متقدم لي سعودي وخايفه

[fatma A]

بصراحه بصراحه كلنا خليجين بس الاولى تاخذين كويتي منج وفيج ولا تقولين كبيره بالسن سبحان الله وحده تصير حق امي عمرها 35 مو متزوجه كلش وخذت واحد شايب كويتي عمره 60 حتى مو متزوج كلش مشالله توفى ورثت وراه فلوس ويابت ولد واحد مشالله لا تقولين انتي كبيره ولا تستعجلين والله ما اقص عليج رفيجه اختي ماخذه سعودي اهي مطلقه مرتين كانت استعيلت وخذت سعودي شوفي شلون معيشها والله تبجي تقول ابي اطلق اهلها قالو ما تتطلقين مو بكيفج والحين ولدت تقول ياريتني خذيت كويتي مطلق ولد ديري احسن من الغريب لا تاخذين لا ولد ديرتج نصيحه فكري بعيالج اهم اهم من كل شي نصيحه من اختج

 

[fatma A]

وترا حتى في سعوديه ماخذه كويتي عايشه بذل تقول ياريتني ماخذه سعودي احسن سبحان الله مهما الواحد يلف ويدور مرده حق بنت ديرته او ولد ديرتها

 

[CSS_]

اذا تبين الزواج فـ انا انصحج تقبلينه مهما كانت عيوبه
واذا الزواج مو مهم عندج وتقدرين تعيشين بدونه .. فـ انا اقولج لاتوافقين

لان ممكن مايتقدم لج غيره ماتدرين شنو ممكن يصير!

وترا الزواج مو اهم شي بالدنيا لاتتسرعين ..

بخصوص انه سعودي .. انا فاهمتها البنت مو قصدها عن كونه سعودي او غيره!! بس تقصد اختلاف الجنسيه فقط ..

وعدل كلامج.. ممكن يلومونج عيالج بعدين عن هالاختلاف.. بس ترا هذا مو سبب يمنعج من الزواج منه!

راح يكونون سعوديين .. لكن شاللي يفرق؟ كويتيين او سعوديين!!

وتدرين عاد.. انا مع اختلاف الجنسيات .. ع الاقل العيال مايكونون عنصريين !

بالتوفيق لج حبيبتي ،.

واخر شغله بقولها لج .. اسألي عنه عدل واذا كانت اخلاقه زينه فـ لاتترددين لا الفلوس ولا الجنسيه مهمه <3 ..

 

[CSS_]

غريبه شدخل يكرهونك عشان تزوجتئ سعودئ
اقووووول احمدى ربك تقدم لك سعوودئ
السعوودئ معنى الرجووووله الحقيقيه
حمدلله والشكر

السعودي معنى الرجوله الحقيقيه؟

معنى هذا اخوي وابوي مو رجل حقيقي ؟!


فكري قبل ماتكتبين كلام وقح مايدل الا على تربيتج ..


عذراً اختي صاحبه الموضوع جنج ماقريتي ردي اللي قبل شوي

واقولج بـ كلمه وحده ( لاتوافقين ) ..

راح تتبهذلين اخر بهذله مع هالعقليات المريضه :d

 

[أحلى البشر]

البنات فهموو البنت غلط

مو هذا موضوعنا

اغلب الطلاقات اللي تصير والزواجات الفاشله سببها ان البنت خافت تعنس وقطت عمرها على واحد مو مقتنعه فيه او مو مكافيء لها وبعد شهر شهرين تندم قد شعر راسها وتقول ياحلو بيت اهلي وعز امي وابوي
ياقلبي مرات النصيب يتأخر بس تاخذين واحد ترتاحين معاه العمر كله مو شهر شهرين تشقين وتالي تردين بيت اهلج مطلقه او تعيشين العمر كله بظيم
سمعي نصيحتي انا ياما نصحوني ولاني كنت خايفه محد يتقدملي غيره وافقت على واحد اقل مني بكل شي ومو مقتنعه فيه وتالي تطلقت بالله شستفدت غير لقب مطلقه
نصيحه من كل قلبي لاتقطين نفسج نطري وربي بيرزقج اللي يفرح قلبج ويناسبج

 

[معزوفة عشق&]

البنات ماقصرو
ادعي ربي بالحاح واستخيري اكثر من مره والله يكتب لك اللي فيه الخير يااااااارب

 

[ورد و عطر]

وش هالتناقض تخافين اذا تزوجتي سعودي عيالك يكرهونك لان حياتهم صعبة ..ليش انتي تعلمين الغيب وكيف بتكون حياتهم ههههههههههههه

والاهم يعني حياتك الحين شايفتها حلوة..؟؟

تناقض عجيب

 

[fatys2]

في ناس لا قروا الموضوع عدل ولا فاهمين شالسالفة

بس قروا جملة "باجر عيالي يكرهوني لاني خذيت سعودي " ونسوا شنو هدف الموضوع وبدوا مسخرة واستهزاء


الحمد الله والشكر عقليات !!!!!!

 

[fatma A]

لازم تفكيرين بعيالج ومستقبلهم لا تستعلين وتخسرين اخر شي باجر والله لاكبرو بيقولون يمه ياريتج ما خذيته فكري بعيالج مو فيج انتي بس الاجارات بروحها غاليه وايد الحين اجاره 400 وفوق وغير الجمعيات غاليه وكل شي غالي والمعاش يطير رفيجتي عراقيه ونعم فيها حبوبه وقمه الاخلاق والادب وامها كويتيه يوم كبرو عيالها قالو لها يمه يريتج خذيته كويتي اليهال دايما يدفعون الثمن حرام جذي

 

[mf6nt el3lat]

سوي شي انتي مرتاحه له ... عشان بكره ما تندمين ...

 

[لحن 44]

اختي ما اشوف فيها شي سواء اخذتي سعودي ولا اي خليجي حنا كخليجيين ما بينا ذاك الفرق
بس اهم شي تكونين مقتنعه بقرارك مو بعدين تعقدين نفسك وتعقدين زوجك ..
استخيري وشوفي اختيارك خليه مبني على الشروط اللي قالها الرسول ( الدين _ والخلق )
مو كل سعودي سيء ولا كل كويتي زين .. الناس اجناس الجنسيات ماتحدد زين وشين الشخص ..

.
خواتي معليش وش هالكلام سبحان الله فيه بنات يتكلمون والسنتهم متبريه منهم ..
اول شي من قال انه يحكم على عيالها انهم يكونون في بطاله عشان ابوهم سعودي .. ولا بتكون ظروفهم الماديه سيئه ..؟!
ترا البطاله في جميع دول العالم مو محكوره عندنا بس الانسان يدرس ويتعلم وان شاء الله بيتوظف .. وعلى الماده كل دوله ولها عملتها عشان كذا
انتي قستي ان المعاشات عندنا قليله .. لا مو قليله المعاشات عندنا حلوه بس شي طبيعي بتكون عندكم قليله لانك شوفي الريال السعودي كم يساوي بالكويتي ..
وعلى طاري ان المرأه عندنا مظلومه ومالها حقوق من قالك ..؟
الحضانه عندنا تكون مثل ما في الشرع .. الا اذا الدين عندك فيه ظلم ..
وعلى قيادة السياره ما اشوف انها هي عنوان للحريه واحترام المرأه .. اذا وحده بتحط قيادة السياره السبب الرئيسي في قبول او رفض الخاطب
على كذا الله يرحمنا برحمته ..
.
في النهايه حنا خليجيين كلنا واحد ما بينا فرق ..
واتمنى يكون فيه شوية احترام .. وكل شخص من حقه يفخر بدولته وشي طبيعي ان الشخص يشوف دولته غير ..

 

[عيـون المهـآ]

^

حبيبتي فاهمه قصدك ( انا من السعوديه )
شوفي اكبر غلط ان البنت توافق ع الزواج ( الي مو مقتنعه فيه ) عشان تهرب من وضعها السيء
لا تنسي ان انتي اذا كنتي مو مقتنعه بتروحي من سيء لأسوء
فرضاٍ ماصار تكافؤ لأنك مو مقتنعه اول شي راح يصير مابترتاحي وبتحطي فكرة الطلاق ببالك
اذا تطلقتي يمكن تعيلي منه هالعيال وش ذنبهم
غير كذا بتكون جنسياتهم سعوديه يعني مالهم حقوق الكويتيين
السعوديه مافيها توظيف مثل الكويت وانا ماقول هالكلام عبث اخواني خريجين جامعه للحين ماتوظفوا وظايف حكوميه الا واحد بس وماتوظف الا بعد ماقرب عمره من الاربعين
واغلب الي حووولي نفس الشي خريجيين ومو متوظفين
الكويت ماشاء الله موظفين الكل بمعاشات قوووووووويه
وغير عن كذا للمرأه حقوق حالها حال الرجال
عندها سياره تسوقها لو احتاجت
( البعض يفكر ان السياره ماخذه عقولنا ) لا تنسون ان اهي متعوده على القياده
السياره مهمه جداً لو بغيتي تروحي مشوار وماحدا عندك احد من الاهل مرض ومافيه الا البنت بالبيت
الثاني يموت مثلاً !
ويمكن انتي ماتتعودي على العيشه بغير بلدك الكويت
يعني شوفي الفرق
معاشات ووظايف ضعيفه ومو الكل محصلنها = الكويت اشغال قويه بمعاشات قويه
اهناك ممنوع تسوقي سياره = الكويت تسوقي وتروحي وتعتمدي على نفسك
الحضانه والطلاق وامور الزواج ككل = تختلف عن الكويت


واذا كنتي مقتنعه وراضيه مافيه مشكله بس لازم تحسبي الف حساب وتشوفي وش ايجابيات الموضوع وسلبياته
وترى الغربه صعبه يمكن بعدين يرجع للسعوديه بتقدري على فراق اهلك ؟؟
احنا ننفصل عنهم ونروح بيتهم ونصيح احيانا
مابالك بديره ثانيه


انا ماخوفك بس اقولك حطي ببالك كل الاحتمالات
لان الزواج قرار ومصير
وعمرك ترى مو كبيير مره باب الزواج لسى مفتوح
والقدر والرزق على رب العالمين

وابناء الخليج كلنا واحد


اتمنى لك التوفيق وطمنينا عليييك

 

[انت العمر كله]

اول شي استخيري ربك واهم شي اخلاقه ودينه وانك تعيشيي حياه مرتاحه مو مهم سعودي ولا كويتي اهم شي راحه البال والحياه السعيده واهم شي استخيري والبنات ما قصرو

بس جمله اخاف عيالي يكرهوني لاني كتبت لهم حياه صعبه !!!!

 

[قلبي له]

استخيري ماتدري يمكن تكون سعادتج معاه ..

 

[برنسيسة2007]

اولاً: خليج على قناعه ان الرجل السعودي مكسب انتي فاهمه غلط او مقتنعه بشيء خاطأ ليش تقولي اعيالي بيكرهوني اذا اخذت سعودي!!!؟السعودي مكسب ي الغاليه
بعدين ماعليج من الماديه اخر شي اتفكرين فيه الماديه دامه بديرة العز والخير والطيب(الكويت)ماعليكم شر ان شاالله
الاهم خلقه ودينه اذا متأكده من خلقه ودينه توكلي على الله ووافقي

........
بعدين كل رجل عظيم وراءه امرأه عظيمه

خليه يكمل دراسته وياخذ اعلى الشهادات وماتقصر الكويت معاه عازين الخليجيين ورازينهم

 

[جيجي 1410]

بصراحه ضحكتيني عيالك راح يصيرو سعوديين راح يكرهوا انتمائهم لجنسيتهم مثلآ ..,


الله يكتب الصالح واذا انتي من البدايه خايفه خذي من ديرتك احسسسسن والله ..

 

[معكرونه أسبكتى يم يم]

يبه لاتزوجينه !
انتي قبل لاتاخذينه عايفته بعد شكو تعصرين عليه ليمونه واتغصبينه ماله داعي الصراحه
والله ان شاءالله بيرزقج ...... وان مارزقج بعد مو نهاية العالم اذا الوحده ماتزوجت كل شي نصيب

 

[نسيم الغامدي]

معليش تقبلي مروري هاذي ثااااني مرا اكتب شوفي حبيبتي انتي أستخيري وربي معاك
لأكن حابه أقولك إيه صح أنا سعودية وزوجي سعودي بس أقولك ما شاء الله عليه والله مؤ مقصر معااااي بأي شئ
وهو راتبه مؤ قوي كثير يعني سفريات والحمد لله لف فيني العالم وكل شئ أبيه يجيئني من غير ما اطلب حتى شقتي كبيره والحمد لله
وعفشها أحسن من عفش اللي عندها فلووس وإذا ع السواقة إذا سافرنا أي مكان أكثر من يسوق انا ماشاء الله يعنيي الرجال مؤ سوا
وأكيد انتي بيسكنك في الكويت طالما هو عايش هناك وانتي إذا تقدم اشترطي عليه الحرية والسيارة والدوام والشقه وكل شئ بيكون أوكي
عاد انتي أستخيري وقولي لنا أيش بيسير معااااك

 

[(حكاية قلب )]

استخيري

 

[مودي كويتي]

اول شي الاستخاره وحتى لو تزوجتي بس لغرض تبين تفتكين من البيت يعني خلاص ماراح تسمعين صوتهم؟؟؟؟؟؟؟؟؟؟؟؟؟؟شي غريب انتي استخيري وخلي تفكيرك بالشخخص وليس بالظروف المحيطه فقط