قصتي الحقيقيه مع المرض .. تابعوني وادعولي قصه خاصه فيني (ام كتكوت)

[عاشقة الرشاقة]

لاحول ولا قوة إلا بالله......الحمد الله على سلامتج

 

[ام انس انا]

...... متابعه .....

 

[قهوه فرنسية]

متابعين على أحر من الجمر

الله يكافينا شر السحره ويرد كيدهم بنحرهم

وألف الحمدلله على سلامتج

 

[بتبوتااا]

وووااااي ياقلبي والله من ادش الموضوع قلبي وجسمي كله يعورني وخاصتا لما اسمع شي عن الاندونيسات ولانه خدامتي اندونيسيه

ووايد زينه وخدم بيت اهل ريلي طق وانطقو ومعاش وانخصم منهم والحمدلله ما سمعنو عنهم شي غير انهم زينين وحبيبتي

مذهله شنو سالفتها هالاندونيسيه مالت اختج والطلاسم الي لقيتوهااا !! ؟ << مافيني صبر انطر

 

[janoona]

حسبي الله ونعمه الوكيل فيها

كان عندي احساس انه خدامتج لها يد بالموضوع

بس عسى الله لايوفقها دنيا واخر اذا كانت صج اهيا السبب

وناطؤينج تكملين الاحداث

 

[عنايد]

ياااااااااااا الله

قصتج عوووورت قللللللبي

كل شي فيني قام يعورني وقمت اتذكر اللي صار لي من عقب ولادة بنتي الكبيره قبل ست سنين الله لايوري احد اللي شفته على قولتج الحريم
يتمون 40 يوم ركضه عالصوالين والمشاغل وانا تميت اربعين يوم رحت أسوي عمليه ومره ثانيه بجي وآلام وغيار الحمدلله على كل حال

بنات ترا اكبر نعمه انج تولدين بالسلامه ومايصير فيج آثار جانبية للولاده ولا شي لانه في حريم يتعذبوووووووووون من الولاده ومن آثارها الجانبيه

الحمدلله

 

[ميس الورد والشوق]

ياااحبيبتي ياام كتكوت

عسىى الله يتم عليييش

وبكفيج شر من فيه شر

وينصر على من عاداش واذااااااش

وحسبي الله ونعم الوكيل على اللي اسحرش

وماخاف ربه فيش ولاحن عليييييييش


حسبي الله عليييييييهم


وناطرين التكمله

 

[supermarket]

لاحول ولا قوة الا بالله... الله ياجرج

قصتج تطحن القلب ... وبدايتها غير كللش عن نصها والله يستر بنهايتها

وتذكري اذا الله حب عبده ابتلاه

والله يخلي لج اهلج وزوجج

ويحفظ لج وليدج ويرزقه باخوان وخوات

وبانتظااار التكملة ..

 

[حب الكويت]

الله يشفيج ويعافيج ويخليلج اعيالج ويسخرلج زوجج

ويخليلج امج وابوج وخوانج قولي امين

ويعطيج الصحه والعافيه طوال العمر ولا يحوجج حق احد

والله عورتي قلبي وان شاءالله يصلح جهازج ترى ناطرينج000

 

[~RouNa~]

حسبي الله على اللي كان السبب

مأجورة ان شاءالله

مادري شقول لساني انربط :×

 

[عاشقة الجنة]

لاحول ولا قوة الا بالله

واله قصتج تعور القلب ... حسبى الله عليها :eh_s(14):

والحمد لله على السلامه .​

 

[^SwEeTa^]

خدامة اختي الكبيرة اندونيسية طلبت بتسافر حق اهلها شهرين بس بشرط انها ما تييب اي وحدة ثانية وقالت لأختي راح تشوفين ولا وحدة تقعد عندك غيري
ومن سافرت كل ما تدخل خدامة تطلبها ما ترضى تقعد
صارلنا 5 سنوات على هالحال
وفوق هذا بين فترة والثانية تتصل على اختي من السعودية (اشتغلت هناك) تسألها عندج خدامة ؟؟؟

واضحة ماكو غيرها مسوي سحر وأكيد مخشوش بالبيت بس ما عرفنا مكانه
من شهر اختي غيرت شقتها والحمد لله توه طالبة نيبالية والله يستر


الاندونيسيات مشهورين كل سحرهم يمرض لما المسحور يموت والهدف الثاني انها تكوش على ريال البيت

نفس الكلمة قالتها لي خدامتي الهندية حسبي الله عليها من 3 سنوات

قبل لا تروح قالتلي ما راح تقعد عندج و لا خدامة من عقبي

و فعلا حسبي الله عليها .. سنة كاملة و انا كل أسبوعين أييب خدامتين و أردهم

بعضهم شينين .. و بعضهم و الله من يدشون غرفة الخدامة اتييهم حالة و يبجون .. وحده منهم ارتفعت حرارتها من اول يوم دشت فيه غرفة الخدم تبي تنام .. و قامت تطيح علي تقول رديني المكتب انا مابي أقعد!!!!!!!!!!

ما افتجت العقدة إلا لما نظفت غرفة الخدم من كل شي يتعلق فيها حسبي الله عليها

و كنت أقرى البقرة على طول .. و قريت في الماي و رشيته بكل زاوية بالبيت .. و أكثر شي غرفة الخادمة

و الحمدلله ألحين أشوه

لي يومكم أحلم بهالخدامة تطل علي من فتحة السنترال .. و لا تدخل علي الغرفة على غفلة .. حتى عقب 3 سنين!!!

حسبنا الله و نعم الوكيل فيها .. ربي لا توفقها

****

لا تطولين علينا يا أم كتكوت

 

[DALALEY]

ياللله الله يصبرج ويآجرج حبيبتي على اللي صارلج


الحين صارو خواتج 2؟؟ مذهله وام لبنوته؟؟؟؟؟؟؟ صح؟

 

[Betty]

واي حبيبتي ام كتكوت قصتج قطعت قلبي حسبي الله عليها من خدامه واااي حقد فيهم مو طبيعي اعوذ بالله
الحمد الله عسلامتج يا قلبي و عسى الله يحفظ لج كتكوت و ابوه و اخوانه اذا عنده اخوان

 

[Om ToOoTa]

ايه صح


كويتيه

امبيه انا مااتذكر ولاشى صار حق اختى ام كتكوت

تونى اقره وانا مصدومه

لانى تونى متزوجه ومستانسه بالريل هههههه


واااى الله يصبر قليبج يا اختى الحنونه

 

[*سكون*]

ناطرينج أم كتكووووت

 

[ام كتكوت]

السلام عليكم كللللللللكم بنات حبيباتي للي ردو وللي ماردو
ماقصرتو ياعمري انكم دعيتو لي وحسيتو فيني والله والله والله والله هذا اللي مكتوب لكم نقطه من بحر اللي شفته بالصج الله لايوري لاعدو ولا حبيب
صج اللي صالي ماتمناه لعدوي ...
وان شالله اكمل لكم اليوم واحاول انهي بأسرع وقت لان الاحداث وايد
وفي اشياء تقاضيت عنها ماكتبتها وايد تعور القلب ومحد راح يصدقني لو ذكرتها ...
ع العموم اكمل واذا في اي تساؤلات برد عليها بوقت ثاني بأذن الله تعالى

.............

الجزء 11


بنات لمن صار بالليل حزة النوم طبعا مثل ماذكرت الجناح اللي انا فيه كبييييييييييييييييييييييير وايد

مقسم قسمين وبينهم ممر ويودي لاجنحه ثانيه

ومن جهتي 4 سراير .. المصريه اللي قبالي ويمها الغاليه ام فهد وانا بالزاويه ويمي مره عوده


هالمره تعبانه حدها ووايد تون تون تون والله ماتخليني انام باللي من وينينها استغفر الله تعور قلبي الفقيره

وبنتها معاها وخدامتها لان حالتها صعبه وايد . والاجهزه بكل مكان يمها بالليل..

والبنت كانت كل يوم تصرخ عليهم خلاص ودوو امي غرفه خاصه .. بس طبعا ماكو لازم دور

وتقولهم انتو مزعجين (تقصد الممرضات ) والمرضى اللي بالجهه الثانيه ( لانهم يقرقون وووو

المهم

الساعه 2 جذي اسمع هالعيوز تشهق تخيلو انا كنت نايمه وكنت مسخنه حدي مادري ليش؟؟؟ فجأه حسيت اني مسخنه وقعدت من كثر الكوابيس :cxxxp:


وسمعتها تشهق فتحت الستاره شوي شوي ........ تخيلو كنت بقوم بطل عليها : ( بعدين تذكرت اني ماامشي


انهرت قلت امبيييييييي لا .......... جان اهمس باسم المصريه (س) ..... (س) ماترد

خفت انادي ام فهد حرام مره كبيره

جان اقول امبي شسوي ماكو الا الجرس

جان اسمع العيوزه تشهق مره ثانيه وصوت جهاز القلب يطلع اصوات واجهزه ثانيه تطقطق


شلون هادينها بروحها وينهم ( الخدامه تنام يمها بس ليش ماتسمعها ياربي ؟؟؟؟؟؟؟؟؟؟؟؟؟؟؟) شقتها موطبيعيه ( لما الحين ترن باذني)

المهم

استسلمت جان اصرررررررررررررررررخ فلانه فلانه اللي هي المصريه واطق الجرس بشكل هستيري

ماتسمعني ياربي ينيت شسوي تمنيت الخدامه تكون يمي بس هم هي مع السيلانيه تنام معاها لان مافي مكان طبعا تنام يمنا بالجناح

المهم شوي ولا اسمع خدامتها قعدت لمن انا صرخت ونادت السستر المناوبه بنفسها

قلت لها بليز ترى ام فلان توه طلع صوت وايد (وقعدت اشرح لها ) انها شهقت وطلع صوت مثل مادري شلون اشرحهه

وسكرت ستارتي وانسدحت سكرت اذوني وحاولت انام

بس لمن شلت الكفر ... ولا فاتحين الليتات والممرضه تتكلم بالانجليزي فهمت ان الدكتور لازم ايي وبنتها تبجي وتتكلم بالتلفون

وانا خايفه واااااااااااايد

المهم لمن وصل الدكتور ولا العيوزه خلاص ماتت ............ ماتت الله يرحمها :0bee2e8d89:

واااااااااااااااااااااااااااااااااي يمه يمه مت من الخووووووووووووووف قعدت ابجي والكل يبجي وينوح عليها

شهالمصيبه الحجيه ماتت .... ماتت يمي

وانا مثل المينونه ادور فوق تحت اخاف ملك الموت اللي خذا روحها يشوفني خايفه وياخذ روحي انا بعد

صرت مثل المينونه مابي اسوي اي حركه موزينه عشان لا ايي وياقبض روحي

مابي اقول اي شي عشان لايمكن يتذكرني وايني يشلع روحي

( استغفر الله )

والله بنات كنت كل يوم اتمنى الموت بس بهالوقت مثل المينونه مغطيه عمري وابجييييييييييييييي حدي:0bee2e8d89:

وتخيلو انهم خلو الجثه ماشلوها ليما الصبح .. وبنتها موتت روحا من البجي والنوووووووووووح

انا بغيت استخف كل هالوقت وهالعيوز الميته يمي الله يرحمها ويغفر لها ولمممممممممممممممما الصبح وهو مخلينها عشان ايي دكتور ويكشف عليها يشوف سبب الوفاة ويكتبون بشهاده الوفاة كل شي


وااااااااااااي وانا ابجي ابجي مت من البجي

طبعا احنا الصبح دقيت على زوجي مايرد

دقيت على رفيجتي اول ماقالت الووووووووووو

جان اقولها ام فلان ماتت ورفيجتي منصدمه حدها


منو ام فلان وانا ابجي ابجييييييييييي وميته خوف لانها يمي وشفتها وهي مغطينها ويو اهلها الظاهر اعيالها ومادري منو ويترحمون عليها ويقرون عليها وووووو وهي يمييييييييييييييييييي : (

وابجي واصرخ هستيريا

قلت لهم مابي اموت شيلوها والله خايفه

تخيلو حالتي بهاللحظه قمت ارجججججف امي دقت علي

قالت لي اشفيج قلت لها يما اذا تحبوني صج تعالو اخذوني بموت والله بمووووووووووووووووت بطلع من هالمكان

اذا ماطلعت وربي بستخف

توه وحده ماتت يمي ولاسوو لها شي ............ ومحد يمها

الا انا وانا ابجي واتذكر هالعيوز لمن كانت تكحكح بالليل شوي شوي مستحيه وخايفه تأذينا خنت حيلي

واتذكرها لمن يودونها ع الكرسي يمشونها ع الويل جير وهي ماتدري عن الدنيا

شهالمكان اللي ماتت فيه آآآآآآآآآآه

المهم جان امي تقول ذكري الله ولاتخافين والله ماصار شي وو ... ومن هالكلام

المهم تغطيت عدل وانتا ابجي واقرا اللي حافظه من آيات عشان ارتاح

المهم بهاليوم يت امي اول ماشفتها بجيت قلت لها يما ام فلان ماتت جان تقولي الله يرحمها لاتفكرين يالله مابقى شي يحطونج بالغرفه الخصوصيه اريح لج : (

غرفه خصوصيه ......... يعني مطوله ومابذنهم ماي يطلعوني من هالمقبره اللي انا فيها

المهم موصار الشتا امي حبيبتي يابتلي معاها هدوم شتا وبلايز وشفت بايدها زيت مادري شنو

ولا اتقولي هذا زيت حق شعرج من ابوج وايد زين توه طلبه من وحده خبيره اعشاب تقول يطلع الشعر بسررررررعه؟؟؟؟

آآآه على شعري

شوفي يما لمن الحين يطيح شعري بلا توقف ولاعت جبدي من هالوضع ............ووريتها مخدتي

يعني انا مخليه مخدتي مقياس كل يوم اقعد اشوف الكميه زايده ولا قاله ...: (

شوي ولا تطلع مقراضه مالت اظافر ( وتقرض اظافر ايدي وانا اصرخ من الآلم ) وأظافر ريولي : ( ماقدرت لاني ماخليتها من الصياح والبجي

قلت لها يما الله يخليج قولي لي اني بطيب!!!!!!!!!!!!!!!

جان تقولي والله بتطيبين ان شاءالله وبتردين حق ولدج ؟؟؟؟

قلت لها متى؟؟؟؟؟؟
جان تقولي ان الله مع الصابين ... الله يبلي اللي يحبه وانتي صبري وهذا اختبار من الله بيشوفج تصبرين ولا لأ

قلت لها يما مافيني صبر خلاص والله الصبر مل من صبري

قالت لي لاتقولين جذي الله ماينسى عبيده نجحي بالاختبار والله كريم

وعطتي كتب يمكن 3 او 4 كله ادعيه وقصص وايد حلوه ومعبره دينيه :eh_s(2): هم يايبتها معاها حبيبتي


سألتها مره ثانيه قلت لها يما تعتقدين راح امشي مره ثانيه؟؟؟؟؟؟؟؟؟؟؟؟؟؟؟؟

جان تقولي راح تمشين واحساس الام مايخيييييييييب : (

المهم

راحت امي حبيبتي عني واستانست بالملابس اللي يابتهم لي واغلبهم يدد شاريتلي اياهم فديتها

ويابت لي بعد اشياء بس اذكرها ........

دقيت على زوجي قلت له اللي صار ....... ضاق خلقه واااااااااايد

وقالي يالله مابقى شي راح يودونج ابن سينا عشان كشف الاعصاب وان شالله يلقون لج علاج لان مابقى الا يشوفون يمكن المشكله من الاعصاب

وانا ميته خوف


المهم

عقب موتت الحجيه الله يرحمها وانا من امر يم الفراش يكش شر ينبي واتضايق وايد

يت المصريه الي قبالي وقالت انا بنام يمج مكانها (ياقوي قلبها )

المهم بنات مرت الايام ومافي استجابه حق ريولي ولا تحسن حتى 1%

ودوني ابن سينا بالاسعاف معاي ممرضه من المستشفى تقوم فيني وخليت خدامتي بالمستشفى

المهم لمن رحت اهناك طبعا اهم كانو ماخذين لي موعد مسبق على قولتهم والاولويه لنا

دخلت على طول عند دكتوره هنديه فحصت ريولي فحص دقييييق بالايد ..... وقالت لي كل شي اوكي ليش ماتحسين قلت لها مادري

رحنا الغرفه المرررررررررررررررعبه

يمه يمه يمه يابنات الله لايوريكم ولايوري لاعدو ولا حبيب

ابر من جميع الاحجام ( قعدت ابجي ) يمااااااااااااااااا تعالي فلانه (الممرضه) جان الدكتور ينط مايصير

قمت ابجي شنو هذا

قال لاتخافين ولاترتعبين ( هدي اعصابج ) عشان تطلع النتيجه واضحه

حطوني على سرير وركبو علي ريولي اجهزه واسلاك من كل صوب من صبع ريلي لمن ركبتي (وقباله شاشه مثل السونار)

وانا كل شوي اسأل الدكتور شبتسوي
( الكتور جنسيته اجنبي بس مو معروفه مادري يمكن روسي اسباني مادري....... لهجته تدل انه مو امريكي )

بس يكلمني انجليزي مكسر

اقوله شبتسوي يقول لاتخافين

لاني انا شفت الابر وقلت اكيد لها علاقه بشغله


بنات الابر مو مثل الابر العاديه لاااااااااااااااااااا

الابره اللي يكون شكلها مثل الدبووووس بس كبيره ومتينه مرززه على طاوله ومرقمه

المهم

الدكتور قام وتوجهلها (للابر)

قلبي دق دق مت من الخوف

مادري ليش اللي انا كنت حاسه فيه سواه لي

ياب اكبر دبوس و ؟؟؟؟؟؟؟؟؟؟؟؟؟؟؟؟؟؟؟









!!!!!!!!!!!!!!!!!!!!!!!!!!!!!!!!!!!!!!!!!

 

[Q8ia_100%]

واي الهمبه البوتمبه
قصتج اتخرع
الله فكج

 

[DALALEY]

هلاهلا بام كتكوت

كملي حبوبه واحنا متابعينج

 

[مطيريه ماركه]

ام كتكوت واصلي فديتج

قلت لها يما الله يخليج قولي لي اني بطيب!!!!!!!!!!!!!!!

بهالكلمة تعذبت كنتي ترجين احد يطمنج عسى الله يطمنج دنيا وآخرة