كل وحده مسويه تحزيم معده تشاركني

[احساس الشعور]

السلام عليكم
اخواتي المتحزمات اهنئكن جميعا بما حققتموه من نجاح في وصولكن الى الوزن المثالي
والحين الله يعافيكم ساعدوني وجاوبوني بكل امانه واخلاص لان لي اولاد وما ابي اغامر في هالعمليه وانا خايفه حيييييييييييييييييييييييييييييييييييييييييل منها والكل معارضني سواء زوجي او امي او حتى اولادي :klhfl:
كتلة جسمي تفوق 45 كيلو وماكو امامي خيار كل العلامات طلعت علي انا ما احاتي الفلوس ولا الدكتور ولكن انا مريضة ربو وخايفة حيييييييييييييييل من البنج الكلي
السؤال الاول : الربو يؤثر ؟؟؟؟؟؟؟؟؟؟؟؟
السؤال الثاني ك فتحات البطن تعور ؟؟؟؟؟؟ وجم يوم ويروح عوارها
وصج الاكل متعب بعد العملية والا لا ؟؟؟؟؟؟؟؟؟؟
وشرايكم بالدكتور سلطان التمياط ؟؟؟؟؟؟؟؟؟؟؟
وهل يأثر على عملي كمدرسه ؟؟؟؟؟؟؟؟؟؟
وارجوكم ردوووووووووا علي بسرعه

اولا الجرح بعد اسبوع او عشر ايام وزول الالم

ثانيا بالنسبه لى العمليه فاشله فاشله يمكن عند ناس انجحت انا فاشله فاشله

 

[كراميلا555]

السلام عليكم خواتي العزيزات شلو نكم
بسال هل الاكل دائم سائل ؟ واذا اكلت شي مثل الخبز اقص وموت؟ شلون مضع الحلقه على المدى البعيد؟

 

[Mysterious_Girl]

لا اول فترة من العمليه يكون سوائل بعدين يدخلج اشياء بسيطه ،،، وبعد كل تضييق يرد يصير سوائل وبعدين يدخلج اشياء وهكذا

 

[كراميلا555]

السلام عليكم
لوسمحتي بسال كم سؤال الاكل لازم يكون سائل ؟
يصير آكل اكل طبيعي بعد فتره مثل خبز اول لحم بكميات صغيره اشبع؟
متى اجوع مره ثانيه؟
الحلقه متي تسبب التصاقات او مضاعفات؟
السؤال الاخير هل انعيش طبيعي مثل الناس الضعاف اللي ياكلون على شويه

 

[كراميلا555]

مراحب شلنكم بسال ليش ماتردون على اسئلتي

 

[كراميلا555]

السلام عليكم خواتي المتحزمات والغير متحزمات شلونكم ماشوف احد هالايام يدل المنتدى ما دري ليش ؟ على العموم وانا اتصفح بين طيات اللابتب عن الحلقه ومضارها وقوائدها طحت على قصه حلوه وراويه جميله ومثقفه اسمها ام عتريسه تقص حكايتها عن السليف اللي هو تدبيس المعدة باسم يوميات متدبسه لاطوفكم

 

[نوره في وسط صوره]

سؤال للبنات المتحزمات
متى شلتي الحلقه انا صارلها 3 سنوات عادي ولا اراجع ؟؟
عطوني خبراتكم

 

[كويتيه78]

up
up
up

 

[Little_Queen]

سلااااااااااااااااااام ...

انا متحزمة جديده

 

[Little_Queen]

بنات ..


سلام عليكم ... انا قريت حوالي .... 50 صفحة ليما تعبت ..... بس رح اكملهم

اول شي انا حدي مستانسه اني لقيت ديوانية حق المتحزمات و انا الي كان عبالي بروحي بهالمنتدى متحزمة و انحبطت


الله يسلمكم سويت عمليتي يوم 24-6-2009 يعني قبل 3 ايام


سويتها بمستشفى السلام . عند د.متولي عفيفي من عيادةالصفاة الامريكي .

الدكتور يهبل .. نفسيته وااايد حلوة ووايد مريح قبل و عقب العملية ..

بس بطني مفتوح 6 فتحات يا بنات مو 4 ولا 5 نفس الي قاعده اقراهم هني ...

رفيجاتي مسميني مشخاله !!

المهم .. قعدت بالمستشفى يوم كامل بالظبط .. و طلعت ثاني يوم الصبح ..


و كلفتني حوالي 2000 دينار .. اكثر او اقل بشوي مادري بالظبط

الحين انا كله اشرب ماي و شوربة خفيفة ..

احس مليت ابي اشرب شي ثاني و مادري شنو اشرب


شربت عصير تفاح .. و عصير عنب

الحمدلله ماشي الحال لحد الحين

بس بنات ابي اسألكم

انا ليلحين مكان المخزن او القرص أو ايا كان ما تسمونه .. الشي الي حق الحقن ... يعورني شوي بالقومة و القعده ... و اذا بتقلب على جنبي و انا نايمة

فهل هالشي طبيعي و لا بس انا الي احس فيه ؟؟

و هم بعد بغيت اسألكم ...


سؤال محرج ........................



متى لبستو ستيان ؟؟؟؟ انا احس مكانه وايد يعورني و حاولت امس البس ستيان عشان اروح اقز الابره مالت تخثر الدم بالمستوصف و ما قدرت

طلعت من غير ما البسه لبست عبايه و حطيت شال و حالتي حاله عشان لا يبين شي بس كلش مو حابه الموضوع

احس مكانها غلط حدها .. تحت صدري بالظبط على مكان حز الستيان ماقدر البسه امس حيل عورني حسيت قاعد يضغط على عظامي !


بليز هالموضوع وايد مسببلي عقده ... عادي ولا بس انا الي جذي ؟؟

 

[إخت القمر]

السلام عليكم

شلونكم بنات

صايرلي فترة غايبة عن المنتدى وهالموضوع ردني

احس اني محتاجة اسولف مع احد فاهم وضعي

انا توني مسوية تحزيم قبل يومين سويت العمليه يوم الثلاثا 28-7-2009

وماكنت حاطتها في بالي لاني حدي خوافه كنت رايحة اسأل الدكتور عن البالون بس لما قلتله ابي بالون حسيته انصدم وقاللي بااالووون!! باستنكار بعدين قاللي ما انصحج طبعا هالشي بتاريخ 26-7 كان يوم الاحد وقعد يكلمني عن تصغير المعدة وتحويل المسار انهم ناجحين وافضل من اختياري وانا ارد عليه دكتور انا اخاف مابي تقصون معدتي ومصاريني اخاف ما اتقبل جان يقوللي كيفج متى تبين تسوين البالون قلتله عقب باجر يعني الثلاثا عطاني تحاليل وورقه عشان ادخل على دكتورة التخدير تشوفني , يوم الاثنين سويت التحاليل ورحت المستشفى دخلت على الدكتورة مالت التخدير لما قلتلها اسمي عرفتني قالتلي ايييي انتي اللي الدكتور قايلي قنعيها تغير رايها عاد قامت تقوللي ان العملية مو ناجحة وان وايد ناس مايقدرون يتحملونها نحطلهم البالون الصبح يقولولنا شيلوه العصر وفيه ترجيع وضيجه وتعب يعني صكتها بويهي وانا بروحي خوافه قلتلها انا اخترته لانه مافيه جراحة وانا اخاف من الجراحة والتقصص قالتلي ليش ماتسوين تحزيم هذا شي بسيط بعد ومافيه قص طلعت من عندها وانا راسي مفتر تخيلوا باجر لازم ادش المستشفى الصبح وانا ليلحين مو مقررة شبسوي دقيت على دكتوري قلتله السالفة قاللي احنا نبي مصلحتج وننصحج باللي نعرفه وانتي كيفج وترى التحزيم التعب عقب العملية واااااايد اخف من البالون اليالون راح تتعبين وايد اول 10 ايام على ماتتعودين عليه ويخف الترجيع

عقب كل هالحجي قلتله خلاص يعني اسوي تحزيم برايك قاللي صدقيني افضل وماراح تندمين

دخلت المستشفى الصبح الساعه 8 على ماجهزوني وكل شي لما قالولي الحين بنوديج العمليات قزوني ابرة واخر شي اتذكره اني صعدت على السرير وغطيت ويهي عشان شعري لايبين ومااااذكر شصار الا واهما حاطيني بسريري بغرفتي واصرخ آآآآآي واقول جتوفي يعور[وني وعقبها نمت ويومها تميت انام واقوم اروح تكرمون الحمام لي الصبح وياني الدكتور شاف مكان الخياط وعطاني جدول الاكل وطلعت


الحين بصيرلي 3 ايام ماقولكم احس بألم بس شعور اني مو مرتاحة ومكان الخياط اللي بالنص فوق اهوة اللي يعورني جنه مشدود لي داخل واللي مضايقني اني ماقدر انام عدل انام على ظهري واحس اني اختنق يعني نمت 11 قعدت 2,5

بنات صاير فيني مثل الوسواس اخاف انه يصير فيني فقر دم لاني مو قاعدة اكل صايرلي يوم بالمستشفى بس مغذي وامس بس عصير كيديدي شربت تقريبا 4 وماي , عادي؟؟؟ والا يصير فيني جفاف ويتأثر جسمي ؟؟
ماحسيت اني يوعانه بس احس بخمول

كاتبيلي بالجدول اول شهر كامل بس سوائل وشوربة مشخوله انتوا التزمتوا بهالشي؟؟

وبنات في منكم صار فيها مثلي تكرمون صاير فيني اسهال واحس بطني فيه هوا يطلع صوت يخرع


قلتلكم قصة حياتي ماعليه استحملوني

ان شالله يارب كلنا نضعف على صحة وعافية


لتل كوين انا بعد عورني البرا لما لبسته لان ضغط على الجرح حاولي تلبسين الخفيف القطن ومايكون فيه حديدة والحمدلله على سلامتج انتي تقريبا معاي /center]​

​

 

[! FABULOUS]

انا بعد متحزمه \ متحلقه \ متربطه معده لول يديده :$


عمليتي سويتها تاريخ 20 - 7 - 2009 يوم الاثنين في مستشفى السلام مع الدكتور محمد الجارالله من عيادة الجارالله وكلفتني 2300

وهذا رابط موضوعي لتفاصيل اكثر

http://www.q8yat.net/showthread.php?t=420164

====

ليتل كوين : اييييييييييه واخيرا لقيت احد يآزرني انا 4 فتحات بس فتحة المخزن او القرص على قولتج لول تذبحني ليلحين !

الحمدلله باجي الجروح زينه بس هذا يعورني لما اتقلب وذبحني ظهري كله نايمه عليه ولما اتقلب وانا نايمه اقوم واسب من العوار لول :$ ولما اوقف واقعد عاد سألت الدكتور لما رحت المراجعه قالي ايه لازم عادي لانه هذا مكان القرص انا الحين بديت في مرحلة السوائل الكامله والروب والحليب .. قاعده انطر متى اقدر اكل الله ياني مشتهيه اشياء حتى لو قرمتين بس عن خاطري :$


===

اخت القمر : الحمدلله على سلامتج زين سويتي الحلقه انا بعد اخترتها لانه مابي شي خطر وفيه تقصص ومادري شنو بس انا لي الحين ماصار فيني اسهال بس بطني "يقروج" لول اللي يطلع صوت من اليوع مع اني اكون شاربه اشياء ! واللي بعد مخرعني انه تييني دوره او دوخه اذا بذلت اي مجهود يعني امس وانا اتسبح حسيت الدنيا تدور وماقدرت اسيطر على نفسي جان اتربع تحت بالبانيو واتشهد لول :$ اخترعت اول مره يصير فيني جذي امي تقول لانه تغذيتج مو سليمه والله يعدي هالفتره على خير ان شالله

 

[Mysterious_Girl]

هلوووووووووو بنات شلونكم امبيه انا صارلي بحدووود 3 اشهر يمكن ومانزلت الا 8 كيلوو لووول .. سويتها نص 5 يعني 15-5 جنه مادري 14 !!! المهم والحين ضعفانه 8 كيلو بس ;\ انتو شلونكم شمسوييييييين؟

 

[music_teacher88]

ابي اسووووي اليوم مراجعتي عند الدكتور

 

[music_teacher88]

فطوم الدكتور قالي يبيلها حركه



عطاني الدكتور تحاليل اسويها ويحدد موعد العمليه وان شاءالله خيييييييير

 

[music_teacher88]

لتيل كوين لييش ماتقدرين تلبسين الستياان؟؟؟؟
يعني شلون اخليهم جذي هدد؟؟؟؟؟ لووووووووول لالالالا جذي انا اكره روحي


بنات ليش محد بالموضوع الا انا يلا بسويها شجعوني

 

[إخت القمر]

فطوم انا بيصيرلي شهرين ونزلت 8 بس .., كنت متوقعه اكثر

مدرسة انا برد عليج كسرتي خاطري لووووول

الظاهر البنات ضعفوا وكبر راسهم علينا وهجروا الموضوع

قوليلي منو دكتورج وجم وزنج وجم طولج وليش اخترتي الحلقة لوووول تحقيق

ميخالف خلينا نتناقش ونفيد بعض واستفيدي من تجربتي <=-- 7 اسابيع وعند روحها خبرة

قوليلي ليش بتسوينها وانا اشوف اشجعج والا لاء

 

[غلا 7373]

بنات الجرح تحت الصدر انا بالنصف بين صدري ولمي الحين يعورنى وصالي 7 سنوات متحزمة بس الجرح يعور وبين كل فترة اروح حق دكتور تجميل يحقني الجرح عشان يخف بس مااحس فى نتيجة

 

[كلـــــي غنج]

النيه الصااااافيه .. أجر وعااافيه يارب .. والله انا ماعندي أي فكرة عن التحزييييييييييم بس ان شاء الله البنات
يفيدونج .. ماحبيت اطلع قبل لا أرد عليييج .. بس هالله هالله بالمشي لو نص ساعه يوميا ,, ترا راح يساعدج وااايد ..
بالتوفييييق للجميع ويارب نضعف بصحة وعاافيه

 

[dalal art]

uppppppppppppp حمدالله على سلامة الجميع