قصة نهاية المطاف ..حصريا على كويتيات ..

[^^عاشقة النوتيلا^^]

الله يستر من هالخاله القشره
شكلهم بيطلقون بسبتها لهدرجه في ناس ما تبي الوناسه حق عيالها

 

[dlo3t^baba]

ياااااااااي البارت يهبل بس الله يستر من امه النحيسه

 

[* Na3oMa *]

كملي عرووووووس

 

[dr.tooota]

وااااااااااااو
يننون البارتات
عجيبين تسلم ايدج
ناطرين البارت الياي

 

[rawona]

حلو البارت


كملي عروس .. بالانتظااااااااااار:tek:

​

 

[MeeMeeYoo_2]

الله يستر من امه
مشكوووره حبيبتي

 

[^^عاشقة النوتيلا^^]

ويتننننننننننننننننننج

 

[عروس الدنيا]

عاشقة النوتيلا .... في ناس تحب روحها اكثر ما تحب عيالها .

دلوعة بابا ... خلج معاي و بتعرفين الي صار


نعومه .. انشالله بكمل اليوم

در توته انشالله اليوم

راونا .. انشالله من عيوني

مي مي يو 2 ... انشالله شوي و انزل البارت


نوتيلا ... لوول ادري نطرتج وايد

 

[carrot^cake]

وااايد حلوة القصة

كملي

 

[rawona]

ها عروس وين البارت؟؟ ​

 

[carrot^cake]

????

يله

 

[^^عاشقة النوتيلا^^]

وين مافي بارت

 

[rawona]

شكلها عروس لاهيه بالمطبخ الحين ع هاللقيمات والتشريب
​

 

[^^عاشقة النوتيلا^^]

لوووووووووووول اي والله رونه شكلها جذي بس نطرتنا واااااااااااايد ابي اعرف شنو الاحداث بعد لازم نشجعهاااااااااااااااا



:ggdw:




:ggdw:




:ggdw:



:ggdw:

:dddds::dddds::dddds:

 

[shayo5]

اشكرج عروس الدنيا حبيبتي عالقصه الروعه ويلا نبي بارت وتقبلي مروري

 

[dr.tooota]

ويــــــــــــنج

 

[عروس الدنيا]

فاطمه قعدت الصبح مبجر .. حست انه عندها امتحان وودها تنجح فييه
راحت الجمعيه و شرت اغراض الحلو الي بتسويه لزوارة بيت عمها اليوم .
و دخلت المطبخ و سوت الحلو وخلصت قبل اذان الضهر ... رد موبايلها و كان مشاري

مشاري : الو الحب
فاطمه : اهليين مشاري
مشاري : ليش ما قعدتيني
فاطمه : قلت اخلييك تشبع نوم
مشاري : متى امرج ؟
فاطمه : على هواك
مشاري : عطيني نص ساعه اسبح و اصلي و امرج
فاطمه : حلو
مشاري : حلت دنياج يا قلبي
فاطمه : تسلم
مشاري : اقول فطوم خل اصكره اخاف ما نخلص ههه
فاطمه : خوش انطرك .. باي
مشاري : با ي


تزهبت فاطمه ... و مرها مشاري

فاطمه و اهي تركب : السلام عليكم
مشاري : و عليكم السلام ... واي واي امووت انا بالحلوات
فاطمه : ههه ... زين يلا توكل
مشاري : شنو هذا ؟؟
فاطمه : حلو ..
مشاري : من وين
فاطمه : انا مسويته
مشاري : لا والله .. بطلي خل اكل مو ماكل شي
فاطمه : شبطل .. بوديه بيتكم اوديه ناقص يعني
مشاري : الحين انتي مسويته لي و لا لاهلي
فاطمه : اثنينهم
مشاري : ايي قولي جذي .. ما راح اكل منه ...
فاطمه : عشتوا .. زعلت يعني
مشاري : لا ما زعلت ... بس مابي تشاركين احد وياي باي شي يخصج
فاطمه : الللله .. سويتها قصه
مشاري :كيفي
فاطمه : مشاري منو ببيتكم
مشاري : امي و ابوي و خواتي و اخواني
فاطمه : اها .. و نسايبك ؟؟
مشاري : مو قايل لج ما يزورونا
فاطمه : اي صح نسيت

مشاري حس بتوتر فاطمه...
مشاري : فطووم ... اشفييج خايفه
فاطمه : مو خايفه بس اول مره بروح بيتكم و بقعد مع اهلك
مشاري : لا تخافين ما راح اخلييج و بكون معاج طول الوقت
فاطمه ارتاحت ان مشاري بيكون عندها و بيرعف يساعدها بهل موقف الصعب
وصلوا البيت .. فاطمه نازله و تحس قلبها مقموووت

اول ما دخلوا و لا ابوه بالويه .. فاطمه راحت له و باست راسه ... و قالها ليش مكلفه على عمرج و خذا الحلو
وداه المطبخ ...

الابو : اقول ترى مشاري و مرته يو .. تعالي سلمي عليهم
البنات : صج يبا و طلعوا ركض
الام : خوش .. خل اهي تسلم مو انا اروح لها
الابو : البنت اول مره تدش بيتج .. المفروض انتي الي ترحبيين فيها
الام : اخلص الحوسه و يصير خير


... بالصاله خوات مشاري مستانسين بمرت اخوهم و فرحانين فيها .. و قعدوا يسولفون وياها عن الملجه
حبتهم و دشوا قلبها ... و اهم حبوا فاطمه من يوم الملجه .
و بعد شوي .. دشت الخاله .
فاطمه شافتها وقفت .. و مشت لي عندها تسلم عليها
فاطمه : شلونج خالتي .. و اسفه تعبناج البارحه
الام : بخير و سكتت
فاطمه انحرجت من البروده الي استقبلتها فيها .. و راحت قعدت مكانها ..
شوي و قالت لهم الام الغدا زاهب ..

عل غدا

الام : فاطمه ما تاكليين ؟؟ مو عاجبج طباخي
فاطمه : لا بالعكس .. تسلم ايدج بس انا اشبع بسرعه
الام : اكلي اكلي لا تخافين مو حاطه شي بالاكل
فاطمه بقلبها : اشهل حجي ؟؟ شنو مو حاطه شي بالاكل .. اشتقصد

مشاري : يما فطوم تخاف على رشاقتها .. ما تاكل شي
الام و الفصد تحرج مشاري : و انت اشدراك ؟؟
مشاري سكت .. لانه اخوانه و خواته ما يدرون ان مشاري كان يحب فاطمه و كل ضنهم خطيبه عاديه

بعد ما قاموا عن الطاوله .. و البنات راحوا يابوا الحلو الي مسويته فاطمه ..
اخت مشاري حنان : فاطمه ماشالله يهبل .. تسلم ايدج عطيني الطريقه
الام : و ليش تحرجينها .. يمكن مو اهي الي مسويته
فاطمه : امبلا انا مسويته
الام : ايي حجي
مشاري : فاطمه طباخه من الدرجه الاولى ..
الام : ماشالله مشاري امداك تعرف كل هذا عنها ..
سكت مشاري ..
مشاري : فطوم امشي براويج داري
الام : اشفيك مستعيل ... خو شايفتها
الكل اهني التفت عل ام ..
الام حست ان هل جمله قويه وايد ...
فاطمه عصرها قلبها .. اشقصدها ؟؟ اني داخله البيت من قبل
الام : ايي اقصد يمكن راويتها صور غرفتك .
مشاري بنرفزه : لا ما راويتها ... ما مداني و سحب فاطمه و صعدها فوق ..

فاطمه صعدت .. و اول ما سكر مشاري الباب بجت ..
مشاري : اشفييج حبيبتي
فاطمه : احساس ان امك مو حابتني .. شي يخنقني .. مو قادره اتحمل
مشاري : كافي انا احبج ... امي ما بتعامليين معاها طول عمرج
فاطمه : ولو ... ما تدري شلون انك تتعامل مع احد مو حابك و لا قادر يبلعك
مشاري : اشدعوه .. مو لهل درجه
فاطمه : ادري مشاري والله .. و ما بضيق خلقك ادري امك و من حقها تحبني او لا ..بس انا حساسه شو ي
مشاري : ميخلف .. مردها بتحبج مثل ما حبيتج
فاطمه : انشالله
مشاري : مسحي دموعج اشوف ...
فاطمه : انشالله
مشاري قام يراوي فطوم اغراضه ... و صوره يوم صغير
قعدوا اثنينهم عل سرير ... خلص مشاري الصور و سكر الالبوم ... و استوعب ان فاطمه قريبه منه
جيل ... جيل ..كانت فاصخه شيلتها و فاله شعرها ...
فاطمه صارت اتطالعه و خايفه من نظراته ...
مشاري باسها و حاول يكمل ..
فاطمه قامت من الفراش
مشاري : افف وين ... اشفييج انتي
فاطمه : مافيني شي
مشاري : ردي مكانج
فاطمه : لامابي .. مافيني نوم
مشاري : فاطمه لا تستهبلين و ردي
فاطمه : مشاري شنو لا استهبل .. اشناوي علييه
مشاري : ناوي اسوي مثل ما الناس تسوي ..
فاطمه : الناس بالملجه ما تسوي شي
مشاري : لا والله .. و اشفرق الملجه عن الزواج ؟؟ بالحالتيين انتي حلالي
فاطمه : ميخلف ... لي تزوجنا يصير خير
مشاري : هيي شنو لي تزوجنا شنو انا رفيجج الحين و انا ما ادري ؟؟
فاطمه : لا انت خطيبي ..
مشاري : فطوم عن الملاقه .. شنو خطيبي ... احد قالج اسمي جوزيف
فاطمه : مشاري اشفييك ...
مشاري : انا اشفيني .. حركاتج تقهر .. لي متى بتنحاشين يعني
فاطمه : ها ... شنو بنحاش
مشاري : فطوم هذا حقي و مالج حق تمنعينه
فاطمه : مشاري اشقاعد تقول ..
مشاري : شنو اشقاعد اقول .. انتي مرتي .. و صار لي فوق السنه ناطر هل شي .. و الحين الي صار حلالي .. حضرتج تقولين مو الحيين
فاطمه : و انا الصاجه .. لي تزوجنا يصير خير
مشاري : هبله انتي ؟؟ شنو يعني لي تزوجنا ؟؟؟ يعني بنعقد بعد مره
فاطمه : مشاري فاهم قصدي و لا تستعبط
مشاري تنرفز حييل منها .. و اهي مستغربه منه .. و من تصرفه
فاطمه : مشاري بنزل
مشاري بعصبيه : نزلي من ماسكج
فاطمه : انزل معاي .. مابي انزل بروحي
مشاري : فيني نومه و ماني نازل الحيين
فاطمه : و انا شسوي بالله
مشاري : كيفج .. الي يريحج بتنزليين نزلي و بتناميين جياج
فاطمه : لا ما بنام طبعا
مشاري : عيل نزلي بروحج ..
فاطمه : مشاري حبيبي ... و لي يعافييك .. انزين قوم نطلع
مشاري سمع حبيبي و لان قلبه .. : خلاص اقوم اغسل و انزل .. و امري لله بشوف اخرتها وياج
فاطمه و بابتسامه : اخرتها بليلة عرسنا
مشاري : هين .. شوفي منو بينطر علييج لي وقتها

 

[* Na3oMa *]

لووول

كملي عروووووووووس

 

[MeeMeeYoo_2]

ناطريييين

 

[عروس الدنيا]

انشالله احاول اليوم