قصة حب بين طلال وشيخة ... مو صج!!عجيــــــــــــبه... "قصة حقيقية"

[aldana]

يالله روانه وينج <<waiting ................ يالله مافيني صبر Pllllllllllllllllllllzzzzzzzzzzzzzzzzzzzzz

 

[It'S Me]

واااااااااااااو

مشالله عجيبه قصتج و اسلوبج حلو

موفقه حبيبتي

 

[aldana]

شكلنا ماكو الا انا وانتي It's me متابعين هالقصه و ناطرين ....................روانه يالله
انا بروح اصلي الظهر و راجعه ان شاءالله الاقي بارت جديد

 

[It'S Me]

ايي والله شكله جذي

يلا روووووونه لا يوقف لا يوقف

 

[rawona]

:e3::e3::e3:



انشالله باكمل لكم الحين .. وانشالله مني لي العصر اشوف مشاركات اكثر علشان ما اتحبط


وهم بنفس الوقت ابي رايكم .. اول مره اكتب على الملأ :eh_s(6):

​

 

[rawona]

ثانوية البنات (يوم التخرج)

شيخه: مبروووووووووووووك حنون .. وعقبال الشهادة الكبيره ..

حنان (تبجي وتضحك من الفرحة لمت شيخه وحبتها): الله يبارك فيج شيوخه ومبروك تفوقج انتي بعد .. تعالي كاهو مصور الجريدة خل يصورنا جم صوره قبل لا يخترب مكياجنا من البجي ..

بوجاسم: مبروك يابو مشعل تخرج شيوخه .. وانشالله تفرح فيها عروس ..

بو مشعل: انشالله بس قبل ابي افرح بشهادتها الكبيره وتالي يصير خير ..

ام جاسم: الله يبلغكم فيها وباخوها عبدالعزيز انشالله وتفرحون فيهم يارب ..

ام مشعل: مشكوره بعد قلبي ومبروك تخرج حنان والله يبلغج فيها وفي اخوانها انشالله ..

ام جاسم: تسلمين ياعمري .. ها وين ناوية تدخل شيوخه انشالله؟ انا حنان مصممه على العلوم الادارية ..

ام مشعل: والله للحين ماقررت .. تقول ان معدلها يدخلها اي تخصص تبيه فماحددت للحين وين ..
ام جاسم: اي .. الله يوفقهم انشالله ..

ام مشعل: اللهم امين ..

--

حنان: مبروووووك لوجين .. عقبال ماتاخذين الريل "الزوج يعني" انشالله

لوجين: هيهيهي ويييييييييييه الله يسمع منج انشالله .. من بوئك لباب السماااااااااا

حنان: هيهيهيهي والله انتي رايحه فيها ..

لوجين: طالعه على معلمتي "تقصد حنان" .. هيهيهي

شيخه: واااااااااي ياحبكم للسوالف التاثه .. امشوا نروح نسلم على ابلاتنا ..

***********************يتبع!



في البيت ..


شيخة قاعده تتسلى بمجله .. وام مشعل تلاعب ليونه .. لين تيي امها من الدوام ( دلال اقنعت مشعل انهم يأجرون الدور اللي اهم ساكنين فيهم في بيتهم ويستفيدون من أجاره .. واييون يسكنون مع اهله .. مشعل كان معارض بالاول بس بعد ما كلمته دلال اقتنع .. وحس فعلا ان السكن عند اهله اقرب لهم لدواماتهم وهم قاموا يشوفون اهلهم اكثر من قبل)

شيخه: يمه..

بدرية: هلا يمه ..

شيخة: ماتدرين متى يبطلون تسجيل البعثات؟

بدرية (واهي متضايقه): لا يمه مادري .. ولا ابي ادري!

شيخه: يمه! شفييييييييييج؟؟ اسأل علشان ابي اقدم!

بدرية: شوفي شيوخ .. احنا سكتنا عنج وخذيناج على قد عقلج لين تخرجتي .. سفر بره ماكوووووووو .. انسي .. لا انا ولا ابوج راضين .. طاوعناج على سالفة التوفل وماقلنا شي لانه ماراح يضر ويفيد .. وكاهو الحمدلله خذيتي ويبتي فيه نسبه حلوه .. اشتبين بعد؟؟

كل التخصصات موجوده اهني بالكويت .. اشحقه السفر بره بعد؟؟

شيخه (شوي وتبجي): لا مالي شغل .. ابوي مواعدني يخليني ادرس بره .. اهوا قايلي تخرجي وابشري بالخير ..

بو مشعل: اي وانا صاج (توه داخل البيت) .. قلتلج ابشري بالخير .. علشان جذي رحت اليوم افرفر بوكالات السيارات ادور لبنتي الحلو شيوخه .. سياره مافي منها .. اشتبين بعد؟؟

شيخه (ماقاومت وبجت لما كلمها ابوها): مابي سياره .. مابي ادرس اهني .. انت قايلي ..

بو مشعل: انا ماقلت لج شي .. قلت يصير خير بس ما وعدتج باي شي .. وبعدين ماعندي بنات تسافر تدرس بره بروحها!

شيخه: اشمعنه خليت مشعل يسافر؟؟

بو مشعل (عصب): مشعل غير .. ريال يقدر يشيل نفسه .. اما انتي لو يصير لج شي والا اتعرضين لموقف والا شي لا سمح الله بتقعدين تبجين وتصيحين وماتعرفين ادبرين نفسج برا!

شيخه: امبلا اقدر .. انتوا بس عطوني الفرصه وراح اثبت لكم كلامي..

بو مشعل: من غير ما تثبتين .. ندري انج قدها واقدود بس كلامي واضح .. مافي سفر يعني مافي!!

شيخه : بس يبه .. (وركضت دارها تبجي)



******************************** يتبع!


​

 

[rawona]

عمادة القبول والتسجيل : جامعة الكويت

بو مشعل لموظفة التسجيل: هذي كل الاوراق اللي طلبتوها .. شلون على قبولها؟ سمعت المتفوقين قبولهم فوري وماينطرون النتيجة بالجرايد؟

الموظفه: اي عدل .. باي كلية تحب تسجلها؟

بو مشعل يطالع الورقة اللي كاتبتها له بدرية .. فيها الكلية اللي سجلت فيها حنان ..

بومشعل: علوم ادارية ..

الموظفه بعد ماخلصت اجراءات التسجيل: تفضل .. خل اتيي بنتك بعد شهر علشان تسجل موادها .. وهذي ورقة الموعد .. لازم اتيبها معاها بيوم التسجيل ..

بو مشعل: انشالله .. يالله يعطيج العافيه ..



****************************** يتبع..



بنااااااااااااااااااات انا تعبت من الصبح قاعده أألف واكتب وأنزل بارتات "زمثل ما وعدتكم امس" نزلت بارتات طويله ووايد .. انشالله بس اشوف تفاعل اكثر وصدى حلو راح انزل بارتات يديده وتشوق العصر ..


ترى القصه باولها لووووووووووول للحين ما ابتدت الغراميااااااااااات .. واللي متشوقه للرومانسيه والحب .. توريني تفاعلها معاااااااااي :ggdw:

يالله القاكم على خير انشالله

​

 

[مـ سهله ـو]

متااااااااااااااابعة بقوة

 

[It'S Me]

عاااااااااااااااااااااشت روووووووووونه


لالالالالالالالالا يوقف لالالالالالالا يوقف

كملي تكفين

 

[aldana]

عفيه عليج رونه ................ خوووووووووووووش شغل .............لايوقف <<<<<<<<< حد الاندماج
لاتحاتين انا و Its me موجودين و نساندج ,,,,,كل وحده منا عن 10

 

[aldana]

يعني خلاص ماكو شي الحين .............مافيني صبر لي العصر

 

[rawona]

متااااااااااااااابعة بقوة

حياج الله حبيبتي .. ماقلتيلي رايج بالقصه للحين؟ ملاحظاتج؟

والله يهمني رايكم بنات .. شلون القصه للحين؟؟ ماشي حالها .. والالا... ؟ ​

عاااااااااااااااااااااشت روووووووووونه


لالالالالالالالالا يوقف لالالالالالالا يوقف

كملي تكفين

اممممممممم والله ماني رادتج لووول


ماكنت بانزل اي بارت قبل العصر .. لاني اصلا ماكتبت باجي البارتات للحين بس علشانج بانزل بارت صغيرونو ​

عفيه عليج رونه ................ خوووووووووووووش شغل .............لايوقف <<<<<<<<< حد الاندماج
لاتحاتين انا و its me موجودين و نساندج ,,,,,كل وحده منا عن 10

بعد عمري والله .. مشكوووووره على المتابعه .. وتستاهلوون البارت الياي ​

 

[rawona]

بعد مرور سنه..

كلية العلوم الادارية: العديليه (مكانها سابقا)



شيخه: اوووف ملل .. شوفي الساعه جم صارت؟؟ ... اذا ما يا الدكتور بعد 10 دقايق باطلع واخليه!!

حنان: يالله صبري باجي 5 دقايق وتصير وثلث اذا ما حضر الدكتور كل السكشن بيطلع مو بس انتي..

شيخه: مادري متى انتطور! ايي ماراح اتيي خلهم يلزقون اعتذار على باب القاعه! مو تلطعنا وتكشت!


حنان: يالله .. سرينا .. شوفي الطلبه قاعدين يطلعوون ..

شيخه: يالله ..

حنان: وااااااااااااااااي شبنسوي الحين؟؟ ملل عندنا فراغ 4 ساعات .. تسوى نرجع البيت؟؟

شيخه: والله مالي خلق شي! اذا تبين تردين انتي كيفج .. انا ابي اطلع اتمشى! مو طايقه الكليه!

حنان (اطالع رفيجتها بعتب): شيوووخ .. لي متى راح تظلين على هالحال؟؟ مايصير جذي .. كله بتنحاشين وبس! طالعي نفسج!! شوفي الحاله اللي انتي فيها!! من داومنا بالكليه وانتي ما اطيقين تقعدين فيها دقيقه وحده! من تخلص المحاضره .. خذيتي سيارتج وشخطتي! حتى ساعات الفراغ ما تقعدين فيها معانا بالكليه ..
وحتى البنات (هنادي و ريم و اسيل) << بنات تعرفوا عليهم اول السنه بالكليه وصاروا شله ..

حنان (تكمل كلامها بعصبيه): حتى البنات دايما يقولون شفيها شيخه؟ متضايقه من شي؟ عمرهم ما شافوج مبتسمه!! انزين اهم بالطقاق ما تعرفينهم عدل .. انزين انا؟؟ مافكرتي فيني؟؟ .. "تبجي حنان" : شيوخه .. والله فاقدتج.. فاقده ضحكاتنا .. سوالفنا .. شطانتنا ... فاقده شيوخ .. اللي دوم تضحك وتسولف واللي اذا طحت اسندتني .. واذا بجيت امسحت دمعتي .. وين شيييوخه رفيجتي ؟؟ وينهااااااااااااااا؟؟؟ رديها لي بليييييييييييز !!

شيخه .. انصدمت .. وحست ان حنان صاجه بكل كلمة قالتها .. كلام حنان لها مثل الكف اللي صحاها!! مو ذنب رفيجتها باللي صار لها .. مو ذنب حنان باللي سواه ابوها .. الذنب ذنبها اهي .. ايي ذنبها .. لازم تصحى من احلامها .. وتتقبل واقعها .. وتتعايش معااااااااه .. ماتقدر تعيش بالاحلام للابد .. ماتقدر تلوم ابوها على احلامها السخيفه!! ... لا امبلااااااااا.. اهو السبب .. اهو اللي خلاها تتمادى باحلامها .. اهوا اللي خلاها تحلم بحياتها بره .. اهوا اللي خلاها اتصدق احلامها واوهامها .. اهوا اللي شجعها على الاستمرار .. اهوا السبب!! لو مفهمها من البداية ان طلعتها برا الديره مستحيله جان تعايشت مع الفكره وتقبلتها بكل بساطه وعاشت واقعها عادي حالها حال اي بنت ثانيه .. بس اهوا كل ماقالتله عن احلامها .. يشجعها اكثر ويقولها ليش لا؟ وانشالله.. كل هذا علشان تشد حيلها بالدراسه وتتفوق وتنجح وتحقق اللي تبيه .. خذاها على قد عقلها واهي صدقته!!


الله يسامحك يبه .. اشفايدة النجاح والتفوق الحين؟؟ ..

طالعت شيخه حنان .. تلاقت العيون المدمعه .. وتراضت النفوس .. وابتسموا لبعض وطاح الحطب!!




****************************** يتبع!


​

 

[It'S Me]

eeeeeeeee walla methel magalt aldana

e7na 3an 10 bs tkfeen la twagfeen nby al7eeb 2 parts ( 7addy mo 6ama3a ) plz

o kamlay el3a9er

 

[It'S Me]

yeeeeeeeeeey wanasa thnQ 7abebty

khoosh part

y36eech el3afya o e7na belentethaaar

bs ared elbeeet 7ada online shakla mako noma el3a9er

 

[aldana]

waw يالله كملي ............. انا العصر ماراح ادش النت .........يمكن على 8 او 9 ...........مافيني اصبر بعرف تقفاصيل اكثر
انا قاعده لي 2 يالله

 

[عاشقة الصمت]

كمللللللللللللللللللللللللللي روووووووووووون عفية

واااااااااااي والله عورني قلبي على طلال وسعود

وهذي بالله فطوم يبي لها شنق

 

[aldana]

waiting
waiting
waiting
waiting
waiting
waiting

 

[غـــلا روحـــي]

ياناااااااااااااااااااس بفهم كم طلال في القصه


مره في امريكا ومره في الكويت وشلون؟؟

 

[aldana]

حبيبتي هو نفسه طلال الي بالكويت راح يدرس بامريكا