قصتي الثالثة (( الى حبيبتي بسمــــــــــــة ...... وداعا ))

[6amni bs]

رد : قصتي الثالثة (( الى حبيبتي بسمــــــــــــة ...... وداعا ))

ويي لا انشالله يدققق
يعطيج العافيه حبيبتي
كملي

 

[P!NKia]

روووووووووووووووووعه
وفهد يهبل عجييييب
ياليت منه 100 بوقتنا هذا ههههههههههه
الصراحه الى الان كل الشخصيات اللى بالقصه حلوه
وناطرين البارت

 

[so_what]

waiting

 

[روح الدنيا]

منزله قصة و انا توني ادري ويح قلبي بس اهئ اهئ


بـ أقرآ برب خخخخخ

 

[JaN JaN]

:eh_s(9)::eh_s(9)::eh_s(9)::eh_s(9)::eh_s(9):



تسلميـــــــــن وناطرين اللي بعدو :eh_s(22):

 

[روح الدنيا]

خووووش خوووش ناطرين

 

[P!NKia]

اب اب اب اب

 

[كويتية و النعم]

نااطرينج

 

[DA3LOoOLA]

رد : قصتي الثالثة (( الى حبيبتي بسمــــــــــــة ...... وداعا ))

waiting

 

[سارووونه22]

اب اب اب اب اب اب اب اب اب اب اب اب اب اب اب اب اب اب

 

[MaFaZ]

البارت السادس

وصلوا البيت وركضت بسمة فوق
وليد: ها بسومة وين ؟؟ ما تبين تقعدين ويانا ؟؟
بسمة: لا يبه بريح حدي تعبانة ..
وليد: ونتي ورود ؟؟
ورود: لا بابا انا بخليكم .. حرام عليكم امي حدها كاشخة شتبي فينا
مريم: ورودو انا جم مرة قلت لج استحي ..
وليد: هههههههههه خليها خليها صاجة بنتي ..

دخلت بسمة الدار بسرعه بسرعه .. دخلت الحمام تغسل .. واهي بالحمام رن تلفونها مرتين مرة رنة والمرة الثانية رن 3 مرات .. بسرعه بسرعه غسلت ويهها من الغسول وطلعت مسكت التلفون
بسمة: ممممم معقولة هذا رقمه ؟؟ اكيد رقمه لان رقم غريب وهذي فطوم داقة علي خل ادق عليه وخل فطوم تولي
لبست بجامتها عالسريع وانحذفت عالسرير مسكت التلفون بحرص وتوتر ودقت ..
بسمة: الو
هندي: الو .. هادا تلفون مهمد
بسمة: افف لا هذا مو تلفون مهمد .. نمرة غلط

سكرت التلفون واهي محبطة .. ليش ما دق ؟؟ ليش شفيه ؟؟
رن التلفون ولا فاطمة
بسمة: الو ..
فاطمة: الو وينج ادق ما تردين ..
بسمة: سوري كنت بالحمام .. شلونج
فاطمة: تمام .. ها شلون العزيمة بشري ؟؟
بسمة: ماكو .. لا شيء يذكر ..
فاطمة: انزين شعندج باجر ؟
بسمة: ليش ؟
فاطمة: انا ودلال وفجر بنروح نتغدى برة تعالي ويانا .. من زمان دلول مو شايفتج
بسمة: اي حبيبتي دلولة اف على دوامها بالخالدية اهو اللي مخلينا مانشوفها
فاطمة: اي صح كلامج . .ها شقلتي ؟
بسمة: مممم مادري اقول حق ابوي وارد لج خبر...
فاطمة: ان شاء الله يوافق ..
بسمة: اغلب الظن بيوافق لان احنا من زمان مو طالعين .. بس وين بنروح
فاطمة: ممممممم مادري نشوف باجر والله ما حددنا تصدقين ..
بسمة يالها خط ثاني طالعت ولا رقم غريب
بسمة: فطوم فطوم شوي واكلمج وعطتها سكب وحولت الخط الثاني
بسمة: الو ...
فهد: (( ساكت ))
بسمة: الو ..
وتوه فهد بيقول الو سكرت بسمة الخط

بسمة: احسن عشان يتعلم يتحجى .. ممم : ( مممم بس يمكن مو اهوا شلون الحين ؟؟ اذا اه وبيرد يدق ..

قامت سكرت باب غرفتها بالمفتاح ورن تلفونها مرة ثانية
بسمة: الو ..
فهد: الو ... بسمة ؟
بسمة: تفضل عفوا منو معاي ؟
فهد: انا فهد ال ..
بسمة: هلا والله فهد شلونك ؟؟ سوري ما عرفتك
فهد: لا عادي .. انا اقول الو ونتي ما تسمعيني ..
بسمة: اي الخطوط مادري شفيها .. صايرة مو شي ..
فهد: على قولتج .. شلونج شخبارج ..
بسمة: تماما بخير
فهد: عسى ما ازعجتج اخاف بتنامين ؟؟
بسمة: لا عادي قاعدة ..
فهد: اها .. زين اشوه ..
بسمة: فهد ممكن اسالك سؤال ؟
فهد: تفضلي ؟
بسمة: انته ليش وقفت قيدك .. انا مو من حقي اسأل بس ..
فهد: لا يا يبه لج كل الحق .. عادي بس انا وقفته مممم شقولج
بسمة: عشان سالفتي
فهد: اي سالفة ..
بسمة: الانتخابات انا وايد اسفة انك بسببي دخلت مخفر
فهد:لا يا بنت الحلال لا تقولين جذي .. انا سويت اللي تمليه علي الرجولة عيب علي اوقف وانا اطالع هالمصخرة تصير .. ولا تفكرين هالتفكير مرة ثانية
بسمة: انا من دري تانك موقف قيدك وانا حدي متأزمة نفسيا فهد
فهد : (( يقول بقلبه يا حلات اسمي على لسانج )) لا صدقيني مو عشان جذي ..
بسمة: اشوه الحمدلله ...
فهد: الحمدلله ..
سكتوا ثواني .. واثنيناتهم قالوا بوقت واحد
فهد: بسمة
بسمة: فهد .... هههههههههههههههههه تفضل
فهد: لا انتي تفضلي .. شنو بغيتي
بسمة: ها لا ما بغيت شي .. بس جذي
فهد: اوكي عيل انا اخليج لان الوقت متاخر مو حلوة احد يدق عليج يلاقي ويتنغ ..

بسمة تمنت تقول لا عادي .. بس ما قدرت لان علاقتهم ما تسمح ..

سكرت التلفون بسمة واهي قلبها يدق بسرعه .. وطاير على غيمات وردية .. لمت مخدتها وتمت تتذكر شكل فهد بالجامعه وللعلم بسمة كانت تشوف فهد حلو .. خاصة مع اناقته وبساطته ..

تتذكر شكله بالقميص الابيض والبنطرون البيج .. والنظارة .. كانت تشوفه جميل ويهبل .. وشحلاته ..

وكل ما تتذكر شكله تبتسم وتضحك كانه احد قاعد يدغدغها

ولا لما كان يلبس البولو شيرت الكحلية مع الجينز .. شلون يمشي .. وشلون ويهه جد .. نظراته .. شلون خاف عليها من الصبيان وطق الولد ..

كل هذا كان يمر في بالها واهي فرحانة والدنيا مو سايعتها ز. سمعت صوته واي على صوته .. فديت صوته .. وفديت رقمه .. لدرجة انها باست التلفون

اما فهد فكان مثلها بس زيادة حبتين .. سرحان على نغمات عبدالحليم وتمنى يكون بمكانه لما قال

بتلوموني ليه ... بتلوموني ليه ...
لو شفتو عينيه .. حلوين ئد ايه ...

فهد بهاللحظة تاكد ان عاشق خاصة ان سمع صوتها عن طريق تلفونه .. حس ان ملك الدنيا ومافيها .. الله على شعور الحب وخفقة القلب ... شعور جميل شعور لطيف .. والله وطحت بالحب يا فهد .. ومحدش سمى عليك .. الله يخليك من نصيبي يا بسمة يوم المنى اللي تكونين لي ..


شوي وصل حق فهد مسج من بسمة .. فهد انته قلت في موضوع تبي تكلمني فيه ما قلت لي شنو اهو ؟؟؟

اهني توهق فهد .. لان على اساس كان بيقول اي عشان يكلم بسمة .. والحيرة واللوية والتوتر نسوه ..

الحين شيقولها يقولها ان يحبها ؟؟؟؟؟؟؟؟؟

ايو شفيها يا فهد ؟؟ ليش ما تتحجى وتعترف والمسج احسن طريقة .. لكن بالاول فرضا سالها وطلعت مرتبطة لا مو معقولة لو مرتبطة جان ما ردت علي

توكل فهد على الله وقال اللي فيها فيها بدز لها مسج واللي يصير يصير على الاقل بالمسج ولا اندقر منها بالتلفون
كتب مسج يقول فيه: بسمة من غير زعل ولا لف ولا دوران انتي مرتبطة ؟؟


قرت بسمة المسج واهي طايرة من الفرحة بس خايفة بنفس الوقت شنو ترد شتقول ؟؟

خافت ان يكون درس وبيختبرها وخافت تدقره وتخسره ... واهي ما صدقت على الله انها وصلت مع فهد ليه هالمرحلة .. سمعت صوته وشافته بنفس اليوم عقب الفراق .. وعقب الشوق ...

بعد ما تاكدت من مشاعرها اتجاه فهد .. وعرفت عدل انها تحبه .. وتبيه .. يمكن اهي ماعرفته عدل ولا عاشرته عدل بس اللي تحسه اهو حب مو اعجاب ..

لان مو معقولة الاعجاب يخلي صاحبه سرحان وهيمان .. ودايما يفكر بالطرف الثاني ويستانس لشوفه ويتضايق لبعده

نطرت جم دقيقة .. وهالجم دقيقة كانت مخلي ةفهد على نار .. يحاتي شنو نتيجة اللي سواه وشنو نتيجة هالمسج .....

وفجأة رن تلفونه ووصله مسج

بسمة: لا انا مو مرتبطة ليش هالسؤال ؟؟
دز لها مسج
فهد: يعني ما فهمتي ليش اسألج .. بسمة انا معجب فيج من اول مرة شفتج فيها وانا ما اقصد يم التوجيه والارشاد ..

لما وصل هالمجس حق بسمة قامت من مكانها تطامر وتناقز من الفرحة والوناسة ..

بسمة: ورودو ورودو قومي ..
ورود : ها شفيج ؟؟ .. ينيتي ؟؟ واي توني نايمة ..
بسمة: اي ينيت واستخفيت ماتدرين شنو صار ..
ورود: شصار ؟
بسمة: كلمت فهد
ورود: (( عدلت قعدتها )) شنو ؟؟ (( تفرك عيونها )) بسمو ينيتي صح
بسمة: صح .. واي ورود انا الحين تأكدت اني احبه .. اي احبه قولي اللي تقولينه بس احبه ..
ورود: اي شصار شقالج شن وقلتيله احبه واحبه .. اي قولي شصار
بسمة: صار ان سألني اذا انا مرتبطة اولا

وتمت بسمة تسولف حق ورود على كل اللي صار ..
واهي طايرة من الفرحة ..

لكن اللي محير بسمة اهو من متى شافني ؟؟
ما اذكر .. لا يكون كان يراقبني ؟؟
لحظة لحظة .. اول مرة شفت فهد لما طاحت عيوننا ببعض ..
ايييييي .. بهاللحظة ... اللي انا توترت .. اهني لما انا قلبي دق .. اهني .. واي يا فهد معقولة تحبني من زمان ؟؟؟
بس لحظة لحظة .. اهو ما قال يحبني اهو سألني مرتبطة او لا ؟؟ معقولة فهد لعوبي بس يبي يكلمني لانه انعجب فيني ..

من حقي اخاف على نفسي . .لا انا مابي اصير نفس البنات اللي يروحون ورا هواهم و قلبهم واخر شي ينزلون روسهم وروس اهلهم .. مابي مابي اكون جذي ..
انا اهون علي اموت ولا احط امي وابوي واختي بموقف سخيف ..

شنو العمل الحين ... ؟؟ شنو ؟؟؟


ورود: بسمو شفيج كلميه وصدقيني الجذاب مرده بينكشف ..
بسمة: مممممم رايج؟؟
ورود: اي كلميه دام ان يبيج والصدف جمعتكم بهالطريقة ..
بسمة: صح كلامج ..
ورود: كلميه وبتعرفين من تصرفاته معاج ان كان جد او لعب .. (( تلف شعرها باللفافات ))
بسمة: ورودو حدج قديمة منو قام يلف شعره باللفافات الحين
ورود: هههههههههههههههه مشتهية يه .. ودي .. سوالف اول حلو وناسة .
بسمة: الحمدلله والشكر ... اقول جني بلف وياج
ورود: اي تعالي تعالي وناسة والله ... .


نزلوا البنات تحت الصالة لقوا امهم وابوهم قاعدين يطالعون تلفزيون
وليد: ههههههههههههههههههههههههههههههه الحمدلله والشكر شمسوين باعماركم انتو ..
ورود: شنوووووووو ؟؟ حلو شفيك .. يطلع وايد حلو
بسمة: اي اي يطلع حلو
مريم: اكيد سوالف وروود
ورود: يسسسسسسسسسس
وليد: انزين تعالي قعدوا بس لا تقعدون جدامي بطالع تلفزيون ..
مريم: اقول وليد ذكرتني .. ترا وسام (( اخت وليد )) دقت وقالت حاجزين خيران .. ويبونا نروح لهم بهالويك اند ..
وليد: مممم انا ماقدر اروح ..
مريم: وي ليش ؟؟ شعندك؟
وليد: معزوم بالمزرعة يوم الخميس .. واليمعة ودي اروح حق ازور خوالي ..
مريم: اي اجلها وليد من زمان مو رايح ويانا .. لا شاليه طلال رحت ويانا ولا زوارة اهلي صاير تروح .. ولا عزايمنا قاعد تيي .. شسالفة اجل هالمرة ما تقدر ؟
وليد: لا والله ما اقدر جان اجلت من قبل لا تقولين ..
بسمة: يبه تعالي اذا انت منت رايح احنا ما نبي نروح ..
وليد: لا لا انتو روحي . .اكو احد يطوف الخيران
ورود: اي انت يبه .. تعالي صدقني . .. يعني اذا انته ما رحت احنا من ويركبنا جت سكي ؟؟ وبانشي ؟
وليد: ما عليه وقت ثاني .. روحي تشمسوا .. واستانسوا .. انا مشغول لو اقدر اجلت والله مريم اخذي البنات وروحي ..
مريم: امري لله باخذهم بس ما راح اروح عزيمة ثانية من غيرك ..
وليد: ان شاء الله ان شاء الله ..
بسمة: تبون شي من فوق بروح اييب تلفوني ..
ورود: اي انا ابي ييبيلي جاكيتة من عالعلاق بردت ..
وليد: بردتي من لفافاتج
ورود: اوووه يبااااه

صعدت بسمة تيبي تلفونها ولا لقت مسجين

مسج من فهد يقول :

بعض المواقف تجي وتروح ماتبقى...وبعض المواقف صداها بالعمر
باقي...ياصاحبي لامعي تتعب ولاتشقى...يتبدل الوقت واخلاقي هي
اخلاقي...إن جيت"أرحب"واذاما جيتني"تبقى...انت اكثر انسان عزيته من اعماقي".

ومسج ثاني مكتوب فيه :

شلون الجامعة ؟؟

طارت بسمة من الفرحة .... وباست التلفون وغمضت عينها وتذكرت ويه فهد ايام الامتحانات ..

وعلى طول دزت له مسج كاتبه فيه ..

الجامعة زينة ومو زينة ...

على طول رد عليها بمسج كاتب فيه

فهد: ليش؟؟ لازم تشدين حيلج ..
ردت عليه بسمة: لا مو قصدي جذي قصدي ان في ناس بالجامعة ما قاموا يداومون عشان جذي الجامعة بكبرها صارت مو زينة .. وحطت له علامة سمايل


فهد استانس وصار ويهه يبتسم لا ارادي.. لان الدنيا مو سايعته

وقال بقلبه صج انج اسم على مسمى .. بسمة ورسمتي على ويهي البسمة .. الله يخليج لي

واتصل عليها على طول يضحك
فهد: ههههههههههههههههههه انتي من صجج
بسمة: ليش تضحك ؟؟
فهد: ضحكتيني والله وخليتيني اتصل ..
بسمة: يعني ما كنت ناوي ؟؟
فهد: بصراحة ؟؟؟
بسمة: اي ...
فهد: ناوي بس كنت مستحي ...
بسمة: وانا بعد .. عشان جذي ما فكرت ادق ..
فهد: عيل اشوه انج ضحكتيني عشان ادق
بسمة: ممم شلون ضحكتك ؟؟
فهد: انتي من صجج الجامعة من غيري مو زينة من زيني .. لا داومي وشدي حيلج ..
بسمة: ان شاء الله

تمت بسمة تسولف مع فهد .. ونست عمرها لين دخلت عليها ورود
ورود: انتي شفيج وينج
بسمة: اقول انا شوي وادق بشوف امي شتبي فيني

سكرته بسمة
ورود: انتي تحاجين منو ؟؟
بسمة: ها ... فطوم
ورود: جذابة ... فهد صح ؟؟ قوليلي فهد ؟؟
بسمة: اي
ورود: امبيه وشقال ؟؟
بسمة: امبيه ليش هههههههههههه
ورود: مادري .. من الصدمة ههههههههههههههه امانة شقال صوته حلو
بسمة: ههههههههههههههه شكو شكو ورودو ينيتي ؟
ورود: مادري شدراني قاعده اخبص .. ها شقالج
بسمة: ماكو سوالف عادية .. واي حده حده ذوق ... واي ورودة حده جنتل
ورود: ان شاء الله ما يكون لعوبي
بسمة: مو حاسة ان لعوبي كلش .. مستحيل احد يقدر يمثل دور الرجولة والذرابة جذي ماعتقد ان تمثيل ..
ورود: ان شاء الله كلامج صح .. اتمنى .. انزين باجر الصبح انا وخالتي ابتسام وريم و سارة بنروح الافنيوز...
بسمة: حق ؟؟
ورود: بنتشرى حق الشاليه انا بصراحة ماعندي شي البسه حق هناك
بسمة: مممم ولا انا ... امبيه وامي شقالت ..
ورود: رضت .. ليش شنو بتقول
بسمة: لا والله نسيتي شكثر شرينا حق الجامعة
ورود: اي خو حق الجامعة غير ... يعني بنروح الشاليه بهدوم الجامعة ..
بسمة: خلاص بروح وياكم .. الساعه جم ؟
ورود: عقب محاضراتنا اهي بتمر علينا الجامعة تاخذنا
بسمة: اها .. اوكي .. تمام

 

[fato_kw]

ثااااانكس عالبارت الحلووو

الله يستر من اللي ياي


ويييتنق

 

[سارووونه22]

مشكوووووووووورة على بارت

 

[عاشقة المسك]

ـ يعطيج العافيه حبيبتي
ـ اتوقع وليد متزوج
ـ البارت عجييب مثل الي كاتبتـ

 

[كويتية و النعم]

ثاااانكس علىهالباارت الزوووغة
:**
يعطيج الف عاافية حبيبتي
ناطرينج

 

[f6omi]

رد : قصتي الثالثة (( الى حبيبتي بسمــــــــــــة ...... وداعا ))

waaay fdet fahad ana ;$ ;p yala kamlay endmaajt ;p

 

[so_what]

يسلمووو على البارت

 

[JaN JaN]

:eh_s(22):
عجييييييييب البارت

بس وليد شكله مو خالي :eh_s(10):


تسلمين عالبارت يا حلوه :hjy5jewf:

 

[DA3LOoOLA]

رد : قصتي الثالثة (( الى حبيبتي بسمــــــــــــة ...... وداعا ))

يعطيج العافية

 

[العصامية]

100% وليييييييد متزوج
تسلم أناملج كملي