قصتي الاولى وحصري لكويتيات (ايام وسنين )

[دموع وشموع]

ماكوبارت اليوم

سوري

 

[ChocoLaTe Pie]

متىى؟؟؟؟؟؟

 

[DALLY]

يعطيج العافيه حبوبه

اتوقع ابو سجى بيصارح بنته وسجى بتحس ان ابوها مضايقه انها لو وافقت راح تبعد عنه

امممم ام براك اتوقع بتحاول تتفاهم مع براك واتوقع أثرت فيها حنين شويه

اما يوسف وشريفه بيتمون على هدوءهم اللي يسبق العاصفه لوووول


ناطرينج

 

[so_what]

waiting

 

[PinK-PerrY]

نااطرينج حبوووبه

 

[دموع وشموع]

الجزء الواحد والثلاثين


وصلو سجى وابوها البيت وابوها على طول صعد غرفته كانت ملاحظه انه مو طبيعي بس مو قادره تقوله شي ولا تدري شنو فيه خلته على راحته واهي بعد راحت تاخذ شاور


شريفه ويوسف وصلو مع مبارك وريهام ودخلو كلهم

ريهام : راكان ومشاري يالله بسرعه شاور
مشاري : راكان اول
ريهام : محد اول اثنينكم مع بعض
مشاري : انا بروح حق ماما ما شفتها اليوم وراح يركض
راكان : وانا بعد وركض وراه

صعدووو راكان ومشاري مع ساندي يسبحون ويسلمون على امهم


نزلت ام مبارك وسلمت على يوسف وقعدوووريهام صعدت غرفتها عشان تجهز باجر السفر

يوسف : يالله عيل عمتي نمشي احنا تامرين على شي
ام مبارك : دير بالك على شريفه يما
يوسف يمسك ايد شريفه : بعيوني عمتي لا تحاتين يطالع شريفه تيين معاي ولا تبين امرج بعد شوي
شريفه : لا بروح معاك بس بطلع اسلم على خالتي
يوسف : اوكي انطرج


راحت شريفه وسلمت على ام ريهام وشيخه ونزلت

كانو طالعين صوب الباب
ام مبارك: شريفه
شريفه : هلا يما
ام مبارك : بغيتج بكلمه يما
شريفه : هلا يما امري راحت لي عندها فبعدت شوي عن يوسف ومبارك الي وقف معاه
ام مبارك : مرتاحه مع يوسف سامحيني يا بنتي تدرين بالظروف الي صارت ومامداني اسالج
شريفه : الحمدالله يما
ام مبارك : مو مضايقج بشي انتي بنتي واعرفج مو طببعيه
شريفه : لا يما ماكو شي لا تحطين في بالج بس تعرفين تغيير المكان والظروف الي صارت
ام مبارك : يالله يما روحي حق ريلج لا تتاخرين والله يتمم عليكم حبيبتي

طلعت شريفه مع يوسف ودمعتها على خدها لاحظها يوسف وسكت عنها لما ركبو السيارة

يوسف : شريفه فيج شي
شريفه تهز راسها لا
يوسف : تبين اخليج عند امج لي باجر
شريفه : لا ماله داعي

مسح على جتفها جنه يواسيها بس يواسيها من شنو واهو سبب بلاها كله


عند راشد

راشد : يما يالله متى ادقين على امها
ام راشد : يا يما اثقل شوي الحين البنت مو بتسافر باجر
راشد: أي
ام راشد: من ترجع يصير خير لو دقيت الحين شنو بتستفيد
راشد قاعد يفكر بكلام امه شوي : نفس اليوم الي ترجع بس يما تعبت ترى
ربى كانت نازله على الدري : تعبت من شنو اخوي سلامتك من التعب
ام راشد : يبي يتزوج
ربى : وهذي الساعه المباركه على قولتج بس ان شاء الله هون عن الي في باله
راشد: ربى انتي ليش ماتحبين ريهام
ربى : جذي من الله احس انها قليله ادب ووصخ
وقبل لا تكمل كلمتها ياها طرااااااااااااااااق قوي على ويهااااااااااااااااا
راشد : ريهام الحين خطيبتي وجريب بتصير مرتي والي ايب سيرتها بكلمه ياويله سامعه انا سكت عنج وعن سوالفج معاها وايد بس خلاص يا ربى كل شي له حد
ربى : اطقني عشانها يا راشد انا اختك اطقني عشان هذي
ابو راشد كان يشوف ويسمع كل شي من بعيد ومن غير ما يلاحظونه راشد وربى
راشد : مو عشانها يا ربى عشاني انا ريهام وانا واحد والي يغلط عليها قاعد يغلط علي هذي الحين شرفي وعرضي ديري بالج تعيدين الي قلتيه ولا تزعلين مني على الي بسويه لو سمعت انج مضايقتها
ام راشد كانت تشوفهم واهي منصدمه بس اطالع اول مرة يصير موقف جذي بين عيالها مو عارفه تتصرف ماعجبها تصرف راشد بس بنفس الوقت ربى زودتها
ربى : مو على كيفك انا بقول الي ابي اقوله
ابو راشد : ربىىىىىىىىىىىىىىىىىىىىىىىىىىى
التفتوو كلهم صوب الصوت وكان بو راشد واقف وعيونه حمر من الاعصاب : ريهام الحين وحده من بناتي يعني اختج الي ماترضينه على خواتج لازم ماترضينه عليها واذا سمعت سعت بس ياربى انج عايده الكلام الي قلتيه بصير لج شي ما يعجبج فاهمههههههههههه
يت بتمشي تروح داريها
ابو راشد: ربىىىىىىىىىىىىىىىى انا ماخلصت كلامي ردي علي فاهمه
ربى : فاهمه بصوت مقطعه وشهقه بجي
صعدت ربى ولف بو راشد على راشد: وانت حاول تكسب خواتك لا تبيعهم
راشد : قاطع ابوه :يبا انا مابعتهم ولا فكرت بيوم افضل احد عليهم بس انت سمعتها شنو قالت البنت تصير زوجتي
ابو راشد: مابي اسمع اكثر انت ريال وتعرف توفق بين مرتك وخواتك من غير ما تظلم احد

ربى عقب ماصعدت غرفتها كانت بتجي حيل وبقهر اول مرة راشد يمد ايد عليها وعشان ريهام ربى : والله لو ريج ياريهام والله لخرب بيتج وحياتج واخليج تتحسفين على اليوم الي فكرتي فيه باخوي




ثاني يوم الصبح قعدت ريهام من النوم وشافت تلفونها فيه مسجين واحد من مثايل وواحد من راشد

(( انا ماراح اسافر معاكم صارلي ظرف احبجججججججج وعندي لج مفاجاه لما ترجعين ))


(( صباح الحب حبيبتي دقي لي اول ما تقعدين انا مو نايم ناطرج احبج ))



ريهام طالعت التلفون وباسته الله لا يرحمني منهم مالت عليها مثايل ليش ماتيي والله كنا بنستانس اوفففففففففففف

قامت ريهام توضت وصلت ودقت على راشد
راشد : حبيبتي ديري بالج على نفسج وكلميني وايد اوكي
ريهام : اوكي ان شاء الله ماراح اشوفك بالمطار
راشد : الله يشهد انه بموت واشوفج بس قمت احس مبارك صج يتضايق مني اهو مو متعود جذي سووو خلينا على التلفون لما ترجعين وتصيرين حلالي حبيبتي انتي
ريهام استحت من كلامه حيل : اوكي عيل انا بنزل اقعد مع امي واخواني ولما اروح المطار اكلمك
راشد: بحظ الله حبيبتي



ونزلت ريهام عند امها وعمتها وشريفه ويوسف ياينهم بالطريج ريهام حدها لهت مع امها واخوانها ونست سالفه مثايل ومادقت لها


سجى قعدت من النوم ولبست بتروح النادي شوي تسبح

نزلت وكان الضحى تقريبا تفاجات بابوها قاعد يقرى جريدة بالصاله

سجى : بابا انت تعبان
عبدالله : ههههه ليش يعني
سجى : ليش مو رايح الشركه للحين سجى صج اخترعت على ابوها اهو العاده هالحزه يكون بشركته
عبدالله : كنت ناطرج وبشاورج بشي
سجى : خير يبا امر
عبدالله : سجى حبيبتي اول شي لازم تعرفينه انه انا ماعندي غيرج ومن صغرج وانا معطيج حريتج والي انتي تبينه يصير
سجى : صحيح يبا الله لا يحرمني منك
عبدالله : فارس .....................................

مبارك وصلهم المطار خلصو اجراءاتهم وشغلم وخلاص قاعدين ينطرون بس بافي يركبون الطيارة

ريهام كانت قاعده شوي بعيد عن يوسف وشريفه سماعه باذنها وتقرى كتاب وفجاه انتبهت على واحد يسلم عليها

طالعته ريهام وانصدمت من منظره كان براككككككك

ريهام : براك شلونك شفيك
اوصفلكم شكل براك باختصار عيونه حمر ولحيته طالعه ومو حالق شكله كان صج يعورالقلب
براك : انا تعبان ريهام مثايل وين ماراحت معاكم
ريهام : لا والله انا ما كلمتها اهي دزتلي مسج انه مورايحه بس ماسالتها ليش شي صاير بينكم
براك ما حب يضايقها : اهي زعلانه مني بس لاتحاتين كل شي بيتصلح يالله بالسلامه
ريهام : الله يسلمك

يوسف كان يطالع من بعيد بس فهم انه ريهام تعرفه قال يمكن زميلها اول شي ويسلم

يوسف : يالله ريهام نمشي
ريهام : عن اذنك براك فرصه سعيده
شريفه اطلعت عيونهااااااااااااااا لما سمعت الاسم



وسافرووووو ريهام ويوسف وشريفه
وظل براك شلون تتوقعون بيصلح الوضع
وشريفه ويوسف بيتعدل وضعهم خلال هالايام
وسجىىى شنو بترد علي ابوهااااا

.

 

[MeeMeeYoo_2]

يسلموووووو حبييي

 

[دموع وشموع]

يسلمج حبيبتي

 

[دموع وشموع]

???????????

 

[DALLY]

تسلمين عالبارت حبوبه

اتوقع

مثايل بتظل على رايها ف السفر والدراسه

براك امه بتقتنع عالحاله اللي هو فيها

شريفه ويوسف يتمون على حالهم

سجى امممم ماادري موقفها صعب ....

 

[pearlq8]

ويييييييييييييييين راحت الكووووووووووومنت مالي السايت صاااااااااااااااير لوووعه والله

 

[so_what]

يسلمو على البارت

 

[cute cat]

waiting

 

[PinK-PerrY]

مشكوووورة عالبارت

 

[pearlq8]

????????????????????

makooo part ?

 

[غ ـُــטּـج ..๓..]

يسلمووووؤوؤوؤوؤوؤوؤ

 

[سارووونه22]

قوووووووووووه حبوبه مشكوره على هل روايه الحلوه والاسلوب الروعه وناطرين بارت اليديد


اب اب اب اب اب

 

[ღ أم ــواج ღ]

دموع وشموع

صراحه انتي مبددددددعه اسلوبج حيل حيييل يشوق
انا كل يوم اشبك بس عشان اكمل قصتج مع العلم توني متزوجه بس ابي اعرف الاحداث
روعه روعه شهادتي فيييج مجروحه
واصلي واكييد الكل ناطر باجي القصه

ولا تطولين علينا
تسلم ايدج ياقلبي

 

[DALLY]

ناطرينج حبووووبه

 

[دموع وشموع]

حبيباتي مشكورين كلكم على ردودكم

الي ترفع المعنويات وتشجع

بس تخلي الحمل علي اكبر ما ابي اكتب اي شي واخيب ظنكم عفيه طولووو بالكم علي وان شاءالله بعد شوي بنزل لكم بارت