قصتي الثالثة (( الى حبيبتي بسمــــــــــــة ...... وداعا ))

[6amni bs]

رد : قصتي الثالثة (( الى حبيبتي بسمــــــــــــة ...... وداعا ))

وااااااي يعطيج العافيه حبيبتي
ناطرينج

 

[P!NKia]

ووواووو مافاز نزلتى قصه جديده تونى ادرى
اقراها ولى عوده مع التعليق <<<< الله ياتعليق عاااد

 

[ba6re8a]

بطريقه .. سليمان اخوها وبوسليمان ابوها


مافاز مشكووووووره عالبارت العجييييب :wqedqw:

مشكوره توني افهم ميرسي

 

[سارووونه22]

البارت روووووووووووووعة امبيه فهد يهبل صج انه ريال

 

[MaFaZ]

البارت الخامس

مر اسبوع وبسمة ما داومت ....
وعقب الاسبوع داومت الجامعه بس ما راحت المقر .. مع انها ميتة وتشوف فهد وتتطمن عليه .. لكن كرامتها فوق كل شي عشان جذي اتصلت على ابوها مر خذاها ..

مريم كانت تحاتي بنتها وايد .. ما تاكل عدل وتسرح .. وتتعذر باي عذر عشان ما تداوم بالجامعه ..

وعقب اسبوعين من السالفة ... داومت ورود من غير بسمة .. ولما رجعت
ورود: بسوووم تدرين شصار
بسمة:شنو ؟؟
ورود: تدرين ان فهد انسحب من هالكورس
بسمة: شنوووووووووووو ؟؟؟؟؟؟ ليش ؟؟ شفيه ؟؟
ورود: اللي سمعته ان مافيه شي .. بس انسحب .. ماله خلق يدرس هالكورس
بسمة: انتي من صجج ؟؟
ورود: اي والله ..
بسمة: منو قالج ؟؟
ورود: براك قايل حق سبيجة ..
بسمة: : ( بسبتي .. انا السبب ( (تبجي ))
ورود: امبيه بسووم لا تبجين شفيج .. حرام عليج شكو انتي ؟؟ اكيد اهو عنده ظروف او ماله خلق لا تنسين ان خريج .. ويمكن ماله خلق يتخرج الحين ..
بسمة: لا ورود انا السبب اللي صار مو شوية الكل يتحجى .. واتوقع تحجوا عليه اكثر مني لان دخل المخفر بسبة الهوشة والكلام واللي صار مو شوية ..
ورود: مادري والله .. جد جد جد مادري ...

مر هاليوم رمادي على بسمة .. ما كان لها خلق اي شي ..
حتى الزوارة راحت لها غصب ..
خالاتها وبنات خالتها يسولفون معاها .. واهي بعالم ثاني ... سرحانة بفهد وبسبب انسحابه من هالكورس .. شلون راح تروح الكلية وفهد مو فيها ..
واهني عرفت بسمة انها حبت فهد .. وقلبها خفق لاول مرة .. لكن للاسف من طرف واحد .. بالنسبة لبسمة فهد تصرف بدافع الشهامة .. بدافع النبل ..
لكن من ناحيتها اهي تحبه وتبي تشوفه وتكلمه .. تبي تشبع من شوفته .. تبي تتعرف على طيبته وحنانه واكثر .. شلون الحين ؟؟ شلون ؟؟

ناصر : بسمة .. شفيج قاعدة بروحج ؟؟
بسمة: مافيني شي .. بس مالي خلق شي فقر الدم لاعب فيني لعب ..
ناصر: سلامات ما تشوفين شر .. ها شلون الاداب ؟؟
بسمة: تمام ..
ناصر: واي الله يعينكم عالاشكال اللي هناك ..
بسمة: تعودنا واي ما اتخيل نفسي من غير كليتي ..
ناصر: اييييي .. وبعد
بسمة: ماكو .. عن اذنك ناصر بروح حق البنات اشوف شفيهم مافيهم ..


طبعا ناصر كان ولد خالة بسمة .. يحبها ويبيها والكل يدري بالعايلة ويغتنم اي فرصة عشان يقعد يسولف معاها .. لكن اهي ماتبيه ولا تحبه ولا تفكر فيه اصلا .. فيه شوية ملاقة على شوية لزقة .. غير ان اصغر منها بسنة .. وسبحان الله في ناس بعايلاتنا ما نقدر نرتبط فيهم او نحبهم لان كبرنا واحنا نشوفهم ..

يعني مافيهم شي يشد .. غير ان كل ممنوع مرغوب ..

قامت بسمة سولفت مع بنات خالتها عن الهدوم .. عن الجامعة .. عن السيايير .. لين تعشوا قعدوا شوية وكل واحد رد بيتهم ...

وبالطريج ...

مريم: وليد احنا باجر معزومين بيت خالتي خديجة لانها طلعت من المستشفى بسلامة .. فمحمد مسوي عشا وعازم الكل ..
وليد: ايييي تمام اخذي البنات .. وروحي ..
مريم: ونت ؟؟
وليد: لا اسمحيلي مريومة باجر ما اقدر معزوم على عرس وضروري اروح ..
مريم: اها .. عرس منو ؟
وليد: عرس ولد اخو حسن
مريم: اي لا اوكي لازم تروح .. مو حلوة رفيج عمرك وما توجبه .. يحليله ولد منو فيهم ؟؟
وليد: ولد اخوه جابر العود ..
مريم: اييي يحليله .. الله يوفقه ان شاء الله ... خلاص انا والبنات نروح ..

بيت خالة مريم خديجة في الضاحية وشاءت الصدف ان يكون مقابل بيت فهد




في هاليوم قرر فهد ان قعد في البيت ما يطلع .. بالرغم من محاولات براك وجاسم ان يطلع وياهم ..

جاسم: فهود الحين بتردني ... يالله تعال لا تصير مليق ؟؟
فهد: لا والله جسوم مو عن بس مالي خلق .. ودي اقعد في البيت اليوم ..
جاسم: انزين خلاص انا بمشي الحين
فهد: خلك وين ؟؟
جاسم: لا بروح .. بروك والشباب ناطريني ..
فهد: شوف .. انا بشوف نفسي ان لي خلق مريتكم ... انتو باي كوزمو ..
جاسم: كيفان ..
فهد: خلاص على خير ..

دخل فهد داخل .. يحوس في البيت

اما بسمة بدلت وتزهبت وتكشخت حق العشا .. وقلبها كان يقولها كشخي وتعدلي .. ليش ما تدري .. بهاليوم اشتهت تلبس احلى ما عندها وتطلع باحلى صورة ..

ورود: بسووم شفيج خابة عمرج ؟؟
بسمة: مافيني بس مشتهية اتكشخ اليوم ..
ورود: مممممم .. اوكي يجوز .. انا مادري شلبس ..
مريم: ها بنات خلصتوا .. ماما بسمة تهبلين .. اي جذي .. مت وانا احن عليج لبسي احمر ما ترضين .. وايد حلو
ورود: يمه درجة الاحمر هذي حلوة ... احنا الاحمر مو حلو علينا
مريم : اي صح الاحمر القاني عجيب .. يطلع بياضكم .. يالله ماما ما خلصتي ؟؟
ورود: لا ماما مادري شلبس ؟؟
مريم: لبسي نفس بسمة مو عندج مثله ؟؟
ورود: عادي بسووم
بسمة: عادي اكيد عادي .. عاد انتي اخضر لونه عجيب ..
ورود: مممم خلاص بلبسه ..

تجهزوا البنات ولبسوا نفانيف قصيرة تحت الركبة بشوي .. .. بسمة لونه احمر وورود لونه اخضر عشبي ..

كان شكلهم يهبل .. انيقات ومرتبات .. وملفتين للنظر .. لان بياضهم وسواد شعرهم .. وجمالهم يلفت ..

الكل في العايلة كان يطالع بسمة ورود على انهم لحد الحين البنوتات الصغار الحلوين اللي الكل يلاعبهم ويناغيهم .. ويلعب معاهم . وخاصة ان مريم ووليد وايد مدلعينهم ومعيشينهم جنه محد ياب بنات غيرهم ... . لكن بعد هالكشخة ماعتقد احد بيطالعهم بهالنظرة مرة ثانية


وصلوا مريم وبناتها العزيمة سلموا عالكل .. والكل اثنى على جمال بسمة وورود وانهم كبرانين .. وانهم من زمان مو شايفينهم ..

اما الشباب .. فاحتراما منهم مسكوا نفسهم ... لكن القعدة ما خلت من النظرات من تحت ليه تحت
ورود: (( قاعدة يم بسمة )) بسوم شوفي عبدالله شلون قاعد يخزنا
بسمة: ههه يخزج انتي مو انا .. مساع يوم قمتي تيبين كلينكس طالعج ..
ورود:صج ؟؟ ممممم اهو صج حلو ويهبل وبيتخرج هالسنة م نالضباط بس لا لا
بسمة: استريحي زين .. حدج ميتة عليه ..
ورود: ههههههههههه

واهني حفيدات الخالة خديجة نادوا بسمة وورود وعزموهم على قعدة بالحديقة ..
حديقة بيت الخالة خديجة كانت مكشوفة يعني ماكو دار مدارها سياج من الزرع او اي نوع من انواع السيا< فاللي يوقف يشوف اللي برة واللي برة يشوفة ..

واول ما طلعت بسمة بالحديقة .. شافت البيت اللي جدامهم .. وشافت فهد قاعد يقعد عالكراسي ...

اهني دق قلبها وخفق ..
بسمة: وردووو .. شوفي منو جدامنا ..
ورود: وين .. منو ؟؟ ... اوخ هذا مو جنه ...
بسمة: اي اي ... واي وروودووو ما اتحمل اقعد مادري شفيني ..
ورود: واي شنو هالصدف تهقين بيتهم ؟؟؟
بسمة: مادري مادري اتوقع ..
ورود: الحين شنو ؟؟ البنات لا يحسون ؟؟؟
بسمة: اوكي خل نقعد ..
تهاني: شفيكم ؟؟ فيكم شي بنات ؟؟
بسمة: لا مافينا ... بس كنا نطالع الليتات شحلاتهم
تهاني: اي ماما خديجة طالبتهم من الصين حلوين و حدهم يشوقون استانس على الوانهم ..

ورود: اي ما شاء الله .. تهاني بسالج سؤال .. هذا بيت منو اللي جدامكم ؟؟
تهاني: ليش تعرفين بناتهم ؟؟
ورود: ها ؟؟ ايي اي ..
تهاني: صجج؟؟ تعرفين منو سلوان ولا فوز ؟

واهني انتبهت ورود على اسم سلوان .. وقالت بقلبها هالاسم انا سامعته جنها وياي بمحاضرة ؟؟ معقولة الصدف ليه اهني يابت اختي بسمة ؟؟

ورود: سلوان ..
تهاني: اييي ماتعرفين عايلتها ؟؟
ورود: سلوان .. وياي بمحاضرة بس ماعرفها عدل وتوها طلعت من البيت .. وقلت يحليلها بيتهم جدام بيت خالتي خديجة .. فحبيت اعرف ..
تهاني: اي اي .. امبيه هههههههههه انا شفيني غبية تساليني من بيته اقولج تعرفين بناتهم ههههههههههههههههههههههه واي حدي دايخة بس اشوه طلعتي تعرفينهم .. جان طلعت حدي هبلة .. المهم اهم بيت ال .....
ورود: اها والنعم والله خووش بنت ..
تهاني: اي اي .. حدهم والله .. محترمين حتى شبابهم مالهم شغل بحد ... حدي بشتاق حق الضاحية اذا رحنا بيتنا

طبعا تهاني كانت عايشة في بيت يدتها اهي وامها وابوها واخوانها ليه ما خلص بيتهم اليديد ..

بسمة تسمع سوالف تهاني وورود واهي ميتة من الوناسة .. وبنفس الوقت زعلانة .. انها ما بينها وبين فهد الا مسافة امتار وما تقدر تروح له وتساله عن احواله ..

اهني بسمة عرفت وتاكدت ان الشي ما تنعرف غلاته الا اذا انفقد .. واهي فقدت فهد وايد .. خاصة ان موقفه معاها بالهوشة .. والايام اللي مرت واهو مو موجود بالكلية حسستها بقيمته .. وتمنت انها تعرفه اكثر عشان مشاعرها اتجاهه توضح ..

قامت بسمة والتفتت وراها عشان تشوف فهد اذا لحد الحين موجود او لآ ... جان تشوفه قاعد مع مرة كبيرة .. وبنتين وحدة منهم معاها ولد صغير .. عمره 4 سنوات قاعد يلعب كرة ..

ردت بسمة التفتت .. وتمت سرحانة تفكر بفهد .. وبالشوط الكبير اللي قطعته يعني الحين عرفت عايلته ووين بيتهم .. لكن كل هالاشياء ما توصلها له مباشرة وفجأة

بسمة: آآي .. (( التفتت وراها ولا الياهل حاذف كرته عليها ))
ورود: ههههههههههه امبيه شنو هذا ..

قامت بسمة وخذت الكرة ووقفت عند طرف الحديقة ..
الولد الصغير كان بيفلت من حديقة فهد لكن فهد رده مكانه وطلع عشان اييب الكرة ..
فهد: @@ بسمة ؟؟
بسمة: شلونك فهد ..
فهد: انا بخير .. الحمدلله .. انا اسف ولد خالتي حده شيطان .. وحذف الك ..
بسمة: لا عادي عادي .. ماكو مشاكل .. انته شلونك ؟؟
فهد: بخير تمام ..
بسمة: دوم ان شاء الله

تردد فهد قبل لا يسال بسمة لكنه تشجع خاصة ان هالموقف يمكن ما يتكرر
فهد: انتي شلونج ؟؟ شمسوية ؟ وشلون الجامعة
بسمة: انا ؟؟؟ فهد ؟؟ انته ليش هديت الجامعة ؟؟
فهد: بسمة ..
بسمة: انا محتاجة اكلمك ارجوك ..
فهد: هذا بيت صديقاتج
بسمة: لا هذا بيت خالتي ..
فهد: صجج ؟؟؟ ام راشد تصير لكم ؟
بسمة: اي ..
فهد: اوكي بسمة انا بطلب منج طلب وارجوج لا ترديني في موضوع ابي اكلمج فيه ..
بسمة: اوكي ..

عطت رقمها حق فهد من غير اي تردد .. لان هاللحظة .. هي اللحظة اللي ينطرونها اثنيناتهم من زمان عشان يعترفون حق بعض بحبهم وتعلقهم ببعض .. وهل ياترى بيعترفون ولا بيتم الوضع مثل ما اهو ..

فهد: عن اذنج مابي اييب لج الحجي .. وانا بروح ابوس ولد خالتي لان تشيطن وقط الكرة ..

راح فهد وبسمة واقفة بمكانها ماتدري شتسوي بعمرها .. اهي واقفة بس طايرة بنفس الوقت .. كل مافيها يرقص وناسة وفرح ورضا .. واخيرا كلمت فهد .. واخيرا ..

ورود: بسمو شفيج طولتي معاه مينونة شيقولون عنج الحين ..
بسمة: ورودو كلمته ماني مصدقة نفسي .. وبعدين مادري والله مادري نسيت نفسي
ورود: اوكي انا رقعتها وقلت ان اهو بنفس القائمة ومن هالحجي اوكي ..
بسمة: اوكي .. مشكورة مشكورة .. واي ماني مصدقة ..
ورود: انزين اشش .. لا يسمعونج .. اقولج بسوم عبدالله ذبحني خزز شسوي والله احس اني مو مرتاحة .. اول ما يينا كان شوية يطالع الحين يخز ..

بسمة: هههههههههههههه مبروك ..
ورود: اووه بسوم .. مليقة زين
بسمة: انزين امانة انتي مو عاجبج ؟
ورود: مو سالفة مو عاجبني انتي تدرين فيني مادري شلون ماحب جذي ..
بسمة: اوكي اوكي حقريه ولا تطالعين صوبه خل يولي ..
ورود: بروح اقعد يم امي تييين ؟؟
بسمة: اي اكيد يالله قومي ...


طول الوقت بسمة كانت تطالع تلفونها على امل ان يرن رنة ولا يدز مسج ..
لكن لا حس ولا خبر من فهد لا رنة ولا مسج ..

فهد رد بيتهم واهو باله مو معاه وما غير في باله كلمة وحدة .. معقولة الصدف جمعتنا بهالطريقة ؟؟ معقولة كل هالصدف تجمعنا بهالطريقة ؟؟

ادق ولا ما ادق . ادق شقول .. شتحجى .. انا لحد الحين مو مصدق اللي صار .. معقولة الديرة صغيرة هالكثر وتطلع ام راشد خالتها .. بس انا ولا مرة شفتهم ..
انزين شنو تبي تقوللي ؟؟ اخاف تبي تدقرني ...لا لا شكو اهي عطتني رقمها شكو تدقرني .. ياربي احبها واموت فيها بس شلون ؟؟ شلون انا تسرعت .. شلون ؟؟
الموقف اي اهو الموقف اللي صار خلانا نقول كلام احنا ماندري عنه .. ويكن عشان انا طقيت الولد عشانها .. ويمكن عشان اهي .. لا حول الله فهد شقاعد تقول انت .. جني تسرعت ؟؟ لا ما تسرعت انا هالشغلة ابيها من زمان .. انا اتمنى قرب بسمة .. انا سحبت هالكورس عشان لا تختلط علي الامور والحين الصدف جمعتني فيها باغرب طريقة منو يصدق ان حمود يقط الكرة واروح انا اييبها .. من يصدق انها تطق راس بسمة بالذات كل هالصدف ما تعني الا شي واحد ... اني لازم اعترف حق بسمة بحقيقة شعوري .. لازم اقولها عن احساسي اتجاهها واللي يصير يصير .. انا قاعد احترق .. مت من التفكير .. ماني فهد الاولاني .. حتى طلعه ماني قادر اطلع ولا اشوف احد .. كياني مقلوب .. انا ريال ومو معقولة انعفس جذي .. انا ماني مراهق .. ولا انا من هالنمونة .. شفيني جذي ... لا لا لا لازم اقولها عن الللي بقلبي ... واللي فيها فيها شنو بخسر يعني ..

بتخسر قلبك يا فهد ان ردتك .. لان قلبك وقتها بينكسر .. واللي تحبها ماتبيك .. واللي وصلها يهمك بتبتعد ..

حيرة فهد خلته ما يدق ويتردد مليون مرة .. وما درا ان بسمة طول الطريج من بيت خالتها خديجة ليه بيتهم ماسكة التلفون وتنطر .. لدرجة انها قعدت ورا .. ماتبي امها تشوفها مجابلة التلفون .. طول الدرب ورود تقرق على امها .. ويسولفون لكن بسمة كانت بعالم الانتظار .. تنطر مكالمة فهد .. وعلى كثر ما كانت تتمنى ان ما يدق واهي يم امها واهلها .. الا انها تمنت لو يدق ربع رنة بس تشوف رقمه ...

 

[امي الحنونه]

رد : قصتي الثالثة (( الى حبيبتي بسمــــــــــــة ...... وداعا ))

واو عاد صار لي 6 ساعات انطرج تنزلين بارت

احلى صدفه صج فهد وبسمه مقاريد

عالعموم بارت وروايه حدهم حلوين

 

[كاسبرينوو]

وااااااااو البااااااااارت حددده زووووغه
ياااااااي يشوقون فهد وبسمه الله يخلهم حق بعض انشالله
بغيت أسألج الروايه صجيه .. ؟!؟!!؟! ولا لأ ...؟!؟!؟!؟
امممممم يلا يلا البارت اللي بعدوو

 

[miss disaster]

وناسه

يسلمو وناطربن الياي

 

[DA3LOoOLA]

رد : قصتي الثالثة (( الى حبيبتي بسمــــــــــــة ...... وداعا ))

وااااااااااااااي ونااااااااااااااااااسه انا قلبي خفق عيل شلون اهيه مسكينة

 

[سارووونه22]

مشكووووووووووورة على بارت

 

[ba6re8a]

وناااااااااااسه


انزين بعرف القصه صجيه والالا.؟؟؟

 

[حنطاويه عسل]

يلا حبيبتي ناطريييييييييييييييييييييييييييييييييييييييييييييييييييييييييييييييييييينج بلييييييييييييييييييييييييييييييييييز لا تطوليييييييييييييييييييين
البااااااااااارت حدددددددددددده عجييييييييييييييب

 

[FinDi]

خوش قصة
تسلم إيدج كملي حبووووبة
waiting u

 

[ام حمادي309]

رووووووووووعه ما شاء الله

لي عوده باكمال القراءة

موفقه حبيبتي

 

[MaFaZ]

وااااااااو البااااااااارت حددده زووووغه
ياااااااي يشوقون فهد وبسمه الله يخلهم حق بعض انشالله
بغيت أسألج الروايه صجيه .. ؟!؟!!؟! ولا لأ ...؟!؟!؟!؟
امممممم يلا يلا البارت اللي بعدوو

وناااااااااااسه


انزين بعرف القصه صجيه والالا.؟؟؟

لا حبيباتي مو حقيقية القصة من تأليفي

 

[امي الحنونه]

رد : قصتي الثالثة (( الى حبيبتي بسمــــــــــــة ...... وداعا ))

يعطيج العافيه
والبآرت متى

 

[كويتية و النعم]

واااو الروااية رووعة
يعطيج الف عاافية يا قلبي
ونااطرينج

 

[f6omi]

رد : قصتي الثالثة (( الى حبيبتي بسمــــــــــــة ...... وداعا ))

ambi el89a 7adha 3jeeba w tara eshtarakt belmontada 3ashaniiich .. yala nbi bart yala nbi bart ;p

 

[fato_kw]

ونااااااااااااااااااااااااااسه

قصه يديده

بس انا زعلانه ليش محد قالي وانا متابعتج من ايام مذكرات مريم وبنات بومحمد في مهب الريح
والحين متابعتج والقصص اليديده بعد متابعتها :>


ويتنغ البارت اليديد

ومشكووووووووووووووووورة واايد


روووووووووووووووووووووووووووووووووعه شوية على القصه حييل حلوة وتشد والاسلووب روعه صراحه

 

[DA3LOoOLA]

رد : قصتي الثالثة (( الى حبيبتي بسمــــــــــــة ...... وداعا ))

waiting