هلااا و الله مظلووووووووووووومه و الله احرجتيني بطيبه قلبج ودعاااائج عسى الله يسمع منج يارب و اجمعين انشالله
النيه الصافيه ما تشوفين شر حبيبتي و عسى الله يعطيج اللي فبالج ويقومج بالسلامه ويعافيج
وو ام فيصل النور نورج يالغاليه و الله انتي اللي لج وحشه و البنات كلهم بهم وحشه
وبنت الكويت شخبارج شمسويه ؟؟؟ ما فقدتيني
وبالنسبه حق طلب اختي مظلومه ياناس ... طلبت مني اكتب لها شنو سويت من بدايه العمليه لي الحين وبكتب لج كل شي ولا يصير خاطرج الا طيب اهم شي تكونين راضيه
اول ما سويت العمليه لمده شهر و اسبوع بالضبط اشرب عصير تفاح كي دي دي او عصير كوكتيل الربيع او عصير جزر فرش من عالم المانجو وهذا رقمهم 5733305 ويوصلون لي البيت كنت اطلب عصير برتقال وجزر و حليب خالي الدسم وماي وبين كل عصير وعصير ساعتين او ثلاث ساعات عشان ما يصير فيني جفاف
و اول ششهر نزلت 11 كيلووو
و بعد الشهر و الاسبوع بديت اكل بطاط مهروس و كورن فلكس مهروس و عصاير و نودلز ومعكرونيااا بس النوع الخفيف يعني قللي الدسم و الصلصه على قد ما تقدرين
وبعدين عقب العمليه بشهرين مع التضيج بديت اكل بيض مفيوح مع جبن وبس ... همبورغر مفيوح طبعا هذا لمن كان مضيجها لي 5 سي سي كنت اكل بيض وجبن و همبورغر مفيووح او خضار مفيوحه مكونه من (( جزر بطاط برووووووووووووووووكلي اهم شي و سبانخ )) عشان يصير لين بس طبعا اقعد عليهم نص ساعه عالاقل ....
وبعد التضيج الاخير 7 سي سي الحين ... كورن فلكس (( فتنس )) او مرتديلا دياي شريحه وحده اقعد عليها ثلث ساعه او شوربه دجاج بالشعيريه ماجي اخف نوع او خضار الربيع هما ماجي او خضار مفيوحه و فوقهم شريحه جبن سلايس احطهم بالمايكرويييف عشان يذووووب
وفي نوع بسكوووت عجيييييييييب حق التحزيم يذووووب و خفيف وما يمتن وكله الياف مفيد اسمه (( Branettes )) تلقونه صوب اكل الريجيم و البسكوته الوحده فيها تقريبا 25 سعره حراريه ادهنها في لبنه ulker الخفيفه مالت الريجيم و اكل ثنتين على كل وجبه و اكل فول كاليفورنيا بالخلطه السريه مثلا عالغدا 3 قفشات من غير قشر لانه سهل الهضم او تونه محموسه بس ما اقدر عليها يكفي قفشه وحده بس ماقدر اكملهااا فمن جذي مخففه منهااا
و حاليا اكثر ن شرب عصير الجريب فروت الوردي لان يحرق الدهون
بس جذي نظامي اناااااا بس تدرون شنو المصيبه بنات
لمن اروح الشاليه و للاسف الحين بعد شوي بنروح الشاليه لي عطله 15 كلها لا تفقدوني ... ما يبقى ككاو وبسكوت وبطاط وبفك كل هالاشياااء تذوب عااد الكل ياكل وبرد موت ياربي شلون بقاومهم
بحاول اضبط نفسي
عاد امس رحت الجمعيه مع امي لان انا البنات يتجمعون عندي بشاليهنا مسويلي اهلي مثل الخيمه البامبو الخشب عشان رفيجاتي يجون عندي يسهرون ويقعدون فلازم اغراض خيمتي تكون كامله عن الفشله و الفشيله لا باجر يقولون هذي نحيسه هههههههههههههههههههه فرحت شريت ككاوات صغار وبسكوت اوريوووا وبطاط ليزومكسرات مدخنه و حلاو و حليب عشان نسخنه بالدوا و نشربه فمن جذي افكر الله يستر عسى بس ما اخرب و اكل
مصيبه كل هالاشياااء تذوب و الطامه الكبرى المكسرات الله يستر بس ههههههههههههههه بس اهم شي شريت اغراض التحزيم التونه و الفول و البسكوت اللي كتبت لكم اسمه ومرتديلا و شوربات و نودلز خضار ماجي لانه لين ومفيد و قوطاي حمص ومتبل السعوديه على كل وجبه نص قوطي صغار
اهم شي ما اكون ثقلت عليكم ادري انا قرقه اسمحولي ولا تفقدوني ترا بغيب اسبوعين عشان من الحين بروح الشاليه تدرون عطله 15 لازم بر
اختكم القرقه : تاج الوفااا
