كل وحده مسويه تحزيم معده تشاركني

[مظلومه ياناس]

هلا وغلا ماسه نطري علي اجيب الورقه واكتبلج كل اللي فيها اوكي

 

[مظلومه ياناس]

6 صباحا عصير تفاح او اناناس او برتقال ويفضل فريش او كي دي دي علبه واحده 250 مل وتشربين حليب خالي الدسم نصف كوب 120 مل


9 صباحا لبن خالي الدسم او حليب خالي الدسم علبه واحده 250 مل

12 صباحا شوربه مصفاه ( اي شوربه تبين بس صفيها) كوب 120 مل وعصير جزر طازج صافي نصف كوب



3 مساء عصير اناناس علبه 250 مل


6مساء شوربه مصفاه كوب 120 مل وعصير جزر طازج نصف كوب


9 مساء حليب او لبن خالي الدسم علبه واحده

ارشادات التحضير للطعام....
1 ـ كل انواع العصير او الشوربه يجب ان تكون مصفاه
2ـ بامكانك شرب الماء بكميات قليله في اي وقت
3ـ استخدام العلكه الخاليه من السكر اذا كنت تشعر بان فمك جاف
4ـ الشاي او القهوه مسموحه باي وقت بس بدوووون سكر
5ـ يجب الامتناع عن الاطعمه الصلبه والثقيله حتى لاتسبب القيء او تزحزح الحلقه من مكانها

 

[مظلومه ياناس]

امشي على هالطريقه لمدة اسبوعين او 3 اسابيع وبعدين بكيفج اذا تبين تاكلين بس اكلي اكل مهروس


بالنسبه لسؤالج شلون كليت فقع فانا طبخته وااااااااايد يمكن ساعتين وبعدين هرسته والعيش كان شوي ملبووووج فكليت اكثر شي الفقع العيش مو ذاك الزود بس والله ماكليت شي عقبه من امس وانا عليه بس اشرب عصاير حاسه بالم بحنجرتي وبلعومي الله يستر

 

[النية الصافية]

انا مستغربه دكتوري ولا مره سوالي اشعة ليش ما ادري
انا بروحي من بعد العملية شويت الاشعة العادية اللي علي الصدر وشفت الحلقة مبينه
منو مثلي الحين صار لي سن وشهرين ولا مرة سوالي اشعه
مظلومة
روحي الدكتووووووووووووور او دقي علي العيادة قولي للدكتور شنو اتحسين فيه احسن

 

[مظلومه ياناس]

النيه شلووووووووووووووونج ليش عسى ماشر ليش بتسوين اشعه؟

النيه ودي اعرف شنو هالوجع الي تحت احنجره تهقين شي طبيعي ؟ والله حدي خايفه منه ومتضايقه

 

[النية الصافية]

النيه شلووووووووووووووونج ليش عسى ماشر ليش بتسوين اشعه؟

النيه ودي اعرف شنو هالوجع الي تحت احنجره تهقين شي طبيعي ؟ والله حدي خايفه منه ومتضايقه

والله ما ادري شنو اقولج ما ادري ان شاء الله ماكو الا العافية بس مثبل ما قتلج اتصلي علي العيادة وسالي الدكتور احسن

 

[مظلومه ياناس]

ماقلتيلي انتي ليش بتسوين اشعه اسم الله عليج عسى مافيج شي ؟
ديري بالج على عمرج واذا شاكه بشي روحي لدكتورج

انا انشاءالله بروح له الثلاثاء واشوف شعلتي

 

[مظلومه ياناس]

النيه شكله ماكو الا انا وانتي ...نطامر من منتدى لمنتدى

 

[النية الصافية]

هههههههههههههههههههههههههههههههه
ما فيني شئ ان شاء الله
بس البنات يسون لهم اشعه عند التضيق ويتاكد الدكتور من وقت لي وقت من الحلقة وانا دكتوري ولا مرة عشان جذية اسال

 

[مظلومه ياناس]

واااااااااااااااااي خرعتيني اشوا يامعوده اهم شي كل شي تمام...وانتي الله يهداج خفي من الحلويات شوي علشان عرس اختج تطلعييييييييييين سمبتيك وتلبسين شيييييييك

 

[النية الصافية]

سكتي انا الحين حاطه يمي علبة كاكاو مالت جالكسي مع قهوة

 

[masaa]

تسلمين لي مظلومه علي هالمعلومات ياقلبي والله انه سوالي
وخلاني لاورقه ولا شي بس قال لي عالسريع وهو عندي الصبح يوم السبت (لابس دشداشه بعد شكله بيسافر لان اختي راحت العياده لقتها مسكره)صج فاضيه انا مو :eh_s(6): تدرين احاتي القهوه احبها حيل
والدكتور المصري قال لي لاتشربين بس الحين استانست من قلتي لي
بشرب شرب قهوه اعوض اللي فات
النيه والله اانا بعد محتاره شلون مايسوي شك اب عليها من فتره لفتره
تدرين معاي وحده بالسلام نفس اليوم مسويه تغير مسار تقول ماقالها راجعي
ولا شي بس قال دقي اذا تبين شي.بس انتي المفروض تطلبين لاني انشالله انا
راح اطلب من فتره لفتره اشعه اذا الله راد انشالله
مظلومه قلبي الحنجره مالها شغل بالمعده لاتحاتين بس تاكدي وسالي احسن بعد لان وضعنا مو مال ان الواحد يعتمد علي كلام الغير وبس لازم تاكيد من
دكاتره واختصاصين بس انشالله مافي الا العافيه
زين اخر سوال
اخر سوال محرج
اللي فيها امساك شنو تسوي اتصل علي العياده مايردون شكله الدكتور مارد
بعد:eh_s(14):

الف
الف شكر مظلومه والنيه الصافيه :eh_s(17):

 

[النية الصافية]

ما ادري اشفيني صايرة مينونة كاكاو وحلو وما عندي اراده مثل اول ودي استخدم حبوب فيتو شيب بس اخر علبه خذيتها ما جابت معاي نتيجه ليش ما ادري ومحتارة باقي علي رس اختي بالضبط 22 يوم وانا محتارة زايده كيلوين او 3 كنت 72 واليوم وزنت 75.4
ما ادري اروح كل يوم امشي لو نص ساعة بالمشي علي خفيف عشان بطني والفتاق ما ابي اهوس علي عمري
ياناس دلوني درب الرشاقة وينا ...... ابي انزل لو خمس كيلوات...... قبل عرس اختي
خوش اغنية
ههههههههههههههههههههههههههههه
الامساك عادي
شربي عصير برتقال فرش 3 اكواب باليوم واكلي خضرا
واذا ما نفع شربي اعشاب مثل شاي رويال
واذا ما نفع حطي تحاميل للامساك من الصيدلية
وافضل طريقة حطي فازلين بالمقعده تلين المنطقة وتساعدج علي الخروج
وان شاء الله بس اروح العيادة بطلب منه انه يسوي اشعة عشان انا اطمن

 

[مظلومه ياناس]

هلا وغلا الماسه عندي رقم السكرتيره ام احمد احطه لج بالخاص وبالنسبه للامساك شي طبيعي لانه معدتج اصلا خاليه مافيها الا السوائل ومثل ماقالت اختي النيه الصافيه شربي عصير برتقال فرش

النيه اشتبين بالفيتو شيب انتي اساسا ماتاكلين الا الحلويات يعني اشتبي تسويلج االفيتو شيب

ماسه الدكتور عطاني اول اسبوع فيتامينات لان الدوخه كانت ذابحتني
اذا تبين اسمهم قوليلي

النيه طريقة الفازلين صعبه شوي هعهعهع حق اليهال تصلح بس احنا شيلحق عليه الفازلين

ماسه حبيبتي شربي قهوه بدون سكر ديري بالج تعالي ماقلتي لنا جم نزلتي ؟

 

[النية الصافية]

ههههههههههههههههههههههههههههههههههههه علي الفازلين
اتصدقين نفع معي حق الهوي كان يطلع بسهوله بس الامساك مو واييييييد

 

[ام مدعج]

السلااااااااااااااااااااااااااااااااااااااام ... قوووه بنات شلونكم وشخباركم بذمتكم ما ولهتوا علي

توني راده من الشاليه الله يالجوو و الوناسه الحمدلله استانست

النيه ومظلوومه شخباركم وشمسوين عساكم بخير ... ابي كل وحده تقولي تفصيل ممل عنها ولو اني ما امل منكم بس شسوي من زمان ما شفتكم وولهانه عليكم

بالنسبه لي وزني الحين 82 ونص الحمدلله بس الحمدلله و الشكر منهده عالاكل (( بفك وودقوس و ككاوات و ايس كريم و مكسرات الله لا يوريكم )) بس خلاص خلصت العطله و الوناسه لووول

النيه ترا انا مثلج صارلي الحين تقريبا 7 شهور ولا سويت اي نوع اشعه ؟؟؟

و بالنسبه حق خزانج شلون متسرب منه السائل ؟؟؟

يمه لا يكون انا خزاني متسرب منه لاني صايره مشفوووحه اكل الحمدلله و الشكر

بنات باركولي صرت البس نفانيف مثل هند رستم هههههههههههههههههه اللي يصير فيهم تحت السدر حزام عريض وبعدين منفوووش عالخفيف حق العروس ...

الا صج بنات بقولكم شغله جد جد ... قبل لمن كنت متينه ولا مره تطل بوجهي ودايما ناس يذكروني بس من يشوفوني بعرس ولا بمكان يهونون عني (( خطبه يعني ))

و الحين يا بنات و الله من غير مبالغه وين ما اروح يخطبوني و يتنطروني من عرس لي عرس عشان يشوفون التغير بذمتكم ما يحز هالشي بالخاطر يعني لهدرجه الناس معتبرين المتن شي مو زين كلش كلش و الحين لمن ضعفت بيخطبون ليش انشاء الله شنو يعني قبل ماكان عندي قلب و الحين ايه ... ياما في بنات متان قلوبهم نظيفه و اخلاق وبنات ناس وبنات ضعاف بس مو شي لا اخلاق ولا سمعه بس مادري ليش الناس الاغلبيه ينظرون للشكل ؟؟؟ للاسسسسسسسسسسسسسسسسسسسسف

شكلي ماراح اوافق عالزواج كلش كلش الا من ناس من كوكب ثاني ما يعروفني ولا اعرفهم عشان لا يقولون هذي قبل كانت متينه للاسف الناس تعقد الواحد غصب ههههههههههههههههههههههههههههههه

 

[مظلومه ياناس]

تااااج لاتكلميني زعلانه عليج
يالقااااطعه وينج انتي؟؟؟؟ والله انا قلت خلااااااااااص ماراح نشوفها صارت رشيقه وماعاد تبينا احنا البطات الله واكبر

 

[ام مدعج]

مظلووووووووومه ماعاش من يزعلج افا عليج بس انا قتلج و الله مشغوووله بهالدراسه و ابد ما انساكم ومستحيل اخليكم بالعكس و الله اني اسئل دايم عنكم حتى ان ما شبكت اخلي اختي تدش تطمن عليكم و تقولي

قوليلي شلون التحزيم وياااج وشلون الحلوين عيالج

 

[ام مدعج]

http://www.tickerfactory.com/weight-loss/wXcafdB/

بنات هذا وزني سويته مثل النيه بس مابي احطه بس جذي سويته

 

[masaa]

:eh_s(6): مظلومه بليز قولي انا البطه انا عني مالي شغل في حزبكم
(هذا وانا توني ماضعفت )مالي خاتمه موووووووووووووووووووو
النيه الصافيه تسلمين لي علي معلوماتج بس انا خايفه اخذ رويال ولا ا انا من مشجعينه القدامه لاني يالله اتحمل عوار العمليه اليوم خامس
ولما الحين عوار
وعلي الوزن مادري يوم السبت اروح له وراح يوزني واشوف بس خواتي
يقولون اني فاااااااااااااشه والله لو مانزل اثورررررر بنفسي علي المجاعه
هذي:eh_s(13):
مظلومه ياقلبي الله لايخليني منج مشكوؤره علي الرقم وياريت اسم الفيتامينات لانهم ماعطوووووووووووووووووووووني شي ولا شي
عارفه نظام حذووووووووووه فغلوووووووووووووووه
واانا المسيكينه انا انا المظيييييليمه انا (علي اخر التحزيم بنكون فرقه يالنيه
شرايج )ههههههههههههههههههههههههههههههههههههههههههههه
:eh_s(3): احلي من اغنيتج يالنيه