السلام عليكم ورحمه الله وبركاته
قوه بنات شلونكم وشخباركم ... و الله اني افكر فيكم و اسئل عنكم دايم حتى لو بيني وبين نفسي بس مافي وقت اشبك و بصراحه دوامي هالكورس كلش ما يفتح النفس يعني دوامي يوميا الساعه 8 الصبح يبدي : بالله هذي جامعه
وبالنسبه حق التحزيم ... الحين وزني صار 83 بالضبط يعني نازله 32 كيلو تقريبا الحمدلله ... و الفال لكم يارب
الكل يقولي جسمج زين الحين مايبيلج الا 3 كيلو مساكين ما يدرون اني ينزل بعد 15 كيلو بصير معصقله بس بصحه باذن الله
بنات يالمتحزمات طحت لكم على اكله عجيبه و الله ... مربى خاليه الدسم فراوله مع جبن فيلادلفيا لايت مع البسكوت اللي قلت لكم عنه مال الريجيم brattes تقريبا اسمه جذي ما اذكر حلووووه حق الصبح قبل الدوامات و تذوووب بعد وشي ثاني اليوم رحت الجمعيه و شريت لي معكرونيه المطاحن مالت الارقام و الاحرف مالت اليهال ... عاد امي قالت لي بتفوحها لي مع خضاااار يعني تنهرس مفيده و انشاء الله كل ما اكتشف اكله اقولها لكم
و اماااااااااااااااااااااااااااااااااااااااااااااااااااااااااااااااااااااااااااانه بنات تكفووووووووووووووووووووووووووووووووووووووون طالببببببببببببببببببتكم طلبه ابيكم تسامحوني اذا طولت بالردود لان و الله مشغوله هاليومين بالدراسه و الدوامات بس داي بكون وياكم
النيه قوليلي شخبار بطنج الحين عقب الشدد ؟؟؟ وشلون الحلوين عيالج
مظلومه و انتي بعد شخبار الحلوين وشلون التحزيم وياااج ومبروك النزول و ادعيلي تكفين :"(
يلا بنات اشوفكم على خير يارب وديروا بالكم على روحكم كلكم من غير استثناء
عسى الله يوفقكم يارب ويعطيكم كل اللي فبالكم ويفتح لكم ابواب الخير و ايسر اموركم
امين يارب العالمين
