غفت عينــه،،
لكنـــها تمت قاعده ،، النوم جافاها ،،
تحس بالخوف يقطع اوصاالهآآ،
تخاف عليه ،،
تــــــــخاف عليه من الهواا ،،
وتخاف من الأيااام،،
راح يبتعد عنها وينشغل وااايـــد،،
لازم تصبر روحهااا ،،
من بعد ماكان ما يناام الا واهي وسط حظنه
صار ينااام مبتعد عنهااا،،
والتعب يسيطر عليه ،،
لازم تكيـــــف روحها مع الوووضــع اليديد
اللي راح يغزي حياتهاا
وكلمة غدير كانت ترن بعقلـــها،،
ترررن
حطت ايدها على خده ،،
" محد ياخذه مــــــني
مـــــــــــحد "
حظنته على قلبها ونااامت ،،
عبدالله فتح عيووونه الساعه 3 الفير وشاافهاا متمسكه فيه بقوووه،،
استغرب من تصرفاااتها،،
صايره تخاف عليه خوف جنووني ،،
" الله يخليج لي ،، "
============================================
اسماء غمضت عيوونها ،،
واهي تفكر بالمستقبل القريب،،
"سامحيني يايمـــه،
مابيدي شي،،
ماودي اتركــج،،
بس انتي اخترتي هالشي ،،
يارب ياارب احفظها لي
يااارب ،،"
تمنت تلقى الحنان عند نايف ولو انها تحسه شخصيه ديكتاتوريه
خوف،،
خووف
خووف
بدت تتعب من الخوف من بااجر
خايفه على امهاا و على روحها
من الباااجر
======================================
هذا آنــا من جديد
اسمعني للآآخر ،،
الشوق كل لحظـــه يزيد
والله مو قــــادر ،،
لولاه ماجيتـــك ذليل
مشيت لك دربي الطويـــل
اكذب على نفسي بأمل
رغم اني ادري ** مستحييييييييييل**
ادري اتفقنا نفترق
ادري وصلنـــــا للنهايه
صدقني قلبي ينحرق
اعذرني اشقيتــــــك معايا
بس مالي فهالدنيا سوآآآك
إنت اللي احلااااااامي معااك
وانته اللي ضيعني هوآآآك
وإللي بينـــــــا ماهووو ** قليل**
فتحت المسج اللي وصل لها في وقت متأخر من الليل
كلمات اغنية ( هذا انا ) للراحله ذكــــرـرى
المرسل : صــــــالح
إلى: عاايشــه
بدت تضحك بسخررريه
مسكين ،،
والله انك مســـكين
تعلمت الهوى وياي ،،
رحت لغيري حبيته
قوة عين اشوفــك جاي
تبيني انسى اللي سويتــه
انسى انك تراضيني
انا مرتاح في فرقاك
واذا توك تحس فيني
انا توني قدرت انسآآآك
ضحكت من قلبها واهي تسكر جهاازها
بدت تحسه انسان تاافه
خسيس
حقير
تحس انها ماتكن له اي مشاعر
لأنه مايستاهل انها تكن له شعووور
غمضت عيونها واهي تفكر بطريجها اليديد
طريج حلو
والبدايه احلى
شتبي راد حق عايشه البدوون
روح الله يسهلك
عيش بدنيتك
وانسى
ابتسمت واهي تحس انها ودها تضحك بس تكتم ضحكاتها
اي نسيت
نسيييييييييييييييييييييييييييييييييييييييييييييييت
ولو ان في شي نبض تحت صدرها
إلا انها كانت تتجاهله وتتصنع
وتمثل النسيآآآآآآآآآآآآن
=================================================
الدموع بللت خصلاتهااا،،
تحاول تخمد آآهاتها عشان فهد مايحس ويقعد ،،
مد ايده على خدهااا ،،
مسح دمووعهااا
بشاير: فهددد !!..انت مانمت
فهد: لا وشلون انام وانا ادري بقلبي زعلان وامتضاايق ،، خلاص يابشاير لا يضيق صدرك ولا تزعلين انشالله من بااكر وانا اكلم ابوي ،، نطلع لبيت بروحناا
بشاااير: صجججج !!
فهد: ايه صج،، يلا ياعمري..حرام هالعيون الحلوه تبكي..امسحي دموعج وناامي ،، ياغلا عمري وقلبي
بشاير( حست ان الفرحه راح تطلع من صدرهااا...
سحبها من ايدهااا..
وفجأه تجمدت ملامحها
كالعاده يعني !!
يقول هالكلام عشاان غايه في نفسه
وكلام الليل يمحـــــــــــــــــــــــــــيه النهاار
بدت تبجي والمفروض تضحك
واهو يدااعب خدها الرطب ،،
ويتقرب منهاااا
تحس انها ماعادت تطيق ويهه
ولا حركااته
ولا شهواته اللي ما تشبع
تحس بالتعب يمزق احشااائهاا
تعبت منه
تعبــــت )
===========================================
الساعه 2 الظهر ،،
حور كانت تسلي نفسهاا بأي شي ،، ماتبي تفكررر التفكير قطعهااا ،،
كانت تطالع ويهها بالمنظره ،، ذبل شي فيها ،،
من الخــوف،،
حطت ايدها على خدها ،،
بشرتها صفرره ،، وشفتها نااشفه ،،
قلة أكل ،، قلة نووم،، السهررر ،،
بالاضافه إلى ذلك ،، حور حاامل ،،
ومحتاجه لراعيه اكبـــر،،
ام عبدالله نشف ريجها واهي تلح عليهاا تااكل،،
كانت تكتفي بلقمه بس ،، بعد ماكان جسمها متروس و اموررد
صارت اضعف ولوون جسمها انقلب للون الاصفررر،،
حطت ايدها على بطنها: عذبتني ياعزيزاني عذبتنييي ، جذي تسوي بماما؟؟ جذي تسوي بماما حور؟؟
تضحك مع نفسها،، وتسلي نفسها بنفسهااا : عزيزان بابا وين راح؟؟..محد ياخذ بابا منا صح عزيزان..؟؟؟ حبيبي عزيزان متى اشووفك ،، يمكن لماا نشووفك راح يرد بابا مثل قبل يهتم فينااا ويحبنااا...ماما غيوره؟؟ لا عزوزي ماما مو غيوره ماما خوااافه وتحب بابا
فجأه حست روحها غبيـــه،،بدت تقلب بالمقله عشان لما يووصل حبيبي يكون الاكل جااهز وحاااار،، رابطه شعرها بأهمال وخصلات طويله تنزل على رقبتها و فيسها مبعثرررره بشكل يونّس،،،
يوم انفتح عليها الباااااااااااااب بقــــــــــــــــــــوه،،
عبداللللللللللله: عمرررررررررررري
حور( فز قلبها من الخرعه حست ان الياهل بينزل من الطمره اللي طمرتها):شفييييييييييييييك يماااااااي
عبدالله( كان ماسك كاميرا الفيديو بيده ويصّور حوور قرب منها وباس رااسها): ضحكي بابا ضحكي
حور: وااااااااااااااي خرعتني بو عزوز والله حسيت ان قلبي طااح
عبدالله: اسمالله على قلببببها،، ( يحرك الكاميرا يمين يسار ويسوي زوم على ملامحها الطفوووليه واهيا تلعب بالمقله و بعدين تحط ايدها على بطنهاااا،،لابسه نفنوف بيت ازرق قصيرررررررررر و وسيع عشان تاخذ رااحتها ،، وخط صدرها من فوق باين بووضووح ...)
عبدالله: حبي احبببببببج
حور( كانت تبتسم واهي تطالع الكاميرا): خلاص طفهااااااااااا، وقولي شصار معااك اليووووم
عبدالله: بتعرفين شصار؟...ولهت عليج وانا رايح ،، و لهت عليج بالمحاضره ،، ولهت عليج وانا طالع من الكليه رايح المكتب،، ولهت عليج وانا بالمكتب ،، ولهت عليج وانا طالع من المكتب،، ولهت عليج وانا راد البيت ،، وليلحين قاعد اوله عليييج ،، ولهاان علييييييييج
حور( بدلع ): والله عااااااااد محد قالك خلني برووحي وماااتخليني اداوم ولا اشتغل ،، قاعده برووحي طوول اليوم ،،
عبدالله: يابعد رووحي انتي ،، ابي راحتج ياقلبي
حور: راحتي بشووفتك لا تخلينيييي ( مدت البووز)
عبدالله: يلا عاد ام عزيزان ،، شنوو طابختلي
حور( مسكت كفوفها وتتدلع مثل اليهال):ديااااااااي و بطااااااااااااااااط ،، ووو( تحط صبعها على حلجها تتذكر).. وكجببببب ،، و بيبيسي...وووووو مممممم و سلطه وو بس ( وابتسمت )
عبدالله: عسل على قلبي دامه من ايدج يابعد عمري ،، يلااااا حبي ترا حدي يووووعااان ،،
حور: حبيبي عفيه دام انه باجر اول يوم رمضان خلنا نتفطر ببيت ابووي
عبدالله: وامي؟؟..لالا حور مو خوش فكره
حور: ناخذها معانا شدعوه عبدالله
عبدالله: لا حبي خليها الخميس؟
حور: خلآآص الخميس ( مدت البوز واهي تشيل البطاط من المقله و تحطه بالصحن ،، وعبدالله قط روحه ع السرير تعباااااااااااان حده ،،، لفت ويهها ): اي ،،( رفعت حاجب) الحين حبيبي بياكل و يطقها نومه لي المغرب ،، وبعدين يطلع حبيبي ويرد بليل ويكمل على نومته حبيبي اهوااا
عبدالله: حوور عن المناجر مابطلنا هالسيره ،، كل يوم اسمع هالجمله
حور: اي عشان تعرف انك امقصررر
عبدالله: امقصر وامقصررررر؟؟؟امقصر بشنووووو..انا طالب يبه طااااااااااااااااالب لا تنسين هالشي ،، شتبيني اسوي اشق رووحي نصييين ،، لا خليني اشق روحي خليني
حور ( مسكتت ايده تهديه لأنه قام يصارخ ونسى نفسه): حبيبي بس ...عبدالله بس
عبدالله: لا خل اجرررب اشق روحي نصين يمكن يرضيج هالشيييييي
حور: خلاص مااابيك تقعد عندي خلاص سوا اللي يريحك
عبدالله( قام بيطلع من الغرفه)
حور: وييييين؟؟
عبدالله: بنام تحت
حور: والغدا؟؟
عبدالله: اكليـــه إإنتــــي،،
حور غرقت عيونها وبجت بس قامت تكاابر ،، شالت الصحن و حطته بالثلاجه بكل بروووود...
عبدالله الدم يغلي بعرووقه قامت تزودها بتصرفاتها ودلعها واهي تدري انه لازم يلتزم بدوامه وشغله
من التعب ماحس بروحه الا واهو نايم بالصاله تحت.
طافت عليه امه بعد دقايق..ماحبت تقعده ،، اكيد بينه وبين مرته سوء تفاهم ،، وانشالله المياه ترجع لمجااريـــهآآآ
========================================
المغرب فتح عيووونه ،، العاده لما ينام تحت يلقى مرته يمه تتأمل ويهه او تغطيه او او...
استغرب لما مالقاااها !!..
مسح عيونه وقام يدورها مثل الياااهل ،،
قاام وصعد فووق عاد غرفتهم مع الايام صارت لوحه فنيه ،، بكل مكان صووور حوور ،، ابدع في تصوير محاسنها ،،وكانت الصور امكبره وماليه الغرفه، لقاها ماسكه مجله تقراا ،، حست بدخوله بس ماهمهااا كاانت امركزه ع المجله اللي بيدها بتصنع
عبدالله: ليش ماقعدتيني
حور مارفعت راسها تطالعه سكتت وصفحت المجله
عبدالله: اعتقد اني قاعد اتحجى ،،
حور كانت تصفح بالمجله وسافهته جنه هواا ماله اي وجود
عبدالله...: اممم جذي يعني..على راحتج يبه
حور مازالت ساحبه عليـــه
عبدالله طلع بره الغرفه قعد بالصاله اللي فوق ودز لها مسج [ احبج ]
شافت المسج ماردت ،، وكانت تصفح وتصفح ،،
عبدالله دز مسج ثااني...[ لا يقص عليج ابليس ،، عقلي ،، تراج الهوا اللي اتنفسه..]
حور حست انها بتضحك بس كانت تكابر بقووه ،، ماردت عليـــه،،"عشان يتعلم يهدني وينام بره"
عبدالله دز مسج ثالث ...[ احبج بابا ]
حووور بلعت الضحكه ودشت الحمام ،،
عبدالله طفش دخل الغرفه ،، قط روحه ع السرير ،،
حور طلعت من الحمام لقته قاعد ع السرير وحاط ايده على راسه ..وتفهم من هالحركه انه راسه امصدع من الصغط ،، كانت دايما تبوس راسه و تهمزه لين يخف العوار ،، بس هالمره ولا جنه شي صاار جدامهاا ،،
نزلت تحت وقعدت مع امه ،،
عبدالله حس ان القهر اللي بالدنيا كلها فيه ،،
مو متعود تتجاهله بهالطريقه الخايسه !!..
نزل قعد مع امـــه ،،
ام عبدالله: ايييييي كاهوو ريلج وصل
حور ( مالفت ويهها وكانت تكمل سالفتها): بسكووت واحط عليه الككاو وبعدين من فووق احط فليييك ، واقصصه ،، عليوي اخوي كان مدمن هالطبق
ام عبدالله: حلووو والله بس السكر ذبحنا حرمنا من الفليك وربعه
حور: هههههههههه اهم شي صحتج ياخالتي
عبدالله: هاا يمـــه شرايج اااخذج مع مرتي ونطلع لنا مكااان
ام عبدالله: معانا شيخه؟؟
عبدالله( عفس ملامحه ): اي ليش ماناخذهاا..
حور: عااد عبود وطقت براسه الفكره ،، يسويها يسويهاا هههههه
ام عبدالله: اي والله عبيد الله يستر من مخك ،، وين ناوي تودينااا
عبدالله ( حس براحه بصدره وانه الارض مو شايلته من الوناسه كانت تضحك بويهه وتسولف عادي شكلها نست اللي صار): المكان اللي تامرون عليــه
ام عبدالله: انا اقول لو نروح البحر نشم الهوااا
حور: وانا بعد اقول نفس الشي ( واهي مبتسمه )
عبدالله: البحر ..ألبحر...جم ام عبدالله وام عزيزان عندي ،، يلا قوموا لبسوا عبيكم ( عبي)
حور صعدت غرفتها،، وصعد وراها مستانس،،
ولما دخل عطته نظره حقيره فهم من هالحركه ان النفس الحلوه كانت بس جدام امه عشان ماتحس بللي بينهم..
عشان جذي سحب الفوطه ودخل الحمام ماحب يناقشها..
شيخه لبست عبااتها حست انها محتاجه انها تطلع مع اهلها من دخلت حور حياتهم واهي مبتعده عن امها واخوها،، حور كلت الجو وخذت الحب كله من قلوبهم
مايهمها اهم شي انها راح تااخذ سعوود
حوور لبست عبااتها الوسيعه شوي ،، وقطت على رااسها الشيله ،،
ونزلت تحت مالها خلق تشوفه ،،
بالسياااره ،، امه كانت يمه وحور قاعده ورا مع شيخه،،
عبدالله واهو يسوق كان يكتب مسج حق حوووور
[ عمري لي متى ،، تكفين عطيني وي ]
حور كانت تتصنع الجمود ،، وتسوولف مع شيخه ،،
حس انه وده يهفها بطرااق حس بشوق مو طبيعي لها مع انها يمه ،،
ام عبدالله: يمه عبدالله ييب لنا فلافل ودي بفلافل
عبدالله :بس فلااااافل من عيووني يالغاليه
وصل حق فلافل شرف اللي بالديره ،،
ماحب يرد امــه،،
وطلبووا،،
بعد دقايق وصل الطلب،،
وبعدين خذااهم ،، لممشى البحر ،، المقابل لمجلس الامه..
الجو كاان مو ذاك الزود بس طبييعي يم البحر لازم تكون في نسمات ترد الروح..
حور كانت مكتفيه بعصير برتقال ،،
ام عبدالله: عبيد شوفلك صرفه مع مرتك
حور: خالتي والله ما اشتهي والله والله
ام عبدالله: والياهل شنو ذنبه حرام علييييج
عبدالله: لا حور الحين تسمع كلام ريلهاا وتااكل
حور ( عطته نظره بوو اااااااحلف ،، زين ويهك ويهك،، بس ماتكلمت ،، وعبدالله حس انها مو بالعه ويهه)
عبدالله: يلا حوور اكلي لا تبيخينها
حور ماردت عليــه..دخلت بنقااش مع امه عشان تنسيها سالفة الاكل
بعد 3 ساعات حلوه قضوها ع البحر ،،
ردوا البيت ،،
حور دخلت خذت احلى شااور..
وعبدالله دخل بعدهاا..
سحبت نفنوف بجم قصير ولبسته وناامت ولفت ويهها للجهه الثانيه
عبدالله طلع واهو يمسح على راسه بالفووطـه وشافها منسدحه ونايمه
عبدالله: ككككح كح
انسدح ومد ريوولـــه...
حور كانت مبتعده حييييييل منسدحه على حافة السرير..
مد ايده ومسك ايدهاا حيييييييييييييييييييل من تحت اللحاف
حور: هد ايدي
عبدالله: حووور بس عاد..لا تكبرينها ماتسووى
حور: انزين هد ايدي
عبدالله هد ايدها بقوه وحس انه وده يمد ايده عليهااا لأن السالفه طاالت..
ماقدر يتحمل وبعد دقايق رجع يتحرش..
مد ريووله وحاش ريوولها من تحت اللحاف
حور تجاهلته ،،
يه كله عليها وحظنها من ورا ظهرها لأنها كانت نايمه على ظهرها..
حور: عبدالله ،، تكفه وخررررررر
عبدالله ماقدر يتحمل وابتعد عنهاا ،،
بعد نص سااعه ،،
قااام قعد حط ايده علىى راااسه ،، حس انه ضغطه وصل أألف والسبه حوور وحركاتها..
حور تسوي روحها ماتشووفه وكاشته فيه
عبدالله: راح امووت
حور( بصوت مقموت بما انها حاطه حلجها على المخده): محد يموت ناقص عمررر..
عبدالله خلص وصل حق مرحله اللي حس فيها بالضعف وانه راح يستسلم ويبجي..
اول مره تعااملـــــــــــه بهالطريقــــه
عبدالله( بصوت مقموت): انا تعبان
حور ماردت عليـــــــــــه
عبدالله: يعورني منيييي طلع دم من ايدي ( يتصرف كطفل دايما عشان يجذب اهتمامها لكنه هالمره فشل)
حورر مازالت ساحبه علييييييه
عبدالله فقد الأمل و وصل إلى مرحلــــة اليـــأٍس..تسند ع المخده وحس الدم اللي بجسمه تجمد
حور حست بهدوء غريب لفت ويهها شافته بحاله يرثى لهاا..
حاط ايده على رااسه ،
حور ماقدرت اكثرر،،
ضميرها قطعهاااا
قربت منه ودفنت رااسها بصدرررره وقعدت تبجي بطريقه قطعت قلبه..
عبدالله: حيااااااااااااتي والله محد ياخذني منج بس انتي تكفين رحمي نفسج من هالتفكيرررررررررر
كان البجي يطلع منها بقهر ومن اعماقها لدرجة ان عبدالله تقطع قلبه عليهاا ..سحبها و حطها بحظنه،،
كاان يهديها بأسلوووب ولا اروع..
انتي آنا
روحي انتي
الدم اللي بجسمي دمج
قلبي قلبج
حور: ماخذووووووووك
عبدالله: ماخذوووووووني
==================================================
اول يوم رمضأأأن ودايما" اول يوم يكون متعــب ويهد الحيـــل ،
اسماء ملجتها راح تكون بعد العيد على طوول وكانت خالصه كل شي وامجهزه روحــها
لكنها ماكانت من النوع اللي يحتك بالطرف الآخر قبل الملجــه
كانت ماتدري عن اخباره الا عن طريق عبدالرحمــــن اخوهــــآآآ
،،
الله اكبر الله اكــبر،،
لا إلــه إلا اللــــه ،،
اذان المغرب يكون غيررر ايام رمضاان ،،
يعلن وقت التجمع ،، تجمع الأهل ،، والحبايب،، على سفره وحدـده،،
والاطباق اللي من كل الاصنااف في اليوم الأول ،،
عبدالله كان عطشاان
مايبي ماي..
يبي حووور..
حور: اثقل ياريال وخلنا ننزل عيب المفروض اصلا" من العصر انا تحت
عبدالله ( حاظنها بقوه): انتي حامل ماتنلامين المفروض شيخووه اهي اللي تساعد امي
حور: عبيد بس عااد يلا خلنا ننززززل
عبدالله: انزززين ..
نزلوا و لقوا الطاوله مرتبه بطريقه تشووق
والاطباق مبعثره بعفوويه فوق الطاوله
حوور كانت شبعانه بما ان الدكتور مانعها من انهاا تصوووم..
اليوم تكمل 3 شهوور وعندها مراجعه ،،
عبدالله كانت شهيته مفتووحه ،،
ام عبدالله: حور حبيبتي موعدج اليوم؟؟
حور: اي خااالتي..
شيخه: عبدالله بنطلع انا وامي
عبدالله: ووين؟؟!
شيخه: بجهز نفسي
عبدالله: شلون بتجهزين نفسج وانتي ماخذيتي المهر بعدج
شيخه: اي بجهز نفسي حق الدزه
عبدالله: خلاص ماشي..
،،
بعد الفطوور
في الجهراااء
ام فهد: اصعدي فوق
بشاير: ليه خالتي؟؟
ام فهد: بيجوني حريم ومااا ابغاهم يشوفون خشتج
بشاير: انشالله
ام فهد: الله يقطع هالوجيه (تركتها وراااحت)
بشاير حست انها بتنفجر خلاص مو قادره تتحمل اكثررررر
صعدت فوووق وقررت انها تتحاشاهم على قدر المستطاااع..
===========================
