قولولنا تجاربكم مع النادي الصحي .. شصار لج لما تركتي الرياضه ..

[bintmishref]

واي انا ماخلصت كل الردود بس اقرى واحس باحباط و استغراب وكل مشاعر الحزن والاسى لووووول
انا بقول تجربتي الصغنونه.. ضعفت وكنت بس امشي وساعات عالقاري اتمرن..
ووقفت بالصيف لان سافرنا.. وعقبها رمضان.. وزدت عليه 4 كيلو.. طبعا من البلعه ولا لو محافظه على نفسي جان جسمي هذا اهوا ما تغير!

والحين توني بس ادش نادي..
بس انا من رايي ان لو الوحده بتروح نادي بس لازم يكون عندها شي ستاند باي بالبيت ولا شرايكم؟!
يعني انا عندي جهاز المشي لو صار عندي اليوم كله مشغوله ماروح النادي بس امشي نص ساعه عالسريع واخلص بدال لا اخذلي ساعتين روحه ورده وتبديل وسباحه..

 

[م فطومه]

الرياضة حلوة واحنا ناخذها على انها بتضعفنا وبس .. حطينا وقت لكل شي للزوارة وللعيال وابو لعيال والاستقبالات والعروس والدوام بس ماحطينا وقت لروحنا تنصدمين لما تركض لسنين ويتغير الجسم وتتغير اللياقة وتصيرين مو مثل قبل((اكبر مثال)) لما تودين عيالج الترفيهية ولا الالعاب وتذكرين انج اول تلعين هالالعاب والحين ماتقدرين وتحسين بتعب ليييششش؟؟ لان ماكو لياقة


انا اذكر اول لما انزل من دري بيت ابوي اناقززز واركض هههههههههه والحين ماقدر انط ولا صعدت احس بتعب ليشششش؟؟ لان ماكو لياقة


انا أأيد النادي للي تقدر ويكون روتين لابد منه على الاقل 3 مرات بالاسبوع راح تلقين العصبيه راحت لانج بتطلعينها بالرياضة وذهنج بيكون صافي وتتحرك الدورة الدموية

حتى لو تاكلين راح يحترق الاكل


انا عن نفسي مشتركة بنادي وماراح اهده


والى ماتحب النوادي او ماتقدر تروح لاي سبب اخذي فره بالفريج يعني 15دقيقة كافية ترى باليوم او يوم وترك​

 

[q8 nono]

والله احسن شي سويته بحياتي يوم اني اشتركت بالنادي والله ان وناااااااااااااسه مع اني كنت بروحي ما اعرف احد منها رياضه و منها تغيير الروتين و الله اني كنت عشق شي اسمه نااااااااادي بس بعدين تخربطت النومه و كسلت عن الروحة والحين غيرت النادي واشتركت بفلكس شهر و انشااااااااءالله احبه و ناويه اجدد فيه سنه

 

[ayoma1]

السلام عليكم
انا اول مرة ادش المنتدى وعجبني موضوعكم لان اليوم سجلت بنادي
اهو صج اذا هديتيه راح تزيدين لانج قاعده بالبيت وماتحركين مثل كل يوم مشي ورياضه وسباحه
بس انا اقولج وعن تجربه اول اسبوع بس امشي مشي وبعدين لعبي الايروبيك والسباحه بس لا تشدين روحج بالاجهزة او انج تروحين النادي يوم وترك علشان جسمج ماينشد بسرعه وبعدين يترهل بسرعه

 

[قهوة برية]

للفايدة
رفع

 

[آلسحر آلحلال]

رد : قولولنا تجاربكم مع النادي الصحي .. شصار لج لما تركتي الرياضه ..

بناااااااااات كلآمكم متنااقض بس اكتشفت ان اللي تقوول ردييت أكيييد تأكل لان عمر ارياضة ماكانت سبب فالمتن
لو كانت سبب مانصحونا فيها الدكااااااااترة والآ شرآآآيكمممم ؟؟؟
انا مفكرة لو دخلت نادي ماراح استعمل الاجهزة ولا طرآ على بالي
بس ابي المشي يعني جهاز المشي والسباحة واليوغا والرقص مررة بالاسبووع وبسسس
لان المششي يضعفني بسررعه والسبباااحه تششد ويكفوون ويوفووون

وصـلآمتكم ..

 

[Om^7aMaNi]

خووووش موضووووع ولله و لازم نسأل فيه د. عبداللله المطوع يتراوالي يعرف بهالسوالف محد يراجع عنده؟

 

[!! D m i r a a !!]

اشتركت قبل عرسي بنادي تشامبيززززززز بالجابريه من 5 سنوات هالكلام


لما اشوف صور عرسي جسمي كان مشدود وكنت رياضيه درجه اولى


الحين مترررررررررررررهل متررررررررررررهل متررررررررررررهل ابي ارجع ربع اللي كنت عليه


جان زين

واااااااااااي تحطيم :cxxxp: هذا اللي خايفه منه

 

[m&ms2]

يعطيج العافيه

 

[.. ღ همس ღ ..]

انا اقول مثل ما قالوا البنات

ماقصصروآ

 

[krkooora]

اب اب اب

 

[nona_mona]

اولا اللي تقول انها ادزيد دبلات عن وزنها هذا مو من النادي هذا من الاكل اللي تاكله اولا ثانيا طبعا راح يصير في ترهل يعني هذي عضله وانتي قاعده اتقوينها وفجأه ومن غير مقدمات تتركين النادي شي طبيعي راح تترهل .
بس اذ انتي حابه يكون جسمج سمبتيك انا افضل المشي واذا كنت حابه تشتركين بالنادي لاتظغطين على نفسج وايد ولعبي اللي تقدرين عليه
بس انا راي الشخصي حق البنات انا النادي مو بس حق جسمج حق كل شي صحه وطول العمر وخليج نشيطه وفرش​

 

[Miss Cherry]

انا محافظه على السباحة .. وعلى حسب الوقت الحين بعد العيال ومسئوليات البيت غير الدوام يعني اللي اقدر عليه 3 مرات بالاسبوع تقريبا .. واسوي مرات كلاسات ايروبيك بس مو دايم ..

قبل يوم كنت بنت لا مسئوليات ولا شي كنت تقريبا يوميا اروح النادي واعشق السباحة بعدين تزوجت وتركتها فترة ماشوف تغير جسمي حيل يعني اكيد زدت مع الحمال والولادة بس عادي زدت 7 كيلو ولاني قادره انزلهم الحين


انا اشوف الوزن مايزيد الا من الاهمال والاكل .. الرياضة عامل مساعد

يعني انا صج تركت الرياضة بس كلش ماهملت نفسي حتى فترة حمالي اعرف شنو اكل مقلله حيل نشويات وسكريات الخبز والعيش ماحطهم بحلجي لاني اعرف هذول اللي يمتنون .. وحتى وانا تركت الرياضة بس اتحرك ومرات اروح الممشى امشي مو دايم بس اذا قدرت .. مشروبات غازية قاطعتها واكلي صحي واحوس بالبيت اتحرك صاعده نازله يعني مو لازم اروح نادي بس انا محافظه على نفسي

اللي تمتن بعد ماتقطع الرياضة هذا معناته انها مهمله نفسها ..

بس الشي اللي الاحظه عن نفسي .. لما ارجع للسباحة فيه شغلات بجسمي الاحظها تتغير النفس عندي يتغير مادري شلون اشرحها بس احس انه التنفس احسن .. نومي يصير أحسن وبشرتي تتغير واحس جسمي مشدود اكثر

 

[عشق نوفمبر]

وييييييييييييييييييييييييييييييييييييييو
وييييييييييييييييييييييييييييو
JUST STOP !!
شنو هذا بنات شهالنصايح بنات يخربون على بعض ؟!؟!!!
صج لو النوادي رزقها عليكم جان سكرت لووووووووول :****
اي ليش تهدون النادي من الاساس
شي طبيعي جسمج راح يخترب اذا هديتي النادي
النادي في جهاز يكبر الارداف
جهاز يشد الصدر
جهاز ينطط الخلفية
بالله عليج تشتغلين كل هذا و تبين تهدينه و يظل !؟؟!؟؟؟؟ يعني بالعقل يظل شلون اذا انتي اساسا وقفتي تمرين ؟؟؟
اكو واحد يبني و يتعب على جسمه و اخر شي يهدمه ؟ و يدمره ؟ و يقعد ويقرش و ياكل 70 وجبه باليوم !؟!؟
ترا اصعب شيء بالرياضه اول ما يبدي جسمج يتحسن و يصير مرن لكن بعدين عقب ما يصير لياقه خلاص الرياضه تصير سهله و شوي شوي كل الموضوع يصيير على كيفج تصيرين انتي الي تختارين الاجهزه الي تبينها و انتي تصممين لج برنامج يناسب جسمج انتي تختارين اذا تبين تشتغلين على صدرج تشدينه او مثلا تبين تسوين بكتوفج التفاحات او مثلا ما تبينهم علااااااااا كيفج انتي الي تسوين البرنامج كله تسوين روحج باربيه على كيف كيفج
مو اذا خلصتي اول شهر وتعبتي عليه ليش تهدين السهل الباجي
انتي مثل الي تطبخ اكله و تقطها !
بدال ما تاكلها وتستانس فيها , عقب ما طبختها لووووووووووول
وليش ما تاخذون الـرياضه as a lifestyle اشبيعلطج عنه
ساعة وحده ولا ساعتين بدال ما تقعدين على التلفزيون و تطالعين هالبرامج الي ما فيها فايده و مسابقات للاسف تفسد المخ بدال ما تسوين جذي روحي بهالساعتين للنادي و ساعدي نفسج
وما يصير يا بنات التفكير العربي هذا الكوج بوتيتو !! ان انتو ما تبون تخلون الرياضه مكون اساسي في حياتكم
ليييييييش
ما بالعكس الرياضه تخليكم اولا هادين كل العصبيه الي تييكم تمصها الرياضه و تصيرون هادين خصوصا بالشرق الاوسط اهني من حرارة خط الاستواء تأثر على عصبيه الناس فالرياضه راح تهدي اعصابج هذا غير الشد و التمارين المفيده
ما تشوفون هالاجانب شايب شكبره راسه ابيض و يمشي شحلاته جنه البخت
وحريمنا يستغربون لووووول يقولون شلون جذي
ما اهو طول حياته رياضه احنا اهني عندنا سيارة تودينا و تييبنا هذول مشي لي مكانهم كلللللللللللل يوم و جذي الرياضه صارت مكون اساسي بيومهم
انا انصح الكل ان يهتم بحياته و يهتم بصحته
شوفو شلون هالاجانب يمشون بصحه و حياتهم طويله
لان اكلهم زين و حتى لو يخربون بالاكل الرياضه مستمره
عالاقل يلحقون على احفادهم و احفاد ابناءهم ... مو مثل الناس الي عندنا .... صارو يموتون بسن صغير ...

 

[.،:"$الـعـوبــــة$":،.]

اللي فرشت بعد النادي مو من الرياضه ،،

لا حبايبي لانها فرششششت ايدها ،،

لانقص على بعض ،،

هذي الاعذار اللي تودينا ورا الشمس ،،

الرياضه حلوه ومفيده مو بس من ناحية الضعف حتى من ناحية الصحه ،،

لاحظوا اغلبيتنا صاير فيهم خشونه !!

بتقولون من المتن لا والله مرات اشوف حريم عصاااقل وفيها خشونه !!

تدرون ليش ؟؟ من قلة الحركه ،،

المهم من الاخر الرياضه مفيده ،،

المشكله وين ؟؟ شنو النادي الحلو الثقه النظيف،،

قررت ادش نادي فقلت باخذ جوله عالنوادي واختار اللي ارتاح له ،،

رحت فليكس بالشعب البحري ،،

مووووروطبييييععيييي ٤ ادوار وحمامين سباحه ونظيف وراقي وهادي حيييل دش مزاجي ،،

ولو اني مومقتنعه بسعر الاشتراك ١٥٠ شهريا ،،

فيه نوادي حلوه ب٥٠ تقريبا ،،

صح انه احلى بس مااقط عليه ١٥٠ بصراحه ،،

وجاري البحث ،،

 

[bent_nadia]

ماعتقد اتردين دبلات الا اذا خربطتي بالاكل او ماتحركتي كلش نفس اللي ياكل وينام او اللي جميع وجباته جدام الكمبيوتر مايتحرك
اهني مودبلات يرد الا ابشر بتضاريس ماكانت موجوده
اخذيها مني نصحيه وانا اختج توكلي على الله ودشي وخلي الرياضه مع روتينج اليومي ولاتحطين ابالج انه شهر واقطع او اني راح اخرب او راح امل او ماكو احد معاي ابروحي لانه هالتفكير كله احباااااط لج شجعي نفسج بنفسج وبعدين فكري بتشجيع الغير
سيري ونحن ورائك وربي سبحانه يوفقج واتكونين بصحه وعافيه