كل وحده مسويه تحزيم معده تشاركني

[كويتيه78]

بنات ..


سلام عليكم ... انا قريت حوالي .... 50 صفحة ليما تعبت ..... بس رح اكملهم

اول شي انا حدي مستانسه اني لقيت ديوانية حق المتحزمات و انا الي كان عبالي بروحي بهالمنتدى متحزمة و انحبطت


الله يسلمكم سويت عمليتي يوم 24-6-2009 يعني قبل 3 ايام


سويتها بمستشفى السلام . عند د.متولي عفيفي من عيادةالصفاة الامريكي .

الدكتور يهبل .. نفسيته وااايد حلوة ووايد مريح قبل و عقب العملية ..

بس بطني مفتوح 6 فتحات يا بنات مو 4 ولا 5 نفس الي قاعده اقراهم هني ...

رفيجاتي مسميني مشخاله !!

المهم .. قعدت بالمستشفى يوم كامل بالظبط .. و طلعت ثاني يوم الصبح ..


و كلفتني حوالي 2000 دينار .. اكثر او اقل بشوي مادري بالظبط

الحين انا كله اشرب ماي و شوربة خفيفة ..

احس مليت ابي اشرب شي ثاني و مادري شنو اشرب


شربت عصير تفاح .. و عصير عنب

الحمدلله ماشي الحال لحد الحين

بس بنات ابي اسألكم

انا ليلحين مكان المخزن او القرص أو ايا كان ما تسمونه .. الشي الي حق الحقن ... يعورني شوي بالقومة و القعده ... و اذا بتقلب على جنبي و انا نايمة

فهل هالشي طبيعي و لا بس انا الي احس فيه ؟؟

و هم بعد بغيت اسألكم ...


سؤال محرج ........................



متى لبستو ستيان ؟؟؟؟ انا احس مكانه وايد يعورني و حاولت امس البس ستيان عشان اروح اقز الابره مالت تخثر الدم بالمستوصف و ما قدرت

طلعت من غير ما البسه لبست عبايه و حطيت شال و حالتي حاله عشان لا يبين شي بس كلش مو حابه الموضوع

احس مكانها غلط حدها .. تحت صدري بالظبط على مكان حز الستيان ماقدر البسه امس حيل عورني حسيت قاعد يضغط على عظامي !


بليز هالموضوع وايد مسببلي عقده ... عادي ولا بس انا الي جذي ؟؟

اخيرا صار في احد بالتجمع صارله فتره مهجور الحمدالله لقيت احد يونسني


حمدالله على سلامتج حبيبتي وانشالله تضعفين وتوصلين للوزن اللي تبينه
بالنسبه لفتحات العمليه انا 4 فتحات بس اخاف انتي مسويه عمليه ثانيه معاها سالي دكتورج ليش هالفتحات
وبالنسبه للستيان انا عادي لبسته بس كنت ارفعه من فوق صوب الجتف عشان لايضغط على الجرح وطبيعي العوار اللي انتي حاسته لان الجرح هذا اكبر واحد عشان جذي يعورج واول ايام صج ملل ي سوائل بس ماتحسين بجوع عادي بعد عديها لما تشوفين وزنج نازل راح تستانسين وتنسين كل العوار وطمنينا شيصير معاج حبوبه ​

 

[كويتيه78]

السلام عليكم
لوسمحتي بسال كم سؤال الاكل لازم يكون سائل ؟
يصير آكل اكل طبيعي بعد فتره مثل خبز اول لحم بكميات صغيره اشبع؟
متى اجوع مره ثانيه؟
الحلقه متي تسبب التصاقات او مضاعفات؟
السؤال الاخير هل انعيش طبيعي مثل الناس الضعاف اللي ياكلون على شويه

حبيبتي انا بالنسبه للاكل تقدرين بعد فتره تاكلين بس يبيله تمضغين الاكل عدل مدل يعني ينزل الاكل واهوا ذايب عشان يطوف ومرات تكون الغصه خطره اي ديري بالج وعادي نقدر نعيش طبيعي حالنا حال الناس بس كميات اكلج وطريقه الاكل تتغير يعني اللي متعوده تاكل بسرعه لا لازم تاكل شوي شوي وبالنسبه للمضاعفات على حسب اللي ترجع وايد اهي اللي يصير معاها مضاعفات اهوا اهم شي ماترجعين لانه يهيج المعده وممكن يسبب مشاكل وبس اي سؤال انا حاضره​

 

[كويتيه78]

السلام عليكم

شلونكم بنات

صايرلي فترة غايبة عن المنتدى وهالموضوع ردني

احس اني محتاجة اسولف مع احد فاهم وضعي

انا توني مسوية تحزيم قبل يومين سويت العمليه يوم الثلاثا 28-7-2009

وماكنت حاطتها في بالي لاني حدي خوافه كنت رايحة اسأل الدكتور عن البالون بس لما قلتله ابي بالون حسيته انصدم وقاللي بااالووون!! باستنكار بعدين قاللي ما انصحج طبعا هالشي بتاريخ 26-7 كان يوم الاحد وقعد يكلمني عن تصغير المعدة وتحويل المسار انهم ناجحين وافضل من اختياري وانا ارد عليه دكتور انا اخاف مابي تقصون معدتي ومصاريني اخاف ما اتقبل جان يقوللي كيفج متى تبين تسوين البالون قلتله عقب باجر يعني الثلاثا عطاني تحاليل وورقه عشان ادخل على دكتورة التخدير تشوفني , يوم الاثنين سويت التحاليل ورحت المستشفى دخلت على الدكتورة مالت التخدير لما قلتلها اسمي عرفتني قالتلي ايييي انتي اللي الدكتور قايلي قنعيها تغير رايها عاد قامت تقوللي ان العملية مو ناجحة وان وايد ناس مايقدرون يتحملونها نحطلهم البالون الصبح يقولولنا شيلوه العصر وفيه ترجيع وضيجه وتعب يعني صكتها بويهي وانا بروحي خوافه قلتلها انا اخترته لانه مافيه جراحة وانا اخاف من الجراحة والتقصص قالتلي ليش ماتسوين تحزيم هذا شي بسيط بعد ومافيه قص طلعت من عندها وانا راسي مفتر تخيلوا باجر لازم ادش المستشفى الصبح وانا ليلحين مو مقررة شبسوي دقيت على دكتوري قلتله السالفة قاللي احنا نبي مصلحتج وننصحج باللي نعرفه وانتي كيفج وترى التحزيم التعب عقب العملية واااااايد اخف من البالون اليالون راح تتعبين وايد اول 10 ايام على ماتتعودين عليه ويخف الترجيع

عقب كل هالحجي قلتله خلاص يعني اسوي تحزيم برايك قاللي صدقيني افضل وماراح تندمين

دخلت المستشفى الصبح الساعه 8 على ماجهزوني وكل شي لما قالولي الحين بنوديج العمليات قزوني ابرة واخر شي اتذكره اني صعدت على السرير وغطيت ويهي عشان شعري لايبين ومااااذكر شصار الا واهما حاطيني بسريري بغرفتي واصرخ آآآآآي واقول جتوفي يعور[وني وعقبها نمت ويومها تميت انام واقوم اروح تكرمون الحمام لي الصبح وياني الدكتور شاف مكان الخياط وعطاني جدول الاكل وطلعت


الحين بصيرلي 3 ايام ماقولكم احس بألم بس شعور اني مو مرتاحة ومكان الخياط اللي بالنص فوق اهوة اللي يعورني جنه مشدود لي داخل واللي مضايقني اني ماقدر انام عدل انام على ظهري واحس اني اختنق يعني نمت 11 قعدت 2,5

بنات صاير فيني مثل الوسواس اخاف انه يصير فيني فقر دم لاني مو قاعدة اكل صايرلي يوم بالمستشفى بس مغذي وامس بس عصير كيديدي شربت تقريبا 4 وماي , عادي؟؟؟ والا يصير فيني جفاف ويتأثر جسمي ؟؟
ماحسيت اني يوعانه بس احس بخمول

كاتبيلي بالجدول اول شهر كامل بس سوائل وشوربة مشخوله انتوا التزمتوا بهالشي؟؟

وبنات في منكم صار فيها مثلي تكرمون صاير فيني اسهال واحس بطني فيه هوا يطلع صوت يخرع


قلتلكم قصة حياتي ماعليه استحملوني

ان شالله يارب كلنا نضعف على صحة وعافية


لتل كوين انا بعد عورني البرا لما لبسته لان ضغط على الجرح حاولي تلبسين الخفيف القطن ومايكون فيه حديدة والحمدلله على سلامتج انتي تقريبا معاي /center]​

​

حمدالله عالسلامه حبيبتي زين سويتي هالعمليه مو خطره ومالها اي اثار جانبيه وزين انج اخترتيها ولاتندمين على شي سويتيه وبالنسبه لفقرالدم لا انشاالله مايصيرفيج فقر دم لانه اول الايام انتي تشربين شوربه يعني فيها فيتامينات واهي بس كميه الاكل تقل يعني حطي حيلج بالاشياء المفيده وشربي ماي الدياي اواللحم او الخضار مو الشوربات الجاهزه وشربي عصير عنب وتفاح وانشلله ماكو الا العافيه هذا بس اول شهر بعدين عادي وبالنسبه للاسهال حتى انا صار فيني اول الايام عادي البطن قاعد ينظف من السوائل وانشالله ضعفين بصحه وعافيه يارب ​

​

 

[كويتيه78]

ينات العمليه هذي مساعده لنزول الوزن يعني مو سحر مثل تحويل المسار يبيلها رجيم ومشي ورياضه انا صارلي 8 شهور مسويتها نزلت 12 كيلو بس والدكتور يقولي هذا طبيعي عشان الجسم لايترهل وانا اساسا ما يبيلي وايد يعني اقل من 15 كيلو انشالله بنات ادعولي انشالله انزلهم بصحه وقولولنا بنات عن سوالفكم شتسوون ويا الحلقه حلو هالتجمع شغال

 

[كويتيه78]

up
up
up
up

 

[dalal art]

uppppppppppppp حمدالله على سلامة الجميع

 

[كويتيه78]

up
up
up

 

[كويتيه78]

وينكم يامتحزمات
up

 

[نوره في وسط صوره]

السلام عليكم
انا مسويه العمليه 2006
عند موسى خورشيد وتزوجت وحملت وولدت والحين ابي اسال متى اشيلها انا مابي اتعرض للالتصاقات ضعفت ورديت متنت بسبة الكاكاو وهم ضعفت بس مهما متنت ماوصلت لوزني قبل العمليه حتى وانا حامل ماوصلت لمتني قبل مااركب الحلقه
الحين السؤال منو شالت الحلقه وجم كلفتها ويصير اشيلها الحكومه ..؟؟؟
مادري شسوي

 

[Remona]

السلآم عليكم
صباح الخير بنوتات
ما قصرتو كلكم ع المعلومات و النصايح
و الحمدلله على سلآمة الكل

دخلت الموضوع حبيت تشاركوني و عندي تساؤلات ..
ناويه اسوي تحزيم المعده بمستشفى حكومي لانه الحاله الماديه مش ولا بد
خايفه وايد وقاعده افكر اول عمليه اسويها بحياتي
لكن مضطره اجازف لانه وزني زاد عن الـ 100 بشوي
و ما في اراده لـ ريجيم حتى الرياضه مو قادره

اتمنى اللي عندها خبره ترد و تفيدني نقطه نقطه عشان خايفه و حابه افهم

س1 العمليه صعبه ! ياليت شرح للي صار لكم
س2 لها مضاعفات او آثار جانبيه ! و شنو اللي تعبكم ؟
(النومه / القعده / الحمام عزكم الله / اللبس / ..الخ) شلون وضعكم بعد العمليه ؟
س3 نوع الاكل !
س4 قريت بكلامكم " التصاقات " .. مافهمت بصراحه ممكن توضيح ! و شنو الحل للالتصاق
س5 لو فيه مضاعفات او مشاكل صحيه .. لها علاج ؟ دائمه ؟ ولا جم يوم و خلاص !
س6 اسم دكتور بالحكومه لهالعمليه زين !
س7 اي معلومات و نصايح اضافيه تفيدنا !

اعذروني ع الاطاله
خايفه و ناطره ردكم بأسرع وقت لاني هالاسبوع ببلش زيارات للمستشفى
و ما تقصرون حبايبي
​

 

[كويتيه78]

السلام عليكم
انا مسويه العمليه 2006
عند موسى خورشيد وتزوجت وحملت وولدت والحين ابي اسال متى اشيلها انا مابي اتعرض للالتصاقات ضعفت ورديت متنت بسبة الكاكاو وهم ضعفت بس مهما متنت ماوصلت لوزني قبل العمليه حتى وانا حامل ماوصلت لمتني قبل مااركب الحلقه
الحين السؤال منو شالت الحلقه وجم كلفتها ويصير اشيلها الحكومه ..؟؟؟
مادري شسوي

حبيبتي ليش بتشيلينها اهي ملتهبه او دشت بالمعده اهي عادي تظل معاج للابد اذا مافيها اي شي تقدرين تضيجينها وتضعفين بعد
روحي لدكتورج نفسه واستشيريه وقوليلنا شيصير معاج

 

[كويتيه78]

السلآم عليكم
صباح الخير بنوتات
ما قصرتو كلكم ع المعلومات و النصايح
و الحمدلله على سلآمة الكل

دخلت الموضوع حبيت تشاركوني و عندي تساؤلات ..
ناويه اسوي تحزيم المعده بمستشفى حكومي لانه الحاله الماديه مش ولا بد
خايفه وايد وقاعده افكر اول عمليه اسويها بحياتي
لكن مضطره اجازف لانه وزني زاد عن الـ 100 بشوي
و ما في اراده لـ ريجيم حتى الرياضه مو قادره

اتمنى اللي عندها خبره ترد و تفيدني نقطه نقطه عشان خايفه و حابه افهم

س1 العمليه صعبه ! ياليت شرح للي صار لكم
س2 لها مضاعفات او آثار جانبيه ! و شنو اللي تعبكم ؟
(النومه / القعده / الحمام عزكم الله / اللبس / ..الخ) شلون وضعكم بعد العمليه ؟
س3 نوع الاكل !
س4 قريت بكلامكم " التصاقات " .. مافهمت بصراحه ممكن توضيح ! و شنو الحل للالتصاق
س5 لو فيه مضاعفات او مشاكل صحيه .. لها علاج ؟ دائمه ؟ ولا جم يوم و خلاص !
س6 اسم دكتور بالحكومه لهالعمليه زين !
س7 اي معلومات و نصايح اضافيه تفيدنا !

اعذروني ع الاطاله
خايفه و ناطره ردكم بأسرع وقت لاني هالاسبوع ببلش زيارات للمستشفى
و ما تقصرون حبايبي
​

حبيبتي روحي حق الدكتور باسل السميط وممكن يسويلج ايها بالحكومه عادي بصراحه خوش دكتور ولاتجازفين عند اي دكتور وبالنسبه لوزنج والرجيم شوفي الحلقه مو سحر اهي تساعدج على الرجيم يعني اذا انتي ماتقاومين الاكل وبالذات الحلو ماراح تفيدج بشي سالي الدكتور احسن
وبعد العمليه الوضع عادي بس اول 3 ايام مكان الغرز يعور بس عادي تقدرين تقومين بروحجوتروحين حمام عادي انا بعد جم يوم عادي سقت سيارتي وطلعت من البيت بس هم يبيلج راحه وماتشيلين شي ثقيل مده اسبوعين يعني مايصير تداومين بعدها لازم راحه وعادي لاتخافين ولتحاتين بس اهم شي الدكتور اللي يسويلج العمليه قبل كل شي ​

 

[برونريه راقيه]

حمدالله على السلامه للكل وانا ابشركم نزل وزني في اقل من اسبوعين 4 كيلو والف الحمدالله والشكر واي استفسار انا حاضره

:tek::tek::tek::tek::tek::tek::tek::tek::tek::tek::tek::tek::tek:

 

[كويتيه78]

حمدالله على السلامه للكل وانا ابشركم نزل وزني في اقل من اسبوعين 4 كيلو والف الحمدالله والشكر واي استفسار انا حاضره

:tek::tek::tek::tek::tek::tek::tek::tek::tek::tek::tek::tek::tek:

بالعافيه عليج حبيبتي وحمدالله على سلامتج

 

[برونريه راقيه]

الله يسلمج اختي ومشكوره والله يسعدج يااااااااارب

 

[roses_77]

سؤال يا بنات
انا مسويه تحزيم وبسوي التحوير ان شاء الله
العوار نفس التحزيم ولا غير؟
لان التحزيم كلللللللللش ماحسيت فيه الحمد لله اللهم التهب الجرح بس عادي مو عوار مااتحمله
ومتى اقدر ارد الدوام؟ اسبوع كافي ؟

 

[ام زين العابدين]

ِالسلام عليكم
انا متحزمه من سنتين تقريبا بالمستشفى العسكري عند دكتور محمد العجمي العمليه حيل حلوه وبسيطه بس وزني ما نزل وايد من سبت الحلو الي ازلطه وناويه الحين انزل وزني عشان اسوي شد ومد حق الكرش والفخوذ والزنود
بس بقيت اسال الحين انا توني والده صالي شهرين متى اقدر اسوي شد وتنصحوني فيه اذا كنت ناويه احمل انشالله مره ثانيه

 

[كويتيه78]

ِالسلام عليكم
انا متحزمه من سنتين تقريبا بالمستشفى العسكري عند دكتور محمد العجمي العمليه حيل حلوه وبسيطه بس وزني ما نزل وايد من سبت الحلو الي ازلطه وناويه الحين انزل وزني عشان اسوي شد ومد حق الكرش والفخوذ والزنود
بس بقيت اسال الحين انا توني والده صالي شهرين متى اقدر اسوي شد وتنصحوني فيه اذا كنت ناويه احمل انشالله مره ثانيه

حمدالله على سلامتج حبيبتي احنا شنو ذابحنا غير هالحلو لو الله يفكنا جان زين بس حرام تبين تسوين شد وتبين يهال بعد لانطري خلصي عيالج بعدين سوي شد مره وحده عشان جسمج لايخترب وبعدين توج الده يعني جسمج بسرعه يضعف مع الرجيم شدي حيلج وضعفي ​

.

 

[كويتيه78]

سؤال يا بنات
انا مسويه تحزيم وبسوي التحوير ان شاء الله
العوار نفس التحزيم ولا غير؟
لان التحزيم كلللللللللش ماحسيت فيه الحمد لله اللهم التهب الجرح بس عادي مو عوار مااتحمله
ومتى اقدر ارد الدوام؟ اسبوع كافي ؟

حبيبتي ماعندي فكره عن التحوير بس لهم رابطه هني ساليهم بس اعتقد اهوا نفس الشي يعني بالمنظار ​

 

[برونريه راقيه]

up
up
up
up