مشكلتي تتأثر بكلام الناس معني ادري ان مافيني شي المشكلة طال عمرج وايد ناس و أوادم يقولون عني ضعيفة مع أني مو ضعيفة جسمي متروس و ابي انزل جم كيلو لأني زدت عقب الزواج انا طولي 156 ونزني ٥٥ حاليا و انا رحت حق دايت كير و سويت تناسب الوزن مع الطول طللعلي وزني المثالي ٥٣ المهم انا طريقة جسمي الكمثرى يعني عرموطة ضعيفة من فوق و متروسة من تحت يعني زند و صدر ضعاف و متروسة ب فخوذ و ريل و ارداف و الحمدلله اكو خصر انا ما اقول جسمي بيرفكت لا والله بس الحمدلله طبيعي و لما البس يشيل الهدوم مو ممسوحة المهم اهل ريلي لما يو اخطبوني كنت للابسة مرصرص على اساس يبين الجسم أثاريهم بعدين قائلين حق ريلي ترى البنية حلوة بس ضعيييفة ركزوا انهم اعتبروا الضعف سلبية و بالمجة ضعفت اكثر و ريلي كان وااايد مستأنس على جسمي يحب الضعف و كله يقولي جسمج بالملجة احلى شي و مرة خالتي ام ريلي انا وياها نسولف عن نفانيف العروس جان أقولها جربت نفنوف ضيج جان تقولي مو حلو لانج ضعيفة يعني بالله منو تلبس الضيج المتينة و مرة قالتلي انتي جسمج ماكو تناسق من فوق غير و بالنص غير و تحت غير و مو بس اهل ريلي وايد أوادم يعلقون أني عصلة و ضعيفة معني والله لا عصلة و لا شي اصلا صايرة عريضة من تحت لأني زدت المشكلة انا مابي اهتم بكلام الناس السخيف انا ابس اثق بعمرو و بشكلي و ان جسمي حلو و ما علي من غيري شسوي?
