في حياة مريم .. ومريم بنت صغيرة .. لو شنو مرت بتجارب و كبرتها هالتجارب .. مريم راح اتم بنت صغيرة .. عمرها 21 سنة ..

بهالعمر اغلب البنات يدرسون ولا توهم متوظفين .. همهم في الدنيا الطلعه والروحة والوناسة والعلاقات ..
لكن مريم كانت غرقانة بين شخصين ... واحد من دمها ولحمها واول حب بحياتها واول من جرحها الجرح العميق وليد
وبين احمد الحب الكبير ... مريم الحب الاول بالنسبة حق احمد .. مريم بالنسبة حق احمد التضحية والامل

فارس: شلونج ؟؟ شلون ريلج
مريم: زين الحمدلله ... شقال الدكتور عن وليد ؟؟
فارس: ما قال شي يحتاج عملية بس بما ان يحتاج دم بعد .. نسبة دمه نازلة وما يتحمل جراحة
مريم:تبرعوا له
فارس: اي ما يقصرون ربعه واحنا .. تبرعنا بس بعد يبون جيس لان فئة دم وليد نوعا ما نادرة ما تتوفر دايما في بنك الدم
مريم: تبون دم ؟؟
فارس: منج ؟؟
مريم: انا ما اقدر اتبرع بس اكلم اللي اعرفهم
فارس: جان زين
مريم: فارس .. لا تزعل مني
فارس: مو زعلان يا مريم .. ولا يمكن في يوم الومج وان لمتج فصدقيني من حرتي على اخوي .. وليد .. مو اخو وليد رفيج قبل لا يكون اخوي
مريم: ادري .. ماله داعي تقول .. الله يشافيه يارب .. ويقومه بالسلامة .. قلبي معاه




راحت مريم البيت وتمت تفكر تفكر تفكر .. لين دخلت عليها امها

ام راشد: شقاعده تسوين ؟؟
مريم : حياج يمه .. ولا شي
ام راشد: شلون احمد
مريم: مادري عنه .. ..
ام راشد: يعني يا يمه زين لج اللي سويتيه ؟؟
مريم: يمه انا ادري اني غلطانة .. صدقيني ادري .. بس مو بيدي .. اكو احد يقدر ينسى حياة كاملة .. انا صج لحد الحين قلبي يخفق على وليد بس انا خلاص عديت مرحلة حبي له ... بس
ام راشد: بس شنو .. انتي جذي هدمتي حياتج مع احمد .. ماكو ريال يرضى على نفسه ان مرته تنهار وتزعل على ريال غيره
مريم: صح كلامج يمه .. بس انا احس بالذنب .. الذنب قاعد يقتلني .. وليد كان يترجاهم عشان بس يشوفني وفارس وبدر كانوا يحاولون يقربونا من بعض عشان نتكلم بس .. عشان قلبه يبرد ويتاكد اني زينة ومافيني شي ... بس انا رفضت وعندت وكلمت طريجي .. وخليته اهو يموت ..
ام راشد: وانتي متي قبله ..
مريم: هالحجي ماخوذ خيره يا يمه وانا الحين افكر شلون اصلح اللي هدمته .. لو بشي بسيط ...


خلت مريم الامور تهدا وبعد يومين بعد ما طلعت من المستشفى من وليد .. راحت حق اسرار بيتها وقعدت معاها وفهمتها موقفها وكلمتها وايد لين اسرار اقتنعت بوجهة نظر مريم .. وان مريم ندمانة على اللي سوته .. بس المشكلة ان احمد بعد هالسالفة حط جنطة هدومه وسافر .. وحتى من غير لا يبلغ مريم ..

مريم: والحين شلون يا اسرار ؟؟
اسرار: والله يا مريم من اجل عين تكرم مدينة .. ونتي حبيبتنا واحنا نحبج والله شاهد .. وانتي صج غلطتي ونتيياية تصلحين غلطتج بس هم اهو من حقه ان يزعل ويتصرف اي تصرف كان يعني لا تستغربين لو كان مطلقج ونتي ما تدرين ..
مريم: لا مطلقني ؟؟
اسرار: اي يا مريم .. شوفي انتي مثل اختي الصغيرة وانا لازم انصحج وانورج .. ترا الرياييل مو مثلنا تتملكهم العاطفة .. الزم ما على الريال كرامته .. الزم ما عليه رجولته .. واتوقع ردة فعلج جرحته ونتي اعترفتي بنفسج يعني تخيلي موقفكم العكس وان احمد اهو اللي انفعل وزعل على حبه الاولي
مريم: وليد مو حبي الاولي.. وانا اللي ابيج تعرفينه ان الذنب تملكني
اسرار: ادري يا مريم وصدقيني يا قلبي ماله داعي تبررين اكثر .. انتي يمكن ما عرفتينا عدل .. احنا خذينا طبع ابوي الله يرحمه .. احنا ليه حبينا ناس وعزيناهم صدقيني ما تتوقعين شكثر نسامح ونغفر لهم ونلتمس لهم الاعذار بصورة مطلقة .. بس انا اكلمج من وجهة نظر اي ريال ..
مريم: صح كلامج وانا مثل ما قلت لج اعترف اني غلطت وابي اصلح غلطتي ..
اسرار : لج مني وعد ان رجع من السفر اجمعكم مع بعض واكلمه قبلها ..
مريم: مشكورة يا ام يعقوب .. ناطرة منج رد .. يالله انا خل اروح ..
اسرار: خلج تعشي معانا
مريم: لا ما عليه .. تعبانة شوي ..
اسرار : سلمي عالكل وماتشوفين شر حبيبتي مع السلامة
مريم: مع السلامة



طلعت مريم واهي تحس بتعب وتحس ان حرارتها مرتفعه .. وصلت البيت .. راحت غرفتها على طول .. انسدحت .. من كثر ماهي تعبانة .. يالها اجهاد مفاجيء ..

وتمت على هالحالة لمدة اربع ايام .. لين اليوم الخماس طاحت مريم من طولها .. خذوها المستشفى .. نامت عندهم يومين .. سوولها تحاليل .. ولا المرض راد لها .. طلعت مريم بعد اسبوع من المستشفى .. ومحد يدري ان المرض رد الا اهي وامها وراشد .. حلفت امها انها ما تقول حق احد .. ووعدتهم انها راح تاخذ العلاج وتروح مكي جمعه عشان يتبطل ملفها مرة ثانية وتتعالج .. نطرت مريم يوم بالبيت بعد ما ردت من المستشفى وراحت زارت وليد .. ولا ما تلاقيه بالعناية دقت على فارس وقالها ان وليد نزلوه الجناح ..

مريم: السلام عليكم
وليد: وعليكم السلام .. توها ردت روحي ..
مريم: ما تشوف شر يا ولد عمي ..
وليد: الشر ما اييج .. ويهج تعبان
مريم: من الشمس ..
وليد: مبروك
مريم: الله يبارك فيك .. احمد كان وده يزورك بس دازينه دورة .. من يرجع راح يزورك ..
وليد: ان شاء الله .. مستانسة ؟؟
مريم: الحمدلله
وليد: هذا اهم واحلى شي سمعته ..
مريم: طول عمرك تتمنى الخير للكل ..


طلعت مريم وفي بلعومها غصة وعبرة .. ان طلعتها يمكن تصرخ وتسمع الدنيا كلها صرختها .. وان كتمتها يمكن يوقف قلبها وتموت .. هذا احساس مريم بالاحداث اللي قاعده تصير ..

رن تلفون مريم واهي طالعه من المستشفى ..
مريم: الو
مساعد: مريم وينج ؟؟
مريم: انا كاني ياية كنت رايحة الصيديلية
مساعد: ايييييييي .. تعالي انا في البيت ابيج
مريم: ان شاء الله ربع ساعه وانا عندكم ...


وصلت مريم البيت ولا لقت مساعد ناطرها ..
مريم: هلا مساعد
مساعد: هلا فيج .. شصاير بينج وبين احمد
مريم: كل خير ليش؟
مساعد: الريال كلمني
مريم: اوكي ؟؟
مساعد: شوفي مريم .. انتو كبرتوا وزوجناكم وصرتوا حريم وعندكم بيوت .. والمرة مو كل يوم لها ريل
مريم: صح كلامك ..
مساعد: دام انه صح ليش هالمشاكل

طبعا مريم كانت تدري ان مساعد ما درا شنو سبب الزعل ولو كان داري جان قلب الدنيا ما قعدها .. وجان يمكن مد ايده عليها .. لكن الظاهر ان احمد ما قاله شي .. وهذا يدل ان احمد ما يبي الانفصال اهني ارتاحت مريم شوي .. وتناقشت مع مساعد ووعدته انها تصلح الامور

صعدت فوق واتصلت على اسرار
مريم: الو
اسرار: ال هلا والله مريم
مريم: ام يعقوب ليش ما قلتيلي ان احمد اهني
اسرار: صج ؟؟ شدراج
مريم: ليش ما تدرين ..
اسرار: لا والله دقيت على جهازه مغلق
مريم: اها .. لا واصل الكويت .. ومتصل على اخوي مساعد
اسرار: وي صج ؟؟ وقايله
مريم: لا بس قاله ان في سوء تفاهم بسيط ..

 

[MaFaZ]

مريم: وليد ..
وليد: ( (بالغصب يبطل عينه )) ها .. منو
مريم: انا مريم
وليد: مريم .. مريم ..
مريم: لا تتكلم انا موجودة يا ولد عمي ..
وليد: انتي موجودة من زمان
فارس: وليد لا تتكلم .. الدكتور مانع عنك الكلام ..
وليد: خلني ..
مريم : اذا ما سمعت الكلام راح اروح ..
وليد: .... اوكي ...

كان كلام وليد ثقيل .. وويها يخرع من كثر ماهو تعبان .. كان شخص ثاني .. كان في ويهها بقايا من ملامح وليد ..
انتو عبالكم ان مريم صار فيها اللي صار عشان تحب وليد ؟؟ لا مو هذا السبب .. مريم انصدمت ان قرارها اهو السبب في نهاية وليد .. مريم حست بالذنب ان رفضها انها تشوفه .. اهو اللي سوا جذي في وليد .. بتلومونها وتقولون تصرفها غلط .. انا معاكم تصرفها غلط ومحد يقدر يقول العكس .. بس احيانا مشاعرنا تاخذنا لمكان ابعد من الواقع .. فالنتيجة تكون ان تصرفاتها غير منطقية وغير واقعية .. احيانا نتصرف على اساس احنا موجودين بالافلام .. لكن المشكلة احنا لا بفيلم ولا ممثلين ولا قصصنا ماشية على اساس سكربت ..

مريم انكسر قلبها على رجل بمعنى الرجولة كسر فيه الزمن مثل ما كسرها .. مريم ما تكره احمد لكن .. سوء تقديرها له ولموقفه .. مريم تروح تروح وترد لمشاعر مكبوتة في داخلها .. ان لو شنو احمد كان زين وسوالها شي زين يتم ان وليد اول ريال سوا معاها اشياء وايد زينة .. لا ننسى ان وليد طلع من بيت امه لما امه طردته عشان مريم .. لا تنسون ان وليد لما امه تبلت على مريم واهلها وقف مع مريم .. وايد امور صارت ما قالها حق مريم عشان لا تتكدر .. وليد كان رقم واحد في كل شي في حياة مريم .. ومريم بنت صغيرة .. لو شنو مرت بتجارب و كبرتها هالتجارب .. مريم راح اتم بنت صغيرة .. عمرها 21 سنة ..

بهالعمر اغلب البنات يدرسون ولا توهم متوظفين .. همهم في الدنيا الطلعه والروحة والوناسة والعلاقات ..
لكن مريم كانت غرقانة بين شخصين ... واحد من دمها ولحمها واول حب بحياتها واول من جرحها الجرح العميق وليد
وبين احمد الحب الكبير ... مريم الحب الاول بالنسبة حق احمد .. مريم بالنسبة حق احمد التضحية والامل

فارس: شلونج ؟؟ شلون ريلج
مريم: زين الحمدلله ... شقال الدكتور عن وليد ؟؟
فارس: ما قال شي يحتاج عملية بس بما ان يحتاج دم بعد .. نسبة دمه نازلة وما يتحمل جراحة
مريم:تبرعوا له
فارس: اي ما يقصرون ربعه واحنا .. تبرعنا بس بعد يبون جيس لان فئة دم وليد نوعا ما نادرة ما تتوفر دايما في بنك الدم
مريم: تبون دم ؟؟
فارس: منج ؟؟
مريم: انا ما اقدر اتبرع بس اكلم اللي اعرفهم
فارس: جان زين
مريم: فارس .. لا تزعل مني
فارس: مو زعلان يا مريم .. ولا يمكن في يوم الومج وان لمتج فصدقيني من حرتي على اخوي .. وليد .. مو اخو وليد رفيج قبل لا يكون اخوي
مريم: ادري .. ماله داعي تقول .. الله يشافيه يارب .. ويقومه بالسلامة .. قلبي معاه




راحت مريم البيت وتمت تفكر تفكر تفكر .. لين دخلت عليها امها

ام راشد: شقاعده تسوين ؟؟
مريم : حياج يمه .. ولا شي
ام راشد: شلون احمد
مريم: مادري عنه .. ..
ام راشد: يعني يا يمه زين لج اللي سويتيه ؟؟
مريم: يمه انا ادري اني غلطانة .. صدقيني ادري .. بس مو بيدي .. اكو احد يقدر ينسى حياة كاملة .. انا صج لحد الحين قلبي يخفق على وليد بس انا خلاص عديت مرحلة حبي له ... بس
ام راشد: بس شنو .. انتي جذي هدمتي حياتج مع احمد .. ماكو ريال يرضى على نفسه ان مرته تنهار وتزعل على ريال غيره
مريم: صح كلامج يمه .. بس انا احس بالذنب .. الذنب قاعد يقتلني .. وليد كان يترجاهم عشان بس يشوفني وفارس وبدر كانوا يحاولون يقربونا من بعض عشان نتكلم بس .. عشان قلبه يبرد ويتاكد اني زينة ومافيني شي ... بس انا رفضت وعندت وكلمت طريجي .. وخليته اهو يموت ..
ام راشد: وانتي متي قبله ..
مريم: هالحجي ماخوذ خيره يا يمه وانا الحين افكر شلون اصلح اللي هدمته .. لو بشي بسيط ...


خلت مريم الامور تهدا وبعد يومين بعد ما طلعت من المستشفى من وليد .. راحت حق اسرار بيتها وقعدت معاها وفهمتها موقفها وكلمتها وايد لين اسرار اقتنعت بوجهة نظر مريم .. وان مريم ندمانة على اللي سوته .. بس المشكلة ان احمد بعد هالسالفة حط جنطة هدومه وسافر .. وحتى من غير لا يبلغ مريم ..

مريم: والحين شلون يا اسرار ؟؟
اسرار: والله يا مريم من اجل عين تكرم مدينة .. ونتي حبيبتنا واحنا نحبج والله شاهد .. وانتي صج غلطتي ونتيياية تصلحين غلطتج بس هم اهو من حقه ان يزعل ويتصرف اي تصرف كان يعني لا تستغربين لو كان مطلقج ونتي ما تدرين ..
مريم: لا مطلقني ؟؟
اسرار: اي يا مريم .. شوفي انتي مثل اختي الصغيرة وانا لازم انصحج وانورج .. ترا الرياييل مو مثلنا تتملكهم العاطفة .. الزم ما على الريال كرامته .. الزم ما عليه رجولته .. واتوقع ردة فعلج جرحته ونتي اعترفتي بنفسج يعني تخيلي موقفكم العكس وان احمد اهو اللي انفعل وزعل على حبه الاولي
مريم: وليد مو حبي الاولي.. وانا اللي ابيج تعرفينه ان الذنب تملكني
اسرار: ادري يا مريم وصدقيني يا قلبي ماله داعي تبررين اكثر .. انتي يمكن ما عرفتينا عدل .. احنا خذينا طبع ابوي الله يرحمه .. احنا ليه حبينا ناس وعزيناهم صدقيني ما تتوقعين شكثر نسامح ونغفر لهم ونلتمس لهم الاعذار بصورة مطلقة .. بس انا اكلمج من وجهة نظر اي ريال ..
مريم: صح كلامج وانا مثل ما قلت لج اعترف اني غلطت وابي اصلح غلطتي ..
اسرار : لج مني وعد ان رجع من السفر اجمعكم مع بعض واكلمه قبلها ..
مريم: مشكورة يا ام يعقوب .. ناطرة منج رد .. يالله انا خل اروح ..
اسرار: خلج تعشي معانا
مريم: لا ما عليه .. تعبانة شوي ..
اسرار : سلمي عالكل وماتشوفين شر حبيبتي مع السلامة
مريم: مع السلامة



طلعت مريم واهي تحس بتعب وتحس ان حرارتها مرتفعه .. وصلت البيت .. راحت غرفتها على طول .. انسدحت .. من كثر ماهي تعبانة .. يالها اجهاد مفاجيء ..

وتمت على هالحالة لمدة اربع ايام .. لين اليوم الخماس طاحت مريم من طولها .. خذوها المستشفى .. نامت عندهم يومين .. سوولها تحاليل .. ولا المرض راد لها .. طلعت مريم بعد اسبوع من المستشفى .. ومحد يدري ان المرض رد الا اهي وامها وراشد .. حلفت امها انها ما تقول حق احد .. ووعدتهم انها راح تاخذ العلاج وتروح مكي جمعه عشان يتبطل ملفها مرة ثانية وتتعالج .. نطرت مريم يوم بالبيت بعد ما ردت من المستشفى وراحت زارت وليد .. ولا ما تلاقيه بالعناية دقت على فارس وقالها ان وليد نزلوه الجناح ..

مريم: السلام عليكم
وليد: وعليكم السلام .. توها ردت روحي ..
مريم: ما تشوف شر يا ولد عمي ..
وليد: الشر ما اييج .. ويهج تعبان
مريم: من الشمس ..
وليد: مبروك
مريم: الله يبارك فيك .. احمد كان وده يزورك بس دازينه دورة .. من يرجع راح يزورك ..
وليد: ان شاء الله .. مستانسة ؟؟
مريم: الحمدلله
وليد: هذا اهم واحلى شي سمعته ..
مريم: طول عمرك تتمنى الخير للكل ..


طلعت مريم وفي بلعومها غصة وعبرة .. ان طلعتها يمكن تصرخ وتسمع الدنيا كلها صرختها .. وان كتمتها يمكن يوقف قلبها وتموت .. هذا احساس مريم بالاحداث اللي قاعده تصير ..

رن تلفون مريم واهي طالعه من المستشفى ..
مريم: الو
مساعد: مريم وينج ؟؟
مريم: انا كاني ياية كنت رايحة الصيديلية
مساعد: ايييييييي .. تعالي انا في البيت ابيج
مريم: ان شاء الله ربع ساعه وانا عندكم ...


وصلت مريم البيت ولا لقت مساعد ناطرها ..
مريم: هلا مساعد
مساعد: هلا فيج .. شصاير بينج وبين احمد
مريم: كل خير ليش؟
مساعد: الريال كلمني
مريم: اوكي ؟؟
مساعد: شوفي مريم .. انتو كبرتوا وزوجناكم وصرتوا حريم وعندكم بيوت .. والمرة مو كل يوم لها ريل
مريم: صح كلامك ..
مساعد: دام انه صح ليش هالمشاكل

طبعا مريم كانت تدري ان مساعد ما درا شنو سبب الزعل ولو كان داري جان قلب الدنيا ما قعدها .. وجان يمكن مد ايده عليها .. لكن الظاهر ان احمد ما قاله شي .. وهذا يدل ان احمد ما يبي الانفصال اهني ارتاحت مريم شوي .. وتناقشت مع مساعد ووعدته انها تصلح الامور

صعدت فوق واتصلت على اسرار
مريم: الو
اسرار: ال هلا والله مريم
مريم: ام يعقوب ليش ما قلتيلي ان احمد اهني
اسرار: صج ؟؟ شدراج
مريم: ليش ما تدرين ..
اسرار: لا والله دقيت على جهازه مغلق
مريم: اها .. لا واصل الكويت .. ومتصل على اخوي مساعد
اسرار: وي صج ؟؟ وقايله
مريم: لا بس قاله ان في سوء تفاهم بسيط ..

 

[zoqaaa]

tslm eedch 7abebty 3al part
o alla yster inshalla mryam matt3b zyada

 

[so_what]

يسلمووو على البارت

 

[أميرة العود]

ناطرينج

 

[MaFaZ]

تمت مريم تدق على احمد اليوم كله وما ردت عليها .. لين دقت عليها اسرار االيوم الثاني .. وقالت لها ان احمد بطل جهازه ..

مريم ترددت وايد قبل لا تدق على احمد .. لكن بعدين .. فكرت انها تدز له مسج وهذا اللي صار .. ما رد عليها .. نطرت ساعة كاملة وما ردت

نزلت تحت وكلمت راشد .. واستأذن منه ان يدز له مسج من تلفونه على اساس ان راشد يبي يكلمه .. دزت مريم المسج وتمت قاعده مع راشد لين رن تلفونه ولا احمد

راشد: ردي
مريم: لا مابي رد انت وقوله انك تبيه مثل ما كتبنا بالمسج عشان لا يشك
راشد: اوكي .. الو
احمد: الو ..
راشد: هلا والله النسيب شلونك
احمد: بخير الحمدلله انته شلونك .. ها شصاير في شي
راشد: لا ماكو بس في موضوع ودي اخذ رايك فيه انته ااكبر مني واعلم مني
احمد: خير ؟؟
راشد: لا لا لما اشوفك
احمد: لا يكون موضوع مريم
راشد: لا شكو .. انا مالي شغل انتو تنيازون مع بعض لا موضوع يخصني ..
احمد: خير وين تبينا نتلاقى بالقهوة
راشد: لا لا مالي خلق الصيحة وخنقة الشيشة خل نتلاقى بكافيه ..
احمد: اوكي خلاص شوف وين تبينا نتلاقى وحاضر الساعه جم
راشد: ست زين
احمد: تمام

وراحت مريم وراشد بعد ما اتفقوا انهم يتلاقون بمجمع الراية مكان هادي .. وماكو في لوية ولا اوادم وايد ..
وصلو المجمع راشد .. راح صوب الكافيه ومريم دخلت محل عشان احمد لا يشوفها .. ومن وصل احمد .. ماكو دقيقتين الا دقت مريم على راشد .. قام راشد على اساس ان قاعد يتكلم بالتلفون .. ويت مريم قعدت مكانه انصدم احمد وتضايق
مريم: تبيني اقوم
احمد: انتي شرايج ؟؟ ترا كبرنا على سوالف اليهال
مريم: اي سوالف يهال
احمد: تخلين اخوج يواعدني ونتي تيين .. ليه متى بتمين مستغفلتني
مريم: كلامك يجحرم ا تعودت منك
احمد: صح .. بس حان الوقت اللي نتبادل الادوار ولا شرايج
مريم: اذا مو قصدك اوكي .. احمد انا مابي منك شي الا فرصة تخليني اشرح موقفي
احمد: تشرحين شنو ؟؟ وتخلين شنو .. مريم ترا انا مو جنس ..
مريم: محشوم احمد شقاعد تقول .. ترا الموضوع اكبر من جذي .. اسمعني ارجوك وان ما عجبك قوم وخلني .. وصدقني ما راح ازعل ولا اضايقك بعد مولية ..

احمد : شبتقولين اكثر من اللي سمعته ..
مريم: بقولك اني انا ما احب غيرك انته .. وليد مرحلة وعدت .. ردة فعلي غلط وانا غلطانة .. وانا اعترف اني غلطي لا يغتفر .. بس الله يغفر لنا الكبائر قبل الصغائر ليش احنا نقسى ونرفض نغفر .. انا غلطت وغلطتي كبيرة .. لكن صدقني انا ما سويت اللي سويته عشان انا احب وليد ..

احمد: جذابة ... كل موقف يصير بينا ياكد لي انج لحد الحين تحبينه .. وانا مثل الحمار اتغاضى وامشي .. ليه ذاك اليوم .. موقفج قتلني ..

مريم: صدقني يا احمد .. طول فترة ملجتنا عيال عمي كانوا يحاولون يقنعوني اني اكلمه لو مجرد كلمة وحدة بس وانا رافضة .. رفض كلي .. لاني احبك وابيك .. ما اقص عليك واقولك انا يتني لحظة ترددت فيها .. بس مو عشان اني ارد له لا عشان انا ما كنت ابي اظلمك واظلم نفسي .. اللي صار بيني وبين وليد لا يمكن ينسي او مكانه يندمل جرح عميق سببوه لياه بيت عمي .. معاك انته حسيت بالامان .. معاك انته حسيت بالهدوء وان الدنيا بخير .. انا شنو ابي اكثر من انك تحبني وشاريني .. انا غلطت اني اساات تقدير الامور .. كل مافي الموضوع اني حسيت بالذنب .. ان استمرض ليش انا ما شفته .. وكل شي اختلط علي ..

احمد: ليه متى يا مريم ليه متى قوليلي .. وبعد فترة هم راح ينعاد هالموقف وقولي احمد ما قال ..
مريم: احمد اكبر دليل يثبت لك اني احبك انت ومابي غيرك انت اني رحتله المستشفى
احمد: شنو
مريم: ارجوك لا تزعل مني .. انا رحت عشان اعرف ...
احمد: و شنو عرفتي
مريم: ان كل الامور المعلقة انفلت وماكو شي يحير ابدا والحقيقة واضحة للكل واولهم وليد اني انا ابيك انته
احمد: شلون ؟؟؟
مريم: سالني عنك .. وقلت له انك راح تزوره ..
احمد: ما اقدر ..
مريم: ليش
احمد: انتي شقاعده تقولين .. هالريال كان ريلج .. شلون تبيني ازوره واسلم عليه واكلمه .. من صجج انتي ؟؟ ونتي باي حق تروحين له وانتي على ذمتي ؟؟ اخوانج شلون سمحو لج
مريم: روحتي له ضرورية .. كان لازم اروح له ..انا شعوري اتجاه وليد ان ولد عمي وبس صدقني
احمد: انا مصدقج .. بس انا مااقدر ارد لج
مريم: احمد افهمني ..
احمد: انا فاهمج .. انتي سويتي اللي سويتيه عشان حسيتي بالذنب ان صار فيه اللي صا بسبتج وان اهلج ما قالولج وانج انصدمتي وانج وانج وانج ... بس انا ما اقدر .. ما اقدر .. انا عطيت وما خذيت ... عطيت وما نطرت مقابل لكن كنت ناطر منج انج تعطين حبا فيني ..
مريم: اللي افهمه انك بياع
احمد: واللي يعافيج .. من الاول كان مبين ان ما بينا نصيب .. وان احنا مو مناسبين لبعض لكن ليه فترة بسيطة راحت باسم الحب انا كنت افكر بقلبي .. وللاسف انكسر قلبي والحين مافيني شدة
مريم: فهمني تبينا نتطلق
احمد: (( سكت ))
مريم: شفيك ساكت
احمد: اخاف اقول كلمة اندم عليها طول عمري واخاف واخاف ما اتصرف و لا اقول وهم اندم طول حياتي ..
مريم: فكر واخذ وقتك بالتفكير وسواء كان قرارك الانفصال او ان احنا نكمل مع بعض بتلاقيني انطرك .. مريم يديدة .. ترا انا كل غلطتي اني ما محيت الماضي .. والماضي للاسف رد لي بالرغم من حيرتي ورفضي له
احمد: راح افكر .. عشان للمرة الاخيرة مابي اظلمج .. مو عشان شي بس عشان انا ما تعودت اظلم احد
مريم: انته بتفكر عشان ما تظلم قلبك .. وارجوك لا تظلم قلبي وياك عشان تصرف غلط مني ..
احمد: يصير خير


وردت مريم البيت واهي تعبانة منهكة نفسيا وجسديا مافيه شدة تسوي او تقول شي .. تمت ساكتة .. وتنطر مكالمة من احمد ..وتم الوقت يمر .. وبدت مريم تراجع بمكي جمعه .. والدكتور قرر انها تبدي بالعلاج الكيماوي .. مريم ترددت قبل لا تبدي العلاج لان محد يدري ان المرض رد .. واحمد ما رد لها خبر بقراره .. لكن الدكتور اصر ان مريم تبدي الجرعات .. وبدت مريم الجرعات .. وليد بدا يتحسن نوعا ما .. ويستعد للجراحة ..

مريم ارهقها الكيماوي .. وخاصة انها نفسيا تعبانة وما تتحمل اي ضغط .. جسمهاالضعيف مو متحمل جرعات قوية ..
وفي يوم من الايام رن تلفون مريم واهي نايمة بالمستشفى .. وام راشد كانت قاعده يمها تقرا قرآن

ام راشد: الو
احمد: هلا عمتي
ام راشد: هلا يمه .. وينك ما تبين ولا تتصل
احمد: موجود ... مريم موجودة
ام راشد: ها ؟؟ .. مريم .. مريم نايمة ..
احمد: اها اوكي قولي لها اني اتصلت ما عليج امر
ام راشد: اي مو مشكلة ..

واهني دخلوا الدكاترة وسمع احمد صوتهم واهما يتكلمون ويحاولون يكلمون مريم .. لكن مريم من قوة الجرعه ومن كثر ما استفرغت .. كانت منهكة وما تقدر ترد على احد

احمد: عمتي ؟؟ شسالفة منو هذول اللي يكلمون مريم
طلعت ام راشد من الغرفة : والله يا احمد مادري شقولك .. مريم بالمستشفى
احمد: شفيكم ؟؟ شفيها مريم ؟؟
ام راشد: اهي حلفتني وحلفت الكل ان ما نقول حق اي احد بس دام انك سمعت لازم تدري ..
احمد: شسالفة فيها شي
ام راشد: المرض رد لها .. وبدوا يعطونها جرعات
احمد: شنو ؟؟ من متى هالحجي انا قبل فترة شفتها ؟؟
ام راشد: اي اهي كان راد لها من زمان بس اهي خشت عليك
احمد: وليش تخش علي انا ريلها
ام راشد: ما حبت انك ترد لها عشان اهي مريضة
احمد: شالحجي عمتي
ام راشد: والله هذا اللي صار يا وليدي ..
احمد: والحي ناهي شلونها
ام راشد: على الله .. تعبانة مو مثل كل مرة هالمرة الجرعات متعبتها
احمد: استغفر الله يارب .. مريم مادري شلون صايرة .. انزين باي جناح خل اييلها

مريم كانت بين الصاحية والغايبة .. الدكتور حرص على ام راشد ان نفسية مريم مهمة جدا وخاصة ان هالمرض مرض نفسية .. ولازم تتغذى عدل لان الجرعات تحرق كل شي بالجسم .. ومناعتها زيرو .. فاي مريض لازم ما يقرب صوبها
حتى لو كان منشول ..


احمد زار مريم بنفس اليوم .. وياب وياه ورد .. وقرب يمها وتم يطالعها ويطالع شكلها شلون صاير .. كانت غير عن كل مرة وبقلبه كان يقول ليش شكلها غير .. يمكن عشان انا زعلان عليها .. لا لا .. مريم شكلها وايد متغير وهلكان ... وضعفانة اكثر من كل مرة .. كانت مريم نايمة وتتنفس بصعوبة .. حتى واهي منسدحة مافيها شدة .. دخلت السستر تبي تقيس ضغطها قعدت مريم ولا تشوف احمد واقف يمها ماسك ايدها حاولت تتكلم بصعوبة

مريم: احمد .. انته اهني
احمد: اي انا اهني .. شلونج الحين
مريم: الحمدلله بخير .. انته شلونك
احمد: الحمدلله
مريم: منو قالك
احمد: العصفورة .. ليش ما قلتيلي ..
مريم: بس ... كنت ناطرة ردك ما الوقت ما مداني والدكتور اصر اني ابدي جرعات
احمد: حتى هالشي تبين تخشينه عني
مريم: شلون خالتي
احمد: بخير ولا تغيرين الموضوع ..
مريم: ماكو موضوع ...
احمد: انزين لا تتكلمين انتي تعبانة خلي السوالف بعدين ..


تمت احمد يزور مريم .. ويقعد يمها ساعه ساعتين ويطلع .. كان يتطمن على احوالها .. والكل كان يدعيلها .. اهل احمد واسرار وخواتها انوار وفاطمة وبدرية .. ومساعد وماجد وراشد .. ام مبارك وعيالها خالاتها ام علي ومنار وام اسامة وعيالها كلهم وبناتها ... علي وعامر .. الكل الكل من غير استثناء كان يدعي حق مريم .. لان مريم هالمرة تعبت من الجرعات القوية ..


وليد كان يسال عن مريم كل يوم .. لين سووله العملية .. وطلع من العملية على العناية المركزة ... تم وليد بالعناية وماكو تغيير بحالته الحرجة .. نقلو له دم .. لكنهم ما كانوا يشوفون تحسن بحركة ونشاط القلب بعد الجراحة .. والجراحة خذت منهم 10 ساعات .. فعشان جذي تعب وليد من البنج .. وضغط الجراحة ..

فارس زار مريم جم مرة .. وبعدها بطل عشان الاحراج من ريلها ومن بيت عمه .. ما يبيهم يحسون ان يزورها عشان وليد .. وخاصة ان درا بالموضوع من راشد .. فما حب يسبب مشاكل حق مريم ..

 

[MaFaZ]

ترقبوا البارت الاخير حبيباتي وشكرا للمتابعه

 

[miss disaster]

واي مسكينه مريم الله يعينها

ما ادري ليش مو مطمنه من الياي

يسلمو وناطرين الياي

 

[fato_kw]

مايصير تزيدين بارتات زياده لووووووووووووول

صراحه اسلووبج ما ينمل ووايد حلوو

حبيبتي يعطيج الف عافيه

توقعاتي السعيده ان وليد يصير زين ويتزوج ويعيش حياته بعلاقه محدوده مع احمد ومريم
مريم تتعب حالتها وتتدهور بس الله يشافيها وتقوم بالسلامه(مع ان ما اظن احد بهالمرض يتشافى جربنا حالتة منه الله يرحمه)
احمد يكمل حياته مع مريم

التوقعات الحزينه وليد يموت مريم تموت احمد تتعب نفسيته ويسوي حادث ويموت لوووول

الله يستر على النهايه

ومشكووورة حبوبه وننطر البارت على احر من الجمر

 

[سارووونه22]

يعطيج الف الف عافيه ماقصرتي فديتج وبنتظار البارت الاخير

اب اب اب اب اب اب اب للرفع حق احلى كاتبه

 

[zooz92]

مسكيينة مريم الله يعيينها

يعطييج العاافية على البارتات

ناااطرين الباارت الاخيير :**

 

[MISS.D&G]

ضااااااق خلقي

 

[Babya Doll]

واااااااااي حرام عورت قلبي مريم
الله يشافيها
يعطيج العافية حبيبتي ناطرينج ..

 

[JaN JaN]

:ggdw::ggdw::ggdw::ggdw::ggdw:


نااااااطرين

 

[توتا كويتيه]

مشكوره حياتي وما قصرتي
صج مريم ووليد واحمد ما يستاهلون اللي قام يصيرلهم
ننطرج حبوبه وبليز لا طولين

 

[Bent extra 3asal]

الللللللللللللللللللللللللللللللللللللللللللللللللللللللللللللللللله البااااااااااااارت عجيييييييييييب يسلم الايادي

وناطرينج حبيبتي ولا تطولين عليييييناااااا

 

[The purple]

البارت الأخير @@

ليكون واحد منهم يموت ؟

@@

ناطرين البارت الأخيسر =(

 

[meera15]

بيض الله ويهك
البارت طويل وحلو

بس شكلى ما راح اكملها لاني ما احب النهايات الحزينه

 

[shoOshii]

thexx 7bebty 3l al.rwaya wayed 7la o0 na6rench
3ad knt katba t3leg 6weel bs ll2saf enmsa7
enshalah mra thanya akteb laney t3abt

 

[جمال رباني]

تكفين نزلي البارت بسرعه