قصة حب بين طلال وشيخة ... مو صج!!عجيــــــــــــبه... "قصة حقيقية"

[حبيبة حمووود]

حللللللللللللللللللللللللللللللللللللللوه القصه تكفين ناطرينج ولا تعلقينا او اطولين الله يخليج

 

[NeG6a]

البدايه حلوه وتفاصيل واضحه ,,,


ضيقتي صدورنا بوفاة سعود رفيج طلال , الله يرحمه ويغمد روحه الجنه


وكمليها بانتظارج

 

[عصفورة كويتيات]

كمليييييييييييييييييي

 

[dr.elzain]

معاااااااااااااااااااااااااااكم

اهليييييييين رووووووووونه كملييييي

 

[» мσσ∂ч ģίяĻ «]

واااااااااااااااااي الله يرحمه بعد قلبي طلال لامن صدمت رفيجه والا من بنت عمه الي مادري شسالفتها ماتبي
كملي بعد قلبي كملي ناطرينج

 

[اوراد العشق]

اب
اب
اب
:ggdw:
:ggdw:
:ggdw:

ناااااااااااااطرينج وطووووووووولي الباااااارتاااااااااااااااات

 

[عهد الامل]

رررررررررررررررررررررررروعة

يعطيك الف عافية

ابدعتي ماشاءالله

ارجو تسجيل الحضور

 

[~*~الملكة~*~]

بدايه حلوووه

ترتيب الاحداث حلو

ناطرررررررينج لاتتاخرين علينا

 

[دانة الاحرار]

بانتظارج



بس عفية لا تتأخرين

 

[rawona]

esperanza

سبائك


دانة الاحرار


احساس طفلهـ


aldana


حبيبة حمووود


NeG6a


عصفورة كويتيات


dr. elzain


Moody girl


اوراد العشق


عهد الأمل


الملكة





:e3:



مشكورين كلكم على متابعتكم وارائكم .. واسفه حيـــــــــــــــــــل على التأخير ... والحين انشالله بعوضكم ابارتات جديده وانشالله تعجبكم ..

​

 

[rawona]

بيت حمد "بوطلال"


كان بوطلال قاعد ويا عياله التوأم حصه و فهد يطالعون التلفزيون لما ادخلوا عليهم نوره وامها "سعاد" << ام طلال

بوطلال: ها شلون قعدتكم؟ شلون ام سعود؟

سعاد: والله الحمدلله .. المسكينه اكسرت خاطري يوم شافتني قامت تبجي وتصيييييييييح

بوطلال: والله ما تنلام .. الله يصبرها ويكون في عونها..

حصة: يبى.. ماكلمتوا طلال؟ شخباره؟

نوره: اي والله يبى من زمان ما كلمنا .. مادري اشصار على قبوله؟

فهد: انا امس مكلمه بالمسنجر .. يسلم عليكم كلكم ..

سعاد: وليش توك اتكلم؟ ..

فهد: مادري يمه نسيت!

بوطلال: ماقالك شصار عليه؟

فهد: امبلا .. يقول المرشد اللي بالجامعه انصحه يراسل جامعات تقبل بنتيجة التوفل ماله وبعد هم اذا لقى جامعات تعادله المواد اللي خلصهم بالكويت احسن علشان مايرد يبتدي من الصفر ..

بوطلال: زين يسوي ..

سعاد: يالله يارب توفق ولدي وتسهل عليه اموره .. وترجعه لنا سالم .. غانم يا ارحم الرحمين..

الكل: آميـــــــــــــــــــــــــــن..



************************يتبع!


​

 

[rawona]

امريكا..

راسل طلال عدد من الجامعات بامريكا .. وبعد فترة من الانتظـــــااااااااااار الممل .. ياله الفرج اخيرا ..

اقبلته جامعه في شيكاغو ورضت تعادله مواده اللي اجتازها بجامعة الكويت .. ماكان عنده وقت طويل قبل لا يبتدي دراسه بجامعته اليديده .. فراح أجر uhaul( اليوهول .. شركة شحن كبيره في امريكا تأجر سيارات النقل للناس باسعار مختلفه على حسب حجم اليوهول المطلوب وممكن الواحد يسحب سيارته بعد عن طريق وصله في نهاية عربة اليوهول) .. رتب اغراضه بصناديق وسكرهم .. وحط أثاثه وأغراض الشقه كلها باليوهول .. طبعا كله بمساعدة ربعه (سالم – ضاري- عبدالرحمن) ..

من حسن حظ طلال .. لما دق على المكتب الثقافي بأمريكا يسألهم عن الطلبه الكويتين الموجودين بجامعته بشيكاغو .. عطوه اسماء 3 طلاب اهناك + طالبه .. وكان من بين هالطلاب .. رفيجة من الثانوية "محمد" .. فدق عليه طلال وسلم عليه ورتب اموره معاه ..

محمد: ولا يهمك حبيبي .. انت بس عطني تاريخ وصولك اهني وانا انشالله اضبط لك سالفة السكن .. جاري اللي يمي هاليومين بيطلع من الشقه واشوف الموظفه اللي بالكومبلكس رايحه راده مع ناس توريهم الشقه .. فاذا معزم قولي وانا احجزها لك ..

طلال: اي والله جان زين تكلمها .. الشقه جم غرفة نوم؟

محمد: انا ادري انت تبي غرفه .. بس اللي يمي اتوقع غرفتين نوم .. مادري اذا تناسبك او لا؟

طلال: امممممممم جم اجارها؟

محمد: 760$ بالشهر .. الماي عليهم بس الكهربا عليك ..

طلال: خلاص توكل على الله .. شوفها اذا ما تأجرت احجزها لي ..

محمد: صار .. والله ياطلال انا وايد منحرج منك! الود ودي والله تسكن وياي اهني بالشقه .. بس مثل ماتدري معاي شباب اهني "روم ميتاتي" لبناني وكويتي والا لو في مكان جان والله ماخليتك تأجر بروحك (عارف ان طلال ياي على حساب ابوه وكان وده يساعده اكثر)

طلال: يسلم راسك حبيبي .. ماتقصر .. خير يبه سلم على الشباب اللي عندك .. ونشوفك على خير انشالله ..

*بعد اسبوعين .. ودع طلال ربعه بدنفر .. وسلم عليهم .. ولأول مره بحياته يغامر ويسوق هالمسافه من دنفر لين شيكاغو باليوهول لا وقالص سيارته بعد وبروحه من غير مايكون معاه احد يرافجه برحلته!


************************يتبع!

​

 

[rawona]

الكويت

بيت بو مشعل "يوم الزواره" ..

دلال: ها شيوخه شمسويه مع المدرسه؟ انشالله شاده حيلج؟ ترى ماباجي شي .. هانت

شيخه: اي والله هانت .. الحمدلله كل درجاتي مثل ما ابي .. وهم يوم الاثنين عندي امتحان توفل العصر .. وايد احاتيه..

مشعل: والله انتي اللي يايبه الشقى حق عمرج! شحقه توفل بعد؟ خذيتي دورات وامتحنتي امتحان القبول بالجامعه واهم مو طالبين توفل.. ليش اللقافه؟

شيخه (تخز اخوها الكبير واهي حدها حاقده وكان ودها تقوله مو شغلك! بس خافت منه): راح تعرف حزتها ليش ابي التوفل .. والتفتت على ابوها : صح باباتي؟؟ << تقولها بدلع

بو مشعل توهق: احم .. احم ... الجاي يا بدرية!

مشعل اكبرمن شيخه ب 5 سنوات .. تخرج من الثانوية بعمر 17 ونص .. راح درس بره هندسة طيران عن طريق مؤسسة الخطوط الجوية الكويتيه .. وتزوج بعمر 20 من دلال .. عنده خالد (3 سنوات) وليان (6 شهور) ..

شيخه تحب اخوها الكبير وتحترمه وايد .. بس ساعات يطفرها وتحس ودها اطقه .. بس مو حاصلها!

عبدالعزيز (اخو شيخه الصغير) اقرب لشيخه من مشعل .. بحكم العمر واهم على طول مع بعض .. شيخه لي بغت تروح السينما مع حنان .. او مطعم .. او اي مكان ثاني "تحرص دايما تاخذ عزوز معاها" وبالبداية هالشي ضايق حنان وايد لانها حست انها مو قادره تاخذ راحتها او انها مراقبه! بس مع الوقت حست انه أأمن لهم اذا كان عزوز وجسوم معاهم "جاسم اخو فجر اكبر من عزوز بسنه)


عزوز: شيوخه .. دق علي جسوم الصبح يقول شرايكم نروح باجر السينما؟ يقول منزلين فيلم لجيمس بوند عجيب!

شيخه: صج؟! غريبه حنانوه مادقت .. خلاص باكلمها واشوف شنتفق عليه..

بدرية "ام مشعل" تسولف ويا دلال واهي تلاعب ليان: شلون الدوام وياج من بعد الأمومه؟

دلال: والله ياخالتي تعب ولويه .. الود ودي اخلي اجازة الأمومه سنه بدال 6 اشهر!

بدرية تضحك: وييييييييييه هذا وانتوا توكم ابداية حياتكم .. احنا عيل شنقول؟؟ اللي يبون يدزونا غصب للتقاعد بس احنا "متعلقين" بالوظيفه مانبي قعدت البيت!

دلال: خالتي شكثر صارلج تشتغلين؟

بدرية: اممممممم السنه اليايه بيصيرلي 20 سنه..

دلال: ماشالله .. الله يعطيج الصحة والعافيه .. ماتفكرين تتقاعدين؟

بدرية: والله ودي وماودي .. ساعات اقول لي قعدت بالبيت شاسوي؟ ماعندي احد .. عمج بالدوام .. والعيال بمدارسهم .. يضيق خلقي من قعدت البيت .. الا اذا طعتوني انتي ومشعل وأجرتوا بيتكم ويتوا سكنتوا عندنا البيت كبير ماشالله ويشيلنا كلنا اخذوا انتي ومشعل واليهال الدور الثالث كله .. وانا وعمج واليهال بالدور الثاني .. على الاقل اشوف عيالكم كل يوم مو بالشهر مره!

دلال تفكر: والله ياخالتي انا ماعندي مانع .. بس مادري والله عن مشعل يمكن مايرضى ..

بدرية: يمه مشعل عنيد .. ومحد قدر يلين راسه الا انتي (تبتسم لدلال) .. اهوا الله يهداه من رديتوا من بره سيده خذا قرضة واشترى هالبيت اللي بقلعة وادرين .. وخلانا .. اللي سويتوه يمه شي حلو بس انتوا أجروا البيت كله مو بس الشقق .. وتعالوا سكنوا معانا .. على الأقل تستفيدون من اجار دوركم بعد ..

دلال: انشالله خالتي .. انا باكلمه .. واحاول اقنعه .. وانشالله خير ..


*************************يتبع!


​

 

[rawona]

بيت بو وليد << عم طلال (ابو فاطمه)

بووليد: سمعت ان بو عبدالرحمن بينزل هالسنه بالانتخابات .. يقولون معزم وماباذنه ماي .. وقاعد يفتر على الدواوين من الحين ..

بوطلال: ايه .. الله يوفقه انشالله << بوطلال مو من ربع السياسه بالمره! شخبار السوق هاليومين؟

وراحوا يسولفون عن البورصه والمناقصات والسوق والعقار .. واندمجوا بروحهم بالسوالف ..

ام وليد: شخباركم سعاد ؟ من زمان ماشفناكم؟

ام طلال: اي والله لهينا مع اليهال ولوية الامتحانات .. وسمعت ام بدر تقول اتقول انهم بيردون الزواره من الاسبوع الياي لان الامتحانات خلصت (ام بدر اخت بوليد وبو طلال )

تدخل فاطمة الغرفه وسلمت اول شي على عمها بوطلال وتالي يت سلمت على ام طلال ونوره ..

ام طلال: شلونج فاطمه؟

فاطمه: بخير الحمدلله .. ( تقولها بارتباك وخجل)

ام طلال: وشلون الجامعه؟ انشالله ماشيه؟

فاطمة: الحمدلله .. انشالله السنة اليايه نفس هالحزة انا مخلصة انشالله ..

ام طلال: باذن الله .. الله يوفقج انشالله ..

ام وليد: نوره .. ماشربتي عصيرج؟ ايبلج غيره؟

نوره: لا مشكوره خالتي .. الحين اشربه ..
ام وليد: نوره رابعه والا ثالثه.؟

ام طلال: لا رابعه .. مقررات .. بتخرج هالسنه انشالله ..

ام وليد: اي ماشالله .. ووين ناويه تروحين؟

نوره: والله مفكره بكلية العلوم الادارية.. وللحين مو اكيد

ام وليد: ويييييييييييي ليش؟؟؟ انتي شاطره حرام ادشين علوم اداريه! يايبه 4 نقاط دشي طب او هندسة احسن لج!

نوره (وودها اتنتف مرت عمها على لقافتها): لا خالتي بس اكتفيت من العلوم والرياضيات والحمدلله متفوقه فيهم .. مابي اتعب بالجامعه وحابه ادرس تخصص سهل وحلو واحبه ..

ام وليد: اييي .. الله يوفقج انشالله .. والله انا اقول حق فطومه اذا خلصت تقدم على الجامعه علشان يدزونها تكمل ماجستير ودكتوراه بره احسن لها ..

نوره (متعمده تحرج فاطمه): انتي حابه تكملين بنفس مجال دراستج؟ والا في بالج شي ثاني؟

فاطمه: اممم .. ها .. مادري..

ام وليد: هاااو فطوم امبلا .. ذاك اليوم تصيحييين وتبجين تبين تكملين دراستج والا نسيتي؟ << نبرة تهديد

فاطمه (مغلوبه على امرها): اي عدل يمه .. انا حابه اكمل على تخصصي ..


طالعت نوره فاطمه واهي معصبه حدها من سلبيتها .. مستغربه وحده بمثل عمرها ومستواها التعليمي .. تكون ضعيفة الشخصية هالكثر .. وكلمة توديها وكلمة اتيبها! .. فكرت بطلال اخوها .. شحاب فيها؟؟



****************************************



يالله اخليكم تتسلون بهالبارتات على ما اكتب شي يديد .. ناطره ارائكم وتعليقاتكم :gathering:


​

 

[aldana]

يالله روانه لا يوقف................. متابعه بعنف <<<<<تنتظر و مندمجه

 

[rawona]

شيكاغو، ولاية الينوي ..

بعد 7 شهور من تاريخ قبوله بالجامعه .. استقر طلال بشقته "اللي حجزها رفيجه محمد" .. وداوم بالجامعه وخلص كورس كامل وصيفي اول .. والحمدلله الجامعه عادلتله مايعادل سنه من دراسته بجامعة الكويت .. والحين عنده بريك .. اسبوعين قبل لا يبتدي الصيفي الثاني ..

تغيرت نفسية طلال 360 درجة من داوم بالجامعه واستقر بحياته ودراسته ونجح بتفوق محد كان متوقعه ابدا ولا حتى اهو نفسه كان يتخيل انه ممكن تكون له هالقدرة العجيبه على العطاء وحب التميز والتفوق بعد كل الضغوط النفسية اللي تعرض لها بحياته!!

جامعة طلال ماكان فيها كويتيين وايد 2 او 3 وبنت وحده تكمل ماستر .. بعكس جامعته اللي بدنفر كان فيها طلبه كويتيين وطالبات كويتيات عددهم كبير (مايقل عن 20-23 طالب وطالبه) حس براحه نفسيه اكبر بهالجامعه لانه ماحب لوية الكويتيين بجامعته الاوليه .. وحس صج الابتعاد عنهم راحه!

من عقب سالفته مع فاطمه ، صك طلال باب قلبه .. وماالتفت ابد لاي بنت كانت تحاول تلفت انتباهه وتتلزق فيه! كان يتغشمر مع ربعه اول "ضاري- سالم- عبدالرحمن) ويضحك وياهم على اشكال بعض الطالبات اهناك .. وكانوا يحاولون يضبطونه مع بنت اهناك ويخلونه يعيش وياهم الجو .. بس طلال كان بطبيعته هادي .. وخجول .. واخلاقه ماتسمح له يسوي سواتهم ..

ذكر اول مره طلعوه ربعه وياهم علشان يسهرون بره (اول ما يا امريكا) ودوه ديسكو !!

طلال (معصب حده على ضاري): شوف ضروري .. والله ان ماطلعتني الحين من هالمكان الوصخ .. والله لا تعرفني ولا اعرفك

وكانوا ضاري والشباب يضحكون من ردة فعله (علبالهم بس show لانها اول مره وتالي بيرضى)

ويوم شافوه انه من صجه.. تأسفو منه وايد .. وايد .. واعتذروله حيل .. وقالوله انهم كانوا يبون يتغشمرون معاه وبس "سوالف شباب" واهو سامحهم بس اهم قاموا يحترمونه ويخافون منه ويعملون له الف حساب مع ان بعضهم اكبر منه!!


ذكر اول يوم وصل فيه امريكا.. استقبله سالم رفيجه .. بس كانوا اهله عنده فماقدر يخلي طلال يسكن معاه بالبدايه ووداه حق واحد يعرفه "ناصر" وعرفهم ابعض .. ورحب ناصر بطلال حيل .. واستضافه عنده اسبوع على مايرتب اموره ..

كان طلال نايم بغرفة ناصر على السرير (ناصر حلف عليه ياخذ هالغرفه وينام اهو بالغرفه الثانيه) .. ماوعى الا هالبنت اللي تهزه وتقعده من النوم!!!


البنت: نصووووور .. نصوري .. اقعد.. يالله قوم .. نصوري حبيبي يالله ..

طلال كان نايم ومتغطي كله ومعطي البنت ظهره.. من الخرعه نقز من الفراش والتفت على البنت ..

طلال: خير؟؟ << مايدري شيسوي

البنت: امبيييييييه ... اسفه ! علبالي نصور .. سوري مادري ان ناصر عنده احد!

طلال( وحده منصدم من هالبنت): لا عادي ..

البنت: اوكي .. انا اخليك تكمل نومتك .. بس بليز بليز بليييييييييز .. اذا شفت نصوري قوله اني سألت عنه!

طلال: انشالله ابلغه!

البنت: اوكي ..بيباي!

وفجأة استوعب طلال وناداها: لحظه ..

التفتت البنت بدلع: yes?

طلال: منو اقوله؟

ابتسمت البنت بطريقة "رخيصة" وقالت بثقه: قوله .. سوسو ال.... يالله باي!

اهني طلال بقق عيونه.. وبطل حلجه .. حده منصدم من اللي شافه واسمعه! البنت .. بنت عايله معروفه حيل بالكويت.. اللي صار جدام حلم والا صج؟؟

دخل ناصر الغرفه وشاف شكل طلال "المبلم" وضحك: شفيك من صباح الله خير متنح؟؟ شصاير؟؟

استوعب طلال شكله ووقفته المخترعه على السرير وعدل نفسه ..

طلال: والله مادري شاقولك!

قص طلال على ناصر كل اللي صار .. وعرف من ناصر انها فعلا بنت فلان الفلاني .. وابوها من الكباريه .. وعرف بعد ان هالبنت كل شهرين او 3 لها "صاحب" ومقزرتها جذي .. وانها حملت من واحد مره وسقطت الجنين ..

طلال حده منصدم من اللي اسمعه : لاحول ولاقوة الا بالله !


************************يتبع!

​

 

[rawona]

يالله روانه لا يوقف................. متابعه بعنف <<<<<تنتظر و مندمجه

حبيبتي والله .. الله يجبر بخاطرج مثل ماجبرتي بخاطري <<مكسور خاطرها مافي مشجعين غير الدانه ​

 

[rawona]

الكويت


نوره قاعده ترتب دارها واغراضها عقب عفسة الامتحانات .. وفجأة طاح بيدها دفتر اخوها طلال الخاص "فيه اشعار .. وخواطر" كلها اهداء لفاطمه .. وذكرت ذيج الفتره!!

كانت فاطمه وطلال على طول يلعبون مع بعض من يوم انهم صغار .. وكان طلال يخلي فطوم دايما بفريقه ويختارها دايما تصير وياه .. وكبروا ودشو سن المراهقه .. ابتعدت فاطمه شوي عن طلال .. ماقاموا يتشاوفون مثل قبل .. كان طلال يدز لفاطمة دفتر اشعاره مع نوره .. وكانت فاكمه تقراه واطير من الفرحه .. وكانت تكتب له اشعار وخواطر بعد وادزهم مع نوره ..

عاشوا قصة حب حلوه وبريئه .. وكان طلال مايشوف غير فاطمه وفاطمه ماتشوف غير طلال .. ولما حس طلال انهم كبروا الحين وان فاطمه ممكن تروح منه باي لحظه .. كلم امه علشان تخطبله فاطمه من اهلها .. وقالها ان مابقاله شي ويخلص انشالله .. بس امه مارضت يتقدمون رسمي الا عقب مايخلص .. ومع الحنه والترجي وافقت امه انها تكلم او وليد على فاطمه .. بعد ما اقنعها زوجها حمد وطلال انهم بس يتكلمون على البنت الحين علشان يعرفون اهلها انه باغيها ويبيها ويعطونه كلمه .. على مايخلص ويخطبها بشكل رسمي..

وكلمت ام طلال .. ام وليد ..

ام وليد: والله يا سعاد طلال والنعم .. وماراح نلقى احسن منه لبنيتنا .. بس تدرين اهو للحين طالب وماخلص .. والبنت بعد صغيره ووراها مستقبلها .. و..

ام طلال: معاج حق والله ياام وليد وانا قلت لطلال هالكلام .. بس اهوا يبي يعرف رايكم واذا موافقين عليه والا لا من حيث المبدأ بس يبي ياخذ منكم كلمه وانشالله اذا خلص .. اكيد بيتقدم بشكل رسمي ويملج عليها ..

ام وليد: والله ييتكم عزيزه يا ام طلال .. بس انا مااقدر اعطيكم كلمه الا لما اشاور ابوها واشوف راي البنت .. وانشالله ارد لكم خبر هاليومين!

ام طلال: اخذوا راحتكم ..


نوره مع فاطمه بغرفتها ..

نوره: ها شعليج .. بتصيرين مرت اخوي ..

فاطمه (معصبه ومتوتره): مرت اخوج؟؟ .. لا مابي .. انا ما افكر اتزوج الحين ..

نوره: من قال بتاخذينه الحين .. خلي يخلص ويتخرج وتالي انشالله بتتزوجينه..

فاطمه: لا مابي .. مابي ..

نوره: فطوم اشفيج؟؟ شصاير؟؟ طلال مزعلج بشي؟؟ صاير بينكم شي؟؟

فاطمه تصرخ مخترعه: لااااااااااااااااااااا ... مابينا شي! .. اصلا انا مابيني وبين اخوج شي!!

نوره (مستغربه من ردة فعل فاطمه): والحب اللي بينكم؟؟

فاطمه: مابيناااا شي!!! لا تتبلين علي!! .. انا ماكلمت اخوج ولاصار بينا شي!!

نوره: ادري انكم ماتكلمون بعض.. بس تتبادلون دفتر الاشعار .. وتحبون بعض عدل؟؟

فاطمه: لاااااااا مو عدل .. (خايفه على معصبه وتبجي) .. اصلا هذي كانت "سوالف يهال" .. وانا اعتبر طلال مثل اخوي!

نوره: مثل اخوج؟؟ طلال الحين صار مثل اخوج؟؟ اشفيج فطوم؟ شاللي غيرج؟

فاطمه: اااااااااوووه .. مافيني شي غصب؟؟ انا احب طلال مثل اخوي وبس .. وهذا كل اللي عندي!

طلعت نوره من الدار معصبه .. وهذي المره الاولى اللي رفضت فيها فاطمه ولد عمها طلال..

--

بعد وفاة سعود .. تحطمت نفسية طلال بالمره .. خصوصا ان رفض فاطمه له كان قبل اسابيع قليله من موت رفيج عمره.. ساءت حالة طلال حيل .. وعاش بجو من الكآبه والحزن .. عزل نفسه عن كل شي .. اهله .. ربعه ... جامعته ... انقطع عن كل شي يربطه بالعالم الخارجي ..

ماعرف بهالفتره الا سجادته .. ومصحفه .. ودموعه!!

مع الغياب المتكرر .. وانحدار مستوى طلال الدراسي وتراكم انذارين من قبل .. تم فصل طلال من جامعة الكويت .. بعد 3 سنوات من الدراسة فيها!

ام طلال متقطع قلبها عليه .. مو عارفه شلون اطلعه من الجو اللي اهو فيه .. عيز ابوه حمد يكلمه .. بس للاسف ماجنه عايش معاهم ولا جنه يسمعهم!

حاولت نوره وهم ماقدرت .. فكرت بفاطمه .. مافي احد غيرها يقدر يطلعه من اللي اهو فيه .. مسحت نوره زعلها على فاطمه لانها ما عزت طلال بوفاة رفيجه ولا حتى اجبرت خاطره بكلمه! وداست على نفسها وراحت لها البيت ..

نوره: فاطمه .. طلال بحاجتج الحين اكثر من اي وقت طاف ..

فاطمه: وانا شبيديني اسوي؟؟

نوره: كلميه .. الله يخليج روحي كلميه .. فهميه اللي قاعد يسويه غلط .. مايصير يسوي جذي بعمره وكل شي قضاء وقدر .. يمكن يسمع منج..

فاطمه: اهو ماسمع منكم تبينه يسمع مني انا؟؟

نوره (وودها تكفخ بنت عمها): اهو يحبج ويمكن اذا شافج يصحى لعمره شوي ويرد الاولي ..

فاطمه: لااا ما اقدر .. مااقدر ...

نوره (بترجي): فطومه بليز .. الله يخليج .. تعالي معاي ..

فاطمه: لا ما اقدر انا باجر عندي امتحان .. ومااقدر اطلع من البيت .. امي مو موجوده!

نوره واهي تمسح دمعتها: على العموم مشكوره .. ماقصرتي .. وموفقه بامتحانج باجر ! (طلعت معصبه) بنفس اللحظه اللي دخلت فيها ام وليد..

ام وليد: هااو! شفيها هذي طالعه جذي ماسلمت!

فاطمه: هاا لا مافيها شي بس كانت مستعيله ..

ام وليد: شكانت تبي؟

فاطمه: اا.. كانت .. تب .. تبيني اكلم طلال .. قالت انه تعبان وحالته ماتسر .. وانه ممكن يسمع مني اذا كلمته ..

ام وليد: وانتي شكو بطلال؟؟ اشوه انج ماتدبستي معاه .. جان ضاع مستقبلج! الله يكون في عونه .. ضاع مستقبله .. شفتي شلون كان معاي حق يوم قلت انه ماراح يكمل وياخذ الشهاده؟؟ ..

فاطمه: بس يمه .. طلال مر بظروف صعبه .. وهالشي أثر عليه .. ويمكن اذا كلمته ..

ام وليد: نعم؟؟؟؟؟؟؟ انتي تكلمينه؟؟ ليش؟؟ اذا اهله ما سمع منهم بيسمع منج انتي؟؟ يالله عاد .. حطي بالج بدراستج وبس وبمستقبلج .. طلال هذا طلعيه من تفكيرج!

فاطمه: انشالله يمه..


*************************يتبع!

​

 

[aldana]

الله كملي روانه I'm waintint<<<<<<<<<<<<<المتابعه الوفيه .......... ترا مجابله النت و ناطرتج

 

[shaiouma]

am waiting tooooooooooooooooooooooooooo