للرجيم سريناآ ضاقت ملاآإبسناإ عليناآ:( .. << مثبت لمدة شهرين من تاريخة :)

[*شوقي معنيني*]

اليوم كليت خبزه قطستها
بزيت زيتون ولي الحين مو ماكله
وقاعده اشرب

جاي اخضر

 

[ღ Mzajiya ღ]

يومياتي اليوم :

الريوق الساعه 9 وربع :
توست وحلوم وخيار وطماط وزعتر وشربت لاتيه تروبيكانا خالي من السكر

الغدا الساعه 3 :
كليت قفشتين عيش وماكنت بكثر لاني بروح النادي وانا بالطريج شربت حليب كي دي دي بالككاو قليل الدسم
( ماحب الحليب كلش واحب الككاو فعشان جذي شريت هذا اشرب منه مره او مرتين بالاسبوع وانا رايحه النادي بدال الغدا )

من الساعه 3 ونص لي الساعه 5 كنت بالنادي سويت رياضة ( مشي وقاري ولعبت عالاجهزه )

العشا الساعه 7 :
قطعتين صغار ستيك شوية بطاط مشوي بالفرن وفتوش والخبز اللي فيه هم بالفرن ماكو شي مقلي وشربت عصير برتقال تروبيكانا

والساعه 8 :
شربت شويه قهوه عربية و4 تمرات

وهم سامحوني اليوم ماكو صور باجر انزلهم لان راح يكون نفس الريوق والغدا

تصبحون على خير :eh_s(7):​

 

[rorii]

السلام ،


اكلي اليوم :

الريوق خبز اسمر وجبن وخس وخيار و شاي

والغدا اكلت من مطعم بيتزا اكسبرس .. شوربه وسلطه وشوووية معكرونه وماي

والعشا صمونة جبن و 4 قطع حلويات

ومشيت ساعه الا ربع وسويت رياضه 10 دقايق

ادري خربطت اليوم بس انشالله ماعيدها

 

[am rakan]

ام راكان ماعليج امر كريم الزنجبيل من وين شاريته ؟! وبجم ؟؟ واذا تقدرين تحطين صورته بليز خل نشوفه ​

هلا french.coffee
الكريم انا اسويه في البيت مااشتريه الطريقة كيلو زنجبيل طازج+كوب خل تفاح اصلي +كوب ماءورد+علبة جليسوليد الوسط تقريبا 250مل
الــــطريـــــقــــــة
نبشر الزنجبيل ونحطه في الخلاط حق العصير ونصب عليه ماء الورد والخل ونخلطه ثم نصفيه بالمصفاية بعدين نرجع اللي بقى بالمصفايه من حثل الزنجبيل بالخلاط ونصب عليه من الخلاصة اللي طلعت لنا من الزنجبيل والخل وماء الورد ونخلط زين يعنـــــي نطلع روح الزنجبيل واحنا نخلط فيه ونكرر مرتين او ثلاث علشان نسحب اكثر من الزنجبيل كل العصارة اللي فيه يويل الزنجبيل مني ولما نخلص نخلطه مع الكريم وتحطيه علي المكان اللي تبيي تنحفيه وتمشي بنسبه لي استخدمته على زنودي وتحت الذقن كنت احطه واربط شال واشده من عند الهامه وسيقاني وكنت امشي واسوي رياضة خفيفة وماابي شي غير الدعوة لي اني انحف وماارجع اسمن

 

[*شوقي معنيني*]

ام ركان حبيبتي
الكريم طريقة عمله ماستوعبته ممكن تعيدينها لاهنتي
ومفيد وتشوفين نتيجه ؟!
وانزين بنات تهقون يمدي ٣ اسابيع اقط ٥ كيلو ؟!
اليوم: قمت من نوم شربت ماي
رجعت من دوام حطيت راسي ونمت
قعدت طلبت تبوله
والحين قاعده اوافيكم بالاخبار
وبشرب جاي اخضر وبمشي ساعه ونص ان شاءالله
المشكله عندنا حريم اليوم
بنشوي وجذي
شسوي بروح اصعد انااام عشان مااكل
يلا الله يوفقنا ويقوينا

 

[*شوقي معنيني*]

وييين الحماااس
انا على ثم عليييكم
نبي حرررررررركه
نبي سوالف مو هدووء [/
نبي حماااس نشجع بعض size]

 

[Crispeya]

أنا بعد ويااكم

 

[ღ Mzajiya ღ]

هلا french.coffee
الكريم انا اسويه في البيت مااشتريه الطريقة كيلو زنجبيل طازج+كوب خل تفاح اصلي +كوب ماءورد+علبة جليسوليد الوسط تقريبا 250مل

حبيبتي ماقصرتي ويعطيج الف عافيه يارب تضعفييين وماتردين تمتنين
اذا استوعبت الطريقه راح اسويها ان شاءالله مشكوره حياتي :eh_s(7):​

 

[ღ Mzajiya ღ]

يومياتي اليوم :
​

من الساعه 9 وانا كنت بتريق ماتهنيت بريوقي انشغلت بالدوام ف كليت عال ساعه 11 يمكن


توست حلوم وزعتر وشربت لاتيه تروبيكانا بدون سكر ​

​

الساعه 12 تقريبا سويت جرييمه بالدوام وحده من امس تحلف الا تييب كيك من الخباز ويابت اليوم



كلييت كيكة ككاو مع قهوه عربيه :eh_s(2): انبني ضميري ​

بس عاقبت روحي وماتغديت رديت البيت شربت ماي دافي ونمت ​

الساعه 7 كليت ستيك لحم وشوية بطاط بالفرن وفتوش وشربت عصير برتقال طبيعي

​

​

عالساعه 8 ونص تقريبا هم شربت قهوه عربيه و4 حبات تمر
( انا اموت بشي اسمه حلو وككاو فقاعده احاول اكل بداله تمر
عشان لا اكل ككاو واخربط
* كافي المصيبه اللي سويتها بالدوام )
​

وقبل لا انام راح اشرب جاي زنجبيل ودارسين ان شاءالله




واليوم ماكو نادي بس قاعده احاول اسوي تمارين حق ايدي لان ريلي تعورني من النادي امس

​

وبس سلامتكم ويارب تضعفوون :ggdw: وتصبحون على الف خير :eh_s(7):​

 

[*شوقي معنيني*]

اليوم يونا حريييم
وكليت كبابه وحده وسلطه
وجبن
وبعدين شربت جااي اخضر
وسويت الكريم الي قالت عنه ام راكاان
ماادري ليش حسيته حلوووووو

 

[LadY BuG 80]

ههههههههههههههههههههههههههههههههههههههههههههههههههه

عنوان القروب مشششش ممكننننننننننننننننننننننننن خالص

مت ضحك حتى مع المتن رومنسيه هههههههههههههههههههههههههههههههههههه

بتوفيق حبايبي و انشالله هياكل على صحه و عافيه​

 

[rorii]

السلام بناات ،

انا اليوم خربطت حدددي بالعشا .. كان عندنا عرس واكلت من البوفيه

خل اقولكم شكلت :

الريوق : خبزه سمره وجبن وخس وخيار مع جاي

والغدا : اكلت حلوم وحده مع كوكتيل

والعشا : عيش بس شويه مو واجد يمكن قفشتين و قطعتين سمبوسه وقطعه كنافه ، والميرندا الصغير


والحين بمشي عالاقل ربع ساعه ، وسامحوني عالخربطه <<< حدددددي متحسفه

 

[*شوقي معنيني*]

rorii
ليييش تخربطييين هاا؟!
يبيلج عضضض عيل باجر صومي
انا اليوم صاايمه وبروح امشي ساعه تقريبا

 

[ورد جوري 2012]

بليييييييييييييييييز خذوني معكم
الطول 162
الوزن 88
الهدف انقاص 10 كيلو في شهرين
الرجيم تخفيف
الرياضه : مشي

 

[am rakan]

امس مالي نفس بشي ماافطرت ولا تغديت وتعشيت همبرجر دايت وشربت قهوة المغرب

 

[am rakan]

اليوم فطرت خبز نخالة +جبن قليل الدسم والغدا ماتغديت بشرب كوب عصير برتقال

 

[SARA*]

ابي اشترك معاكم انا وزني 67.2 واتمنى اوصل 57 لان طولي 156

 

[*شوقي معنيني*]

واي ماكو حماس
اليوم : صمت لما اذن كليت معرونيه من دايت
كير
بعدين شربت جاي
اخضر بعدين مشيت ساعه تقريباً
ورحنا انا ورفيجاتي ماكدونالز كليت سلطه
خربطت مو ؟!

 

[عربجيه]

شوقي معنيني

امبي حدا يمديج تقطين خمس كيلوات بس شدي حيلج مو تخربطين

......................................................................................

الريوق : بيض ماي

بعدين اقولكم شكليت حق الغدا
................................................


سساق نممله، وينج؟ متى نقيس وزنا بعدين؟

 

[سآق نملة]

بنات انا بس اعذروني يومين بس ماعندي نت
الوزن تاريخ 10-1-2012
عالخاص اطرشون لي اوزانكم جم كنتم وجم صصرتوا فديتكم
بحل مشكلةةةةة النت باسرع وقت باذن الله
كملوا بنات لاتوقفوووووووون
استمرواااا بسبيل الرشاقةةةةةةةة*