متقدم لي سعودي وخايفه

[ميرآل]

اول شي استخيري
بس ترا كلمتك مالها داعي الحمد الله السعوديين
عايشين بخير ونعمه اكيد في ناس وضعهم المادي
شوي صعب يعني الناس طبقات ومو بس بالسعوديه بكل بلد
بس انتو الكويت صغيره ماتجي بكبر الرياض علشان
كذا الواحد بسرعه يحصل وضيفه
وعلى فكره بنت عمي تزوجت ولد خالها كويتي
ومعيشها بهم وغم وبخييييييييييييييييل مايطلع القرش الا بالحسره
مع انه ربي رازقه وعنده خير يمكن لو ماخذه واحد على قد حاله
كان عيشها احسن من هالعيشه الي هي فيها الحين
يعني لاتقيسين السالفه بالفلوس وبس

 

[جوانا2011]

الي كاتبه الله يصير

 

[Eva-SS]

لا تستعجلين استخيري والله يكتب لج الخيرة ان شالله

الخوات السعوديات اللي ردوا جنهم داخلين هوشه البنت قالت أخاف عيالي يكرهوني اني خذيت سعودي بحكم انهم سعوديين عايشين بالكويت فمالهم حقوق المواطنين ..

أنا مابي أحبطج بس أعرف كذا وحده من أهلنا كويتيات متزوجين سعوديين ولا وحده فيهم مرتاحه بعيشتها حتى وحده فيهم زوجها تقريبا كويتي يعني عمره كله بالكويت بس جنسيته سعودي بس فيه أمور صعبة أول شي الماديات بحكم أنه ما ينزل له بدلات مثل الكويتي بعدين وضعه مو مستقر بأي لحظة ممكن يفكر يرجع ديرته .. ومهما يكون أنا احس الكويتيه صعب تعيش برا ديرتها

 

[rymyy]

اذا مو مقتنعه فيه اصرفي النظر عنه لان هذي عيشه عمر مو يوم او يومين واستخيري

 

[ღسلڨاناღ]

^

حبيبتي فاهمه قصدك ( انا من السعوديه )
شوفي اكبر غلط ان البنت توافق ع الزواج ( الي مو مقتنعه فيه ) عشان تهرب من وضعها السيء
لا تنسي ان انتي اذا كنتي مو مقتنعه بتروحي من سيء لأسوء
فرضاٍ ماصار تكافؤ لأنك مو مقتنعه اول شي راح يصير مابترتاحي وبتحطي فكرة الطلاق ببالك
اذا تطلقتي يمكن تعيلي منه هالعيال وش ذنبهم
غير كذا بتكون جنسياتهم سعوديه يعني مالهم حقوق الكويتيين
السعوديه مافيها توظيف مثل الكويت وانا ماقول هالكلام عبث اخواني خريجين جامعه للحين ماتوظفوا وظايف حكوميه الا واحد بس وماتوظف الا بعد ماقرب عمره من الاربعين
واغلب الي حووولي نفس الشي خريجيين ومو متوظفين
الكويت ماشاء الله موظفين الكل بمعاشات قوووووووويه
وغير عن كذا للمرأه حقوق حالها حال الرجال
عندها سياره تسوقها لو احتاجت
( البعض يفكر ان السياره ماخذه عقولنا ) لا تنسون ان اهي متعوده على القياده
السياره مهمه جداً لو بغيتي تروحي مشوار وماحدا عندك احد من الاهل مرض ومافيه الا البنت بالبيت
الثاني يموت مثلاً !
ويمكن انتي ماتتعودي على العيشه بغير بلدك الكويت
يعني شوفي الفرق
معاشات ووظايف ضعيفه ومو الكل محصلنها = الكويت اشغال قويه بمعاشات قويه
اهناك ممنوع تسوقي سياره = الكويت تسوقي وتروحي وتعتمدي على نفسك
الحضانه والطلاق وامور الزواج ككل = تختلف عن الكويت


واذا كنتي مقتنعه وراضيه مافيه مشكله بس لازم تحسبي الف حساب وتشوفي وش ايجابيات الموضوع وسلبياته
وترى الغربه صعبه يمكن بعدين يرجع للسعوديه بتقدري على فراق اهلك ؟؟
احنا ننفصل عنهم ونروح بيتهم ونصيح احيانا
مابالك بديره ثانيه


انا ماخوفك بس اقولك حطي ببالك كل الاحتمالات
لان الزواج قرار ومصير
وعمرك ترى مو كبيير مره باب الزواج لسى مفتوح
والقدر والرزق على رب العالمين

وابناء الخليج كلنا واحد


اتمنى لك التوفيق وطمنينا عليييك

تصفيق حار للرد قلتي اللي بقوله محد يعرف الديره الا اهلها ..

اسمعـي كلامهاااااا والله بتزرعين بقل ان خذيتيه:eh_s(2):
​

 

[(كويتيه عسل)]

اذا تزوجتي سعودي راح تمشين على قانون السعوديه حتى لو انج عايشه في الكويت


وقانونهم موشي للمرأه اذا تطلقتي لاسمح الله الريال بارده مبرده ياخذ عياله عنده وحقج ضايع

مومثل القانون الكويتي عز كل شي لصالح المرأه الله يعز ديرتنا

بعدين اذا بتعيشين في الكويت مايعطونج سكن الا سكن شعبي في صليبيه او في الجهرا

وعيالج اذا يبون يدخلون جامعة الكويت مومثل الكويتي معدلات الخليجين عاليه موبسهوله يقبلونهم

بس في المدراس الحكوميه يعاملون عيالج معاملة الكويتي لان امهم كويتيه

 

[ديانا سبنسر]

خخخخخخخخخخخخ العضو الموقوف. جاب المفيد مضحكني. ريال وينصح من قلب خخخخخخخخخخخخخخخخخخخخخ

 

[moon abha]

الله يسامحك بس وش فيهم السعوديين

 

[عشتأر]

طيب ما سألتي نفسك عمرك 29 وموظفة وما تقدم لك كويتي ُ! وش السبب محد تقدملك ولما تقدملك سعودي

تقدملك طفران ما تقدملك ولد عز ؟

 

[جنوبيه07]

والله حبيبتي ماالوم امك وابوك اذا انا ماعرفك ورفعتي ضغطي ماقول غير الله يصبرهم انا فهمت قصدك انه عشان الماديه بس احس ماعندك اسلوب في الكلام بعدين يالذكيه راح يصيرون سعوديين وراح يفتخرون باصلهم بعدين مافيه احد يقول لامه ياليتك ماتزوجتي ابوي مافيه بالدنيا اولاد يكرهون ابائهم بس عشان الجنسيه بس نصيحه لوجه الله لاتوافقين لانك لو وافقتي راح تظلمينه

 

[جنوبيه07]

لازم تفكيرين بعيالج ومستقبلهم لا تستعلين وتخسرين اخر شي باجر والله لاكبرو بيقولون يمه ياريتج ما خذيته فكري بعيالج مو فيج انتي بس الاجارات بروحها غاليه وايد الحين اجاره 400 وفوق وغير الجمعيات غاليه وكل شي غالي والمعاش يطير رفيجتي عراقيه ونعم فيها حبوبه وقمه الاخلاق والادب وامها كويتيه يوم كبرو عيالها قالو لها يمه يريتج خذيته كويتي اليهال دايما يدفعون الثمن حرام جذي

كلن يشوف الناس بعين طبعه وعلى بالك اذا ربي رزقها عيال بيصيرون زيك شكلك انتي زعلانه من امك لانها متزوجه ابوك يمكن اصل ابوك مو عاجبك
يعني انا مادري وش هالغباء انا عمري ماسمعت انو في عيال زعلانين من امهاتهم ليش ماخذين ابائهم
بعدين احب اقولك انو في كويتيين مفتخريين ان اصولهم من السعوديه لانهم اصل وفصل وفيه كويتيين يستحون يقولون اصولهم من وين

 

[حساسه]

السلام عليكم

شدني الموضوع وصراحه حز في خاطري كلامكم عن السعوديين !!

عموما دوام الحال من المحال ماندري بكره ايش يسير

لان قدراتنا وعلمنا محدود


الاهم استخيري




شوفي يااختي انتي استخيري انا مااحب ادخل في امور معقده ومصيريه زي كذا

هذا شيء مصيرررررررررررررري لاززززم تكونين مقتنعه


استخيري واستخيري واستخيري ماندري الخيره وووووين

الزواج توفييييييييييق

لا الكويتي مضمون ولا السعودي ولا الفقير ولا الغني

سبحان الله الزواج شيءءءءءء ثاني الوحده قد ماتتخيل الواقع غير

لما تتزوج تعرف ايش الاهم بالنسبه لها وتعرف ان كل اللي كانت تخافه قبل الزواج ولا شيء

لان في اشياء بالنسبه لكل واحد فينا مهمه ماندركها الا بعد الزواج

يعني الاخلاق والاحترام والادب والدين ان اخذتي زوج زي كذا يغنيك عن العالم كله لانه بيخاف الله فيك

 

[حساسه]

على طاري السواقه والحريه

انا حاليا مبتعثه في كندا

قسم بالله اقولها وانا صادقه

احنا كنا مرتاحين في السعودية

من يوم ماجينا هنا الوضع تغير مو علي بس على كل السعوديات

يعني غرض ناقص اجيبه معاي وانا جايه شيء ناقص في المطبخ البسي عبايتك وانزلي جيبيه لان الرجال نايم ولا مافيه حيل

حتى لو طلبتي منه شيء تحسينك مثقله عليه طبعا مااتكلم عن الماده لا اقصد هو يروح ويجيبه بس

الكل يشتكي وكثير ودها ترجع السعوديه علشان ترتاح ياامي راعي البقاله يوصل

وغصبنه عنه الرجال يقوم ويجيب سبحان الله ماادري ليش!! >> سرت استغرب كيف كانوا يقومون بااشغالنا ههههه شر ابليه مايضحك


يعني بالله انا باانتبه للبيت والعيال ولا اطبخ ولا اجيب المقاضي ولا ايش ترى الحريه تفتح على المره اابواب كثيره وتجهدها وتاخذ الكثير من طاقتها وجهدها

اتكلم هنا بحياديه ماادري عن الوضع في الكويت كيف بالضبط بس اتوقع لو سمحو بالسواقه في السعوديه

بنكون بنفس الوضع اللي احنا فيه ذحين في الغربه

والرجال ماادري ايش يكون دوره بصراحه بالقوه تمسكينه شيء

فكل واحد حسب ماتعود صعب التغيير وكلا واحد يحس اللي هو فيه هو الافضل والاحسن

ولكل قاعده شواذ

 

[امـل لاينتهي]

لاتضغطين ع نفسج عشان الهروب من البيت

انا حاسة انج مومقتنعة فصبري ولاتقولين بعنس لوهو نصيبج بتاخذينه ولو مو نصيبج راح يتفركش كل شي

لاتتسرعين باقرار

 

[ناسفه البرقع]

شفيكم بعد ماعجبكم يوم قالت تخاف تظلم عيالها يوم تبي تتزوج سعودي

طبعااا في فررق باجر عيالها شلون بعيشون بالكويت واهما سعودين غير عيشت الكويتي عن عيشت الخليجي ترا

ياشين الي يتشنجوون احنى نتكلم واااااقع مو مجاملات الله يخليكم سوالف مسلسلات وصبري وماصبري ما ينفع الواحد يوم يبي يخطي خطوه يخطيها عدل

 

[نـــوفـــا]

انا سعودية وبكلمك بكل صراحة ...وفتحي عقلك قبل قلبك



اولا انتي مو صغيرة عمرك بيتخطى 30 ... وكل مازدت البنت بالعمر كل ماقلت فرصتها بالزواج ..



ثانيا رسول عليه الصلاة والسلام قال نصيحة لنا عظيمة ( : ((إذا أتاكم من ترضون دينه وأمانته فزوجوه، إلا تفعلوا تكن فتنة في الأرض وفساد كبير)) ،

ماقال جنسيته ومادته ووشكله ...



العنوسة ارتفعت بدول الخليج بشكل غير طبيعي ...ومخيف ..



ثالثا مستقبلج بيد الله سبحانه مو بيد العضوات ولا بيد خاطبك ولا بيد احد ... يعني رزقك ونصيبك من عند الله استخيريه في الامر قبل كل شي ..




رابعا : انا زوجي كويتي ..لكن وضعه المادي اقل من عادي ..وواهلي سعوديين وضعنا المادي افضل بكثير يعني اعلى منه بدرجة


وهو واهله ذبحتهم القروض والديون وغير هذا ماعنده سيارة والسكن بالكويت صعب ..



واهلي يملكون بيوت وسيارات فارهة ..وهم سعوديين ..



الخلاصة من القول ....


الرزق بيد الله يحرم من يشاء ويعطي من يشاء ...




لاتنتظرين اكثر ولا تسمعين نصيحة من عضوة ماتدري عن وضعك النفسي ولا عن نظرة اهلك او كلامهم..


هذه حياتك وملكيتك ماحد راح يعيش فيها غيرك ..


وبعض العضوات بدل ماتشجع البنت على زواج بدت تعزفها عن الزوج بهدف المادة ...


وتلقين عمرها ماتعدى 25 سنة ..لو وصلت لسنك يمكن تاخذ قرار يخالف نصيحتها....






الحين اغلب شباب الكويت يتزوجون من برا .... ليش البنت الكويتية مقيدة لازم تاخذ من بلدها ... مو هذا ظلم ..






انا اكلمج ياصاحبة الموضوع حطي عقلج براسج ...


اذا الرجل سمعته حلوة وماشي بدينه ... تزوجيه

 

[A.E]

خيتووو اولاا استخيري تمام
بعدها هالقرار راجع لك وبقول لك شغله
ترى الارزاق بيد الله عزوجل يمكن ربي يغنيه ما ندري حنا صح ولا لا
وتقولين عيالك يكرهون لانك تزوجتي سعودي يا اختي ترى لعلمك حتى لو استقريتي معه بالسعوديه عيالك بيعيشوا احلى عيشه كل شي يتوفر لهم بإذن الله واذا استقريتي بالكويت ما اشوف فيها شي راح يعامل زوجك انه خليجي مو بهندي زين
انا من راي وافقي بعد الاستخاااره

 

[A.E]

هههههههههههههههههه بنات
شوي شوي الكل معصب ومناقر على قلة فاايده البنت تبي نصيحه

مو تجلسوا تفصلوا تفاصيل مالها داااعي والكل يقول الكويت احسن ولا السعوديه احسن

ارتقوا


ولا تنسوون






دعاء كفارةالمجلس

قال النبي صلى الله عليه وسلم:من جلس في مجلس فكثر فيه لغطه فقال قبل ان يقوم

(( سبحانك اللهم وبحمدك اشهد ان لا اله الا انت استغفرك واتوب اليك ))

الا غفر الله له ما كان في مجلسه ذلك

 

[Pearla & Ribbons]

شفيكم اكلتو البنت ايه اعرف عيال يقولون لامهم ليه تزوجتي سعودي لانهم عايشين حياة بالكويت فرق عن عيال خالاتهم الكويتين الكويتية اللي ماخذة سعودي حتى لو راتبه عالي مايعطونها بيت ولاعلاوات لعيالها واللي ماخذه كويتي يطلعها قسيمة شكبرها وتقدر تقعد بالبيت وزوجها يصرف عليها ليش تسوون شكلكم ماتبي تفهمون هذه الحقيقة ماينزعل منها واعرف وحدة كويتية ماخذة سعودي يشتغل بارامكو عايشة بالسعودية بعز في فرق بين سعودي بالكويت وسعودي بالسعودية

 

[Japanese]

كتبت كلام وايد بس مسحته المهم

عن نفسي ماراح اوافق احس التكافئ بالعلاقات شي مطلوب

ومدام انج كويتيه وهو سعودي ف يتروالي في اشيا وايد انتو الاثنين مختلفين فيها

استخيري وموفقه ان شاء الله