كل وحده مسويه تحزيم معده تشاركني

[مظلومه ياناس]

النيه الصافيه الحمدلله على سلامتج والله يعوضج يالغاليه وماتشوفين شر ...اشتقنالج حيييييييييييل سوي مثل ماقالو البنات وكله اجر وعافيه


الكيكه ...........اتغشمر يبه اشفيج ترا على قولة ام اراوي اشتقنا ومن الشوق قعدنا نتشره وترا ماينشره الا على الغالين يبه

ام اراوي على العالي ويازين اراوي بينهم ايووووووووووووووووووه شلونج وشخبارج انشاءالله طيبه وشلون المساج ؟ بشري جم ضعفتي عليه؟
انا نازله من بداية رمضان 3 كيلو ونص والنص هذا مره ينزل ومرااااااااااااااااااااااااات يصعد مو راااضي يثبت


بنات ابسالكم انا وانا صايمه القى وزني نازل ولمن اتفطر القااااه يصعد ... السؤال ايهو اصدق قبل والا بعد؟؟؟؟؟؟؟؟؟؟؟؟؟؟؟

 

[فطيرة فراوله]

هلا والله بمظلومه شيخه البنات كربونج والله انا واراوي وباجي الفيلق زينين الحمدلله والمساج الله يسلمج سويت 3 جلسات وبعدين يتني الدورة ولما تنزل الدورة لازم توقفين 9 ايام الدورة 7 ويومين فوقهم بعد والحين توني مخلصه ولاهيه مع السوق والعيد واغراضه فبخلي الروحه بعد العيد عشان التزم مرة وحده وانشالله خير قلبي .........

 

[النية الصافية]

هلا النيه الصافيه ... خيرة ان الحمل ما تم
الحمد لله لى كل حال .. و الله حمدي ربج .. خييييره

المهم .. انا تعورت ابجري و سولي تنظيفات ... اكلي ادوية النفاس اسبوعين و لبسي الكورسيه احسن علشان بطنج يدش
و شربي مره

و امشي من الحين المشي زين .. اكلي تمر ( شيلي الطعامه و حطي بمكانها رشاد )و اكليه و امشي ينظف البطن
و ان شاء الله ينزل وزنج قريبا

اتصدقين امس كنت ماخذه موعد عند خورشيد الساعه 9 بالليل للتضييق لو رايحه جان يمكن شفتج .. هههههههه

بس ما رحت لان ريلي لما شافني معزمه عالتضييق ( مو راضي اضيقها ) كلم لي دكتوري العجمي و رحت له الصبح بالمستشفى ضيقها لي

يالله الحمد لله عالسلامه و مو تروحين تحملين بعد ( لان من كلامج مبين شكلج متحسفه عالعوار )

عن الشفاحه اذا تبين عيال نطري عالاقل سنه خل يطيب بطنج

بعد عمري يالكيكة والحمد الله علي كل حال
وان شاء الله برجع اركب لولب او اسوي عملية ربط
حسافه الله ىمو كاتب موعدي كان الساعة 10 يله مره ثانية
الله يسمع منج وينزل وزني وهالايام قمت امشي بالسوق عشان عيالي اجهز حق العيد مع اللهوم نزل علي والله والبس كولسيه عادي وحزة النوم اقطه بس الحزام بعدني مالبسته يضقط بقوه عادي
انا الحين مضيقه 7 سي سي وانتي جم وصلتي بالتضيج؟؟؟
وزني 81.8 بالعياده ويارب انزل لوزني السابق 73 يارب
وبالنسبة علي اليهال اقول الف الحمد الله علي اللي عندي 5 الله يحفظهم ويبارك لي فيهم

 

[النية الصافية]

ام اروي
المظلومه
الله يسلمكم من كل شر ويعطيكم اللي في بالكم يا كريم وتصيرون رشيقات علي الصحه والعافية بلبس الحزام واجرب ام اروي بس اشكثر البسه انا اليوم صارلي 13 يوم من سويت العملية

 

[الكيكة]

انا مجموع التضييق عندي 2.5 لان وسعوها لي اوسع شي بشهر 5 و رديت اضيقها شوي شوي

انا وزني وصل 68 و صرت لوووعه الوع الجبد .... احلى شي علي 75 ( منيكان)
الحين وزني 78

 

[النية الصافية]

الكيكة
ان شاء الله تنزلين لي 75 يارب انا بالنسبة لي جسمي حلو صار عند 73 بس ودس لي 70 عشان سبير حق البلعه
مو قادره اكل شئ بس ارجع وطايحتله كتكات وشاي وبسكوت وبليل وانا نايم اذا كليت شئ وبنام يقعد علي جبدي اقوم من نومي وارجع حتي ريجي ما اقدر ابلعه

 

[النية الصافية]

اسال العلي العظيم ان يبلغنا ويبلغكم ليلة القدر وان يعتق رقابنا ورقابكم من النار

 

[الزين الاصيل]

مرحبا بنات انتم تسولفووون وانا في امس الحاجه لنصيحتكم انا بسوي تحزيم معده بس خايفه شجعوني امانه قولوا لي شلون ووين اروح\واللله راح ادعليكم لباقي عمري لاني حدي طفشااااااااااااااااااااااااااااااانه من المتن"(

 

[الكيكة]

الزين الاصيل لا تظيعين وقتج .

مايبيلها خوف و تفكير .. العلم تطور و لكل داء دواء.. أحمد ربي على نعمة التحزيم.. لما اروح لموعدي عند الطبيب احس ان كل الكويت مسوينها من كثر الزحمه.

صلي استخارة و توكلي على الله و سويها


اذا تقدرين تسوينها بالمستشفى العسكري ابلاش بس تدفعين فلوس الحلقه 650 دينار سويها عند د. محمد العجمي ثقه

اما مستشفيات الحكومه اذا ماعندج واسطات و ماتبين تنطرين مواعيدهم اللي بالسنه و بالسنتين سويها بالخاص عند د. خورشيد او د. الشرف تكلف 2000 دينار شامل التحاليل و قيمه الحلقه


ولاتخافين صدقيني .. التحزيم ترا يسوونه بالمنظار ... سهل و بس يومين و تطلعين من المستشفى ...مو مثل ما الناس متخيلين.. انا دشيت الثلاثا بالليل و سويت العملية الاربعا الصبح و رخصوني اليمعه الصبح

 

[فطيرة فراوله]

ياحلوج يالكيكه كلامج يشجع كربووووووووووووونج والله انا انشالله عزمت اسويها بس انشالله بروح الحج وارد واسويها باذن الله
وعيدكم مبارك
مظلومه وينج حبيبتي غطيتي مرة وحده اشتقنالج قلب
النيه شخبارج حبيبتي ولهنا عليج وطمنينا عليج عمري

 

[الزين الاصيل]

فديتج يالكيكه عل الرد والتشجيع اللله يوفقج ويخليج رمز للرشاااقه والجمال
امانه انا وزني حيل عالي يعني تنصيحيني اجل الحمال لان ولدي عمره سنتين ونص واسوي العمليه او احمل اول فيه ناس يقوولن سويهااا عشان ما احمل عل وززن ثقيل اواحمل وجل العمليه
حيل انا تعبانه من هالسالفه

 

[الزين الاصيل]

ابي اسالك يالكيكه عند منو سويتيهااااا وشتنصيحيني اسويها عند الدكتور نفسه انا سمعت عن سامي امان

 

[مظلومه ياناس]

ام اراوي هلا وغلا بالشيخه... يختج لهيت مع السوق والتجهيز للعيد ولولدي حبيبي
شخبارج قلب وشلونج وشلون بناتج مع كشخة العيد .... كم حصلتوا عيادي ؟؟؟


الزين الاصيل ............ توكلي على الله وسويها وانتي مغمضه وصدقيني ظروفج مثل ظروفي عندي ولد عمره سنه ونص وتعبت حييييييييييييل بالحمل والوزن الزايد فقررت اني ااجل الحمل وافكر باني انزل وزني فقررت اني اسوي العمليه والحمدلله الحين وزني يساعدني باني احمل واعالج للحمل ..والعمليه جدا بسيطه بس انتي استخيري

احلى شعور حسيته بحياتي هو لمن حملت بولدي ... ولمن اوقف على الميزان واشوف وزني قاعد ينزل .. توكلي على الله

 

[فطيرة فراوله]

هلا ياقلبي مظلومه اشلونج؟ احنا تمام الحمدلله والكشخه تمام التمام ولا تحاتين كشخة جنتج تراها صكت عالكل واشلون سكبة ولدي نسيبي حبيبي عسى الدشداشه تمام عليه كربونه والله
والعيادي سر اخاف تحسدونه تدرين 3 بنات حصلنا وايد ههههههههههه
وكلامدج يامظلومه صح 100 بال 100 لازم الحمل يكون على وزن قليل عشان نقدر نشيل عمرنا بالحمال يالله الحمدلله والله يرزقج يامظلونه وتحملين بكل سهاااااااااااااااله يارب
الاصيل سويها وانتي مغمظه انا نويت انشاللله اسويها بس بعد الحج انشالله
بس عندي سؤال لكم يا متحزمات ماياكم يوم اول ما سويتوا العمليه قلتوا ما ابي بشيلها ملييييييت؟
لان ريلي غصب اقتنع بالعمليه ويقولي الحين اخاف تركبينها وبعد فترة تقوليلي مليت بشيلها ؟
يالله جاوبوا بسرعه مظلومه انتي شابكه الحين يالله ردي بسرعه؟؟؟

 

[مظلومه ياناس]

ام اراوي تبين الصج ؟ الصج الصج وماراح اقول غير الصج اول ماطلعت من العمليات وانا بسريري قعدت ابجي اقول ياليتني مخيطه حلجي وصاكتها ومسويه ريجيم بدال هالعذاب وقعدت احاتي واوسوس واقول لو اني الحين ميته ولدي وين بيروح منو بيهتم فيه منو بيداريه امي حرمه كبيره ويالله بعمرها وخواتي كل وحده ببيتها ولاهيه بعيالها وزوجي اااااااااااااااااااااااااااه يازوجي اكيد بيتزوج ويلهى مع زوجته ويهمل ولدي ( استخفيت) كل هذا فكرت فيه وانا على سرير العمليه وانا طالعه من العمليه <<<<<<<<<< ادري خرعتكم تميت 3 ايام على هالحال ..بس بس بس الحين اقول يااااااااااااااااااااااااااااااااااااااااااااااااااااااااااااااااااااااااااااااااااااليتني سويتها من زمااااااااااااااااااااااااااااااااااااااااااااااااااااااااااااااااااااااااااااااااان ويني عنها هالعمليه لا ومتحسفه ماسويت تحويل مسار ( لاتلوموني صج العافيه حلوه بس الرشاقه أحلى وأحلى وأحلى .........وسلامتج ياام الخشوف

 

[فطيرة فراوله]

هههههههههههههههههههههههههههه
حلوة هذي ام الخشوف هههههههههه بس مافهمتها ترى لوووووووووووووووول
اها يعني الي افهمه من كلامج اني اتشجع واسويها واتوكل على الله
انا الي كنت اقصده ان بعد مده ما تحسفتي والحمدلله الي عرفته من كلامج انج ماتحسفتي كلش الحمدلله طمنتيني
عالعموم مشكووووورة ياقلبي وماتقصرين وهذا العشم فيج يا ام الغالي
بس وين باجي المتحزمات محد رد غير مظلومتي
وينكم يالنيه ويالكيكه فاقدينكم يالغلا؟؟؟؟

 

[الكيكة]

اهلين بنات عيدكم مبارك

الزين الاصيل استخيري و سوي العملية و لاحقة عالحمال .. اصلا تقدرين تحملين و الحلقه موجوده عادي و ممكن يوسعونها بفترة الحمال ولا جنج حاطتها

انتي الحين حطيها و نزلي جم كيلو على مالله يكتب لج حمل و تحملين
و مثل ماقالوا البنات حملي على وزن خفيف احسن لج حتى الولاده تصير اسهل

انا سويتها عند دكتور محمد العجمي بمستشفى الجيش .... ولا عمري تحسفت اني سويتها بالعكس و انا داشه العمليات جني داشه حفلتي فرحانه حيل اني بسويها .. و عقب ماطلعت من العمليات هم بعد مستانسه حيل و حاطه ايدي على معدتي اتحلى عليها جني وحده حامل و مستانسه على حمالها

احب الحلقه احبها ياناس و الله لاييب اليوم اللي يخليني اشيلها غصبن علي .

 

[sharofa]

انا كل اللي ضعفته رديته صج اول ماسويتها نزلت 30 كيلو بس عقب حملتين رديتهم و ما كو فايده اضوقها و توسع ما استفدت شي و مادري شسوي جسمي ترهل و الحاله حاله

 

[الكيكة]

شروفه ..
ضيقيها و لا تاكلين حلويات و كل ماحسيتي انج تقدرين تاكلين روحي ضيقيها اكثر
لا تخلين روحج جذي

 

[الغنادير]

هلا خواتي
يصير انضم لكم مع اني مب متحزمه سويت تحوير من شهرين