كل وحده مسويه تحزيم معده تشاركني

[ام مدعج]

رد: بنت الكويت...كلمينا عن تحزيم المعدة...

و عليكم السلام و الله يبارك فيج

هلااا فيج butter fly انا العمليه كلفتني 2300 دينار تقريبااا و سويتها بالهادي على ايد الدكتور محمد الجارلله

 

[(الجوري)]

رد: بنت الكويت...كلمينا عن تحزيم المعدة...

مشاء الله مبروك النزول عقبالي0

 

[Q8_ButterFly]

رد: بنت الكويت...كلمينا عن تحزيم المعدة...

تاج الوفا مشكوره على الرد

بس مو جنه وايد ؟!؟!!

واهم يسونها حق الي اوزانهم تبتدي من جم ؟؟؟

 

[xxx]

رد: بنت الكويت...كلمينا عن تحزيم المعدة...

السلام عليكم ورحمه الله وبركاته

عسى الله يعطيكم الصحه و العافيه كلكم بنااااااات :eh_s(9):

بس للبنات اللي سوا العمليه عندي شويه اسئله ياليت تجاوبوني عليهااا قبل لا اسااافر عشان اتطمن ؟؟

اول شي الترجيع عزكم الله بسبب شنو يصير و في اي حالات ؟؟؟

ثاني شي شنو معنناااته لمن قلتوا (( كله اقص )) ؟؟؟

ثالث شي بس عطوني فكره الله يخليكم عن طريقه الاكل و هل فعلا تشعرون بغصه اثناء الاكل و الترجيع عزكم الله ؟؟؟

ويعطييييييييييك الف عافيه :eh_s(8):

صج نسيت لا اقول لكم الحمدلله انا نزلت 9 كيلواا خلال الاسبوعين اللي فاااات

حمدالله على سلامتج ومبروك النزول

الغصة تصير من الاكل الي ماتمضغينه عدل

والله لا يوريج اياها قولي آمين

حاولي تعلجين الاكل عدل وديريبالج على نفسج

 

[xxx]

رد: بنت الكويت...كلمينا عن تحزيم المعدة...

تاج الوفا مشكوره على الرد

بس مو جنه وايد ؟!؟!!

واهم يسونها حق الي اوزانهم تبتدي من جم ؟؟؟

ماعليه اختي برد بدال تاج الوفا

اذا بتسوين العملية بمستشفى حكومي تشترين قيمة الحلقة بس من بره

وفي انواع : ب 650 وفي ب 450

وبالنسبة لجم الوزن ؟

في حسبة يحسبونها وعلى أساسها يشوفون تصلح العملية ولا لا

حساب كتلة الجسم

اذا فوق ال 40 يسوون العملية

واذا 35 وفي سكر أو ضغط هم ممكن يسوولج اياها​

 

[انا كويتية]

رد: بنت الكويت...كلمينا عن تحزيم المعدة...

انا ماسويتها بس اعرف ناس مسوينها .... يسويها الدكتور بالمنظار وأثر المنظار يصير خمس ثقوب بالجسم بين مكان المعدة والبطن وتطول على ماتروح...... ويسونها للي وزنهم زايد عن طولهم أكثر من 30 كيلو .. يقولج الدكتور تقعدين يوم بالمستشفى بس الواقع يومين على الأقل .... تبدين بشرب السوائل لمدة 3 ايام وبعدين اكل مهروس ..... الأكل الناعم مثل الهريس والجريش ممنوع لأنه يترس المعدة بدون ماتقدر الحلقة انها ترده والحلويات ممنوعة لأن الهدف من الحلقة اكل كميات بسيطة من الأكل فالحلو كمية بسيطة منه تسمن فمافي فايدة منها بهالحالة..... ممكن تبقى الحلقة في بطنج دون مخاطر طول عمرج اذا سمعتي تعليمات الطبيب.... تحقن من فترة لفترة بسائل يحقن عن طريق ابرة بالبطن الهدف تضييق الحلقة من وقت الى وقت...... اول ما تسوينها تعانين من الترجيع والغص بالأكل اذا زدتي فيه...... ناس وايد ضعفوا منها اذا خففوا أكلهم ناس وايد ما ضعفوا الا 10 كيلو لأنهم بعد التعود على وجودها ياكلون وايد وخصوصا الممنوعات... أحسن الدكاترة موسى خورشيد والجارالله..... وفيه بديل وهو البالون للي وزنهم فوق المعدل ب30 كيلو.... ويتم بعملية منظار عن طريق الفم ببنج بدون تشقق وتخيط ويبقى 6 أشهر ومعدل النقص بالوزن فيه من 20 الى 30 كيلو خلال ال6 شهور ولازم ينشال بعد الستة اشهر....يعاني المريض بعد العملية من الترجيع لمدة يومين وبعدين يعيش حياته عادي

الخلاصة كل العمليات تتطلب الامتناع الأكل مثل التحزيم الأمتناع عن الحلو والبالون يحرمج من الأكل لأن اذا اكلتي وايد وايد ترجعين فليش ما نسوي رجيم ونفتك..... عموما انا انصح في الحالات اللي بس 30 كيلو تسوي البالون ............... وعلى فكرة بعد كل العمليات البالون التحزيم الشفط اذا ما حافظتي يرجع الوزن مرة ثانية

مع تحيات الدكتورة انا كويتية هههههههههههه

 

[xxx]

رد: بنت الكويت...كلمينا عن تحزيم المعدة...

الخلاصة كل العمليات تتطلب الامتناع الأكل مثل التحزيم الأمتناع عن الحلو والبالون يحرمج من الأكل لأن اذا اكلتي وايد وايد ترجعين فليش ما نسوي رجيم ونفتك..... عموما انا انصح في الحالات اللي بس 30 كيلو تسوي البالون ............... وعلى فكرة بعد كل العمليات البالون التحزيم الشفط اذا ما حافظتي يرجع الوزن مرة ثانية

مع تحيات الدكتورة انا كويتية هههههههههههه

صاجة العمليات مو سحرررررر

انا سويتها اول جم شهر نزلت وبعدين وقف وزني ولازم رجيم​

 

[النية الصافية]

رد: بنت الكويت...كلمينا عن تحزيم المعدة...

سؤال لبنت الكويت او من لديه اجابه
في حالة ثبات الوزن او يصعد كيلو ويرجع شنو السبب او شنو اسوي عشان ينزل صار لي من شهر 6 وهذا وزني شنو اسوي اروح الدكتور يضيق بعد الا شسوي لانه موعد شهر 9 ؟؟؟؟؟؟؟؟؟؟؟؟؟؟؟

 

[xxx]

رد: بنت الكويت...كلمينا عن تحزيم المعدة...

سؤال لبنت الكويت او من لديه اجابه
في حالة ثبات الوزن او يصعد كيلو ويرجع شنو السبب او شنو اسوي عشان ينزل صار لي من شهر 6 وهذا وزني شنو اسوي اروح الدكتور يضيق بعد الا شسوي لانه موعد شهر 9 ؟؟؟؟؟؟؟؟؟؟؟؟؟؟؟

الحــل

تتبعين نظام قليل السعرات

وتحاولين تمشين لو نص ساعه باليوم

وراح تنزلين باذن الله​

 

[النية الصافية]

رد: بنت الكويت...كلمينا عن تحزيم المعدة...

مشكورة
يت المدارس وان شاء الله نقدر نمشي عقب ما ينامون اليهال

 

[xxx]

رد: بنت الكويت...كلمينا عن تحزيم المعدة...

مشكورة
يت المدارس وان شاء الله نقدر نمشي عقب ما ينامون اليهال

الله يوفقج ولاتنسين تبشرينا بالاخبار الزينه ​

 

[ام مدعج]

السلام عليكم ورحمه الله وبركاته

قوه كويتياااات خواتي شلونكم شخباركم :eh_s(8):


انا تاج الوفاااا اختكم و عمري 20 سنه و احب اني اشاااارك هالموضووووع مع كل وحده مثلي مسويه عمليه تحزيم معده :eh_s(11):


نسووووولف و نتناقش بالريجيم اللي يخصناااا و اي وحده حاشها احباااط من التحزيم تقولنا و يعني تكون دوانيه بس حق اللي مسوين تحزييم و اللي تبي تشاركنااا حياهاا الله :eh_s(9): :eh_s(20):


انا اول وحده بشاااارك بتجربتي

انا سويت العمليه تاريخ 16-7-2006

قبل شهر ونص تقريباااا

و نزلت لحد الان 17 كيلووو قولو ماشاء الله :eh_s(3):


تغير شكلي 180% الحمدلله صرت خفيفه و نفسيتي تغيرت اصلاااا الحمدلله و الكل لاحظ علي هالشي


بس مرااااات تجيني ضيقه وودي ابجي لاني اشتهي الاكل بصراحه و دايما اقول حق امي ياليت عودي ضعيف لووووول

بس الحمدلله على كل حال و انا حاليااا ينقال لي مترووسه الحمدلله


يالله شاركووني تجاربكم

 

[xxx]

ألف مبرووووك النزول

معاج متحزمه سابقة :eh_s(20):​

 

[رند]

مبروك النزول حبيبتي
واللع يعطيج الصحه والعافيه

 

[مستشاره قانونيه]

تاج الوفا الف مبروك النزول

بس ممكن اعرف وين سويتي العمليه وجم كلفتج !!

واشلون طريقه العمليه يظل في اثر مكان الخياط بالجسم !!
ومشكووره

 

[Om_RayooMa]

مبرووك اختي وانشالله توصلين للوزن اللي تبينه
بس نبي التفاصيل شنو شروط العمليه؟ وجم كلفتج ؟ وين سويتيها ؟ ووووو كل شي وشكرا

 

[ام مدعج]

:eh_s(13): هلااا و الله بنت الكويت المتحزمه سابقاااا

الله يبااارك فييييييج

الفاتنه الصغيره الله يعااافيج و يبااارك فيج :eh_s(7):

خواتي مستشاااره قانويه و أطووطه الله يبارك فيكم و بقووول لكم كل شي عن العمليه ولا يهمكم :eh_s(10):


العمليه سويتها على ايد الدكتور محمد الجارلله بمستشفى الهادي و العمليه كلفتني 2400 دينار

و العمليه تصير ست فتحات باماكل مختلفه بالبطن الفتحات كلها على قرزتين الا وحده 3 قرز اللي تصير تحت الصدر الايسر مباااااشره :eh_s(11): هذا اللي عورني ...... و بعد العمليه بشهر كامل ما اقدر انام على جمبي اليساااار من الالم بس الحمدلله الحين ولا كانه فيني شي .........

العمليه يبيلها وحده فيها صبر لان ترااا انا قصيت مرتين بغيت اموت فيها اسم الله عليكم بس هالشي من دفاااشتي الزايده :eh_s(22):

ممنووووووووووووع تشربين ماي مع الاكل و انااا كنت مسااافره و قاعدين انا و امي بالمطعم و كليت بطاط مهروووس مع خضااار و نسيت قاعده اسولف مع امي و شربت ماي .... حسيت اني مخنوووقه بس الحمدلله شوي و رد علي النسم امي تقوللي وجهج صار لون ازرق لاني ما عرفت شلون ارجعه و انتو بكرامه خفت من جذي اختنقت بس عقبهااا حرمت اشرب ماي مع الاكل .... اهم شي اني صرت احس بالشبع بسرعه حتى من العصير الحمدلله

بس صدقوووني يابنات ان العمليه تجيب نتييييييييييجه الحمدلله و الحين انا اكل هريس و جريش و نودلز بس طبعا يكون لين حيل و اشياء تكون مهروسه و لينه بس بكميات قليله جدا و اهم شي حبوب الفيتامينات و المشي و اهم شي ان صارلي شهر ونص من سويت العمليه ما طب حلجي اي نوع مشروبات غازيه

بس مصيبتي ما امشي على الريجيم اللي موجود عندي بالورقه لاااا ... لاني انا مسويه تحليل الدم اللي ب120 دينار و اعرف شنو اللي يمتني و اللي ما يمتني .... الحمدلله الجريش و الهريس و المعكرونه ما تمتني من جذي اكل منهم بكمياات قليله و الحمدلله وزني ينزل عالاكل اللي اكله لاني قبل كنت اكل اكل قبيله كامله ههههههههههههههههههههههههههههههههههه و الحين اكل اكل عصفوووور

طولت عليكم بالسوالف صح

اختكم انسه : قرقه :eh_s(3):

 

[الحــــــلا كله]

انزين ودي اسويها بس انا زايده 20 كيلو عن وزني الطبيعي
ومتى افتح الربط
انتي جم زايد وزنج ؟ مليت ابي اسوي رجيم ماني قادره اصك حلجي

 

[bnt q8 in usa]

الله يوفقج بس اضن التخزيم لوزن معين صح
رفيجتي مسويه بس صجججججججججججججججج صارت تهبل عقب ماكانت
130 تقريبا صارت 69 كيلوووووووووووو وتالي شدت الشحوم المرتخيه

 

[ايفيان]

حمدالله على سلامتك

ومبروووك النزول وان شاء الله توصلين الوزن اللي تبينه ...