رد: قصه حب غريبه في المدرسة الكويتيه الامريكيه < انصحكم تقرونها رومانسيه وتضحك وجريئه
السلاااااااااام عليكم
ادري انتوا مستغربين اني كاتبه الجزء يوم الخميس ومفروض يوم الجمعه لاني مسافرة بس راحلتنا تاجلت اهئ اهئ يالله خيرها
بغيرها وانا مخططه اكتب قصه جديده اليوم اتمنى انكم تقرونها
:الجزء السابع :
جاسم طلع من الغرفه الي كانت فيها كرستينا وكان درج بيت جاسم حيل كبير وكانت كوسا على اخر الدرج تمسح دموعها
جاسم بصوت عالي : وقفييييييييييييييييييييييييي كوسااا
كوسا لفت على جاسم وكانت الدموع ماليه عينها
جاسم نزل من على الدرج بركض وكان احتمال موت جاسم حيل كبير وكانت كوسا متجمده مكانها وكانت خايفه حيل
واول ما جاها جاسم
جاسم : انا اسف كوسا حسبالي انها انتي
كوسا تعطي جاسم ظهرها : انا سامتك عيش وتهنى بحياتك وانا ماابي اطالع وجهك ولا اطالع للماضي لانه انتهى
جاسم حظن كوسا وهي معطيته ظهرها : انا اسف اني ما قدرت اكون معاج
كوسا وهي توخر جاسم عنها وهي لحد الحين معطيته ظهرها : انا قلتلك اني سامحتك وتطلع برا البيت وهي ماشافت جاسم
بعد مرور اسبوعين
بعد الترجمه
الدكتور : الباقي بعمرك لكن حالت الاكتئاب الي عندها وعدم رغبتها بالحياة ادت لموتها
جاسم بصدمه :انا الي ذبحتها شلون يا ربي شلون سويت جذي
الدكتور : انا اسف لكني لم افهم
طلال : سنقوم بجميع الاجرائات وشكرا
الدكتور : حسنا تقبل تعازي الحاره
طلال : شكرا
الدكتور راح وسوو العزا الحين كلكم اكيد عرفتوا منو الي ماتت هي كوسا
وسوو العزا وكان جاسم بصدمه كبيره حيل
ترا اضحك مو كوسا كرستينا
وبعد مرور 4 شهور من موت كرستينا
نروح للاطراف الثانين بالقصه
ام ميشو : كوسا حبيبتي بغيتج بموضوع
كوسا : هلا يما تفضلي
ام ميشو : انتي تعرفين انج بنت حلال وكبرتي وما عدتي جاهل وولدي ميشو يحبج ووانتي تعرفين ووبغيتج تكونين زوجته وانت تعرفين ان ما عندج احد بهالدنيا الا احنا ونبيلج احنا الزين وولدي الحمدلله مو عاطل عن الشغل وعنده بيت تستقرون فيه
كوسا : بس هو بحسبت اخوي وما اقدر اشوفه زوج لي
ام ميشو : بس هو مو اخوج
كوسا : زين عطوني وقت افكر
وراحت كوسا غرفتها وقعدت تبجي وتبجي تبجي على حب جاسم وموت ابوها وفراقها له بعد هذاك اليوم وعلى خسارتها لحبها لكرستينا تبجي وتبجي بعدين نامت ليه الظهر وبعدها راحت غسلت وتريقت وطلعت للبحر
كوسا " انا ليش تصيرلي كل هالشغلات ليش ليش ما اكون سعيده بحياتي ليش عرفت جاسم ليش رحت لهذيك المدرسه بالاساس "
طلعت كوسا تليفونها ودقت على عذاري رفيجتها تشكيلها حالها
عذاري : عاد انتي بتوافقين
كوسا : مادري يمكن
عذاري : زين وجاسم
كوسا : هو الحين يبي يتزوج وانا قلت له اني ماراح اشوفك ابد ومادري ميشو ولد حلال ويمكن استقر معاه وانسى المصايب
عذاري : بس
كوسا : ما عندي حل ثاني
ظلوا كوسا وعذاري يسولفون واول ما سكرت عذاري من كوسا
عذاري : الوو
جاسم : هلا شلونج وشلون العيال
عذاري : تمام انت
جاسم : الحمدلله
عذاري : جاسم كوسااا بتزوج وبتنساك
جاسم منصدم : شنوووووو
عذاري : الي سمعته
جاسم : انتي ما تعرفين عنوان بيت كوسا
عذاري : اي اعرفه
جاسم : عطيني اياه
عذاري عطت جاسم عنوان بيت كوسا
وجاسم وهو بطريجه لبيت كوسا شاف كوسا تمشي وقف سيارته
جاسم : كوسااااااااااااااااااااااااااا
كوسا تلتفت : جاسم
جاسم يركض لها : كوسا انا ما اقدر اعيش بدونج افهميني
كوسا : بس انا الحين بتزوج
جاسم يحد صوته : محد راح يتزوجج غيري فاهمه
كوسا : واذا قلت ماني فاهمه شنو بتسوي
جاسم حظن كوسا حييل : مالا داعي اسوي شي لانج بتفهمين
كوسا حمر وجها : هييييييه انت شنو تسوي هدني
جاسم هد كوسا ومسك ايدها ووداها للسياره
جاسم : اركبي
كوسا : وين بتوديني
جاسم : لا تخافيين ماني ماكلج انتي اركبي وبتعرفين
كوسا : ماني راكبه الا لمن تقولي
جاسم فك باب السيارة وقعد كوسا
كوسااااااااااا : هييييه وين بنروح
جاسم : حتى بعد هالسنين ما هديتي
جاسم راح بيت كوساااا
كوسا : هذا بيت ام ميشو
جاسم : دريتي الحين اني ماراح اكلج
كوسا : جب جب زين شنو بنسوي
جاسم رراح عند كوسا ومسك ايدها : كوسا احبج
كوسااا حمر وجها ولفته
جاسم : يعني ما تحبيني
كوسا بصوت خفيف : بلى
جاسم :شنو
كوسا بصراخ : اييييييييي خلاص شنو بتسوي
جاسم وهو ماسك ايدها : الحييين بتعرفين
كوسا : الله يستر
ودخل جاسم البيت وشاف ام ميشو
جاسم : لو سمحتي
ام ميشو : منو انت
جاسم : انا ابتزوج كوسا
ام ميشو وكوسا معا بعض : شنووووووووو
جاسم : الي سمعتوه
جاسم : اي والعرس بعد اسبوع وراح عند ام ميشو وعطاها ظرف
جاسم : يالله انا رايح واشوفكم
وراحت كوسا توصله للباب
كوسا : انت ليش ما قلتلي قبل
جاسم : حبيت اسويها مفاجاه
كوسا : جاسم
جاسم : عيونه
كوسا : اخاف اقوم باجر من النوم وما يطلع هذا كله صج
جاسم : ليش تبين تنامين معاي
كوسا بصراخ : هييييييييه شنو هذا يالله يالله باااي انا غلطانه اكلمك
جاسم :هههههههه يالله باي وقرب من كوسا وباس خدها
كوسا على طول سكرت الباب ووجها يقلب الوان
وحطت ايدها على قلبها
بعدين راحت لغرفتها تبدل وكانت مستانسه على الاخر واول ما قطت بلوزتها الا يطلع لها كرت مكتوب عليه جاسم ورقم تلفون
خذت الرقم ودقت
جاسم: الوو
كوسا : الوو
جاسم : منو كوسا
كوسا : اي
جاسم : يعني اشتقتيلي بهالسرعه
كوسا : لا شكو اصلا الشرها مو عليك علي انا الي داقه
جاسم : لا خلاص انا اسف هوو شفيج ما تقبلين احد يضحك معاك
كوسا : لا بس انت سخيف
جاسم : انا سخيف
وضلوا هواش وسوالف ليييييه الصبح يالله ابي توقعاتكم للبارت الاخير وانشاء الله عجبكم هذا البارت
