قصتي الحقيقيه مع المرض .. تابعوني وادعولي قصه خاصه فيني (ام كتكوت)

[هند الكويت]

لا حول ولا قوه الا بالله
وااااي عورتي قلبي
الله يشافيج ويشافي كل مريض

 

[b6o6a]

متابعه


وااي كل خدم اهلي اندونيسيات ماشفنا منهم شي وانا خدامتي بعد امبيه شسوي حدي خفت

 

[ام كتكوت]

الجزء 13

مر علي الوقت وانا بهالمستشفى والله العظيم اني كل يوم كل يووووووم ( بالضبط كل يوم ) اقعد من النوم اشوف يمكن ريولي تحركت ولا شويه بس صبع ريولي يتزحزح .. بس ماكو فايده ميته والله بنات ماحس بريولي تعبت نفسيا وأنا امسكها واحركها والله حتى دكتورتي (ت) الله يعطيها العافيه تعبت معاي وحاولت وايد وايد وايد وهي تحط بهالفوط الحاره والمثلجه والكهربا والتمارين مسكينه طاحت ايدها ولا ازيدكم من الشعر بيت صار تمارين مكثفه حتن خدامتي قامت تسوي لي واعطيها زياده على معاشها وهم موعاجبها بترد البيت
قلت لها مايخالف بزيد معاشج يالله سكتت ......... فكتني كل يوم تحن بترد البيت تقول مليت و اكلهم موعاجبها
انا بالنسبه لي الحمدلله قمت اكل نفس قبل والحمدلله تكرمون روحاتي للحمام صارت طبيعيه يعني بمعدل مرتين بالليوم (قيصريه ) او بربيش

ماقدر ادخل الحمام تكرمون لان اذا قمت ماراح اقدر اقوم !!
وقمت اطلع كل خميس ويمعه مره اروح بيت اهلي ومره بيت اهل زوجي

واشوف ولدي اسبوع عن اسبوع يكبر وانا بعيده عنه ....

وبيني وبينكم هو مايبيني ولا يحبني ويعتبرني غريبه كل ماييت بشيله يصد عني والله قلبي يعورني
هم في اشياء كان ودي انه مايسويها بس للاسف الظروف اجبرته ( يمص مصاصه ولا يتمهد واشياء ثانيه )

الله يعطيها العافيه خالتي ماقصرت فيه وربته ودايره بالها عليه ..

وبالنسبه لشعري يابولي دكتور متخصص يشوف حاله شعري

دخل علي دكتور مصري وسوالي فحص وشاف الحاله

قال اول مره تمر علي هالحاله بدون اي سبب طاح الشعر بهالشكل

والله العظيم وراس ولدي هذا اللي قاله وعطاني كبسولات حديد الكل يعرفها اللي يعطونها الحوامل (الفيفول)

طبعا الصبح يحطون لي الدوا مع ربعهم من الادويه كنت اقطه كل يوم هو ومال الاعصاب : (

الحديد كان يسبب لي امساك وانتو بكرامه وهالشي مو من صالحي وقمت اقطه وهم مايدرون : (

لان ادري شعري من شنو طاح !!

والله بنفس اليوم حلمت ان ريولي تتحرك وانا ابجي اقول طلعوهم طلعوهم

قلت حق ابوي والله العظيم قام يضحك وياب لي ماي مقري عليه بس ماكو فايده

المهم ياه الوقت اللي يودوني موعدي عشان الرنين المغناطيسي وكان آآآخر شهر 12

وسوو لي الرنين ودخلت هالقبر ولا في فايده النتيجه كالعاده سليييييييييييمه والحمدلله رب العالمين بس اذوني وعلعلوني بهالاسعاف ونطره الدور

بنفس اليوم اذكر: لمن رديت

يابولنا تذاكر حق المدينه الترفيهيه مجانا حقنا اللي بالمستشفى مخصوص ...: ( (احنا وين والترفيهيه وين )

والله عطيتهم ام فهد قلت لها خليهم حق احفادج

ياني الدكتور كالعاده هو ومجموعه من الدكاتره وقعدت اتراجهم مثل كل مره واذل نفسي يطلعوني لاني تعبت قالي ماراح تطلعين الا وانتي تمشين على ريولج ان شالله

المهم قالي هذي الجبيره الصناعيه اللي انتي يابتها معاج لازم تتركينها لانها موصحيه وراح نسويلج وحده طبيه من عندنا بس انا رفضت وهو اصر

قلت له مايصير تعالجون ريولي جراحيا تحطون اجهزه تمشيها قام يطالعني ويطالع الدكاتره اللي يمه وييقصون على عقلي يقولون ان شالله

رحت موعدي والمكان بنفس المستشفى عشان ياخذون قياسات ريولي ويسون لي ريول صناعيه شكلها جذي

وبالفعل سولي وحده واجبروني البسها مع جوتي رياضه تكرمون .. قلت لهم اخاف اطيح قالو لاتقولين اخاف

قلت لهم اوعدوني اني مااطيح قالو نوعدج .........

دخلت القاعه بالويل جير وانا ادز عمري بايدي اللي تعورني قالو لازم عشان رياضه حق ايدج !!

المهم امسكوني وحده يمين ووحده يساااااااار ... وشالو الكرسي ووقفت

وقفت وهم ماسكيني .... قالو يالله حاولي تحركينها شوي ...............!!

انا : .....................:eh_s(16):

حسيت جسمي كله يعورني وانا واقفه .....

كل ماييت بقعد على الكرسي وقفوني

الدكتوره (ن) قالت لي ام كتكوت شدي حيلج يالله كا وقفتي يالله اخطي بس خطوه وحده

صرخت مااااااااااااقدر

قالت لاتقولين هالكلمه مابي اسمعها :rgewrg:

جان ابجي : (

قالت لاتبجين ترى قوتج كلها بتروح

قلت لها انزين قعدوني بس امسح دموعي ماني قادره اشوف قبالي اخاف امشي واتعرجب بشي واطيح

قالت تتعرجبين بشنو ماكو شي الارض ملسه ومستويه وجاهزه لج بس تمشين عليها

تخيلو اهم ماسكيني وهم عطوني عصايه ماسكتها من كثر ما انا خايفه متصورين

قلت لهم عفيه بس ارتاح خل اقعد

قعدوني مسحت دموعي

شالوني حاولو فيني بس بنات والله والله واللذي نفسي بيده ماقدرت صج صج موقاعده ابالغ ماحس فيها كلش


بس استانست اني وقفت عليهم

شوي يابولي جهاز كبيييييييييييييييير


مادري اشلون اشرحه لكم بس مره صورته وضاعت الصوره ..... صورته من الفرحه تدورن ليش

لان من خلال هالجهاز مشيت اول خطوه من بعد 6 شهور من الشلل الله لايرده

المهم يت دكتورتي (ت) قالت مافي غير هالجهاز هو اللي راح يشيل الرهبه منج

عشان لاتتححين بالخوف هذا ماسكج من كل صوب وانتي معلقه ماتطيحين لو شيصير والله ماتطيحين

المهم

وانا راحه ع الويل جير

وقفت ماسكيني ... دكتوره (ت) هدتني متوجهه للجهاز بتضبطه ( جان اصرررررررررررررررررررخ ) يالله

جان اطيح على ايدي آآآآآآآه يابنات لاتشوفون موقفي حزتها

والله اصرخ وابجي

ليش هديتيني ؟؟؟؟؟؟؟؟؟

انتي وعدتيني ماراح اطيح : (

انتي وعدتيني وهاذا انا طحت

شوفيني طحت











يتني خايفه وقالت لي سامحيني بس انتي خايفه ولو ما الخوف ماطحتي

انا الحين قاعده افكر اشلون اقوم

!!

والله بنات شالوني وحطوني ع الويل جير والكل يطالعني ومنكسر خاطرهم علي: (

دكتوره (ن) قالت ام كتكوت لاتستسلمين خليج قويه لازم نجرب هالجهاز

انا كنت حدي ارتجف وحيلي خلاص مهدود من الطيحه

ومافيني قوه حتن خدامتي كانت معاي ووايد متأثره

المهم

يت الدكتوره قالت قولي يالله

قلت يالله...... ووقفت مره ثانيه بس ماحس بشي خلاص استسلمت لهم

علقوني بالجهاز ..... وشغلوه رفعني بحيث اني وقفت بدون لاحد يمسكني بس طبعا الريول الصناعيه لابستها

وبدونها ماقدر

وخطيت اول خطوه

:eh_s(15):


الحمدلله والله هلوست من الفرح واطالعهم وحده وحده وانقل نظارتي اشوفهم مستانسين مثلي ؟؟

وهم كلهم هدو التمارين وياو صوبي مندمجين معاي

شلون اضحك مهستره اني قمت امشي برووووحي

بنات تخيلو شكل البيبي اول مايبدي يخطي اول خطواته شلون يمشي ( انا جذذي ) بالضبط

الحمدلله قلت لهم خلاص تعبت ابي انزل

نزلوني ودكتوره (ن) ودكتورتي (ت) وايد تعبو معاي

ولمن قعدت البس بروح الجناح صورت الجهاز من الفرحه

شافتني الدكتوره وانا اصور وابتسمت

لمن رديت الجناح والله من الفرحه ماخليت احد ماكلمته بالتلفون

زوجي

ابوي


امي


قلت حق ابوي يبا مشوني اليوم خطيت اول خطوه والله العظيم يبى مشيت

حتن بعدين اللي المصريه تقولي :

سمعتك تكلمي باباتك وانا ابكي معاكي : (

لبست جبيرتي اللي شراها لي ابوي حاولت اوقف عليها والحمدلله وقفت بس عويه طبعا مومستقيمه ومنجفيه ليما جدام

حاولت استقيم ماقدرت بس قمت اروح يمين ويساره اختل توازني وخفت اطيح وقعدت مره ثانيه

ياتني الممرضه تشوف ضغطي وحرارتي مثل كل مره

وانا قلت لها اني مشيت ووايد استانست حتن الممرضه هنديه كانت حامل تقولي والله فرحت لج اكثر من مافرحت لمن حملت بهالبيبي اللي في بطني والله العظيم بنات ورب الكعبه




:0bee2e8d89:

 

[ام كتكوت]

عفوا الجبيره اللي شراها زوجي

---------
هلا اختي

وهالابرر ماتخلي فتحااات كبيرة بالريل مالها اثر يعني:×××

لا يعمري ماتركت اثر بس شويه دم بس انا طبعا موحاسه بشي ولا جنه اصلاه مدخلين ابره
حتن ايد الدكتور وهو يفحصني ماحس فيها .........


بنات بعد شوي اكمل جزء .. ومشكورين حبيباتي ع التواصل

 

[*سكون*]

ننطرج

 

[سبائك]

يالله بجيتيني ام كتكوت اسلوبج بسرد القصه خليتينا جنه عايشين معاج بتفاصيلها

 

[د.شريفة]

بانتظارج
شغلتينا معاج
ابي اعرف شصار عليج
الله يااااااااااااااااااااااااااااااااااااااجرج

 

[*سكون*]

تبين الصج يا ام كتكوت قمت أشوف كل أزمه نمر فيها أو مرض عانينا منه ولا شي يم اللي شفتيه يا قلبي عسا الله يآجرج ويجعله بميزان حسناتج

 

[xxx]

:lkmnkl::lkmnkl::lkmnkl:


كملي ام كتكووووووووووت



:lkmnkl:

 

[DALALEY]

كملي حبيبتي

 

[روزيتا]

:0bee2e8d89::0bee2e8d89::0bee2e8d89:

الله ياجرك على كل اللى شفتيه كملى ناطرينج

 

[*سكون*]

اي والله ناطرينج رغم أنف جرس الطابور اللي ناطرنا

 

[bint_looda]

الحمدالله على نعمة العفو والعافيه
الحين الصخونه تهد حيل الواحد وتسدحه بفراشه اشلون انتي :"""""""""(
ياني بجيت يمكن مو من القصه كثر ماهو ياربي اشلون احنا بنعمه وموقاعدين نحس فيها ليهالدرجه سبحان الله صج الحين توني احس مادري خاني التعبير مادري شقاعده اقول

ربي ياجرج ويرفع من درجاتج وكل من قام فيج ويخلي لج كل من يعز عليج ويعل عينج ماتبجيهم انشالله

 

[MissChoco]

بعد عمري ام كتكوت

 

[SupeR-GirL]

كملي بلييز
بقراها قبل لا اناام
ورااي باجر قعده من الصبح

 

[sarina]

واي عورتي قلبي كل جزء أبجي أكثر اللة يشافيج انشاللة وتشلين ولدج . وياللة ناطرين الباجي .....

 

[A7la-SmiLe]

عورني قلبي
كملي ناطرينج ..​

​

 

[غلاي غير]

شنو صار

 

[AlZeenah]

المديررررررة قالت كملي بعني كملييييييييي:eh_s(1):<<<بتعرف شصااااار عفية:tomato2:

 

[وسن 11]

صج عورتي قلبي حمدلله على سلامتج

واجر وعافيه حبيبتي