قصتي الحقيقيه مع المرض .. تابعوني وادعولي قصه خاصه فيني (ام كتكوت)

[vooom]

وااااااااااي ياقلبي الله يشفيج ياعمري والله عورتي قلبي
الله يشفيج ويشفي جمييييييع مرضى المسلمين والمسلمات يارب

 

[supermarket]

ام كتكوت علقتينا

حسيتي عقب الدبوس والا لا!!

 

[ألوي الكويت]

يلا شنو عقب الدبوس

ناطرينج لا طولين

 

[sondos]

لا تقولين غز الابره بريولج؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!


قلبى ذاااب والله من قلتى سيرة الابر

 

[ام كتكوت]

الجزء 12

وانا منسدحه على ظهري وادعي من كل قلبي ان هالدبوس مادري الابره مادري الدريل مادخله بالمكان اللي فبالي

بس للاسف خاب ظني

الدكتور حط ايده على ريلي قالي بالحرف الواحد

راح ادخلها شوي شوي بريلج ( بالساق )

وقولي لي شيصير معاج بكل غزه وقوليلي احساسج الحقيقي من غير اي مبالغه عشان نشخص عدل

انا اغرورت عيني بالدموع خنقتني العبره قلت له تعور

قال لي انا لي الحين مادخلتها ولاتبالغين (كان وايد متحملني)


المهم سميت بالرحمن وقلت يالله انا جاهزه

:eh_s(2):

ودخل الابره بريولي لمن آخرها

والله العظيم بنات ماحسيت ولابشي (انصدمت )

وخلاها معلقه بريلي بس شكلها يعور القلب

ياربي ياكريم ارحمني

الدكتور خزني وقالي : لاتشوفين وحط ايده وغطا الأبره وهي على ريلي

المهم انا غطيت عيوني اللي ماوقفت من الدموع حسره والم بقلبي واسمع صوت الجهاز يطلع اصوات يمكن هذا التشخيص

المهم دخل ابره ابرتين و3 ووووووووووو

باليمين واليسار

واخرتها عقب كل هالتقضض النتيجه طلع بعدين

(( سليمه )) !!!!!!!!!!!!!!!

مادري شلون بس الدكتوره الهنديه اللي اول مره شفتها عطتهم النتيجه سليمه 100%


تصدقون ماستانست

بالعكس قاعده اقول بقلبي ياريت النتيجه موزينه ع الاقل يمكن فيه سبب باللي انا فيه ويلاقون لي علاج

رديت بالاسعاف استقبلتني ام فهد تتطمن علي ولمن قلت لها النتيجه سليمه استانست وايد ...... وايد

ومر الوقت وصار على مرضي الفعلي 5 شهور بالضبط يعني خلاص طبقنا على نوفمبر ودخلنا شهر ديسمبر

وانا الحمدلله على كل حال مافي اي تحسن لو 1%

من صار شهر 12 وانا حدي خلاص كنت شبه ميته من الحزن ودوني خلالها مستشفى الصباح سوولي اشعه مقطعيه للمره الثالثه

طبعا قبلها نسيت اقولكم انهم مسويلي ب م. مبارك مره والنتيجه سليمه

لانهم كانو شاكين ان مخي فيه شي او فقرات ظهري فيها شي وهي السبب بشللي

ومرة ابوي الله يطول بعمره بالاسعاف نقلني مستشفى او عياده مادري اسمه انترناشيونال كلينك اللي بالسالميه

كانو ناقليني انترناشيونال بالاسعاف ويوم طحت هم على الارض(نسيت اذكر لكم ) وطحت وماقدرت اقوم من ع الارض وبعدها اللي زوجي رفعني وشالني بالغصب لان كنت قاطه حيلي كله عليه مسكين والله زوجي قام يبجي يقول ماتوقعت يوم من الايام بشيلج عليله ماتقدرين حتن تقومين :0bee2e8d89:


وطبعا النتايج سويتها اللي بالسالميه كان عشان الجرح طلعت فيها مشاكل واللي في مبارك عشان الشلل طلعت كلها سليمه


وبالصباح هم طلعت الحمدلله سليمه 100% طبعا بنات الاشعه المقطعيه تحتاج ابره بالايد ماتدرون اشلون حطوها عقب ماقضوا ايدي خمس مرات ولا لقو الا بالاصبع وريد : (

وتخيلو وانا بالاشعه صبعي انتفخ صار كأنه كره قاعده اقول لو احد يجيسه راح ينفجر والله وانا بس اشوفه ماقدر اتحرك

عقب ماخلصنا من الاشعه المقطعيه الدكتور بنفس الوقت قال النتيجه سليمه مالنا الا الرنين المغناطيسي!!!!!!!!!!

آآآآآآآآآآآآ اشعه القبر انا مسميتها اعتقد اغلبكم شايفها الله لايعوزكم لها يارب

قلت لهم لا المره اللي طافت تشهدت ( مستشفى مبارك) وطلعت سليمه ليش بتعيدونها قالو لازم : (

المهم والله وانا مقطعيه الغرفه باااااااااااارده موحشه وظلمه قلت الله يعيني على الرنييييييييييييييييين واااااااااي ياربي تآجرني واقعد من هالكابوس

ولاتشوفون حالتي وهم يشيلوني من سرير ليما سرير والممرضه الفلبينيه المسؤوله عني تمسح على راسي وتتعاطف معي

شافت ثلاجه ككاو على مانطرنا الاسعاف توصل راحت شرت لي ككاو والله ذاب بايدي رغم بروده الجو وطاح ع الارض ....................

بصرخ بقولهم ككاوي طاح ماقدرت

والله غصه ببلعومي تذكرت وليدي حبيبي بهالبرد مادري منو يمه

ويطق المطر بناااااااااااااااااااااااات وانا رايحه للاسعاف وهم مغطيني ومغطين ويهي والله تخيلت روحي ميته والمفرش الابيض كفن ورايحين يدفنوني ......... والله تمنيت الموت لمن عرفت ان كل شي سليم فيني واتذكر تقاطيع ويه الدكتور وهو يقول بيرفكت عيل اشفيها ريولي اشفيهااااااااااااا صرخت بقلبي تمنيت احد يسمعني : (


دخلت الاسعاف والممرضه الفلبينيه اللي قلت لها قصه حياتي وهي تمسح على راسي بالاسعاف كانت معاي قلبا وقالبا وهي مبرطمه متأثره فيني اقولها ريولي تعورني تقول مايخالف ان شالله مع العلاج الطبيعي تتحرك

تأخرنا بالطريج واسمع صوت زحمه قلت لها ابي اشوف بره قالت ان شالله اذا نزلوج ارفع المفرش وشوفي ولمن وصلنا والله والمطر يطق بغزاااااااااره غرق الدنيا وانا ادعي على الله تستجاب دعوه من دعواتي واتشافى واطلع لوليدي واهلي

لمن رديت المستشفى قعدت اسولف مع البنات والعياييز اللي هناك اشصار معي والكل يدعي لي

ويت وحده يديده كانت استاذه بالجامعه طالعه من دوامها ورايحه لبنتها المدرسه وفجأه بدون اي مقدمات جذي من الله طاحت وانشلت

سبحان الله العظيم ياربي رحمتك وعفوك
لا اله الله سبحانك اني كنت من الظالمين

رحت طليت عليها ولا اشوفها شبه ميته والله هان علي مرضي
هي ماتتحرك كلش كلش كلش

ياربي رحمتك .... مثبتين ويهها بحزام ومثبتين جسمها كله ومغطين ريولها وتكسر الخاطر قاصين شعرها بشكل فوضوي مادري ليش
واشوف شرطي يمها بعدين عرفت انه زوجها

طبعا اشوفها كل يوم بقاعه التمارين بس جذي حاطينها على سرير وقالبينها جنها واقفه هذا علاج عندهم مثل ضغط ع الاعصاب هم انا حطوني عليه تقعد عليه المريضه ساعه ساعتين جذي بس ماتتحرك تخيلووووووووووو
يربطونها عدل من فوق لي تحت ويقلبون السرير او الجهاز بحيث نكون مثل الواقفين بس مربطيييييين

كل يوم اشوفها على هالحال وادعي لها بعدين سوو اوراقها وسفروها بره الله يشفيها مادري شصار عليها الحين : (


---------

هذي للتوضيح صوره لجهاز الرنين المغناطيسي ( بس ملاحظه اللي انا حطوني فيه مثل (القبر)
كان غير مو متطور
وطبعا لبسوني لبس خاص مثل العمليات بس بدون اي شي وطولت داخل القبر اعوذ بالله جريب ساعه الى ساعه وربع ويحطون على اذوني مثل القطن عشان لاتسمعين الرنين طن طن طن طن مززززززعج بس انا كنت اسمعه بغيت انصمخ والله

وهذا جهاز الاشعه المقطعيه لازم تكونين ثااااااااابته ولا حركه ويحطون علي ايدي ابره مثل الدرب ويمشي فها الدوا
وحطيت ايدي بهالشكل والجهاز يتحرك ورى وجدام يلوع الجبد وتطول يمكن ساااااعه واكثر يملل ويعور

*الصور توضيحيه من النت

 

[فرنسا]

واي انترست الزبالة من الكلينكسات قطعتي قلبيى اقرا وامسح دموعى ........ الله يشافيج ويردج لهل وحبايبج سالمة غانمة
كملي اندمجت

 

[اي اسم]

لله يشافيج ان شا الله وياجرك

 

[ام كتكوت]

حبيبات قلبي بنات والله ماقصرتو بالردود الله يحفظكم من كل شر يارب

--------

هذي تقريبا صور توضح الفحص للاعصاب بس انا الابر كانو اكثر وبابن سينا يمكن اشياء غير الله يوريكم ياربي

 

[AlZeenah]

كملييي

 

[د.شريفة]

الله ياجرج الله ياجرج اجر وعافيه ان شاءالله
كملي عورتي قلبي

 

[ام عفاف الكويت]

الله ياجرج ياقلبي

كملي ياحياتي

 

[xxx]

:0bee2e8d89: :0bee2e8d89:

كملي

 

[AlZeenah]

وهالابرر ماتخلي فتحااات كبيرة بالريل مالها اثر يعني:×××

 

[wathoo7a]

الله يشفيج ويعافيج واااااااااااي قطعتي قلبي
ووليدج قطع قلبي ,,,حبيبي ما حس في أمه
يالله تشفيها وكل عبد مسلم يارب

 

[*سكون*]

كملي

كله أجر ان شا الله

 

[قهوه فرنسية]

لاحول ولا قوة إلا بالله

قصة تخلي الصخر يبجي

كملي ناطريييييييين النهايه

 

[^SwEeTa^]

متابعينج يا أم كتكوت

كملي حبيبتي

 

[طوق البنفسج]

لا حول ولا قوه الا بالله

ان شاء الله هذا كله بميزان حسناتج

 

[amooon82]

لاحول ولا قوه الا بالله

عسى ربي يعوضج على كل ثانيه عانيتي فيها بجبل حسناااااات اميييييييين

​

 

[بنت الدلال]

وااااااي الابر احسها تغز بقلبي


كملي ننطرج