قصتي الاولى وحصري لكويتيات (ايام وسنين )

[FuTuRe DoC]

يلا حبيبتي ناااطرينج :>

والقصه تينن:>

 

[zoqaaa]

yalla 7abebty na6reench al a7dath tshaweg

 

[دموع وشموع]

مشكورين وايددددددددددددددددد
على ردودكم


انا بعد ابي احداث :0bee2e8d89:

 

[دموع وشموع]

الجزء اللتاسع والعشرون

راشد : ريهام ترى خلاص صبري وصل حده
ريهام : شنو تبي اسو ي راشد
راشد : اووووووووووووووووووووووف خلاص مو قادر اتحمل يا انج تتسنعين وترجعين ريهام الي عرفتها ولا خلاص كل واحد بحاله
ريهام من بين دموعها : أي طبعا تبي تخلي عني لانك تدري اني محتاجتك
راشد صرخ صرخه قويه خلت مشاري وراكان يهدون اللعب ويطالعونهم: ريهام انتي شنو تبين
ريهام هالسؤال هزها فعلا اهي شتبي ظلت تبجي من غير صوت وراشد واقف يمها ينفخ من القهر
كانو قاعدين شوي بعيد على البحر ومشاري وراكان يلعبون جبالهم لما شافوالوضع مساكين خافو وراحو حق مبارك

مشاري يكلم مبارك باذونه : ريهام تبجي
قام مبارك بيروح لها وقفته شريفه : وين
مبارك اشر لها على ريهام الي كانت معطيتهم ظهرها
شريفه : اقعد انا اشوفها وراحت لها

شريفه : السلام
راشد : هلا عليكم السلام
شريفه قعدت يم ريهام ولمتها : شفيج حبيبتي شفيج
ريهام : مادري مادري شفيني وكانت تبجي بشكل يقطع القلب
راشد انكسر خاطره عليها : ريهام خلاص يا يبا خلاص ماله داعي البجي
ريهام اول مرة تقول هالكلام حق احد : ابوي ابوي ماادري شنو كان يبي مني تدري راشد لما امي قالته قال لا وعقب قال حق مبارك بالمستشفى قول حق راشد يوقف يم ريهام انا مو فاهمه اهو شنو كان يبي
راشد انصدم اول مرة يفهم السالفه صح : ليش كان رافض
ريهام : كانو يقول انه صغار وانه العمر جدامنا وانت تدرس
راشد فهم انه ابو ريهام كان رافض وضعه ماكان رافضه اهو شخصيا : اهوماكان رافضني انا رافض وضعي يعني لو انا موظف جان مارفض وعشان جذي الله يرحمه قال حق مبارك الي قاله حبيبتي ريهام قاعد راشد جبالها ومسك ويها بايده الثنتين ابوج يدري انه محد بيحبج ولا بيخاف عليج غيري اخذي وقت فكري روحي لندن ولما ترجعين ان شاء الله نفسيتج بتتحسسن وفكري بكلامي ولو مها تسوين فيني بظل احبج وشاريج
قام راشد عنها وراح وشريفه او مرة يكسر خاطرها راشد طول عمرها تقول عنه يلعب وماعنده شغل بس لما سمعته وشافت تصرفاته مع ريهام غيرت نظرتها فيه
ريهام دموعها زادت ماكان ودها راشد يروح وجوده يمها يحسسها بالامان بس جد مشاعرها متلخبطه
شريفه : ريهام انت تعرفين رايي براشد من زمان صح
ريهام طالعت شريفه بنظره يعني لا تتكلمين عن راشد
شريفه : هههه شفيج تخزين خليني اكمل صدقيني الريال ما يبين الا بالمواقف وراشد ريال عن عشر رياييل أي واحد غيره ماراح يتحمل انا صج كنت ظالمته
ريهام كلام شريفه ريحها وخل دموعها تزيد بعينها اكثر واكثر وتقول بقلبها لو تدرين شنو الي صار بينا عيل لو تدرين انه اهو خايف علي اكثر مني لو تدرين اهو مصر نخلص هالموضوع قبل لا احد يدري لفت ريهام ولقت راشد قاعد يمشي رايح
ريهام : رااااااااااااااااشد
لف راشد عليها قامت وراحت له بسرعه شبه ركضه راشد قاعد يبتسم لها وبنفس الوقت خايف لا تلمه بس ريهام ما همها احد ما همها حزتها الا راشد لمته حيل وظلت بتجي وراشد مسكين حده منحرج حتى ما صكر ايده عليها طبعا ما يحتاج اقولكم وي مبارك شلون صار من الفشله قام لهم ولما وصل يمهم وسمع صوت بجي ريهام مسكين مسح على راسهاا مايبي يضايقها اكثر مع انه كلش مو عاجبه الوضع

مبارك : بس ريهام بس حبيبتي الله يخليج لا تبجين
راشد : اقول احترم نفسك هذي حبيبتي انا بس
مبارك : ترى انتو كلش مو محترمين وجودي وخرت ريهام عن راشد ويها كله دموع وخشها يصب وتضحك
مبارك :ويي روحي روحي لا يهون الولد لف ويهك انت بعد لا طالعها
راشد : ههههههههههههههههه ويطالع ريهام بنظره حب وقال لوشنو صار ما اهون عنها
مبارك بس وصل حده: ممكن ما تكلم بنت خالي
راشد : والله خطيبتي
شريفه تصحك عليهم : يالله عاد انتو وياه بديتو نجره

راحو كلهمو قعدوو داخل وريهام دخلت مع سجى تغسل ويهااا

طول الوقت فارس كان وده يتوحد باحمد عشان يساله شنو كان يقول حق سجى

واستغل فرصه انه سجى دخلت مع ريهام

فارس : احمدووو
احمد : ههمممممم
فارس : طالعني وانا اكلمك
احمد يطالع فارس ويبتسم : نعم
فارس : شنو كنت تقول حق سجى لما انا يتكم
احمد : بيني وبينها كلام مااقدر اقوله
فارس : مو عيب تقولها عيني على وحده ومادري شنو
احمد : مو شغلك كيفي انااااااااااااااااااااااااااااااا
لف فارس ويهه عنه لانه صج نرفزه وقعد يسولف مع باجي الشباب

راشد حده استانس وتغير ت نفسيته

ويوسف مستانس على الهدوء الي بينهم بس لا يكون الهدوء الي يسبق العاصفه

رجعو البنات وقعدو كلهم مع بعض الا سجى راحت تشوف االاكل وتجهز وحتى ابوها طلع وقعد مع الشباب القعده حدها حلو وكل من مستانس الا فارس حده منرفزززز


نوار راحت حق سجى

نوار : هاااا العاشق الولهان حده منرفز
سجى : اممم ادري
نوار : من شنو
سجى : مادري عنه بس حسيت
نوار : هههههههههههه والله قمنا نحس فيه بعد
سجى : اوووووو نوار يعني انتو لا حظتو انا حالي حالكم لاحظت
نوار : زين اخوه الوسيم شنو كان يقولج
سجى : كلمني عن فارس
نوار : انتي شفيججججججججججج ليش قاعده اطر الحجي منج تكلمي
سجى : هدت الي بايدها وطالعت نوار : تدرين منصدمه من كلامه ليش قالي جذي شنو قصده
نوار : مادري قوليلي شنو قال واقولج شنو قصده
سجى : قالي انه فارس حيل تغير مو فارس الاولي وانه جابل شغله وشغل ابوه وترك عنه سوالف الاوليه انا حتى ماسالته ليش قلت جذي الانه فارس يه
نوار : والله ماردي شقولج سجى بس صج فارس شكله حيل تغير عن اول
سجى : ادري والله بس
نوار : بس شنو
سجى : كلامكم انتي وندى صح فارس انعجب فيني فتره الي كنا برى بس الحين لا خلاص لما تغير وعقل صرت بالنسبه له شي من الماضي كان يبي يلعب فيه وبس
نوار : لا سجى لا تقولين جذي احمد يمكن بس يبي يحسسج باسفه على الي سواه اخوه معاج او يمكن يشوفج ماترتاحين من وجود فارس فقال جذي عشان تغيرين نظرتج فيه
سجى بالها راح بعيد : مادري يمكن تدرين احمد يقول معجب بوحده بس مادري منو
نوار : واااااااااااااااااي جان زين انا
سجى : هههههههههه ثقلي يا شقول
نوار : لا الصراحه ماني ثاقله هذا احمد ال ..........شنو يسوي علي الثقل لو في باله وحده غيري
سجى تضحك على خبال صديقتها
فعلا احمد وسيم وذكي وناجح ولد ناس معروفين فهو صج فارس احلام أي بنت اما الكلام الي قاله حق سجى مسكين كان يقصد يحنن قلبها على فارس بس اهي الظاهر فهمت غلط بس بنفس الوقت ارتاحت انه فارس تغير وهد سوالفه الاوليه

قعدو كلهم على طوله كبيرة ياكلون وسجى مثل عادتها رايحه رادهم عليهم

وفارس حده منرفز مو قادر ياكل واحمد مستانس على الي سواه باخوه

قام فارس واهو مقرر يكلم سجى وراح عند هاجنه يبي ياخذ شي او يساعدهااا

فارس : سجى ؟؟؟؟؟؟؟؟؟؟؟؟؟



شنو كان قراره ؟؟؟؟؟؟؟؟؟؟؟؟؟؟؟؟؟

وراشد وريهام الله يتمم عليهم بيظلون جذي على طول ؟

 

[PinK-PerrY]

قصتج وااااااااااااااااااااااايد وااااااااااااااااااااااايد حلووووووووووووووووه واسلوووبج يشوووق
و ناطرتج تكملينها
لا اطولين

 

[pearlq8]

thnx

wating

 

[cute cat]

رووووووووووووووووووووعه لا تطولين علينا

 

[FuTuRe DoC]

يلااا خل يتزوجون تعبت وانا انطر ريهام تتسنع

اكثر وحده حبيتها مثايل لا تخلينها تختفي

ناااطرينج حبيبتي

 

[DALLY]

الله اكوا بارت

بالليل بقراه,,,,

 

[DALLY]

لوووول قريت ماقدرت اصبر

ماكو توقعات ناطرينج

يعطيج العافيه حبوبه

 

[دموع وشموع]

الله يعافيكممممممممممممممممم ليش كلكم ما كو توقعاتتتتتتتتتتتتتتتتتتتتتتتتتتتتتتتتتتتتتتت

اخاف الاجزاء الاخيرة ما عجبتكم

بنات قولو رايكم حتى لو ما عبجكمممممممممممم بليزززززززززززززززز


حياكم الله البنات الي انظمو لنا من جديد

 

[DALLY]

لا بالعكس عجبتنا

ولعيونج هالتوقعات

فارس خلاص وصل حده وبيعترف لسجى باعجابه فيها

امممم راشد وريهام بيظل اكوا توتر ف العلاقه بس خلاص ريهام بتسافر لندن وهذي بتكون فرصتها من راشد انها ترييح نفسيتها وترجع عشان يتممون الزواج والتوقعات الاكيده عندج حبوبه....

 

[FuTuRe DoC]

لا يبا عاجبينااا

ريهام اول شي راح يكون في برود بالعلاقه بس بعدين ترد مثل قبل عادي

فارس بيسال سجى عن الكلام اللي دار بينها وبين احمد واشكره بيبطها بويهها انه يحبهاااا

شريفه مع الوقت راح تحب يوسف حيل وراح تتغاضى عن كل الاشياء اللي صارت ويفتحون صفحة يديده

يلا توقعنا نبي بارت

 

[دموع وشموع]

بعدعمري ما قصرتووووو

نطرووو شوي دقيقه بس _03ba:

 

[دموع وشموع]

الجزء الثلاثين

سجى بارتباك حده واضح : فارس اممم امر ناقصك شي
فارس : ناقصني انتي
سجى ساكته بس قلبها يطق حيل وحدها مخترعه
فارس : سجى تتزوجيني
سجى لفت ويه عنه من الربكه والصدمه وكملت شغلها جنه ماكو شي
فارس فهم حركتها انها رفض : سجى الله يخليج فكري لا ترديني على طول والله انا تغيرت وشاريج وابيج
خذت سجى قطعه من البرجر المشوي الي اهي تسويه وحطتها بصحن : جرب هذي لذيذه خلطه يديده اليوم جربتها
فارس مسك الصحن واهو مو مصدق شنو قصدها يعني وسجى لما شافت ويهه ابتسمت ولفت ويها

كانت تفكر اتزوجه ههههه جنه بسرعه مادري أي أي موافقه بس لو اموت ما اقوله

شنو اسوي اهو جنه ما فهم حرككتي

ابيه انا من صجي اكيد ما فهم يعني يقولي تتزوجيني اقوله جرب هالبرجر ما اصدق حدي رومانسيه

القاعدين كان محد غير احمد لاحظ وي سجى شلون سرحت وتبتسم وشلونها ياها نشاط وتغيرت نفسيتها وقامت تضحك وتعلق حس انه فارس قالها شي

بس كالعاده فارس ما فهم ردت فعل سجى

احمد : ترى سجى موافقه
فارس انصدم احمد شداراه معقوله صوتي كان عالي اهو ماكلمها ولا راح صوبها : منو قالك
احمد : ههههههه يعني صح انت قتلها شي
فارس نزل راسه :احمد انا احبها
احمد : واخيراااااااااااااااااااااااااااااااااااااااا ما اصدق
فارس صار مينون كلش ما كان متوقع ردت فعل اخوه : يعني انت كنت تدري
احمد : من اول يوم وصلت من اسبانيا يوم استقبلك الوالد ب
فارس : بس بس ذكرت لاتكمل
احمد :هههههههههههههه
فارس : بس شدراك اني سالتها اذا تتزوجني وانها موافقه
احمد: لا اخوي حده رومانسي يعني البنت قاعده تطبخ وحالتها حاله رايح تقولها تتزوجيني مالقيت وقت احسن يعني
فارس : هههههههه لا ما لقيت لا واهي تعطيني برجر تقولي جربه خلطه يديده
احمد: : ههههههههههههههههههههههه ما اصدق حدكم لا يقين على بعض الله يتمم على خير
فارس : بس شدراك انها موافقه
احمد : من لمعه السعاده الي بعيونها
فارس : ما اصدق احمد ابي اتاكد شلون
احمد : انا اتاكد لك خلها علي
فارس عيونه تلمع من السعاده ما كان مصدق الي صاير : الله لا يحرمني منك يا بو شهاب
احمد : بو فارس لو سمحت

كان ودهم يلمون بعض جدام الناس الله لا يفرقهم فارس واحمد علاقتهم في بعض مثاليه

عند مثايل كانت قاعده تتغدى مع امها وابوها ارتفعت معنوياتها عقب ما قعدت مع امها وعقب ما شجعتها على فكره الدراسه برى وفاتحت ابوها بالموضوع ابد ما عارض

مثايل : عن اذنكم
ام يوسف : وين ما كلتي شي
مثايل : بروح اسوي سيرج بالنت بسرعه
ابويوسف : اتوقع بعد لازم تروحين التعليم العالي
مثايل : أي بروح لازم اخلص ودي احلق على هالكروس
ابو يوسف : ما اظن يمديج بس جربي

وفعلا قامت مثايل وراحت سوت سيرج على النت ابوها وافقه وامها وافقت وكاهي قاعده تعد العده للرحيل خلاص قرار خذته بلحظه بيقلب حياتها وحياة براك معاها

كان ودها تنتقم حق كرامتها كان ودها تحسس براك انه ولا شي وانه مايعنيها براك ما وقف اتصالات ومسجات حب وشوق واعتذار

ردت عليه مثايل بمسج واحد

(( براك بليز انساني انا خلاص نسيتك وببدي حياة يديده من غيرك ))


براك لما قرى المسج شبه انهار قام يكسر الي اطيح عليه ايده بغرفته واخته خافت عليه وراحت تساحل امه انه خلاص براك يبيها وقعدت تقنعها توافق


حنين اخت براك ي: يما الله يخليج خلاص براك يبيها وافقي
ام براك : والله اخوكم هذا مادري شنو صارله حشى مراهق ماجنه ريال طق 35 سنه
حنين : حرام يما براك اول مرة يتعلق بوحده طول وقته كان مجابلنا ومجابلج وطلبات البيت صار ابونا عقب ابوي الله يرحمه من حقه الحين يشوف نفسه وياخذ الي قلبها اختارها
ام براك : انت بعد يا الزبوط شعرفج بهالكلام
حنين: ماكو شي اسمه زبوط وما زبوط انا انسانه وقاعده اشوف اخوي الي فنى حياته عشاني وعشان اخواني قاعد ينهار كلهم تزوجو وراحووو واهو الي زوجهم وكان لهم ابو الحين دوره يما عفيه براك ما يستاهل لا توقفين بطريجه
ام براك : اووووووو قومي عني طلعتوني انا المجرمه الحين لاني ابيله الزين
حنين : ادري تبين له الزين يما بس هذي البنت الي اهو يبيها تكفا يما اوعديني تفكرين
ام براك هزت راسها زين وسكتت وصج قامت تفكر بحال ولدها الي ماخذ اجازه مفتوحه من دوامه وقاعد بغرفته ما يطلع منها لا حق الصلاه ويرجع

بالشاليه عقب الغدا القعده ولا اروع الحب كان السمه الغالبه على القعده فارس جنه قاعد على نار ينطر احمد يتصرف وفعلا استغل اوللحظه سجى قامت تتمشى مع البنات وابوها دخل داخل يريح وقام لها على طووول

احمد: سجى ممكن اكلمج
سجى : اممم قول
احمد يحك راسه :موضوع شخصي
سجى : هههههههه بنات شوي وارجع لكم
ومشوو البنات شوي وخلوهم لحالهم

احمد: سجى فارس كلمج صح
سجى تهز راسها واطالع الارض
احمد : انا مابي منج شي مابي اقنعج بشي بس اذا مو موافقه قولي عشان ما احرج ابوي مع ابوج تدرين بينهم شغل ما نبي علاقتهم تخترب صح انتي بعد ماتبين
سجى : اكيد مابي
احمد : حلووو يالله نتوكل على الله ونكلم الوالد
سجى بس تبتسم وتلف ويها ما تدري شتقول
احمد : السكوت علامت الرضى
سجى : بس عادددددددددد
احمد: هههههههههههه مبروك مرت اخوي ام احمد
سجى : اووووووووووووووووووو وخلته وراحت للبنات واهو قام يضحك عليها


فارس ماشال عينه عنهم ومن شكل سجى ضحكها ومتسحاهاااااااا فهم انها موافقه حس جنه نار تحته مو قادر يقعد وبنفس الوقت شاف ابو سجى طالع وبيده كوب شاي يشرب

قام له حتى من غير لا ينطر احمد يرد عليه

فارس : عمي عبدالله
عبدالله : هلا فارس امر يبا
فارس : ابيك على انفراد اذا ماعليك امر
عبدالله : حياك اتفضل
فارس دخل مع ابو سجى وكان حده مرتبك مو عارف شيقول وفعلا حاس انه استعجل حيل بس من الفرحه يبي يعوض الايام الي ضاعت عليه من غير سجى

احمد برى بيموت معقوله فارس بيسويها ويخط سجى الحين ما اصدق
احمد : راشد عمي اهو الي نادا فارس ولا فارس راحله
راشد : لا فارس الي راحله وقاله يبيه على انفراد الظاهر في شغل
احمد : هااا أي اكيد اكيد

احمد مو معقوله يا فارس الي قاعد تسويه انطر ابوي يكلمهم ليش جذي اووووف

عند فارس وعبدالله
فارس : عمي انا الكلام الي بقولك ياه ابيه بيني وبينك ومحد يدري عنه
عبدالله : خير يبا امر
فارس : عمي انا ادري انها مو عدله اني اكلمك بروحي بس انا عندي اسبابي
عبدالله يطالعه واهو يهز راسه يعني كمل
فارس : عمي انا ابي اخطب سجى انا مادري اهي شنو قالت لك عني بس انا فعلا تغيرت واهي كانت السبب في تغيري
عبدالله قاعد يطالعه واهو مصدوم
فارس : يمكن انت منصدم من جراتي بس هذا الصج انا تغيرت عشان اكون كفو لها ولك عشان تفتخر فيني وتوافق علي
عبدالله حده كان منصدم مو قادر يتكلم
فارس : انا كلمتك بروحي عشان اعرف ردك وردها اذا موافقن من باجر اخلي الوالد يحدد موعد حق خطبه رسميه واذا رافضين بيظل الموضوع بينا ومحد بيدري عنه اكيد كل شي قسمه ونصيب بس انا مابي علاقتكم انت والوالد تتاثر عشان هذا الموضوع
عبدالله : انت صدمتيني فارس انا كلش ما كنت متوقع ولا ني عارف شنو اقولك طبعا انت عارف الراي الاول والاخير لسجى عطيني وقت اشاورها واردلك خبر
فارس :اخذ راحتك عمي انا الحين بستاذن ونشوفكم ان شاء الله على خير


قام فارس وطلع وعبدالله ظل مكانه مصدوم كلهم كانو متيعين برى سلم عليهم فارس واحمد بعد وقامو مشو عشان يطلعون وفعلااطلعووووو

وكل من بعد قام يجهز اغراضه يستعد للرجوع

في سيارة يوسف
يوسف : هاا استانستي
شريفه : أي الحمدالله خوش قعده
يوسف : أي والله وابو سجى حده خوش ريال انا اول مرة اقعد معاه
شريفه :أي والله والنعم حتى سجى خوش بنت
يوسف : تبين تروحين مكان ناقصج شي قبل السفر باجر
شريفه : لا مشكور
يوسف : عيل يالله نمر على عمتي نسلم عليهم وقعدي انتي تعشى معاهم وبعدين ارجعلج
شريفه : لا انسلم ونمشي وصلني البيت وروح أي مكان تبي انا واعدت خالتي نتعشى معاهم اليوم اذا ماعندك مانع
يوسف حده مستانس على سنع شريفه ويحمد ربه عليها الف مره : لا حبيبتي انا ماعندي شي نسلم على عمتي ونرجع نتعشى مع اهلي مثل ماتبين
شريفه تجاهلت كلمته ولفت ويها الصوب الثاني
يوسف : شريفه عندج حساب
شريفه : أي عندي الحمدالله
يوسف : ممكن بطاقتج
شريفه استغربت : ليش
يوسف : بحطلج مصرف حق السفر سبحان الله نفترق ولا نضيع
شريفه : الحمدالله عندي مو محتاجه
يوسف : على راحتج بس اذا احتجتي أي شي لا تترددين تقولين ليش انا ريلج ومسؤول عنج الحين


عند سجى وابوها كانو رادين مع السايق


عبدالله ماكان طبيعي وسجى حاسه فيه بس ماتدري شنو السبب
اهو كان مترددد طبعا فارس واهله ناس والنعم فيهم بس خايف من جم شغله اولها انه سجى بنته الوحيده يبيها يمه يعني مايبي تروح عنه
وثاني شي خايف من الكلام الي قالته سجى عنه

شنو اخر تردد ابو سجى ؟؟؟؟؟؟؟؟شنو بيكون قراره
وبراك امه شنو بيكون قرارها بتقدر اتاثر عليها حنين ؟؟؟؟؟؟
ويوسف وشريفه لي متى هالهدوء

 

[FuTuRe DoC]

ام براك بتوااااااااااااااااااااااااااااااافق هيااااااااااااااااااااااااااااااااااااااااااااااااااااااا
بس خايفه من ردة فعل مثايل :/:/

وين العاشقين ريهام وراشد فقدناهم

واحس بو سجى بيرفض خرعني:/

ثانكس حبي على البارت

 

[نودلز2007]

يا الله يوفقج ان حطيتي البارت اليديد والله القصة عجييييييييييبة والله يهدي راشد وريهام

 

[pearlq8]

يسلموووووووووو

اممممممممم ابو سجى بيتردد وايد بس بيرضى عقب ما يعرف راااي سجي
و مثايل بترفض حتى لو ام براك وافقت
شريفه بتم جذي بس بصير شي بالسفر بعدل وضعهم

نبي اكشنااااااااااااااااااااااات واحداث قويه بعد

 

[دموع وشموع]

Akther minute chthy enti 6ama3h ;(

 

[pearlq8]

beeeeeeeeeeeeeDna part