ღ أم ــواج ღ
New member
- إنضم
- 4 مايو 2010
- المشاركات
- 8
- مستوى التفاعل
- 0
- النقاط
- 0
- العمر
- 39
البارت عجييب
تسلم احلى الايادي
اتوقع ان ام ريهام وعمتها يحاولون يقنعونها واهي تأجل الموضوع لي بعد السفر
وشريفه بالاخير راح تسامح يوسف وتنسى اللي صار
وماتوقع براك يلعب .. لان كان وايد مهتم بمثايل ويراقبها
بس مودري شنو قصته
نااااااطرين على نار
تسلم احلى الايادي
اتوقع ان ام ريهام وعمتها يحاولون يقنعونها واهي تأجل الموضوع لي بعد السفر
وشريفه بالاخير راح تسامح يوسف وتنسى اللي صار
وماتوقع براك يلعب .. لان كان وايد مهتم بمثايل ويراقبها
بس مودري شنو قصته
نااااااطرين على نار
DALLY
New member
حبيباتي كلكم شلونكم ان شاء الله بخير
انا قاعده اكتب لكم بارت ودي احشية احداث ههههههههه
انتظروني اليوم ان شاء الله :**********
انا قاعده اكتب لكم بارت ودي احشية احداث ههههههههه
انتظروني اليوم ان شاء الله :**********
الجزء الخامس والعشرون
نزلوو ام مبارك وام ريهام
ام مبارك: ها ريهام شنو قررتي
ريهام : ما اقدر ارتبط فيه عمتي ما اقدر
انصدمت امها من كلامها وقعدت اطالعهااا
ام ريهام : ريهام انتي طول عمرج تمشين الي براسج خلاص مره وحده خليني انا الي اتصرف وانا الي اخذ القرار
ريهام : يما واخواني
ام مبارك : اخوانج ماعليهم شر ان شاء الله واحنا وامج عندهم وانتي بعد قعدي مع امج بالبيت واحنا نرد بيتنا
ام ريهام : ام مبارك حبيبتي اذا لي معزه بقلبج انسي انه هذا مو بيتج هذا بيتنا كلنا وريهام وراشد يقدرون يقعدون باخر دور مصكر ومحد فيه واحنا مثل ما احنا الا اذا متضايقه من مكانج اخذي جناح ريهام
ام مبارك : وي يا ليلى حبيبتي الماكن حيل مناسب كل منا له غرفه بس يعني لي متى بنقعد
ام ريهام : لما نلحق ابو ريهام كلنا
سكتووو عنها ما حبو يضايقونها اكثر
ريهام : يما الله يخليج زين اجولو الموضوع شوي
ام ريهام : اكيد راح تملجون وعقب العده بسويلج العرس
ريهام : يماااااااااااااااا الله يخليج افهميني
ام ريهام تخز بنتها بحده : انتي الي افهميني
سكتت ريهام لانها فهمت قصد امها وشنو تحاول تلمح له
ام ريهام كانت خايفه عقب ماعرفت سر بنتها خايفه يصير شي واحد يدري بالموضوع كانتن تبي اتمم الموضوع باسرع وقت والملجه بالذات عشان الحين راشد محرم لها مايصير يدش ويشوفها تبيه يملج على بنتها علشان يقدر يدش ويطلع عليهم
نزلووو مثايل وشريفه
دخل عليهم مبارك
مبارك : مثايل يوسف يقول يلاه طلعو
شريفه : انا بقعد
ام مبارك : شريفه يما ماصارت الحين صارلج مده اهني خلاص روحي بعد هذا زوجج وله حق عليج
شريفه ما تدري شتقول كلام امها صحيح : اوكي
طلعت تاخذ اغراضهااااااااا وطلعووو اثنينهم حق يوسف
لما شاف شريفه مسكين تحلل ويه وابتسم بس طالعته بنظر خلته يبلع ابتسامته
ركبووووطول الطريج ساكتين بس في شي كان مزعجهم تلفون مثايل الي ما سكتتتت بس يدق وكان براك حقرته مرة ومرتين واخر مرة ردت خافت لا يوسف يشك
مثايل : الوووو
براك : انتي وين ليش ماتردين
مثايل : هلا والله انا مع اخوي ومرته راده البيت خير شنو فيه
براك : لازم اشوفج ضروري
مثايل : ما اظن اقدر اليوم باجر عادي
براك : اوكي باي
صكته واهي منصدمه شفيه براك ليش جذي صار يعاملها
دخل براك بيتهم وكانت امه قاعده بالصاله مع خواته
براك : السلام عليكم
الكل : عليكم السلام
وكمل بيروح غرفته
ام براك : أي روح روح ماجني امك ولي حق عليك خلاص نسيتني انا الي ريتك وتعبت عليك بتبيعني عشان بنيه
براك تنهد حيل وراح حق امه باس راسها : يما حبيبتي وين بعتج كاني بعتها وبخليها على امرج بس لاتجبريني اتزوج
ام براك : مايصير عمرك 35 سنه متى بتتزوج بعد
براك: يما تكفا الله يخليج لا تظلمين بنت الناس معاي انا مابي اتزوج خلاص
ام براك : يعني شنو يا هالبنت يا مابي
براك : أي يما أي
ام براك : خلاص مو لزوم خلك جذي ولا تاخذ وحده تنزل راسنا بالارض
براك : استغفر الله وقام ومارد على امه
مسكين براك فاتح امه بموضوع مثايل وقالها تخطبه له اول شي امه حي استانست وطارت من الفرحه بعد بس لما عرفت منو يبا انصدمت ابو مثايل معروف حيل وكل الناس تدري انه مرته اسبانيه ومن اهني كان الرفض انه رفضت لانه ام مثايل اسبانيه وانهم وايد فري ومتحررين على قولتها مو من مواخيذنا أي صح اهما اصل وفصل بس البنت امها اسبانيه والحجي وايد عليها تسافر بروحها ومادري شنو لما حاول يقنعها قالت له اذا تبي تاخذها اخذها بس لا انا امك ولا اعرفك وهذي حالته معاها بداشه وبالطالعه تحن عليه يتزوج وحده ثانيه اهل براك ناس ملتزمين حيل وبالنسبه لهم انه مثايل ما تشرفهم وبتنزل راسهم لو خذها ولدهم
براك صج يحب مثايل ومايدري شنو يسوي ؟؟؟؟؟؟؟؟؟؟
وصلت مثايل البيت ودقت على براك
مثايل : الووو هلا براك خير شنو فيه
براك كان حده منهار من امه : اقدر اشوفج انا محتاجج اميرتي
مثايل كسرخاطرها حيل واصلا كانت مشتاقتله مفتقدته مفتقده اهتمامه :اوكي انطري ادق
خذت مثايل جنطتها وطلعت لقت ابوها وامها
ام يوسف : وين رايح ماما
مثايل : بروح شوي الجميعه ناقصتني جم شغله ضروري
بو يوسف : طرشي السايق الوقت تاخر
مثايل : مماعليه يبا ماراح اطول والي ابيه ماراح اقدر افهمه السايق
بو يوسف : على راحتج وديري بالج
طلعت مثايل واتفقت مع يوسف يتلاقون عن شاطئ شويخ
عند يوسف وشريفه
شريفه كانت قاعده ترتب اغراضها بهدوء
يوسف قاعد يطالعها مو عارف شنو يقول او شلون يتصرف : تعشيتي
هزت شريفه راسها لا
يوسف : تبين اطلب شي من برا او اقول حق الطباخ يسويلج شي
هزت راسها مرة ثانيه لا
يوسف : امممم تبين تروحين مكان
اهني بس خلاص شريفه انفجرت :يوسف لا تحاول تكلمني لما نكون بروحنا ممكن انا علاقتي معاك مقطوعه تفهم مالك أي علاقه فيني
يوسف عصب عليها حيل : شنو يعني علاقتي فيج مقطوعه انتي مرتي
شريفه : كنت مرتك كنت اما الحين علاقه مؤقته بس تهدا اعصاب امي وكل اوحد يروح بحاله
يوسف : وانا شنو الي يحدني انطر
شريفه : يا قوات عينك يا اخي فوق شينك هذا كلامك
ياها طراق محترم منه يوسف : هذا بس عشان تعرفين انتي منو قاعده تكلمين تحترمين نفسج مرة ثانيه وتكلميني عدل مو معنى اني ساكت ومتحمل تتمادين معاي فاهمه
وقام بيطلع : يكون بعلمج طلاق ماني مطلق والي ما تطولينه بايدج واصليه بريولج
دخلت شريفه الحمام وقامت تبجي وتجبي وتجبي ماتبي احد يشوفها بالحاله
طلع يوسف معصب شافته امه واهو طالعه نادت مارد
راحت عند بو يوسف
ام يوسف: ماتحس يوسف صاير غريب
بو يوسف : جنج تقرين افكاري مو على بعضه حتى شريفه اول شي حسبالي من وفاه خالها بس الحين قلبي ناغزني مادري شنو بينهم
ام يوسف : الله يستر وسكتت ماقالت حق ريلها ان يوسف اول يوم مرته بتنام عنده طلع وخلالهااا
وصلت مثايل ولقت براك واصل قبلها نزلت وركبت مع براك بسيارته
بعد السلام براك عيونه كانت فاضحته كلها حب وشوق لها واهي حدها مستحيه منه
مثايل : براك انا عمري ماسالتك شفيك بس الحين ما اقدر لازم اسالك شفيك متغير فيك شي
براك : اوعديني ماتخليني مثايل
مثايل: اوعدك براك بس قولي عفيه قولي شنو الي غيرك علي قولي
توقعون بيقولها براك شنو الي غيره ؟؟؟؟؟؟؟؟؟؟؟ واذا قالها شنو ردت فعلهاااااااااااااا
و ريهام بتطيع امها ؟؟؟؟؟؟؟؟؟؟؟؟؟؟
وشريفه ويوسف بعد تهقون انها بتسامحه وتنسى ؟؟؟؟؟؟؟؟؟؟؟؟؟
حبايبي سامحوني هذا قصير شوي بس في احدااااااث لحد يقول مافيه يا ويلكم ههههههههههههههههههههههههه
وان شاءالله اذا مو اليوم باليل باجر نفس الوقت
يالله توقعاتكم
وان شاءالله اذا مو اليوم باليل باجر نفس الوقت
يالله توقعاتكم
DALLY
New member
يعطيج العافيه حبوبه عالبارت
ظلمت براك مسكين طلع يحبها ويبيها
اتوقع بيقولها وهي بتنصدم وبتحاول تنسحب من حياته
ريهام اتوقع بترضى او يمكن بتقول لامها ماتبي تتزوج اساسا
يوسف وشريفه مو ياي على بالي اي توقع....
ظلمت براك مسكين طلع يحبها ويبيها
اتوقع بيقولها وهي بتنصدم وبتحاول تنسحب من حياته
ريهام اتوقع بترضى او يمكن بتقول لامها ماتبي تتزوج اساسا
يوسف وشريفه مو ياي على بالي اي توقع....
شلونكم يا حلوات امس كان المنتدى معلق ما قدرت احط بارت
اليوم تبون الحين بارت صغيررررررررررررر
ولا باجر وبارت طويل
لكم حريه الاختيار ههههههههههه
اليوم تبون الحين بارت صغيررررررررررررر
ولا باجر وبارت طويل
لكم حريه الاختيار ههههههههههه
DALLY
New member
DALLY
New member
miss-_-smart
New member
الجزء السادس والعشرون
براك اعترف حق مثايل كان يتكلم وقلبه يتقطع على ملامح ويها المصدوم
يتكلم وشفايفه ترجف من الاعصاب
يتكلم وايده ودها تكسر أي شي اطلع الي بداخله
براك : انا احبج مثايل >>> اول مرة
مثايل : بس انا ما احبك ولافكرت اني بيوم اتزوجك
براك : شنوووووووووووووو
مثايل : مثل ما سمعت مو انا الي انرفض براك مو انا تعرف انا منو وبنت منو شايفني انت عدل هههههههههههههه لا غلطانه امك
براك مارد عليها لانه يدري انها منهاره ويدري انها بدت تخوره بالكلام بس يبيها اطلع الي بقلبها : مثايل بليز فهميني انا ابيج مابي اخليج عفيه خلج معاي تحمليني انا حاولت ابتعد عنج بس ما قدرت
مثايل : احلف انك طول الفتره الي طافت كنت تحاول تبتعد عني وانا ميته عشانك احلف انك كنت قاعد اتفكر تخليني وانا احاتيك احلف انك كنت بتخون الوعد وانا الي قاعده اصبر نفسي فيه لا يا براك لا ماكنت اظن انك جذي انت صدمتني فتحت باب السيارة بتنزل مسكها براك من ايدها حيل
براك : مثايل نطري عفيه خليني اكملج
مثايل صكت الباب حيل وصرخت لي ردجه انه عرقوها بينت : شتبي مني شتبي مني
براك : مثايل والله ابيج واحبج ابيج زوجتي وابيج حبيبتي انا ريال عود مو ياهل مادري شقاعد اقول
مثايل : ههههههههه ريال عود امك رادتك عن حبيبتك
براك يصرخ معاها ويقاطعها : شتبيني اسوي قولي شتبيني اسوي اهلج يوافقون لو خطبتج بروحي يوافقون الحين اروح معاج بس هذي امي ما اقدر اغصبها
مثايل ساكته ومصدومه ودموعها تنزل : خلاص براك اسمع كلام امك انساني انا اصلا ما افكر بالارتباط الحين
نزلت مثايل وخلت براك منهار بروحه
مثايل تعودت على براك بحياتها يمكن ماحبته حيل كثر ما حبها بس انجرحت ولسبب اهي ماله يد فيه شنو يعني امها اسبانيه عمرها ما خطر على بالهاا انه الناس ممكن يحكمون عليها على اساس هالشي انجرح غرورها انجرح كبريائها انجرحت عزت نفسها شوي منها كان محتاج براك ويبيه يمهاااا
اما براك على كثر ماشاف بنات وعرف بنات ما دخلت قلبه وعقله وباله وحده كثر مثايل من صج كان يبيها وكان مستعد انه حتى وظيفته يغيرها عشانها بس كل اماله واحلامه انهارت
ااهو ترك مثايل تروح لانه شافها منهاره حيل يبيها تهدا ويرجع يكلمها وبنفس الوقت انصدم اذا مو مفكره بالارتباط شتبي فيه عيل ؟؟؟ اهو اكثر من مره لمح لها معقوله مو فاهمه ؟
رجعت مثايل البيت ودخلت من الباب الي ورا على غرفتها على طول
اما عند ريهام بعد كلام امها صعدت غرفتها وقعدت تبجي بحرقه اهي تحب راشد وتبيه بس ما تقدرتسامح نفسها على الي صار بابوها احساس الذنب ذابحها تبي تعاقب نفسها وما تتزوج راشد احساسها انه ابوها دفع ثمن غلطتها معاه يقتلها كانت تبجي بالم وحسرة مو قادره تتصور انه ابوها الي ربها وتعب عليها جازته بانه وقفت بويهاا وقالت الي قالته مو قادره تتحمل فكره انها عارضته وردت طلبه واهو الي كان يبي لها الزين
امها حست فيها لما نسحبت من قعدتهم انها مو طبيعيه وحالها حال أي ام لما تعرف بموضوع بنتها تبي اتمم كل شي بسرعه وتخلص منه
ام ريهام : مبارك حبيبي ممكن ادق على راشد وتقوله انه احنا موافقين وخل يخلي امه تكلمني
مبارك : بس خالتي خالي ماصارله مده مو فشله وريهام جني احسها ماتبي
ام ريهام : صحيح خالك ما صارله مده وانا ماني مسويه حفله ولا شي ملجه بهدوء وعقب العده ان شاء الله الزواج نشوف عاد لي حزتها اهما طلبوها مني قبل وفاه خالك وانا ابي اتطمن على ريهام
مبارك : ان شاء الله خالتي
قام مبارك وطلع تلفونه ودق على راشد
راشد : نعم توك مسويلي فيها محرم وقاعد علىجبدي انا وخطيبتي الحين شتبي داق
مبارك : هههههههههههههههههههههه خلاص ولا يهمك مابي شي انت الخسران
راشد حس انه في خبر حلو يايله بالطريج : لالالالالا تعال بروك يا ملقك عاد انت بسرعه تزعل اتغشمر انا
مبارك : أي احترم نفسك من اليوم ورايح حسبت عمك انا
راشد : اذلف زين تخسي اقلب ويهك
مبارك : هههههههههههههههههه لا صج عمتي تقولك انهم مو موافقين وماكو نصيب ولا نشوفك معتب صوب بيتنا
انصدم راشد وسكت دقيقة
مبارك : هههههههههههههههه رشود يا الصيده اقص عليك خالتي تقولك خل امك ادق عليها ويحددون موعد الخطبه والملجه شفيك ساكت ههههههه ماكو ري اكشن على قولتكم
راشد : امبلى في في قوي بعد وصك التلفون بويهااا
مبارك : مالت عليه الحمار انا اوريه مايدري اني ريال العايله الحين ودش عند ان وخالته يقولهم
اما راشد ما صدق الي سمعه : معقوله امها اقنعتها بهذي السهوله ما اصدق قام على طول يبلغ امه
صعدت ام ريهام تبلغها بالي صار لقتها قاعده على فراشها وتبجي بحرقه لمتها امها وقعدت تهديها ولما هدت قطت عليها القنبله
الوقت كانت متاخر كل من نايم الا ريهام الي قاعده تون من البجي والالم الي حاسه فيها احساسها صعب الاحساس بالندم بالذنب تحس انها اهي الي ذبحت ابوها
ريهام : يما ماا اقدر راح اعيش بتعاسه معاه كل ما اشوفه راح اذكر الي صار حق ابوي
ام ريهام كانت شاده عليها شوي : بس انت غلطتي وغلطتج كبيرة لازم نخلص من هذا الموضوع وباسرع وقت لازم تدفعين ثمن غلطتج يا ريهام
ريهام : اكثر من هالثمن شنو يما انا دفعت ابوي ثمن غلطتي وبكمل باجي حياتي بروحي هم ثمن حق غلطتي مابي اتزوج واعيش مع راشد باجي حياتي بشكل طبيعي وانسى الي صار وخلاص انتهى كل شي مابي يما تكفا افهميني انا ابي اعاقب نفسي
ام ريهام : ابوج الله يرحمه هذا يومه والله يسبب الاسباب والله سبحانه وتعالى يغفر ويسامح حاولي تسامحين نفسج وتتستغفرين ربج وراشد راح تتزوجينه وماكو غير هالكلام مابي اسمع شي
انهارت ريهام بعد ماطلعت امها تبجي مسكينه طول عمرها تتمنى راشد زوج لها ولما صار وبتتحقق امنيتها بتصير غصبن عنها بس شنقول هذا ثمن غلطه مو محسوبه
ثاني يوم الصبح في بيت بو يوسف قعدت شريفه من النوم وطلعت الصاله اطالع على يوسف اذا رجع ولا لا الي تذكره انها الساعه 4 اخر مرة شافت الساعه وماكان راجع والحين الساعه8 اكيد عمها بيسال عنه عشان يروحون الشركه ترددت وايد وبعدها دقت عليه
شريفه : الويوسف وينك
يوسف :..................................
شريفه : يوسف شفيك رد علي
يوسف صوته كان حده تعبان وباين انه بالسيارة : شريفه انا تعبان والله تعبان محد حاس فيني ولا في النار الي بقلبي وين ما اطقها عويا حبيت وخسرت حبيبتي وتزوجت وبخسر زوجتي انا خايف اخسر نفسي
شريفه كانت تسمعه ومنصدمه منه ومن صوته والتعب الي واضح فيه : زين ارجع الحين عمي بيقعد و
يوسف : و شنو و شنو خلاص شريفه خلاصصصصصصص ابوي اهو الي وصلني لي هالمواصيل يبي حياتي تمشي مثل مايبي روح يمين اروح يمين روح يسار روح يسار وكل شوي انا تعبت على اسمي مو انت الي تنزله الارض انا شنو سويت ؟ قوليلي وين غلطي
شريفه شوي كسر خاطرها وشوي منصدمه انه شلون يتجرا ويقولها هالكلام عن ابوه وعن حبيبته : انا مو داقه اعاتبك انا اخاف عمي يسالني ومادري شقوله
يوسف : تدرين شريفه انا ريم البنت الي سمعتيني اكملها اول يوم زواجنا ظلت ادق وادق وادق لين ماغيرت رقمي وعقبها بيوم بس دقت على اليديد والحين انا اكلمج واهي خط ثاني
شريفه ماتت قهر من صجه قاعد يقولها هالكلام : اها انا اسفه عيل ما اعطلك
يوسف : سمعيني شريفه تكفا انا لو ابي اكلمها جان رديت عليها من اول يوم دقت علي جان ماقتلج الحين انا ابيج انتي مرتي خلاص ابي ابتدي حايتي معاج ابي انسى كل شي وابيج تنسين ونبتدي من يديد انا اخترتج انتي الشي الوحيد بحياتي الي اخترته واخذته
شريفه حست بغصه : اخترتني لاني اشبها
يوسف : افهميني انا طول عمري احلم بزوجتي تكون ملتزمه ومحتشمه طيبه و بنت ناس مابي وحده متحرره وعايشه مثل ماتبي عشان جذي بالبدايه ريم الفتت انتباهي ولما انتهت علاقتنا وفكرت اتزوج انتي لفتي انتباهي
شريفه : يوسف قلبي للحين محروق ولا اقدر اتجاوب معاك واعطيك او اقولك الي تبي تسمعه مني اني نسيت وخلاص نرجع انا ادري انه يمكن انا عليت صوتي عليك امس وانا اسفه بس اكثر من جذي لا تنتظر مني مع السلامه
يوسف : الله معاج ولا تحاتيني كاني راد
صكره يوسف وكبرت شريفه بعينه حيللللللللللللللللللللل اهو على كل الي سواه معاها مافكر انه يعتذر لها لا لما طقها ولا لما سمعته يكلم ريم حس انه يبيها وانه متمسك فيها مابي يخسرها بنفس الوقت الي ريم طاحت من عينه فيه مرة متزوجه وعلى كلامها ريلها مو مقصر معاها وغير هذا ولد عمها وعندها من عيال ليش قاعده تسوي جذي حمد ربه الف مرة انه ما تزوجها المره لما تتزوج لو شنو مما كان عندها لازم تنسى وتعيش حق زوجها ولما يكون عندها عيال تنسى حتى نفسها وتعيش لهم غير جذي ما حترمت الدم الي بينهم
هذا الي كان يدور براس يوسف واهو راد البيت
قعدت ريهام من النوم على صوت راكان اخوها
راكان : بليز ريهام بنروح مكان
ريهام : مكان وين يعني
راكان : بحر مثلا
ريهام : اوكي ممكن تعطيني مجال اقوم
راكان : اقول حق ساندي ومشاري
ريهام : لا تقول شي لما اقوم انا اقول
قامت ريهام وبدلت وصلت ( عقب وفاه ابوها ماتركت فرض )
دقت على مثايل ماردت عليها كانت الساعه 9 الصبح دقت على سجى وطبعا كالعاده قاعده
سجى : هلوووو
ريهام : هلو سجوي شلونج
سجى : تمام من وين طالعه الشمس القمر داق علي
ريهام : هههههههه ياحلوج يا سجى اممم بس الصراحه ابي شي
سجى : توقعت ههههههههههههه
ريهام : وانا من لي غيج بالازمات
سجى : امري حبي
ريهام : راكان ومشاري يبون بحر ومادري وين اوديهم ولا لي خلق اروح شاليهنا وين اوديهم
سجى : شرايج نروح شاليهنا احنا
ريهام : الحين اقولج مالي خلق شاليهنا تقولين شاليهكم
سجى : ههههههههههههه سمعيني سمعيني بدق على البنات ونتيمع نشوي وسوالف وضحك شرايج عفيه قولي اوكي باجر سفركم خل نشبع منكم يالله عاد موافقه هااا ياللله باي بروح اجهز ادلينه هاا يمكم
ريهام :سجىىىىىىىىىىىى عطيني مجال اتكلم هههههههه
سجى : ماكو مجال للرفض
ريهام : هههههههههههه مو رفض بس بقولج انه شيوخ بنت عمتي ومبارك بيبهم معاي عادي
سجى : شور عاديييييييييييييييييي احسن بعد مبارك يجابل اليهال هههههههههه
ريهام : هههههههههههههههه أي أي أي لا تقولين له يالله اروح اقول حق امي بس تطلعين من البيت كول مي اوكي
سجى : اوكي وانا اليحن بتولى مهمه الاتصالات
صكته عنها وكان ابوها يسمع الحوار كله وما قاطعها
ابو سجى : ههمممم منو الي عزمتيها على الشاليه
سجى : ريهام يبا انا ماصدقت تطلع شوي من الي اهي فيه
ابو سجى : أي الله يعينها بس انا عازم ناس بالشاليه عادي ما يضايقونكم
سجى : لا عادي منو عازم
ابو سجى : فارس واحمد
سجى قلبها صار طبل : امممممممم لا عادي تعودنا عليهم واحسن بعد لانه مبارك ولد عمت سجى راح ايي وبعزم اروى اكيد ابوها مراح يرضى اللا مع راشد فاحسن تكون موجود
ابو سجى : اوكي تمام جذي لازم اكون موجود وانا وفارس عندنا جم نقطه لازم نراجعها مابقى شي على مشروعه لازم نبدي فيه
سجى: اوكي بابا تمام عن اذنك بروح اكمل اتصالاتي
وفعلا راحت سجى ودقت على اروى وشريفه وكلهم وافقووووو
شنو الي بيصير واكيد راشد بيكون موجود شنو ردت فعل ريهام
واحمد وفارس ؟؟؟؟؟؟؟؟؟ بيصير شي مهم تظنون خل نشوف
DALLY
New member
ياااااي وناسه بارت
يعطيج العافيه
تقريبا توقعاتي ماخابت
توقعات البارت الياي
ريهام مابتعطي راشد ويه وبتكشف له عن اللي بداخلها من احساس بالذنب ورفضها له واكيد بينجرح
احمد وفارس نفس كل مره بيتم كل واحد منهم يروح صوب سجى بس ف النهايه فارس ف بال سجى واحمد بيتم يحكر لاخوه
ناطررررين
يعطيج العافيه
تقريبا توقعاتي ماخابت
توقعات البارت الياي
ريهام مابتعطي راشد ويه وبتكشف له عن اللي بداخلها من احساس بالذنب ورفضها له واكيد بينجرح
احمد وفارس نفس كل مره بيتم كل واحد منهم يروح صوب سجى بس ف النهايه فارس ف بال سجى واحمد بيتم يحكر لاخوه
ناطررررين
