قولولنا تجاربكم مع النادي الصحي .. شصار لج لما تركتي الرياضه ..

[MissChoco]

مادري انه ما اعتقد تردين؟؟


كا انا اسوي رياضه وهديتها وااايد ولا رديت ..


بس الترهلات اكيد حبيبتي يترهل .. لانه الجسم بدون رياضه يكون مو مشدود

وبالرياضه ينشد

شلون لمن تهدين الرياضه تبين يكون مشدود؟ لا حياتي مايصير

 

[وردة النرجس]

انا عيل خل أقولكم عن تجربتي
هم إشتركت بنادي تشامبينز ولدمة 6 شهور أول شهر حسيت أنشد جسمي وألم
والسباحة وايد زينة وتمارين الماي
وهم عقب شهرين الكل يقولي ظعفانة معني ماكنت ضعفانة وايد بس أتحرك ولا اسوى ريجيم هذا أكلي
بس وقفت شهر عقب هالشهر طلعت البلاوي ويوم رديت هم مالي حماس مثل قبل
وبصراحة بلى طلعت زوائد إنتي بغنى عنها وتطلع لج تضاريس ماكانت منوجده والسبب التمارين على الأجهزة أنتي قاعده تحركين عضلة عضلة وبعدين تيين تهدينها أكيد بتترهل
بس نصيحة مني يا بنات الي بتشترك بنادي لا تشد حيلها زيادة عن اللزوم وتسوى تمارين وسويدي وأجهزة
أنا عن تجربة انصحكم بس بالسباحة وتمارين الماي لأن ممارستها بمعدل نص ساعه تساوى ساعه بالصالة سويدي
وانا هالشهر بخلص إشتراكي مادري أجدد ولا لا
يمكن لأني بروحي ومليت
يلا الي بتعزم خل تقولي يمكن أتشجع مره ثانية

 

[amoni]

الله يهداكم شوالسالفة من صدقكم تتكلمون أكو واحد ياكل أكل الشر وماتبونه يمتن ويطلع له زغاديد على قولتكم يوم شفتي الجسم صار سمبتيك حافظتي على روحك ياحلوة حتى يوم ضعفتي ماتغيرت الشهية الله أكبر وش هالشهية اللي كل شي يروح الا اهيا خالأنظلك شود تضعفين من غير نادي من الله يعني شي طبيعي توكلي على الله ياحلوة البنات انتي ودخلي النادي ترى أنا مسجله فيه ألحين وشود أشوفك ونشجع بعض ياقمر وماعليك من كلام أحد لازغاديد ولامغاديد لاتحاتين بس انت ديري بالك على صحتك وشوفي راح تدعيلي باذن الله

 

[ام كنعه]

حبيبتي انا كنت مشتركه في مس شامبينز ولعبت شهرين وكان وناسه لان تحسبين نفسج رايحه مكان مثل المنتجع كل شي على كيفيج واحلى شي رياضه الماء والسباحه واليوغا وكنت اروح لدكتوره رجيم كانت تقولي لا تلعبين اكثر من نص ساعه او ساعه لان اذا هديتي الرياضه راح تمتنين وصارت لي ضروف صعبه وتركت النادي والحين ثلاث اشهر ما لعبت ولا مشيت لان بنتي مريضه وما اقدر اتركها المهم وايد متنت تبين الصج صرت اكل وايد واحس بالفراق كله قاعده بالبيت بس والله انصحج تروحين مس شامبينز وتستمرين في للراحه النفسيه ومو لازم تروحين كل يوم والرياضه حلوه وضروريه للجسم وراح تشوفين في النادي حريم كبار صارلهم 8 سنوات ما تركوا النادي وانشالله تستانسين وانا بس ضروفي تصير زينه ابي ارجع وادعولي الله يشافي بنتي

 

[Miss Golden]

انا ناويه عاد هالصيف اسجل بنادي لمدة سنة...

بعضكم كلامه يضيق الخلق الصراحه احبااااااااااااط ما بعده احباااط

مادري ليش الاجانب ودول العالم كله يلعبون رياضه وما اشتكوا مثلنا؟!!! شمعنى احنا؟!! معناته الخلل فينا ترى يا جماعة الخير خصوصا بالاكل الزايد ونوعية الاكل من عيووش و مجابيس و دهون و فاست فود..

بس في جم عضوة ماشالله عليهم يهبلون يردون الثقه بالنفس ويشجعون الوحده تلعب رياضه

انا بفهم شغله بس.. مافي احد بالعالم كله ذم بالرياضه.. معروفه الرياضه مو بس تضعف وتشد لا تعطي لياقة لانا صايرين نصعد جم درية نتعب اللهم يا كافي.. و تنشط عضلات القلب والرئه والتنفس..

فسبحان الله فوايدها اكبر بكثيييييييير من مضارها اللي اخترعتوها..


تعالوا صج.. شوفوا لاعبين كرة القدم..

بعضهم لا اعتزل صار شمتنننننننه وبعضهم كبار بس اجسامهم تهبل..

العيب باللي يهمل روحه ويقعد ياكل وينام.. يالله هذي عيشه؟!!!!!!


مادري شكلي طولت عليكم بقرقتي بس لاني ناطره متى ايي الصيف واخذ فلوس الصيف لاني مدرسة واشترك سنه كاملة...

كنت حاطه فبالي تشامبيونز اللي بالجابرية لان رفيجتي سجلت فيه 3 اشهر عقب ما ولدت و تمدحه حدددددددددها..

بس في عضوه تمدح اللي بالصالحيه... ياليت تبلغنا عنه..


وبسألكم عن ايليزيوم اللي يم سوق شرق.. في وحده جربته؟!!!
شلونه وشلون اسعاره!!!

 

[شوارفسكية]

عن نفسي اثناء النادي تحسين انج خفيفه وجنج بالطيرين لمه تتركينها حتى لوو امسويه دايت او تخفيف تحسين انج ثقلتي لوو بسكوووووته بس هذا شيء طبيعي و الحلو انج تتحركين
فأنتي اشتركي فتره وتكي النادي فتره ثانيه بعدين ردي و هكذا الحياة ولااا شرايج

 

[أم عواشي]

لا اتحبطوني توني مشتركه في نادي

 

[فرفووشه]

مرحبا بنات هذي اول مشاركه لي في المنتدى ودي مساعدتكم شنو رايكم في نادي كازبلنكا اللي في المنقف؟

 

[^AyOoTa^]

الصراحه ثااانكس لكم كلكم الاني استفدت واستنتجت من تجاربكم كلكم ... انا الحين بس قاعده امارس رياضة المشي وانشاالله بس ارجع من السفر بدش نادي مع اني وزني مثالي بس احس زاد وزني شوي من فترة الامتحانات الي طافت
وبصراحه مابي ازيد ودي انقص كيلويين او كيلو واحافظ علا جسمي وكنت خايفه من هالشي عن الرياضه بس بتوكل عاللله وظل اواضب عالمشي .. والرياضه مع ان الرياضه مو يعني بس الالات وسباحه وغيرها بسصج ال رياضه مفيده جذا وتحافظ عالوزن ويساعد عالتركيز اهيا اليوغا ولها واايد فوايد وانصحكم تمارسونها حتى علا مااعتقد في نادي فيزيك في السره في عندهم ...
ويعطيكم العافيه

 

[tooto2007]

مرجبتين كبار حبيبتي
الرياضة تنسق الجسم وتخليه مشدود حيل بس يبيييييييييييييييييييييييلها استمرار أبدددددددددددددددددددددددددي
وسلامتج

 

[حوري2004]

فرفوشه ما دامج قريبه تعالي اشتركي معاي بسيدتي الرشيقه اللي بالفحيحيل روعه وحمامهم اكبر من كازا بلانكا
وبعدين تراه اشرح هذاك سرداب احسه والله يخنق
وهذا رايي

 

[^AyOoTa^]

انزين شنو الاشياء الي لازم نتجنبها عشان ماتسوء الامور بعد ترك الرياضه

 

[بدور العبدلي]

أنا من مئيدين الرياضة وعل فكرة مايرج الجسم دبل هذا الكلام موصحيح وبعدين في الحركة بركة وخلي أكلج صحي والمشي في البيت مفيد أذا كان مالج خلق ومافي شي يرجع دبل

 

[arrooma]

اخييييه


والله امنيه من امنيات حياتي اصير رياضيه .. احس اني نشيطه من قلب .. بس البيئه اللي عايشين فيها ما تشجع .. !!


والله لاسوي اللي براسي .. وادش نادي .. واظل طول عمري فيه .. بس اظل انيقه .. رشيقه .. سمبتيك طول عمري .. ليمااااا اعيززز !

ومشكووورين ^.^

على فكره تره ابي وحده تشجعني تروح وياي نادي ندش سنه كامله ^.^" شرايكم

 

[عنيّد]

بل بل بل بلللللللل

لو نوادي العالم واقفه على موضوعكم ، جان كلها أعلنت افلاسها
:dddds:


فلانه تقول ، كنت عصله ، وانتفخت صرت عرض الباب ، سويت رجيم ورجعت عصلللللله
بس أكو ترهلات !
اي خوووووو طبيعي بيكون فيه ترهلات ، يعني قطيتي نص وزنج اشلون ماتبين يكون فيه ترهلات !!


وفلانه تقول ، سويت رجيم وأخيرااااااااً وصلت للوزن الي ابيه
ومن وصلت للوزن المطلوب ، رديت آكل ، وبعدها رديت انتفخت
سبحااااااااان الله ، يعني شنو متوقعه الوزن بيثت طول العمر ؟؟


وعلى سيرة فلانات الي فوق ،،، نطبق على فلانه الأخيره تقول ، كنت مسجله بنادي وجسمي صارت مثل الي ابيه يهببببببببببببببل
ولما تركته ترهل !
اي خوووو أكيييييد بيترهل لانج جابلتي المجابيش والصواني


ويقولون من السهل الوصول للقمه (القمة يعني نهاية الجبل مو لقمة الأكل :dddds ولكن من الصعوبة المحافظه عليها


إذا الرسول صلوات الله عليه وآله يقول (علموا ابنائكم السباحة والرماية وركوب الخيل)

احنا الحين بنقول ان السباحه مضره ؟!

مشكلتنا اذا استخدمنا الشي غلط ، وقطينا العيب بهالشي
:tomato2:


فيه حديث -موذاكرته نصاً- ولكن بما معناه (لا تقعد على الطعام الا وانت جائع ، ولا تقوم منه إلا وانت تشتهيه)


والله لو طبقنا هالكلام ،، بتكون أجسامنا ميه الميه
:ggdw:


بس ويييييييييييييييييييين الي يسمع
:krkrkr:



وأنا الحين بجلسات نفسيه مع نفسي ، إلا أخلي الرياضيه جزء من روتيني اليومي
:eh_s(6):

 

[فـرفـر]

مجهود ساعه باليوم مايضر

واهم شي ماتردين تبلعين بعد ماتهدين الرياضه والرجيم


خلي لج يومين بالاسبوع اوف

دكتورتي تقولي لانج قربتي للوزن المثاالي النزول راح يكون صعب فالنظام هذاا تتبعينه طول عمرج والنظام يكون

3 اياام امشي علي رجيمها ورابع يوم اخلي وجبه فرري والتزم يومين واليوم الساابع وجبه فرري

ولازم 3 مرات حركه عشااان تحافظين علي وزنج

ومافي احلي من المشي

 

[دولتشي]

شوفي حياتي اذا بتاخذين رايي وانا مقتنعة فيه صرااااحة
الرياضة يبيلها استمرار واذا تركتيها اكيد بتترهلين تعرفين ليش
لاننا لما سوينا الرياضة يكون هدفنا ننحف ويصير شكلنا حلو ولما نوصل اللي نبي خلاااااص ننسى كل اللي سوينا وشوي شوي نرجع دبل
راي اذا انتي بتسوين الرياضة اختاري الرياضة اللي متاكدة انك بتستمرين عليها المشي وصعود الدرج يعني تكون شي ماتستغنين عنه لان الاستمرارية هي طريق الجسم الرائع والله جدتي الله يطول بعمرها عمرها 90 وماشاء الله تبارك الله جسمها شاد ماتشوفين ترهل تدرين ليش من المشي طول اليوم تمشي وتتحرك والاكل اكل طفل واهم شي التمر والبر واللبن
خلاص مستحيل تغير نظامها
وهذا اللي استفتدته منها وجاري العمل به والحمد الله صح النقص في الوزن شوي بس البطن خف وحتى الشهية تغيرت صرت آدمية اول اكل اكل تقولين بيخلص الأكل الله لايغير علينا
طبعا بتقولين كيف الفطور خفيف والغداء من غداء البيت والعشاء روب مع خيار او حليب اهم شي الدعاء والمشي المشي المشي المشي المشي قد ماتقدرين اقلها 45 د وكل ربع ساعة حركي يدينك كانك عصفور وخليه هذا نظامك دايم والله بتدعين لي ترى الجسم نعمه من الله لازم نصونها وبالذات التقسيم الانثوي الطبيعي كثيرات محرومين منه اذا الله وهبك تقسيم حلو حرام تخربينه بالرياضات اللي ماتصلح الا للرجال انا مااقول بتعضلين لان بناء العضلات رجال كثير ماتوا ماطلع لهم كيف بحرمه ضعية بس من جد عن تجربه لان جسم المراة رقيق بسرعة يتاثر باقل تغير لكن المشي والتخفيف اثرهم اكثر من روعة على المراة اول شي تناسب جسمها ثانيا سهل الاستمرار عليها
وعموما المشي او اي رياضة ثانية تركها فجاة والعودة للانظمة الغذائية الخاطئة كفيله بانها تخليك دولاااااااااااااب
اختك دودة بنت خالة دولتشي

 

[KG-Teacher]

هااااااااااااي انا صراحة من مؤيدي الرياضة درجة اولى


عن تجربتي اشتركت بنادي 3 شهور ونزلت عليه تدريجيا وبس هديته ضعفت اكثر لان اكلي قل وخليت المشي والحركة اساس بجدول حياتي اليومية ولاترهل ولا بطيخ... وبصراحة رديت متنت مني لاني رديت اكل بس من ضغط الدوام والميداني والمشكلة اني منتبهه لنفسي قاعد امتن بس اقول خل اخلص واجابل عمري عدل وكاني فعلا خلصت ومجابلة نفسي عدل واشتركت شهر بنادي ونزلت وللحيني مامتنت وجسمي مشدود يهبل والحين وقفت شهر وبرد اجدد اشتراكي لان الرياضة تعطي احساس بالثقة بالنفس ..

المختصر المفيد الخلل منا احنا ولا الرياضة مافيها شي اللي يجابل عمره عمرة ماراح يمتن ويترهل ​

 

[Miss sensitive]

والله حبوبه فكري بوناسه النادي .. والفايده اللي بتستفيدينهااا
كافي انج بتقوين اعظامج وتصيرين نشيطه .. وبعدين لا تهلكين نفسج .. اشتركي سنوي .. وخليهااا مرتين بالاسبوع
عشان ما تملين ولا تتركين
وخلى الرياضه جزء اساسي بحياتج
مو احنا بس فاضيين حق البلع والتلفزيون والنت .. والكسل ذابحنااا

 

[بوران]

الرياضة حلوة ليش تهدينها