قصتي الثالثة (( الى حبيبتي بسمــــــــــــة ...... وداعا ))

[6amni bs]

رد : قصتي الثالثة (( الى حبيبتي بسمــــــــــــة ...... وداعا ))

ابداااااااااااااااااااااع يعطيج العاافيه حبيبتي
كملي

 

[كاسبرينوو]

ولللللللللكم بااااك حبيبتي
طبعا ابداااع وهذا مو شي يديد عليج ~ْ~ْ
ورواياتج كلللهم عجيييبه
وهالروايه حبيتها اكثر
بس ..!؟!؟!
من اسمها (( الى حبيبتي بسمـــــــة ..... وداعــا ))
حاسه ان بصير شي حق بسمه او حق فهد ....و انشاءالله ما يصير :s
نبيها سعييييده ونهايتها سعيده بعد ... بلييييييييييييييييييييييييييييييييييييز :$

 

[DA3LOoOLA]

رد : قصتي الثالثة (( الى حبيبتي بسمــــــــــــة ...... وداعا ))

تسلمين على هالبارت الحلووو :*

 

[so_what]

انزين ورود ليش محد معطيها ويه لول ، يسلمووو حبيبتي على البارت

 

[ba6re8a]

وااااااي لاااااااااااا مانبي مشاري يتلزق

خل يجب اخت بسمه احسن

 

[العصامية]

يسلموووووووو ع البارت وناطريين الرابع

 

[Riooma]

ya weliiiiiiiiiiiiiiiiiiiiiiiiiiii ana abi fahad esawi shai oo ekalemha latro7 men eida

 

[MaFaZ]

انزين ورود ليش محد معطيها ويه لول ، يسلمووو حبيبتي على البارت

وااااااي لاااااااااااا مانبي مشاري يتلزق

خل يجب اخت بسمه احسن

لوووووووووووووووووووووووووول خو نطري خو مع الاحداث راح يبين .... التركيز على الابطال لازم

تسلمين على هالبارت الحلووو :*

يسلموووووووو ع البارت وناطريين الرابع

حياج حبي

ya weliiiiiiiiiiiiiiiiiiiiiiiiiiii ana abi fahad esawi shai oo ekalemha latro7 men eida

لووووووووووووووووووووووووووووووووول ضحكتيني .... شلون بتكلمينها اذا كلمتيها القصة ما راح تمشي لازم اكشنات

 

[MaFaZ]

ولللللللللكم بااااك حبيبتي
طبعا ابداااع وهذا مو شي يديد عليج ~ْ~ْ
ورواياتج كلللهم عجيييبه
وهالروايه حبيتها اكثر
بس ..!؟!؟!
من اسمها (( الى حبيبتي بسمـــــــة ..... وداعــا ))
حاسه ان بصير شي حق بسمه او حق فهد ....و انشاءالله ما يصير :s
نبيها سعييييده ونهايتها سعيده بعد ... بلييييييييييييييييييييييييييييييييييييز :$

اول شي مشكورة حبيبتي على هالكلام الطيب .. من ذوقج

وعالنهاية ما يندرا .. ان شاء الله خير )

حياج الله

 

[Riooma]

ana agol ta3awethai men ebles oo nazlai part al7en wanseni dam eni bel dawam oo em6ansha alsheghel alyoum

 

[DA3LOoOLA]

رد : قصتي الثالثة (( الى حبيبتي بسمــــــــــــة ...... وداعا ))

waiting

 

[سارووونه22]

وناسة مافاز منزله رواية ثانيه اكيد ابداع دام انتي منزله الروايه

 

[so_what]

waiting

 

[MaFaZ]

البارت الرابع

مرت اول الايام على البنات واهما يداومون محاضراتهم . سالفة الانتخابات عجبت البنات عشان جذي استأذنو من ابوهم انهم ينتخبون

رفض وليد للانتخابات .. سببه ان كان طالب ويعرف المعمعة اللي تصير .. وهي هي نفس اللوية بالرغم من مرور السنين ..

ما يختلف الا اللبس والاشكال ... نفس الحماس ونفس الغضب ونفس المنافسة ..
لكن بسبب اصرار البنات .. خلاهم عشان يجربون وما بغى يحرمهم من تجربة اهو مر فيها ..

يوم عن يوم زادت علاقتهم بسبيجة .. وخاصة عقب الانتخابات .. قامت تشوفهم اكثر .. قاموا يلتقون فيها بالمقر اكثر .. وتعرفوا على باجي البنات بعد
سبيجة تصير بنت خالة براك .. مملوحة جسمها حلو ومتحجبة . .حدها ستايل انيقة وكشخة لو شنو تلبس .. تحب شغل الانتخابات .. شاغولة وخدومة .. عشرية واجتماعية بشكل كبير .. تحب تتعرف على ناس يدد .. الكل يعرفها ويعرف اخلاقها .. وبالرغم من احتكاكها بطلبة صبيان الا انها حاطة حدود للكل عشان جذي فارضة احترامها عالكل

أمثال .. رفيجة سبيجة .. شقرة برونزية .. ستايلها ماركات .. ما تليس شي مو ماركة .. لبسها واكسسواراتها وكشختها ملفتة للنظر .. حتى موترها لونه غريب .. اللي يشوفها اول مرة يقول شايفة عمرها لكن اللي يعاشرها يعرف انها طيوبة وحبوبة ..

أبرار .. هادية لابعد درجة .. لكنها قيادية . .بيضة .. درجة جمالها تساوي جمال بسمة .. متحجبة .. ستايلها عملي .. متفانية للقائمة بشكل كبير ..

هذول اكثر ثلاث بنات احتكاكم كبير مع بسمة وورود ... طبعا امثال معجبة بمشاري وترسم عليه على بعيد خاصة ان اهلهم معارف .. ووصع مشاري مناسب لوضعها وايد .. نفس المستوى الاجتماعي .. نفس الستايل .. وشكله يناسب شكلها وايد غير ان له مستقبل عقب ما يتخرج فنقدر نقول ان عريس لئطة وقبل كل هذا مثل ما قلنا ان وسيم جدا جدا جدا وستايل جدا جدا جدا

وجود البنات الشبه دائم بالمقر مع البنات ساعده وايد .. خاصة ان فهد دايما يوقف بهالممر مع ربعه .. وبنفس الممر اللوكر ماله ..

يوم عن يوم فهد تعلق ببسمة .. يوم عن يوم اللي يحس فيه يزيد ..
اليوم اللي ما يلمح فيه بسمة يحس ان يوم مليق وبايخ .. حتى لما يستمرض

فهد: آآآآآآآآتشششوووووووووووووو
احمد: يرحمك الله ..
مشاري: وليه فهد انت شيايبك ليش ما تميت في البيت .. حدك تعبان ..
براك: خله خله هوا الجامعه يايبه ..
فهد: برووووك ؟؟؟
مشاري: ها اشوف تتحجون بالالغاز ؟؟؟
فهد: ماكو شي بس عندي كويز والدكتور مو ناوي يعيده ..
مشاري: اهااااا ... الا بقولك فهود تعال شوي ابيك

خذا مشاري فهد على صوب
مشاري: تعرف وروود ؟؟
فهد: اي ورود
مشاري: ها ؟؟ البنية اللي يبتها حق سبيجة و امثال ..
فهد: انا يبت بنية ؟؟
مشاري: فهود ؟؟؟ البنتين الخوات اللي يبتهم حق سبيجة مستجدات
فهد: اييييي ايييييييي شفيهم ؟؟
مشاري: من بناته ؟؟
فهد: ليش بتخطب ؟
مشاري: لا بس سؤال مشبه عليهم
فهد: مادري علمي علمك
مشاري: اها .. ماكو الا اسال امثال
فهد: ليش ؟؟؟؟ (( ميت من القهر والحرة ))
مشاري: لا اقولك مشبه
فهد: ايييييييييي

اهني فهد مات وحيا .. مشاري شيبي يتسأل عنهم .. يعني اي احد بيشبه عليه بيسأل عنه ؟؟ اكيد ورا مشاري سالفة .. ياربي انا شسوي عشان احمي بسمة واختها من مصخرة الربع ؟؟

فهد: آآآتتشووووووووووو
بسمة: يرحمك الله

التفت فهد وراه ولا بسمة واقفة .. اهني تخزبق البطل ما درا شيسوي بعمره ..
فهد: ها .. اي .. قصدي يرحمج الله
بسمة: ههههههههه انا اسفة شكلي خرعتك
فهد: لا لا عادي ... امري في شي
بسمة: ها .. لا لا ماكو شي بس بغيت اسأل وين امثال وباجي البنات ماكو احد قلت اخاف تدرون
فهد: اييييي .. الحين ايون راحوا ايبون ماي وعصير تفضلي قعدي نطريهم ..
بسمة: اوكي .. مشكور .. فهد
فهد: حياج ..

فهد قال بقلبه : انا شفيني ثووووور .. تعرف اسمي وانا بكل سخافة رحت دقرتها وقلت لها امري ... جان سولفت معاها حاصلك تسولف معاها ولا تيي صوبك ..

اللي يظهر من فهد غير اللي يخفيه .. الرسمية والثقل وعدم المبالاة .. و الارتباك كلهم يدلون ان فهد ما عنده ادنى اهتمام ببسمة .. بس اللي بداخله غير .. لدرجة خلا بسمة تقول بقلبها شفيه ؟؟ امبيه لا يكون انا مصختها لما رحت صوبه ... اي اكيد خذا عني فكرة ولا جان ما دقرني .. حدي غلطانة .. وبعدين انا من صجي واحد مثله بيطالعني انا ؟؟ لا ولد عايلة وفلوس و ابوه فلان الفلاني بيطالعني انا ..
اوكي انا حلوة بس مو بمستواه ...


بس اهو شكله وايد محترم وعينه فيها براءة مو طبيعية ... ما الوم البنات لما يسولفون عنه اهو ومشاري ..

مشاري حلو بسس احس فيه شي مو مريح ... يحليلها امثال تحبه ...
ممممم يا ترا اهو ليش ما يطالعني انا شفيني ؟؟؟ اكيد فهد يحب اكيد ... امبيه انا شقاعد افكر فيه ؟؟؟؟

...الايام تمر ولقاءات فهد وبسمة ما تتعدا سلام وعليكم السلام ...
يوم عن يوم فهد يتعلق .. يوم عن يوم حالته تتغير .. والعشق والهيام مبين عليه ..
ما تخلى مذكرة ولا كتاب من اسم بسمة .. حتى بسيارته حط حرف البي داخل ... مزاجه ليل ونهار فيروز .... ورويشد ... وعبدالمجيد ...

اذا مو عبدالحليم ....

فوز : فهد لو سمحت
فهد: هلا ..
فوز: هههههههههههههههه شكلك يضحك فهود جنك صعيدي مو صج
فهد: ههههههههههه ليش عاد ؟؟
فوز: شخباري من قام يلبس دشداشة حق البيت ..
فهد: يدي .. افا عليج بس اريح شي .. امري شبغيتي
فوز: بغيتك تطبع لي فولدر .. هاك الفلاش ..
فهد: شسمه ؟
فوز : اسمه فوز 33
فهد: تم خلاص خلي الفلاش وليه خلصت طبعته لج
فوز: عاشق عاشق فهود ...

معقولة مبين علي ؟؟؟؟ قال فهد بقلبه .. اي معقولة .. بسمة ما خلت فيني كيان .. كل شي يفضحني لا عيني ولا قلبي ولا حتى نفسي ... اخاف اتنفس .. والناس تسمعه احبج يا بسمة ..

حتى نظراتي ما قمت اقدر اخشها ... الكل قام يحس بنظراتي لها يوم عن يوم ماني قادر اشبع من شوفها .. ودي اصرخ باعلى صوت واقول احبج يا بسمة ..

وفي غرفة بسمة :

ورود: بسمة شفتي لون الكحل اللي حاطته سبيجة؟؟
بسمة: اي ..
ورود: واي بسوم حلفي صارلي ساعه اسولف شفيج شتفكرين فيه وبعدين شيلي الايبود سمعيني
بسمة: خل تخلص الاغنية بليييييييييييييز ... ومستعدة اسمعج العمر كله ..
ورود: انتي شفيج ؟؟
بسمة: (( قامت سكرت الباب عدل )) اقولج شفيني بس جاوبيني بالاول اوكي ..
ورود: اوكي .. يالله قولي من متى احنا نخش سوالف
بسمة: ممممم شرايج بفهد ؟؟
ورود: اي فهد ؟؟ فهد فهد ما غيره ؟؟
بسمة: ايييي
ورود: مممممممم من اي ناحية ؟؟
بسمة: مادري .. بشكل عام يالله .. شرايج ؟
ورود: محترم .. وايد محترم ..
بسمة: بسس ؟؟
ورود: يعني شتبيني اقول ؟؟؟ بسمووووو
بسمة: ها : (
ورود: انتي معجبة فيه ؟؟
بسمة: انا .. شكو
ورود: لا والله ويهج يقول غير هالكلام
بسمة: شفيه ويهي ؟؟
ورود: بسموو .. انا اختج واحنا يمكن رفيجات اكثر من خوات .. قولي شصاير .. اهو قالج شي ؟؟
بسمة: لا لا ما قاللي والله بس وردوو مادري من اشوفه قلبي يدق .. من يمر يمنا جسمي يرتعش من داخل .. اتضايق باليوم اللي ماشوفه واستانس حييل لما اشوفه .. اتعذر باي عذر عشان اروح حق المقر ...
ورود: ممممم الحب
بسمة: اي حب انتي ..
ورود: اي هذا الحب شفيج .. كل اللي قلتيه حب .. بس فهد عاد
بسمة: ترا مو بالشكل .. وانا ماعتقد ان هذا حب .. ممم اعتقد اعجاب صح ؟؟
ورود: مادري .. انتي شنو شايفة ؟ : )
بسمة: اووووه ورووووووووووووووود ... انزين مابي اتعشم بشي ويطلع مو صج
ورود: هم كلامج صح .. يمكن يحب .. يمكن يكلم .. يمكن والف يمكن .. وبعدين بسموو ان حبيتيه شنو اخرة هالحب ؟؟
بسمة: هم قالت حب يبه مو حب مو حب
ورود: اوكي اوكي ...

وفي يوم انتخابات الجمعيات ... صار تجمع شباب .. يصيحون بصيحات الانتخابات ...


كل قائمة تجمعت على شكل مجموعه كبيرة .. فيها ما يقارب الخمسين شاب .. وتجمهروا في احدى الزوايا بكلية الاداب .. وتعالت صيحات الجموع ..

اللي يمدح واللي يذم .. واللي ينشد بالنصر المرتقب ..

والكل يدافع والكل يصرخ .. وصيحات الاستهجان من قبل كل قائمة تعلو .. و صار الوضع حامي ...

بسمة وفاطمة رفيجتها كانوا مارين يم هاللوية عشان بيروحون محاضرتهم القريبة ..

وفجاة .. صكت هوشة بين الشباب وصار تحذف ومدازز .. فهد كان ورا هاللوية .. بيحاول يمر يفاجج ربعه اللي تشابكوا مع شباب ثانيين ..

واهو بيمر ولا يشوف شباب يتداززون وواحد منهم بيطيح على بسمة ..

يعني كل هالحدث صار بثانية .. وتخيلوا الوضع ..

وماغير فهد ينط ويدز هالشباب ويتهاوش معاهم .. ويعلى حس فهد من الصراخ لدرجة ان الهوشة الاساسية خقت بسبة ثوران فهد على هالشباب
فهد: انته مو ريال .. انته ما تستحي ترضاها على خواتك يالسافل
الشاب: قلنا مو قصدنا ... اهي مرت واحنا كنا نتهاوش .. شفيك شاد حيلك ..
فهد: حقيقة انك مو متربي يال ... يا ......

وطاح فهد والصبي سب ببعض لين قلبت طق .. براك وجاسم ومشاري واحمد وباجي الشباب ربع فهد مستغربين من ردة فعل فهد شسالفة ؟؟ من متى فهد جذي ما يتحمل .. من متى جذي عصبي ؟؟ شصاير ؟؟

اما بسمة فكانت تبجي .. وفاطمة تهديها لان وضعها كان موو شي بالمرة .. يعني مو حلوة بحقها لو كانوا الصبيان طايحين عليها على بو انهم قاعدين يتداززون .. وتخيلوا انكم ماشيين بحال سبيلكم وفجأة يطيحون ولا ديزونكم شباب على بو انهم يتهاوشون وما يطالعون جدامهم الا بعض ..

الشباب حاولوا يفاججونهم بس فهد طايح طق بالولد والولد مو مقصر بفهد .. الامن يا عشان يفاكك الهوشة هم ماكو فايدة لين وصلوا الشرطة ..


خذوهم بالدورية ...

اما بسمة فاتصلت على ابوها على طول .. واول ما وصلت الدورية اهو وصل ..

وليد: شسالفة بابا ؟؟
بسمة: يبه .. (( تبجي ))
وليد: خلاص خلاص لا تبجين ... خلاص هدي نفسج بابا ماكو شي فطومة بابا شنو صار ؟؟ شنو في ؟؟ شفيها بسمة


وقالت فاطمة السالفة كلها حق وليد .. .. قرر وليد ان يروح المخفر يشوف شسالفة ويتحقق من الموضوع عدل ..

وليد: فطومة بابا ورود معاج .. رديها البيت ..
فاطمة: ان شاءا لله عمي ...
بسمة: يبه مابي اروح المخفر شنو .. (( تبجي ))
وليد: ما عليه بابا ولد الناس مطقوق هناك خنشوف شنو سالفتهم طايحين الحظ .. والله مصخرة .. انا شنو قلت لكم انتي وورود ؟
بسمة: بابا والله انا مو صوبهم انا وفطوم كنا بنمر بنروح محاضرتنا ماكو متر و نص ونوصل قاعتنا ... ولا تصك هوشة ويتداززون وينطون علينا .. جان ايي فهد ويطق الولد ليش كان بيطيح علي
وليد: منو فهد هذا
بسمة: هذا واحد يشتغل بالقائمة ... (( تبجي )) واي ابي اروح البيت لا لا والله جد يبه مابي اروح المخفر
وليد: بابا انا وياج شفيج ها ؟؟ لا تبجين مسحي دموعج وهاج شربي ماي .. خلاص بابا ماكو شي ... خنشوف شنو سالفتهم اكيد يبون شهادتج ..

وصلوا مخفر كيفان ..
وليد: السلام عليكم .. اخوي وين الشباب اللي تهاوشوا بالجامعة ..
الشرطي: ليش ؟؟ تصير لهم
وليد: لا ما اصير لهم .. بس انا بنتي اللي دزوها الشباب ..
الشرطي : اييي .. استريح .. لما يناديك الضابط ...
وليد: اوكي ..
الشرطي: بنتك معاك ؟
وليد: لا بالسيارة ..
الشرطي: اوكي ..

بعد خمس دقايق نادوا وليد عشان يدخل عند الضابط:

وليد: السلام عليكم ... هلالالالالا بو وليد .. شلونك ؟؟ شخبارك انت اهني (( يبوسه ))
الضابط : (( قام حق وليد وقاعد يبوسه )) هلا بو بسمة شلونك شخبارك ؟؟ عساك طيب
وليد: بخير الحمدلله .. مادريت انك اهني وينك ما تبين بالديوانية
الضابط : شسوي والله توني هديت يوم نقلوني مخفر .. وانت ادرى بعد .. ها عسى ما شر زايرنا اليوم ..
وليد: ما شر .. بس الهوشة اللي صارت بالجامعة
الضابط: اي شفيهم ..
وليد: اي .. ماكو بنتي مارة ولا واحد من الشباب كان قاعد يتهاوش جان يطيح عليها اهو ما طاح بغى يطيح على كلامها .. جان ايي صبي ثاني ويوخره ويطيح فيه طق ..
الضابط: يا عمي مصخرة .. والله اذونا .. يعني شوف ليه وين وصلت .. وصلت مخفر .. وصلوا انهم يتطاققون .. ويدممون بعض .. لا والصبي اللي وخر هذاك عن بنتك ولد ......... يعني هم مو اي ناس .. والله ما يندرا عنهم ..
وليد: شوف اذا كلام بنتي صح .. يزاه الله خير وفيه الخير ..
الضابط: كاهم برة شكثرهم ما شفتهم يايين يفزعون له؟؟ .. والله تلفون واحد ايي لنا نطلعه .. بس الظاهر لحد الحين اهله ما يدرون ..
وليد: وينهم اهم ؟؟
الضابط : عند المحقق والله .. شنو تشرب ؟؟

وتم وليد ينطر فهد والصبي الثاني يخلصون من التحقيق ...

طلع الضابط من المكتب ورد مرة ثانية
الضابط: اقولك تقدر تدخل بنتك تشهد ؟
وليد: وين ادخلها اهني ؟؟
الضابط : اي ما عليه دقيقة بس تدخل عند المحقق وتطلع على طول ..
وليد: اي اوكي ... مو مشكلة ..


دخلت بسمة وشهدت .... وطلعت واهي قلبها يعورها .. البنت الصغيرة اول مرة تدخل مخفر .. وما توقعت ان باول ايامها بالجامعة راح تمر بهالتجربة السخيفة .. وبالرغم من مساندة ابوها لها .. وبالرغم من ان الكل قاعد يواسيها وان اهي مالها شغل باللي صار واللي صار مجرد صدفة ما كانت بصالحها الا انها تجس انها مجروحة .. ليش وشحقه ما تدري .. يمكن لانها بنت صغيرة وحساسة ..

تشكر وليد من فهد .. ونصحه بان ماله داعي هالحرارة .. وهالتمرد .. الامور ما تنوخذ بالاعصاب .. وتشكره بالاخيرة بعد على اللي سواه .. حق بنته .. شهامة نادرة بهالزمن

اما فهد فكان ميت من القهر على اللي صار واللي قهره اكثر لما ابوه درا

دخل فهد البيت واهم مبطوط راسه وخشمه متعور ..

فهد: السلام عليكم ..

الكل كان قاعد على طاولة الاكل
رد على فهد بكل هدوء
بو سليمان: تعال اكل تعال ..
فهد: مو مشتهي ..
بو سليمان: تعال اكل .. (( خز فهد ))

قعد فهد واهو ماله خلق شي
ام سليمان: بو سليمان خل فهد يقوم يغسل ويبدل
بو سليمان: لا خليه خليه ... متى طلعت
فهد: من ساعة ..
بو سليمان : ايييييي ...
سلوان: سلامتك فهود

اهني بو سليمان خز سلوان .. لكن سلوان كانت اذا مقتنعه بشي ما يهمها احد .. يعني لا يمكن تتنازل عن قناعاتها عشان اي شي ...

سلوان: شكلك متعور حيل
فهد: (( منزل راسه ويلعب بالصحن جدامه )) لا عادي
فوز: رحت الطبيب ؟؟
فهد: اي ... ماكو شي ماكو شي ..
سليمان: والله انتو مادري ليه متى جذي ؟؟ وايد شادين حيلكم على شنو مادري الله يعين لو انتخابات مجلس امة ؟؟ شتسوون ؟؟
سلوان: سليمان شفيك؟؟؟؟ الواحد لازم يدخل العمل النقابي هذا تطوير لشخصية الانسان .. وبعدين احنا ما ننتمي للقوائم عشان نبي نقزر وقتنا لا .. احنا ننتمي عشان هالقوائم قاعده تحقق اهداف احنا نطمح لها ..

سليمان: تركي عنج هالحجي الماصخ اللي ماله معنى .. هالاهداف شوصلتكم له ؟؟
كاهو اخوج مطقوق وقاعد .. انتو عيال اصل .. وفصل .. واساميكم تهز الريح بذات نفسه .. لازم تخلون لكم مكانة .. بين الناس تهابكم وتحترمكم غصبن عليها ..

فوز: وييييييييي سليمان غلطان .. شنو وين قاعدين احنا بحرب ؟؟ ..... يعني عشان انا بنت ....... لازم الكل يخاف مني .. ويحترمني عشان عايلتي

سلوان: الواحد لازم يحترمنا عشان احنا نفرض احترامنا عليه باخلاقنا ..
واسلوبنا ...

ام سليمان حست ان بو سليمان ما راح يتحمل كلامهم اكثر لان معصب من فهد
ام سليمان: اقول اكلوا اكلوا وهالحجي لاحقين عليه .. مو وقته .. فهد يمه قوم غسل وريح.. شكلك تعبان حتى اكل منت قادر تاكل ..
فهد: ان شاء الله يمه

قام فهد من عالطاولة واهو قايم
بوسليمان: وليه خلصت تعاللي غرفة المكتب ابيك ..
فهد: ان شاءا لله يبه ..

غسل فهد وبدل ونزل طق الباب على ابوه ودخل
بو سليمان: اقعد يبه .. شوف فهد انا ما راح اسالك شنو صار اليوم .. لاني اثق فيك .. مع اني ماحب هالسوالف .... وانا حاولت فيك انت و سلوان انكم تدرسون برة او بجامعة خاصة .. لكن احترمت اختياركم ... لكن انا ماحب انك تعرض اسمنا ومراكزنا حق كلام الناس ... انا ربيتكم احسن تربية .. وما قصرت عليكم بشي .. اذا انت سويت اللي سويته عشان بنت فاترك عنك هالسوالف .. محد راح ينفعك .. تبي تحب حب .. تبي تستانس استانس .. تبي تلعب العب .. اما انك تضحي بسمعتك وتدخل مخافر .. وطق وهواش .. فهذا شي انا ارفضه رفض تام .. انتو داخلين الجامعت تتعلمون .. مو تسببون فضايح ... كلامي مفهوم ؟؟؟

فهد: مفهوم ..
بو سليمان : اوكي .. تقدر تروح

طلع فهد واهو ماله خلق شي . .لدرجة ان ما ناقش ابوه بولا شي ..

وقبل لا ينام فهد دخلت عليه سلوان
سلوان: فهود حبيبي سلامات ما تشوف شر ..
فهد: الشر ما اييج ...
سلوان: ممممم انزين ما تبي تقوللي شي
فهد: مو وقته سلوان مالي خلق شي وحدي تعبان ودي اريح لي شوية ..
سلوان: اوكي اليوم بتروح بيت امي حورة ؟؟
فهد: اييي بروح بروح .. خالي متى يوصل ؟؟
سلوان: الساعه 8 بيكتون نون وبيذبحون خرفان .. والكل بيكون هناك
فهد: مممم ان شاء الله على حسب
سلوان: لا قول بتيي ولا لآ ؟؟
فهد: ها ؟؟ سلوان شفيج وراج شي ؟؟ قولي
سلوان: لا مو عن بس .. ممم دانو تسألني عنك
فهد: دانو ؟؟ شكو تسال عني كل اسبوع قاعد اشوفها ..
سلوان: فهود تتغيشم صح ؟
فهد: شوفي سلوان .. من الاخر ... انا قلت حق دانو وقلت حق فوز تقولها وحتى قلت حق حصة .. بس اهي مو راضية تقتنع بشي .. وهم ياية تسالج عني .. انا قلت لها اني ماكو شي بينا ولا راح يكون انا اعتبرها اختي .. خلاص لازم تفهم جذي .. اهي بنت خالتي وعيب انها تتعامل مع بهالطريقة احنا مويهال .. يعني والله عيب بعد ادز كلام معاج لها ..

سلوان: تصدق اني اول مرة ادري انك مكلم حصة وفوز .. ليش ما قلت لي ؟؟
فهد: شقولج سلوان ؟؟ اقولج عيب علي ايي مني والطريج اقولج ..
سلوان: كا قلت حق حصيص وفوز
فهد: شوفي انا قلت حق فوز لانها منغزة جدامها ومحسسة الكل اني ابيها وفوز يت تسألني بيني وبينها شي .. قلت لها لا وروحي قولي لها انا اعتبرها مثل اختي وما افكر فيها .. وهم منغزة جدام حصة وحصة قايلة حق حمد .. وحمد قايل حق خالتي وصايرة قصة .. وعبالهم انا حبها وبخطبها مثل ما فواز يبي هنوف .. عشان جذي كلمت حمد وحصة وقلت لهم قولوا لها .. ماكو شي بيني وبينها .. يعني شسوي اكثر من جذي سلوان تبوني اقطع الزوارة ؟؟
سلوان: لا واي فهوود شكو ؟؟؟ امبيه والله مادري شسوي فيها معتوهة ..
فهد: هم انا مادري .. مو حلوة بحقي وبحقها اني ادقرها اكثر ..
سلوان: انزين فهود البنت اللي اليوم تهاوشت عشانها انت تعرفها

سكت فهد .. وسرح فيها .. يحاتيها يارتى شصاير فيها الحين ؟؟؟

سلوان: فهوود شفيك سرحت
فهد: لا ماعرفها .. اللهم ويا سبيجة والبنات بالقائمة ..
سلوان: اكيد ؟؟
فهد: وانا من متى اخش عنج شي ؟؟
سلوان: لا والله قمت تخش كا مسولف حق الكل عن دانو وانا اخر من يعلم
فهد: ..... انزين .. روحي خل ارتاح الحين ونسولف بعدين

طلعت سلوان على امل ان فهد ينام ويرتاح لكن فهد تم فوق الساعه واهو يفكر بسمة .. وكل ما يتذكر المنظر السخيف اللي صار يقشعر جسمه .. ويستغرب من نفسه بنفس الوقت . .اهو شلون سوا الي سواه ؟؟ شلون طق الولد . .. منو هالوحش اللي طلع من داخله وهجم هالهجمة ؟؟؟؟

من متى يا فهدد تعامل بالايد ...

 

[DA3LOoOLA]

رد : قصتي الثالثة (( الى حبيبتي بسمــــــــــــة ...... وداعا ))

وااااي يحليله فهووودي حده حمش

 

[حياتي فراغ]

رد : قصتي الثالثة (( الى حبيبتي بسمــــــــــــة ...... وداعا ))

يصراحة ابداع
و متابعه لج

ويتنق يو

 

[Tom ♥ Jerry]

.




رووووووووعه
كملي حبيبتي :***

 

[ba6re8a]

مشكووووره حبي


انزين الحين سلوان مو بنت بو سليمان؟؟ ليش تقوله سليمان ليش مو يبه!!!

 

[Riooma]

akheeeeeeeeeh wamen al7ob ma qatal. na6retech 7bebti la e6awlen 3alai

 

[JaN JaN]

بطريقه .. سليمان اخوها وبوسليمان ابوها


مافاز مشكووووووره عالبارت العجييييب :wqedqw: