[ لُِـَُعـبـٍـةَ آلِـِـمُـ/ـّـ/ــ/ــوّت ] ،،،، للمبدعة: ذلـmahaـتـه عـيوؤنـي

[miss 3yara]

زهره أخرى تحتفل بنهاية سعيده ،،

العيون المكحله بالكحل العربي،،

لابسه اسووؤد ،، مو غريبه من عرفتها وهذا لبسها ،، ماتحب تلبس الا الاسود ،،

تعبير ،،

بس مو عن الحزن ،،

عن الشمووخ ،،
غـــدير،،

اكتفت بالنظرآآت ،،

حضورها كان ضروري ،،


ونظرتها بعيــده ،،

ابعد عن البعد اللي تتخيلوونــه ،،

اعصابها كانت بالثلآآجـــه ،،

وابرد من البروؤد ،

وهدوءها كاان مقلق

وكأنه الهدوء الذي يسبق العااصفـــه ،،

وبنظرتها البعيده اعااصير

مو عواصف ،،

==============================================

اسماء تركت غرفتهااا الملل بدا يذبحها،

وشي طبيعي جدا"..بعد الخروج من علاقه ،،

الاحساس بالملل و الفراغ والبرود يسيطر على باجي العواطف ،،

ولا ننسى

ان العواطف تنقلب رأسا" على عقب،،

والانسان العاشق تتبدل نظرته للحياة وللناس

وينظر لهم نظرة حقوده ،،

تعدهم بالنيل منهم ،،

عاجفه شعرهاا ولابسه بجاامه متربعه فوق الغنفه و بدت تقلب بالقنوآت ،،

لكن دخول عبدالرحمن هو الشي اللي ماكانت متوقعته،،

عبدالرحمن ( بصوته القوي وبجبروته العظيم): السلآم،

اسماء اكتفت بألقاء نظره ساخره عليه ولفت ويهها

عبدالرحمن ( قعد و حط ريل على ريل وبدا يتكلم ببرود و اهوا يمسح على ذقنه ( لحيته)): امطوله على هالحاله،، اذا امطوله ،، قوليلي عشان اعرض حالتج على دكتور مختص بهالحالات

اسماء: مو آنا اللي بحاجه لدكتور يا دكتوور

عبدالرحمن ( وسيم بدرجه خاااااارقه ،، مع انه بأول الاربيعينات لكنه ملامحه قمه بالوسامه و قوة شخصيته باينه عليه من معاملته و طريقته الراقيه البارده بالتكلم وبأنتقاءه للمفردات ): مم ،، جميل ،، عيل قوليلي( سكت فتره ) منو اللي بحاجه لدكتور يا عاقله ..

اسماء ( ماكانت تبي تجادله اكثر تراجعت وحست بالضعف جدام نظراته ): محد محتاج الحمدلله

عبدالرحمن: لما بتتكلمين مره ثانيه ،، اختاري مفرداتج يبه..ماقلتيلي ..وين ناويه تسجلين يا ،، يا ادبي ( وايد يستهين بالأدبي..)

اسماء: اقولك شي عبدالرحمن

عبدالرحمن: اسمعج

اسماء: شلون تعلمت الطب؟

عبدالرحمن ( يسوي روحه يفكر): سؤالج يبيله تفكير

اسماء: لاتستهين بتخصصي يادكتور..

عبدالرحمن: لا تطلعين من دائرة حديثتنا..وين ناويه تذلفين السنه اليايه

اسماء: بسجل تربيه اساسيه

عبدالرحمن: اختيار سيء،، انتي ليش طموحج على قدج .. ؟ من عليه طالعه انتي؟

اسماء: شسوي ،، ما طلعت على اخوي الدكتور ..فاشله

عبدالرحمن : الاعتراف بالحق فضيله .. يافاشله..متى تبين الملجه يافاشله

اسماء: ملجه؟...وافقت على انور؟

عبدالرحمن ( قرب من ويهها لدرجة ان انفاسه بدت تصطدم بأنفاسها): ان يبتي طاري هالجلب مره ثانيه لا تلومين الا نفسج

اسماء:انشالله ( بخوف و خضوع..)

عبدالرحمن: اليوم ياني نايف ولد عمي،، طلب ايدج ،،

اسماء( الصدمه باينه على ملامحها): وانت وافقت ؟؟؟؟

عبدالرحمن: الريال بيدرس بمصر تملجون وياخذج ومره وحده تذلفين تكملين دراستج هنااك يا استاذه

اسماء: عبدالرحمن تكفه ..وراس ولدك زياد لا تجبرني آخذه

عبدالرحمن: احنا في سنة 2008 محد يجبر احد على شي..

اسماء: ليش تناقض روحك

عبدالرحمن: ما اناقض روحي ، اذا تبينه أخذيه وسافري..ماتبينه انثبري ..انتي حره ..

اسماء: ما ابيـــه،، تفهم؟؟؟ ما أبيـــــــــــــــه..

تركت الصاله وقامت ...وصادفتهااا جواهر ..بقميص النوم فوقه روووب حرير...

جواهر: عمى...شعندج تصارخين انتي

عبدالرحمن: هلا والله ..هلا بهالحس..صح النوم ام زياد

اسماء بدت تطالعها بقرف..تنام لي ساعات متأخره وتطلع لهم بقميص النوم..

جواهر: هلا..( بنفسيه)

اسماء بدا الدم يغلي بعروقها..

الحكره بغرفتها وايد ارحم من هالمشاهد النتنه..

================================================== =

أخرى على موعد مع العشق ..والطبيعه الساحره،

طيارتهم الساعه 2 الفير..والنعاس باين على ملامحها..

وتوديع الأهل بروحه يدوخ ،، 6000 دير بالك عليها و 100 تروحون و تردون بالسلامه ..

حست بالراحه اول ماقعدت على مقعد الطياره ،،

اسندت راسها على جتف زوجهآ،،

" زوجــهآ"

ياحلوها من كلمه بالنسبه للي يسبق زواجه عذااب،

نهايه سعيده ،،

مرتاحه لأبعد درجة ،

وكل شوي تفز ،

عبدالله كان يراقب ملامحها،،

ساعه وسمعت صوته اللي يرد الروح..

عبدالله: حبيبتي، قومي يبه اكلي لج شي ادري فيج يوعانه..


ابتسمت له ابتسامه ورديه ..لا تسألون شنو يعني ابتسامه ورديه..

بس جذي حسيتها..

حسيتها ابتسامه ورديه ..

ماحست بالوقت ،

ماحست الا بالراحه و الامان ،، والطمأنينه،

من الطياره لي الباص لي المطار لي التاكسي لي الباخره ،،

كلها وسائل مواصلات ساعدت على وصولهم بالسلامه

ولما قربوا من ارض الأحلام على قولتهم ،،

كان الوقت 9 ليلا" ،،

والمنظر ماكان واضح ،،

بس كان


غريب،،

مامر عليها الا بالافلام و الأحلاااام ،

شعور حلو..
وريحة الجوو هم غريبه عليها

المندوب السياحي على طوول ساعدهم للوصول إلى الفندق

ماكان فندق تقليدي مثل اللي اعتدنا عليهم،،

كان عباره عن اكواخ او شاليهات منفصله ،،

والاجمل

انه كان وسط البحــــر،،

كانت تسمع صوت الجوتي ( عزكم الله )..الحذااء واهي ماشيه فوق الجسر الخشبــي ،،

والااضاءه الليله خافته ،، و موزعه بترتيب مابين الشاليهاات ،،

كانت تشم ريحة الستيكات و الروبيان و اروع الاكلات المو خليجيه للوول

واول مادخلت الشاليــه ،،

اللي نافذته كانت بحجمـــه،، والمنظر منها كان لوحـه فنيــه،، تتغير كل ثانيــه،،

والنجوم متطشره على السما الوااسعه

بس التعب غزززى جسمها فجأه وحست انها مو بحااجه الا للشاور و النووم

والكاافر..اقصد اليوع كافر..ومحتاجه تاكل..

سؤالها الطفولي : اراضي السلطان ولا اذبح الكافررر،،

مرأه بلبس مواكب للطبيعه هنااك ،، قماش خفيف ازرق ببرتقالي ،، ملامحها مغووليـه ،، بس كانت سمره..

سكان هالجزيره كانوا مخلوطين يعني مالهم وصف محدد..

فتحت لهااا باب ( الحمام ) عزكم الله ،،

كان ســحر،،

مثل الافلام ،،

الاضاءه بالحمام جدا" خاااااافتـــــــه،،معتمدين ع الشمووع ،، بس الشمووع

شموع موزعه بترتيب ،، لها رائحه مثل التوت او الكراميل ـ،،التعب ماخلاها تميز حتى الريحه،،

الحمام وسيــــع حييييييل ،، البانيو بشكل الجاكوزي يتوسط الحمام ،، وسطه شموع طافيه على سطح الماي البارد،،

و الجوري منثوور و طافي فوق السطح ،،

على طوول قطت الشيله فتحت جنطتها و زعت ملابسها ع الكبت المؤقت ،

وخذت معاها روب ،، ودخلت الحمام ،،

انصدمت ان الماي بارد ،، و عرفت ان سكان هالجزيره معتادين يتسبحون بالمآآي البارد،،

تاهيتي ،، او بورا بورا،،

جنة الدنيا ،،

جفتت جسمهااا ودخل بعدها عبدالله ،،

كان هاادييين حيـــــــــــل،،

وامبين دايخين ،،

قطت على روحهآآ بجامه بيضه حرير قطعتين ،، من التعب ماكلفت روحها ولبست شي يناسب اول ليله،،

نثرت خصلاتها و نشفت شعرها بالفوطه ،، وصار شكله حيل كيررلي ،،

واحلى الروائح تفوح منهاآ،،

انسدحت ع السرير ،،

عبدالله بعد عشر دقايق انسدح يمها حست بوجوده بس كان الحلم ممزوج بالواقع مو حاسه بنفسها على قولتهم ،،لأنها غااافيــه ،، مابين الحلم و الواقع ،، مابين النوم و اليقظــه

عبدالله غفت عينه واعليه حيل تعباان ،، ولحقته حوور ،،

وراحوا بسابع حلم ،، بس صدقوني مو احلى من الوااقع

3 فجرا" بتوقيت تاهيــــــتي،،بعدها الشمس ما شرقت ،،

السما كانت سووده و النجوم منثووره عليهاا و القناديل موزعه ،،

حست حور بريل عبدالله حاشت ريلها من تحت اللحاف ،،

و بدت تضحك بس بصووت واطي عشان مايقعد حرام امبين انه وايد تعبان يبيله وقت على ما يستوعب ان في شخص ثاني صار يشاركه السرير لازم يرااعي هالشي و مايقعد يراافس لوول...

دقايق و سمعت صوته اللي يررررد الروح ،،

بس كان لاف ويهه لجهة الباب و اهيا لافه ويهها بعيد ماكانوا متواجهين ..

عبدالله: قومي حور قومي ( صوت واحد امقفل حده)

حور: شنوو عبود شتبي ( تبادله نفس الوضع...صوت دايخ ..)

عبدالله: قومي حطيلي شي آآكله

حور: حبيبي تكفه انته قوم مو انا تحبني؟

عبدالله: لا حور قومي انتي..

حور: لا حبيبي انته تقوم

عبدالله: شلون يعني

حور: انا وياك نقووووووم..

عبدالله: هففففففففففففففففففففف..يلا كاني قمت

حور: مو قاعده اشوفك

عبدالله: قاعد اقوم كاااني ( واهوا بعده بالسرير)

حور: حتى انا قاعده اقووووم ..شوف شوف..مع بعض نقوم..يلا

3

2

1

انتهى البارت ..

 

[miss 3yara]

لـــهنآآك،،~~

ترتطم الأمواج وتصدر صوت يرد الروح والحيويه بجسم من يسمعها،،

تروح وترد وتصطدم بجدار الكوخ او الـــــــشاليه ،،

جوووو خيآآآآآآآآآآآآآآلـــــــي

بعيد كل البعد عن الواقع

حتى ريحته خياليــــــه

الشمس ماشرقت ليلحين ،،

طلبوا الأكل و وصل لهم على صواني خشبيه ،،الخدمه كانت تقليديه راقيه ،، مزيج من هالاثنين

بــــــــآآرد لدرجة انه دلدغ لسااانها،،

عصير جوز الهنـــد الطبيعـــــي،،

لون اللبن وخاااااثر بس فيه لذه مو طبيعيه احلى من قصب السكر،

قطع من الربيان مخلوط بصوص ( صلصه) بيضاء لها طعم غريب بس لذيــذ

والفلفل الاخضر البارد مقطع على شكل شرايح مع قطع الجزر والفلفل الاصفر والزهره على قولتنا،،

كانت واهي تاكل تلاحظ تعابيره اللي باينه و واضحه ،، وااايد يوعاان،،

الطاوله نازلــه حيل والمأكولات موزعه بترتيب ونظام غربي،،

الجدران خشبيه ،، والاضاءه خافته رومانسيه ،،

النافذه ( الدريشه)،، حجمها كبير ،، البحر ماكان باين لأن الشمس بعدها ماشرقت ،

بس القناديل منظرها يسحـــرـر،،

حور كانت تلتقط قطع الفطر وتاكل بذرابـتها المعتاده

عبدالله: لا والله ؟؟

حور: شنوؤ( صوتها طفولي ، وكانت تبالغ بعد)

عبدالله: هذا اللي قدرج ربي عليه ،، شبعتي؟!!!!

حور: اي بس.... جبدي قامت تقلب

عبدالله( فتح فمه بدهشه و عبط ): بسمالله بعدي ماسوويت شي آآنا !!

حور( قعدت تضحك بخجل،،وطقته على فخذه بخباثه): ياملييق

قامت دخلت الحمام غسلت ايدهاا ،، وانثرت شعرها على ظهرهآآ،،
دخل وراها الحمام ،، كانت واقفه صوب الحنفيه تغسل ايدهاا،، واهوا وراها ،، وفرق الطول شااسع

حسته حيل قريب منهااا،،وبأنفاسه،، سحبت الفوطه وطلعت ،،

عبدالله لحقها يسأل بعبط ويحك رااسه

عبدالله: شسمه هذا

حور: شنو؟؟،، حبيبي بغيت شي؟( عبط ممزوج بخجل )

عبدالله: لالا ماكو

رد الحمام غسل ايده وطلع والفوطه على جتفه ،

قعد ع السرير وطلب الخدمه ،،عشان ينظفون الطاوله،،

دقايق ودخلت المره وشالت معاها الصينيه ومسحت و نظفت ،،

عبدالله: عمري( بخباثه)

حور: نعم ( مبتسمه بويهه)

عبدالله: خ نااام( يسوي روحه بيبي ويتثاوب ويحك راسه)

حور: نعم؟


حوور بشغـــب،، تتكلم واهيا تأشر بيدها و تعبر بطريقه مبالغ فيها بس حلوه و تدخل القلب وتغررري ،،:انززززين بس مو تقعد تراافس(تأشر بصبعها) ،، اول مره طوفتها لك ثااني مره اسكك تراق ( اصكك طراق)

عبدالله: جربي سكيني تراق( وبعيونه رغبه مو طبيعيه)

حور: مؤبي ( نزلت رااسها بتصنع ،، )

عبدالله: لا انا ابيج تجربين يلا جربي،،

حور ( رفعت ايدها تمسح على صدره وتعدل له غولة البجامه بشغب،، وبأهتمام ،،حست انه صار جزء منها اذا مو كلهاااا ،،): لا انا ما اطق حبيبي خلاص ،،( مسحت على خده وباسته)

سحبهااا بقووه،،

ماحست بروحها الا واهي بين احضآآنـــه ،،

يبعثر خصلاتها و يرجع يلملمهااا ،

ويبوس رااسهآآ ،،ويكلمها’’

تهمسلــه ،، وتداعب اذنه

ماحست بالخجل ابد مع انهاااا خجوله بطبعها ،،

بس يمكن لآنه كااان شي منها ،،

ماحست ابد بأنه شخص غريب عليهاا،،

كان منها وفيها ،،قلبها ودقاتـــه

بس ملامحها توردت وهذا شي طبيعي ،،

تحب تسمع دقات قلبه ،، ويحب يشم عطرهآآ،،
انفاسه بدت تحس فيهم صوب رقبتهااااااآآ


غطااها باللحاااف

ويـــوؤم كشـــفت عن مفـــآآتنهآآ


//ضميتـــهآآ// ،،،،







شنو بتقرون بعد ؟؟ ناطرين شي يعني؟؟؟
/
/
/
/
/
/
/
/
/
/
/
/
/
/
/

كانت آحــلـــى ليلـــــه ،،

ماظنتي لها مثيل،،

شي غريب او شي يديد ، او او

مادري شلون اترجم احساسهم،،

بس كانوا عاشقين ،، والتودد اشباع لعواطفهم قبل غرائزهم


اشعه من نور ،، بدت تخترق السما و تشققها ،،درجات مختلفه من الألوان متلطخه بها السما،،


شرقت الشمس،،

،،

بعد ماخذوا احلى شااور داافــي ،،

وقف يمها واهما يتأملون المناظر من الدريشه ،،



ذااابت حواسهم استمتاعا"بأكثر مشاهد الطبيعه فتنه وجاذبيــــه ،،

حور كانت تطالع مستمتعه وتستكشف،،

لكن عبدالله ،، كانت الفتنه والجاذبيه إللي بحوور ،، اهي اللي امذوبه حوواســه و روحــه وعقلــــه

ماكان حاس بالمكان ،، وده يحظنها طول ما اهو عاايش و يحميها من كل شي ،،مالته ،، تعرفون شنو يعني مالته ،، قطعه منه ،مايشبع من التأمل بملامحهاا

مياه البحر فيروزيــــــه صافيـــــــه ،، والسما زرقاا سااحره ،، والرمال فضيــه ناعمه ،، والاكواخ متراميه بعفويه فوق المياه الممتده ،،

كانوا يقولون ان هناك عوامل جعلت من ذلك المكان مايشبه جزيرة الاحلام التي يسمح سحرها للزائر باطلاق العنان لخياله ليجد على ارضها كل ما كان يتمناه وكل ما قد عجز خياله عن الوصول اليه،،

بس مافي عوامل ساعدت على ان حور تكون قطعه فنيه نادره سوا قلبهااا وخفة روحهااا
مع انه صارله فتره واقف على ريله ،، بس بعده يحس وجنها بعدها ماشالت راسها عن حظنه ،،
وبعده يحس بريلهاا عن عمد ،،،

تحوش ريلــه،،

توها بدت تحس بالخجل ،، يمكن بتقولون تووو النآآآآآس يبه ،،

بس فعلا" توها بدت تشعر بهذا الأحساس ،،

يتعمد يمسك خصرها واهو يتكلم بعفوويــه ،،

عبدالله: شرايج نسبح

حور: بالبحر؟

عبدالله: لا بالبر

حور( ضحكت من قلبها): انت ليش مللللللللللللللليق؟

عبدالله: لا صج امشي نشوف الحوض اللي خاص بشاليهنااا اذا يمشي حاله مشى الحال ،، واذا لأ نسبح بالبحرررر


سحب ايدهآآآ بدفاااااشه ،
خلاص بعد صارت ملـــكه

صارت لــه،،


لبست ملابس البحر ،، قطعتين باللون الأحمر ،، ولفت على جسمها فووطــه،،

عبدالله سبقها و نزل بالحـــووض ،،مياهه تركوازيــه،، وبجوانبــه نباتات غريبه ،،

حور تخصرت جدامه : ماتنطرني بعددد ( قطت خدودها وتنحت ،،)

نزلت بخطوات ثابته ،، تخاف من المآآي،،

واطلقت صرخه قوويــه،، القاع بعيد عن ريلهآآآ،، قصيره حيل ،

تعلقت فوقه واهووا يضحك على فيسها اللي صار احمر لما شربت من ماي الحوووض و دخل الماي بخشمهآآ،،

قطرات من الماي على رقبتها وشفتهاا

حور: زلقت ،، تعووورت

شالها وقرب من فيسهااا حيييل واهوا يتذكر اول موقف جمع بينهم،،

نفس الكلمه ،، نفس الصوت،، نفس الروح ،، مو قادر يستوعب انها صاارت لــه،،

ضحكت حور واهيا تبادله التفكير ،،
ماتعمدت تقول هالكلمه " زلقت تعووورت " ،،

بااسهآآ،،

كانت متعلقه فيييه حييل ،،

تعلقت بظهره ،،يسمع حسها بس مايشوف فيسهآ،،

وكانت تهذر فووق رااســه،،

حور: امببببببببببله كانت تطالعك الخايسه

عبدالله: يبه هاذي بنت خالي لاتقولين عنها جذي وبعدين سنين مجابلها ماطالعتني ،، بتطالعني وانا معررس

حور: اممممممممممممممممممممبله كانت تطاااااالعك

عبدالله: انزززين خلاص كبري عقلللللج ،، تبينها تغمض يعني ماتطاالع

حور: انززين لا تتحرك وااااااايد (( صرخت)) والله ازلق اتعوور (( صرخت مره ثاانيه)) الماي دش بحلجي حراام علييك لاتسوي هالحررركه

كان يتعمد ينزل للمااي صكت راسه بقرقتها بس والله عسل على قلبه

حور ( متعلقه فيه ،،،،ظهره امبلل مااااي وشامه على جتفه ) كذااا من ربي حبيته ،، صدفـــــــــه يوم لاقيــــــــــته ،، يآآنـــــــــاس اللي تمنيــــــته ،، اخيرا" صااار محبووووووووبـــي ،،

وتطشششششششر المااااااااي عليهآآآ،،


===

 

[miss 3yara]

الساعه بالــــكويت 6 المغرب،،

فرق بالوقــــــــــــــت ،،

خذاا نفس عميــــــق ،، واهوو يقلب الأوراق اللي بين إإيده ،، مسند كوعه على الطأأأولــه ،،قط القلم وتسنـــــد على الكرسي الجلدي ،، من الجلد البني الراااقــي ،، خلف ارقى المكااتب على الأطلاق ،، البزمااات مزينه جم(كم) الدشداشه وبالسعوودي ( ثووبــه) ناسف الغتره بطريقه رااقيه ،، شخصيتــه محترمه ،،

وسيم ،، جدا"،، صاحب بشره حنطيــه،، تزين ويهه احلى غمازه وسط خده اليمين ،، والسكسوكه عطته مظهر رجولي اكثررر ،،تنهد وقال بصوته الخشن المبحوح

..............: يحرم عليها صوووتـــي ،،

خالد: يبه البنت تحبــك لو ماتحبك جان ماااسوت كل هذااا عشآآآنـــك ،، نايف ،، اعقل ،، تراهي داقه علي ذليله متشفقه على صوتـــك

نايف: خالد ،،، بعد تجااربي مع الحب ،، عرفت ان الغــــدر ،،،، انـــــثى،،

خالد: شبتسوي الحين ..شقوللل لهاا

نايف: قول لهااا يابنت الناس روحي بدربج وعسى الله يسمح دروبــج،، و اضف إلى ذلك ،، اني خطـــبت ،،
وخطبت وحده ما اعرف عنها شي ،،، وانشالله الاخطاء اللي ارتكبتها مع غيرهاا بصلحها بهالعلاقه

خالد: انت ينييييت ،، تهد هنادي و تتزوج !! بعد كل اللي بينكم ؟؟!!!

نايف: هناادي تغيرت ،،( رفع راسه و شخط على الورقه لين انشقت )غدرت ،،،غدرت فيني ،،( وقع على الورقه بغضب بان على ملامحه المشتااقــه،، نعم مشتاقه ،، بس تكابر ،،تكاااااااااااااااااابر،،)

[ رقع الموقف بأبتسامه باارده بانت على ويهه صاحب العيون العاطفيه ،، صاحب نظره ــ غيرر

غيرر

تدرون،،
ما اعرف اوصفهاا،،

===
/
/
/
/
طرااالي اسمك وآآنا ساااجد

تكفه ،،

غادرني دقيقـــــــــه،،

رفعت كفوفها بتدعي ،،

يارب،،

يارب ،، وانتهت الحروف،،

يارب

تبعثرت الكلمااات بالنسبه لها واختفت التعاابير ،،

بس هو اعلم ،، بللي في قلبي من عذاب،

صفطت ثوب الصـــلآآت،،

يارب خذ رووحي ،، وخذهاا بالأأأأحزان قضيت بهالدنيا حساااابي و عذاابي،،

ماتدري ليش طرت لهاا هالكلمات ،، عجفت ضفاايرهاا،،وسحبت صندووق غالي على قلبهاا من تحت السرير..

علبة عصيررر فاارغـــه ،،


[ نووف ،،، نووف وين راايحـــه،،

صوت الامواج ،، وريحة الجوو صوب البحر ،،

رطووبــه ،،

وتحس بثقل بمشيتهاا ،، اطراف البنطرون ماي مختلط بترآآآب،،

لفت فيسها وشاافتــه،، يوم كنا نتجمع كلنا مع الأهل ع البحر ،، نحط البساط و كل حريم عمامي مع عمامي موجودين ،،
ومطارات الجاااي ،، والحب ،، و انواع المكسرات ، عمي عمر مسند كوعه على المسنده اللي يابها معااه ويسمع الراديوووو الاسود الكبير اللي بكل طلعة بحر لازم يكون موجود معاانا ،، يدتي كانت مره كبيره حاطين لها كرسي تقعد عليه ،، صمون شاورمااا و بيبسي،، بس كان طعمهم ع البحر غييييييييررر..
البسااط ازرق بأحمر و خيووطه ليلحين اذكر انهم منسوجين بطريقه متقنه كنت اتأمله ،،

ابتعدت بخطوااتي ،، اتمشى ،

13 سنه ،، عمر نووف 13 سنه ،، لافه الحجاب بأحكاام ،، وكان حجاب ملوون ( ايام الحجابات )

سمعت صووته

يووسف،،

اي يووسف

يوسف: نووف،، نووف وين راايحه ( وبيده قوطي حاط فيه سمجـــه)

نوف( الخجل والحراره تسللوا لجسدها الصغير): اتمشى،، ماني رايحه بعييد


وقفت عند كشك صغير ،، عصير و نفيش و بطاط ،، ريحة النفيش كاانت واصله لي آآخر الشارع ،،

مديت ايدي اللي فيها ديناار ،،نوف: لو سمحت ،، عصيرر برتقال،

تفاجأت ان يووسف كان يمهااا ،، تدخل بشغب،،

يووسف: عطها عصير برتقال ،، و نفيش

نوف(تعدل الحجااب ،، خدها وردي ،، وبياضها مو كويتي ،، خصله ناعمه من شعرها طلعت من الحجااب ،، وكانت تعدله بخجل)

يووسف فتح بوكــه الصغير،، يحب يتصرف برجـــوله يمها ،، كان يطالعها ويبتسم ،،


بس انصدم

لما ما لقى ديناره داخل البووك !!!

حسيت فيه قاعد يدور ،، والاحراج باين على ملامحه ،،

نوف: يووسف مابي مو ضروري خلنا نروح اكيد حطوا العشااا

يووسف ( بعد ماردت الابتسامه على ملامحه المحرجه ابتسم بشغب وقال بطريقه طفوليه استجمع فيها ملامحها اللي تطشرت من الفشله ): اذكر امي كانت تقووول ،، حتى الخرده ،، فلووس ( لحنّها واهو يقوولها ،، حسيت بقلبي بيطلع من صددددري)

مد ايده الصغيره وحط ال500 فلس على الكشك،، شال العصير وحطه بيدي والنفيش وسكر عليهاا ،،

يووسف: وصدت هالسمجه حقج،، بس هاا،، ديري بالج عليهاا،،

نوف: يووسف

يوسف: هلا

نوف: ودي اقولك شغله بخااطري

يوسف: قولي نوف اسمعج( يبتسم)

نوف: قوطي العصير هذا ماراح اقطه بيتم عندي ،، بخشه وبذكرك فيه بعدين

بخشــه وبذكرك فيــه

بعدين،

بذكرك فيه


بذكرك فيه


حست بسجين تقطع احبالها الصوتيه،، شي يخنق انفااسهااا،، شي يعوورها بقووه ،،

قربت انفها الصغيرررر واهي تشم القووطي ،، وينك

وينك

يووسف

وينــــــــك

سمعت صدى صوتها يرتد ، الدمعات كانت تعاندها وتقسى على عيوونها اللي ذبلت

================
/
/
/
/
/
بسرعه قبل لا يشوفني احد معاااك

سعود: منو بيشوفج يعني ،، اخوج ومساافر

شيخه: هم ولو ،، خلاص خلني ارووح

سعود: شيخه مايصير جذي ،، انتي مو حاسه بللي قاعد احس فيه ، انا قاعد اتعب

شيخه: وانا قاعده ألعب يعني ؟؟!!!

سعود: خليني اخطبج من خآآلج

شيخه: لالا انطر اخوي احسن

سعود : شيخه انا الخميس بكون ببيت خالج ،، طالبج منه ،، وبالحلال،، حمدي ربج ماجمعج ربي مع وااحد نذل انااا شاااريج ،، شاريج ياشيخه ،، شاااريــــج،، قدري هالشي،،

شيخه بدت تقلب بعيونها ،، خايفه وايد من هالخطــوه،،

لكنها راح تقدم عليهاا،،

============================================
/
/
/
منته أول حب روح

روؤوؤح ،،

منته آآخر حب روح

منته أول حب روووح

منته آآخر حب رووح

الضي يروح،،
والليل يروح
حتى الجروووح ،،

تجي و ترووح
تجي وترووح

امطوله على صوت نوال ****مطربة الخليج الأولى*****

منسدحه بطريقه معكووســـه،،

الملل تسلل لعقلها وكيانهاا،،

لازم اطلع،،

قطت على روحها عباايه ولبست الشيله ،،

نزلت من الدري بكعبها العالــي ،، البيت فاااضي،،
الذيبه نايمه ليلحين ،، وعبدالرحمن التعباان مادري وين هايت

استأذنت امها،،

اسماء: بتمشى بالسياره

ام عبدالرحمن: انا والله اول مره اشوف احد يتمشى بالسياره

اسماء: يمه زهقانه بغير جوو

ام عبدالرحمن: بروحج عااد!!..دقي على وحده من رفيجاتج خليها تروح معااج

اسماء: يمه اي رفيجاات ،، كل وحده راحت بطريج

ام عبدالرحمن: وبشاير بنت اخوج

اسماء: بشاير ؟؟ تقولين بشااير ..( تضحك بقووووه )..يمه مابي اضاايقج اكثر..بس ياسبحان الله ،، صج ،، مهما يكون،، البنت تطلع على امهاا،، يمه ساعه وراده وبيييبلج معاي عشاا لا تتعشيين

ام عبدالرحمن: لا كلش ماضيقتي خلقي ،روحي يمه روحي ،، بس لا تييبين لي اللي ذاك اليوم ، بتييبين يييبي بطاط وبدنيان(باذنجان)

اسماء: هههههههههههه قصدج وجبه ، خلاص انشالله من عيووني يلا مع السلامه،،

=============================
/
/
/
/

في تاهييتي ،، الساعه 9 مساااء"

على

طاولـــه خشبيـــــــه،، بوسطها ورد اصفررر ،، وشمعه ،،

تقلب بالشوكه واهي تختار قطعه اخره تدعسها بحلج عبدالله..

قطعه من القماش بللون الأزرق مربوطه على خصرها خفيفه حيل و تتطاير و يباان سااقها و جزء كبير من فخذها،، وتوب بنفس الخاامه حفررر و الدرعه حيل كبيره ،، حاطه ورده ورا اذونها ،، مو حاطه ولا قطرررة مكياج ،، ويهها ابيض صاافي ،، خدودها مورده ،، و شفايفها ماتحتاج وصـــف،،بشرتها رطبه حييل ،،

عبدالله: مابي هااااااذا ماحببببببه حامض،

حور:هههههههههههه عبيد تكفه اكل هاذا

عبدالله: شنو هاذا

حور: جربه حلو تووني كليته

عبدالله: انزين شنو خل استوعب شنوو

حور: انت اكله بعدين اقوولك

عبدالله( بطل حلجه وكله القطعه)..

دقايق وحس بحراره تقرص لسااااانه ،،

قام وقف ماقدر يتحمل،،

ماي ،، عصير ،،ثلج،، كلهااا ماساعدت على اخماد النار اللي اشتعلت بلسانه

حور كان ضميرها يأنبها حركتها مليقه ، : حبيبي والله آسفه هاك هااك اشرب( تطق على ظهره)

سحب فيسهاااا وحط الفلفل بحللجهاا وبدت تصاارخ و تقطه

بالنهايه كل واحد قاعد بصوب ويطالعون بعض من تحت لي تحت مايكلمون بعض

عبدالله: مليقه ...صخله

حور: يلا يلااا جبح الوي

عبدالله: وخري ويهج لا تتلزقين يلوع جبدي

حور: والله عااد محد قالك اخذني دامني ألوع جبدك

عبدالله: انغريت بالظاهر مادريت ان الباطن شي يلوع الجبد

حور( عفست ملامحها حست انها بتبجي ضغطها حييل..بس قامت وقفت وطلعت بالبلكونــه)

سمعت صوت عبدالله فجأه ،، قام يضحك مثل الخبل ...

طلت عليه ورفعت حاجب: شيضحك انشالله؟

عبدالله: احببببببببببببببببببببببببببج ياااااااااااااااااصخللللللللللللللله

حور( عفست ملامحها): مو خوش اسلوب،،( وردت دخلت البلكونه)

يه عبدالله و وقف ورااهاا..حست فيه قريب حيل و لامها

حور: وخر وخر،، وخر قطع لا تجييسني

عبدالله( رفع شعرها عن ظهرها وبدا يلعب فيه نقطة ضعفه الشعر النااعم واهيا تحب هالحركه تحس انها تدووخ لما يلعب بشعرهااا يدلدغها)

عبدالله: ا

حور: اسكت

عبدالله: يعني امعصبه

حور( ترمش ببرود وتنزل ايده)

عبدالله: انزين احبج

حور: غصبن عليك

عبدالله: غصبن علي ادري

حور: اي عباالي بعد

عبدالله:بس عااد تحجي عدل لا اسطرج وااحد اسدحج فيه

حور: انزين
عبدالله: و ويعتين

حور: شوف ...شووووووووف..انت اللي قاعد تتحرش مو آآنااااا

عبدالله: خلاص انزين 3 2 1 اوش اللي يتحجى ياويله

لفت عليه تأملته لفتره طووووويله واهوا كان يتأملها بهدووء..

دفنت رااسهاااااااا بصدره وحظنها حييييييييييييييييييييييييييل،،

========================================


شخص لاحقها،، ملاحظه هالشي من اول ماطلعت من بيتهااا

اسماء بدت تتوتر ،، ترّك لهاا و وقفت

نزل ،،

هيئته حيييييل هيبه و تذوب ،، عريض وطووويل ودايما يلبس دشداشه،،

قرب من الدريشه حط ايده عليها وقال: مساء الخير

اسماء: نااااااايف !!!!!!!!




============================================
/
/

7 مساء" في دولــة الكويـــت،،

دخلت بيت خالتها واهي امعلقه جنطتهاا فندي سوووده ،،

بكعبها الأسود العاالـــــــي،،

صوت الكعب كان مزعج من تخطي خطواتها،،

شعرها الاسود منهد على ظهرهاا،،

قوامها ولا عاارضات الأزيااء

جمال شرس لأبعد حدود الشراســه،،

عيونها واسعه،، خذت هالجمال العربي البدوي من اهل ابوهآآ،،

حطت ريل على ريــل واهي تحرك رااسها بهدووء ،،

ريماس: قولي تحجي،، ما اتحمل اصبر اكثر ،، احس يدور براسج شي


غدير( صوتهااا حااد وعالي،، لكنها جربت هالمره تهمس ،، واكشفت عن جاانب الضعف اللي يغطي حيااتها وبان ضعفهااا وخضووعها،،

الشموخ كانت تتصنعه ،، وجمودها كان قابل للصهير في أي لحظـــه،،

بانت على حقيقتهاا ،، همست ،، كانت تهمس واهي عاضه على اسنانها بقـــوه ): تذكريـــــن

ريماس: اذكر شنو؟؟

غدير: ذيييج الليلــــه..( بهمس ،، )

ريماس: ذيلج الليله ،،!!

غدير( كانت تسترجع الموقف بخياالــها ))

البرررق كان قووووي ،، والرعد اقوووووى ،،

المطر ينزل بغززاره،،

ريماس: غديررر،، غديييييييييييييييييييييييييييير


انتهى البارت
التكمله ورا الردود والتوقعات
تحياتي:
أصايل الكويت

 

[MeeMeeYoo_2]

اتوقع انها تعرف عبدالله تحبه شي جذي !!
بس انشالله ماتخرب على حوور :\

مشكوره حبيبتيي



ناطرين

 

[miss 3yara]

العفوو
البارت انشالله بيكون عندكم باجر
وتابعي روايتي بقلمي انااا رواية انا احبج واموت فيج تابعيهاا اوكي

 

[Marmour]

امبي لأ موو صج البارتات أرووووع من الروعـــــه ..


والله حدهم عجييييبييييييييييين ثاانكس ما قصرتي :d

و حدي مو قادره اتخيل شبتقول غديــر


ناطره التكمله ثانكسسس

 

[MeeMeeYoo_2]

اكيييييييد راح اتابعها

 

[miss 3yara]

حياكم الله وتقدرون تقولون التكمله الساعه 2 الفير حتى روايتي الثانيه اووكي

 

[miss 3yara]

عااد ابي ردود وتوقعات

 

[Marmour]

لااا الحين مو 2 الفير :]

 

[MeeMeeYoo_2]

بلييييز نزلي البارت الحين

 

[MeeMeeYoo_2]

......: هابي بيرثدي تو يوووو..( بدلع و همس وضوء الشمعه يبرق بعينها..بين شفايفها الارنبيه)...شنو امنيتج غدير...

.........( بلهجه حاده همست بين اسنانها.. ..): ريلج..



الله يستر من هالغدرو

 

[miss 3yara]

يالله كا الحين بكملها

 

[miss 3yara]

يتبطل الباب الرئيسي للفيــلآ،،

واقفـــه وسط المطــر،، جسم نحيييل جدا" بل ضئيل ،،

لون بشرتها اصفــرـر والماي يقطر من شعرها المبلل من غزارة المطر،،

عمر غدير وقتهااا 6 سنين ،،

حجم عيونها كان كبيــر بالنسبه لباقي ملامحهآآآ،، عيون عربيه شامخه

مريم: يمه غدووور يمه ( حظنتهااا ولبسها كان امبلل مااااي ترجف لكنها كانت مسيطره على اعصابها عن طريق الضغط على قبضتها الصغيررررره ،،،واسنانها تتراقع ببعض و السما خلفهاا سوده مرعبــه،، والبرق يشق السماا بوحشيـــه ،،)

مريم: يمه وين كنتي ،، من معااااه رحتي ،،

ملامحها جااامده بليده خاليه من اي نوع من انواع الاحاسيس فاقده لحيويتها ومرحهااا المعتااااد ،، ذبل شي وسط وجنتها ،، لا اعلم ماهو،،

جفنها مصطبغ باللون المرعب((( الأحــــمر )))



++++

بنتج لازم يقرون عليــــهآآآ

كنت اسمع صوت خالتي شمايل( ام ريماس)..واهي تلح على امي تاخذني للمطوع او يودونـــي السعووديـــه " الطاايـــف"

++++++++++

..........: لا تحاتين راح اروح معاااج

مريم: ما ادري لولاك جاااان احنا وين فيه الحييين

كنت واقفه ورا الباب وانا اسمع امي تشكي لزوجهـــآآ اللي خذته بعد ابووي،، واهو يعرض خدمااته و تشكره بطريقه تدعي للسخريـــه،،

+++++++++

الله لا إلــه الا هو الحـــي القيــــوم ،،

لا تأخذه سنـــته ولا نـــــوم،،

حاطه ايدها المجعده فوق رااسي الحااار،، واهي تتلوا آيات كتاب الله الكريم وترتل ،،،

+++++++++++++++++++++

================================================== =======

ردت للواقع مرسومه على شفتها ابتسامة سخريه من القــدر،،

ريماس: كملي غدير ،، لييش وقفتـــي

غدير: راح اكمل ،،،(حركت راسهاا بشموخ)

+++





الزجاج كان يتكســـرـر و صوت ارتطامه على الأرض كااان مخيف ، ويرعـــب ،،

الرعد والبرق ،،، والامطار الغزيره اضافت للمشهد روح الخووووف،،

صرآخ انثى يرتطم بالجدار و يحدث صدى يمزززق الآآذان ،،

بشعرها المنهد على ظهرهآآ،، ازرة القميص امبطله لي نص بطنهآآ،

لبسها الدااخلي باين ،، ومابين صدرهااا قطرات عرق،،

الشعر مبلل وشفتها ترجف !

ماخلت ولا قلاص بالمطبخ ماكســـرته ،،

عمرها 16 سنــــه،، عمر الزهــــــور،،، عقب عشر سنين من ذيج الحادثــه اللي الكل مازال يجهل اسبابهآآ،،،

ريماس: غددددير تكفين بس ،،، غدير ابي افهممم شفيييج ،، تكفين ردي علي

كانت تتلفت بقلق ،،

حاله من الهستيريآآآ

كان من الممكن انها تؤدي إلى الانتحار لو ماا

مريم : يمه بنتييييييي يمه شفيج غدددير،،،


دمعااات شامخه تلمع وسط عينهآآآ،،

الدم يملي كفوفها النااعمـــه،، وقطع من الزجاج تمزقهآآ،،

ختمت على راسي القرآن ،، وكانت تشربني ماي مقري ،، لين حسيت بالايمان يتسلل لجسدي


+++

ريماس: خلاص صرنا بروحنا تكفين غدوور قوليلي شفييييج

غدير كااانت خصلاتها المبعثره تغطي ملامحهاااا ،، وتغطي جرح داامي وسط خدهآآآآ،،،

======================================

ردت للواقع واهي تخمد آآهاتها ،،

ريماس: خلصيني،، ابي افهم،، يعني الحادثتين لهم علاقه ببعض

غدير( رفعت نظرتها الشامخه واهي تطالع ملامح ريماس المتينه وحركت راسها تعبر عن الموافقه ): إي

=======================================


/
/
/
/
/
/
/

مساء النور ،، خير؟

نايف( ابتعد شوي عن السياره واهو يقول): سمعيني اسماء،، انا ماطلبت ايدج الا لأني شايف انج نصي الثاني اللي ادوره من زمان لا تستعيلين اخذي وقت و فكري وانا مستعد انطرج حتى لو عقب ماتخلصين دراستج

اسماء( نزلت راسها متوهقه ويت عينها على سكان السياره رفعت راسها مره ثانيه واهي جامعه(اميمعه) لها جم كلمه تقوولهم): نايف روح اعتقد مو خوش مكان الناس رايحه وراده وانا بنت واخاف على سمعتي خلاص قلتلك افكر

نايف: فكري اسماء فكري وآنا آسف مالقيت غير هالطريقــه وكنت ناطرج تطلعين من بيتكم من يومين والحمدلله قدرت اكلمج ،، لااا تستعيلين اسماء فكري،،فكري


ابتعد بخطواته الرجولــيه واهي تشوف فيه كبرياء غير طبيعي ،، لكن اسلوبه معااها حلو ولبق شكله من الفئه اللي ظاهرهم غير باطنهم ،، بدت تشوف فيه شي غير ،،

وقامت تفكر لي بعيــد

ابعد من حروفي



================================================== ===

بنتج مصابه بأشد انواع الكآبه واحرجهآآ،،

نوف كانت وسط السرير الابيض حاظنه روحها بخــــوـوف،،

تحس بالبرد يجمد عظااامهآآآ،،

وتسمع صوت الدكتور يشرح لأمها حالتهآآ،،

ام نوف: يعني شنووو؟؟ انت شقاعد تخربط؟

الدكتـــور: لازم تخضع لعلآآآج خاص يناسب حالتها

ام نوف: اي علاج واي بطيـــخ انت من صجك تتحجى،، كلنا يضيق خلقنا و عقب ساعات نرد نضحك

الدكتــور: هذا التخلف اللي احنا مو قادرين نقضي عليه،، يا استاذه مثل ما اعضاءج تمرض و تحتاج للراحه والعلاج هم النفس تمرض وتحتاج لعلاج خااص ،، انا ماقلتلج مافي احد مايتضايق لكن في خطوط معينه اذا النفس تعدتها ممكن تفكر بالانتحار او بأي تفكير سلبي يقضي على حياتهاا ،، لازم تقابل دكتور مختص

ام نوف: وانت مو مختص !! عيل ليش قاعد تتفلسف ،، اهو عطني الأوراق

الدكتـــور: انا مختص يا ام نووف بالعلاج النفسي لكني ما اعالج بالأدويــه هذا شغل مستشفى الطب النفسي انا بحول اوراقها هناك ولازم تتحول بأقرب وقــــت،،

ام نوف: بنتي مينــــــونــــه !!

==============================================

عليوي دن تكفه زندك شكبره ،، انزين نزل ايدك شلون بشوف يعني اذا ييوا

علي: وين احط ايدي يعني فوق راسي يعني خلاص لما اييون انا اقولكم انهم يييوا


مسند جسمه المتين على حافه حديديه لأستقبال القادمين ،، والمطار في ضجـته المعتاده ،، نور تحن فوق راسه

والباب اللي الكل عينهم عليه يتبطل و يتسكر لكن ساعه من واهما هني ليلحين ماااشافوا طلة نوور و عبدالله،،

دقاايق وينفتح الباب و تطلع منه حور بويهها القمري المدور متروس اكثر من كل مره وخدودها امورده والراحه باينه على ملامحها ،،، لافه الشيله بأتقان و تخطي خطوات كلها طمأنينه يم زوجها وحبيبها عبدالله اللي كان يدز عربانة الجناط وحاط كاب على راسه و رفع ايده يأشر حق النسيييييييب...

النسيب " عليوي"،، عليوي نزل بصعوبه من الحافه المرتفعه نتيجة وزنه الثقيل واهووا يصرخ: كاااااااااااااهم كااااااااااااااااااااااااااااااااهم


نور كانت لابسه تي شيرت جبنيز وردي و جييينز وفاله شعرها على ظهرها ورافعته ببف خفيف قامت تركض حق نصها الثاااني ،، حووور صايره ابيض من كل مره كانت تضحك من كل قلبهاااا،،،


مبارك: الحمدلله ع السلامه ،، ها عسى استانستوااا

بدريه: يمه حوووور شلونج يمه ( حست انها بتبجي كلها 14 يوم بس الام قلبها غير....)

مسلسل من السلاماااات و الاسئله والضحك والعبط ليييين وصلوا حق بيت امـــه اللي كانت تنطرــره على احر من الجمر فقدت روحها يوم انه رآآح بس ماكانت تبيّن له عشان لا تخرب عليه سعادته وسعادته من سعاادتها يبوس رااسها ويشم ريحة البخور اللي تفوح منها ..


عبدالله: الحمدلله يمه ،، مستانسين و مرتاحين

ام عبدالله: الحمدلله على سلامتكم ويلا يمه صعدوا فوق ارتاااحوااا

عبدالله( يدّور بنظرات متشطره يمين ويسار): يمه ،،، إلا وين شيخــــه..؟

ام عبدالله: وين بتكون يعني بغرفتهااا ،، ( سكتت فتره تذكرت الخبر السعيد و حبت تبشره) اختك بتصير عرووسه تقدموا لها ناس وخالك يقول انهم اهل سنع وسمعتهم طيبه

عبدالله ( الذهول صبغ ويهه): شيخه انخطبت !!،، والله انه خووش خبر خخخخخخخ

ام عبدالله: اي يمه روح انته الحين ارتاااح وبعدين اقولك من عيااااله

عبدالله: يمه بتسبح وانااااااااااااام احس بجسمي متكسررررررر خلي الجناط هني باجر اصعدهم فووق

حووور( كانت تراقب ملامحهم بصمت و ابتسامه))..

=============================================

شيخه كااانت مسنده جسمها على الاريكه السوده واهي تبادله الضحكآآت،،وتكلمه بالتليفون

شيخه: سعوود عن الخبال عفيه لا تطيح من عيني

سعود: ههههههههههههه خلاص انزززين ‘‘ يعني الخميس انا ببيتكم صح؟؟

شيخه: صــــح ( قالتها واهي تلحنها ومادري ليش حسيت بصدى صوتها رغم ان الغرفه مكتظه )

صـح

صــــــح

============================================

10 آآلاف،،،

عبدالرحمن: ولا عشرين أألف ،، برا بيتي يلاااااااا برآآآآ

فهد مسك جتف عبدالرحمن بقوه لين حس ان عظام جتفه بدت تنصهر وسط كفوف فهد : عشرين أألف يا عبدالرحمن و لا انت و لا ألف من اشكالك يوقفون بطريق فهد،،،، اسمعني زين وربي ان ماخذيت بشاير بطيب ورضى آخذها من اقرب مخفر وانت فاهم قصدي زين ياعبدالرحمن ولما الرجاجيل يتكلمون انت تقوم تووقف،،، المره الجايه اللي بدخل فيها بيتكم هذا راح اخذها وامشي يا ابن الكلب،، فكر بالعشرين ألف يااا ******

حس بأنفاس فهد تصطدم بملآآمحـــه وهيبته انصهرت وبان على حقيقته جبااان قذرر،،وقف دقيقه كامله يستوعب الموقف اللي طاف عليه وايده على خده يمسح الرذاذ اللي تطاير من فم فهد و اصطدم بملامحه ،،


*********

لو تقعد تعالج الكويتين كلهم مايطلعلك عشرين ألف دق عليه قوله انك موووافق

صوت جواهر النتنه كان حااد لدرجة انه اخترق عقل عبدالرحمن بقوووووه تنهد وقاااال: جووواهر سمعيني

جواهر: انا ربيت وكبّرت ويه الوقت اللي آخذ فيه حقي دامك مو قادر تييبلي كل اللي بخااطري لا تقعد تسترجل

عبدالرحمن: شلون ادددق ع الريال وانا توني طارده من بيتي

جواهر: تدق عبدالرحمن ،، تدق وتقول له انك اموووووافق ،،،

***

خلف الباب بشعرها الغجري وبلونها الديرتي تسترق السمع ولما حست بخطواته تقرب صوب الباب ،، تحركت حركه سريعه لي غرفتها و دقت على حبيب القلب


" فهد "

بشاير: فهد امي وافقت

فهد: بشاير هاذي آآخر مره اخطبج فيها المره الجايه اجي املج وآآخذج

حست بحراره تتسرب لجسمهااا ،،

===============================================

تقربت منه وحطت راسها على جتفه وسط الظلام ،،همستله: حبيبي نمت؟؟

عبدالله( يحب يلمس ملامحها وسط الظلام): لا قلبي ،، مانمت بعدي

حور: مممممممممم بشنو قاعد يفكر حبيبي ،، فيني صـــح؟؟

عبدالله: وانا اقدر افكر بشي ثاني،، حياتي ببالي فكره

حور: قووول،،، اسمعك

عبدالله: شيخه وبتتزوج وتروح بيت زوجها ..حلو الكلام؟؟

حور: حلووو

عبدالله: امي بتم بروحها بالبيت ،، يعني مانقدر نتركهاا

حور: ومن قال بنتركهااا

عبدالله( ردت الابتسامه على ملامحها): يعني مايضايقج انها تكون معانا

حور: حبيبي بالعكس انا بحاجتها

عبدالله( ابتسم)

حور( قربت من ملامحه): نام حبيبي نام لا تفكر واايد ،، ( باست راسه )

عبدالله: احبج

حور: وانا بعد

عبدالله: لا قووليهااا


حور: ااااااااااحبببببببببببك

==================================================

الساعه 12 ظهرا"،،

خالتي مـــوضي ،،
حور رمت روحها بأحضان موضي واهي تقبل راسها و خدودها،،

موضي كانت قلقه حيل: الحمدلله ع السلامه ،، قالولي وصلتي وقلت اقاااابلج

حور سحبتها من ايدها خذتها لي صالة الاستقبال وكان استقبالها ذرب خذت هالصفه من امهااا : خالتي انتي شلونج شلووون زوجج

موضي: احنا بخير وصحه ،، انتي شلونج ،، عساج مرتااحه

حور( تقلب بعيونها بشغب): مرتااااااااااااحه،، يلا خالتي قوليلي

موضي( ضحكت من قلبها): شقوووولج

حور: بعرف بعدددد

موضي( حطت ايدها على فخوووذ حور ): خلي الايام تتكفل بهالشي


+++

عبدالله: منو موضي ماسولفتيلي عنهااا

حور: هاذي رفيجة امي ،، عسل عسل عسل ع القلب ،، ياليتك لو تقعد معانا مره وتسمع سوالفها ،، على نياتها و حيل طيبه

عبدالله(ابتسم)ولاحظ سرحانها: شفيج حور...؟



حور: لازم اسوي اورااقي حبيبي مابقى شي ع الكورس الأول

عبدالله: لا تحاتين انا مو ناسي شي باجر اجهز اوراقج وآخذهم التسجيل

ابتسمت بويهه

تحبه

تحبـــه

====================================

(تهمس له) صدقني والله

رفع راسه الدكتور واهو يتأمل البراءه اللي تقطر من عيوونها،، تنهد وقال،،: انا امصدقج نوف،، امصدقج

نوف: ليش اهما مايصدقووووني( ترجف و تهمس له)

الدكتور: مو مهم يصدقون ،، انا امصدق ،، كافي صح؟؟

نوف: والله ان الطوفه ( تهمس) تتنفـــس

الدكتور: انا بعد شايف جذي ( ابتسم بملامحهآآآآ)قوليلي من متى واهيا تتنفس


نوف( تتلفت وترد تهمس بجفاف) شوفها الحين ،، تتنفس تتنفس

الدكتور : نووف انا من زمان حاس انها جذي بس ماصدقوني ،، ارتاحي الحين واشوفج باجر

سحب الاوراق وطلع من الغرفه ولقى ابو نوف بويهه ( جاسم)

جاسم(والمسباح بيده) : دكتووور ،،

الدكتور لف ويهه له: الصدمه اللي تعرضت لها قويه حيل كانت بانيه آآمالها على شي وللأسف ماتحقق،، تحتاج لعلاج دقيق ،، اهي في حالة احباط و كآبه شديده انشالله بأقرب وقت راح تطلع من هالمكان

جاسم: يعني نووف بنتي ،، ينت؟؟

الدكتور: مو ينون ،، قلتلك انها تعاني من اقوى انواع الكآبه لدرجة انها تشووف الجماد يتحرك،، في ضغط كبير عليهااا وعلى عقلهاا وهاذا سبب ضعفها ،، انشالله نقدر نقوم بالواجب

جاسم شد على مسباحه بقووه لين تنااااثرررررت حباااااااااااته،،

يوسف سااافر ترك الديره بيدرس ويشتغل بره مايبي يرجع ،،

كل شي يذكره بالغااليه نــــوـوف كل شي

، تعال يا يوووسف خذها معااااك ،،

ارجع تراهي تبيــــــك،،

نزلت دمعه من عينه واهوو ينااظر حباة المسباح تناثرت على الارضيه البيضــه( بيضاء)

كانت تمزززق الاوراق داخل الغرفه البيــضه ،،

كل مافيها ابيض ،، الشرشف،، الارضيه،، الطوفـــه،،

خطت قلمها واهي تكتب خاطره من نوع آآخر،،

[ الجدرآن تتنـــــفس ،،

وعلى احزآنـــــي تتجـــسس،،

تنظـــر إللــــي،،

حين اهــــمــــس

لذآآتــــي بخـــــــرس !

وتشرق الشمـــــــس،،

ويرحل الظلام الأشـــــــــرس،،

وتتنفس،، وتتنفس،،

صدقوني انها تتنفــــــس

نبضاااتها تدق كــــجرس ،،

تناظر من دااخ و نـــــعس

وكرس حياته يسيــر ،، كـــحرس،،

مستقيم لا يجرح ،، ولا يفتــــــرس،،

وحيدٌ بـــه العذاااب ينغــــرس،،،

تتنفــــــس بخـــــــرس،، ]

================================================

فتحت الـــــدش ،،، وبدل لا ينززل الماي على راسها ،، وجسمها اللي تحسه متكسر،،

نزل دم ،، سائل احمر مايل للسواد ،،، تطشر على خصلاااتها ،،

نزلت على ريوولها وغطاااا جسمها،،،

اطلقت صـــــــــــــــرخه


عبدالله فتح الباب عليها: حوور ،، حور شفيييييييج

حور: عبدالله تعال ،، عبدالله اخذني عبدالله

عبدالله: حبيبتي شفيييج ( مد ايده وسكر الدش)

حور مسحت عيوونها واهي تشوف قطرات الماي على جسمهااا وتحس بعظامها صبت على الأرض ( بمعنى ان الخوف اذاب عظامها)

مد ايده وشاالها كانت عاريه غطاها بفووطه وسدحها على السرير،،

عبدالله: شفيج حبيبتي شفيج ،، اناديلج امي

حور( تعوذت من ابليس ،، هالكوابيس بدت تشوفها بالوااقع قامت تتخيل الدم بكل مكاان ): لا حبيبي خلاص ،،( تتنفس بصعووبـــه) ابي ارتاح شوووي

عبدالله: تبيني آآخذج المستشفى ،، حاسه بشي

حور: احس عظام فخوذي تتكسررر عبدالله

عبدالله: خليني آآآآخذج المستشفى ( سحب هدومها وبدا يلبسها طفلته

دميته،،

روحه ،،

كان يلبسها جنه يلبس طفله ،، ويطمن قلبها بكلام ولا اروع )

===============================================

عبدالرحمن: لأ ،،، مو الخميس ،، اصبر لي الخميس الياي

فهد: انت والله ذليتنا،، انا بصبر وبشووف آآخرتهااا ،،بجيب الشيخ معااي الخميس الجاي

عبدالرحمن ( انسكبت رجولته على الارض يحاول ينفض غروره لكن الضعف يرجع يتسلل لجسده كل ماتذكر كلام جواهر زوجتـــــــــــه)

==========================================

حطت دااائـــره على الخبر،،

واخيرا" لقت الوظيفه اللي تناسبهااا

عايشه من فتره تدّور وظيفه بما انها ماتقدر تكمل دراستهاا ،،

صج انها شافت كل احلامها تذبل جدام عيونها ،

لكنها كاانت قويه،،

اي قــــــــــــويه

عايشه قويه ،،


شخطت على الرقم واهي تتكلم بصوت انثوي: انا داقه بخصوص الوظيفه اللي حاطينهااا،، انا شهادتي ثنويه وتقديري امتياز ،،

رد عليها صوت انثوي بأهتمام: انا باخذلج موعد عشان تقابلين الاداره

عايشه ( عضت شفتها وابتسمت ): يعطيج العافيه

================================================== ==

عليوي انت شنو شااااري ليش كل هاااذا

علي: شنو شتبين شوفي انتي ششاريه

بدريه: بلا حنه ،، خلاص احاااااسب؟؟؟؟؟؟؟؟؟؟

نور: اهوا خذا اكثر منييييييي

بدريه: وبعدين معااج انتي ،، شهالمقلمه اخذيها رديها شوفيلج غيرهااا دوري وحده بالقرطاس

نور( عفست ملامحها): يمه عاااااااااجبتني

كانوا بمهرجان العوده للمداارس ينتقون القرطاسيات بشغب دون اي تفكير ،، كل مره كانت حور تكون معااهم ،، هالمره حاسين بشي نااقصهم ،،

علي: يمه والله ابيه والله يفيدني

نور: شنو يعني ما اشتري استيكرز يعنيييي

بدريه: يمه واااااااايد ماخذه وبعدين معاكم انتوووو، وبعدين انتي ليش شاريه هالجنطه

نور: حق الالعاب احط فيها ملابس الألعاب.. ( صارت ملامحها حمره من العصبيه امها كانت مناشبتها)

دق موبايلها والتقطته بطفووله: هلاااااااااا حوحو شلوونج

حور: انا زينه ،، شنو انتوا مو بالبيت !! شهالصوت !!

نور: اي قاعدين نشتري اغراض حق المدرسه مابقى شي ع المدرسه

بدريه ( دزت بنتها وخذت منها التليفون): اهو وخري عني،، هلا يمه شلونج،، طلعوا روووووحي،، انا قاعده اوفر بطلع من هني اشتري اغراض رمضان واخوانج نشفووني

حور: هههههههههه يمه عفيه تحمليهم عشاااااااااااني

بدريه: انزين ترا بيت خالتج امسووين يمعه مو تفشليني يقولون تزوجت وكبر راسها ،، تعالي معانا الخميس الياي

حور: خلاص يمه ردوا البيت و كلموني وانا بقول حق عبدالله ع اساس الخميس الياي

بدريه: اي يمه وسلميلي عليه وااايد،،

++

قاعد جدام ويهها بملامحه المصرقعه ،، مو شايلته الأرض

عبدالله: قلتييييلها؟؟

حور: لاااا اهيا مو بالبيت وماعطوني مجال اتحجى ، بعد شوي بدق واقووول لهااا

عبدالله( قرب من بطنها وباااسها): عزوز يااااااااي عزوز ياييييييي ،،

حور: قصر حسسك ،، وهاا ترا اتفقنا ماتقول لأمك ، بنسويها مفاجأه نبي امي وامك يدرون بنفس الوقت ،، خوفك يصير زعل بعدين ليش ماقالولي قبل وهالحجي

عبدالله: لالا ماراح ابطل حلجي

حور: انت من غير ماتبطل حلجك حبيبي عيونك فاضحتك يسلم قلبك ( تسمح على ملامحه وتعدله الغوله تحب تسويله هالحركه واهوا يحبها يحس انها وايد تهتم فيه )..وبعدين شنو ياهل اموصخ تي شيرتك قوم يلا بدله

عبدالله: هاذي القهوه توها انكبت علي

حور: حبيبي ( بدلع)

عبدالله: آآمري يابعد هالدنيا

حور: ابي نخي

عبدالله: بس!!..نخي،، اصيرلج نخي يابعد هلييييييييي

===============================================

حااااااااااااااامل

كلولوولولولولولولولولولولوش

بصير يده ،،، بدريه بتصير يده ،،

ام عبدالله: ألف مبرررررررروك شهالخبر اللي يرد الروووح ،،

بدريه: اي يأم عبدالله ديري بالج على بنييييييييتي ما اوصيييج

ام عبدالله: حور بنيتي ،، بحطها بعيووني وانا ماشالتها بشيلها بقلبي

بدريه: يابعد قلبي يالغاليه ،،

حور( خدودها صاروا ورديه وعبدالله يكح بعبط )

مبارك مو قادر يقعد من الوناسه: مبرووك يبه مبروووووووك ،، ( شاد على قبضته مااسك روحه ولا الود وده يصارخ من الوناسه ..)

=================================================

يوم الخمـــــــيس كان يوم مهم بالنسبه لأثنين ،،

بشاير // غدير ،، تدرون ليش!!؟؟ ،، اقروا و تعرفون ليش،،


فهد كان يسمع كلام المليج واهو يلعب بمسباحه مستهين بعبدالرحمن وبكل الرياييل اللي قاعدين ولما انتهى من كلامه قال بصوته الخشن :نعم ،،

قاموا الرياااييل وقفوا يبااركون لعبدالرحمن ،، اللي يحاول يجمع شتات رجوولته اللي تطشرررت هني وهنآآآك،،

بشاير كانت بنفنوف اخضر منفوووش وبمكياج مبالغ فيه و بتسريحه دقيقه بتفاصيلها،

ماكو عرس ،، راح ياخذهااا معاه ،،

لبيت ابوه ،،، بيصدم ابوه بهالمخلــــــــوقه اللي راح تخترق حياتهم ،،

حضريه ،،

لا ومن بنته،، بنت الــ***** ،، تهد بنت عمك وتااخذ ذي..

فهد: انا قلت كلمتي،، بنسكن عندكم شهر ،، وانا جهزت الشقه اللي فووق،، لحد يتعرض لمرتي او يأذيها لا بقول ولا بفعل ،، بشاير زوجتي على سنة الله ورسووله ،، انا مارحت لعبت بالحرااام انا تزوجتهاا تزوجتها يايمه تزووجتهااا

ام فهد( بنظرات مقززه): لو انك لاعب بالحرام اهون من اني اشوف ولدي يكسر كلمتي،،،

بشاير بدت تحس انها دخلت لبيت مو مرغوبه فيه ويمكن يكون المستقبل مايبشر بالخــــــــــير


بنفس اليوم ،،

بس مو بنفس المنطقه ،،

من الجهراء إلى الشاميــــه ،، تجمع خالات حور و اهل امها ،،

بصوت واحد كانوا يغنون ،،

هابي بيرثدي تو يووو،،

هابي بيرثدي تووو يووو

هابي بيرثدي تووو غدددوره

هابي بيرثدي توو يوو،،

كانت بعالم ثاني ابعد من هالعالم ،،

سارحه ببطن حور،، اللي يمكن شهر او شهرين وراح يكبر ،، تعلن قدوم اول ولد او بنت لعبدالله ،،

كانت تاكل بشفاايفها وسارحه ،،

حور كانت البشاشه ماليه ملامحه ،، تصفق و تغني ،، والتراجي اللي لابستهم حيل كبار ويلمعون ،، اييييي

هديه من عبدالله ،،



حور: هابي بيرثدي تو يوووو..( بدلع و همس وضوء الشمعه يبرق بعينها وتراجيها يتحركون مع حركتها اللي زايده عن حدهااا..بين شفايفها الارنبيه):...شنو امنيتج غدير؟؟؟...

غدير( بلهجه حاده همست بين اسنانها.. ..): ريلج..


بالبدايه جذبت سمعهااا،،

اي جذبت سمعها،،

لكن غدير عادت نفس الكلمه لما حور قالت :: شنوو !!

غدير: ريلـــــــج

حور بدت تتلفت بقلق ،،

الكل كان فرحان يصفق ويغني ،،

محد سمع اللي سمعته اهي قبل شوي،،، قربت صوب امها وعينها مافارقت ملامح غدير الشرسه : يمه ،، يلا ،، خلينا نمشي ،،،

==========================================

 

[miss 3yara]

فهد: واخيرا" جبتج لي هني؟؟؟

بشاير( تبتسم وامنزله راسهااا)

فهد: وين رايحه عني بعيد ،، خايفه مني؟؟( يبتسم لها)

بشاير: كلي لك ،، ليش اخاف، مو انت اللي عصيت الكل وخذيتك

فهد: قربي عمري قربي،، خليني اصدق هالعيون ،،

بشاير( امنزله رااسها..)

فهد مد ايده وبشاير حست بجسمها تقلص من الخجل،،

================================================== ==

شيخه كانت تراقب ملامح اخوها اللي مو شايلته الأرض،،

ماتدري ليش الحقد سيطر عليهااا ،،،

كان على طوول يهمس لمرته ويضحكوون مع بعض ،، بس يعلم الله انهم ماكانوا يتعمدون يسوون هالحركات

شيخه: عبدالله

عبدالله : هلا شيوخه؟؟

شيخه: متى بتقابل الريال

عبدالله : انا آسف شيخه ،، ادري اني صرت اناني بالفتره الاخير ،، لكن صدقيني ،، اوعدج باجر اقابله ،،


+++

ماكانت طبيعيه الليله ،،

على طوول سارحه،،

بغرفة النوم،،،

كانت تحاول تنام لكن اللي صار اليوم مو شوي،،

والتفكير قطع اوصاالهاا،،

عبدالله: حبيبي

حور( فزت ): يمــه [ حطت ايدها على قلبها] بسم الله

عبدالله : شدعوه،، صرت اخرع بعد،، شفيج حبي غمضي عيونج ونامي

حور( امسنده جسمها على الوساده وماده ريلها ): مافيني شي ،،

خلني شوي


شوي واناام

حاطه القلم بحلجها واهي ساارحه،


جواهر من خذت نص مهر بشاير واهي هايته ،، امساافره دبــي،،

عبدالرحمن مثل الخروف قاعد بالصاله يقلب بالقنوات ولا يدري عن مرته ، متى بترد كل اللي يعرفه انها رايحه مع رفيجاتها،،

ردت لغرفتها ماتطيق تشوف ملامحه ،،

ياسبحان الله ،، كل آفه الله يسلط عليها آآفــه ،، ماكو جبروت بهالكون مايهزه شي،،

بلعت ابتسامة السخريه اللي ملت ملامحها،، ودخلت غرفتها مره ثانيه وانصدمت بوجود امها قاعده ع السرير

اسماء: يمــه !!

ام عبدالرحمن: شنو ،،؟؟ شايفه يني؟؟

اسماء: لا بس من ثواني كنت هني وماشفتج

ام عبدالرحمن: توني داخله الغرفه،، يمه قعدي بغيتج بسالفه

اسماء( تدري امها شبتقول من خطبها نايف واهي ماعندها سيره غيره ،، تنفست بملل واهي تحذف روحها ع السرير): قولي يمه اسمعج

ام عبدالرحمن: نايف

اسماء: بعدددد نايف !!..يمه شفيج ،، انا بكمل دراستي،، موضوع الزواج ما عدت افكر فيه

ام عبدالرحمن : زين ليش؟؟؟ حرام عليج يا يمه دام ان الريال شااريج واهو راعي سمعه زينه و شاب طموح وبيكمل دراسته بالخارج ،، انا ماراح يرتاح قلبي الا لما تاخذينه

اسماء: يمه لا تغصبيني تكفين غيري الموضوع

ام عبدالرحمن: ما ابي باجر مرت اخوج تذلج ببيتها،، دام انه الريال خوش ريال ليش ينـــرد؟؟ تكفين فكري بكلامي زين ،، انا ماراح ارتااااااااااااااح وانام مرتاحه الا لما تاخذين نايف ،، يمه فكري بعقل ،، فكري،، باجر الله لي خذا روحي وين بتروحين عبالج هالنسره بتخليج تكملين دراستج ،، لا والله بتطلع رووحج وبتهينج بالطالعه والنازله ،، تكفين خليني انام مرتاحه

اسماء: يومي قبل يومج ولج طولة العمر انشالله ،، يمه ،، اوعدج ،، بفكر ،، بس عطوني وقت ( سرحت ونزلت خصله على ملامحها)


=================================================

حور: حبيبي

عبدالله: عيونه

حور: شصار على اوراقي

عبدالله: حبيبتي طيعيني وقعدي هالكورس بالبيت انا خايف علييييج انتي الحين مره حاامل ، شلج بعوار الرااس

حور( سرحت ماده البوز): اللي تشووفه

عبدالله: ابيج تكونين راضيه ومقتنعه وبعدين انتي نسااتج صعبه شوي واانا خايف عليج من الهوااا

حور: لا صعبه ولا شي بس انته مادري شفيك،، المهم ،، شصار على تسجيلك

عبدالله: سجلت موادي،، وبداوم العصر بمكتب المحامي حسين راشد الـ***،، اتدرب واكتسب خبره( كان يتكلم باهتمام والوناسه باينه بعيونه)

حور: الله يوفقك حبيبي

عبدالله: الله يوفقنا ، قولي الله يوفقنا

حور( بدلع): الله يوفقنآآآآ،، عبيد نام اليوم بالغرفه الثانيه

عبدالله: ليش ؟؟!( عفس ملامحه)

حور: بس،،، نام هناك بس اليوم

عبدالله: انزين ليش ،، قوليلي ليش؟!!

حور: ماادري ، عبودي ريحتك

عبدالله( يشم روحه): ريحتي !!!..شفيها ريحتي؟؟؟!

حور: مادري ،، ريحة خل تكفه وخر عني

عبدالله : والله؟؟ انزين توني متسبح ، ارد اتسبح؟؟؟

حور: لا تكفه لا تتسبح ولا شي ،، روح الغرفه الثانيه ،، تكفه

عبدالله: جذي يعني ،، على راحتج

قام وخذا معاه المخده ،، وسحب معاه شرشف خفيف ،،،

صادفته شيوخ بالممر ..

شيخه: شنوو !!! وين رايح

عبدالله: بنام بالغرفه اللي تحت

شيخه: وغرفتك؟؟؟ لا يكون حور طاردتك؟؟

عبدالله: اي طاردتني

شيخه: ليييييييش؟؟ زعلانين

عبدالله: شيوخ لا تتدخلين ذلفي عن ويهي انا ودي اغير زين جذي ( نزل واهوا حمقان والدم يغلي بعرووقه)..

شيخه: والله العظيم زممممن..


+++

حور كانت بغرفتها متضايقه و قلبها عاصرها ،، ضميرها يأنبهاا بقوه ،،،

تتقلب وسط الظلااام ،،

وامغرزه وسط المخاااد ،، تحس بألم اسفل بطنها ،، وبثقل مو طبيعي ،،مع انها بالشهر الأول

مو قادر تنااام ،،

شالت اللحاف عن جسمها ،، نزلت تحت ،،

لقت عبدالله نايم بدون لحاف حاط ايده تحت خده ،،

حور : ياقلبييييي

عبدالله كان غاارق بالنووووم

حور حست انها بتبجي شكله مو مرتااح ، اول مره من تزوجوا ينام بعيد عنهااا

باست خده وراسه وصدره ،،،حطت راسها على بطنه وغمضت عيوونهاآآآ



بعد ساعات شرقت الشـــــــــمس ،، فتح عيونه لقاهاا حاطه راسها على بطنه وناايمه ،،

عبدالله: يابعد قلبييي انتي ،،( همس) ،، حياتي ،، حياتي،،

الساعه كانت 6 صباحا"

حس انها بسابع نومه ،،

مد كفوفه وشالهااا وقربها من صدره ،، وحط راسها على صدره ،،

وتغطى باللحاف اللي يمه ،،تم فاتح عيونه يراقب ملامحها واهي ناايمه ،،

ويبوس كفوفها ،،

يشم ريحة عطرهااااا ،،،

وحاط ايده على بطنهااا ،،


================================================

يعني شنوو؟؟

فهد: يعني ماكو دراسه ،، رجلج اولى

بشاير: بس حراام ،، انا نسبتي تدخلني الجامعه ،، حرام اقعد بالبيت

فهد: لا تحرمين على كيفج ،، الشرع يقول ان الزوج لازم يطااع ،، ولا تبدين شي ماله اهميه على رجلج

بشاير: فهد تكفه لأ،، تكفه خلني اكمل

فهد: بشاير لا تهدمين بيتج بيدج ،، قلتلج دراسه مافي،،

بشاير: مو كافي اني خانقه روحي بهالنقاب من اخذتك ،،

فهد: النقاب سنه ،، ومايخنق ،، ولا كان امي و خواتي ماتوا من زماااان

بشاير: فهد لأ،، تكفه اسمعني

فهد: حبيبتي اناا اغار عليج ومابيج باجر تقعدين مع رجاجيل ، انتي زوجتي

بشاير( نزلت راسها مقتنعه): انشالله فهد،، انشالله ،، بسوي كل اللي تبيه ،،،

================================================== =


التفكير ذبحها ،،

وبما انها ماتطلع من البيت إلا نادرا" ،،

مو لأن عبدالله مانعها ، اهي صارت تحب تقعد بالبيت ،،

بس مو قادره تشغل روحها بشي ،،

كلمة غدير كان ترن بعقلها و كيانهاا،،

"شيدور براسج ياغدير ،،

ريلي؟؟

بتاخذين مني ريلييييي

ماحلالج الا ريلي ،،

انا من اليوم ماراح اطب بيتهم ،،"

حرصها زاد على زوجهاااا ،، لا تروح لا ترد ،، وين رايح ،، منو كلمت،،

بس كان يطمن قلبها بالطالعه والنازله ،،

كانت لي نامت حظنته بقوه ،،

بقوه

حتى اهووو بدا يستغرب من هالخــــوف !

وهالشك ،، اللي دخلوا حياتهم ،،

==================================================

دخل بيت خاله ،،

اليوم عبدالله على موعد مع سعود،، اللي ياي يخطب اخته،،

لابسه الدشداشه وناسف الغتره بأتقان ،،

بعده ماوصل سعود ،، لكن السوالف مع خاله محمد ماتنمل

عبدالله: ههههههههههههههههههههههههههه خالي والله قويه

محمد: يعني انا اجذب يالحمار قم قم ،، قم صبلي قهوه بطى ( تأخر) الريال،، مايدري اني ريال كبير وانام امبجر ،،

عبدالله: انشالله خالي انشالله ،،

حط ايده على فناايين القهوه ،،لكن صوت جرس الباب سبقه ،،،


عبدالله: نشربها مع النسيب ( وابتسم لخاله )


فتح الباب بأبتسامه ماليه ويهه ،،



لكن الصدمه اهي الشي اللي ماكان يتوقعه عبدالله: سعــــــــــــــــــــــــــــود!!!!!!

============================================

 

[miss 3yara]

خطى خطواته مبتسم واهو لابس الروب الابيض : بعد...كملي نووف

الدكتور كااان مهتم بهالحاله ،،،من شدة غرابتهاا،،

اخوان!!!..

ابوها وابوه اخوااان ،،

لكن لكل واحد فيهم مذهب و وجهة نظر ،، ادت إلى تحطيم قلبين ،،،

نوف ( صرخت فجأأأه): راسي ،، راااااااااااسي

الدكاتره دخلوا الغرفه معهم عدد كبير من السسترات

الدكتور: ابره ،،،، تحتاج لأبره

نوف: راااسي يوووووووووووووووووسف..

يووووووووووووووووووووووووووووووووسف

يوووووووووووووسف انا انادي يسووووووووووووفي

انتوا شتبوون

شتسووون

شتبون منيييي

جرااح ( اسم الدكتور)..جراح إلحقنيييييي شووفهم قوولهم شنو يبووون


لكن صرخااتها اختفت بعد دقايق ،،

غمضت عيوونها ، والبنج بدا مفعوولــه

وقف فووق راسها : مسكينه ،،، الله يعييينج ويشفيج ..

=============================================

دخل غرفته والغضب تارس عيووونه،،،

كانت حور تسمع صراااخه على اخته وامه،،

لكنها من الخوف ماقدرت تتحرك ،،

دخل الغرفه و سكر الباب بقووووه...

حور فزززت ..

دخل ما سلم ،،

كان يتنفس بقوه و صدره يصعد وينززززل

حطت ايدها الصغيره على صدره ....

عبدالله: حووووور طلعي برررره

حور( تجمعت الدموع بعينهااا مو قادره تستوعب كلامه ): اطلع؟؟؟

عبدالله: اي بقعد بروحي...

حوووور حطت ايدها على رااسه وهمست له: تعوذ من ابليس ،، ابليس شاطر ياعبدالله ،، تعوذ من ابليس

عبدالله كان هاادي ،،

حور بدت تقرا القرآن فووق رااسه ..وماتركته الا لما حست انه هدا شووي...

تركت الغرفه وسمعت صووت بجي شيوووخ كنت تصااااااااارخ ..

فتحت باب غرفتها ،، قبل لا تكون اهي مرت اخوها ،،، اهي رفيجتهااا واقرب الناس لقلبها

شيخه: ياييييه تتشمتيييييييييين..ادري فيج يايه تتشمييييييييين..ذلفي بره مابي اشووف ويهج ...ذلفي

ام عبدالله قامت من مكانها و قربت من حووور: خليني معااها لا تتضايقين منها ترا ماتقصد اهي متضايقه شوووي ....لا تزعلين يمه لاتزعلين


حور قامت تتنفس بسرعه غريبه...

والدموع تنزل على خدهآآآآآآآآ

===========================================

مدري ،، تصرفي،، كل حريم اخواني لهم يوم بالاسبوع يطبخوون ،، ليه انتي على راسج ريشه ؟؟

بشاير: بس انا ما اعرف اطبخ فهد حبيبي انا ماعندي مشاكل بس اتعلم راح اطبخ لهم

فهد: وليه ماتعلمتي ،، الشرهه مو عليج ،، على امج اللي ماعرفت تعلمج شلون تكونين زوجه


حست بكلماته مثل السجاجيين ،، غير عنا غير،، صج ان احنا عيال ديره وحده ،،

بس مهما يكون في اختلاف ،، بيتنا غير عن بيتهمم ،،

من ييت وانا انفذ واسمع كلام مثل السم ،،

ماعليه ،، احبك فهد ،، وعشانك بصبررررر

========================================

من الأحد الياي تقدرين تمسكين الوظيفه

عايشه ( لمعت الفرحه بعيوونها): مشكووور اخووي ،، يعطيك ألف عاافيه على هالخبر،، وانشالله ابيض الويه


انقبلت سكرتيره ،، مكان مريح وحست بالانتماء قبل لا تشتغل ،،

في شي يجذبها لهالمكان ،،

الفرحه مو سااايعتهاااااااا

============================

الأرضيه عليها قطرااات دم ،،

لي غرفة عبدالله ،،

حور كانت تتبع هالقطرات والخوف يغتصب جسمها البليد ..

فتحت الباب وشافت عبدالله قاعد على السرير اللي ملياان دمم..

ريلها ماااشالتهاااا

حست ان الصوره ماعااادت واضحــــه


وطاااااااااااااااحت ع الأرض


عبدالله: حوووور..حبيبتي ،، حوور شفيييييييييييييييج حوور رديييييييييييي عليي..


++++

فقر بالدم حااد ،، لازم تاكل اطعمه غنيه بالحديد و الفيتامينات واهي حامل لازم تعتنون فيهااا..

ام عبدالله:والله اني اوكلها غصب واشربها الحليب كل يوم والله

عبدالله: مشكور دكتور ،،

الدكتور: ما اقدر اصرف لها اي دوا اهي بشهور حملها الأولى ،، لازم تعتنون انتوا فيها عشان ماتطيح مره ثاااانيه

عبدالله بدا الخوف ياكل قلبه..

وحور مابين الصحوه وفقدان الوعي..

++++++

===========================================

عبدالرحمن

عبدالرحمن: نعــم ( بدون لا يعطيها ويهه)

اسماء: ابيك بموضوع

عبدالرحمن: تحجي ،، من عرفتج وانتي ماعندج سالفه

اسماء: انا اموافقه

عبدالرحمن: اموافقه ،، ابركها من ساعه ،، اللي بنفتك من شيفتج فيهااا ( ابتسم)

اسماء( ابتسمت والقهر يمزقها من الداخل...

امي..

ما اقدر اخلي امي..

بس لازم اوواااافق)

كانت متشتته وضايعه ،، اسندت جسمها على الغنفه ،، واهي تفكرررر بعمق هالمره ..

========================================

سدحها ع السرير بيده قلاص الحليب ،،

حور: عبدالله تكفه وخر عنييييي

عبدالله: اذا تحبيني بطلي حلجج

حور: والله احس اني برجع وخره ما ابي اشم ريحته

عبدالله ( سكت فتره): حبي والله آآسف آنا كنت متضايق

حور: تتضايق بس ماتقولي طلعي بره ،احنا واحد ،، ولازم اكون معااك بكل حالاتك

عبدالله: خلاص حبيبتي شربيي يلا وبلا حجي زايد

حور: لاااا تحححححححححن..

بااس بطنها وحط كوب الحليب ع الكومدينه ثواني وراح يرجع يحن ..

بس بهالفتره سرح

سرح بأخته شيخه

وذاكرته ردته لي وراا..

يوم كاانوا صغااار..

عبدالله: تعالي نلعب فوق الجبل

شيخه : يدمرررر(راء فيها رنه) نفنوووووووووووووفي

عبدالله: مايدمره انا انظفه بعدييين

كان ابو عبدالله ( الله يرحمه) واقف مع المقاول يشرح له بعض التفاصيل الدقيقه في البنيان،،

وعبدالله 5 سنين مع اخته سنتين ،، قاعدين فوق جبل صغير من الرمال يم الفيلا اللي كانت مازالت تبنى

ام عبدالله: عبيييييييييد شيخووه نزلوا الله يغربل ابلييييييييسكم

عبدالله اخترع ونزل وسحب معااه اخته الصغيره

ام عبدالله: وبعدين معااكم يعنييييييييي جم مره اقولكم لا تلعبون بالترااااب ( واهي تنفض التراب عن هدومهم ... وتطق على خلفيتهم ولاحظت ان اسوار شيخه الذهب ماكان بيدها..) ..ويييييييييين مضعدج وين وديييييييتيه

شيخه( رافعه راسها تطالع امهاااا ): مااادرررررري

عبدالله: يماا انا ادووره انا ادووره

وتموا يدورون لي المغرررب ومالقوا السوار..

ورد للواقع ،، عمره ماجرح اخته بكلمه ولا اهانها ، بالعكس ــ عقب ماتوفى ابوه كااان حريص على انه مايجرحها ولا يحسسها انها محتاجه لأبوو،، صار لها الابو والاخو بنفس الوووقت..

حور: حبيبي ،، ادري..بالك منشغل بشيخه صح؟؟؟

عبدالله ( غمض عيونه ورد للواقع ): عمري مامديت ايدي عليهااا

حور: قوم حبيبي ...قوم كلمها ،، واناا اوعدك اشرب الحليب كله

عبدالله ارتسمت ابتسامه كبيره على شفته



ياحلوها

ياحلووهااااااااااااااااااا

 

[miss 3yara]

كان يطق الباب بتردد ، وما لقى اي اجـــابه ،، ابتعد عن الباب،،

لكن قلبه ماطاوعه ،، قرب منه وفتح الباب ،،

لقى اخته منسدحه ع السرير ،، عدلت قعدتهاا ،، وعيونها وارمه من البجي وتحس بصداااع قوي يهرس راسهاا،،

الهدوء كان سيد الموقف،، لكن عبدالله تحلى بالثبات قعد و سرح لمدة دقيقه يفكر بعلاقته بأخته كان اقرب لها من الكل،،، هملها وايد بالفتره الاخيره وماقام يفكر الا بنفسه ،،

بعد فتره نطق بكلمته الأولى: ليش مو نايمه

شيخه ( كانت ساكته ماترد عليه )

عبدالله: اعتقد اني قاعد اتكلــــم،، سمعيني شيخه ،، البنت سمعه ،، واذا راحت سمعتها تصير ماتسوى شي

سحب ورقه فاضيه من الاوراق اللي على مكتبهااا ،،

وقرب منها حيـــل،،

عبدالله: شايفه هالــورقه ،، بإمكانج تكتبين عليهااا ترسمين عليهااا ( رفع كفه و بده يمزق الورقه لقطع صغيره)..والحين ،،صارت ولا شي ،، ( لم القطع المبعثره وقطهم بالزباله - عزكم الله )..هذا مكانهااا

شيخه ( شهقت من كل قلبها ودموعها على خدها): عبدالله ما اسمحلك تكلمني بهالطريقه انا ماغلطت،، الريال ماكان يلعب ،، كان يبيني زوجه له،، وانا بدوري خليته يكلم خالي،،

عبدالله ( رفع لابتوبها الصغير واهو يأشر ع الشاشه): من هني؟؟ من هالمكان .!!.انا ادري الزمن تطّور بس الاخلاق ماتخضع لأي تكنلوجيا تبدلهااا ،،

شيخه: ليش تستهين بهالمكااااان

عبدالله: ما استهين فيه ،،( قط روح ع الغنفه الصغيره واهو يقول) تدرين ،،( تسند)..يمكن بأيامكم الأولى راح تكونون مرتاحين ،، لكن بعدين ...تدرين شراح ييصير..الشك راح يملي حياااتكم..بالطالعه والنازله راح يقول شيظمني ماكلمت غيري..حمدي ربج انا اخوج و حمدي ربج انتي بالكويت ،،

شيخه( رفعت رااسها): عبدالله عمرنا ماغلطنا وربي فوقي وشاهد على كلااامي ،

عبدالله:كنت واثق من اختي ،،، ( تنهد وقال).. حافظي على اسمنا،، حافظي على روحج،، ابوي الله يرحمه مايستاهل تلطخين اسمه عقب ماتوفى الكل يطريه بالخير عقب ماتركنا.... ترك فينا اخلاق ماتمحيها الظروف وماتغيرها تكنلوجيا

شيخه ( لما ياب طاري ابوها حست انها محتاجه تصرخ مسكها من ايدها اللي تعورها هذا اللي كانت تحرص عليه وماتستاهل من عبدالله كل هالتجرررريح )

عبدالله تركهاا وسكر الباب وراااه ،، حس برااحه لأن قدر يصحي ضميرهاا ،، اللي غفل للحظات و ضيّع خطواته ،،،،

دخل غرفته لقى حووور تنطره ،، قط روحه ع السرير يتلزق فيهااا

حور: بس عااد عبيد عن هالحررركات

عبدالله: شنو شتبيييين كيفي مرتي

حور: انزين شصار مع شيخه؟

عبدالله ( سكت وسكوته خلها اهي بعد تسكت وتغير الموضوع): يلا غطيني باللحاف انا و عزيزان ولااا تبي يحوشنا بررررررررد

عبدالله : فديت عزيزان وامـــه،، فديتكم تعاااالوااااااا يمي تعاااااااااالواا

حور كانت ضحكاتها طفوووليه تطقه بشغب وتضحك معاااه وسط السرير،،،

============================================
خطت خطواتها اللي كلها ثقه بالنفس و تفاؤل ،،

امل بمستقبل حلوو ،،

امعلقه على جتفها جنطه لونها بيج،،

في يومها الأول بالمؤسســـه

عايشه كانت حريصه انها تكون امبجره ،،

حطت الجنطه ع المكتــــب،، واهي ترتب اغراضها عليه ،،

=================================================

عبدالله كااان نعسان وحور تقعده بوحشيـــــــه،،

حور: قوووم عبيد محاضرتك 8 لا تخليني الحييين استخدم اساليب كلش مو انثويه

عبدالله( كان امسكبهااا مو معطيها فييييس واهي واقفه فوق راسه تحن لين مد ايده وسحبهااا دزها ع السرير واهي تضحك من كل قلبهااا ...): قمت والله قمت كاا شووفي ،، قمممممممممممممممممت

ياناااااااااااس

قممممممممممممممممممممممممت

شسوي عشان اثبتلج اني قممممممممممممممممممممممت

حور: هههههههههههههههههههههههههههههههههههههههههههههههههه ههههههههههه

عبدالله: لو ما ولدي اللي ببطنج جان سدحتج بواااحد طيّر ملامحج

حور: واهوون عليييك يالخال

عبدالله: لا ماتهونين هاذا اللي ذااااااااااابحني

حور: انزين عطني بوسه

عبدالله: خل اغسل ويهي قبل

حور: عسل على قلبي بووس عزيزان بعد يلااااااا

عبدالله: اموااااااااح يلا قومي جهزيلي الدش عشان ادخل تومااااااااتيكا" يكون كل شي جاهززز

حور: افا علييييييييييييييك ثواني بس،،

عبدالله قط بجاامته ولما شاافها دخلت تبطل الدش رد لسريره يحس ان النعاس شق عيونه شققققق

حور فتحت الددددش ومدت كفها الصغيررر ولما حست ان الماي دااااااافي ردت رفعت شعرهااا اللي ساح على ظهرها ونزلت الشباصه ،، بعثرة خصلاتها واهي متخصره ،،

ردت لزوجها لقت عبيد منسدح ع السرير تخصرت واهي تتأفأف و طاااارت خصلاتهااا : لا هاذا مايبيله تعامل انثووي عبيييييييييييييييييييييييييييد قوووووووووووووووووووووووووووم


صرخت من قمـــــــــــة رااسها

فجأه حست بدوران برااسهاااا ،،

عبدالله حس بالهدوء اللي غطى المكان فتح عين وحده واهووا يدور نصه الثااني لقى حور حاطه ايدها على رااسهااااا

عبدالله: ام عزيزان شفييج ( نقز من فراشه وراح صووبهاااا)

حور: هههههههههههههههههه قام البطل قااام يلا كابتن دش تسبح

عبدالله: شنووووو شامه ريحتي ،، دش تسبح و دش تسبح وبعدين عن هالحركات مره ثاانيه ،،

قعد يتثاااوب وحس بجسمه توماتيكياااا" يسيح ع السررير،، هني حور مسكته من جتفه و سحبت فنيلته جنه ولدها ماجنه زوجهااا،،

وسحبته من كفه ،، دخلته الحمام ،،

حور( حست بتعب بجسمهااا افتلت الشباصه مره ثانيه ): خلاص عبييد لا تمصخها المحاضره الاولى و راحت علييييك تكفه عاااد والله مره ثانيه ما اسهر معاااك يالمليق

عبدالله: خلاص انزززين ( دش تحت الشاور بوكس وسرحت حوور واهي قاعده وسط السرير تفكرر بهالأغبر اللي شكله بدا يهمل دراسته بسبة زواجه وماتبي تكون سبب هدام مستقبله ، فقد طموحه فقد كل شي صار كسلاان هالريالللل...فجأه قالت بصوت عالي: كسلااااااااااان كسلاااااااااااااااااااااااااان)

عبدالله سمع صوتها وقعد يضحك تحت الدش ،،

================================================== =====

كانت ماسكه عقاله و واقفه جدامه بقميص النوم الاأزرق،،

بشاير: حبيبي امي بترد اليوم من دبي ،، تيي معاي نزورها

فهد: هذا اللي ناقص بعد ،، اقول انثبري ببيتج وامج تبيج تجيج هني،، ولا محنا أد المآآم يا مدامم

بشاير: لا حبيبي ما اقصد جذي بس مايصير ،، اهي اللي راده من السفر واقول لها تعالي لي البيت اتحمدلج بالسلامه

فهد: ليه واهي رايحه علاج ،، رايحه ت** و ترد

بشاير ( استغربت من وقاحته واستغربت من قلة الأدب واسلوبه الخايس اللي بدا يتغير وصارله فتره ): فهد هاذي امي ،، ما اسمحلك

فهد: اقلبي وجهج انتي وامج ،، قالت امي قالت

تركها وطلع من غرفته،،

الله يعينها الحين مع مسلسل العذاب مع امـــه،

++++

محتاجييين جرجير و خضره و و

بشاير: خالتي السايق موجود ليه ( لاحظوا انها بدت تتكلم بدوي)..ليه تبيني اطلع هالحزه

ام فهد: اذلفي البسي وروحي مع السايق السايق وش فهمه بللي ابغااه

بشاير ابتعدت بخطواتها ماتبي تحول الموضوع لمشكله وتكبره ع الفاضي ،،

قطت على روحها عبااتها ولبست الشيله والنقاااب ،،

==============================================


عبدالله كان بسيارته ، رايحه كليته اللي بشوويـــخ،،كلية الحــــــقوق،،

رن فونه ويف سعد الفهد ماغيـــــــــــره ،،

سعود يتصل بك..

عبدالله: له عين يدق هالحقير..

وبعد مارد..

عبدالله: نعم

سعود: صباح الخير

عبدالله: اخلص شتبي

سعود: ما اعتقد هاذا اسلوب ياجامعي،، عموما" انا لازم اقابلك

عبدالله: هههه لا تعلمني الاسلوب يا محترم ، ومقابلتك ماتشرفني

سعود: عبدالله محنا يهال بكلمك بخصوص شيخه

عبدالله: لا تنطق اسمها يااااااالخسيس

سعود: ماني خسيس ،، لو اني خسيس ونواياي خسيسه جااان ماتشوفني ايي اخطبها منك يا جامعي

عبدالله: تخسي إلا انت، اختي تحرم عليك ،، تعرف شنو يعني تحرم عليـــك ،،

سعود: مو بكيفك تحرم ،،الظاهر اني غلطت بأتصالي ،، اروح اكلم خالك ،، اكلم ناس عاقله و فاهمه احسنلي ،،

عبدالله : اذلف ززززين

تم الفصل

الدم كان يغلي بعرووق عبدالله،،،

===========================================

يوووسف

يوووسف انته رديييت

كنت ادري انك راح ترد

انا قلت

يوسف مايخليني

على بااالي تحبني طلعت ماتحبني ( عفست ملامحها )..

واقتربت منه بتحظنه ،،،

واصطدمت بطرف السرير

ماحست بروحها إلا واهي طايحه و فوق راسها عدد كبير من الدكاتره ،،


السستر: ألدكتور جراح ،،، بلغوا الدكتور جراح ،،

بعد دقايق مو اكثر،،

دخل بالروب الأبيض و الخرعه باينه على ملامحه

السستر: اعتقد انها اصطدمت بطرف السرير في اصابه خفيفه براسها تحتااج لغرزه او غرزتين

جراح: استدعوا الدكتور احمد

الصوره ماكانت واضحه بالنسبه لنوووف،،

لكنها كانت تشعر بالسائل الدافي اللي غطا جبهتها( يبهتها)..الدمممم

ايــــــه الدمممممممممم

===============

الدم يلطخ نفنوفها الخفيف الوردي،،

بدت تبجي ،،

ياربي ،، يااااربي،، انا شفيني ،،


دخلت عليها ام عبدالله: يمه حور،، شمقعدج برووحج ،، نزلي تريقي معاااي

حور ( قربت من ام عبدالله و حظنتها حييل كل الخوف راح عنها من سمعت حس ام زوجها حبيبهااا..وارتمت بأحضااانها،، وردت تطالع نفنوفها ،، نظيف مافيه شي !!!)..

ام عبدالله استغربت الموقف بس بررت هالتصرف بخيالها بأنها مشتاقه لأمها: يمه ودج تزورين امج؟؟عبدالله مانعج

حور: لا يمه انتي امي الثانيه ،، وعبدالله مايمنعني عن امي وانشالله بكون عندها باجر ..

ام عبدالله ( حركت راسها برضى واهي حاطه ايدها على كفوف زوجة ولدها جنتها الغاليه)

============================================

 

[miss 3yara]

اسماء كانت تجهز لملجـــتها ومعاها امها اللي الفرحه مو سايعتها،،
ياسبحان الله،،

ساعات الأهل يمنعونا عن شي ، ويفرضون علينا شي مانبيــه،،

لكن لما نقعد مع روحنا نفكر شوي،، نلقى انهم يشوفون اللي نشوفه لكن بنظره ثانيه

ابعد من البعد نفسه ،،

لهم خبرتهم الخاصه بالحياة

ويعرفون اللي مانعرفه

عصرت كف امهااا واهي تبتسم لهاااا راضيه عنهاا

الله يارضى الأم

الله يارضـــى الام

مثل الماي البارد اللي يسرسح ع القلب

لا ،،

احلى و احلى ،،

تحس براحه غريبه ،، وتحس انك ملكت الكون كلـــه،،

راضيه عني،،

امي رااضيـــــــــه عني،،

تأملت عيون امها اللي تحاصرها تجاعيد دقيقه واهي تقول: مرتاحه يمه؟؟

ام عبدالرحمن: شلون ماتبيني ارتااح ،، اكيد مرتـــــــاحه يمه ،، الله يسعدج انشالله الله يسعدج يارب

اسماء حركت رااسها برضى ،،

بدت تشوف الورد يزهر بطريجها

ساعات نحس الكون مات بعيووننا،،

وبأن الاشواك انزرعت بطريجنا

ماندري ان الغد قد يكون افضل من الأمس

ركزوا ع الكلــــــــــمه

ماندري ان الغـــــــــــد قد يكون افضل من الأمس

ياناس فكروا من هالمنظور

بعيد عن احداث الروايه

لازم نعرف ان الغد قد يكوووووون افضل من اليووووم والأمس

الله يسعدج ابنيتي

============================================

الظهر وبعد ماخلصت من الجبـــــره ،، حبت تمر الحواي اللي بمنطقتهم ( العطار) اهي بحاجه لجم شغلــــــــه،،


دخلت بخطوات فيها كل انواع الانكسار والتشتت،،

والصدمه انهااا لقت عمتهااا ويدتهااا يختارون بعض الاشياء اللي تحتاجها العروووس،،

النقاب كااان بمثابة عاازل، يحميها من شماتة الناس ،،

ردت بخطواتها لكن يدتها عرفتها لووو تلف روحها بجفن(كفن) راح تعرفهاا وتميزهااا

ام عبدالرحمن: يمه بشاااااير وين رايحه

بشاير ( معطتهم ظهرها): راده لرجلي

ام عبدالرحمن: واحنا خرفان واقفين ،، ليش ماتسلميييين

اسماء ( مسكت ايد امها عشان تخلي بشاير تروح باينه الضيقه عليها و واضحه وضوح الشمس): بشاير ردي لبيت ريلج ،، مالج شغل بالدنيا مالج شغل بالناس حافظي عليه وارضيه ( كانت كلمات بسيطه بس تحمل معاني كبيره..لكن كلٍ منا يفسرها على مزااجه رغم انها طلعت منها بصدق و نية صافيه )

بشاير ( حست بالدم يغلي بعرووقها ودها تمزق عمتها بأسنانهاااا ،، الحقد الحسد الغيره الكره كل المشااعر طرت عليهااا لكنهااا خطت خطواااتها راده للسايق): حررررك ..حرررررررررررررررررك

===============================================

نوف صحت من البنج واهي تحس بالعوار يمزق احشاءها،، وبتعب،،كانت تطلع منها الكلمات بصعوبه،،

لقت الدكتور جراح مع الدكتور احمد يتطلعون على بعض الأوراق ،،

د.جراح: خلاص الحين نقدر نكلم الإداره تسمح لأهلج بالزياره ( ابتسم بويهها)

قاااامت وقعدت واهي حاسه بالخيط يشد جلدهاا ( بسبب الغرزتين اللي خيطوا فيهم الجرح) كانت تتلفت تدّور

د.جراح: ارتااحي نوف ارتاااحي

نوف( قالت بصوت عالي): شنوووووووو ارتاااح يوووووووسف وين راااح( تتلفت وحركت جسمها بتقوم)

د.جراح: نوف،، نوف قووليلي اللللللللله نووف هالاوراق انتي كاتبتهمم( يحاول يغير وجهة اهتمامها)

نوف: اي ...دكتور وين يوووسف توه كان معاي،، قوله اني صرت زينه الحين اقدر اشوفــه( ابتسمت)

د.جراح: انشالله ( ابتسم بويهها)...مشالله خواطرج ولا اروع

نوف: حبيتهم؟؟؟

د.جراح: انا منصدم ،، صدقيني مو انتي اللي كاتبتهم

نوف( رفعت صبعها): والله والله اناااااا والله

د.جراح: لالالاااااا شي يفوق الروعه ،، انتي مكانج مو هني،،

نوف: اي دكتور تكفه خلني اطلع..قول لأهلي انا صرت زينه والله ما اصرخ مره ثاانيه ولاا ابجي

د.جراح: انشالله ..انشالله نوف..انا اوعدج..اوعدج راح تطلعين بأقرب وقت ..



بأقرب وقــــت
=====================================

طلع من محاضرته الاخيره الساعه 3العصر وعلى طول دق على حبه ومرته : مساء الخيررر ،شلون ولدي؟؟؟؟

حور: بس تسأل عن ولدك ،؟؟!!!..وآآآآآآآآآآآنا عبدالله وآآآنا؟؟

عبدالله: انتي آآنا شفيييج ،، احس معااااااااي خطوه بخطوه تمشي ،، مو بس قلبي ماخذ انته كللللللللل شي (يغني اغنية وليد الشامي مو قادر احب و اهوو يطق على صدره بقوه)..آآآآآآآآآآخ ياوووويلي عليج

حور: مممممم خلاص بس ،، قدرت تقص علي

عبدالله: حبي انا رااايح اقابل المحامي اللي بتدرب عنده ،، تغدي ونامي انا ع المغرب

حور( سكتـــت ) ،،

عبدالله: حياتي شفيــــج

حور: مافيني خلاص عبدالله روح عبدالله الله يوفقك

عبدالله: الله يوفقنا حور الله يووووفقـــــــــــنا

حور: انشالله

عبدالله : شفيييج تقولينها بهالطريقه

حور: مافيني

عبدالله: حبي؟

حور: هلاا

عبدالله: عشان بتغدا بره يعني؟

حور: خذووووك(بدلــع)

عبدالله: منو يقدر ياخذني واانا حتى وانا بعيد روحي وقلبي معااج

حور: امبلـه

عبدالله: يلا عمرري بس..لا تخليني اهون وايييج الحين

حور: لا حبيبي رووح ،، الله يووفقناااا

عبدالله: آآآمييييين

+++++

ام عبدالله: لا تتضايقين ولا شي..قلتلج يمه خليني انجب(انجب= احط الغدا).. الريال من امس قايل انه مهوو متغدي معاانا

حور ( حركت رااسهاا برضى مصطنع)

================================================== ==

وصل للرقعــي،، مكان مكتب المحامي حسين الــــ**

سحب اوراقه و دخل عليــــه،،

عبدالله: السلام عليكم..

السكرتيره : اهلا استاز، عندك موعد

عبدالله: اي معاج عبدالله الـ***..

السكرتيره: استشاره قانونيه؟؟...

عبدالله: لا انا ياي بخصوص التدريب ..عطيه خبر عشان ادخل عليه ،، اهو ناطرني

السكرتيره ابتسمت بوييهها: تفدل( تفضل)



راح يتدرب داخل المكتب لمدة اربع شهـــور بما انه خريج محتاج يتعلم التطبيق العملي للي دراساه طول ال3 سنين اللي طافوا،،

كان المحامي حسين حبوب وطيب متين شووي وابيييييييييييض ،، وكان يحب الدقه وعبدالله لاحظ هالشي من لقاءه الأول له،،

================================================== ======

رد البيت تعبان ومتكـــسر حور لما شافته ردت لها الروح من تزوجها واهوا مافارقها كل هالساعات كان جدام عينها طول الوقت ..لكنه كان محور تفكيره السرير..

واهي ماحبت تضيق خلقه خلته على راااحتــــه

المغرب الساعه 6 دق تليفوونــــه..

....ألووووه أألووووووه عبيد شفيك ماترد..


الله يعين عبدالله لازم يرفع صوته خاله سمعه ضعيف واهو توه فاتح عينه وداايخ حده

عبدالله: هلاااااااااااا خالي اسمعك والله اسمعك

محمد: عبيد تعاااال لي البيت بغييييتك

عبدالله: انشالله خالي الحيين اييييييك

محمد: خلصنيييييييييي تعال انطرك لا تتأخر

عبدالله: انشااااااااااااالله خالي انشاااااااااااااالله اسممممممممممعك

حور: بتطلع؟( والبوز بدا ينمد تدريجيا")

عبدالله: والله خالي يبيني حتى شووفي توه داااق ذبحني ،، خليني اروح اشوفه شيبي وارد

حور: انزين ( طاحت خدودها وبان عليهاا انها زعلانه)

عبدالله: ياعمري والله ماراح اتأخر والله والله ( قرب من خدها وبااااسهاا..)

+++

على بعد جم شاارع دخل بيت خاله بدفاشه ..

عبدالله: السلاااااااااااااااام عليهوووووووووووووووووووووم

محمد: تعال تعال تعال اقعد يمي ابيك

انصدم عبدالله من وجود سعود بالدوانيــــه،، بلع ريجه وحس انه وده ينتفه بيده..

عبدالله: خالي..هاذا شيسوي عندك

محمد: اعتقد انه ياي بيييييييتي مو بيتك عشان تتحجي وبعدين احترم الرياااييل ولا تتصرف جنك ياهل

عبدالله نزل راسه : نعم خالي آآمرني

محمد: سعود ياااخذ شيخه ..

وشيخه تااخذ ســــــعود،، رضيت ولا انرضيت

عبدالله: شنووووووووووو!!! خالي اسمعني

محمد: ماتعلمني شلون الناس تتحجى ولي تحجيت تسكت

عبدالله: خالي لأ...انا آسف اول مره اردلك كلمه ..

محمد: ومن طلب راايك؟؟

عبدالله: انا اخوهااا

محمد: وانا خالها و اعرف مصلحتها ..الريال ماعليه شي وشاريها بروحه ...( رفع صووته وقال بقوه)..سعود يااااااخذ شيــخه..وشيخه تاااخذ ســـــــــــــعود يا عبدالله

عبدالله نظراته كانت كلها قهر واحراج من الموقف البااايخ..ماقدر يقول الا: مايصير خاطرك إلا طيب..يااا..خالي..

محمد: اييييه خلك ريال...

سعود ( تدخل لما حس ان عبدالله تعرض لأكثر من كلمه احرجته وسط الريييااييل): عبدالله والله والله احطها بعيوني والله والله ما اهينها بيوووم عسى الله ياخذ روحي ان هنتهاا واطلع مو رياااال ان ماحفظتها و صنتهاا

محمد( دز عبدالله من خده بحركه بايخه من نوعها بس صج الرياييل الشياب مايغشمرون): سمعت..سمعت الريااااييل شلون تتحجى...تحج مثله...تحج رد عليه

عبدالله ( انصبغت ملامحه باللون اللاحمر صاار عنابي فجأه): الله يتمم على خيررر..

وحس انه جسمه بدا يعرق من القهررر..والاحرااااج

رد عبدالله البيت امعصـــــــــب ،، وحاس بصداع يعصر مخه ولقى امه بالصاله..

ام عبدالله: شيبي منك خالك

عبدالله: يبيني اوافق على زواج شيخه من سعوود ( والعرق يسيل من جسمه)

ام عبدالله: وانت شقلت

عبدالله: اهووووووو خلاني اقووووول؟؟ قال عني وخلللللص...يمه بصعد اناام ..تصبحين على خيرررر

ام عبدالله: لحظه بغيتك بموضوع...

عبدالله: نعم يمه

ام عبدالله: مرتك صايره مااتاكل ..وانا خايفه عليها ..لازم تشوف الدكتور بااجر..

عبدالله: وليش ماتااكل!!!

ام عبدالله: شهيتها منسده على قولتهاا..لو يشوفها الدكتوور احسن

عبدالله: خلاص يمه ...لا توصيني على روحي

ام عبدالله: الله يخليكم لبعض..

+++

فتح باب غرفته و حور غمضت عيونها تمثل انها نامت..

عبدالله: جذي تسوين بولدي..جذي تسوين بعزيزان ماتوكلينه

حور: عبدالله اسكت بروحك ماتدري عني

عبدالله: ههههههههههه انتي بدمي يادمي..فديت دلوووعتي آآناااا...قرب منها حيييييل شالها وقعدها بحظنه وطلب اااحلى عشاا من الطعمم..

بس اكتفت بالسلطه..وشربت مااي..

حاول معاها وااااااااااااااااايد..

بس كانت عسره و الملل باين على ملامحهااا..

=================================================

 

[miss 3yara]

التكمله ورا الردود والتوعان

 

[MeeMeeYoo_2]

للاالالالا بليييييييز بعد جزء
لووووووول

بس اول القصه تقول حق موضي ريلي وين يروح
الله يستر انا حاسه هالغدير وراها بلاوي

مشكوره حبي
ناطرين