كنت اتمنى

[T-flower]

waiting
waiting

 

[miss fa6om]

كح كح !! تسلمين

 

[om reem 86]

البارت السابع والعشرين



غانم : بقى على الشهر 3 ايام... ما شفنا شي
ياسر : انطر انطر يا الردي بتشوف اصلا لحد الحين ما كمل الشهر عشان تتكلم
غانم : بنشوف
ياسر : عاد انت لا تتكلم ضاعت منك انفال بغمضه عين
غانم : الله كريم

*****

وصال : ليش عمتي؟ اشصاير ؟
ام يوسف : والله علمي علمج انا انصدمت
وصال : من متى انزين؟
ام يوسف : والله مادري انا توني دريت بالخبر
وصال : انا ما ادري عنها والله عمتي بروح اشوفها
ام يوسف : انا الحين بييلكم .. يا بعد عمري يا منى
وصال : اوكي ناطرينج عمتي
ام يوسف : يالله عيل نشوفج ... مع السلامه
وصال : مع السلامه
وصكرت التلفون والكل قاعد يطالع وصال ناطر منها تقول اللي عندها
وصال : عبدالله طلق منى
هدى : لييييييييييش؟
غزل : حبيبتي اختي
انفال : انا بروح اشوفها ... بس اهي ليش تطلقت؟
وصال : محد يدري اكيد منى تدري
هدى : عمتي اشقالت؟
وصال : عمتي بعد ما تدري ... والحين اهي يايه
الكل صعد حق منى ويطقون الباب عليها واهي تقول بنااااام بس اهي بالصج كانت دافنه نفسها بالمخده وتبجي من قلب والف فكرة وفكرة اتيي في بالها
واصروا انها تفتح الباب واول ما فتحت الباب قطت راسها بحضن هدى وقعدت تبجي والكل قام يبجي من الموقف اللي صار ...( هدى بالنسبه حق منى امها ورفيجتها وكل شي بدنيتها لان اهي اللي ربتها ...ماتت ام هدى وقت ولاده منى )

*****
سعد : متى بتعطيني الفلوس اللي ابيها منج؟
منى بنت سوسن : من يومين معطيتك بعد اشتبي خلاص مو قلت انك كسرت الشريط اللي مسجلني فيه
سعد : انا كان عندي نسخه ثانية حرقت النسخه الاولى بالمبلغ اللي عطيتيني اياه والحين عندي نسخه ثانيه فلازم تعطيني فلوس عشان احرق النسخه الثانيه
منى بنت سوسن : وانا شيضمن لي جم نسخه عندك زياده
سعد : لااااااااا عيب اخذي مني كلمه ريال
منى بنت سوسن : انت خسيس مو كفو تصير ريال اصلا
سعد : اذا انا خسيس انتي شتطلعين ؟؟ اذا نسيتي اذكرج شنو بالشريط ... بالشريط انتي بس كنتي مع اربع شباب وبيدج خمر وترقصين لهم وتسوين حركات وصخه بس هذا اللي انتي سويتيه
منى بنت سوسن : يااااا حقير .... على فكرى انا ابي اتزوج باجر وابي ابدى حياه يديده
سعد : والزوج المنتظر يدري عن خرابيطج؟
منى بنت سوسن : لاااا وقتلك انا راح ابدى من يديد والواحد مو معصوم من الغلط
سعد : انزين واذا قتلج ان عندي ناااس فوق فوق يبونج ليله وشرط يعطونج 8 الالاف دينار
منى بنت سوسن : منو ؟
سعد : ناس شايفينج وانتي عاجبتهم.. ها شقلتي؟
منى بنت سوسن : اهما جم واحد؟
سعد : شفتي يا الحيوانه ذيل الجلب بيتم طول عمره عوي ... يا حبيبتي هذا كمين بس هذا انتي ما تتغيرين


*****

هدى : قوليلنا ليش طلقج عبدالله ؟
منى : ( وتبجي تبجي تبجي من قلب ) والله مادري
هدى : تزاعلتو؟
منى : لا
وصال : قطيتي كلام بايخ عليه
غزل : اكيد لا امبيه منى ما تأذي النمله تبينها تأذي حبيبها وزوجها
منى : لا ما ضايقته بولا كلمه ... ولا ما سويت له شي بالعكس كان يعاملني بجفا وكنت اسكت واخر مره سألته اذا اهو مغصوب علي قالي لا
وصال : عيل ليش ليش ؟
منى : (حطت ايدها على ويهااا وتبجي ) مااااااادري مادري
هدى : انا الحين اعرف ليش
وراحت خذت موبايلها ودقت على عبدالله

*****


شهد : والله عمري انا اسفه والله والله حقك علي
ياسر : انتي ما تدرين شكثر انا انطر هاليوم اني بشوفج فيه
شهد : وعد وعد باجر راح تشوفني
ياسر : اكيييد؟
شهد : اي انشالله
ياسر : احبج
شهد : اموووت عليك ... اعشق التراب اللي امشي عليها
ياسر : فديت كلامج يسبب لي رعشه

*****


هدى : الو السلام عليكم
عبدالله : هلا هدى شلونج؟
هدى : عبدالله ممكن اتي شوي ابي اتفاهم معاك بموضوع
عبدالله : موضوع شنو؟
هدى : ليش انا عندي موضوع اهم منك انت ومنى ؟
عبدالله : انشالله متى تبين؟
هدى : الحين
عبدالله : اوكي بس بشرط ؟
هدى : شنو؟
عبدالله : متحيل ارجع منى
هدى : اللي تبيه بس تعال

صكرته هدى منه والف فكره اتدور في بالها ( ليش عبدالله مستحيل يرجع منى اكيد مسويه شي قوي ... انا اعرف عبدالله عاقل )
وراحت عند منى وصكتها طراااق

*****

انتهى البارت السابع والعشرون


نطرووووووووووووني راح انزل بارت ثاني اليوم

*****

 

[ورده كويتية]

واااااااي قهر شكو هدى تعطي منى طراق مسكينه اهي ناقصه

كملييييييييييييييييييي ناااااااااااااااطرينج على ناااااااااااار



مشكوره حبيبتي عالبارت وناطرين البارت الثاني وان شاء الله يكون طووووووووووووووووووويل

 

[fe7awya]

منى يبيلها طرااااق ؟؟؟
بس هذا اللي اقدر اقووووله ؟؟؟؟؟

 

[fe7awya]

المفرووووض هدى اللي ايييلها طررررررررررررررررراق صح و عسماوي بعد

 

[T-flower]

امبيه هدى شفيهاااا ينت؟؟؟؟؟؟

 

[om reem 86]

البارت الثامن والعشرون



منى مصدوووومه
منى ك ليش انا شنو سووويت؟
هدى : الحين بنعرف شسويتي انتي واميره فشلتونا مع رياييلكم
غزل : ليش اميره شنو كانت مسويه
هدى : هذيك الخرى تخون ريلها وانتي الله يستر منج
غزل : (مصددووووومه ) اشلون اميره تخون ومنو قالج؟
هدى : عقب وفاة المرحوم قعدت انا وعبداللطيف وفهمت منه السالفه اميره تخون ريلهاوطاح عليهم عبداللطيف بالشقه العاشق الولهان ( وقعدت تبجي هدى انا ما اقدر عليكم ابوي امني عليكم وانتو امانه عندي )
منى : ( قامت بسرعه وباست ر است اختها هدى ولمتها ) ودفنت الرحوم ابوي ما سويت شي يمس شرفنا ولا شي ولا حتى ضريته
هدى : الحين اهو بيي وراح انعرف السالفه بس على فكره اهو قال مستحيل انج ترجعين له )
منى : عقب اللي سواها انا ما ابيه ليش يطلقني بدون سبب

*****

عبدالله : الووو هلا حياتي وينج؟
منى بنت سوسن : بالبيت ليش تسأل؟
عبدالله : لا ولاشي بس صارلي فوق الساعه قاعده ادق عليج وانتي مشغوله مع مكالمه ثانيه
منى بنت سوسن : ( ارتبكت ) اييي لا كنت اكلم رفيجتي صارتلها مشكله مع ريلها وكانت تشكيلي
عبدالله : اممم اوكي قلبي انا وصلت بيت خالي خليفه هدى تبي تكلمني بموضوع منى
منى بنت سوسن : لا لا تروح اخاف يأثرون عليك وترد حق منى
عبدالله : اشلون ارد حق منى وانا مطلقها بالثلاث
منى بنت سوسن : اي ولو لا تروح
عبدالله : حبيبتي فشله انا واصل عند بيتهم ... ما اقدر ما اروح
منى بنت سوسن : انت شفيك؟ قتلك لاتروح يعني لاتروح وان رحت راح ازعل وانت تعرف شنو يعني زعلي
عبدالله : عشاني عمري خليني اروح
منى بنت سوسن : لا تروح واذا رحت بصكره بويهك
عبدالله : خلاص ما راح اروح ( وقعد يغنيلها
الله لا يـجـيـب الـزعــل بـيـنـك وبـيني
وان زعـلـت أرضـيـك أنــا يـا نـور عـيــني
تـضـحـك الـدنـيــا فـي عيني لا رضيت
وأقـبـل أعــذارك وأسـامــح لـو خـطـيــت
لــو أقـول انــك حـيــاتــي مــا وفـيــت
كـيـف أنـا أضـيـع حـيـاتـي مـن يـديـــني
الله لا يجيب الزعل
الله لا يحرمني منك ومن حلاك ومن دلالك
ما أتمنى غير شوفك تبتسم مرتاح بالك
أنـا مـحــتــاج لـحنـانــك مـهـمــا كـان
شـوفـتــك عــنــدي لــهــا قــدر وشـــان
أنـت فـي بـالـي وأحـبـك مــن زمــان
أنــت مــن يــقــدر يـخـيـّب فـيـك ظـنـّي
الله لا يجيب الزعل
لو تخيّلك غيابي لا تقول أني نسيتك
صدّق إحساسك وقلبك أنامن قلبي هويتك
وأنت فــي بـــالـــي الأول والأخـيــر
لــو تــغـيـب شـوي تـوحـشـنـي كـثـيــر
وش ينسينـي وأنـا عــاشـق وأغـيــر
وشــكــثــر عـانـيـت حـتى إني لـقـيتك
الله لا يجيب الزعل


منى بنت سوسن : تسلملي حياتي والحين اثبت لي انك تحبن
عبدالله : مو قلنا ما راح انروح
منى بنت سوسن : احبك
عبدالله : لو في اكثر من كلمه احبك جان قلتها لج


*****

طق الباب في بيت خليفه

وصال : هذا اكيد عبدالله بروح افتح الباب له
منى: ( قلبها قام يطق يطق ... وتقول في قلبها احبك واموت عليك )
وكانت قاعده تعدل من شكلها شوي وتمسح دموعها عشان يشوفها باحلى صوره
وصال : ( تنادي منى من تحت ) منىىىىى؟؟؟؟؟؟
منى : نزلت وعيونها كل همها اتدور عبدالله
واول ما نزلت شافت عمتها بدريه وكانت بدريه مستحية من منى واول ما شافتها قامت ولمتها
هدى : عمتي الحين عبدالله بيي ونتفاهم معاه
انفال : هدى ؟ تلفونج يرن عبدالله يدق عليج
هدى : يمكن اهو بره ومستحي يدش .... وشالت التلفون.... الووو
عبدالله : السلام عليكم هدى
هدى : انت بره؟
عبدالله : لا انا ما راح اقدر ايي
هدى : ليش؟
عبدالله : ميخالف عذريني ما راح اقدر ايي ... واذا تبين تتفاهمين نتفاهم بالتلفون بيكون وايد احسن
هدى : ( عصبت ) انزين ممكن اعرف ليش طلقت اختي
عبدالله : ما ارتحت معاها
هدى : شنو ما رتحت معاها ؟ اهي ضايقتك بشي؟
عبدالله : للأمانه لأ
هدى : عيل ممكن اعرف ليش؟ وشنو يعني ما ارتحت معاها
عبدالله : شوفي هدى انا بكون صريح وواضح معاج بالبدايه ولا راح الف وادور
هدى : يكون احسن قولي قاعده اسمعك
عبدالله : انا باجر بتزوج اللي احبها واحلم فيها من زمااااان
هدى : نعمممممم؟@@
عبدالله : انا كنت احب منى بنت رفيجة امي سوسن وامي ما كانت راضيه كانت تبيني اتزوج منى اختج وسويتلها اللي تبي وانا باجر بتزوج حبيبتي باركيلي
هدى : (مصدومه ومذهوله ) انت شنو قاعد تقول
عبدالله : انا كنت صريح وواضح
هدى : الله لا يوفقك لا دنيا ولا اخرى وعساك ما تتهني مع الشيفه هذي وعسى حوبت منى ما تتعداك صج انك جليل حيا وما فيك من الرجوله شي وصكرته بويهها

راحت حق منى وقالت لها
هدى : ابركها من ساعه اللي طلقج لان هذا ما فيه ذرت رجوله ( ولفت على عمتها) سامحيني عمتي بس حضرته كان ماخذ منى عشان ينتقم منج واختي طلعت ضحيه وباجر بيتزوج منى بنت رفيجتج

انهااااااااااااااااااااااااااااااااااااااااااااارت منى بجي
منى : ليش طلقني؟
وصال : انتي غبيه السالفه مبينه مثل عين الشمس
ام يوسف : انا قتله ان تزوجها لا انا امه ولا اعرفه ... انا اسفه واللله انا صج اني كنت ابيه حق منى بنت اخوي بس اهو اللي يا وقال ان بيتزوجج

*****




انتهى البارت الثامن والعشرون

انشالله اكون كنت وفيت بوعدي ونطروني باجر انشالله
وعلى فكرى (((((ناطره ردودكم وتعليقاتكم :gathering))))​

 

[fe7awya]

ااااااااااااااااااااااخ بموت من القهر
انزين مو ضروري اقولها اني راح اروح
عالاقل بس يشوف شفييهم
بس صج الدنيا ما ظل فيها رياييييييييييييييييييل اااااااااااخ

 

[ورده كويتية]

عبدالله ينرفز ويرفع الضغط بس بيشوف بعدين شبتسوي فيه منى بنت سوسن

تسلم ايدج عالبارت حبيبتي

 

[om reem 86]

ااااااااااااااااااااااخ بموت من القهر
انزين مو ضروري اقولها اني راح اروح
عالاقل بس يشوف شفييهم
بس صج الدنيا ما ظل فيها رياييييييييييييييييييل اااااااااااخ

لووووووووووووووووول مو جنج اندمجتي زياده عن اللزوم هههههه​

 

[om reem 86]

عبدالله ينرفز ويرفع الضغط بس بيشوف بعدين شبتسوي فيه منى بنت سوسن

تسلم ايدج عالبارت حبيبتي

الله يسلمج حبوبه:tek:​

 

[noara]

القصة وايد حلوة الله يعطيج العافية اختي وبالتوفيق ان شاءالله--

 

[UNiQe^PRiNceSs]

ثاااااانكس حبيبتي
عبدالله راح يتحسف حده

 

[noara]

ماشاءالله عليج أسلوبج روعة كملي أختي شوقتيناحيل--

 

[أحبه موت]

يجيلك يوم تندم على ماسويت ياعبدالله وأقول منك لله يكفي أنا مليت
بس هذا كل الي أقدر أقول حق عبدالله مالت عليه
وأقوله ترى انت الي خسران هههههههههههههههههههههههههههههه

 

[om reem 86]

القصة وايد حلوة الله يعطيج العافية اختي وبالتوفيق ان شاءالله--

تسلمين حبيبتي هذا من ذوقج:33_1185028183:​

 

[om reem 86]

ثاااااانكس حبيبتي
عبدالله راح يتحسف حده

يسلمو خيتو

 

[om reem 86]

ماشاءالله عليج أسلوبج روعة كملي أختي شوقتيناحيل--

يا بعد قلبي قاعده اتشجعنوني بردودكم وحياج الله معانا من ضمن المتابعين لروايتي

 

[om reem 86]

يجيلك يوم تندم على ماسويت ياعبدالله وأقول منك لله يكفي أنا مليت
بس هذا كل الي أقدر أقول حق عبدالله مالت عليه
وأقوله ترى انت الي خسران هههههههههههههههههههههههههههههه

لوووووووووووووووووووول انتي ما تيوزييين :krkrkr: