كل وحدة تدخل وتحط المشكلةالى مسببة الضيقة وصدقونى راح ترتاح نفسيتها وبنلقالها حل

[اخصائية نفسية 7]

تامريييين امر
غالى والطلب رخيييص

 

[M!Ss Un!VerSe]

انزين انا عندي جم سؤال بخصوص تخصصج لإني ناوية بإذن الله أدرس هالشي..
اول شي انا اسعى إلى وظيفة " دكتورة نفسية "
ودايما اللي دارسين تخصص علم نفس - علوم اجتماعية
يتخرجون يشتغلون بوظيفة اخصائية اجتماعية بمدرسة
وبعضهم بوزارات يسوون استفتاءات بوزعونها عالمدارس
انا ماابي هالشي ابي اصير دكتورة متنقله
يعني ودي أمر عالمستشفيات وعلى دور الايتام
ابي اعالج حالات خاصة وجذي
طبعا للأطفال ما أحب أتعامل مع الكبار..
فما تعرفين شنو هالمسمى؟
وشنو بالضبط التخصص اللي ادرسه عشان اوصل له..
انا سمعت ان لمن ادش علم نفس يخيروني بين التربية وشي ثاني
يعني انا كلمه اسأل يقولون لي اخصائية اجتماعية وانا ماابي هالشي ..
انا من قبل اشتغلت بحضانه بارت تايم وحييل استانست بالتعامل مع الاطفال
وفي حالات معينة قدرت اغير اطفال من حالتهم الميؤوس منها بنظر غيري..
مثل في اطفال ينظرون لهم الابلات انهم كساله ومايشجعونهم ولايحاولون معاهم
ويعتمدون عالشطار بس وهذيل الاحظ تشجيع اهلهم لهم بالبيت ومتابعتهم لهم

وانا مؤمنه ان التشجيع اول خطوة كبيرة عشان اغير الطفل
وان محد انولد بهالبلادة وفي اطفال خوافين واطفال حزينين
وفي اطفال يخرون كل شي ابيتهم من كثر ما فيهم فايض
وفيً اطفال يشكولي من قسوة امهاتهم وفي اطفال عندهم مشاكل عداونية
وفي اطفال انسحابيين وفي اطفال مو متربين لسانهم وصخ واهم بعمر الحضانه
وفي اطفال ذربين وفي وصخين اسبوع اشوف الوان شخابيط بجسمهم مايسبحون عيالهم
واهم من عوايل معروفه وفي اطفال العكس قمة بالنظافه ريحته صابون منعش هههه
وبعضهم اكلهم يابس وبعضهم اكل باجي مال وجبات امس يعطونهم وبعضهم ماشاءالله تسأل عن عيالها على طول واتابعهم
والام تشتغل بس ماتنسى واهي يايه تاخذهم تسأل شنو حفظ ولدها وشنو علمناه والاكل تنوعله اكل مفيد مرتب من البيت
الاغلبيه أكل عيالهم كروسان وعصير جمعيات..
وفي يهال اشوفهم ايوون يوميا مع السايق والخدامه.. والام لاتحضر ندوات ولا تخرج ولا شي ..
تقول عذروني مشغوله،. فمادري شلون بيطلعون هالجيل والعيال عالخدم والسواق.. ولا امو متابعه منهم
وللأسف في يهال جلدهم مخطط احمر .. من الطق والوحشيه اللي يتعاملون فيها اهلهم معاهم وعمرهم ٣ سنوات..

من جذي حبيت هالتخصص ولاقيه نفسي فيه لإيماني
ان شخصية الانسان المتكاملة ومستقبله تبدا بطفولته
وتأثير ها وجوه الأسري وتنشئته ودور البيئه حوله
وطبعا انا اقصد متابعه الحالة النفسية للطفل مو تربيته مثل الحضانه
او تعليمه مثل رياض الاطفال هالشي ماابيه..
*
ادري قرقت على راسج وايد،،
بس بغيتج تساعديني اذا دشيت بإذن الله التخصص
شنو بالضبط ادش؟
انا ماابي اضيع من اولها لإني ببدي بعمر متأخر شوي مثل منتي عارفه
*ابي اكمل سيدا لمن اخلص ان شاءالله
وشلون بالنسبه للوظيفه ولمكان الشغل،؟
تبع الديوان ولا لازم اوصي احد..؟

وفي شي الناس مخوفيني بما اني ادرس كمبيوتر دبلوم
الكل يقولي علم النفس محصور بمكان واحد
ليش تهدين التخصص المطلوب بكل مكان
والوزارات وتروحين حق علم النفس..
لإن هالشي طموحي وهذاك شغل بس..
انتي شرايج طولتي علما اشتغلتي؟؟!
ودخلوج شغل تبينه ولا بمكان ثاني ماله علاقه؟!*

بإنتظار ردج واشكرج عزيزتي على وقتج

 

[M!Ss Un!VerSe]

امبييه اكتشتفت اني كاتبه سيناريو فلم سووري
قاعده اكتب من ايفوني فطالع الكلام طوويل ومو مرتب .. فشله

 

[الله يجازيك]

انا متضايقه وصاكه فيني
وربي اكتب وانا ابكي

 

[اخصائية نفسية 7]

حبيبتى انتى حستى الاكو والماكو خليني افهمج الاخصائية النفسية والاجتماعية وظفيتهم اهيا وحدة يعنى الاول يكمل الثانى
اما الى انتى تبينة المسمى الوضيفي لها دكتورة علم نفس تتخصص بالامراض النفسية والحالات وعلجالها واسم الادوية بمعنى اخر اهي وضيفة علم نفس مع طب وتشتغل مثلا بمستشفى وتتعامل مع حالات اكثرها كبار لان اهيا راح اتكون بالمستشفي نفسي حق الى يعانون من الامراض النفسية واتكون مدة الدراسة للدكتورة علم النفس اربع سنين جامعة مع اربع سنين اخرى 2 دبلوم و2 ماجستير واحتمال دراسة خارجية على مااظن انتى اهتمامج مااظن جذي تقدرين تدرسين اخصائية نفسية اربع سنين جامعة وتقدرين تتوظفين بدار الرعاية ( الايتام ) وتقدرين تفتحين عيادة بعد
ها شراييج شقلتى وين تبين ؟

 

[اخصائية نفسية 7]

وجزاج اللة خيير على سالفة الاطفال وعى اهلهم عليهم قوليلهم ان طفلج ونبهيهم يمكن واحد تتغير حياته والسبب انتى
بارك اللة فييج كبرتى بعيني واللة وكثرر اللة من امثاللج يارب

 

[اخصائية نفسية 7]

ولا تسمعين الى يقولج علم النفس محصور مالج دخل منهم
دار الرعاية اكثر ناس يبون اخصائيات نفسيات واجتماعيات بعد بس الاكثر يبون نفسيات انا بنفسي سالتهم
انا حاليا عاطلة عن العمل لظروفي الخاصة لكن ابي اتوظف بدار الرعاية عن قريب انشاللة بس تتتعدل ظروفي ان شاء اللة

 

[M!Ss Un!VerSe]

حبيبتى انتى حستى الاكو والماكو خليني افهمج الاخصائية النفسية والاجتماعية وظفيتهم اهيا وحدة يعنى الاول يكمل الثانى
اما الى انتى تبينة المسمى الوضيفي لها دكتورة علم نفس تتخصص بالامراض النفسية والحالات وعلجالها واسم الادوية بمعنى اخر اهي وضيفة علم نفس مع طب وتشتغل مثلا بمستشفى وتتعامل مع حالات اكثرها كبار لان اهيا راح اتكون بالمستشفي نفسي حق الى يعانون من الامراض النفسية واتكون مدة الدراسة للدكتورة علم النفس اربع سنين جامعة مع اربع سنين اخرى 2 دبلوم و2 ماجستير واحتمال دراسة خارجية على مااظن انتى اهتمامج مااظن جذي تقدرين تدرسين اخصائية نفسية اربع سنين جامعة وتقدرين تتوظفين بدار الرعاية ( الايتام ) وتقدرين تفتحين عيادة بعد
ها شراييج شقلتى وين تبين ؟

شوفي انا اللي اعرفه مال مستشفى الطب النفسي غير
دراستهم علمي يعني يدشون كلية ال طب البشري
تخصص مخ واعصاب وهذا غير
انا ادبي وابي تخصص علم النفس اللي يدرس سلوك الإنسان الطبيعي
بتخصص علم نفس كلية العلوم الإجتماعية
وانا حابه علم النفس الطفل وابي يشغلوني مو بمكان واحد
يعني ودي يدزوني عالمدارس اذا في اطفال يعانون مشاكل تعثر دراسي
اشوف مشكلتهم اكلم اهلهم وانصحهم
طبعا هالشي مو صاير بمدارسنا ولا اشوف الاخصائيات يساعدون
بس اذكر دورهم يطلبون بيانات الطالب ونبذه عن اذا عنده امراض ويسألون عن اطباعه
ولا يفترون يشوفون مشاكل الطلبه واحنا نروحلهم بنفسنا اذا في مشكله
من جذي انا ابي اسوي شغل حقيقي مو استلام راتب وسوالف وجاي وقهوه وحب
عرفتي هذا طموح بالنسبه لي مو تحصيل وظيفه لان لو بتوظف اتوظف عالدبلوم
فأنا ناويه اكلم مسؤولين بهالموضوع
غير المدارس ودي يدزوني على دور الأيتام*
ادرس نفسياتهم واساعد ودي يدزوني عالمستشفيات
للأطفال المرضى اللي مرضهم يطول
يعني هذا اللي ابيه
لوفتحت عياده منو بييني؟!
منو الحين له خلق يودي عياله حق طبيب نفسي
اهمه كل شي معتمدين فيه عالخدم البعض طبعا
ومابي يخلوني بمدرسه او محصوره بمكان معين
اذا علي دور الايتام ماعندي مشكله و لو اني حابه انوع ..

 

[M!Ss Un!VerSe]

ولا تسمعين الى يقولج علم النفس محصور مالج دخل منهم
دار الرعاية اكثر ناس يبون اخصائيات نفسيات واجتماعيات بعد بس الاكثر يبون نفسيات انا بنفسي سالتهم
انا حاليا عاطلة عن العمل لظروفي الخاصة لكن ابي اتوظف بدار الرعاية عن قريب انشاللة بس تتتعدل ظروفي ان شاء اللة

ان شاء الله ربي ينولج مرادج ويرزقج الوظيفه اللي تتمنينها
بإذن الله

 

[الآنسة الشحرورة]

مرة مشكورة على المساعدة الله يجزاك كل خير
وبدعي لك بالتهجد ان شاء الله
سالفتي انا جممممممميلة واختي اكبر مني بكم سنة عادية ف امي كانت ترفع من معنويات اختي وتمدحها وانا تحطمني عشان مااكون مغرورة ولاتغار مني اختي ف اهتزت ثقتي ب نفسي لدرجة بعد ماانخطبت رفضت الخطيب بعد ماطلب النظرة الشرعية
وانا تضايقت من ضعف الثقة وحاولت ارفع من معنوياتي واي احد يحطمني اوقف بوجهه بس ب هالفترة تعبت لاني كنت اجلس مع نفسي واكلم نفسي واحاسبها مو ناقصة مو ملك احد واذا احد حطمني ووقفت بوجهه ارجعاحاسب نفسي انا وش سويت بس مازالت ثقتي مهزوزة واحس لو اروح لاي مكان بيطالعون عيوبي

 

[اخصائية نفسية 7]

حبيبتى دراسة الدكتور الى يبي يصير في علم النفس تختلف تماما عنى لكن هاذي مجرد معلومات حبيت اشاركج فيها
اما بالنسبة لج فانتى الى تقصدينة اخصائي نفسي واجتماعي لكن ماادرى اذا يدزونج اماكن لدور الرعاية او المدارس هاذا ماعرف شغلتها بالذات اذا عرفتى وصارت عندج معلومة قوليلي حتى انا حابة يدزونى نفس هالاماكن هاذي
بارك اللة فيييج ويحقق لج الى تبينة ياررب

 

[اخصائية نفسية 7]

حبيبتى الانسة شحرورة اولا الى سوتة امج غلط لكن بحسب التربية والبيئة ظرورى تعديهم من هالتصرفات اهما يفكرون انة ممكن الحريم يمدحونج ويخلون اختج الى اكبر منج فهذا كان دافع لها وانتى المفروض ابدا ابدا ما تزعلين ولا تحاولين حتى تعيرين للموضوع اهتمام لان مثل ما قلتى انتى جمييلة وواضح وباين انج جمييلة ولو انج مو جميلة مثل ما تقولين جان ماظطرت امج تسوي الى سوتة لان جمالج شكل لاختج ولامج تهديد تابعي القسم الى هنى الى يختص بتنمية والتطور والثقة بيفيدج ان شاء اللة وطبقي المعلومات الى كاتبينها ومري على مواضيعي وان شاء اللة بتستفيدين ياقلبي
بارك اللة فييج ويححقق الى تبينة ان شاء اللة

 

[M!Ss Un!VerSe]

مشكوره حبيبتي على ردج
ولو في شي اكيد بقولج
الله يوفقج

 

[اخصائية نفسية 7]

الأخصائي النفسي : يكون قادر علي فهم طبيعة النفس البشرية و أفعالها و سلوكها المتمثل في آليات الدفاع اللاشعورية عندها و الحيل الدفاعية الموجودة فيها ، بالإضافة إلي علمه بالإمراض النفسية كحالات الانفصام و القلق و الاكتئاب ... وقيامه بجلسات العلاج النفسي .

أما الأخصائي الاجتماعي فيعتبر دوره مكمل للأخصائي النفسي فهو يقوم باستقبال الحالة و دراستها و فهم البيئة الاجتماعية التي جعلت الشخص المسترشد للقيام بهذه السلوكيات أو الأفعال , و ودراسة علاقات المسترشد الاجتماعية و الأسرية بالإضافة إلي دراسة الوضع الاقتصادي للحالة و القيام بجلسات الإرشاد النفسي , و دراسة مدي علاقة البيئة الاجتماعية المحيطة بالفرد مدي علاقتها بالمرض الذي أصاب الشخص من خلال الزيارات المنزلية الذي يقوم بها الأخصائي الاجتماعي و كل منهما يضع الخطة العلاجية للمسترشد .

 

[الآنسة الشحرورة]

الله يسعد قلبك حبيبتي

 

[اخصائية نفسية 7]

اجمعيييين يارب
حيياج باي وقت وطمنيني عن اخبارج ياقلبي

 

[M!Ss Un!VerSe]

شكرا قلبي على المساعده
فدتيني حييل بالمعلومات
جزاج الله خير

 

[اخصائية نفسية 7]

الحمدالللة ياقلبي
شرفتيني ياروحي حياج باي وقت
بارك اللة فييج وجعلج من اهل الجنة يارب

 

[Kocheko]

انا مشكلتى التواصل مع اهلى ومشاكلهم
وقلله الرزق احاول واحاول ادور وادور بس مو لاقيه وظيفه سنعه تعيشنى ادعى ربى من سنسن ...
كل مره اطور نفسى كل مره ادرس اكثر جمعت شهادات على الفاضى

 

[اخصائية نفسية 7]

حبيبتى وضحي مشكلتج بالضبط شنو وان شاء احال احلها بس فهميني بالاول ياقلبي ؟
وبالتوفييق