قبل ماتطلق من زوجى

[زبدة ككاو]

رد : قبل ماتطلق من زوجى

إلحيــن عقب كــل إللي ســويتيــه آخــرتهــآ خربتيهــآ
الله يهــدآج يعنـي تطلقتـي وخلصتـي ليــشش مــآخذتيـه
يوم كنتي متزوجـه ونقــدر نلومج ونقـول إللي سويتيــه غلط بــسس بعد الطــلآق هونتي .. ؟!

 

[بخـــارى]

رد : قبل ماتطلق من زوجى

لاحول ولاقوة الا بالله

 

[عيش و مرق]

هذه بليس قاعد يلعب عليج وقاااااااص عليج عدل واهو الى يوزج ويقولج دقى على مدام مشيتى بحياتج خلاص حبيبتى كملى وشدراج اذا تطلقتى بتعيشين سعيده معاه وهلبنات وين يروحون
لاتخربين حياتج وتشتتين بناتج بيدج كبرى عقلج

كلنا عندنا ظرووووووف وعايشين حياتنا مو مقتنعين اميه بلميه بس خلاص هذه قسمتنا

 

[-Bello-]

رد : قبل ماتطلق من زوجى

اكيد لاتكلمينه .. وانا مع راي ديفا الكويت

 

[روحـــ تحبك ــي]

يابنات خلوا اسلوبكم بالحوار ارقا شفيكم كل ما اقرا موضوع فيه كلام جارح
المرا تبي النصيحه وانتو تقولون لها قليلة ادب !!!!
لاحول ولاقوة الا بالله انا انصحج انج تنسينه وتكملين حياتج لان حرام اللي تسوينه
مادام عندج ريل وعندج بنات حرام تهدمين كل هذا وتصيرين انانيه بحق بناتج واهو انسينه
بس غلطتج انج خنتي رفيجة عمرج وانسقتي ورا مصلحتج ونسيتي العشره كلها الله بهديج بس !

 

[حبيبتي إختي]

رد : قبل ماتطلق من زوجى

حبيبتي لا تتصلين ولا تدقين وخليه يستمر بحياته مع اللي اختارها
قررتي تصلحين غلطتج من قبل وفعلا مشيتي في الطريج الصحيح وهديتيه واتفرغتي لبناتج ..
لا تخلين ابليس يوسوس لج ويخليج تردين للغلط مرة ثانية .. والله يهديج.

 

[sweet heart]

واااااااي ياربي لا حول ولا قوة الا بالله..
..ليش قاعده تسوين جذي؟؟؟
ما اقدر انصحج صراحه احس ماراح يفيد لان اذا ضميرج
ماردج عن كل هالسوالف والخرابيط اللي تسوينها ردي ونصيحتي بتغيرج..
صججججج ناس تخاف ما تختشيش

 

[حبيبي وبس]

الله يعينج هذا ابليس يوسوس لج
خليه يولي لادقين عليه وارضي بنصيبج

 

[nona kwt]

ليش ليش بنات هالسب فيها وممادري شنو ترا في اسلوب احسن من جذي اهي طلبت النصيحه ردوا عليها باسلوب احلى من جذي واعتقد مستواكم باسلوبكم علموها نا الي سوته غلط وبعدها شنو تسوي وغيره مو بالزف وترا كل انسان يغلط محد كامل...


حبيبتي الي سويته بالبدايه كان غلط واحسن شي سويتيه انج هديتيه حبيبيتي انسيه خلاص اذا مانسيتيه الحين بتنسينه لجدام وحياتج كرسيها لعيالج وزوجج حتى لو ان ريلج مايشتغل اكيد فيه اشياء زينه فيه يعني مثلا اهو مو متوظف بس على الاقل مايوكلكم من فلوس الحرام..

واذا عندج وقت فراغ استفيدي منه تعدلين البيت دشي منتديات تعلمي والله يخلي الكتب اقري بالاخير انتي المستفيده او اقري قران قعدي تاجري بشغلات تعرفينها

وحبي لاترديله ترا الله موجود انشاله يغفرلج ويسامح ع الي سويتيه اهم شي التوبه النصوحه والله يستر الجميع انشاله

 

[ناتشوو]

رد : قبل ماتطلق من زوجى

هي ماطلبت نصيحة
بس فضفضت
الله لا يبلانا بصديقة مثلج
الظاهر اشبعت غرورج علاقتج القديمة بأنج تقدرين تخطفين واحد من مرته
ولما شفت الرجال الحين كمل حياته تضايقت تبين تتأكدين من قدراتج
انا اقول احترمي سنج ( مابي اقول ياعجوز النار )

 

[نور مغليها]

رد : قبل ماتطلق من زوجى

_ لا حول ولا قوة الا بالله ...
انتي هدمتي بيت رفيجتج ... لا تزعلين من كلامي ادري قوي بس انتي خربتي بيت رفيجتج ليتج ما رافجتيها ...
استغفري ربج وتوبي لله ... انتبهي لبيتج وعيالج
المفروض انه ليما اتصلتي عليه اول مرا ورجع يتصل جان ما رديتي عليهـ
وحقرتيهـ مو كلمتيه وحبيتيه ليما طلق المسكينهـ ...
ع العموم انتي ارجعي لربج وحافظي على بيتج ...
ترا الدنيا دوآرهـ ... ومثل ما سويتي يمكن يصير فيج ............ :eh_s(8):
لا تزعلين مِننا اعتبرينا مثل خوآتج ...

 

[نور مغليها]

رد : قبل ماتطلق من زوجى

خلاص خلي الرجال بحياته مو خربتي بيت رفيجتج بتخربين بيت البنت الثانيه
خلاااص خلي الناس بحالها

 

[FANTAST!K]

تقولين زوجج جن جنونه وبعد سنه رضى يطلقج

مادري جنه فلم اجنبي ؟

 

[* بنت المطر *]

تفكيرج عين العقل ودام تركتيه معناته تحبين زوجج وبناتج وهوا كان مجرد شعور مؤقت حلاه الشيطان بعينج

ابعدي عنه احسن لج ولحياتج وبيتج وبنياتج

 

[لحظآتَ]

رد : قبل ماتطلق من زوجى

انتي للاسف اختي مو صديقه حقيقيه!!
انتي انانيـّه وماتستحقين صداقتهـآ وثقتها فيج بنت الحلال!!
ولا تستحقين ثقة زوجج فيه ولا حتى تستحقين الأمومه!!
كلامي جارح اعذريني
بس هذا اللي تستحقينه مافيه مجال للمجامله ولا الكذب!!

 

[لحظآتَ]

رد : قبل ماتطلق من زوجى

يابنات سؤال
اللي تقول لاتقولون كلام جارح ومدري شنو؟
بنت قاعده تقولنا ادق عليه ولالا
شتبونا نقولهآآآ الله يخليكم؟؟؟
رجاءً لاتجاملون ولااتحسسونها ان اللي سوته بسيط!!
خربت بيتها وبيت صديقتها وحابه تخرب بيت مرته الجديده!!
شسالفه يعني !! شيء غير معقووول
يعني رغم كل شيء للحين ماتابت وقاعده تسأل ادق عليه ولالا!!
وااااااااااااااااي الله لايبلانا!!

 

[Gatwa]

ياحرااام
ياسلام
كسرتي خاطري
لالا مستحيل
ريلج قالج ينطر لي اخر يوم بعمره عشان يطلقج وتاخذينا هااا
انتي ماتستحين وحدج فاضيه
وقمت الفضاوه واستحي على ويهج وللاسف والله عقلج عقل مينن حتى الميانين مو جذي تفكيرهم
سكيتي على العشق الممنوع يوم مهند عشق مرت عمه لا انتي شكلج حيل متأثره بالافلام التركيه
ولا بعد تسمينها رفيجتي
انتي الي ينطبق عليج المثل خاويني واخاويج واخذ ريلج واخليج اذا كانت صج السالفه
معنى اعتقد انها كلها فلم
واحده للاسف موكفو ارد عليج واتعب اناملي الذهبيه الي تنقط عسل

 

[ice-moon]

رد : قبل ماتطلق من زوجى


اختي؟

يعني زعلتي بخبر زواج زوج رفيجتج

ومازعلتي على رفيجتج انها تطلقت؟؟ واختربت حياتها بسبتج؟ انا مصدومه وين ضميرج شلون تنامين على المخده؟ وانتي

خنتي ربج

ريلج شريك حياتج وابو عيالج

وبناتج؟ قطعه منج ومن زوجج

وصديقتج ؟ اللي كانت تبيج تكلمين زوجها علشان تصلحين بينهم؟ وانتي هدمتي اللي بقى بينهم؟


لاحظي ماذكرتي ولا سلبيه على زوجج فقط انه عاطل عن العمل وهذا مو عيب فيه؟ ياويلج من الله انتي ماتستحقين هالحياة

بيت وزوج وعيال

ماتدرين انه في ناس تسوي المستحيل علاج وادويه وابر وعمليات ونفستهم تتعب كل هذا بس علشان بس الله يرزقهم بالذرية الصالحه

ويحسون بالأمومه

انتي ماتستحقين تكونين ام اسمحيلي هذا الصج


الله يهديج وينور دربج في طريق الخير ومرضات رب العالمين

 

[ام البنات 37]

الله يحبج انج حملتى ونسيتى والشيطان شاطر ربى عيالج وديرى بالج على بيتج وتحمدى ربج مليون مره ان امرج ما انكشف

 

[Diva-Q8]

رد : قبل ماتطلق من زوجى

البنات كفووووووووو وما اعتقد عندي شي ازيده


بس من قرائتي للردود اعتقد هذااااا كان افضل الردود مع اعتذاري لباقي خواتي الاعضاء


بس لو ما ذكرت الجمله الاخيره


(( ولاتستحين انتي لا اول ولا اخر وحده تغلط الرك على اللي مايتوووووووووب واحنا مو ملائكه..!))


نعم احناااااااا مو ملائكه لكن الله ما امرنا بمعصيه ونقوم بفضح مشاكلنا ونقول احنا مو ملائكه

الله سبحان وتعالي طلب الستر تخيلي في وحده مثل عند صاحبة الموضوع صديقه


ياحياتي مشكورة على تأييدج كلامي بس حبيت اوضح اني اقصد الجمله الاخيره واحنا فعلا مو ملائكه وهذا شي مفروغ منه ماعليه نقاش
والله سبحانه ماوجد المغفره إلا لانه في معاصي يرتكبها الانسان وليش تستحي من طلب النصيحه القسم هذا موجود حق المشاكل اللي من هل نوع

انشالله تكون وضحة النقطه