كفوج ... تشترين من هالاماكن@@

[MissChoco]

اهما ما اسالوج الا انه عاجبهم اللبس بس من تقولين النقره طاح من عينهم!!!!

حبيبتي ماعليج منهم ،، والنقره والله في اشياء حلوه وبضاعتهم نفس المهلب والعثمان وعندهم كذا محل بشرق اكسجين وكتون

انتي دامج عرفتيهم جذي جذبي عليهم قولي المهلب هههه مايفيد وياهم الا جذي

واشدعوه المحلات الثانيه كشخه وترا تلقيتبوقت التنزيلات بالمحلات الثانيه على 5 و 10 و15 نفس النقره



انا وحده مايهمني شالي البسه ولا من وين اهم شي انه حلو ومرتب،، اشتري من الغالي على 80 130 واشتري من العادي
عاد الواحد يقتنع بالي يسوييه

 

[نسمة الجنوب]

ماعليج منهم ومره ثانية لا تعطينهم مجال يفتحون معاج هالمواضيع وسلامتج

 

[البسمة العذبة]

رد: رد : كفوج ... تشترين من هالاماكن@@

عندي لج حل يسكتهم للابد بس يمكن قوي شوي على ريلج ..
والحل اذا قطو عليج كلامهم السخيف هذا ليش ما تلبسين ومن الهالخرابيط قولي لهم خلاص زوجيني ريلج عشان يلبسني من الماركات واقعد اتفلسف عليكم .. انا تزوجت اخوج ومصروفنا على القد ..
عشان ما يبطلون حلجهم مره ثانية

 

[مسس كارميلا]

رد: رد : كفوج ... تشترين من هالاماكن@@

امبييي منصجج
على قوله المثل
الآلب غااااالب
وانتي الي تحلين اللبس لو من وين ما كان
ترا الانهم محترين من ذرابتج واناقتج
يبون تنهز ثقتج بنقفسج
لا حبيبتي
مالج شغل
ولا يحرونج ولا شي
ماشاء الله عليج مقتنعه بالي عندج وهم
ما يحبون يشوفون الناس مقتنعه ومرتاحه
مالج شغل وقولي لهم
كرميلا تقول
اناااااااا محليا البس مو هو يحلييني ولا ماركته تحلينييي

 

[هجووورة]

الله اعلم حريم حموينج من وين يشترون
لا تعلمين والله اعرف محلات غاليه وبضاعتهم زباله
مدي رجولج على قد لحافج اهم شي الدرابه والنظافه

 

[^_^ Coco Chanel]

رد : رد: كفوج ... تشترين من هالاماكن@@

والله انتي ماشالله عليج مافي منج الحين
احس حددج قنووعه ، وتعرفين تمشين نفسج باي مبلغ، وهذا صعب ترا !! مو اي وحده تعرف تتصرف نفسج الا الحكيمه
الله يكملج بعقلج

بعدين اهم شي ان يكون مرتب وحلو عليج,, وااايد بنات يلبسون غالي وماركات ومن بره وشكلهم هيلقي حدده

بس هما محترين منج ليش مادري؟؟؟ يمكن انج تاخذين مبلغ صغير ، وبالرغم من هذا قاعده تشلين منه
وتلبسين وتكشخين بعد ، اكيد هذا اللي قاهرهم

حبيبتي ما عليج باحد وخلج واثقه بنفسج

 

[مطيريه ماركه]

آنتي عطيتيهم مجآل يتطآولون عليـج
شوفي آنآ مآشفت لبسج بس وآلله عنـدي آحسآس آنّ لبسج آحلى من لبسهم آو فيه شي عندج مو عندهم
يمكن تحلين آللبس ؟
وهـ آلشي خلآهم يغآرون ويسآلونج يبون يقلدون
آنتي بـ تشترين هدوم وآلآ آلمجمع ؟
نآس متخلفـة
نصيحة ردي عليهم قولي آلبس آللي يعجبني

 

[دلع العتبان]

لايطيح علينا السما ماادري الخوات كل وحده منهم حمواتج باريس هلتون وجنيفر ومدري منو اقصاجن مو مبينات بالمجتمع ولا ليكون عبالهم من الطبقه المخمليه لووووولي

والله زين الله مايقلبنا النقره لبس خدم والشسمه لبس المعزبات ههههههههههههههههاااي

البس اللي يعجبني موشرط المومهم حلو علي واعتقد مالهم شغل باي شي يارب بس لايزولها من نعمه




،،،،

 

[q8y-moon]

انا بقول الله يعينج علي اللقافه

 

[عاشقة هواك]

اختي كانت نفسج لما اشتغلت وقالت حق البنات الي وياها بالدوام اني اشتري من النقره

كلهم ضحكوا عليها ومسخروها يوم رحنا النقره تقول ولا تشوف هذيلا الي على قولتهم

ما يشترون من هالاماكن جذاببيييييييييييييييين ونصابين كلهم يشترون من هالاماكن

وحتى رفيجتي كله تتطنز على ولاني على قد حالي وتوني طالبة ما اشتغل وما عندي فلوس

اشتري وكله اشتري شغلات على قدي بالاخير شفتها بنفس السوق الي قالت عنه هيلق مو

ملبوسي

واصلا الله ما يرضى الي تقط فلوسها على بدل غاليه باجر الله يحاسبها ناس مو لاقيه

تآكل اللقمه واهيا تقط هالفلوس عشان جدام الناس يقولون عنها كشخه وايد في ناس

جايفين روحهم ع شنو كلنا الحمد الله عندنا خير ونعمة وكلنا نلبس ونكشخ ماله داعي اقولهم والله اشتريت من المكان الفلاني كأني مو شايفة خير شسالفة

وكل الي يقولون ما البس من هالمجمع الفلاني مال الفقاره ومو مستواي هذيلا عيال فقر مو شايفين خير وما يحمدون الله ​

 

[حلوه بس بلووه]

والله انتي معطيتهم ويه يسالونج قولي مجمعاتي ومحلاتي المفضله ما اعلم سررررر وبكل دلع
وثاني شي النقرى شفيه حلو وذرب وحاله حال اي مجمع ماعليج منهم حقريهم وجعمي كل وحده اذا تكلمت خلي عندج شخصيه مويعايرونج وانتي ساكته حمري العين
وبالتوفيق

 

[BubbLe87]

عطيهم اكبر طاف و انتي اللي تسويته صح و النقرة حلو و انا اشتري منه و غيري وايد شنو يعني النقرة مال خدم اي شي الصراحه محترين منج حقريهم

 

[pinkigigi]

انتي ليش تعلمينهم مو ملزومه تعطينهم تفاصيل

اسمحيلي بس انتي فتحتي على نفسج باب و خليتيه مشرع


الحل الوحيد انج ما تقولين لاحد من وين شاريه لبسج
و اذا حسيتي ان ضغطوج قولي من الافنيوز
لأن الافنيوز فيه من اللي بدينار لي اللي بألف دينار

و اسمحيلي حمواتج و حريم حموانج حيل سطحيات و لازم تكونين حازمه معاهم

و اذا سالوج بكم قولي ما ادري
بو فلان ( زوجج ) اهو اللي دفع سألوه ( بتسكتينهم)

 

[بطوووطة$بيضة]

وي حبيبتي انا معاشي اشكثرة وشهادة واشتري من الصالحية والنقرة عادي اذا بي شي عجبني اخذه مالي شغل ولا بعد اقول من وين عادي شنو يعني

 

[حكاية شهرزاد]

شفيهم هذول متخرعين ,, قطي عليهم كلمه قولوا انتو مو ملوك

غلبيهم بجمالج وخله كشختهم تنفعهم ..

اخذي من هالاسوقه ومن غير هالاسوقه ,, اخذي الناعم ,, اخذي الشي اللي مافيه ديزاينات ,, لانه الحلو لما لين تشترين الرخيص تاخذينه ساده ,, والغالي اخذيه مشجر مزركش ..


غيري من لبسج .. وخلج على الموضه حتى لو رخيص ,, يعني مثلا الحين تدرين موضه القصير ,, اخذي التنورة الضيجه القصيرة السوده من النقرة ولا المحاميد ,, واخذي التوب فوقها من مانقو ولا زارا وترى دوم المولات تسوي خصم ومرات شغلات تنحسب ارخص من المولات ,,

انتي بس نقي نقوة ,,

سوي شعرج كيرلي ,, ولبسي قصير ,, شي بسيط مايبين فخامه لانه اللي ماعنده مايصير فخم .. يصير انعم عليه ..

 

[yam_yam]

عمر اللبس مايقيم الانسان
ترا الافنيوز يسوون خصومات ساعات يوصلون لدينارين و ثلاث
انتي وذوقج و ستايلج و محد له شغل من وين تشترين ملابسج
المهم حلو و مرتب

 

[PuPa^^SWeeT]

خلي عندج ثقة بنفسج

انتي اللي اتطلعين القطعة مو القطعة اللي اتطلعج

مالج شغل فيهم

اللي يتحجى جذي هذا فاضي فضاوة مو طبيعية


انتي اللي عليج اذا افتحو الموضوع لاتردين عليهم و بس

ايي والله صاجة مو معقولة اتقطين فلوسج كلها ملابس

لازم اتوفرين

لو اتحملين باجر و تولدين

منو بيفيدج الموضة واسم الماركات ولا توفيرج


الله يعينج عالي عندج بس ماعليج من احد و خليج قوية و واثقة من نفسج

وخليج جبل مايهزج ريح

 

[بنت عطا]

مايستحوون شنو الواحد بعد على قده شنو يسوي

انا بعد مااشتري الغالي على قدي ممكن اشتري جم قطعه من مجمع بدي جينز ملابس داخليه بس مو كل شي لانه الاسعار نار وانا ماعندي معاش ورجلي كله كلمته مااعندي ماعندي وانا مايهم راي احد فيني اهم شي عاجبني

 

[رآآحٺ آيآمڪْـ]

قوللى كلن وذوقة يُ قلبى
وبعدين على مآآعتقد آنآ آلى لآبسة مو آنتى ،/$
وبعدين ُ آى قآلو ُ مآنقو آلنقررة ُ ، قولى ُ أى تعرفينة ُ ههه جذئء ُ عرفتى " يتطنزون تطنزى ُ ، ردى آلصآآع صآعين
وبعدين لآتخربين حيآتج عشآنهم ُ ، طآف طآف

 

[مآمآتي]

امبيه انا اشتري من النقرره مرات قمصانه حيلوه

مافيهااا شيييي بس كل واحد وذووقه