كل وحده مسويه تحزيم معده تشاركني

[مستشاره قانونيه]

مظلومه ياناس مشكووووره حبيبتي انتي وين بتسوين العمليه بالهادي ؟؟

وعلى طاري عمليه التحزيم يبين اثار الخياط والشق ولا عادي مايبين مكانه !!

 

[مظلومه ياناس]

انا بسويها بالهادي انشاءالله والخياط ما ادري بس شي لايذكر لان الغرز شويه صغار حسب كلام البنات

 

[ام مدعج]

قوووووووووووووووه بنات


توني قبل ساعتين واصله الشاليه وبصراااحه برررررد مووووووووت

بنات ضميري مأنبني بصراحه

كليت اكل وااااااااااااااااااااااااااااااو شكثر

قفشه بيض وجبن + قفشه فول + قفشه حمسه تونه + نص مرتديلا مع جبن و عقب العشا بنا ونص ساعه قعدنا بخيمتي انا و خواتي ومرت اخوي وبنات خالاتي ماشاء الله شكثرنا و اللي جايبه ككاو نوع وبطاط نوع و مكسرات نوع ثاني و كلهم ضعاف ... تصدقون كليت يمكن ميني شوكلت 3 انواع غير بطاط الذره اللي تعرفونه 3 مع بعض و غير المكسرات احس اني بنفجر مصيبه كل هالشغلات تذووووب فعلا حتى التحزيم يبيله ارااااااااده


بس عندي سؤال خااااص للمتحزمات و اللي كانوا متحزمات ؟؟؟


انا اسمع واااااااجد ان الحلقه ممكن تزلق للاعلى او للاسفل او تتبطل ؟؟؟


فمادري انا حاليا اذا لت اغراض واجد وحطيت و جهدت نفسي احس بألم خفيف لمده ثواني بمكان الحلقه مو الخزان ... ببنات اخااااف الحلقه زالقه فيني ؟؟؟ وسمعت شي ثاني ان ممكن يصير توسع بالمريء او بالمعده ياااااليت تريحون مخي و تجاوبوني على هالاسئله بنات بليز ... و اذا لا سمح الله صار انزلاق بالحلقه شنو احس فيه ؟؟؟


النيه الصاااافيه امااااااااااااااانه قوليلي عن صحتج اول باول ؟؟؟ و انشاء الله ما تشوفين شر يارب


مظلووووووووووووووومه ياناس قتلج ماراح اخليج و كاني شابكه بالشاليه بس الحمدلله تاجلت عمليتج و انشاء الله اذا سويتيهاااا بتتعبين شهر و بتستانسين سنييييييييييييييييييييييييييين شوفي الفرق


يالله بنات ناطره اجوبتكم و متابعه التلفزيون وحاطه الاب توب جدامي و بررررررررد موت علينا بالشاليه

 

[مظلومه ياناس]

انتي من صجج:eh_s(4): والله يبيلج طق على راسج
هذا اول يوم شلون العطله كلها حسبي الله على عدوج:eh_s(14):

الله يستر من اللي تقولين عنه هالانزلاق والبلاوي لا يامعوده الله لايقوله تف من بؤك
:eh_s(8): اجازه سعيييييييييييييييييييييييده

 

[مظلومه ياناس]

الا تعالي صج اذا حاسه انج تعبانه منها لاتهملين نفسج ترا خطر
انا بنت خال رفيجتي صار معاها انزلاق وصار معاها الله يكافينا الشر غرغرينا
وتالي شالو المعده وكاهي عايشه على معده صناعيه

تجتووووجه ما ابي اخرعج بس وانا اختج الحرص واجب ولا تخليني تعبج يروح عالفاضي

وماتشوفين شر انشاءالله:eh_s(17):

 

[ام مدعج]

مظلوووووووووووووووووووووووووومه لااا انشاء الله من باجر ببدي ريجيم قاااااااااسي


بس تكفييييييييييييييييييين طلبتج ابيج تقولين لي شنو حست فيه بنت خال رفيجتج لمن صار فيها انزنالاق بالمعده ؟؟؟


ابي اعرف بس شلون عرفت ان صار فيها جذي وانا ما يجيني عوار قوي لااا عادي حيييييييل ؟؟؟

تكفين امانه عرفي منهااا ... شنو حست فيه لمن انزلقت الحلقه وصار فيها غرغريناااا ؟؟؟


قمت اوسوس و احاتي مع ان مافيني عوار قوي ولا شي بس التفكير ذبحني


عسى الله يشفيها يارب ويشفي جميع المسلمين

 

[مستشاره قانونيه]

بعيد الشر انشالله لا تفكرين جذي مو زين الوسواس امبيه يشكك الواحد
تعوذي من ابليس وروحي راجعي دكتورج وانشالله مافيج الا العافيه
لا تهملين نفسج بس موزين الوسواس :s

 

[ام مدعج]

مستشااااااااره المصيبه مافي عوار \حيل يعني عاادي ...

و ثاني شي قريت مقاله ان الاتهابات و الانزلاق على حسب نوع الحلقه ... و الحلقه مالتي من عند الدكتور وما اظن ان بيحطلي حلقه خواره ... لان الدكتور اكثر من ممتاز وثقه وانا ما احس بالعوار الا اذا اجهدت نفسي حيل بس


و انشاء الله ما احتاج اروح حق الدكتور


لان على حسب معلوماتي الالتهاب اكيد يصير معاه الم حاااااااااد بالمعده وترجيع كرم الله السامع و ما يقدر ياكل الانسان مثل الم الضرس و الاذن و انا ما احس باي شي اكل عادي و اشرب عادي


و اتوقع العوار اللي فيني الخفيف بسبب المكسرات و الككاوات لان معدتي خاليه فاكل اشياء تنهرس + كاوات و مكسرات و بطاط فمن جذي معدتي تعورنازم انظم اكلي و اعدله من باجر انشاء الله

 

[مظلومه ياناس]

وييييي خرعتج والله انا اللي يبيلي طق ترا والله مو قصدي بس خايفه عليج والله انتي غاليه على قلبي
بس ماابيج تهملين نفسج والله العظيم واذا على رفيجتي اهيا معاي بالدوام واليوم سافرت للبحرين عند زوجها يدرس هناك بس اشرايج اعطيج موبايل سكرتيرة الدكتور وانتي تسالينها علشان ماتحاتين
ابيج تخففين اكل وماتخربين اللي بنيتيه
اااااااااسفه مره ثانيه وبعدين ترا البنت اللي اقولج عنها نزل وزنها وصارت في قمة الرشاقه وتزوجت وتوها والده جايبه توام بنتين وولد

 

[ام مدعج]

لالالالاااااااااااا انشاء الله مافيني شي

انا قالولي ان الغرغرينه ما تصير الا اللي فيها سكر وانا مافيني الحمدلله ... بس اتوقع على قوله اهلي اذا انزلاق او التهااب اكيييد بيصير فيني الم شديد وقااااسي او كرم الله السمع ارجع دم ؟؟؟ لا سمممممح الله

المهم انا اليوم صار فيني عوااااااااااااار قوي قوي قوي صوب السر و فوق السر باربع اصااابع و عبالي فينيي شي بالحلقه ... بس عقب ما تدهنت بفكس و ابو فاس اكتشفت ان مجرد هوى وبرد هههههههههههههههههههههه تدرون انا بالشاليه و من زود الرشاقه صرت اركب بقياااات و اراكض حتى ويا الجهال و العبهم بهالبرد صيده ما صيده ....

اعووووض النقص اللي فيني قبل لووووول


مظلووومه ياناس امانه بلغيني اول باول عن اخبااااارج وخلي وحده من خواتج او اي احد يدش المنتدى ويبلغني عنج عقب العمليييييييييييه امانه لا تنسين ... الله يعلم اني ابي لج الخير و الصحه و العافيه يارب


النيه الصاااافيه فقدددددددددددددتج اختي الالكترونيه قوليلي عن اخبارج ؟

 

[مظلومه ياناس]

هلا وغلا بالعزيزه الغاليه
ابشري ياعمري انا عمليتي السبت الجاي مو هذا لا الجاي

الحمدلله طمنتيني عنج والله اني احاتيج البارح
تعالي تاج انا شاكه اني حامل الله يستر بستره ما ابي احمل الحين حده مو وقته ابي اضعف اول شي

احس باعراض الحمل بس بحلل بعد اسبوع ويبين كل شي ادعي لي اني ما اكون حامل صعب احمل وانا ثقيله

 

[مظلومه ياناس]

الجمعه بنطع للبر وحتى شبك ما اقدر اشبك ياربي يامنتدانا الغالي شلون ابصبر عنك

وانتي ياتجتوجه شلون اعرف اخبارج

 

[ام مدعج]

مظلوووووووووومه ياناااااس حتى ان كنتي حامل و و انتي ثقيله صدقيني اللي ربج كاتبه لج بيصير بيصير لو حتى ما سويتي تحزيم ...

و احسن عشان تستانسين بالعطله اجلتوهاااا

وثانيااا انا بشبك لان عندي واير لس هني بالشاليه و اقدر اعرف اخبارج بس اذا انتيماراح تشبكين خلي وحده من رفيجاتج او خواتج يطموني عنج و انشاء الله مافيج غير عافيه ربج

بقولج سالفه وحده صج صج صج صااارت عشان ترتاحين


وحده فيها مراره

تخيلي دشت المستشفى وسو لها تحاليل و سوو حق المر اللي يمها بالعمومي تحاليل ...

تخربطت التحاليل وطلعت المره حامل بس بدلوووا التحاليل وقالو لها خلاص نقدر نسويلج العمليه و البنج و انتي مو حامل

و المره حامل بس تخربطوا بالتحاليل

تخيلي دشت العمليات وطلعت منهاااا و عقب 3 ايام حللت الا صارلها تقريبا 3 اسابيع حامل

وخافوا عالجنين

و ماشاء الله ولدت الجنين سلييييييييييم و الحين عمره 11 سنه ماشاء الله


شفتي شلون اللي ربج كاتبه بيصير سبحان الله

صج اني عياااره انصحج وحالتي حاله وانا خايفه اكثر منج لووووول

خايفه لا يصير فيني شي من التحزيم الحمدلله و الشكر الضااهر مخي فاااضي يلاا متى انخطب و اتزوج و اجيب عيال انشاء الله عشااان مخي يشتغل هههههههههههههههههه (( بذمتج مو قلت لج اني عفويه )) اتغشمر لاا و الله توني صغيرونه عمري 20 اسم الله علي لوووول

بس و الله ما اقص عليج الناس عيونها طايره علي لان شكلي تغير فوووووووق تحت لدرجه الناس تحلف يقولون مسويه عمليات شفط و تجميل خشم وحاله (( مع اني و الله ما سويت غير تحزيم )) >>> ما قصرتي


المهم اقري الموضوع اللي كتبته بهالقسم اللي يخص المتحزمات وياليت يفيدج

اختج : تااااج القرقه

 

[ام مدعج]

بنات هالموضوع حطيته بقسم السمنه و النحافه بس خفت انكم تدشون مستعجلين وما تشوفونه

قوووووووووووه بنات شلونكم وشخباااركم ؟؟؟

بما اني متحزمه وبما اني ما اكل اي اكله وبمااا اني اعاني لاني ما اكل الا الاشياااء اللينه وبمااااااااااا اني احبكم و اموت فيكم و انتو مثل خواتي وبماااا اني دايما اسوي اكلاااات للتحزيم يعني لينه وبما اني نازله ولله الحمد تقريبا 29 كيلوو و السبب الاكلات اللي اكلهم قررررت اني اكتب كل نوع اكله انا اسويها لي و اللي اهي تخص التحزيم ... حتى اللي مو مسوين تحزيم تقدرون تاكلون هالاكلات و انشاء الله تنفع وياكم و تنزل وزنكم بصحه يارب


الاكله الاولى :: لفائف المرتديلا مع الجبن ::
المقادير

1- شريحه مرتديلا (( يفضل turky لانه اخف نوع ))

1- شريحه جبن سلايس (( الرشاقه ))

الطريقه

1- تحطين المرتديلا و فوقها الجبنه

2- تلفينها رول و تقزينها بعود خشب يعني الجبنه تصير داخل مثل حشوه

3- تسخنين قفشه زيت زيتون بمقلى ... و تقلبين رول المرتديلا لمن تحسين ان الجبن ذاب


الاكله الثانيه :: بيض بالجبنه ::

المقادير

1- بيضه

1- شريحه جبن سلايس

1- ملعقه زيت زيتون

الطريقه

1- سخني الزيت زيتون

2- كسري البيضه وحمسيها

3- حطي شريحه الجبنه فوقها خليها تذوب


الاكله الثالثه :: همبورغر مفيوووح ::
المقادير

1- شريحه همبورغر لحم

2- ماء مغلي مع ملعقه خل

3- ماستتترد (( لانه اخف نوع صلصله ))

الطريقه

1- ضعي الهمبوغر بالماء المغلي مع الخل

2- لمن تستوي قدميها مع ماسترد


الاكله الرابعه :: تووونه يااا تووونه ::
المقادير

1- نصف علبه تونه بالماء

ملعقه بصل

ملعقتين معجون طماطم

الطريقه

1- سخني المقلاه

2- احمسي التونه مع البصل و المعجون لمن تصير هريسه هريسه

3- قدمي التونه مع ليمووون


الاكله الخامسه :: عيش بالجزر و الكوسه ::
المقادير

نصف كوب ارز

جزره مبشوووره

كوسه مبشوووره

رشه ملح وفلفل اسود

الطريقه

1- فوحي العيش و الخضار حيل لمن يصيرون لينين مثل اكل الاطفااال

2- قدميه مع دقوس عادي

بس تاكدي ان الكميه كلها تصير نص كووووب بسسسس مو تكثرون


الاكله السادسه :: معكرونيااا خفيفه ولذيذه ::
المقادير

1- ربع كوب معكرونه الاحرف (( افيد شي ))

ملعقه جزر مبشور

ملعقه بطاط مبشور

ملعقه كوسه مبشور

قفشه صغيره مايونيز light

الطريقه

1- فوحي المعكرونه مع الخضاااار لمن تصير لينه حيل

2- شخلي المكونات

3- خلطيهم مع المايونيز


الاكله الساابعه :: واحد فول يا معلم ::
المقادير

ملعقتين فول كاليفورنيااا الخلطه السريه مع غير قشور

ملعقه بصل

الطريقه

1- حمسي البصل مع زيت زيتون ملعقه صغيره

2- ضيفي الفول عليه


الاكله الثامنه :: بسكويت مع لبنه وزعتر ::
المقادير

شريحتين او ثلاث بسكويت Branettes تلقونه برف الريجيات بالجمعيات

ملعقتين او ثلاث لبنه خالي الدسم او فيلادلفيا خاليه الدسم

ملعقه صغيره زعتر

الطريقه

دهني اللبنه عالبسكويته و رشي عليها زعتر و اكليهم


معلوووووووومات مهمه للمتحزمات

1- عدم شرب الماء قبل وبعد الاكل بنص ساعه عالاقل

2- الاكثار من شرب الماااااااء لانه يساعد على شد البشره

3- الاكثار من شرب الحليب خالي الدسم لانه يساعد على نزول الوزن بشكل سليم

4- المشي عالاقل عشر دقايق باليوم >>> علمي نفسج

5- عند الجوع اكل شريحتين من بسكويت ritz لان اللي اكتشفته ان 8 حبات من البسكوت فيه 125 سعره تقريبا يعني شريحتين تقريبا 45 سعره زين او اكل 3 ملاعق لبنه خاليه الدسم (( الذ لبنه ulker ))

6- بفتره العاده (( الدوره الشهريه )) اذا اشتهيتوا تاكلون ككاو اخذوا قطعتين من ككاو كاندريل تلقونه جمعيات صوب الريجيم او الصيدليات

7- شرب حليب خالي الدسم عالريج لانه راح يريح المعده ويخليها تتهيئ بشكل سليم حق الاكل

8- انا وحده اكره الروب بس لمن سمعت فوايده صرت اكل عالاقل روبين بالاسبوع خالي الدسم لانه يسهل عمليه الهضم و يقي الجسم من الالتهابات بعيد الشر عنكم


9- اذا حسيتوا بالم مكان الخزان اثناء النوم بدلي الجهه اللي تنامين فيهااا


وبس هذي معلومات اللي مريت فيها وعرفتها من 6 شهور


وياليت تكونون استفدتوا من اكلاتي ومعلوماتي

 

[مظلومه ياناس]

خخخخخخخخخخخخخخخخ تجتوجه الاكلات اللي كتبتيها اسويها حق ولدي فوازي ويييييي يعني باجر لمن اسوي التحزيم راح اكل اكله المسيكين :eh_s(8): عاد انا استانس على اكل اليهال المعلب والسيريلاك

يعطييييييييييييج الف عافيه يالغلا والله قرقتج على سنع وانتي سنعه
تعالي بقولج لهالدرجه الرشاقه تحلي؟!!!!!
انا خايفه باجر لي ضعفت خشمي يطلع اشكبره راح ابتلش فيه

تجتووووووووجه الا ابسالج شعرج ماطاح من التحزيم؟

 

[مظلومه ياناس]

يــــــــــــــــــــــــــامــــــــــــــــال العـــــــــــــــــــــــــافيــــــــــــــــه

عسى ربي يرزقج بكل اللي تتمنين


النيه الصافيه وينها لاحس ولاخبر الله يستر عليها هالبنت من عيون الناس

والزعيمه نعيمه بعد (بنت الكويت) مالها طاري ؟

 

[دلوول 2006]

يا ما العافية يا مظلومة .... عسى ربي يجعلها خيره هالعملية وتحققين كل اللي في بالج يارب .

 

[مظلومه ياناس]

دوووووووووووووووووووووووول شلون العبايه الجديده خخخخخخخخخخخخخخخخخخخخخخخخخ شكيتج

 

[النية الصافية]

والنيه الصافيه شكثر صارلج مسويه العمليه وشكثر المده اللي نزلتي فيها
هلا فيج مستشاره قانونية
سويت العملية 29/12/2005 وصارلي سنه نزلت 23 كيلو بس وباقس تقريبا 7 كيلوات علي الوزن المثالي

 

[النية الصافية]

هلا
تاج
مظلومة
اشلونكم شخباركم انا بخير بس امس كنت تعبانه ونمت مبكر وما شبكت
اليوم رحت العيادة لاني احس بتعب ومكان البربيش يحرني فشال البربيش الدكتور والغرز والحمد الله كل شي بخير بس ما زال الخدور والعوار والحركة علي خفيف واطلب منكم دعائكم لي
والله يوفقكم ويعطوكم كل اللي تتمنون يارب
تدرون ليش يقولون شكل وجهج اتغير لانه سبحان الله الضعف يخلي ملامح الوجه تبين وهذي مشكلتي لما ضعفت الكل يقول بس وجهج متروس احلي خلاص ويهج صار كله خشم والجبهة كلها خطوط من وين ما ادري
الله كريم اشلون يشد الوجه الحين وينتفخ لو اشويه اللي عندها فكرة تقولي غير الابر يعني كريمات انبولات هالسوالف