قبل ماتطلق من زوجى

[أم فـرح الحلوه]

رد : قبل ماتطلق من زوجى

انتي كتبتي سالفتج لانج محتاجه النصيحه
اذا تتقبلين مني النصيحه بنصحج وانتي حره بقرارج

اولا :حملج بوقت قرارج بالانفصال خيره من الله لسببين ---- الاول الله مايبيج تطلعين جدام رفيجت عمرج خاينه ثانيا يبيج تصبرين على ابتلاء رب العالمين بزوج عاطل عن العمل هذا اختبار من الله عسى الله يجازي صبرج خير

ثانيا : الشخص الثاني خان زوجته معاج مو لانه يحبج بل لانه مو حاب مرته ويبي البديل بأي شكل مو شرط انتي بدليل انه طلقها وخطب وبيتزوج غيرج مع انه قال انطر العمر كله يعني على قولت المثل ( حجي مجمع تعال واتسمع )

ثالثا : طلق رفيجتج يعني علامه من الله عطاج فرصه تطلبين المغفره والتوبه واتردين حق صديقة عمرج وتواسينها بظيقتها ( قال صلى الله عليه وسلم (( كل ابن ادم خطاء وخير الخطائين التوابون)
عن انس ابن مَالِكٍ رَضِيَ الله عَنْهُ قَالَ: سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: " قَالَ: "وَالَّذِي نَفْسُ مُحَمَّدٍ بِيَدِهِ لَوْ أَخْطَأْتُمْ حَتَّى تَمْلَأَ خَطَايَاكُمْ مَا بَيْنَ السَّمَاءِ وَالْأَرْضِ ثُمَّ اسْتَغْفَرْتُمْ اللَّهَ عَزَّ وَجَلَّ لَغَفَرَ لَكُمْ "وَالَّذِي نَفْسِي بِيَدِهِ لَوْ لَمْ تُخْطِئُوا لَجَاءَ اللَّهُ عَزَّ وَجَلَّ بِقَوْمٍ يُخْطِئُونَ ثُمَّ يَسْتَغْفِرُونَ اللَّهَ فَيَغْفِرُ لَهُمْ


رابعا : ادقين على شنو عشان اتخربين بيت الثانيه اللي عرسها بعد شهر؟ اذا انتي مشوشه لا تشوشين على غيرج وخلي الريال يمشي بحياته مع اللي اختارها .

خامسا واخيرا : انتي سويتي شي زين لمن ابتعدتي من نفسج والله شاله من بالج بفترت ولادتج الحين اما تكلملين الطريج الصح اللي بديتيه بروحج من غير نصيحة احد او ترجعين للغلط اللي فعلا كبير عند الله ولا بعمرج بتوفقين من حوبت الاثنين ريلج ورفيجتج

والله راح يجازيج على هدايتج بالخير ويفتح باب الرزق لزوجج عشان عيالج ادعي ربج يعدل الحال بينج وبين ريلج كثر ماتقدرين ..

ولاتستحين انتي لا اول ولا اخر وحده تغلط الرك على اللي مايتوووووووووب واحنا مو ملائكه..!

موفقه

معاها حق وكفت ووفت وياقلبي ترى النعمه زوالها ولاتنسين انتي عندج بنات ويمكن ابتلاء ان زوجج ماعنده وطيفه ان شاء الله ربي بغنيه مالج الا الصبر ولاتهدمين بيتج بيدج ...
وربي يوفقج ويسرلج امرج ويستر علليج....

 

[الصبر_وياك]

اتمنى انج تستعبطين

 

[فاطمةhz]

بقيت اسأل زوجك يدري وما طلقج ولاهزته مشاعر الغيره والرجوله وعادي حملتي منه يعني يدري انج خاينته وعادي يمارس الحياه الزوجيه
الصراحه معذوره يطيح من عينج وعين الخلايق
وانتي عندج عيال وصديقه مقربه ااتمنتج على ريلها وخنتيها
كاسره خاطري لامن صديقه ولا من زوج
وعيالج وبناتج تقدرين تحطين عينج بعينهم يعني انتي تستاهلين كلمه ام الام اللي تكون منبع الصافي للاخلاق
لا تزعلين من كلامي بس انا مذهوله من قصتك جد موقصدي شي ادري تبين النصح
بس حبيبتي انتي لازم تعرفين انج هدمتي بيوت وخنتي يعني ليلحين فيج حيل تواصلين خيانه
مافكرتي برفيجتج هذا بعد على صعيد الانسانيه مابالج عند ربج
خو زوجج لا تعليق
مافكرتي ببناتج خلاص مسحي الماضي لانه ماضي اسود مسحيه مسحيه سويله دليت
غسليه حرقيه دوسي عليه لاترجعين للماضي

كرسي نفسج لتربيه بناتج وتربيه نفسج كوني حره لاتقيدج الرذائل
ترى الله يتوب عل بني ادم حت لو كانت ذنوبه كزبد البحر
اذا مو هامج ربج او حلال او حرام يعني قصدي ماتفكير تفكير ديني
فخليني اقولج اللي سويتيه واذا بتستمرين فيه
فلا عقل ولا منطق ولا قانون ولا دوله ولا غابه
يرضى عليه
والله يهديج*

 

[tmtmt]

يعني قطعتي علاقتج فيه
مو عشان حرام ولا خايفه من ربج
ولا عشان عيالج

عشان رفيجتج !!

غريبه ماعندج الاحاسيس الاوليه وعندج الاخيره

الله يهديج ان شاءالله
ويستر عليج وعلى عيالج

 

[alsn3aa]

رد : قبل ماتطلق من زوجى

اقصد شورو على اكلمة وارجع لها ولا خلاص انساه مع انى مو قادرة انساها

حلفي ..... من صجج تبينآ نشور عليج
شتبين اقولج والله انج خوش وحده استغليتي فرصه زعل رفيجتج من زوجهآ ودخلت بينهم نفس الشيطان وفرقتيهم وخنتي زوجج وبيتج وعيالج
زوجج عاطل عن العمل ...؟
خير يا طير انتي لو فيج خير جان بدال ما انتي مقابله زوج رفيقتج قابلتي زوجج وواقنعتيه يرد يشتغل بدال ما انتي شغاله تلفونات مع زوج رفيقتج
شطوره حبيتي خليتيه يعيف زوجته ويطلقها وانتي كملتي حياتج ولا كان شي صار
واللحين لمن جا يبي يخطب بتردين تكلمينه
صراحه الله يعينج ع نفسج .....

 

[شووكولاته]

لاتضيعين أسرتك عشان نزوه. هذا. الشيطان يوسوسلج تعوذي من الشيطان وحمدي ربج عالنعمه. عندك عيال وبيت

 

[al.brnsesa]

.؟! ... .؟!

استغفري ربج وردي حق زوجج

 

[بكل براءة]

رد : قبل ماتطلق من زوجى

ليش انتي انانيه ليش مانصحتي صديقتج تتمسك بزوجها وليش ماعلمتيها شلون تحب زوجها مثل ماحبيته انتي ليش كله فكرتي ان انتي الي تحبينه بس واهي ماتحبه ؟؟؟ مو حرام عليج خربتي بيتها واخذتي حلال زوجها يعطيج على حسابها وتقولين صديقتج ؟؟ حسافه على الصداقه اذا جذي مفهومها عندج بصراحه عقلي مو راضي يستوعب او يشرح لج فافضل شي اني اسكت بس للمعلوميه انتي انااااااااااااااااااااااااااااااانيه

 

[أم حورية]

رد: رد : قبل ماتطلق من زوجى

انتي كتبتي سالفتج لانج محتاجه النصيحه
اذا تتقبلين مني النصيحه بنصحج وانتي حره بقرارج

اولا :حملج بوقت قرارج بالانفصال خيره من الله لسببين ---- الاول الله مايبيج تطلعين جدام رفيجت عمرج خاينه ثانيا يبيج تصبرين على ابتلاء رب العالمين بزوج عاطل عن العمل هذا اختبار من الله عسى الله يجازي صبرج خير

ثانيا : الشخص الثاني خان زوجته معاج مو لانه يحبج بل لانه مو حاب مرته ويبي البديل بأي شكل مو شرط انتي بدليل انه طلقها وخطب وبيتزوج غيرج مع انه قال انطر العمر كله يعني على قولت المثل ( حجي مجمع تعال واتسمع )

ثالثا : طلق رفيجتج يعني علامه من الله عطاج فرصه تطلبين المغفره والتوبه واتردين حق صديقة عمرج وتواسينها بظيقتها ( قال صلى الله عليه وسلم (( كل ابن ادم خطاء وخير الخطائين التوابون)
عن انس ابن مَالِكٍ رَضِيَ الله عَنْهُ قَالَ: سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: " قَالَ: "وَالَّذِي نَفْسُ مُحَمَّدٍ بِيَدِهِ لَوْ أَخْطَأْتُمْ حَتَّى تَمْلَأَ خَطَايَاكُمْ مَا بَيْنَ السَّمَاءِ وَالْأَرْضِ ثُمَّ اسْتَغْفَرْتُمْ اللَّهَ عَزَّ وَجَلَّ لَغَفَرَ لَكُمْ "وَالَّذِي نَفْسِي بِيَدِهِ لَوْ لَمْ تُخْطِئُوا لَجَاءَ اللَّهُ عَزَّ وَجَلَّ بِقَوْمٍ يُخْطِئُونَ ثُمَّ يَسْتَغْفِرُونَ اللَّهَ فَيَغْفِرُ لَهُمْ


رابعا : ادقين على شنو عشان اتخربين بيت الثانيه اللي عرسها بعد شهر؟ اذا انتي مشوشه لا تشوشين على غيرج وخلي الريال يمشي بحياته مع اللي اختارها .

خامسا واخيرا : انتي سويتي شي زين لمن ابتعدتي من نفسج والله شاله من بالج بفترت ولادتج الحين اما تكلملين الطريج الصح اللي بديتيه بروحج من غير نصيحة احد او ترجعين للغلط اللي فعلا كبير عند الله ولا بعمرج بتوفقين من حوبت الاثنين ريلج ورفيجتج

والله راح يجازيج على هدايتج بالخير ويفتح باب الرزق لزوجج عشان عيالج ادعي ربج يعدل الحال بينج وبين ريلج كثر ماتقدرين ..

ولاتستحين انتي لا اول ولا اخر وحده تغلط الرك على اللي مايتوووووووووب واحنا مو ملائكه..!

موفقه

كلامها عيييين العقل

تعوذي من ابلييس حمالج كاااان خيرة لا تخربين على عمرج وتخربين على الريال

ويمكن هذي فرصة عشان تردين حق رفيجتج وتقوليلها ان بعدج عنها كان لظروووف وما تقدررين تشرحينها

الله يوفقج ويهديييج

 

[summer's day]

رد : قبل ماتطلق من زوجى

ما أقول إلا الله يهديج!!
متزوجة وهذي سوالفج؟ بتضيعين عيالج جذي

 

[أإلع ـشق دلع ـهـأإ]

.





























صدقيني بكرآ أنتي اللي رآح تآكلينهآ ..

لآتصدقين الريآجيل .. ترآهم جذآآآآآآآآآآآآآآآآآآآبين ..

بوقت الجد يبيعونج ..

خلج عند زوجج أبو بنآتج ..

ليش تدقين عليه وأهو يبي يتزوج .؟ تبين تخربين حيآته .؟ تبينه يرجعلج .؟

يمكن يرجعلج بس مآرآح يتزوجج .!!

الله يستر عليج ..





























.

 

[غــلآ]

رد : قبل ماتطلق من زوجى

انا غبية ان ماتطلقت من زوجى واتزوجتة وكان يدرى ان زوجى مايشتغل وكان يعطنى الا ابى بس فكرت فى بناتى وكلام الناس
اتصل علية واكلمة ولا مااتصل وسمعت قالو زواجه بعد شهر

اتمنى ان الله يقدرني على اني ارد عليج رد مناسب وقد مااقدر بدون تجريح

1- كـون ان ريلج مايشتغل وبينكم مشاكل فهذا مو مبرر قوي يخليج تخونينه وتطلبين الانفصال عنه خاصه مثل ماتفضلتي وقلتي ان الزوجه تكون صديقتج وثانيا عندج عيال . وتذكري دايم المثل اللي يقول " من خان لجلك .. يخونك " .

2- فكرتي في كلام الناس وفكرتي في بناتج .. مافكرتي بربج
انتي مشكلتج شغله وحده
انج مو عارفه حجم الغلط اللي طحتي فيه للاسف
انتي لو زوجج يبات عنج زعلان تلعنج الملائكه
شلون لو تخونينه .. مابي افتي واقول بس اعتقد ان يعتبر من الزنا

3- يعطيج اللي تبينه باي صفه .. وشلون رضيتي على نفسج انج تبيعين نفسج وعيالج وبيتج عشان شغلات تمنيتيها لمده ثواني !!

4- انتي غلطتي واصلا اللي بينج وبينه ماكان لا حب ولا خرابيط .. حبيبتي اللي كان فيج اهوا ناحيه نقص عاطفي
ولقيتي اللي يشبعها لج .. يعني لو زوجج ياج وسوا لج نفس اللي كان يسويه لج ريل رفيجتج تاكدي انج راح تحسين معاه نفس الاحساس .

5- بعد ماتركتي الريال وراح بطريجه وحال سبيله وطلق وخطب .. شنو بينفعج اتصالج ؟؟

للحين تفكرين تتطلقين عشانه .. اصلا دام انج بعتيه تاكدي ان هو اللي مايبيج حتى لو قالج تطلقي فراح يخليج تتطلقين ويقطج على صخر

انا اقول حبيبتي انت الحين ام عيال


فكري بعيالج وتركي نفسج بحالها

زوجج مايشتغل عادي جدا ترى وايد ناس ازواجهم ماتشتغل ومافيها شي ترى دام الريال زين معاج
بدل ماتساندينه وتوقفين معاه تحسسينه بعجز ونقص.. كلش ماله داعي

وكون ان بينكم مشاكل .. ماكو اي علاقه بالدنيا مافيها مشاكل هذا رقم واحد
والا عبالج لا اخذتي ريل رفيجتج بتعيشين ملكه وفي سبات ونبات بدون حنه ورنه وعوار راس فانتي للاسف للحين ياهل رغم انج بالثلاثينات وعندج عيال لان هالشي مايصير الا بالاحلام
ولاتنسين ان بين فتره والثانيه بتقعدين تقارنين واحتمال اهو يشك فيج كونج خنتي زوجج معاه وغير عيالج اللي بيتشتتون .. مافكرتي بكل هذا ؟؟

وبخصوص سؤالج ..

والله مادري هذا قرارج بس بقولج شغله

احنا البنات لا لقينا احد ييحبنا ويهتم فينا .. حتى لو قطعنا عنه فتره وسمعنا ان صار بقلبه غيرنا نحب نرجع ونفرض نفسنا بحياته
وللاسف اخر شي نكتشف ان احنا صرنا " ولا شي "
باختصار ..السنين تغير والتفكير يتغير والعمر يزيد

انا اقول يودي مينونج لا اييج اللي اين منه

واكيد في خاطري وايد كلام جارح بس مالي اي حق اني اقوله

انا مابط جبدي انج خنتي ريلج والا رفيجتج

لالا والله

هذا شي انتي سويتيه بالماضي وباجر بتتحاسبين عليه عند ربج انا مالي حق احاسبج

انا اللي باط جبدي انج للحين تفكرين تكلمينه !! شكو مادري
معقوله ام بالثلاثين للحين مراهقه .. !!


بكتفي بهالكلمه واتمنى تفكرين فيها الف مرة


وسمحيلي اذا جرحتج

واكيد خير الخطاؤون التوابون حبيبتي توبي لربج ترى اللي سويتيه شي جايد وكبير
محد بينفعج باجر لا ريلج ولا ريل رفيجتج ولا عيالج لا انحطيتي " بقبــــر " ​

 

[سارووونه22]

الله يهديج

 

[قاهره عذالي]

رد : قبل ماتطلق من زوجى

استغفر الله يارببي
اعقلي اعقلي

اللي سويتيه من سنين هو الصح

انج تبقين مع زوجج ابو عيالج

وانتي مالج علاقه فيه
اللي سمح لنفسه يسوي علاقه مع صديقة زوجته وهي متزوجه ويقولها تطلقي من زوجج واتزوجج

هذا اسمحيلي انسان حقير ولعوب

هذا هو يحب صديقتج ومل منها وحب ينوع فيج وبعد سنين راح طلقها وتزوج غيرها

زوجج عاطل عن العمل بس ترا ابو عيالج وتاج على راسج
لازم تصونينه
واحمدي ربج ان الله ستر عليج وهداج

 

[*غنج*]

أبيييييييييييييي


 

[غيمه ظميانه]

رد : قبل ماتطلق من زوجى

يعني بالذمه تشاورينا ترجعين لزوج صديقتج ولالا

ما تذكرينه الا يوم انه خطب

شالأنانية اللي فيج تبين زوجج لج وتبين رفيجتج وتبين زوجها ما يتزوج

استغفر الله

اعقلي شكبرج وهاذي سواتج ترا الرجال ما يهمه الحريم وااجد عبالج وقفت عليج كاهو خطب ولا درا عنج هذا مبين عليه يتعلق شوي وينسى


الله يصبر زوجج عليج

 

[ميار2010]

رد : قبل ماتطلق من زوجى

الله يهديج

 

[أنا Top أنا]

رد : قبل ماتطلق من زوجى

خليه لا تدقين عليه ما يشووووووووووف شر

والله يرزقه بالعيال من المره الجديده .. وانتي مالج الا رجلج .... بسسسسسسسسسسس!

 

[صمــت_ALsHfaaH]

لاااااا تعلييييق

 

[موكا بالكراميل]

ريال خاين وفوق هذا أناني طلق رفيجتج بس لأنها ما اتييب عيال يعني جرحها مرتين

وانتي فوق هذ تسألين أدق عليه والا لا !!

اللي معورين قلبي بقصتج زوجج ورفيجتج فقط لاغير والله يهديج ويبعدج عن هالطريج..