كفوج ... تشترين من هالاماكن@@

[IT shadow]

لو مو عاجبهم لبسج جان ما سالوج من وين
واذا سالوج قولي ماحب احد يقلدني p:
ماقول

 

[عاشقة هواك]

وااااااااو بنات وايد خليتوني اصدق انكم تشترون ملابسكم من النقرة و هالاماكن

عالعموم اختي يمكن انتي مو متعودة تشترين من المجمعات لأن انتي قلتي انا اشتري على قدي

بس صدقيني ترا المصروف اللي يعطيج اياه ريلج مو شوية

اذا رحتي بوقت التنزيلات بتلقين اشياء وايد حلوة و رخيصة

و مو شرط تشترين ماركات غالية في ماركات سعرها مقبول

انتي اكيد زعلانة منهم لأنهم جرحوج و أكيد ما وصلوا لج الكلام بطريقة ذربة

انا اشوف ان كلام حمواتج صح بس اسلوبهم خايس

اهم شي كلام حمواتج صح لوووووووووووووووووووول واصلا اسلوبج نفس اسلوبهم وتتكلمين بعد


ترى اهم شي الاخلاق مو اللبس ولا المظهر

 

[^_^ حوراء ^_^]

اهمه تفكيرهم سخيف هذا شي اتفقنا عليه

بس الاسخف من هذا ..
ان في بنات موافقينهم مع ردودهم


الله يكمل الناس بعقولهم ..


اما انتي مالج شغل فيهم لبسيهم ماحي اللي يمحيهم

و اشتري من المكان اللي تبينه ان شالله تشترين من المحاميد مو شغلهم

قطييييييييعه العن ابو اللقافه

 

[Tom ♥ Jerry]

,


صج متخلفين هذذذيييل الله يعينج عليهم
حبيبتي سكتي و قهريهم .,،و اذا قآلولج هاذا من وين و هاذا من وين
قوليلهم آن شاء الله مو كل مآ البس شي تسئلوني عنه !
و كل وآحد يشتري على قده .! شفيها النقره و لا كويت مآجيك !
يعني لآزم من 360 و لا الافنيووو عشان تصيرون كشخه !
الهيلقي هيلقي و الي مآ عنده ذووق يظل طول عمره مآ عنده ذوووق .،

قوليلهم والله عاد انا كيفي اشتري من المكآن الي آحبه ! و بس
سكتيهم و فشليهم

 

[سنااااي]

حبيبتـــــــــي ماعليج منهم هذيل بيحبطونـــــــــج وعادي خليج قويه........ ولاتضايقين نفسج ليش مانجو في ماركه ومو ماركه نفس الشـــــــــي .... بطقاق ..... قولي انا لو اشتري قطعه من سوق الجمعه...... يرتفع ثمنها ويزيد لاني لابستها اشفيج خليج فري عادي لاتحسسين ..........

 

[Freakya]

اهم شي كلام حمواتج صح لوووووووووووووووووووول واصلا اسلوبج نفس اسلوبهم وتتكلمين بعد


ترى اهم شي الاخلاق مو اللبس ولا المظهر

اهم شي ان اسلوبي نفس اسلوبهم و اي اتكلم ليش انا شقايلة ؟؟

ضحكت عليها تطنزت عليها ؟؟

انا اشوف كلام البنت مو منطقي ريلها معطيها مصروف 250 معقولة ما تقدر تشتري من المجمعات ؟؟

و بعدين حبيبتي لا المظهر مهم ما تدرين يمكن ريلها يستحي يقول لها و اهله بطوها بويهها

و انا ما احب انافق

انا وحدة على قد حالي و اشتري من مجمعات مافيها شي لاهو غلط ولاهو تبذير

 

[عاشقة هواك]

وااااااااو بنات وايد خليتوني اصدق انكم تشترون ملابسكم من النقرة و هالاماكن

عالعموم اختي يمكن انتي مو متعودة تشترين من المجمعات لأن انتي قلتي انا اشتري على قدي

بس صدقيني ترا المصروف اللي يعطيج اياه ريلج مو شوية

اذا رحتي بوقت التنزيلات بتلقين اشياء وايد حلوة و رخيصة

و مو شرط تشترين ماركات غالية في ماركات سعرها مقبول

انتي اكيد زعلانة منهم لأنهم جرحوج و أكيد ما وصلوا لج الكلام بطريقة ذربة

انا اشوف ان كلام حمواتج صح بس اسلوبهم خايس

اي انتي اسلوبج نفس اسلوبهم شوفي شنو قلتي انا اشوف ان كلام حمواتج صح

واصلا نقره في اشياء حلوة اهناك في الغالي

وفي اشياء رخيصه حق الي على قد حالهم

بس عشان اسمه نقره خلاص حاله مو من حال

المجمعات الثانية

وانا اشتري من اهناك ما فيها شي

 

[saron el.noteya]

اول شي اهنيج على الثقه ..
وثاني شي ما عليج منهم و خليج واثقه وانتي على الله و على هاللي يعطيج المسكين ..
شوفي دام ريلج عاجبه بالطقاق الكل ما عليجج منهم سمعي من اليمين و طلعي من اليسار ولا يهزون فيج شعره ..
و النقره اوكي غيري او حاولي اتروحين وقت التنزيلات و صدقيني بتلقين شغلات حلوه و رخيصه و اتناسب ميزانيتج .. الله يوفقج يآرب

 

[كارينا]

قولي مو مهم المكان أهم شي الذوق ياما ناس تصرف على الغالي ويلوع الجبد ويطلع الرخيص والعادي أحلى 0الحمدلله أنا مقتنعة بذوقي وماني محتاجة راي أحد

 

[Freakya]

اي انتي اسلوبج نفس اسلوبهم شوفي شنو قلتي انا اشوف ان كلام حمواتج صح

واصلا نقره في اشياء حلوة اهناك في الغالي

وفي اشياء الرخيص حق الي على قد حالهم

بس عشان اسمه نقره خلاص حاله من حال

المجمعات الثانية

وانا اشتري من اهناك

الحمدلله ... ناس تقرا اللي تبيه و تقط الباجي

حبيبتي انا قلت كلامهم صح النقرة شخباري منو يشتري منه

رايي و انا حرة فيه ليش مناشبتني ؟؟ و سويتي اسلوبي نفس اسلوبهم

و بعدين انا وضحت ان انا اوافقهم بالراي لكن ما اوافقهم بالاسلوب الوقح

لو اهي مسكينة زوجها ما يصرف عليها اقول معذورة

بس انا شايفة ان وضع البنت يسمح لها ان تشتري من مجمعات

انتي تبين تشترين من هناك كيفج هذا شي يخصج

 

[حلاتي غير]

قوليلهم الحلو حلو ولو لبس خيشه شكو هالمجمع ولا هالمجمع انا اقول مساله ذوووق لا تقوليلي ماركه ولا غيره الله يعينج عليهم لاتغثين نفسج تري الموضوع تافه واللي سويتيه عين العقل تشترين علي حسب ميزانيتج

 

[حمام شاقني فنه]

طز فيهم

 

[q8sweeta]

ليش زعلانه
ادري مقهورة بس ليش زعلانه الله يهداج
انا وحده ولله الحمد عل النعمه اشتري من الماركات من طقت زارا لي فرساشي
بس حبيبتي في شي اسمه ذوق ولبس مرتب يعني في ناس تشتري ماركات بس موحلو وفي ناس تاخذ شي بسيط ومرتب
شوفي انا قبل كل ماشريت شي وريته الناس واهلي لين انطقيت عين وعين قويه عل شي شريته وكان وايد غالي سعره بالآف ومن يومها ماقمت اتكلم شنو شريت او حطيت ووين وديت فلوسي لانه فهمت انه بشتري شي انا بلبسه وبستانس فيه مو مهم ارضي احد ومو مهم الناس تدري اذا اصلي او ماركه وبجم
اللي يبي يعرف يسألني وحتى لمه يسالوني احاول مااقول القيمه الصجيه اقول اصلي وخلاص لاني انقرصت
واذا قالوا مو حلو قتلهم انا عاجبني والناس اذواق وحقري سوي روحج مو سامعه او لمه وحده تيي تبي تعيب طنشيها وسالي شي او مسكي تلفون تكلمي
او كلمي ريلج يعني جنه اهي مو هامتج

حبيبتي دامج مقتنعه خلاص وبعدين اذا حابه تغيرين لبسج روحي البلوكات كله خيياط فوق تنباع هدومهم بالمعارض ولا الاوقاف كله خيياط بعد وفي بالفروانيه جنه ذاك اليوم شفتهم اخذيلج منهم
وثاني شي بين فترة وفترة اخذيلج تايور راقي بدل ماتشترين كل شهر اشتري كل شهرين او ثلاث قطعه زقرتيه او بدله كامله بلوزه حرير وبنطلون وشيله وخلاص
وفي ماركات رخيصه
مثل دي كي ان واي
وفيرسيس
وفرساشي جينز اخذي منهم جنطه كل جم شهر والوان اساسيه مثل بني واسود وابيض وبعدها ابتدي اشتري الوان
وفي عندج المهلب وايد محلات حلوة وبضاعتهم حلوة بعدحق متحجبات انا من حملت اخذ منهم نفانيف حق رمضان وطلعات وكل من يسالني من وين واسعارهم عا 26 و 30 القطعه
اشتري شي واخذي راي احد فيه ولا تضايقين عمرج
بس اذا انتي حاسه انج اقل منهم وموقادرة اتجارينهم نظمي ميزانيتج و ابتدي تشترين صح مو عشانهم عشانج
وترى ارضاء الناس غايه لاتدرك وترى محد يحب يشوفج مستانسه ومرتاحه عشان جذيه يغثونج عشان تغثين اخوهم وتهتمين
*

 

[saro0ona]

قطيعة شيبون هذيلا !!!

اكيد شايفين فيج شي حارهم و باط جبدهم و يبون يطلعون حرتهم فيج بهالحجي !

 

[احلى ـآ وحده]

شكوو لو انا منج اقول والله لو البس خيشه اتينن علي .. واصلا مااعطيهم مجال يتكلمون

 

[lovely jojo]

اسخف من هالتفكير مافي شنو النقره حق خدم ومادري شنو الناس اذواق طريقتهم حاقدين عليج

 

[ليدي دانة]

حياتي ولا تنغثين منهم ولا تأثرين من كلامهم البس الي يعجبج وتبين نصيحتي روحي معارض ومشاغل والله شغل الحريم حلو وتلاقين شغلات حلوة وغريبة وأسعارهم متفاوته ومناسبة

 

[تـــاج الـــعز]

والله حبيبتي دام قالو لج جذي معناتها محترين منج
بعدين القناعه كنز والفسق مرض الله يكفينا شره
والا في وحده عاقله تشتري عبايه ب 600ديناااار
ولما اسالها ليش ؟ تقول والله هذي اول قطعه تنعرض من هالتصميم
مافكرت انه بيوم من الايام ممكن تبجي على 600فلس ما تحصلهم
حلو الواحد يلبس ويكشخ ويتعدل والله سبحانه وتعالى يقول (واما بنعمة ربك فحدث)
لكن بدون اسراف وتبذير وانتي ما شاء الله عليج فاهمه وعاقله ومقدره زوجج وحافظته وعارفه وضعه
وماله داعي تقولين من وين شريتي
والمهم ان الشي مناسبج وعاجبج
مو مهم غالي والا رخيص
المهم حلو ومناسبج
بعدين بصراااااااااااااااااااحه
انا وحده عمررررررري ما دشيت النقره
ولا ادله اصلا ولا حتى المعارض ما احبها لان اغلبها شغلات ما تعجبني ومبالغ بسعرها مع احترامي لخواتي التاجرات
ويا كثر اسوقتنا
يعني في شغلات ما احصلها الا بسوق الجمعه وشغلات ما احصلها الا بشرق وشغلات ما احصلها الا ف ماركس اند سبنسر
وشغلات ما احصلها الا بالمباركيه وشغلات ما احصلها الا فـ الوافي او مجمعات الجهرا:eh_s(22):
مو كل شي اخذه من مكان واحد

وانتي حاولي كل شهرين طلعي لج 100دينار وروحي فيهم المجمعات الكبيره واخذي لج شي وخليه بالكبت انا اسوي جذي
مو كل شهر اشتري ماااااااااركااات
والله مرات اشتري تنانير وبديات عاديه ورخيصه ما تتعدا 3دنانير وانا اسوي فيهم حركات واركب عليها شوارفسكي و تركيبات اخليهم واااااااااو
حلوه الوسطيه وموووووووووو حلووووووووووو التصنع والمبالغه
ولا حلوووووووووووووو البخل
خلج وسطيه
ولا تزعلين من كلام احد دام انتي راضيه بلبسج وزوجج راضي وعاجبه شكلج

 

[من يشابه ديرتي]

شلون يتمادون ويحاجونج جذي
حدج معطيتهم وجه:flower:

 

[ظل الياسميـن]

طنشي فيهم

واشتري واصرفي وماعليج منهم