كنت اتمنى

[fe7awya]

احاااااااااجيج
يلا يلا حار بناااااااااااااار
كتبي البارت الطويل
لان واصله حدي بشوف شصير

 

[Rawaby]

الروايه مرا حلوه كملي حبيتي ناطرينج

 

[T-flower]

امبيه موووووووصج اللي صار
ناطرينج
هدى عورت قلبي

 

[ورده كويتية]

كملي بليييييييييز ناااااااااااااااااطرين

 

[miss fa6om]

وييييييييييه مساكيييين
كملي كملي ناطرة

 

[T-flower]

waiting
عفيه لات طولين مثل كل مرة وتعلقيناااا

 

[fe7awya]

امبيييييييييييي دشيت 15 مره وكل ما ادش اقول البارت جاهز
اثاريج يا حظي مو حاطه شي ... لووز لووز لووزِ

 

[UNiQe^PRiNceSs]

waiting​

 

[om reem 86]

بعد شوي راح انزل بارت نطروني​

 

[yooyoo]

بعد شوي يعني متى

 

[fe7awya]

هلا بالللللللللللللوز
لووو ز لوووز يلااااااااا ناطرين

 

[om reem 86]

بعد شوي يعني متى

عطيني نص ساعه ويكون نازل​

 

[om reem 86]

البارت الخامس والعشرون



فيصل قاعد بداره ويفكر في غزل شلون حالتها الحين؟ تعبانه ؟ متضايقه ؟ .... والا بدشت شهد لما شافها فز من طوله وسألها
فيصل : شلون غزل ؟
شهد : مساكين كلهم تعبانين الله يعينهم
فيصل : ودي اشوفها وامسح دموع حبيبتي
شهد : اللي تكسر الخاطر هدى ... ساره لحد الحين تلومها بانها السبب بموته ابوها
فيصل : لازم احد يكلم ساره ويفهمها لان جذي نفسيه هدى تتأزم حرام
شهد : كلمناها بس لي الحين مصره ... حالة هدى تكسر الخاطر تخيل ذابحه عمرها بهالحبوب المنومه وويها صاير اسود يخرع
فيصل : لااااا الشي هذا حده ما ينسكت عليه
شهد : يعني شنو تبينا نسوي
فيصل : انا اكلم ناصر ولازم يوقف ساره عند حدها احنا خسرنا عمي ما نبي نخسر هدى بعد
شهد : على العموم انا بروح حق سامي بالمستشفى
فيصل : انا كنت عنده من الصبح وطلعت لما ربعه يوله روحي هناك راح تلقين ابوي اهو قال ان بيروحله


*****




بالسياره ،،،

عبداللطيف :قاعد يقول في قلبه (الحمدالله لك يا رب على اني تأكدت ان هذوله عيالي )
عيسى : يبا ليش خذوا منه دم؟
خليفه : انا اقولك
عيسى : شنو ؟
خليفه : عشان يعطونه يدي خليفه وبعدين يقعد يدي ويعيش معانا نفس قبل
نوار : يدي قال بيقول لي قصة الارنب والزرافه اذا رحناله مره ثانيه
عبداللطيف : ( كسروا خاطره عياله ) باباتي تبون تروحون عند امكم؟
خليفه : انا ما ابي
عيسى : اي يبا انا بروح
نوار : وانا بعد
عبداللطيف : باباتي ليش ما تبي تروح عند امك
خليفه : ما احبها كله اتطقنا ابي اكون معاك
عبداللطيف : اذا تحبني روح اقعد عند امك وخالاتك وانا بالليل اخذكم
خليفه : انشالله




*****




عبدالله : محلوه اليوم؟
منى بنت سوسن : ادري انا حلوه من زمان
عبدالله : احبج والله احبج
منى بنت سوسن : شلون الشيفه مرتك
عبدالله : لاهيه مع عزا عمي فاكتني شوي من الحنه
منى بنت سوسن : مرتاح بزواجك
عبدالله : انا قتلج من قبل انا ما راح اكون زوج سعيد الا معاج
منى بنت سوسن : لو كنت تحبني جان اتزوجتني
عبدالله : احبج والله احبج
منى بنت سوسن : ودي اوف الخايسه هذي اللي اسمها منى اوصفها
عبدالله : خلينا منها خل تولي مدام معاي القمر مالي ومال النجوم
منى بنت سوسن : فديتك والله عبدالله ؟
عبدالله : عيوووووووووووووونه وروحه وقلبه؟ آمري ؟
منى بنت سوسن : ابي ساعه تيننن شايفتها
عبدالله : قبل اسبوع شاريلج ساعه الماس
منى بنت سوسن : لا والله يعني ما استاهل
عبدالله : تستاهلين يا قلبي لو تبين عيوني عطيتج اياهم
منى بنت سوسن : ( واهي تدلع عليه ومنعمة صوتها ) >>> مو لا يق عليها مابي مابي مابي ابي الساعه ما ابي عيونك
عبدالله : بس اخلص قهوتي نروح ناخذلج اللي تبينه
منى بنت سوسن : لأ لأ ابي الحين نروح
عبدالله : انشالله واللي تامرين فيه امشي الحين





*****




منى قاعده تفكر منسدحه على القنفة : ليش عبدالله ما سأل فيني ولا دق وتطمن عليه اليوم سادس يوم من وفاه ابوي واهو لي اليوم ما شاف ويهي ولا حتى دق ليش؟؟؟؟؟
والا بدخله غزل : منى تعالي غرفه اميره عيالها موجودين .. تصدقين اول ما شفت خليفه خنقتني العبره
منى : ( لمت غزل ) وقعدت تبجي لان اهي كانت مخنوقه وطلعت حرتها البجي باختها
غزل : صلي على النبي
منى : وينك يا يبا ابيييك؟




*****




منى بنت سوسن : شرايك فيها
عبدالله : ايدج اللي محليتها حبيبتي بس وااايد سعرها
منى بنت سوسن : لا والله ترى الغالي يرخصلي
عبدالله : يرخص لج يا قلبي عمري؟
منى بنت سوسن : نعم؟
عبدالله : انتي لو تطلبين القمر ايبلج اياه
منى بنت سوسن : صج ؟ حتى لو اطلبك طلب؟
عبدالله : آآآآآمري يا عمري بس ترى والله حدي ناشف ماعندي فلوس
منى بنت سوسن : طلق منى
عبدالله : @@ لا ما اقدر اطلقها واهي بهالضروف
منى بنت سوسن : اذا صج تبي تثبتلي انك تحبني نفذلي هالطلب ومتى ما طلقتها ثاني يوم نكتب كتابنا على بعض
عبدالله : ( محتااااااااااااااااااااااار لان ما يقدر يجرح مشاعر بنت عمه خصوصا بهالضروف ) يصير خير انشالله
منى بنت سوسن : لا والله يعني مو عاجبك الحجي ؟ قطني عللى سيارتي
ولا تدق علي الا لما تنفذ طلبي
عبدالله : يا حبيبتي يا منى انا اسف بس ما اقدر بهالضروف هذي
منى بنت سوسن : خلاص انا زعلت قطني على سيارتي الحين بسرعه ( قامت تصرخ )




*****




ياسر : هلا حبيبتي شلونج اليوم احسن ؟
شهد : والله لي الحين لان من نروح بيت عمي ونشوفهم شلون ضايق خلقكم نتذكر ونفسيتنا صايره خايسه
ياسر : الله كريم انا كنت ابي اكلمج بموضوع زواجنا بس خليها بعدين لان الضروف هالايام ضدنا
شهد : اي والله لا حبيبي هالشهر انسى
ياسر : ابي اشوفج حدي ولهت عليج
شهد : وانا بعد؟ حامد ؟
ياسر : اخخخخخية فديت اسمي على لسانج بعد قوليه مره ثانيه ؟
شهد : استحي
ياسر : عشاني انزين؟
شهد : حامد ؟
ياسر : اول مره احس ان اسمي حلو جذي
شهد : وين تبينا نلتقي ؟
ياسر : اي مكان حبيبتي تبيه ؟ تبين بمواقف الجمعيه ؟
شهد : لااااااا ما ابي احد يشوفنا خل نصفط بمكان بعيد شوي
ياسر : ( اييي هذا اللي انا ناطره من زمان ... ياك الموت يا تارك الصلاه) اللي تبين؟



*****
نوار : خالتي ؟ امي ليش ما تتكلم
وصال : عيونها تدمع .. اهيا تسمعج حبيبتي سوالفي معاها
( واميره تطالع بعيونها بس واهي مو عارفه شسالفه ... بعالم ثاني )



*****

انفال : غزل ؟
غزل : هلا حبيبتي ؟
انفال : فيصل يبي يكلمج ؟ هاج السماعه كلميه ؟
غزل : اللووو
فيصل : هلا والله شلونج الحين؟
غزل : نفسيتي تعبانه ... ابي ابوي ( وقعدت تبجي )
فيصل : غزوله حياتي لا تبجين تعورين قلبي ... انا اصير لج الام والابو والزوج والاخو بس لا تبجين حياتي
غزل : لا تخليني
فيصل : والله ما اخليج لي اخر نفس فيني


*****



ياسر زهب المخدر والفوطه على سنادت باب السياره مالته
...................................
................................
..................
متشوقون تعرفون شبيصير صح ؟؟؟؟؟؟؟؟؟؟؟؟؟؟؟؟،،،،، بس ابي اعلقكم شوي ميخالف سامحوني
ونطروا البارت الياي وشوفوا عبدالله شنو راح يختار



انتهى البارت الخامس والعشرون

 

[yooyoo]

امبيييه لا يصير شي مو زين حق شهد ...... ياري يارب يحفظها و عبد الله حقير هاد الي تحبه و تموت بتراب ريةله و لاحق الخايسه الوصخه الي تبي فلوسه صج رياييل ما يترس عينهم الا التراب و يعه ..... و بعدين تعالي ترا بارتج نتفه حده قصيؤ شنو هذا @@
جني اندمجت حبتين و هذي البوسه لج *****

 

[om reem 86]

امبيييه لا يصير شي مو زين حق شهد ...... ياري يارب يحفظها و عبد الله حقير هاد الي تحبه و تموت بتراب ريةله و لاحق الخايسه الوصخه الي تبي فلوسه صج رياييل ما يترس عينهم الا التراب و يعه ..... و بعدين تعالي ترا بارتج نتفه حده قصيؤ شنو هذا @@
جني اندمجت حبتين و هذي البوسه لج *****

مشكوره حبيبتي منوره القصه بردج الحلو وان شاء الله تعجبج النهايه :sfg:​

​

 

[fe7awya]

ايا بنت الـــــــــ ........................ ااااااااااااااااااااااااااااااااااخ
صج انج منتهاهه يرحم لي امممممممممممممج كتبي البارت بس نزلي كذا واحد
اوووووووووووف
لوز لوز لوز

 

[om reem 86]

ايا بنت الـــــــــ ........................ ااااااااااااااااااااااااااااااااااخ
صج انج منتهاهه يرحم لي امممممممممممممج كتبي البارت بس نزلي كذا واحد
اوووووووووووف
لوز لوز لوز

شوي شوي علي
ههههههههههههههه ونااااسه علقتج وانشالله اللي تامرين فيه راح انزل يا احلى فيحاويه​

 

[UNiQe^PRiNceSs]

ثانكس على البااارت
ناطرييين

 

[om reem 86]

يالله بنات ابي تشجيع عشان انزل البارت اليوم

 

[حامل يديدة]

منابعين