كفوج ... تشترين من هالاماكن@@

[مدينة الاحزان]

صدقيني اخذيها قاعده ان مو المهم السعر اهم شي يكون عاجبش يعني لو شفتي شي حتى بدينار لايووقفش السعر وتقولي الكل بعيب علي لا ماعليش منهم دامه عاجبش اخذيه والعكس حتى لو شفتي شي غالي وعجبش هم اخذيه ولا تقولي غالي يعني الاساس بكلشي ان يكون عاجبش هذا المهم وانا اتبع ها القاعده

 

[شوق&حنين]

ماشاء الله عليج الله يثبتج يارب

حبيبتي اذا سالوج مو شرط تقوليلهم من وين ؟؟ دام لبسج نظيف ومرتب ماعليج من احد ابدا

ارضاء الناس غاية لا تدرك ولكن وذوقه
حياتي اذا غثوج قولي هذي ميزانيتي وماني ملزومة اتسلف الروح ما يندرى متى تروح لراعيها ماني مستعدة اموت وما برقبتي دين على ملابس لاراحت ولا جت

يكفيني انام وانا مرتاحة ماحاتي احد يطلبني

وبوسة لج حبيبتي ولا تبجين ولا شي اتوقع اللي يغثج محتر منج

 

[أغلى أمنياته]

سوي اللي يريحج //
والله البدله اللي تحليها اللي لابستها//
غالي رخيص مو شغلهم//
اهم شي انتي مقتنعه فيه/////////////
انتي الي تحلين البدله مو البدله تحليج​

 

[هذا مزاجي]

قليلات ادب
شوفي بقولج شغله خلج مثل ماانتي لانج لو تغيرتي
راح يقولون توها تعلمت لما قلنالها وضحكنا عليها
وانتي حسيت انج واثقه من نفسج وكلج ذرابه
طيعيني خلج مثل ماانتي راح يموتون قهر الحقران يقطع المصران وانا اختج..

 

[..الزيــــــــن..]

اهم شي راي زوجج مالج شغل بالباجي

واذا قالوا لج اي شي قولي لهم اهم شي انه عاجبني وعاجب زوجي وبس

وعسى الله يسخره لج ويوفقج بحياتج

 

[MisS *-* BMW]

واي الله يعيينج حبيبتي ,,

انا اكره هل نوعيه خلاص كل واحد كيفه يعني انا مثلا ما احب البس من النقرااا وغيره معنى والله مافيه شيء المهم لبس ويكون مستر ,, والناس اذوااق
وبعدين اذا اهماا يلبسووون ماركااات كيفهمم عليهم بالعافيه قولي لهم كل واحد عليه بنفسه
وانا مقتنعه بلبسي هذااا استغفر الله :\ اطبااااع الناااااااااااس مادري شلوون صايره يتحكمون على كيفهم :rgewrg:

 

[الدنيا لعبتي]

الله يعينك ياااااربي من هالناااس شنو التفكير السطحي انتي ماااعليك خلي الثقه هي شعاار اناقتك وترى ناااس كثيرر اعرفهم يشترووون اغلى المااركاات بس الحمد لله والشكر البس ماادري وش يبي يعني اهم شي الذوق وماااعليك منهم بيني لهم ان عاجبك لبسك وكلاااامهم مايأثر فيك صدقيني احقريهم وشووفي هاذي حركاات وسوالف الحموله اعوذ بالله

 

[كل شيء عادي]

حبيبتي الحكمه في النهايه
يعني بعد عشر سنين لو كان عندك بيت فخم فأنتي حققتي هدفك
لكن المصيبه لو بعد هذا التوفير ماعندكم بيت وغيرك إلي كان يشتري ماركات ولايحسب للفلوس يصير عنده بيت وأنتي لا

 

[LuLiTa]

و ليش تبجين ؟

ردي عليهم انج واثقة من جمالج حتى لو تلبسين خيشة بـ تعجب ريلج و دام انه ريلج عاجبه ذوقج فـ مو مهم من وين تشترين لانج انتي اللي اتحلين اللبس مو اللبس اللي يحليج


انتي راضية و ريلج راضي ... فـ العذال شكو يتدخلون ؟

 

[مس روبنز]

اللي قاعده تسوينه صح وعين العقل

وشحلات بدل النقره وكويت ماجيك ما فيها فرق عن المجمعات

ولا يحز بخاطرج ولا تتضايقين من كلامهم دامنج مقتنعه وعارفه اللي تسوينه صح وواثقه من نفسج

والذوق أهم شي مو المكان ولا السعر

رضا الناس غايه لا تدرك

والبنات ما قصروا كفوا ووفوا​

 

[مس روبنز]

حبيبتي اللي تسوينه عين العقل ما عليج من أحد

شحلات النقره وكويت ماجيك بدلهم حلوه وما تفرقينها عن غيرها من المجمعات

واللبس بالذوق مو بالمكان والقيمه

خليج مثل ما إنتي واثقه من نفسج ولا يهمج كلامهم ولا يكدرج ويزعلج

رضا الناس غايه لا تدرك

والبنات ما قصروا كفوا ووفوا​

 

[وردة^الكويت]

حبيبتي الحقران يقطع المصران
كاني انا اشتري من اي مكان بس المهم عاجبني
و دايما اسمع حجي بس اسمع منيه و اطلعه منيه
طنشي عمري
و لا تحطين لهم باااال

و مبين عليج ماتشتغلين و من وين يعني بتجيبين فلوس؟؟
يبونج تكسرين ظهر زوجج و الا تبوقين!!!

حبيبتي نصيحة من اخت
اذا صارت الملابس هي غايتج ماراح تكسبين شي
و اذا صارت مشكال بينج و بين زوجج عشان ماركات ماراح ينفعونج

 

[غلا الغوالي]

اكره العقول اللي كذا​

​

وانتي خليك واثقه من نفسك
​

اذا ضحكوا قولي المره ثانيه
​

بشتري من السوق الفلاني
​

>>طبعا اذكري اسم سوق

اشين منه​

وبطلع اكشششششششخ وحده​

قوليها بكل ثقه​

الواثق يسكت الناس ترى

الله يوفقك

"​

​

 

[al3sooola]

اهم شي القناعه
واهم شي حلو عليج وما عليج منهم

 

[وردة الحياة]

لانج طيبه وعلى نياتج وتقولين الصج
والصج مايمشي بهالايام اذا احد سال عن لبسج لاتردين..ولا تييبين طاري من وين تتسوقين

 

[قلبي محمد]

حبيبتي انتي صح ومالج شغل بكلامهم
سوي اللي انتي تبينه وتكونين مقتنعه فيه
ومبين من كلامج انج ما تشتغلين ، يعني صح كلامج من حقج تيمعين من الفلوس اللي يعطيج اياهم ريلج
لانج ما تدرين شنو الظروف او يمكن تحتاجين شي فجأه ..عالاقل يكون عندج فلوس
وارد اقول مالج شغل فيهم .. اهم يشوفون ريلج مو مقصر معاج بشي ماشاءالله ويمكن عشان جذي اهم محترين ويبون يقثونج بمواضيع تافهة مالها اي معنى
انتي خليج مثل ما انتي وأجرج عند رب العالمين
بس اذا مره ثانيه اسألوج من وين شاريه ملابسج .. قوليلهم ما راح اقولكم (على ضحك)
دايما خليج احسن منهم وربي راح يعوضج كل خير ان شاءالله حبيبتي
والله يخلي ريلج لج ان شاءالله ويخليج له

 

[كـ غلا ــلي]

واشفيها النقره الحين ريفا وانوتا اللي البنات يتخامطون بضايعهم طقه النقره كله خياط الكويت

وحتا في محلات بالنقره موجوده بالمهلب وعلى شنو يعايرونج خو كل واحد وذوقه دامج شايفه اللبس حلو عليج

وقد ميزانيتج اشعلج منهم يتكلمون لين باجر الحجي ببلاش وتذكري دايما رضاء الناس غايه لا تدرك و مو غلا

ولا رخص القطعه اهوا اللي يحليها اهم شي ذوق اللي يشتريها يا ما ناس تلبس الغالي بس ماكو ذوق طنشيهم زين

 

[كويتية بروما]

فيهم لقافه مو طبيعيه
مبين محترين منج وايد جان ماركزو بلبسج
اشفيه النقره هدومهم تهبل وفيه محلات كشخه جنه مجمع العثمان التفلسف عند البنات مو طبيعي
الله يسخر لج ريلج يارب

 

[•Brown•Sugar•]

الحل انج تقولين اسم المحل
مو اسم السوق بكبره
يعني من وين شريتي بدلتج؟
من اوكسجين مثلا (لهم اكثر من فرع) لاتحددين وين بالضبط

 

[Daleela]

عدل كلام البنات اهيا مسأله ذوق مو بالسعر مو شرط كل شي غالي حلو حيل وفيه اشياء رخيصه وتطلع روعه

انا بالنسبه لي اشتري الغالي والرخيص المهم يعجبني وستايلي

اذكر مره شفت وحده لابسه ستايل شروال على جمبسوت شريته من النقره ما ادري اي واحد شفته على وحده وسألتها وقالتي جان

اقوم اشتري اثنين والكل يسألني من وين والله العظيم رحت الجمعيه الكل يطالعه من كثر ماهو غريب حسيت اني مخلوق فضائي لووول


خو انتي شاريه من النقره مو من سوق السالميه سوق السالميه الاحمر صج شعبي
يبا هذيله يغارون منج