كل وحده مسويه تحزيم معده تشاركني

[ام مدعج]

السلااااااااام عليكم ورحمه الله وبرككااااااااااااااااااته

قوووووووووووووه بنات شلونكم شخباركم ؟؟؟

و الله ولهت علييييييييييكم وفقدتكم

جتنا سفره مفاجاه مع الاهل وسافرت وياهم اسبوع حق البحرين و الخبر بسيارات ونااااسه وبصراحه ماكان في امل كلش كلش اني اشبك و كنت احاتييييييييييييييييييييج مظلومه ياناس بس الحمدلله من خلال ردودج عرفت انج بخير وطيبه الحمدلله

وبالنسبه حق بيرلنت حيااج الله يالمتحزمه و الله يعينا كلنا سوااا سواااا لوووووووووووووووووووول

ماشاء الله كثروا المتحزمات :eh_s(9):

النيه الصااااااااااافيه شخبااارج وشمسويه و ترا العوار عادي انا صارت فيني مرتين او ثلاث خلال هالشهر بس مادري من شنو وبصراحه مابي اروح لان ادري بيقولي مافيج شي وشي طبيعي

ابشركم بنات وزني صار 83 يعني لحد الان نازله 31 تقريبا الحمدلله

و الفال لكم يارب

مظلووومه يناس ما عليج العوار و الدوخه بعد اسبوع تقولين جذابه مافيج شي صدقيني وماراح تحسين باي شي باذن الله :eh_s(1):

النيه الحمدلله على سلامتج انتي بعد و انشاء الله نشوووفج باكمل صحه يارب انتي ومظلومه و عسى الله يعطيكم على قد نيتكم يارب

بس بنات بقولكم شغله صارت فيني ... بعيد الشر عنكم ... (( وانا بالسفر مسافرين ويا خواني وخالاتي وبناتهم وعيالهم ماشاء الله يعني جمعه ومحد فيهم يدري اني مسويه تحزيم غير امي و خواني بس )) المهم انا ما اكل الفيتامينات صارلي 3 اسابيع اخاف تزيد وزني وما اكل واجد ... فحسيت بدوخه وطحت عليهم و لساني كان احد ماسكه ثقل حييييل فامي بسرعه ذوبت شكر وقطته بحلجي يالله يالله صحيت ... وععقبها عل طول رحت شريت نفس حبوب الفيتامينات وكليتهم و استمريت عليهم الحين صارلي 3 ايام الحمدلله ولا راح اقطعهم لان وراي جامعه من باجر الله يعين ))

بس الموقف اللي يضحك ... خالتي جابت قطعه دجاجه وقالت لي جدام الكل اكليهااا اكليهااا الحين بسرعه مو زين تخلين معدتج فااااااضيه (( عبالهم ماشيه بريجيم قاسي )) :eh_s(3): ,,, جان اقعد اضحك و اخز امي ... جان تقول امي لالالالالاااااااااا توني معطتهاااا قطعه دجاجه وكلتها توهااااا (( جذبه بيضه )) :eh_s(15):

تخيلوا بنات لو معطتني الدجاجه و غاصه لووووووووووووووول جان انكشفت


موااااقف خطيره بصراحه :eh_s(20):


يلااا بنات عاد الحين ابي كل وحده تبشرني على اخبارهم بالضبط بالضبط لاني صج صج صج ولهانه عليكم بسكل ما تتخيلونه و خاصه النيه و مظلووووووووووووووووومه امانه بشروني عنكم ... وبيرلنت حياج وياناااا انضمي الى قائمه المتحزمات وكتبي كل شي عنج عشان نستفيد منج

ملاحظه : ترا عندي اختي متزوجه وفبيت رجلها وتشبك من نفس النك مو تشوفون تاج شبكت و تقولون كشتت فينااا :eh_s(14):


اختكم القرقه : تاج الوفااا

 

[xxx]

هلا خيتو بنت الكويت وينج من زماااااااااااااان ماشفناج

بنت الكويت الله يسلمج ودي اعرف كم كان وزنج؟ولي وين وصلتي؟ وشنو الريجيم اللي ضعفج؟

هلا حبيبتي

وزني طبعا كان فوق ال 100 :eh_s(20):

ونزلت 45 كيلو >>> قولو ماشاءالله :eh_s(22):

ولو اني ماحملت مرتين جان نزلت أكثر

بس انا كنت مسويتها علشان الحمال والحمدالله ربي ماقصر

ورجيمي الي نزلت عليه رجيم بوعباس

 

[xxx]

بيرلنت والنيه الصافيه وتاج الوفاااااااااااااا وبنت الكويت
انا ودي انزل ب6شهور 30 كيلو اقدر والا صعب ؟واذا اقدر شلون الطريقه؟
ابي انشاءالله اسافر وانا خفيفه شنو النصائح اللي التزم فيها؟ انا الحمدلله ماشيه عالورقه اللي عندي بالضبط بس ماسويت رياضه الجروح ماتساعد

وعندي سؤال متى اروح اضيق عند الدكتور ؟ وجم ياخذ مني؟

وسلااااااااااااااااااامتكم وتعيشووووووووووووووون

ان شاءالله تقدرين

اهم شي تبتعدين عن الحلو والعيش

وتحاولين تمشين

 

[مظلومه ياناس]

بنت الكويت تسلمين يالغاليه على ردودج ....يعني فهمت من كلامج انج كنتي بتضعفين على شان الحمل ( ثاني هدف لي لحمل بس الاول الرشاقه)

عسى ربي يخليلج ماعطاج ويتربون بعزج وعز ابوهم اللهم اااامين

 

[مظلومه ياناس]

تاااااااااااااااااااااااج انتي وينج يالخاينه رحتي وخليتيني:eh_s(11): :eh_s(11): تاااااج سويت العمليه وعوروني:eh_s(16): :eh_s(16): تاج الاحد بروح اشيل الغرز واشوف جم نزلت حاسه اني نازله واااااااايد انا توني جايه من الممشى مشيت نص ساعه بس يمه النفس يقطع عندي امشي شوي واوقف



تاااااااااااااااااج ابي انزل بسرعه قبل العطله شنو تنصحيني فيه؟ وشنو فيتاميناتج؟ كتبيلي اسمهم

يؤ يؤ يؤ يؤ فشله صج ملقوفه ماقلت لج الحمدالله عالسلامه واللله يوخيتي من البنج اللي مو مخليني اعرف كوعي من بوعي

الف الف الف الف الحمدالله عالسلامه

الف الف الف الف مبروووك عالوزن الجديد والفال لي:eh_s(17): :eh_s(17):

 

[ام مدعج]

هلااااااا و غلاااا مظلوووووووومه و الله انا اللي ولهت عليج


الله يسلمج يارب


بالنسبه حق الفيتامينات الدكتور خليه يكتب لج لان كل علبه على حسب الوحده ... و لا تجهدين نفسج لمن يشيلون القرز منج ... و انا بقولج شنو تسوين و ابيج تطبقينه بالضبط عشان تنزلين مثل نزولي انشاء الله


الحين خلج عالعصااااير ... اتصلي عل عالم المانجو وطلي منهم عصير برتقال مصفى و عصير جزر وعصير تفاح وحيلج فيهم .... و اهم شي عالريييييييييييييييج حليب خالي الدسم مفيوح مال كي دي دي مع حبه فيتامين


وعقب ما تعدين الشهر و تبدين تاكلين ...

اكلي مثلا (( نص كوب معكرونيه مهروسه مع خضااار او كورن فليكس فتنس مهروس مع حليب او بطاط مهروس مع لحم او دجاج مهروس يعني اكل اطفاااااال .... ونصيحه امشي عالورقه اللي معطيج اياها الدكتور وعقب لمن تتعودين عالاكل امشي عالاكلات اللي انا كاتبتهم الخاصه للمتحزمات ))


و الحين حاولي انج تتاقلمين مع الوضع كله ... لازم تعرفين ان حياتج تغيرت 100% ... يعني نظامج الغذائي تغير ... راح يحوشج احباااط و راح يحوووشج اكتئاااب خفيف وهذا شي طبيعي حاشني انااا في البدايه ... لان قبل العمليه كنا ناكل اكل قبيله كامله وفجاه ناكل اكل عصاااافير فاكيد الهرمونات راح تتغير و النفسيه راح تتعب ... بس صدقيني من تشوفين وزنج ينزل بالميزان الفرحه بتزيد فيج اكثر و اكثر و بتصيرين مع مرور الاشهر تكرهين الاكل من نفسج ولا راح تردين تمتنين و تردين معاناه قبل ... تقبلي الوضع وخلي عندج ثقه بنفسج مهما صاااار حتى لو ما نزلتي حيييل الحين ... بالعكس زيدي من همتج وحاولي تنزلين اكل بالمشي ترااا المشي اهم شي ولا تحرمين نفسج من اي شي و حييييييييييييلج بالماي عشان لا يصير فيج جفاف امانه


عسى الله يكون بعووونج و اذا ضاااق خلقج من العمليه فكري ان انا و النيه و الاااااااف غيرنا مسوينها مثلج وتحملي ترا النتيجه عجيبه


و اذا تبين اي سؤال عيوني لج

 

[مظلومه ياناس]

هلا تجتوجه انتي مانمتي؟؟؟؟؟ باجر عندج دوام
تدرين شنو صاير فيني؟ الوجه ذبلااااااااااااان والعيون تقولين عيونه وحده تتعاطى استغفر الله

انا بمشي على طريقتج سيري وانا من ورائك الى عالم الرشاقه


انا الحين ذبختني الغازات العبت فيني لعب وقاعده اشرب نعناع والحمده لله اشوى خفت عندي

 

[مظلومه ياناس]

مشكوووووووووووووووووووووووره ياتاج على ردودج ولاتقاطعين

 

[النية الصافية]

تاج الوفا

الحمد الله علي السلامة وخطاج السو ومبرك الوزن الجديد واللي صار فيج هذا بسبب النزول السريع للوزن وانتي اكيد ينزل وزنج بسرعة لانه عمرج صغير
الله يبركلج وتنزلين اكثر علي صحة وعافية ياكريم
تاج حطي شريط الوزن بالتوقيع للتشجيع من والي والله يشجعني كل ما دخلت وشفته يصير مثل التحدي

مظلومة

العفو وانا حاضرة لاي استفسار وان شاء الله يارب اتروحين تلقين نفسج نازله 10 كيلوات يارب وانا ناطرتج اتحطين شريط الوزن للتشجيع
تبارك الرحمن والله بقيت ابكي او اضحك حسيت بشعورج والله يوم بجيتي يا بعد عمري محد يحس الا اللي مر فيها

بنت الكويت
انا بعد قبل العملية كنت اسوي رجيم بو عباس
وبعدها مليت وسويت التحزيم
والحين بصراحة الممنوع عند بوعباس هو اللي ما يطوف من الحلقة العيش الصمون المعكرونه والحلويات بعد ما يبلها حجي ممنوعه

بنات
عندي سؤال ومحيرني
اعرف وحده اقولها ضعفتي تقول انا مسوية عملية وحاطة حلقة من البلاستيك علي المعده عن طريق الفم بالمنظار وبعد سنتين تذوب ابروحها
هل يعقل فيه شئ مثل هذا واتقول مسويتها بدار الشفاء
وكل ما اراجع بس يسون لي سونار عليها وصار لها 8 اشهر نزلت من 86 صارت 64
صج والا اتجذب والا شنو ؟؟؟؟؟؟؟ بالضبط
سامعين بهالشغله

 

[مظلومه ياناس]

النيه الصافيه هلا وغلا .....:eh_s(22): ارتاح نفسيا اذا شفت ردودج ما ادري ليش:eh_s(7):


اوعدج وعد متى مانزلت 10 كيلو بحط شريط الوزن احنا جم نيه صافيه عندنا

بالنسبه للي تقولين عنه البنت اللي حاطه حلقه وتذوب خلال سنتين ما ادري اول مره اسمع فيها ... وبعدين شلون تذوب بسم الله واذا ذابت على قولتها وين بتروح اذا اهيا خارج المعده يعني وين بتذوب

اتصلي على المستشفى وسأليهم ... شي غريب اول مره اسمع فيه


بنات ذبحني المغص ببطني ............كل ماشربت شي بس مو دايما يجيني مغص ببطني شويه ويختفي وبعدين اروح الحمام(وانتم بكرامه) وعلى طول اسهال يعني مرتين باليوم يصير لي هالشي ....... انتم مثلي؟؟؟

 

[ام مدعج]

هلاااا و الله بنااااااات السمووحه و الله اليوم اول يوم دوام ولاااهيه لاااهيه تدرون بعد جامعه مو لعب ايام الثانويه الله يستر وجدولي هالكورس يضيق الخلق شوي




وبالنسبه حقج يا مظلوومه و الله اني احاتيج و افكر فيج كاني انا اللي مسويه العمليه لاني حاسه فيج بس ما عليج عادي انا مثلج ويهي صااار يخرع وحالتي حاله كلها ايام و الله بتقولين جذابه مافيني تحزيم ولا بطيخ و اهم شي شربي ماي ماي ماي ماي ماي ماي ماي اهم شي صدقيني مثل ما قال رب العالمين بسم الله الرحمن الرحيم (( وجعلنا من الماء كل شي حي ))صدق الله العظيم ...

مظلووومه بقولج على طريقه مرييييحه حيل ... انتي حاليا بس تقدرين تنامين على جمبج اليسمين لمده شهر ... حطي مخدتين مرتفعين شوي و نامي على جمبج اليمين و حطي جدامج مخدتين رفاع بعد شوي و حطي ايدج اليسااار فوقهم بحيث انج توخرين عن مكان الخزان ونامي نوم العوافي وصدقيني ماراح تحسين بتعب باذن الله

مشكوووووووووووووووووووووووره ياتاج على ردودج ولاتقاطعين

العفووو مظلووومه صدقيني ماراح ابخل عليج باي اجااابه وردود وماراح اقااااطع بس اعذروني دوامات جامعه و بصراحه ناويه اشد حيلي هالكورس بس هما ماراح اخليكم بشبك اجيك عليكم ولا يهمكم وعشان انا اتطمن على اخباركم الله يعلم شكثر احبكم و اعتبركم مثل خواتي واتمنى لكم كل خير و عسى الله يفتح لكم ابواب الخير يارب ويعطيكم على قد نيتكم قولوا امين و يقومج بالصحه و السلامه يا مظلومه لزوجج وعيالج ويرزقج بالذريه الصالحه


النيه الصااااااااااااافيه اختي الالكترونيه ... خطااااج الااااااش و فعلا هذاااا من قله الاكل ... بس خلاص بديت اخذ الفيتامينات بانتظام ... و بشريني عنج شلون صحتج الحين النيه ؟؟؟

وبالنسبه حق سؤالج بصراحه ضحكت لمن قريت ان في حلقه تذووب .؟؟؟؟؟

بس ما اظن الضاهر هذي مسويه حلقه عاديه وماتدري شالسالفه او انها قاصه عليج لان اول مره اسمعهااا غريبه ؟؟؟

النيه بالنسبه حق شريط الوزن قبل هالمره اول مره عطيتيني اياه ما عرفت له خربطت فيه وخلاااص بقولكم وزني كل ما اشبك

بنااات تكفون ادعولي ان ربي يوفقني بهالكورس و اجيب علامات زينه يارب ويسهل اموري بالجامعه و بكل شي قولوا امين

اذا تبون اي سؤال عن اي شي اناا حاضر لا يردكم الا لسانكم


اختكم القرقه : تاج الوفا

 

[مظلومه ياناس]

تاااااااااااااااااااااااااااج الوفااااااااااااااااا
يارب تتوفقين بحياتج وبدراستج وبتنولين كل اللي تتمنين وشدي حيلج بالدراسه
تاج اني احبج واعزج نصيحه مني لج اذا كنتي بكليه التربيه يعني بتصيرين مدرسه امااااااااااااااااااانه انحاشي عن التدريس لووووووووووووعه وتعب وعذاب واهانه

عسى الله يوفقج يارب

تاج الوفا اليوم قعدت من النوم والا المنظره بوجهي والا اطالع جسمي يمممممممه شي يخرع تعرفين الايس كريم لمن يسيح ؟ طبعا اول شي من فوق يسيح . انا جسمي صار جذيه متوني ورقبتي ووجهي سااااااااايح ماكو شي

بصراحه شعور جمييييييل بس اتعب باين على وجهي ا
اليوم رحت لمستشفى هادي عند الدكتور محمود السيد وعطاني اجازه اسبوعين وباجر موعدي عند الجارالله انشاءالله:eh_s(15):

 

[ام مدعج]

انشاء الله عسى الله يبشرج بالخير يارب

ايه راح تلاحظين نزول الوزن المفاجي اول اسبوع بس بعدين بيقل بالتدريج اهم شي الصبر الصبر الصبر ولازم تعرفين ان التحزيم مو سحر ... عشان لا تحطين امل وبعدين تتحبطين ... شوفيني انا نزلت 7 كيلو بشهرين بس بعدين بديت انزل بالشهر 4 تقريبا الحين صارلي تقريبا 6 شهور ونص نزولي زين الحمدلله فانتي من البدايه لا تقولين ابي انزل بسرعه ... بالعكس نزلي شوي شوي عشان لا تردينهم بسرعه

وبالنسبه حق كليه التربيه لاااا ... انا مو بالتربيه لوووووووووووووووووول و مستحيل اصير مدرسه استغفر الله اطلع من مكان يطق جرس و ارد حق مكان يطق جرس ليش ؟.؟؟؟؟


المهم قوليلي شنو تحسين فيه بالضبط ... ومثل ما قلت لج لا تحاتين اي شي ... الله وياج وانا معاج بساعدج هني بالمنتدى وباذن الله ماراح ابخل عليج باي شي لان انا اسئلتي قبل كانت اكثر من اسسئلتج

 

[مظلومه ياناس]

تاج الوفا انا طرت علي فكره ما ادري اشرايج فيها السؤال لج وللنيه الصافيه

انا ناويه بعد ما اخلص الشهر يعني السوائل اشترك بدايت كير بحيث اني اقولهم عن عمليه التحزيم والاكل اللي المفروض اااااكله وهم يوصلون لي وجباتي بدال لا احاتي شنو اكل وشنو راح اسوي اليوم ومشاوير الجمعيه اللي ماراح اتخلص .......... هاااااااااا اشرايكم؟
فيه بنات امدحوه هنيه في منتدانا ويقولون كل اسبوعين 97 دينار
اشرايكم بنات؟

 

[ام مدعج]

مظلوومه ما انصحج صراحه تدرين ليش ؟؟


اولا لان انتي لازم تاكلين اكلات خاصه فيج لا دايت كير ولا شي يقدر يسويها لج


ثانيا لازم تاكلين اكل صحي نظيف 100%

ثالثا لا تخسرين فلوسج على شي ما يسوى


رابعا و اللي اهوه اهم شي ... اشتركي بهالشي بعد ما تشيلين التحزيم عشان معدتج تتعود عالاكل الخفيف


انا باذن الله ان الله احياااني ... بعد العمليه بشترك بدايت سنتر لمده شهرين ابوي قالي عشان معدتي ما تتاذى من الاكل الطبيعي و اتاقلم مع اكل الريجيم هذي نصيحه مني لج و الله


حاليا خلج عالوصفات اللي كتبتها لج وصدقيني منتي خاسره شي

 

[مظلومه ياناس]

شورتج وهداية الله

الحمدلله الحمدللله اليوم ماني حاسه باي تعب ولاحاسه بالعمليه بس مرات يصكني جوع واشتهي اااكل بس طبعا محال

اليوم حيت بجوع مو طبيعي تبين تضحكين اليوم الظهر حلمت حلم اقسم بالله يموت من الضحك حلمت اني قااعده بسرداب والسرداب عباره عن مطعم بوفيه مفتووووح تعرفين شنو بوفيه مفتوووح يعني كل مالذ وطاااااااااب
المهم انا بروحي بهالمطعم واروح لبوفيه والا اشوف واااااااي اشوف ذاك العيش الاصفر بالزعفران والعيش نثري والدجاجه تقرمش فوقه منبطحه على بطنها ومحشيه حشوه لذيذه وتدرين ماتعبت روحي وخذيت صحن لا لا لا قعدت ااااااااااااااكل واااااااااااااااكل وااااااااااااكل ليمن شبعت وطلع من خشمي وبعدها التفت والا الكاكاو مصفوف بصينيه رحت وترست حلجي وجيوبي ويديني واروح اصعد الدرج عند ااااااخر درجه تعثرتجان اقعد من النوم اقسم بالله ياتاج ان طعم الكاكاو بحلجي ماراح.

تهقين تاج ولايهونون الباقين هذي شفاحه؟؟؟؟؟

 

[ام مدعج]

ههههههههههههههههههههههههههههههههههه


امبيه و الله تصير فيني مثل هالحاله عااادي بتتعودين صدقيني


ضحكتيني و الله يا مظلومه ههههههههههههههههههههههههههه


هذي لا شفاحه ولا شي بالعكس شي طبيعي قلت لج احنا قبل ناكل اكل قبيله و الحين اكل نمل شرايج يعني اكيد بتصير رده فعل طبيعيه جذي ولعلمج مرات ابجي انا لمن اشوف اللي حوالي ياكلون وانا لاااا ... الوضع جدا طببيعي ولازم تتاقلمين و تتحملين وتصبرين و تعرفين ان الاكل مو مهم صدقيني كثر ما الصحه و الرشاقه مهمه لج ولصحتج

 

[مظلومه ياناس]

اشواااا يعني انا طبيعيه يعني مو مشفوحه

والله ياتاج الاكل حلو بس كل مافكرت اقول ويييييييه لاحقه عليه ماهي طايره الدنيا

تاج انتي باول اسبوع جم نزلتي ؟

 

[ام مدعج]

نزلت اول اسبوع 5 كيلو

لا تقولين الاكل لاحقه عليه بالعكس


دايما قولي ... الاكل سببلي السمنه و اخرني عن الحمل و سببلي مشاكل صحيه وراح تعوفين الاكل من نفسج


كل ما تشوفين الاكل الدسم حاولي ترددين هالعبارات وقولي صحتج اولى و اهم

 

[ام مدعج]

لاااااااااا تمنعي نفسج من اي شي كل شي ذوقي منه شويه مثلي يعني عشان ان هديتي الريجيم لا تقولين و الله مشتهيه اكل و تاكلين شكثر


و اهم شي حبوب الفيتامينات لا تقعطينهم و تسوين مثل غلطتي صار يغمى علي بالدقيقه بس الحين الحمدلله صحتي احسن