قصة حب بين طلال وشيخة ... مو صج!!عجيــــــــــــبه... "قصة حقيقية"

[aldana]

يالله متابعه بعنف <<<<<<< بالانتظار .......... بس عسا مووايد طويله ....... مافينا صبر

 

[aldana]

خوووش قصه مشوقه .......... ماخلصنا من نجديه وقصتها بدينا بقصتي روانه ,,,,,,,,,,Thsnks & good Luck

 

[rawona]

مشكورين على المتابعه كلكم ..


واللي تسأل عسى مو القصه طويله؟؟ ليش مليتي بسرعه؟؟ << :eh_s(7):



بنات اذا تحسون الاحداث ممله شوي او بطيئه قولولي علشان اسرع شوي .. :ada:​

 

[Non.uae]

مرحبااااااااااااا الساااااااااع


بدايه حللوووه .. وووو اتوقع يتلاقون هناك

امممم


اذا عندج القصة كاامله او على الاقل كاتبه بارتات وااايد

نزلي بارتات طوييله...و ان شاء الله تكملينها للنهايه

ووو

نرقبج

 

[rawona]

بيت مشعل

مشعل: يالله دلول وينج؟ للحين مازهبتي لا جايج ولا اقهوتج؟؟ شناطره؟ الحين امي وابوي بيوصلون وانتي للحين تحوسين بالمطبخ!

دلال: مشعل حبيبي شفيك؟ اول مره يزورونا خالتي وعمي؟ يعني انا مااعرف السنع؟ << تقولها بنبرة عتب وزعل

مشعل: اصلا دلوله مرتي حبيبتي .. اهي ام السنع والمنع كله!! انا ما قلت جذي حياتي بس اشوفج لاهيه وحايسه بالمطبخ .. اخاف اييون وانتي بعدج مابدلتي..

دلال تبتسم: لا تخاف .. خالتي كلمتني من قبل شوي .. تقول بيمرون معهد اللغات يسجلون شيخه وتالي بيمرونا ..

مشعل مستغرب: شيوخ تبي تدرس لغه؟؟ اشحقه؟؟ اهي اصلا بلبل بالانجليزي ماتحتاج تدخل دورات!

دلال: وانا شعلي! هذا اللي قالته خالتي .. يمكن البنت تحس بفراغ وتبي تستغل وقتها بشي مفيد .. والحين مشعل واللي يعافيك .. خلني اخلص شغلي بسرعه ولاتعطلني .. ابي اروح ابدل واجهز قبل لا اييون اهلك علشان استقبلهم معاك اول ما ايوووون..

مشعل: ههيهيهي .. يعني تعترفين انج كل مره اييون يزورونا فيها تنزلين من فوق عقب ما اييون ويقعدون ويشربون قلاص العصير ويخلصون ...و

دلال (معصبه): مشعل! يووز عني يالله وخلني اخلص شغلي بسرعه .. (ادزه صوب الباب)
يالله out .. out!

مشعل: اقول .. ما تبين مساعده .. مني مناك .. (يتحرش فيها علشان يطفرها) ..

دلال: مشعل!

مشعل: ترى يمدي .. ها شقلتي؟

دلال: مستحيه على معصبه: برااااااااااااااااااا وتصك الباب بويهه!

****************************************يتبع!

​

 

[rawona]

مرحبااااااااااااا الساااااااااع


بدايه حللوووه .. وووو اتوقع يتلاقون هناك

امممم


اذا عندج القصة كاامله او على الاقل كاتبه بارتات وااايد

نزلي بارتات طوييله...و ان شاء الله تكملينها للنهايه

ووو

نرقبج

مشكوره على المتابعه .. القصه من تأليفي حبيبتي .. ويمكن لاني قاعده أألف البارت بسرعه وانزله شوي صرت بطيئه .. بس قاعده احاول كثر ما اقدر اغير الاحداث << ماتبي تنذبح هيهيهي


تابعوني وانشالله تعجبكم


اللي يسألون عسى مو القصه طويله؟؟ << شوراكم؟ تابعوها اشوف المسلسلات التركيه ما اطوفين منها يوم .. اعتبروا قصتي مسلسل تركي وانشالله بيعجبكم ​

 

[d-k_group]

اشفيج رووونه


فلستي من امريكا وقمتي تكتبين قصص



بصراحه البدايه روووووووووووووووووعه



لا تتاخرين

 

[rawona]

اشفيج رووونه


فلستي من امريكا وقمتي تكتبين قصص



بصراحه البدايه روووووووووووووووووعه



لا تتاخرين

شفتي شلون دي كي؟

ريلي يقولي اشعندها اغاثا كريستي << عني لوووووووول

لا والله الكتابه من هواياتي القديمه .. ولي كتابات بسيطه بس ما نشرتها..

وهالقصه كنت حابه اكتب عنها من زمان بس كنت متردده .. قريت قصة نجديه وتشجعت اكتبها .. وانشالله تعجبكم

شاكرتلج مرورج :tek:
​

 

[rawona]

امريكا

كانوا طلال وربعه متيمعين بشقة سالم يسولفون ويلعبون جنجفه .. ويتابعون الart

طلال: هند!

ضاري: لاااااااااااااااا .. من صجك؟!

طلال: لا اقص عليك! .. واذا مو عاجبك بعد هند اسود!

سالم: شفيك علينا اليوم يابوحمووووووووووود.. شلختنا!

طلال: اشعرفكم باللعب انتوا .. حدكم uno

عبدالرحمن:كاااااااااااك زين يسوي فيكم .. مادام موقادرين تقايشونه ..اشحقه اللقافه؟

طلال: هيهيهي .. يالله منو الاخير .. اممممممم ضروي ..

سالم: ودي تغير مره ياضاري وتصير بالمركز القبل الاخير هيهيهيهي

ضاري: تطنزون ؟؟!! انزين هين ان ماكسرت راسكم باللعب باجر مااطلع ولد امي وابوي!

الشباب" هيهيهيهي

طلال: اقول .. عن التفلسف الزايد .. انا ابي Big Mac بس من غير بيكلز .. وابي معاه سبرايت

سالم: انا ابي نفس طلال

عبدالرحمن: والله كاسر خاطري هالضاري .. مسكين كله خسران .. وايبلكم عشا!! يبى تدرون شلون العشى علي اليوم << خلو المسكين يتهنى بمعاشه هيهيهي

ضاري: بعد قلبي والله .. اي هذيل الربع السنعين .. مو

سالم: مو شنو؟؟ << بنبرة تخرع

ضاري: اقول عبدالرحمن انطرني بايي وياك!

سالم وطلال يضحكون..

سالم: اصبلك جاي معاي؟

طلال: يالله فوقه ..

سالم: طلال ..

طلال: هلا ..

سالم: شفيك هاليومين؟ مو عاجبني؟ من رحنا لعبنا كره الاحد اللي فات وانا احس انه فيك شي!

طلال: لا والله مافيني شي .. بس احس بضيقه هاليومين .. ولهان على سعود!

شهق سالم لما سمع هالكلام وغورقت عينه وتذكر سعود!



​

 

[شباصه ريش]

كملي حبيبتي متابعينج

 

[Al-MoSH]

يالله رووونا كمليييييييييييييييييييييييي ....... nice ....

احب القصص الرومانسية .. واحلى شي انها حقيقيه

 

[عيون ابوها]

شكل القصه حلووه كملي حبيبتي

وياليت تطولين البارتات

 

[najdeya]

نجديه << شيشتني اكتب هالقصه .. واذا بدعت بالكتابه فكله منها

هههههههههههههههههههههههههههههههه....يلا شرايج انا و انتي نفتح دار نشر

 

[دانة الاحرار]

عاشوااااااااااا عاشوااااااااااا


انطروني بقراها وبعلق عقب

 

[دانة الاحرار]

يلا عفية كملي بسرعة واعليه طلال ومالت على بنت عمة <<< مسرع كرهتيها

 

[rawona]

السلااااااااااااااام


مشكورين لكل اللي تابعوا القصه so far وترى هذا اهو اليوم الاول لها يعني زين مني كتبت هالبارتات

ما اشوف اقبال عليها .. يمكن ماعجبتكم بس ترى القصه للحين باولها وفيها "عجائب وغرائب" للحين ماشفتوا شي واحلى مافيها انها قصه حقيقيه..

يالله باكمل شوي وباشوف تفاعل اكثر والا ازعل وارفع القلم<< لا تكفين زعلي! :tomato2:
​

 

[rawona]

يلا عفية كملي بسرعة واعليه طلال ومالت على بنت عمة <<< مسرع كرهتيها

لووووووووووول صبر ماشفتي شي!​

 

[rawona]

بيت بوطلال

ام طلال: نوره ..

نوره: هلا يمه ..
ام طلال: يالله وينج .. تأخرنا ..

نوره: كاني والله جاهزة .. بس البس شيلتي ونطلع!

ام طلال: مسكينه ام سعود تلاقينها ناطرتنا من المغرب .. والله فشله تأخرنا عليها!

نوره: يمه لا تحاتين .. ماتأخرنا ولاشي .. تو الناس حتى الساعه للحين ماصارت 6!!

ام طلال: اقول عن الهذره الزايده .. يالله لحقيني للسياره!


***************************************************



بعد فتره..

حنان في المدرسه مع شيخه يسولفون...

حنان: ها شيوخ.. متى دوامج بالمعهد؟

شيخه: اليوم انشالله اول يوم.. وااااااي حدي متشوقه للكلاس .. مو مصدقه شلون ابوي وافق اخذ دورة توفل بهالسهوله!!

حنان تبتسم بخبث: اي يابختج.. بتروحين العصر تستانسين مو انا بانثبر احل واجباتي لين اخمد وانام!

شيخه: حنون اللي يسمعج الحين يقول انا رايحه اقز بالفنار! بروح ادرس بعد حالي من حالج!!

حنان: شيوووووووووووخ .. انتي خبله والا شكلج جذي؟! المعهد مختلط ياحظي واكيد معاكم شباب .. اييه من قدج جربتي عيشة الاختلاط قبلنا!! يمكن اطيحين لج على شاب حليوه يعجب فيج.. (تضحك)

شيخه: الحمدلله على نعمة العقل!! اقول حنون يوزي عني .. تدرين هالسوالف ماتهمني .. غيري الموضوع والا شوفيلج وحده تعجب بسوالفج المليقه .. اوه كاهي لوجين يايه صوبنا.. يابختج! لقيتي من يحب سوالفج التافهه!! (عصبت حنان لان شيخه هدتها واهي تضحك ودبستها مع لوجين السخيفه!)


*******************************************************


امريكا ..

راح طلال الجامعه يسأل عن نتيجة التوفل.. وراح سالم معاه (سالم كان رفيج طلال بالثانويه بس طلع بعثه لامريكا ومادخل جامعة الكويت نفس سعود و طلال والحين اهو بسنة التخرج)

سالم: يالله بطل الظرف .. شناطر؟؟

طلال: خايف من النتيجة! .. اذا ما يبت التوفل هالمره خلااااااااااص بعد مالي امل!

سالم: اشفيك الله يهديك ,, لا تقعد تقبس! بطل الظرف وانشالله يايبه هالمره ..

طلال: بسم الله .. وبطل الظرف..

سالم يطالعه بترقب .. مو مبين على ملامح طلال شي.. وطال سكوته.. تنرفز سالم وسحب الورقه من ايد طلال وشاف النتيجة..

سالم: قولولولولولوللللللللللولولولوللولولش!!
مبرووووووووووووووك .. اخيرا يبت التوفل!

هييييييييييييييي اشفيك متنح؟!

طلال: صج والله يبته! ماني مصدق!! مابغيت .. 4 مرات اقدمه بالكويت وما ايبه! ومرتين اهني وماايبه!.. اوف اشوه يبته هالمره.. الحمدلله الحين اقدر اكلم امي وانا مرتاااااااااااااااااح

سالم: هيهيهي يالله الحمدلله ..
سكت سالم شوي جان يصرخ فجأه..

سالم: بس في مشكله!!

طلال مخترع: شنو بعد؟؟؟

سالم: انت يبت التوفل حده حده .. يبت 520

طلال: انزين وين المشكله؟؟ المطلوب 500 عدل؟؟

سالم: عدل بالنسبه لاغلب الجامعات بس جامعتنا طالبه 550 علشان تبلش دراسه على طول فيها

طلال: وليييييييييييييه .. اشهالحظ!! انزين شاسوي الحين؟؟

سالم: امش وياي عند الادفايزر .. اكيد بيساعدنا ويشور علينا بحل!




************************يتبع..


​

 

[najdeya]

يحليلج وااااااااااايد اشطر مني...البارتات اتبرد القلب

 

[احساس طفلهـ]

الله خوووووووووووووووش


مشاءالله اسلةب حلو وسلس وبدايه موفقه

وسجلينى من المتابعين