متقدم لي سعودي وخايفه

[نونه المنكوشه]

استخيري اول شي وثاني شي لاتزوجين اله انتي مقتنعه عدل وانا افضل تاخذين كويتي علشان لاتبهذلين مستقبلا انا اعرف وحده ماخذه سعودي متمسخره عدل فكررررررررررررررري عدل وبالنهايه القرار لج وموفقه

 

[كويتيه فرنسيه]

الله يسهل امورج

 

[LoLaTi]

شنو صار عليج

 

[الاحساس]

نص بنات جماعتنا ماخذيين سعوديين وعايشين احسن من اللي ماخذه كويتي لوول

 

[حنانك سر حبي]

لا طبعا ياحلوين المادة اهي كل شي بهالزمن

يعني اذا مافي مادة عالاقل يكون كويتي يتمتع بالمميزات هذا اوكي

واذا كان سعودي عالاقل يكون عنده ماده يقدر يعيشني هذا اوكي

مايصير سعودي وهم ماكو ماده !!

في شي يغطي على شي

بس انتي اذا بتوفقين ادري بس بيكون عشان تنحاشين من بيت اهلج ! لان الخطيب المنتظر مافيه اي مميزات تذكر!

وشكرا

 

[ناتشوو]

الله يوفقج
انا اشوف اذا اخلاق وولد اصل
وناوي يستقر بالكويت طول عمره
طولي بالج ع ماديته
وان كنت مو فاهمة ماديته
يعني هل يقدر يأجر لج بيت ويشيله؟
هذي نعمة
وانت تحملي مصاريفج
للاسف مو دايما تحصل لنا الأشياء اللي متمماتها
بس نحاول نساير الظروف
وبالتوفيق
وعلمينا شنو قررتي

 

[غربه الروح]

الله يوفقج حبيبتي واذا كان نصيبج راح تاخذينه
بس انا من وجهه نظري احس الكويتي افضل لانه الحكومه مو مقصره معاهم
من ناحيه بدل الاجار ومعاش الزوجه وقرض الزواج وكافي اعيالج يمشيلهم معاش
ادري انتي قاعده تكبرين والاهل يضغطون عليج بس صلي استخاره وادعي ربج اذا كان
زين لج يقربه منج واذا لا يبعده والله يوفق كل البنات

 

[ألماس من داماس]

السلام عليكم


واخاف اوافق عليه واندم وقاعده افكر بعيالي اخاف يكرهوني لاني تزوجت سعوودي وكتبت لهم حياه صعبه ؟؟

بليز بنات شورو علي

؟؟؟؟؟؟ وشنوا يعني بالله يكرهونك لأنك تزوجتي سعودي؟؟؟؟؟؟؟
يااخوفي يكرهون ابوهم لأنه متزوج كويتيه او ماابي اكمل بس بجد مدري انتي فاهمه اللي كاتبته اولا؟

وشفيها يعني لاتزوجتي سعودي؟؟
احمدي ربك اللي خطبك وفوق ذا كله منتي صغيره عشان نعطيك الرآي استخيري وانتي فكري واذا تبين ننصحك اقولك لاتوافقي وان شاء الله تتزوجي كويتي @@

اعتذر لكل الكويتيات قسم احبكم بس مشكلتها تنرفز

 

[الغلاااااا]

حبيبتي استخيري وفكري عدل

واذا صار نصيب حطي شروطج بالاول انه اذا بيروح السعوديه وانتي ماتبين مايجبرج تعيشين هناك مجرد زيارات لاهله تكفي


واللي تقول الكويتيه اللي تاخذ سعودي عيالها متبعذلين من قالج حبيبتي!!!


وحده كويتيه ماخذه سعودي وترملت من فنره وردت تعيش بالكويت عند اهلها وعيالها كل الاجيال ماشالله من الابتدائي لين الجامعه والحمدلله كلهم يدرسون بمدلرس حكوميه وولدها بجامعة الكويت ترا الحين في قانون معاملة ابناء الكويتيه من زوج غير كويتي تغيرت وصارت معاملاتهم سهله

 

[هدوء بحر]

شكو السعودي يخوف لهدرجه؟
التوفيق من ربج يمكن تخاذين من ديرتج ويشيقج
ويمكن تاخذين سعودي يسعدج
حبيبتي صلي الاستخاره وشوفي انت وش مرتاحه له
احسج وايد متردده وقلبج ناغزج استخيري واذا ارتحتي وافقي مارتحتي ارفضيه وخلص كلن يلقى نصيبه

 

[مطيريه قول وفعل]

حبيبتي انتي اول شئ استخيري يمكن ترتاحين له وبعدين ماافيه شئ اذا تزوجتي سعودي خالتي انا متزوجه سعودي

بعدين لازم تفكرين لان هذي حياتج راح تعيشين حياه جديده مع انسان لازم انتي تكويني مقتنعه فيه

والعمر ماله داخل نصيبج وين ماكان راح يجيج بس انتي لازم تقررين اذا ايه ولا لا

واذا ع ظروفه ان شاء الله تتعدل مو كل انسان غني ولافقير هذي الحياه لازم فيه تعاون واذا انتي متوظفه ان شاء الله بعدين اذا تزوجتي تقدرين تشيلن عنه بعض الاشياء ويمكن اكون اهو بااول حياته للحين مايقدر يوفر لج كل شئ وانتم توكم صغار العمر قدامكم

بس تااكدي هذا حياتج انتي الي بتعيشينها اذا انتي مرتاح له خلص وافقي عليه ولاتخلين احد يقرار عنج لانج بعدين راح تندمين

اتنمى تتقبلين راي وانتي براحتج

 

[زوجي كويتي]

انا موشايفه انه فيه عيب
اذا سمعته واخلاقه زينه توكلي على الله

 

[& دلوعه زوجها &]

واخاف اوافق عليه واندم وقاعده افكر بعيالي اخاف يكرهوني لاني تزوجت سعوودي وكتبت لهم حياه صعبه ؟؟

بليز بنات شورو علي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ليش السعودي وشفيه انتي كوتيه وهو سعودي ماحس في فرق والله يمكن هو بعد مايقتنع بلكوتيات بس ساقوة نصيبوة ؟؟

وشفيه السعودي البنات يموتووووووووون يحكونهم السعودين فمابالك انك بتتزوجينوة اقول احمدي ربك انوة فكر بمثلك

ونصيحتييييييييييي لاتشوفين نفسك علي الفاضي ركززززززززي و متدرين اصلن يجيلك عيال او لا حاولي والزمييي الادب مع الله

السعودي مثلك مثلهههه ونصيحتي انتبهي لالفاضك ونفسك يكمن مايكتبلك الله الزواج مدام هذا الافاضك عجببببببببي ؟؟ تقول سعودي تقول ههههههههه احمدي ربك انوة فكر فيك ؟؟؟ والله يكتبله هو الخيره فيك ,,

 

[الزورق222]

اذا كل هالعمر وصلتى لعمر ناضج وهذا تفكيرج مالوم الرجال لما مافكروا فيج مستوى تفكيرج للاسف عن الزواج جداا سطحى المشكله انتى شايفه نفسج وهذى المصيبة سواء كان الزوج سعودي او كويتي لابد ان تقفين مع نفسج لفترة وتحاولين تغيرين من تفكيرج شوى الى الافضل ..
الزواج تفاهم بين اثنين ومشاركه فى الحياة على الحلوة والمره مو بس شكليات ومظاهر خادعة وبيت مبنى على فراغ صدقينى اذا استمر هذا تفكيرج والبحث فقط عن المادة لن تستمرى فى الحياة مع زوج ..
استخيرى فى البداية وبعدها قررى مو عشان العمر قيمى هذا الخطيب هل هو رجل لان هذا الزمن يفتقر للرجال ركزى على هذى الجمله هذا الزمن يفتقر للرجال لاوجود لرجال الان الا القليل من هو محافظ وملتزم اخلاقيا ومحترم وراقى بالتعامل مع المراه اما المال انتى قلتيها انتى موفظفه يعنى لستى محتاجه له ماديا انما تحتاجين لرجل يفهمج ويحافظ عليج ويحترمج مو واحد كل يوم بالمحكمة وشكرااا

 

[بكتني الذكريات]

ياشين الي داشين الموضوع ومسوين فيها دفاع ,, البنت ترا ماقالت شي وياغريب كن اديب

اانا اقول فكري بالموضوع عددل ترا محد راح ياكلها الا عيالج باجر

والي يقول خليجنا واحد ماقلنا شي لكن في قوانين وحرية بالكويت اتحدى موجوده في بلد ثاني ؟

 

[baby lotion]

بنات اشفيكم هاجمتوا البنت بدون ما تفهمون قصدها..معاها حق تخاف تاخذ واحد غير جنسيتها خاصه اذا سعودي

وفكر باي يوم يرجع السعوديه..هناك شنو مستقبلها بيكون ماكو وظايف وبطاله سنين ومعاشاتهم مو قويه مثل الكويت

غير جذي قوانين الأحول الشخصيه عندهم ما ترحم المرأه ابد..مالها حقوق بالطلاق ولا الحضانه ولاشي مثل قوانين الكويت

بعدين الوحده هني متعوده على وظيفتها وحريتها وسيارتها عندها صعب تتزوج وتفقد كل هذا تصير الحياة لا تطاق

صاحبه الموضوع معاج حق بالتردد والخوف مو معناته عمرج 29 توافقين على اي زوج والسلام ..الزواج اذا ماكان في تكافأ و

استقرار من البدايه ماراح يكون ناجح..نصيحتي لج استخيري وشرطي عليه ان اقامتكم تكون بالكويت وتكتبون عقد الزواج بالمحاكم

الكويتيه عشان يطبق عليكم قانون الاحوال الشخصيه الكويتيه مو قانونهم ترى كله بصف الرجل..اذا وافق ان تكون الإقامه بالكويت يكون الوضع احسن عشان

ماتخسرين وظيفتج ومعاشج وسيارتج واهلج وحياتج اهني واهو تكون له فرصه مستقبلا اذا خذا الجنسيه الكويتيه يتوظف بمكان احسن ومعاش اقوى

الله يوفقج ويكتبلج الخير

معـاها :rerrerek:

 

[مترفہ بك .]

السلام عليكم ورحمة الله وبركاته
الله يفرج همگ وييسر أمرگ ، أستخيري .

الحمدلله . الحمدلله . الحمدلله

 

[نورة حسام]

وافقي

 

[DndOshaH]

استخيري وماشووف فيهااا عيييب انج تتزوجين سعودي!!

يب ...

 

[مرتبة]

نصيحه
الزوج الي مايرفع وما يمليء العين تركه افضل
عيوبه باينه فقر مو متكافا معاج غير العيوب الخفيه المستتره
مو علشان كبرتي تتنازلين
تتنازلين لما يطق عمرج 35 وفوق توج مو موقت تنازل
باجر تطلقتي وعندج يهال كل اوراقهم من السعوديه رفيجتي جذيه تعذبت

انا بعمرج مو متزوجه ولا راح اتنازل اما زواج يشرف والا قعده تريح
امج وابوج كل العجايز والشيبان جذيه المفروض كلامهم ما ياثر عليج

اقبل بصداقتج راسليني خاص اذا حابه تفضفضين معاي