(( مذكرات مريم .. مذكرات في طي النسيان ))

[G!RLooNa]

مادري ودي اعرف حقيقيه ولا لا

 

[MaFaZ]

قعدت مريم واحمد بمنتجع كمبنسكي يومين واليوم الثالث مريم اصرت انها ترد الديرة . اشتاقت حق امها وخواتها .. والمشكلة انها كل ما تكلمهم تحس في شي من نبرة صوتهم .. عشان جذي تمت تحن على احمد لين وافق ان يكسر الاسبوع ويرد الديرة عشان خاطر مريم .. بس المشكلة ان اهما ما عندهم سيارة الليموزين اهو اللي وصلهم المنتجع .. وهذي كانت فكرة احمد عشان لا ينزل مبجر .. بس بما ان مريم بغت ترد الديرة .. وافق احمد وقرر ان يدق على ربعه ايبون سيارته واحد يسوقها وواحد يلحقه عشان يرده

لكن واهم رادين احمد ما دش القرين

مريم: ها حمادة محنا رايحين بيتنا
احمد: خل نقط اغراضنا نريح شوي نسلم على امي ونرد بيتكم
مريم : اها
احمد: شفيج تضايقتي ؟؟
مريم: لا مافيني شي
احمد: اكيد ؟؟؟ اذا تبين ارد ادخل ترا ما طوفناهم
مريم: لا خلاص اللي تشوفه
احمد: صاير شي حبيبتي ؟؟
مرمي: لا مو صاير بس صوت امي مو عاجبني وكل ما اسال خواتي يقولون ماكو شي
احمد: اي لا تحاتين يمكن صج ماكو
مريم: ان شاء الله ..
احمد: ها نرد ؟؟
مريم: لا خلاص صح كلامك .. خل نرد
احمد: توكلنا على الله .. خل ادق على اسرار اقولها انها احنا يايين

في بداية الامر كان على اساس ان احمد يسكن عند امه .. لكن بعدين صارت ظروف خلتهم يطلعون برة .. والحلو بالموضوع انهم لقوا شقة في نفس فريج بيت ام احمد بالدسمة يعني ما بين ام احمد وولدها الا خطوتين .. فاول ما ردوا دخلوا بيت امه سلموا عليها .. قعدوا وياها شوي وطلعوا رحوا شقتهم .. دخلت مريم سبحت .. واحمد حط راسه عالمخدة وغفا له شوي .. لمن طلعت مريم بدلت وقعدته

مريم: حمادة .. حمادة
احمد: هلا
مريم: ها نمت حجي
احمد: اي تصدقين بس خووش غفوة
مريم: تبي تكمل تنام
احمد: لا وين شوي ويأذن المغرب بقوم اصلي
مريم : انزين ما نروح بيت امي
احمد: نروح .. ليش لا .. نصلي ونتوكل على الله بعدها
مريم: خير
احمد: فديت شعرج شحلاته .. مو تقصينه اقص ايدج
مريم: ههههههههههههه لا ما اقصه بس ياخوفي ارد عالكيماوي
احمد: لا ان شاء الله لا تقولين جذي .. ان شاء الله ماكو كيماوي بعد
مريم: ان شاء الله يارب .. والله حمادة ذيج الايام مادري شلون كانت صايرة ..
احمد: الحمدلله عدت وراحت والحين انتي زينة ومافيج شي وعندي في بيتي .. مريومة .. انتي ما تدرين وجودج اهني معاي في بيتي شنو معناته بالنسبة لي

اهني دمعت عين مريم لان في يوم من الايام من 3 سنوات تقريبا وليد قالها نفس هالكلام تقريبا .. ان مو مصدق شلون طوف عمره واهي مو يمه .. وان ما عرفها الا الحين .. 3 سنوات كانوا بالنسبة حق مريم كانهم 30 سنة ..

احمد: ها .. مريوم شفيج سرحتي وين رحتي
مريم: ولا مكان ..
احمد: يالله يالله قومي نشفي شعرج لا تستمرضين .. مالي خلق افتك من اسبوع المرور تمرضين ابيج سليمة حق اليوم الكبير
مريم: هههههههههههههههههههههههههه ريض بقى 4 ايام
احمد: يا صبر ايوب ... قومي قومي لا اسوي منكر الحين


قامت مريم بدلت وصلى احمد المغرب وطلعوا .. راحوا بيت امها ..

مريم: السلام عليكم
ام راشد: هلا مريومة هلا حبيبتي
ام مبارك: هلا بالعروس شلونج يمه ..
مريم: هلا يمه شلونج شخبارج؟؟؟ هلا خالتي ام مبارك شلونج .. شخبارج انتي ؟؟
ام مبارك:" بخير يا امج ..

قعدت مريم تسولف مع امها وام مبارك ونست احمد
مريم: وي احمد ..
ام راشد: برة مع راشد لا تحاتين
مريم: اشوه .. من اولها نسيته
ام مبارك: هههههههههههههه عادي عادي تصير باحسن العائلات ماكو شي ان شاء الله .. يالله انا اقوم
ام راشد: وين ؟؟ ما عرفناج
ام مبارك: بعد شسوي .. البنات اكيد تيمعوا الحين وناطريني .. بنروح استقبال بنت خالي ..

طلعت ام مبارك وام راشد مهي قادرة تقعد على بعضها .. وتوها بتتكلم ولا يدش احمد
احمد: هلا عمتي
ام راشد: هلايمه هلا فيك شلونك حبيبي
احمد: يبوس راسها
ام راشد: حبتك العافية .. شلون الوالدة ؟؟
احمد: بخير الحمدلله عمتي تسلم عليج انتي شلونج شخبارج
ام راشد: بخير الحمدلله
احمد: كاهي عمتي مافيها شي مريم شفيج تحاتين
ام راشد: هاو شتحاتي ؟؟ كاني مافيني الا كل خير
مريم: ان شاء الله ..
احمد: ما خلتنا نقعد .. ترا كسرنا حجزنا وكنسلناه
ام راشد: وي مريومة شعندج رادة جان تميتي
مريم: احاتيكم .. احس صاير شي ومو راضيين تقولون لي .. امانة يمه شصايرخواتي فيهم شي
ام راشد: لا مافيهم الا كل خير جان دقيتي عليهم عشان تتاكدين ؟؟
مرمي: دقيت بس احس فيه شي خاشينه وماتبون تتحجون مو طبيعيين
ام راشد: مافينا الا كل خير
احمد: لا تحاتين مريم لو في شي جان قالولج .. كاهي عمتي اسمالله عليها مافيها شي ورشود سالته وحلفته قاللي مافيهم شي
مريم: الحمدلله ان شاء الله دوم


قعدوا مريم واحمد للعشا تعشوا وشربوا جاي وبعدها

احمد: يالله مريومة
ام راشد: تو الناس ؟
مريم: ما نقعد شوي احمد
احمد: باجر نيي .. تعبان عمتي مادري شفيني بس ودي انام
مريم: خلاص يالله نروح ..
ام راشد: ما عليه خلاص .. تيون عالغدا باجر
مريم: اي اوكي
احمد: لا مريومة اسرار عازمتنا باجر .. سامحيني عمتي والله بس اختي دزت مسج ونسيبي دق وانا نسيت ابلغ مريم
مريم: مو مشكلة
ام راشد: ما عليه ميخالف خلاص اي وقت يناسبكم حياكم الله البيت بيتكم
احمد: ما قصرتي عمتي تامرين على شي ؟
ام راشد: لا ابيك سالم
احمد: مع السلامة
مريم: مع السلامة يمه


وطلعت مريم من بيت امها وبقلبها احساس قوي ان في شي وكل تهربهم وان ماكو شي يأكد لها ان في سالفة صايرة وخاشينها عنها .. تمت طول الطريج وبالها وتفكيرها مو مع احمد لين وصلوا البيت .. قعدوا مع ام احمد شوي وبعدها راحو شقتهم .. سولفوا شوي وبعدها احمد حط راسه ونام .. ومريم تمت سهرانة تفكر بكل شي وباي شي طالعت شوية تلفزيون وراحت لحقت احمد ونامت ....

 

[G!RLooNa]

يمكن وليد صار له شي

يعطيج العافيه,,

 

[MISS.D&G]

الله يستر !!
ناطرين

 

[Babya Doll]

الله يستر !!
يعطيج العافية :*

 

[Danya =)]

وي عسى مو صاير شي
الله يستر
تسلمين حبيبتي عالبارت
ناطريين

 

[zooz92]

الله يستر شنو صاير !!

يعطييج العافية على البارت حبيبتي

نااطرينج ..~

 

[com-teacher]

يسلموووو حياتي

بس مادري ليشش حاسه ان وليييد صار في شي

الله يستر

ناطرينج حبي لا تطولييين

 

[ام هديل 87]

الله يستر
يعطيج العافية

 

[TaBoOoLa-7azena]

امبيه حاسة ان ولييد صار فييه شي جايد ...
الله يستر صج صج الله يستر بسم الله ,, عاد حبيت وليد مابي
كملي حبيبتي كملي ناطرينج وتسلميين قلبي عالبارت الي الله يستر منه

 

[Bent extra 3asal]

االله يستر
ناطرينج

 

[miss disaster]

اتوقع ولييد مات او بالمستشفى


يسلمو وناطرين الياي

 

[ام عبادي 22]

يسلموووووووو على البارت

 

[JaN JaN]

وااي لا تكفين مانبي مآسي ما صدقنا انه يعدي العرس على خير

خل يولي وليدو >> عاااااااااااافك الخاطر


يعطيج العافية ..ناااااطرينج

 

[نكي مشترك]

امبيييييييييييييييييييييي الفضول الفضول ذبحني
عفيه حبيبتي ما علييييييييييييييج امر نبي باااااااااااااااارت نبي باااااااااااااااااااااااااااااااارت نبي باااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارت

نااااااااااااااااااااااطررررررررررررررررررررررينج

 

[واثقة بجمالها]

يااا ربي يستر وربي حدي تفاعلت مع القصه

مافاز ميرسي اسلوبج اينن

 

[توتا كويتيه]

ياقلبي ما قصرتي

 

[The purple]

هه مريم مكتوب إنها تظل بنت |!

اتوقع وليد لجأ لمحامي او شي !

ناطرين ~

 

[DA3LOoOLA]

يسلمــــــــــــــــــــــوا حبي البارتات حدهم عجيبة والله يستر من الياي

 

[ام عبادي 22]

اب اب اب